سؤال فقط

[مشكلتي]

السلام عليكم

حبيت نسقسيكم برك خاصة الي عندو خبرة
أنا عندي ألم في الكلى من 3 سنين وكي نداوي يقولولي معندك
والو ، كل طبيب كيفاه يقولي واحد قالي عندك حجرة في كلية اليمنى
واحد قال عندي تراب في الكلية اليسرى واحد قالي ماعليكش عندك مجرد رمل صغير
المهم راني حاير خاصة كأنني شفت في النت بلي هذا المرض يطور يولي يصفولي الكلى بالماشينة راني مخلوع
الا كاين منها صح المعلومة ؟
المشكلة أني نروح نعالج ونداوي شحال من مرة يعطوني هذا الدواء في الغالب بارسيتمول وتحميلات ومضاد الالتهاب اللاسترويدي منيش عارف الااسمو هاك
ودواء آخر
المهم أدوية نحسها بسيطة مهش قد الالم والمدة الطويلة وانامريض فيها
نحس الأطباء كأنهم مصغرين المرض وكي نروح ليهم نحسهم زاربين هاك مايسمعونيش طول يقولولي اطلع دير الراديو وانا نديرو وهما يقولي ماعليك والو
بصح انا نحس حاشاكم بالالم من كتافي حتى للركبة وحتى وان صغر نحس بيه على الاقل في الكلية
تقلقت ياسر صراحة
نروح نداوي نخسر شحال ومبعد نلقى روحي نشري في دوليبران
سؤالي هو : هل هذا مرض مزمن ولا مرض عادي يتعالج ولازمني نواصل العلاج
فالحالة المادية سيئة وعلي أن أعرف ماذا أفعل .
أنا منيش مقتنع بالدواء نحسو معندو حتى علاقة بالمرض .

[اريج 07]

ىبي يشفيك اختي انشاءالله يفيدوك الاخوات

[أناييس الربيع]

حسب خبرة من حولي والتداوي بالاعشاب توجد عشبة وكل من استعمالها أتت نتيجتها
وهي "تيشخشخ" تسمى هكذا في منطقتي وهي مفتتة فعالة للحجر بالكلى
وأعرفها جيدا كيف تنبت بالارض ،وللاسف لا أعرف مسماها باللغة العربية الفصحى
وأسأل الله رب العرش العظيم أن يشفيك

[sunshine2013]

السلام عليكم
ربي يشافيك. اخي بصح نورمالمو في الايكو و لا الراديو يبان كلش المهم نتا عواد ديرهم باه تتاكد و شف طبيب يعالج بالطب البديل ادا لقيت و زيد عاون روحك. بالنت
انا لقاولي طين مراري دون مضاعفات بصح الالم فظيع ما اقتنعتش عاودا الايكو لقاولي الحجر و الطبيب قالي العملية مبعد الولادة علاخطرش راني حامل و عطاني مهدئات هدا مكان حبيت نجرب الاعشاب بصح كي حامل ما نقدرش راني متبعة ريجيم درتو وحدي من النت نقرا و نشوف اللي تخرج عليا حتى نشوف كاش علاج بديل و ربي يشفيك. و يشفينا جميعا

[جهينة اليقين]

نظن بالي راك موسوس برك بزاف الي عندهم الكلى ويداوو ومتزوجين وعندهم ذراري لو كان حالتك حرجة راهم قالو لك الاطباء الله يشافيك ويعافيك

[bello angel]

يا اخي رايي من راي الاخت راهي كاينة عشبة للحالات لي كيما حالتك و مفعولها ان شاء الله اكيد
خالتي كانت عندها نفس حالتك او اسوء لانو الاطباء طلبو عليها عملية و هبلوها الاطباء و في الاخير رتاحت بالعشبة هادي
اسم العشبة عندنا عشبة كسار لحجر معلاباليش اسمها بالعربية واش هو

[melissa lola]

خويا انت رحت لطبيب مختص في امراض الكلى و المسالك البولية ولاطبيب عام انا زوجي كان عندو حجرة فالكلى وهبطت ومنين ذاك يحكمو سطر في جنبو حتى يشرب الدوا وكي راح للطبيب دارلو الايكوغرافي و راديو وقالو ماعندك والو قالو قولون عصبي انا ثاني والله مااقتنعت وربي يجيب الخير

[~رآقية بأخلآقي~]

وعليكم السلام ورحمة الله أخي

ألم الكلى له خصائص معينة وأهمها أنه شديد جدا (حتى وأن الأمهات يقلن بأنه يضاهي ألم الولادة) وهو مميز و من خلال الوصف فقط يتم التعرف عليه

أنت قلت بأنك زرت عديد الأطباء و المؤكد أنك قد قمت بالايكوغرافي و من خلالها من المفروض يتم التعرف ما إذا كان لديك الحصى أم لا.....هذا نوع من أمراض الكلى

والنوع الثاني وهو الخاص بالوظيفة العضوية للكلى فلا يشترط فيه الألم حتى تكتشفه فالكثيرون من خلال أعراض جانبية أخرى تم اكتشاف مرضهم وهو فيه الكثيير من المراحل آخرها التصفية عفاك الله وإيانا منه...هذا الكشف عليه يقوم بإجراء تحاليل في الدم تكشف عنه...المؤكد أنك أجريت هاته التحاليل وتأكد أخي لو كان هناك إشكال في الكلى الخاصة بك لتم إخبارك لأنه من الأمراض التي تتميز بسرعة وسهولة التشخيص لذلك لا تقنع نفسك بأفكار قد تقع فيها يوما ما...

[ikrama09]

الله يشافيك اختي

[ikrama09]

انشالله يفيدوك الاخوات

[وليد1990]

يا أخي واصل العلاج فقط
اخطيك من العشابة
تاخذ رايي

[لمسة ابداع]

خويا شوف ماما كل ما تروح لطبيب يقولها عندك التراب في كلاويك. يقلها اشربي الماء بزاف
و انا ثاني في رمضان قتلتني كلوتي مناه اماء تاعنا ماشي صافي
بصح من الي عدت نشرب ماء سعيدة و الله الحمد لله
جرب اشرب ماء سعيدة و انشاء ربي يشفيك

[amoulette]

هناك حمام معدني اسمه حمام شيقر يقع في مدينة مغنية مياهه تعالج مرض حصى الكلى و كثيرون استفادو منه حاول الذهاب اليه

[علي لقواطي]

سبحان الله يا أخي كأنك تحكي القصة تاعي انا ثاني عندي تراب في الكلية منذ 6 أشهر و أطباء يعطوني غير في مسكنات الألم و المضادات الحيوية لآن تراب الكلية ماعنده علاج إلا عن طريق شرب السوائل بكثرة لطرح تلك الترسبات و أنا أيضا خسرت أموال طائلة في الإيكوغرافي و الأدوية بدون جدوى و إذا أحسست بالألم فهي علامة على أن الحجرة راهي هابطة .
.
..
.
ربي يشافيك

[أثيلة]

السلام عليكم اخي لا دواء و لا اعشاب
اكيد عندك رمل حاول انك تشوف عيون طبيعية و تشرب ماء تاعها ز تشرب قدر الامكان منهم و تاني لما توجعك حبس ماتشرب حتى يزول الالم
راح الماء الطبيعي يساعد انو الرمل يتلم و يصير حصى و بعدها ينزل عادي
و نصيحة كاين طبيب مختص في جيجل والله رائع زره و لن تندم امي عندها نفس المرض و هو ساعدها

[روح المي]

أكثر من شرب سوائل وربي يشفيك