كيف اتصرف مع زوجي

[مشكلتي]

السلام عليكم
رمضان مبارك وكل عام وانتم بخير،
حبيت احكيلكم مشكلتي واتمني تساعدوني بارائكم واقتراحاتكم دون تجريح .
انا منذ اسبوعين رزقت بطفل وكان زوجي قبل الولادة يعاملني معاملة جيدة وكان سعيد بحملي وبعد الولادة اتت ام زوجي الينا ومن يومها زوجي تغير
اصبحا لا يكلمني اطلاقا ولا يسال عن حالي ولا حال ابنه ولما سالته عن السبب برر ذلك بتبريرات غريبة وقال اني لست اما صالحة واني لا احب امه وغيرها رغم اني اعاملها جيدا
ذهبت امه والان نحن في رمضان ومازال لا يتحدث معي ينهض صباحا للعمل وياتي للافطار وبمجرد انتهائه من الفطور يخرج مسرعا لبيت اهله فهو قريب منا ويبقي هناك حتي الواحدة ليلا
وانا وحدي ولا يكلمني ولا ينظر اليا .صراحة كرهت حياتي واحس بالوحدة والاحباط والفراغ .فكرت مغادرة المنزل والذهاب الي اهلي ولكن تراجعت قلت اصبر وانتظر .اظل ابكي في البيت .
اتمني ان يعود مثل ماكان سابقا

بماذا تنصحوني .كيف اتصرف معه .ام عليا مغادرة المنزل ارجوكم ساعدوني ليس لي من احكي

[medalimila]

انصحك بالاحسان الى ام زوجك، و حاولي لن تحبيها وان لم تستطيعي فتظاهري بذلك لاننا نحن الرجال نحب من يحسن الى والدينا
يقول المصطفى صل الله عليه وسلم
من لزم الاستغفار جعل الله له من كل هم فرج و من كل ضيق مخرج

[خالد عنابي2]

اما هذه ان يترككي لوحدكي في المنزل الى الواحدة ليلا فلا

حسب قصتك باينة بلي امه غارت وشعرت بالتهديد وحرشاتو عليك بالتالي

[بيلسان91]

السلام عليكم
رمضان مبارك وكل عام وانتم بخير،
حبيت احكيلكم مشكلتي واتمني تساعدوني بارائكم واقتراحاتكم دون تجريح .
انا منذ اسبوعين رزقت بطفل وكان زوجي قبل الولادة يعاملني معاملة جيدة وكان سعيد بحملي وبعد الولادة اتت ام زوجي الينا ومن يومها زوجي تغير
اصبحا لا يكلمني اطلاقا ولا يسال عن حالي ولا حال ابنه ولما سالته عن السبب برر ذلك بتبريرات غريبة وقال اني لست اما صالحة واني لا احب امه وغيرها رغم اني اعاملها جيدا
ذهبت امه والان نحن في رمضان ومازال لا يتحدث معي ينهض صباحا للعمل وياتي للافطار وبمجرد انتهائه من الفطور يخرج مسرعا لبيت اهله فهو قريب منا ويبقي هناك حتي الواحدة ليلا
وانا وحدي ولا يكلمني ولا ينظر اليا .صراحة كرهت حياتي واحس بالوحدة والاحباط والفراغ .فكرت مغادرة المنزل والذهاب الي اهلي ولكن تراجعت قلت اصبر وانتظر .اظل ابكي في البيت .
اتمني ان يعود مثل ماكان سابقا

بماذا تنصحوني .كيف اتصرف معه .ام عليا مغادرة المنزل ارجوكم ساعدوني ليس لي من احكي
يا اختي لا انصحك ابداااا بمغادرة المنزل خاصة وانه مقالكش روحي ادن متروحيش من دارك
هدا وش نقدر ننصحك ونشالله يا ربي يفرج عليك في اقرب وقت ويرجع ليك راجلك كما كان قبل
اصبري يزيدو يدخلو اعضاء متزوجين وينصحوك

[فاطمة فؤاد]

ضحكتني كاين صايري نفس الشيء هده الايام
حسيت الدنيا صامطة و انني انتهيت و زوجي لن يعود ابدا ابدا
فاصبحت اطبخ و انظف و اعمل كل الشغل و انا مهمومة
الى ان قالي واش بيها الزينة زعفانة
طرت من الفرحة و قعدت ندلل و نعاود
انشاء الله يرجعلك زوجك اكثر من السابق في حب لك
اصبري

[Wissam li]

ربي يفرج عليك
اكثري من الاستغفار

[*أم سجى*]

مبروك عليك الولد يتربى فعزكم ان شاءالله ....أنا برأيي اذا كان زوجك عنده لي يتهلا فيه بعد ذهابك لبيت والديك (خياته مثلا ..)..ننصحك تشاوريه وتروحي تقعدي حتا سمانة في بيت والديك هذاك هو حنا عندنا المراة لما تولد تقعد سمانة ولازوج فبيت زوجها ومباعد تروح لدار والديها تكمل شفاءها......مادرتيش حاجة عيب ...شاوريه وروحي اقعدي فداركم انتي ترتاحي وهو يهدى ويولي لطبيعتو كي يشتاقلك ليك ولوليدو.......

[نورسين.داية]

السلام عليكم

أنتي ماذام لم تقصري في واجباتك معه ....لما تتأسين من اجله ؟؟؟؟

شخصيا و الله أستغرب في بعض الفتيات لما تتزوج ...تشغل كل تفكيرها بزوجها ....هذا الإهتمام الزائد عن حده هو الذي يخلق عنصر الدلال للرجل ....بالتالي تعطيه أكثر من حقه ...

الحمد لله توجد قاعدة في الحياة و هي أنه كل مازاد عن حده إنقلب الى ضده ........
بالتالي أكثر من الواجب يصبح مبالغة ...و المبالغة توصل دائما لهده النتيجة هذه حتمية لا تتغير ...

إذن إنا في رأي أتركيه و شأنه و أحرصي على واجباتك و أهتمي بنفسك و بمولودك........و هو يضرب راسو على الحيط ...و سوف ترين النتيجة


وفقي الله عزيزتي

[*أم كوثر*]

السلام عليكم
يبدولي هناك حلقة مفقودة في القصة
زوجك كان يعاملك بالحسنى قبل الولادة وبعدها تغير تحديدا بعد زيارة امه
هو يعرفك جيدا كما يعرف أمه
ومادام تغير 180 درجة اكيد هناك خطأ فيك انت نعم فيك أنت
راجعي نفسك ...ربما عن غير قصد أسأت الى والدته
لانو مستحيل الانسان يتغير فجأة والى هذا الحد من دون سبب

[faty05]

اذا حابة تروحي لدار اهلك شاوريه
لكن لا انصحك بذلك لانه شهر رمضان و من الافضل راجلك يفطر في دارو
اما بالنسبة لامه ديري روحك ما علابالكش خلاص و زوريهم كي يروح لاهله و كي يوصل وقت الرجوع للبيت قوليلو وصلني للدار ذركا بالعقل توالفو راها مليحة و صعيبة مجيء مولود جديد كل شي يتبدل و يكثرو السهرات و التعب
ذركا يكبر الطفل ربي يحفظه و تزيدي تشوفي المسؤولية كيف تزيد المهم انتي اهتمي براجلك و ابنك و ما تعمري راسك بحتى واحد و عجوزتك اذا زاراتك استقبليها مليح و اذا رحتيلها كيف كيف و كل شي يفوت ان شاء الله

[روح المي]

رمضان كريم
مبروك عليك بيبي ربي يحفظوا ليك
تكلمي مع زوجك عادي وشوفي ممكن قلت كلمة والا حاجة فسرتها عجوزتك على انها قلة ادب منك وبالتالي اخبرت زوجك
خير متقعدي تطلعي وتهبطي
ومتروحيش لداركم لانه امه مش راح تردوا ومراة فايقة ماش تهز روحها وتخرب دارها
واستغفري وكثري من دعاء وربي يفرج عليك

[أم شروفة]

يحدث ان يخاف الرجل من مسؤولية الطفل .....اتركيه حتى يرضى بنفسه..هذا حكمو اكتئاب ما بعد الولاده...

[yako02]

مبروك المزيود جديد يتربى في عزكم ان شاء الله شوفي يا اختي انت قلتي كان مليح معاية و فرحان بالحمل و كي زيدتي تبدل عليك و ربطتي هذا التغيير بمجيء امه عندكم راني متاكدة انك انت تقلقتي من امو و يمكن هدرتيلو فيها و الراجل بلاك يقلك ايه يما و يما ولكن ناكدلك مكان حتى راجل يقبل مرتو تهدرلو في امو او في اختو حتى لو هو بينلك العكس و هو راهو داي منك موقف و زعفان عليك انت متكبريش المشكل و تبقاي تقوليلو تبدلت عليا ملي جات يماك لالالالالا تعاملي معاه عادي و ضحكي و العبي و دللي زوجك و متبقايش مشنفة عليه لانو كاين رجال كرامتهم اووو في السما ملا انتي ارواحي على روحك شوية و ديري روحك مكان والو و ارجعي انتي تاني لطبيعتك و هو كي يروح لدار يماه معناه راهو لا قيراحنو تما شوفي كي تكونو تفطرو اليوم اضحكي و هدري نورمال و قوليلو بكلام زين راك رايح تسهر عند ماماك اليوم او اذكريها كيما انتيتقوليلها تروح تسهر عند يما او ماما حابة نروح معاك نديلهم حفيدهم باينة توحشوه و روحي معاه وديري روحك مكان والو و توددي لعجوزتك هذي ساهلة يا اختي و الله الناس تكسبيهم بالمعاملة الطيبة مششي بتخشان الراس و المعاملة الطيبة هذي في ديننا الحنيف ارمي هذي القصة موراك و بداي صفحة جديدة مع زوجك و ابنك ربي يدوم هناكم حنونة

[زبدة ذايبة]

نوصيك بالصبر ثم الصبر

ماشي راجلك خلى الدار مايرجعش حتى الوحدة تاع الليل

ويكون ردك انت أكثر منو هو تروحي تخرجي من دارك وماتوليش

الأيام كفيلة بمداواة الجروح

وعلى فرض أنك أسأت لأمه وهو يتحامل عليك

ديري كي شغل ماراه داير والو

يجي نهار اللي يرجع فيه

ماتحاوليش تجبديه ليك بطرح الأسئلة : واش بيك ؟ أنا ماغلطش؟؟؟؟ يماك غالطة ؟؟؟

خليه حتى تروح عليه الحالة ويرجع

في كثير من المرات أنك ماديري حتى تصرف هو التصرف السليم

ربي يهنيك ويصلح حالك

[(( هبة الرحمن ))]

السلام عليكم
مبروك عليك ويتربى في عزكم....
أعتقد أنه صدر تصرف منك اتجاه أمه سواء عن قصد أو غير قصد ...
راجعي جيدا ما حدث بينكما ربما تتذكرين كلاما قلته وفهمته خطأ...
تعلمين نعرف واحدة كي ولدت ماكانتش تحب عجوزها تقرب من المولود نهائيا وكلما اقتربت منه نهرتها ....وحدث خلاف بينهما لهذا السبب.
أما عن زوجك ستمر أيام النفاس وتعود المياه إلى مجاريها بإذن الله ...لكن لا تتركي البيت .

[lalib40]

هناك بعض الامهات يحبون الشر لابنائهم يعني تفزدلو معيشتو

[ام يوسف2]

السلام عليكم اختي ربي يباركلك في الولد كلنا نعاني احيانا بعض المشاكل انا انصحك باكثار الصلاة والدعاء والصبر ثم الصبر انا كنت افعل مثل هذا صبرت حتى فرج الله همي لكن مشكلتي معه كان غير مبال بي لكن الدعاء والله والله يغير كل شيئ مع الصبر الطويل لا تفشلي واشك. همك لله في كل وقت وحذار ان تهجري بيتك فانت بذلك تهدمينه قلبي معك ياأختي. اذا صارت تطورات حسنة راسلينا لنطمئن

[يسمينة الزهور]

ضحكتني كاين صايري نفس الشيء هده الايام
حسيت الدنيا صامطة و انني انتهيت و زوجي لن يعود ابدا ابدا
فاصبحت اطبخ و انظف و اعمل كل الشغل و انا مهمومة
الى ان قالي واش بيها الزينة زعفانة
طرت من الفرحة و قعدت ندلل و نعاود
انشاء الله يرجعلك زوجك اكثر من السابق في حب لك
اصبري

تصحيح كلمة إن شاء الله تكتب إن شاء الله وليس إنشاء الله
أختي نصيحتي ليك هو نحن الأن في شهر رمضان شهر الرحمة والمغفرة قومي الليل وأكثري الدعاء بأن يصلح الله زوجك فالدعوة مستجابة في الثلث الأخير من الليل هو ما يجيش حتى الوحدة قبل ما بيجي صلي زوج ركاعي ولا شحال قدرتي واكثري الدعاء فيهن وأكثري من الإستغفار
وتفضلي أختي إلى هاذا الموضوع فإنه سيفيدك كثييييييييييراااااااااااااا
من تجربتي حل المشاكل الزوجيه بس بركعتين (https://www.google.dz/url?sa=t&rct=j&q=&esrc=s&source=web&cd=1&cad=rja&uact=8&ved=0ahUKEwj-yJKVlqXNAhUKRSYKHTg5AIoQrAIIKCgCMAA&url=https%3A%2F%2Fwww.hawaaworld.com%2Fshowthread. php%3Ft%3D3669798&usg=AFQjCNHG4zY1dBna7VlF_ghuXltxU5huAQ&sig2=gce-I_ohVLj7F4KKmWOTxA)
وهذه مشكلتها مثل مشكلتك ولكنها والحمد الله حلت بفضل الله ثم الاستغفار أتركك مع القصة
تجربتي مع الإستغفار فى حياتي الزوجيه (http://www.google.dz/url?sa=t&rct=j&q=&esrc=s&source=web&cd=3&cad=rja&uact=8&ved=0ahUKEwj-yJKVlqXNAhUKRSYKHTg5AIoQFgg0MAI&url=http%3A%2F%2Fforums.graaam.com%2F439822.html&usg=AFQjCNEMXo6UfDAtt9dpKyqOceqLTqwAKQ&sig2=DzikgGTj0f1HwrRnx8vKMQ)

[Amouna.DZ]

ربي يفرج أختي كل رجل تجيه فترة بحب يبعد شوي على زوجتو و يقسى عليها
ليوم بعد مايرجع من السهرة أستيكي روحك أجبدي شعرك و ماكيي كونيلو عروسة و أدليلو و قليلو راني شايفاتك جافي عليا وأنا مانقدرش على زعافك ً...........وخليه يفرغ كامل واش في قلبو معليش وضحيلو وبريلو وقليلو خلينا نبداو صفحة جديدة أنا و وليدك مانقدروش نعيشو بلا بيك . و خلي نيتك كاملة باش ترضي ربي قبل ماترضيه . أما باش تخلي دارك و تروحي هذا أكبر خطأ . نتمناو طمنينا عليك.

[الماسة النادرة]

افرحي بوليدك وماشي مليح الزعاف على النفاس وانصحك ان تخبري امه نه تغير معك وتشوفي واش تقولك