سئمت كلمة بكالوريا

[L'ôNêly_GîrL]

تبا لم اعد اتحمل ... الرياضيات طيحتلي المورال ... اعتقد ان موضوع الدورة الأولى كان اسهل من هذا بنادم صايم و هوما زايدين يخلطولها في جدها عليه يا إلاهي يا الاهي الطف بنا نحن عبادك المظلومين
بصراحة ربما سيكون هذا اخر يوم لي مع البكالوريا من اليوم منزيدش نروح كرهولي كلمة باك .. ربي وكيلهم و بالتوفيق ليكم في باقي المواد

[منار العلم]

السّلام عليكم
لن يكون في ذلك إلّا الخير
هناك شيء آخر أجمل ينتظرك، لا تسئمي
كلّنا تحت هذا الضغط, وقنطنا وو ..
لكن الله يقول { ولا تيئسوا من رَوحِ الله إنه لا ييئس من رَوح الله إلا القوم الكافرون }
انطلقي من جديد
عسى أن يكتب الله لنا معدّلاتا جيّدة وممتازة لم نكن لنتوقعها ،

[***ريهام***]

ما الفائدة التي ستجنيها ان انسحبت انت كما تقولين تحطمت اذا كان كذلك كملي مواضيعك الاخرى اذا كانت النتيجة لن تحدث فرقا

انت الان مرهقة وجد تعبة ومع الصيام تكلمت كلمات لاتطابق شعارك الذي هو بتوقيعك صدقيني بعدما تهدأ اعصابك ستعودي للعمل

استعيذي من الشيطان وهيا لنراجع الفلسفة ولاذكرك اعرف فتاةبالعام ماضي تحصلت على 13 في المات وفي الفلسفة 18 فكان المعدل 16 يعني لا تحكمي على الرياضيات فقط لازال لديك أمل

موفقة

[ino sweet]

هذا يسمى هــــــــروب

ماخدمتيش فالرياضيات تخدمي فالفيزياء و العلوم ان شاء الله مازال الخير

ما تروحيش عام كامل في باطل

[سماح 2]

-___- تتمسخري ,, !
أختي جابت معدل 16 في الباكْ ,, ودات 13 في المــآتْ ,, أنــآ جبت 15 وديت 14 فيهـآ والله ماتدري , كيفاه مزال العلوم والفيزيك يهزوووك خلاه , والمواد الادبية ,, الي حاب يجيب مليح لآزم يخدم في كلش

كووراج بركْ وروحي ارقدي شوي وبداي راجعي ,

[manel 26]

السلام عليكم


الاخت الرياضيات معامل خمسة صح كبير مي كي تشوفي معامل المواد الادبية يساوي مجموع المواد العلمية و زيد فيزيا و علوم مازالو

بزاااف عندهم مشكل مع الماات

بصح جابو الباك و نورمال اذا كانت نقطة ضعفك الرياضيات خلي المواد الاخرى هي نقطة قوة ليك لازم تعوضي وش فاتك

و الاستسلام بداية الفشل

كملي حتى لافان

ما نحبش نشوف انسان طايحلو المورال

في الحق كامل كرهنا البااك كي راهم يخرجو السوجياات

مي رانا نخدمو و نحطو قاع وش عندنا باش ما تروحش الايام الي سهرناها في الباطل

اتوكلي على ربي و ما تتقلقيش كامل الي مكتوب ع الجبين ما يمحوه اليدين


ههههه علابالي هدرت بزاااا ف راني نخرج في المكبوتات ** ياك هاك يقولولها مانيش غالطة خخخ :1: ***

ليسونسيااال بالتوفيق و رمضان كريم

سلااااااااااام

[مصطفى_س]

لا تيأسي انت في منتصف الطريق اكملي مشوارك لم يبقى الا القليل
تأكدي انه كل شيء مقدر
الدنيا دار بلاء و شقاء عليك بالكفاح و النظال
لا تدري لعل الله يحدث بعد ذلك امرا
لعل ما تبقى من مواد سيكون اسهل بكثير
لا تفوتي الفرصة انها بين يديك

وفقك الله و رزقك نيل شهادة البكالوريا

لا لليأس

[نفحات روحانيه]

لالا حتى انا كيفك بصح مزال غدوة فلسفة وفرنسية ومزال العوم والفيزياء اهم من رياضيات

[manel 26]

-___- تتمسخري ,, !
أختي جابت معدل 16 في الباكْ ,, ودات 13 في المــآتْ ,, أنــآ جبت 15 وديت 14 فيهـآ والله ماتدري , كيفاه مزال العلوم والفيزيك يهزوووك خلاه , والمواد الادبية ,, الي حاب يجيب مليح لآزم يخدم في كلش

كووراج بركْ وروحي ارقدي شوي وبداي راجعي ,

سلام اختي حبيت نسقسيك


الى تقدري و الا ما فيهاش اي احراج


ممكن تعطيني نقاطك في المواد في الباك و الا قدرتي تاني تاع اختك :rolleyes:

حابة نقوم روحي و نشوف الوجهة تاعي وين

الا ما حبيتيش نورمال

[الدرّة المصونة]

موفقـــــون :19:

[Prinsses Rayen]

اكيد انني سآخذ نقطة. تحت المعدل في ا لما ت فلم احل اي شيء تقريب
فأخبروني
هل مستحيل ان احصل على معدل جيد

[katiya]

لا ...........تخطئ هذا الخطأ يجب ان تستعيد طاقتك وتحاول اكمال البكالوريا بنفس جديد وعسى يكون هذا خير المهم ماتحبسيش كملي

[~طَـــمُـــوحْ~]

نفس الشيئ كرههههههت غدوا نشوف اذا مافيهاش نبطل

جامي لشفت روحي عاجز نعرف الاجابة وباقي نتفرج معاها

[سماح 2]

سلام اختي حبيت نسقسيك


الى تقدري و الا ما فيهاش اي احراج


ممكن تعطيني نقاطك في المواد في الباك و الا قدرتي تاني تاع اختك :rolleyes:

حابة نقوم روحي و نشوف الوجهة تاعي وين

الا ما حبيتيش نورمال



وي باينة خلاه لمــآه الاحراجْ -_-
العربية 16,5
الاسلآمية 16,5
الانجلزية 15
الفرنسية 11,5
العلوم 15
الفيزياء 15,5
الفلسفة 14,5
الجتماعيات 15
المعدل , 15,07
وتع أختـــي ,,
العربية 13
الاسلآمية 19
الانجلزية 18 نورمالمون
الفرنية 15
العلوم 18
الفيزياء 19,5
الفلسفة 11
الاجتماعيات نسيت بصح من 16 وطلع , sur
المعدل , 16,26

[منار العلم]

اكيد انني سآخذ نقطة. تحت المعدل في ا لما ت فلم احل اي شيء تقريب
فأخبروني
هل مستحيل ان احصل على معدل جيد

أسأل الله الكريم أن يكرمك بنقطة جيّدة في الرياضيات، لا تدرين .. انسيها فقط وفوضي أمرك لله :mh31:
المواد الأدبيـة ستغنيك حتما عن { الرياضيات } + العلوم والفيزياء وما أدراك ،، تسلّحي بالإرادة والإيمان وقاوميهما مهما كانا ، وخذي نقاطا ممتازة فيها ،، والله الموفق يا أميرة =)

[oussama walid]

يا أختي حدث معي نفس الشيء في المرة السابقة و لكن سرعان ما عوضت في العلوم و الفرنسية و الفيزياء. الشيء الوحيد في الحياة الذي يضمن الخسارة هو الانسحاب فلا تقضي على حظك بالانسحاب فما دمت في السباق فكل شيء ممكن. إن كان لك أخي يتابع كرة القدم اطلبي أسأليه عن فوز مانشستر سيتي بالدوري في آخر لحظة من الموسم بينما كان الخصوم يحتفلون هل تعتقدين أن ذلك كان ممكنا لو أنهم تقبلوا الخسارة.

[manel 26]

وي باينة خلاه لمــآه الاحراجْ -_-
العربية 16,5
الاسلآمية 16,5
الانجلزية 15
الفرنسية 11,5
العلوم 15
الفيزياء 15,5
الفلسفة 14,5
الجتماعيات 15
المعدل , 15,07
وتع أختـــي ,,
العربية 13
الاسلآمية 19
الانجلزية 18 نورمالمون
الفرنية 15
العلوم 18
الفيزياء 19,5
الفلسفة 11
الاجتماعيات نسيت بصح من 16 وطلع , sur
المعدل , 16,26


ماشا ء الله

مرسي ربي يحفظك شفت نقاطك طلعلي المورال سورتو فرونسي :19:

[sosobibicha]

سلام عليكم
انا حدث معي نفس الشيئ نعرف الطريقة مي التعويض ما نعرفش مي مستحيل نستسلم و ننساحب ان شاء الله فكري فقط في والديك لي راهم ينتاظروا في النجاح نهار تفرحيهم و ربي سبحانه و تعالى لا يضيع اجر من عمل و ما كانش غير الرياضيات برك راهم كاين مواد اخرى وان شاء الله تخدمي فيهم مليح
بالتوفيق لك و للجميع
ربي ينجحنا ان شاء الله

[Prinsses Rayen]

أسأل الله الكريم أن يكرمك بنقطة جيّدة في الرياضيات، لا تدرين .. انسيها فقط وفوضي أمرك لله :mh31:
المواد الأدبيـة ستغنيك حتما عن { الرياضيات } + العلوم والفيزياء وما أدراك ،، تسلّحي بالإرادة والإيمان وقاوميهما مهما كانا ، وخذي نقاطا ممتازة فيها ،، والله الموفق يا أميرة =)
منار العلم اثلجتي صدري ربي ينجحك لكل ما تريدين الوصول اليه

[جمال6]

لا تياسي اختي والله انا راني اكثر منك حرت وش ندير ربي يكون في العون لي مطلعلي المورال هو انو على بالي الحاجة لي جي من عند المولى فيها خير

[علي لقواطي]

بالتوفيق.....