هل مشاعره مصطنعة

[مشكلتي]

صحا فطوركم
فتاة طلبت مني ان اكتب لها مشكلتها بعدما اعطيتها لمحة عن هذا المنتدى تقول:
"خطيبي يقول لي لاتفتحي الفيس بوك وهو عنده فيس, وعندما أذهب الى الجامعة يقول لي لماذا تطيلين الدراسة لماذا لاتذهبين الى المنزل يوميا بدل الاقامة مع انني بعيدة
يقول لي انه يخاف عليّ من الشباب وهو عنده فيس بوك
هل مشاعره حقيقية ام يتمسخر"

[اريج 07]

هههههههه عجبا سما كون قالك افتحي فايس بوك تكون مشاعروا صادقة

ياختي و ماتقارنيش روحك بيه هو راجل و نتي مرا
ان الرجال قوامون على النساء

راجل يدير واش يدير ميتعابش ماشي كيما المرا

خوذي برايو خيرلك و تبالي هاذي مش مشكلة تحطيها هنا نورمالمو تفهمي روحك وحدك ماشي حتان تسقسي الناس

[~رآقية بأخلآقي~]

يا أختي قوليلها مادام جاء خطبك و نتي قبلتيه و رضيتي بيه علاش راكي تحوسي على مشاعرو في هدا الوقت..لو كان مش حابك راهو ميكملش معاك غير تهني قوليلها ;)

[sunshine2013]

هدا هو الراجل يقولك ديري واش نقولك و ماديريش واش ندير

[لحن الحياة.]

اصلا الرجالة قع هذي طبيعتهم يشتو يقولك ديري كذااااااااااا وما تعمليش كذاااااااا و انا كذاااااا ونزعف ونعمل اتل تخيلي روحك في فيلم تاع الجوارح
عادي واش يقلك ديري وراه خايف عليك من الخلطة عادي علاه تحوسي تفهمي وتعبي راسك وتستهلكي طاقة في التفكير و السيد شابع نوم
وكي ولا عندو فايس اووووووومبعد ....ياك كي جا يخطب خطبك انتي ما خطبش الفايس خلاص خليه يدبراسو وش ضايعلك المهم تعيشي بسعادة

[rose de sable s]

هده غيرة من سيم رجال هو متحفظ و يخاف عليك لا تكبري موضوع

[*أم سجى*]

أنا بانتلي عادي وبالفعل يخاف عليها ومهتم لأمرها ....وزيد ملازمش تقارن روحها بيه فحكاية الفايس ووو....لأنو هو رجل..........

[خولة لبابة]

ان كان صحيح خطيبك.....هو عنده الحق لا يريد ان يكون لك فايسبوك هو ادرى و هو يخاف عليك.....لا نستطيع ان نقول ان كانت مشاعره صادقة او لا.....الله اعلم.....
لكن لو كنت مكانك انا ايضا سامنعه من الدخول الى الفايس .....هكذا لكي لا يكون لك شك....و الله اعلى و اعلم....

[سماح 2]

أنــآ نحير في الجمــآعة الي تقول , هو راجل المجتمع مـآ يعايبوش , وانتِ امرأة المجتمع رايح يحطكْ تحت رجليه , -_- يخي حلال عليهم وحرام علينــآ سبحـآن الله , الكل سواسية عند الله , والمجتمع كي يحاربك متهنيـــة رايح يصرالك واش مكتبلك ربي ,
قلهــآ تحل فايسْ والي يصرا يصرا ,كن مـآجاش معدي على العديد من التجارب مـآ يقلكش ما تحليش =)

[فافا مينوشة]

الله يهديك هو راجل وراه عارف وش كاين راه حاب يحافظ عليك ختي ربي يتمملكم بخير وانتي علاش حابة فيس بوك ومنعرف الانترنت ياما خربت ديار نعلي شيطان وحاولي تنصحيه بلين ومتنقرشيش عليه وكلشي يتحل ختي