ضاع كل شيء

[Dr.imy]

سلام...على غير العادة ديما نهدر بالفصحى هنا ونعاون اللي نقدر عليه لكن مالقيتش شكون يعاونني من غير الدعاء فقط الرغم من هذا ان شاء الله تساعدوني...:o انا من نهار الباك وانا مريضة في يدي ومانقدرش نكتب كامل لكن هذا خلاني يوم بعد يوم نتراجع في الدراسة فالفيزياء والرياضيات من اللي بدا رمضان مازال ماحكمتش هادو المواد وكاين نقص كبير فالمواد تقرييبا كامل..مع أن طموحي كان أكبر لكن قدر الله وماشاء فعل...نصيحة منكم أو مساعدة او اقتراح او تحفيز ممكن يكون سبب في تحقيق طموحي وسبب في كسبكم للاجر المضاعف عند الله ..لا تبخلوا علي

[Dahlia06]

سلام اختي لا تفقدي الامل و ناضلي و ان كنت بحاجة لاي مساعدة فانا هنا و ان شاء الله نقدر نعاونك اختي

[djimidj]

ضع ثقتك بالله و اعلم أنه لن يضيعك أبدا لأنه يحبك وصح فطورك

[ريان برهوم]

اختي انا ادبية وقبل منجوز الباك ذيك ليام طحت دخلت لسبيطار وباذن الله صبحت مليحة قدر الله ماشاء فعل نتمنالك التوفيق يا ربي وسوف ادعيلك عند وقت الافطار

[ااسيل]

حاولي ان تبذلي مجهود اكيد أن اله سيساعدك

[Dr.imy]

ضع ثقتك بالله و اعلم أنه لن يضيعك أبدا لأنه يحبك وصح فطورك
شكرا لك بارك الله فيك مليح كي فكرتني علاخاطر راني كاتبتها فتوقيعي :1:
سلام اختي لا تفقدي الامل و ناضلي و ان كنت بحاجة لاي مساعدة فانا هنا و ان شاء الله نقدر نعاونك اختي
شكرا أختي ربي يقدرنا كااامل
اختي انا ادبية وقبل منجوز الباك ذيك ليام طحت دخلت لسبيطار وباذن الله صبحت مليحة قدر الله ماشاء فعل نتمنالك التوفيق يا ربي وسوف ادعيلك عند وقت الافطار
ربي يكون معاك أختي وربي ينجحك ان شاء الله راكي راح تكون قدوة منا ولجاي باه نعرف بلي ماشي غير انا لي ابتلاني ربي :o

[Ritaje El Amal]

ربي معاك ديري لي عليك وحنا رانا معاك ياي لوكان بالدعاء صراحة انا اوسي راني ملحقتش لاني منتاليا في دار لانوا ماما مريضة ولازم انا لي نقضي بشوي بشوي حتان يوصلنا ربي

[آلغآردينيآ]

لا تقلقي اختي
انا مثلك لم اراجع كل شيء في رمضان رغم تحضيري الجيد قبل الباك المسرب و النسيان ينهش عقلي ... لكن قدر الله ما شاء فعل ابتعدي عن جميع المثبطات و غيرها استعيني بالله فما باليد حيلة يا اختاه

[Dr.imy]

ان شاء الله كامل نوصلوا باذن الله قريب بالرغم من أني والله ناقصة في بزاف حاجات لكن مازالني نامن المعجزاااات

[آلغآردينيآ]

واش مزالك اختي ؟ انا كل شيء و على رأسهم الاجتماعيات :'( .. الله يهديهم

[المتفآئلة]

طهور ان شاء الله

جددي الثقة وان شاء الله بربي تجيبيه بامتياز

كلش بحكمة من عند ربي

انتي درتي الي عليك وهدا كامل راه من الخوف نحي عليك كلش وديري الثقة في روحك وروحي بمعلوماتك ومتاكدة انك راح تجاوبي مليح


لانو المواضيع ستكون سهلة اي في متناول التلميد المتوسط ان شاء الله

ادا مكيش قادرة تراجعي حاولي ان تكتفي بمشاهدة الاستاد نور الدين وشوفي الافكار والتمارين وحلول بكالوريا 2016 في القناة نتاعو

وموفقة اختي

[toulay]

وعليكم السلام ورحمة الله تعالى وبركاته
بلعقل برك يا اختي وكل شيء يفوت وان شاء الله مايكون غير الخير
نصيحة من عندي متفورصيش على روحك لانو هكذا مخك يتبلوكا نورمال
Bon درك مين تفطر وتكمل ان شاء الله احكم الرياضيات راجعها مليح وكملها وبالجمعة ان شاء الله راجع الفيزياء وانت وكملتي
courage مبقاش قد لفات
بالتوفيق

[karima kika]

سلام اختي متقلقيش روحك بزاااف صحتك سابقة ربي مبغيش التهلكة متضغطيش على روحك مام انا مرانيش مراجعة كلش يعني يخصني :/
مي المهم قليل خير من مكانش حنا نديروا لي علينا و باقي على ربي
والله يشافيك و ينجحنا كاااااااااامل بمعدلات ممتازة اميييييييييين يا رب

[sabrina ph]

سلام

باختصار

توقيعك هو اكبر حافز لك

كوني مع الله يكن معك

صح فطوركم جميعاا

تقبل الله صيامكم

[karima kika]

سلمك اختي صبرينة
موفقين باذن الله

[هُدوء آلفَجر]

اقراي الرساله لي بعتهالــــــك
و ان شاء الله ياااااااااااا ربي يفرحك و يسهللنا كــــــــــامل

[جمال6]

توكلي على الله فهو حسبك
كان الله في عونك

[Dr.NaJi]

السلام عليكم و رحمة الله تعالى و بركاته
أعانـك الله و شفاك مما أنتِ فيـه
الأمر نفسـي أكثر من جسدي .. و عليـك بتقوية نفسيـتك و تهيئتها
أذكر السنة الماضية صديق لي أجرى عملية جراحية على رأسه قبـل أسبوع من إمتحان الباكالوريا و أغمـي عليه في مادتيـن و رغم ذالـك الحمد لله تحصـل على 16 ،
تصوري و لو قليـلا ماذا لو تصبريـن و تجاهدي ،
لحظـات إعلان النتيجـة و قد وصلـتي لما طمحـتـِ إلـيه
فرحـتك و فرحـت أهلـك و و .. !
أتمنى لكِ التوفيـق ^^

[Dr.imy]

بارك الله فيكم وصح فطوركم كااامل واثرتو فيا لدرجة راني نبكي ههه معليش ان شاء الله تولي دموع الفرحة معاكم كااامل نهار النتائج نديرو قعدة احم احم باذن الله :D:Dمع حلوة العيد:19:
المهم صحيتو وربي كاااامل يوفقنا ان شاء الله نحن لهااا اني وليت نديرلكم فالتحفيز دوكا :1:شكرا اخي في الرد الاخير واسماءنا تتشابه هههه قصدي فالصغة الطبية فقط:rolleyes: شكرا دوريا دوك نشوفها ماكانش علابالي مليح لي قولتيلي

[Dr.imy]

اقراي الرساله لي بعتهالــــــك
و ان شاء الله ياااااااااااا ربي يفرحك و يسهللنا كــــــــــامل

سامحيني دوريا ماقدرتش نبعتلك ماعنديش بزاااف مشاركات يعني الاشخاص محددين :oاللي نبعتلهم المهم كتبت 2رسائل في باطل نقولك ربي يفرحك وينجحك ان شاء الله وقريب نديرو قعدة فالفيس بوك ان شاء الله نهولو الحالة شوي ايا سلالالام ربي معاك:19:

[جوهرة الابداع]

http://www.qqq4.com/u/261606161466111328751.png (http://www.qqq4.com/)

لا لم يضع اختي لا حلمك و لا اي شيء
نحن و رغم اننا كنا بكامل قوانا لم نراجع، لا اعلم لمـ؟ لعجزكان يسري فينا فقط، فقولي الحمد لله,,,,
انت قادرة عليها فقط اكتفي الان بتوريق الصفحات(لا اعرف ان كانت موجودة في اللغة العربية هه) يعني لا تتعبي نفسك، شاهدي الفيديوهات، ولا ترهقي نفسك يعني بالسهر لتعوضي ما فاتك،،،
ثقي انه لن يكون في الامتحان سوى ما تتقنيه ان شاء الله، فالله لن يخيب امالك
و طبعا سندعي لك باذن الله
http://www.qqq4.com/u/141606161466111946321.jpg (http://www.qqq4.com/)

[هُدوء آلفَجر]

سامحيني دوريا ماقدرتش نبعتلك ماعنديش بزاااف مشاركات يعني الاشخاص محددين :oاللي نبعتلهم المهم كتبت 2رسائل في باطل نقولك ربي يفرحك وينجحك ان شاء الله وقريب نديرو قعدة فالفيس بوك ان شاء الله نهولو الحالة شوي ايا سلالالام ربي معاك:19:

معلــــــيش حبيبتي ... المهم ما تتقلقليش و ربي معاك نتي تاني :D :D نشااااله يا ربييي :o