شربة فريك على طريقة البحر الصافي

[البحر الصافي]

السلام عليكم ورحمة الله وبركاته
اخواتي اليوم حابة نشارككم بطريقتي في شربة الفريك

واليوم وانا نطيب قلت هيا نصور باه يستفادو البنيات
الصغارات

شربة فريك
طريقتي سهلة ولذيذة والمبتدئات راح تعجبهم
اولا نجيب بصلة صغيرة وسنات ثوم وحبتين طماطم
وفلفل احمر يابس (قاوجة) نقطة فوق القاف منعرف واش تسموه
وهذا سر من اسرار الشربة لبنينة ولحم اودجاج وملح طبعا
نهرس الثوم مع الفلفل لي قلتلكم عليه والملح ا
انا كي يحمارلي الفلفل نغسلو ونحطو يبس
ونخبيه في بلارة ماكلتو مممم المهم بعد ماهرسنا الثوم
نقطع البصل رقيق والطماطم قطعي برك اي شكل لانو رايحة نصفيها من بعد
نرجعو للمفيد نحطو كلش في كوكوط ونقلي مليح ونضيف توابل راس حانوت
وفلفل احمر انا نستعمل الحار وكركم كي تتقلى نضيف طماطم مصبرة والسر الثاني
الطماطم حليها في شوي ماء سخون مترميهاش مباشرة تعطي لون جميل احمر للشربة نمرق شوي بماء سخون وبعد مدة
نكمل نمرق حتان يتغطى اللحم نخليها طيب
هنا نعطيك سر اخر كي تكوني تقلي في اللحم ضفي شوي نعناع يابس مممم على
البنة والريحة تهبل تهبل
http://d.top4top.net/p_173iqvq0.jpg

http://c.top4top.net/p_17321530.jpg


نغلق على الكوكوط حتان يطيب اللحم نحي اللحم ونصفي
بالكسكاس ونرمي عليه ماء سخون ونرجع لاصوص الصافية
في برمة الطين نحطها فوق النار كي تغلي نرمي لفريك بعد منغسلو
كي نغسل لفريك نزربو منخلوهش في الماء بزاف باه متروحش البنة
ونرمي معاه راس ولازوج فلفل مغلوق للبنة كي طيب لفريك نطفي وندير
ورقات نعناع اخضر اذا معندكش ديري اليابس فتفتيه بين صباعيك ونغطي لحين تسربي ومتنسايش الدبشة
نتمنى تكون عجبتكم طريقتي الكلام كثير باه نفهم لبنات المبتدئات
لاكن الطريقة سااااهلة ماااااهلة
نسيت نقلكم في برمة الطين الصغيرة نستعمل فنجان صغير تاع فريك
والصور توضح اكثر
http://e.top4top.net/p_17392x00.jpg

http://c.top4top.net/p_1730q5z0.jpg


شهية طيبة
دعوة الخير برك تكفيني

[kounouze78]

صحيتييييييييييييييييييييييييييي

[omjoujou]

امممممممم راهي وصلتني ريحة الشربة بحورتي يعطيك الف صحة

[ام عبدو و ملاك]

اااااااااااااااااااامممممممممممممممممممم البحر الصافي شهيتيني مع الصباح باينة بنينة وحارة يعطيك الصحة

[hayat boumerdes]

ما شاء الله بارك الله فيك

[البحر الصافي]

صحيتييييييييييييييييييييييييييي
الله يسلمك

[البحر الصافي]

امممممممم راهي وصلتني ريحة الشربة بحورتي يعطيك الف صحة
الله يسلمك ام جوجو تفضلي عندي

[البحر الصافي]

اااااااااااااااااااامممممممممممممممممممم البحر الصافي شهيتيني مع الصباح باينة بنينة وحارة يعطيك الصحة

الله يسلمك ام عبدو مايش حارة ياسر على جال رمضان نقصو لحرارة
اسمحيلي شهيتك

[البحر الصافي]

ما شاء الله بارك الله فيك

الله يسلمك

[الرجاء الاماني المجد]

بارك الله فيك البحر الصافي تبان بنينة ولونها رائع
انا عجبتني الطنجرة اعطهلي

[انا هي رزيقة]

ياي نموووت على ماكلتك بحورة و الله بانتلي مغرية مووووت يا خي مشي حارة .... خخخخ و راني ديت عليك سر النعناع اليابس في القليان الف شكر حبيبتي و ربي يحفظلك كل عزيز عليك يا رب و يجعل اولادك من الصالحين امين يا رب العالمين

[ام هدول]

امممممممممممممممم بحورة الطريقة ساهلة واضحة..وبنينة ربي يبارك فيك وفي وليداتك ...ويجازيك كل خير

[ام سارة18]

شربتك تهبل وضحكتيني على القاوجة حتى يما الله يرحمها كانت تحطو يهبل يعطيك الصحة على الجهد المبدول

[البحر الصافي]

بارك الله فيك البحر الصافي تبان بنينة ولونها رائع

انا عجبتني الطنجرة اعطهلي

الله يسلمك الرجاء
طنجرتي عزيزة عليا لاكن متغلاش عليك

[البحر الصافي]

ياي نموووت على ماكلتك بحورة و الله بانتلي مغرية مووووت يا خي مشي حارة .... خخخخ و راني ديت عليك سر النعناع اليابس في القليان الف شكر حبيبتي و ربي يحفظلك كل عزيز عليك يا رب و يجعل اولادك من الصالحين امين يا رب العالمين
زارتنا البراكة رزيقة شكرا ليك على الاطراء حشمتيني حتى ماكلتك تعجبني ياسر
والشربة مايش حارة متخافيش

[البحر الصافي]

امممممممممممممممم بحورة الطريقة ساهلة واضحة..وبنينة ربي يبارك فيك وفي وليداتك ...ويجازيك كل خير

ربي يحفظك ويحفظلك وليداتك زيارتك فرحتني

[البحر الصافي]

شربتك تهبل وضحكتيني على القاوجة حتى يما الله يرحمها كانت تحطو يهبل يعطيك الصحة على الجهد المبدول

الله يسلمك ام سارة فرحت كي عرفتي القاوجة خخخ
وربي يرحم يماك ويوسع عليها

[زهرة الريف*]

امممم بحورة الحقيقة أن الوصفات لي تحطيهم كامل هايلين على خاطر جربت منهم وأهمها الدبارة البسكرية وثاني فكرة الدقلة كل منجبدها نتفكرك وندعيلك والشربة اليوم تبان رووووعة شكلا ومن خلال شرحك الكافي والوافي تبان بنينة. ...بارك الله فيك وربي يصلحلك الذرية وينجحهم إن شاءالله

[ام خيرو]

يعطيك الصحة

[درصوفة]

ممممممممممممممممممممممممم تبان بنينة

[حياة نور الدين]

امممممم شميت رائحة الفريك والنعناع امممم وزيد حااارة ي
يا لهوي يعطيك الصحة بحورتي

[البحر الصافي]

امممم بحورة الحقيقة أن الوصفات لي تحطيهم كامل هايلين على خاطر جربت منهم وأهمها الدبارة البسكرية وثاني فكرة الدقلة كل منجبدها نتفكرك وندعيلك والشربة اليوم تبان رووووعة شكلا ومن خلال شرحك الكافي والوافي تبان بنينة. ...بارك الله فيك وربي يصلحلك الذرية وينجحهم إن شاءالله

اااااه يازهورة كلامك طاح على قلبي كي لعسل وخاصة دعاوي الخير
ربي يحفظك ويسترك وشكرا علىكل شيئ

[البحر الصافي]

ممممممممممممممممممممممممم تبان بنينة
بنينة صح شكرا

[البحر الصافي]

يعطيك الصحة

الله يسلمك

[البحر الصافي]

امممممم شميت رائحة الفريك والنعناع امممم وزيد حااارة ي
يا لهوي يعطيك الصحة بحورتي

هههه يعطيك الربح حياة الريحة جاباتك تجري
الموضوع نور بوجودك والله يسلمك

[إيزابيل]

افكار هايلة تسلم ايدك

[البحر الصافي]

افكار هايلة تسلم ايدك

الله يسلمك نورتي

[ام و ابنة]

اممممممممم
وصلتني ريحة الحار و النعناع حتى لهنا و مع هذيك المطلوعة قتلتيني
بارك الله فيك راكي افدت بزاف بنات
بصحتك انت و العايلة عزيزتي

[البحر الصافي]

اممممممممم
وصلتني ريحة الحار و النعناع حتى لهنا و مع هذيك المطلوعة قتلتيني
بارك الله فيك راكي افدت بزاف بنات
بصحتك انت و العايلة عزيزتي
شكرا ام وابنة مرورك اسعدني
وفيك بارك الله

[ماريا ايناس]

امممممممم يعطيك الصحة

[البحر الصافي]

امممممممم يعطيك الصحة
الله يسلمك اختي:mh92:

[sasa-09]

الله يبارك