طبيبة !

[مشكلتي]

ليست مشكلة بل فضفضة لا بد منها،لان المجتمع الذي نعيش فيه فعلا لا يرحم و لا يترك احدا مرتاحا.
طبيبة في 26 من العمر،تقدم لخطبتي العديد من الشباب من اطباء و مهندسين و اساتذة و ..و... لم يرق لي اي احد منهم و كلما صليت الاستخارة احسست بالنفور و رددت الجواب ب "لا ".
ابحث عن مواصفات معنوية معينة في شريك المستقبل ،وجدتها و الحمد لله في شخص تقدم لي منذ شهور.قبلت به و خطبت له بعدما قامت الدنيا و لم تقعد،لسبب لا اراه في الحقيقة وجيها لرفض الخاطب..فهو ليس جامعيا و لكن له حرفة و يعمل نجارا عند احد الخواص و هو بصدد فتح ورشة النجارة الخاصة به في غضون ايام ان شاءالله.شاب خلوق،من عائلة طيبة جدا،محترم و خلوق لابعد الحدود،متدين،وسيم جدا، يملك سكنا و يحضر لفتح ورشة، و الاكثر من هذا يعجبني و لا ارى نفسي مع احد غيره...الناس في مدينتي الصغيرة التي يعرف فيها الناس بعضهم بعضا بما فيهم اقاربي و اسرتي الصغيرة ،اصبح حديثهم هو الطبيبة فلانة التي خطبها فلان و علان ،اختارت ان تكون مع "نجار " ! .والدي و اخوتي رفضو الامر و حاولوا معي بكل الطرق لاقبل بغيره لكنني رفضت وواجهتهم و اصريت على اتمام الخطبة..الحمد لله،استطعت ارضاء والدي و اقناعهم و كسبهم الى جانبي و هما الان جد سعداء بقرب زفافي،لكن الناس من حولي مازالت افواههم لا تجد شيئا تتحدث عنه الا قصتي..مؤخرا قامت احدى معارفي الكبيرة في السن بعمل صبياني،اذ التقت بخطيبي في مصلحة البريد،اسمعته كلاما جارحا و قالت له بالحرف الواحد " الطفلة ماشي ليك ، و لي مش ليك يعييك "...يا الهي ،و ما دخلها لم لا تتركني في حالي!!!?

[اريج 07]

ههههه ناس فرغة شغل ربي يهدي اختي العيب ماشي واش يخدم المهم الدين و الخلق متراعيش لناس لي فارغة شغل خليهم يهدروا ولا يقعدوا نتي قابلاتو و هو قابلك و لي معجبوش الحال ميهمكش ههه والله تحير في الناس سبحان الله عادو يشوفوا غير للمادة ربي يهديهم

[مريم المتفائلة]

c vrai khtiti rabi m3ak psk ygolo tbiba wmethakfa tedi najar majayhh mais wlh ghir lmktoubb wnttii min habbitihh sur rah tetheni m3ah hbibaa rabi yhnikkkkkkkk

[thorpe]

ربي يتمم بالخير والباراكة

[مصطفى_س]

صحيح الناس يأثرو شوية بالصح تاكدي مادام انت قانعة و هو قانع و رضا الوالدين كاين اخلاص احمدي ربي
الناس ديما تهدر و ماشي الناس كامل لانو كاين الناس ملاح
تزوجتي والا لا ؟ كي تتزوجي جبتي دراري والا لا ؟ كي تجيبي اختنتي الولد والا لا ؟ راكي ختنتي الولد و مزال منابش ربي و ديري الدار ؟ .......و اسئلة كثيرة كل يوم يسألوها
انت عيشي حياتك ماشي للناس
و ربي يهدي ما خلق بالاخص المراة لي قالتلو الشيء لي خاطيك يعييك
عيشي حياتك يجي النهار و ينساو قصتك و تشغلهم قصة اخلاف

ربي يجمع شملكم

[صفيان 11]

وين راو المشكل و علاش طبيبة في هد الوقت و الله غير والو بلاك في الدشرة تاعكم دايرين الطبيب هو كلش او بلاك هد المشاكل لي راكي فيهم تاع هدوك الخطاب لي تكبرتي اعليهم كاش واحد دعا اعليك و راكي تخلصي

[nanoua7]

ديري لي يخرج عليك و خليك منهم الفايدة في والديك قابلين و انتي باغياتو هوما زائد ناقص برك ناس فارغة شغل ربي يتمملك ان شاءالله و يسجيلك

[طُمآح الذُؤابة]

اللهم أتمِمْ .. اللهم أتِممْ ..
يا ألفْ مبرُوك ، أختِ : )


1 . هذا أكبر عيب ( يتواجد ) عند أهل البلدة الصغيرة ==) الحراسة المشددة ..
لا تضيع منهم لا صغيرة و لا كبيرة ..
منشغلِين ببعضهِم البعض ..

أعلم ( قرَفْ ) ما تشعُرِين بهِ يا أختِ ..

2 . في الحقيقة أرى أنه لا خوف عليكِ و لا تعتبر مشكلة أصلًا ..
بما أنك أقدمتِ على هذه الخُطوة الجريئة جدًا ..
و بما أنكِ تميّزتِ في ( إختيار ) الشريك المستقبلي ..
لأن ( أكثرهن ) لهن .. مواصفات مشتركة حينما يكّن ذا مستوى دراسي ( عالي ) .

فأرجوا أن تستمِري في تميّزك .. و لا تكترثي بـ ( القيل و القال ) .


3 . لي حفنة من الأخوات المتزوجات ( أفضلهن ) عيشًا .. متخرجة من المعهد الشِبه الطبي
و زوجها ( مستوى تعليم الإبتدائي ) ..

الناس تحدثت .. العائلة رفضت .. هي أصرّت ..
تزوجت .. العائلة أسست .. لها ' طفلة و طفل ' ..
و مولود قادم .. ( راه يدِير فـ stop ) :D


لكنها كانت تحترِف ( اللامبالاة ) !

4 . أما الذي حدث معه .. فيجب التغاضي عن مثل هذه ( التصرفات ) .. كأن لم تحدث ..
إلا إذا زادت عن حدها ..

يقول الحاج مالكوم اكس رحمة الله عليه :
" منذ صغري تعلمت أنه .. لكي تحصل على حقوقك .. يجب أن تُحدِث بعض الضجيج !"

5 .
نقطة هامة : تحتاجِين لشخص ' يحسن الإنصات ' تُفضفضِين إليه ..
قريبة أو صديقة أو أو ..
خصوصًا في مثل هذا التوقيت ..

القيل و القال .. الكّم كبير .. قد لا تتحملينه ( حاليًا ) ==) الفضفضة تنفع ..
مع مرور الوقت سيتناقص ( الكّم ) .. فبإمكانك التحمّل لوحدك ..
و سيأتي ( وقت ) .. ينشغل تركيزك بـ " العائلة الصغيرة " فلا القيل و لا القال ..
ستُلقِين لهم بالًا ..


جمع الله الشمل .. في القريب العاجل ..
و ( رزقكما ) ==) عيشةً هنية .

[~رآقية بأخلآقي~]

الله غالب هذا هو مجتمعنا


ونحييك أختي على وجهة نظرك هاته وقوة شخصيتك وشجاعتك فالمؤكد أنك نتي أيضا تلقيتي صعوبات حتى من طرف زميلاتك لاني انا تاني في المهنة وعلابالي كيفاش رانا كامل نخممو

المهم ربي يهنيك ويصلح حالك يارب وألف مبروك مسبقا


والناس لازم تتحملي رايحين يهدرو أيامات فقط ومن بعد ليهم غير السكات

[first first]

يااختي الناس يحكو يحكو وينساو
ربما المحيط ضيق لذا المضايقات كثيرة
قصتك لاغريبة ولاعجيبة طبييبات كثر متزوجات برجال ليسو لامهندسين ولااطباء ولا من حاملي ش جامعية .....................واين العجب في ذلك؟؟؟
يعني لي مزالو يستعجبو ربي يهديهم ......................ياحبذا يوجهو اهتمامهم وعجبهم للكوارث الاخرى التي يسبح في المجتمع؟؟؟؟ ويلقاو حلول بصفتهم خبراء وحكماء وباحثين في الخصوصيات ؟؟؟والعموميات؟؟؟
مبروك و ربي يهنيك

[أثيلة]

شفنا و شبعنا والله ناس فارغة شغل ماعرفتش واش دخلهم
انا نحييك لانك اخترتيه لتدينو لا لشيء اخر قبل كل شيء و ندعيلك ربي يجمع بينكم فالحلال و في اقرب وقت يارب

[سفيان31]

وسيم جدا

والله اختى على حساب مافهمت من قصتك قبلت به للسبب اعلاه


وعلاش ماصلتي استخارة

[الواثق]

ارجو ان لاتطغى وسامته على باقي الشروط ......فالرجل والمرأة سواء.........اذا شاف الرجل مرأة جميلة اصبح يتصيد في محاسنها حتى يقتنع بها وان كانت بعيدة عن الاستقامة..........والمرأة تقنع نفسها بكل شيء ...فقره....قلة مستواه....قلة استقامته......من اجل انه وسيم ..........انا لا اتكلم عنك بل اتكلم عن العام الذي نراه.........فانصحك بتحكيم العقل قبل القلب والهوى .........فان ثبت انه صاحب دين وخلق فلاعيب في مهنته بل مهنته جيدة جدا ودخلها خير من الطبيب هههه والله الموفق........اما الشيننين والشينات فاصبرو فما عند الله خير وابقى ................والله المستعان

[لحن الحياة.]

ازعو منك كي عاد وسيييييييييييييييييييييييييم
ابداي تجهزي واخطيك من عريبة اذا بقيتي تسمعيلهم ما ياكلو على راسك البصلة (حاشاك )

[وليد1990]

الطبيبة والنجار عنوان رائع اخترته لك لروايتك هذه ....... يا أحلام مستغانمي

[وليد1990]

ازعو منك كي عاد وسيييييييييييييييييييييييييم
ابداي تجهزي واخطيك من عريبة اذا بقيتي تسمعيلهم ما ياكلو على راسك البصلة (حاشاك )

يا جيل ربي يهديك ههههههههههههههههه
لوكان جيت نقدر نرسلك رسالة خاصة نوريلك المواضيع تع هذا السيد باه متزيديش تعبي روحك وتتعيي المشاعر تاعك

[لحن الحياة.]

يا جيل ربي يهديك ههههههههههههههههه
لوكان جيت نقدر نرسلك رسالة خاصة نوريلك المواضيع تع هذا السيد باه متزيديش تعبي روحك وتتعيي المشاعر تاعك
:1::1::1::1::1::1::1::1::1:
ياودي اذا كان راجل راه منشطنا الحالة في قسم مشكلتي قصص ازين من تاع الف ليلة و ليلة هههههه

بصح الحق خدمت راسي فالرد ما فقتش :d

[لمسة ابداع]

ارضاء الناس غاية لا تدرك
ما تعبي راسك بحتى واحد شوفي الشيئ الي يناسبك ديريه كاين عباد مجرد افواه ناطقة ربي يهديهم حتى كون ديتيه طبيب رايح يكون فيه القيل و القال ابسطها عادت تكبر
ربي سهلك اختي و كيما يقولو زواج الدهر انشاء الله

[إيزابيل]

الطبيبة والنجار عنوان رائع اخترته لك لروايتك هذه ....... يا أحلام مستغانمي

الطبيبة والنجار هههههههههه هاذي حلوة ااه

[الدفن قبل الموت]

حسنا....انا صاحبة الموضوع و لست اخشى شيئا بالكشف عن هويتي هنا..
اولا ،شكرا لكل من ساهم في هذه الصفحة..ثم اقول لاوائك الذين ركزوا على كلمة واحدة في الموضوع و هي كلمة "وسيم جدا "،لا تكونوا سطحيين و اعترفوا بانني ذكرت هذه الصفة من بين عدة خصال اخرى كالاخلاق و التدين و العائلة الطيبة...فباي حق تتهمونني انني قبلت فقط من اجل الشكل..
اقول فقط للسيد وليد1990، كفاك شكا و سخرية،انا امامك فتاة و لست رجلا كما تزعم...صحيح ان النت ليس به امان و صعب ان نصدق ما فيه،لكن ليس من حقك اتهام الناس خاصة و نحن في رمضان..
و اخيرا،لا اقول انني ندمت على الكتابة في هذا القسم، فقد استفدت من الاراء الايجابية،لكن الناس السلبيون هنا اصبحوا كثر و هم يسيؤون لهذا القسم ..فعلا ،صدق من قال "الشكوى لغير الله مذلة "!

[الدفن قبل الموت]

ارجو ان يغلق الموضوع،فبعض الناس هنا ليسوا اهلا للحوار و النصح..حسبنا الله و نعم الوكيل