مشاهدة النسخة كاملة : "◦˚ღيوميات ربة بيت في رمضانღ˚◦"
سمراء الدنيا
2016-06-09, 10:15
http://www.sqebd.com/vb/Photo/2015_1390179606_140.jpg
باسم الله و الحمد لله و لا حول و لا قوة الا بالله
اللهم صل و سلم و بارك على سيدنا و حبيبنا محمد صلى الله عليه و سلم
ها قد أطل علينا شهر الرحمة والبركه شهر تسابق عليه الانبياء
وسعى للعمل به الاولياء واجتهد في كسب اجوره الصالحين والاتقياء
وحتى نكتب ان شاء الله به من العتقاء لابد ان نستعد له بكم غزير
من الاعمال......و كما هو معلوم فان مسؤولية ربة البيت في رمضان كبيرة و كبيرة جدا ....و حتى تتمكن ربة البيت من ان تكون ملمة بدنياها و دينها ارتاينا ان نفتح هذه الصفحة و نتعاون فيها على وضع برنامج يساعد ربة البيت ان تحوز على رضى ربها و زوجها و ان تقوم بمسؤوليات بيتها و ابنائها على اكمل وجه دون ان تقصر في واجباتها الدينية .
نرجو من الله عز وجل ان يبارك تجمعنا هذا و يجعل كل اعمالنا فيه خالصة لوجهه تعالى .....لا يخفى عليكم ان المرأة هي اساس بناء الاسرة
المرأه هي: الام
الزوجه
الاخت
الابنه
تعتبر المرأه أكبر شخصيه مؤثره بالعالم
نعم فالزوجه تؤثر على الزوج
والام تؤثر على الابن
المرأه هي الاساس
عندما تكون الام(المرأه)صالحه لصلحت الاسره كلها,,
وعندما تكون الام (المرأه)فاسده لفسدت الاسره كلها,,
المرأه نعمه عظيمه ولكن قل من يدركهاا,,
لاتكابر ايها الرجل بالتقليل من شأنها,,
ففطرة من الله حب الرجل للمرأه,,
و عليه سيدتي فإن مسؤولية كبيرة تقع على عاتقك و يجب أن تكوني على قدر كبير من الدراية بهذه المسؤولية .....و في هذا التجمع الخاص سنحاول مساعدتك على قيامك بمهامك على اكمل وجه و سويا سنحاول جمع خبرات و تجارب مفيدة تسهل عليك ما بدا لك صعبا ......
**************
الباب مفتوح لكن سيداتي لسرد يومياتكن الرمضانية بعيدا عن الدردشة التي لا طائل منها .... و نجعل تجمعنا هذا للفائدة العامة و نحتسب الاجر في ذلك
سمراء الدنيا
2016-06-09, 10:16
************************************************** *
سمراء الدنيا
2016-06-09, 10:16
************************************************** **
omelbanin
2016-06-09, 10:53
حبيبتي سمراء ،ربي يجعل اعمالك هذه في ميزان حسناتك.
وربي يعينا نحن النساء على القيام لواجباتنا الدينية والاجتماعية في هذا الشهر الفضيل.
حياتي كلها امل
2016-06-09, 13:25
السلام عليكم شكرا اختي سمراء على المجهودات التى تبذلي فيها .
يوم امس نضت تسحرت وقريت القران ثم صليت ركعتين قبل الفجر ثم صليت الفجر وقريت الاذكار وليت للنوم نضت علي السابعة والنصف رحت اخذت ابني باه يعمل راديو على يد تاعو ثم كي رجعت للبيت غسلت المواعن ودرت الملابس يتغسلو وغسلت ايضا في المشينا كوفيرطات رقاق وسيقت الحالة ودوشت للبنتى الصغيره ثم صليت الظهر وقريت القران وتكيت شويا ثم نهضت طيبت شربة فريك وعجيجات الشوفلور مع مرقة حمراء وعملت فلون وسلطة طرشي كملت الفطور بعد العصر ثم كي قريب الفطور وجدت الطاولة وعاونتني بنتي فطرنا بدون ما ننساو الدعاء ثم غسلت الاواني وكنست الحالة ثم جاتني ضيفة سهرت عندي راحت حوالي 11:30ثم رقدت طبعا مع اذكار النوم
جهينة اليقين
2016-06-09, 16:24
السلام عليكم مبارك علينا فتح هذه الصفحة شكرا لك سمراء الله يجازيك على مجهوداتك والله يقوينا لننفع ونستنفع
مبارك افتتاح هذه الصفحة المباركة وادام الله لقاءنا ما دام على المحبة والطاعةلله
الرجاء الاماني المجد
2016-06-09, 18:38
شكرا اختي سمراء على هده الصفحة وانا من متتابعتك فى الكوليس بارك الله فيك
فراشات العمر
2016-06-09, 18:48
السلام عليكم
البارح ما رقدناش بكري راحلنا السحور هذي المرة الثانية لي مانتسحروش بصح رايحة ندير قرار نضبط الهاتف متاعي ومنستناش زوجي
صليت الفجر وقريت شوية قرآن وليت رقدت وعلى الثامنة ونصف طيبت لفطور لولادي وكنت درت خبز الدار لي ما يتمسش باليد ومن بعد خيطت تاع المشاركة تاع المسابقة لميت الفراش وقعدت غير مع لخياطة ابني منتصر وجد البيض المقلي ليه ولخوتو بطلب منه ان يقوم بهاذا العمل وغدا خوتو وقعدو يتفرجو بعد الضهر دوش زوجي وانا ومنتصر ورقدت ومن بعد جهزت الفطور لي هو شربة فريك مع الحميص وهذا وين خلصت الكسرة وغسلت لماعن لي خدمت فيهم باه يبقاولي غير تاع لفطور باه نصلي التراويح بإذن الله
وصح فطوركم كامل
السلام عليكم حياياتي
مبارك افتتاح اليوميات
جزاك الله خيرا اخت ىسمراء على مجهوداتك
البتول1997
2016-06-09, 18:50
فكرة مليحة
هاك كل وحدة تستفيد من اختها
انا اليوم خدمت روحت ت على 14.30 ريحت شوي ومن بعد ضت على 16.00 درات شربة ففريك وبوراك وسلاطة عندي مطلوع وفرتو في الايام لي ما خدمتهاش
وعندي شوي كفتة والحمد لله على فضله
اللهم اهدنا فيمن هديت وارحمنا يا ارحم الراحمين
فراشات العمر
2016-06-09, 19:17
انا اليوم خدمت روحت ت على 14.30 ريحت شوي ومن بعد ضت على 16.00 درات شربة ففريك وبوراك وسلاطة عندي مطلوع وفرتو في الايام لي ما خدمتهاش
وعندي شوي كفتة والحمد لله على فضله
اللهم اهدنا فيمن هديت وارحمنا يا ارحم الراحمين
ام ادم علاه المطلوع تكونجليه انا نعرف بلي فيه لخميرة مايتكونجلاش يولي مضر
https://www.nmisr.com/health/%D9%83%D8%A7%D8%B1%D8%AB%D8%A9-%D9%8A%D9%83%D8%AA%D8%B4%D9%81%D9%87%D8%A7-%D8%A7%D9%84%D8%B9%D9%84%D9%85%D8%A7%D8%A1-%D8%B9%D9%86%D8%AF-%D8%AA%D8%AC%D9%85%D9%8A%D8%AF-%D8%A7%D9%84%D8%AE%D8%A8%D8%B2
omelbanin
2016-06-09, 20:02
السلام عليكم.انا بعد ما تسحرت قريت قران و رقدت حتئ ثامنة ،غسلت لماعن لي شربو بيهم الحليب ووليدي الصغير دا الحليب لشومبرة وسيحهولي فوق فراشو عشيت نغسل فيه
سيقت الشنابر والهول وكوزيتة ،وبعد ما فطرو الاولاد بواش قعد من الفطور نتاع البارح.غسلت لماعن ،دوشت ،رقدت وليدي الصغير وقلت نتكا شوية والله ما خلاوني الذراري نرقد تمتم نضت وبديت نطيب في لفطور :ڜربة فريك ،و وحد الطبق شفتو في المنتدئ نسيت اسمو بالدجاج مرحي وخضر مسكرفجة.شكلو راهو يبان مليح والذوق ما نعرف. بوراك وفلان. والحمد لله علئ النعمة
صح فطوركم .
حياتي كلها امل
2016-06-09, 21:22
السلام عليكم وصح فطوركم
اليوم نضنا تسحرنا قريت قران وصليت الفجر ثم الاذكار ثم رقدت نضت على السادسة والربع باه نوجد روحي ووليدي باه نروحو للمستشفى عندو كنتخول ولازم نروحو بكري لخاطر الغاشي بزاف جينا على 11:00من المستشفى ريحت شويا ونضت خملت البيوت وبنتي غسلت الاواني غير تاع الحليب وسيقت المطبخ والكولوار والحمام والمرحاض والسحين تاع برا ثم سخنت الماكلا للاولاد ودخلت للدوش دوشت وصليت الظهر ورقدت بنتي ورقدت وزاد وليد رقد مسكين عيا نضت طيت للاولاد الحليب وطيبت حميس وقطعت سلاطة ونقيت البطاطا باه نقليها ووجدت الفلان الشربة عندي من البارح وقعدلي شويا ماكلا تاع البارح صليت العصر وقريت الاذكار وهبطت قعدت مع عجوزتي حتى السادسة قليت البطاطا وغسلت المواعن ثم جاء الزوج وجدتلو الحمام وثم حضرنا الطابلا وفطرنا وصلينا المغرب دون ان ننسى دعاء الافطار غسلت الاواني وكنست الحالة وخرجت كيس النفايات وطيبت القهوة للزوج والحمد لله
•~ندية الجوري~•
2016-06-09, 21:50
السّلام عليكم و رحمة الله و بركاته ...~
بارك الله فيك غاليتنا سمراء الدّنياآ
على مُبادرتكِ الطّيبــة و مواضيعكِ المُفيدة
؛؛؛
كما تعلمين يومياتي بسيطة جداً ؛ روتينيّــة مُتشابهة لحدٍ كبير
و لابأس أن أشارككم بعضَ ما فيها ؛,,
علَّ و عسى يكون فيها ما يُفيدُ غيري
إلى هذا اليوم من رمضان كانت أيامي نُسخٌ من بعضها
مع قليلِ إختلاف في التّفاصيل
المهم أوّل ما استيقض صباحاً حوالي التاسعة و النّصف’أو العاشرة و... :1:
أتوضّأ أصلّي ركعتي الضُّحى أو أربع ركعات و رُبما أكثر
و أحمل مصحفي أقرأ ما تيسّر إلى أن يصِلَ بي الوقت منتصف النّهار تماماً
أذهب إلى المطبخ
[ ندير طاجين الحلو لأنو لازم في موائدنا ؛
"وبصراحة نطيبه يوم بيوم"لأنو يبقالي
نجهّز التّحلية لي نواية عليها و نخبيها تبرد ؛
و سالاد دو فروي إذا عندي تشكيلة فواكه
نجهّز خضروات السّلطة و نسكرفجها و نخبي كل نوع على حدى
و نغسل السّلطة و نقطرها و نخبيها ]
و كامل ما يديوليش الوقت كيما علابالك رانا بين زوج
بعدها نفتح المنتدى و نشوف واش لازم ندير و تعرفي إلتزاماتنا
[و بصراحة نحاول نختصر وقتي فيه قدر المُستطاع]
حتى يأذّن الظّهر ؛؛؛ مرات نتماطل حتى خمس دقائق
او اكثر باش نطفي الميكرو ...لأني لازم نكمّل لي في يدي من متابعة المواضيع
باش نود و إلاّ نظطر نرجع ما نخرجش و يضيع وقتي
لمّــا نصليّ الظّهر نبقى نقرأ في مصحفي حتى الثّانية أو الثّانية و النّصف
بعدها ندير نيتواياج خفيف؛؛ [لأنو قبل رمضان بيومين عملت كل شيء
و كل شيء مزال يبرق و في مكانو]
و نسوج سوجــة في المنزل نشوف واش لازم و غالباً مكان والو:1:
إلاّ بعض ملابس يتغسلو في عشر دقايق
و إذا ما كان ما يشدني بقى نقرأ القرآن حتى الثالثة و النّصف
وقت عودة زوجي من وظيفتــه
[حكاية تجيب حكاية ... و مشايخات و تدابير ع الفطور منه ]
يــوصل العصر ؛؛؛ هــو يروح للمسجد يرجع على السادسة و النّصف
و انا نصلي عصري
و نتوجّــه للمطبخ نــوجّد الفطور [لي كتبت]
و الحمد لله أذكاري في لساني و كل ما لقيت وقت نهز مصحفي نقرا...
توصل السابعة يفضّو لي بيل ديالي ؛؛؛ نظن يحبط لي السّكر أو لاتونسيون
نتكسّل شوي حتى الثامنة غير عشرين
نجهّز طاولتي عروبي في الأرض:rolleyes::rolleyes:
و نلم الأواني لي إستعملتهم نغسلهم كامل
و يبقاو فقط الصّحون لي فوق الطاولة....
بعد ما نفطرو ...نغسلهم و ندير قهوة تريـــgـلي الدّماغ
نسيّق المطبخ ... تكون التاسعة غيراش
مرات نشوف واش مدايرين في التلفاز ...و مرات نجي هنا مثل اليوم
زوجي يروح للمسجد لصلاة العشاء و التّراويح ...
و أنا نــود نصلّي تواريحي وحدي
يرجع زوجي ع 23:20....يلقاني مزال ماكمّلت..أو في الوِتر
نقعدو مع التّحلية تاع الصباح و الفاكية و إذا في زلابية أو...
و إذا ماكمّلت وٍرْدِي اليومي من عشرة أحزاب نتوضأ و نبقى حتى نكمله
بعدها ع
00:20أو تفوت أحياناً ... وقت النّوم
ع 02:30 يهز هاتفي البيت هز؛؛؛ و زيد دايما نحطّه بعيد عني ;)
[لو يكون قريب نغلقه و نرقد]
نجهّز سحوري و نسحرو؛؛؛ [كاس حليب ؛ فنجان قهوة و بزااااف ماء;)]
و نصلّي ركعات حتى بعد الآذان الأوّل بقليل
و بعدها نبقى نقرأ القرآن حتى يأذّن ... نصلي ....
و تكون الرابعة و عشر دقائق صباحاً؛؛؛
نبقا نحاول في روحي باش نرقد و نترجى في النّوم لي كان قبل ما يصوني البورتابل
حتى حــوال السّادَِسة؛؛؛؛بعدها نرقد إلى العاشرة
.
صح فطوركم جميييعا و بارك الله فيك اختي سمراء الدنيا على هذه السفرة الرمضانية الروحية المتنوعة
اختي ندية الروح ربي يباركلك في وقتك و ايامك . صدقيني جيت نكتب يومياتي الرمضانية . لكن كي شفت تقريرك حشمت من ربي اولا و من نفسي ثانيا . كنت اعتقد ان وردي من القران الكريم مقبول نوعا ما لكن لما شفت وردك . الصرااحة تسمرت . ما شاء الله اللهم لا قوة الا بالله اللهم لا حسد .لكن في سؤال حبيبتي لو تكرمت يعني انت تختمين القران كل 3 ايام حسب تقريرك . و ايضا انت و الزوج فقط . ربي يرزقك بالذرية الصالحة امين يا رب العالمين . الا توجد لك بعض المعيقات في مواصلة الورد اليومي . كالزيارات العائلية سواء من عندك او من عند اقاربك . بمعنى هذا الورد ثابت عندك حتى بوجود الطوارئ . شكرا لك الف شكر على تنبيهي الى ما كنت عنه غااااااااااااااااااااااافلة . جزاك الله خيرا اخيتي
ماريا205
2016-06-10, 03:00
دخلت نسلم عليك اختي سمراء توحشتك توحشتك ربي عالم
وبارك الله فيك مواضيعك ديما فيها فايدة
لي عودة نحط يومياتي البسيطة كل يوم وبركته
ندية الحبوبة عشت معك يومياتك ربي يباركلك في صحتك ويرزقك امين
الاخوات اللي حطو يومياتهم بارك الله فيكم
حياتي كلها امل
2016-06-10, 03:42
السلام عليكم وصح سحوركم اختي ندية الروح الله يبارك راك ماشاء الله في قراءة القران حتى شوقتيني باه على الاقل نقتدي ولو جزء بسيط من طريقتك
انا نستغل اغلب الاوقات لقراءة القران في رمضان لكن ماشي مثلك ربي يحفظك ويسرلك كل امورك يارب ويتقبل منا ومنك خالص الاعمال .
صباحكم مبارك بركة هذه الجمعة الاولى من رمضان
اليوميات متشابهة بالنسبة لي لكن انا احاول في كل يوم ان استفيد من اليوم السابق بتعديل ما يمكن تعديله مثلا في اليوم الاول والثاني كنت نوض على 7.30 لما يخرج زوجي للعمل ونبدا نطل على المنتدى ثم الى المطبخ حتى نتعب ومن بعد نروح نصلي الضحى نلقى روحي ما نيش قادرة نوقف على رجليا لكن الان اول ما نوض نتوضى نصلي 4 ركعات ضحى ومن بعد تطل على المنتدى من بعد الى المطبخ نغسل ماعن السحور اذا بقاو ونحط الشربة تطيب وطبق اخر ونخرج من المطبخ نرتب الغرف ونريح شوية الشيئ الي حبيت نوصلهولكم اني نحاول مانتعبش روحي بالوقفة في الكوزينة النهار طويل كل مرة ندخل ندير حاجة مرة الاطباق ومرة التحلية والسلاطة ومرة الكسرة اما القران عندي الورد الي محافظة عليه بعد صلاة الفجر وايام نعمل تراويح في البيت وحدي واذا ماعملتش يوم اليوم الموالي نضاعف الصفحات كلما لقيت فرصة هدوء نقر في اليوم وكلما نجي نرتاح شوية نسبح ونستغفر ربي يقدرنا باش نعملو اكثر اكيد الارادة موجودة بفضل الله ثم بفضل تشجيع كل الاخوات ربي يبارك فيهم ماشاء الله رانا نتعلمومنهم ونحاولونستفيدومن يومياتهم
http://vb.elmstba.com/imgcache/almastba.com_1455595936_695.jpg
omelbanin
2016-06-10, 09:30
السلام عليكم ،جمعة مباركة في هذا الشهر المبارك ،
حبيبتي ام متين ،كيما راكي تقولي انا وين نلقى فرصة يكون الهدوء نقرا قران ،وهذي الفرصة نلقاها غير كي يكونو راقدين ولادي مور السحور ،ولا كي يكونو يتفرجو في الليل اما باقي اليوم ، ما نحكيلكمش فوضىىىىىىى.
والله غير هاذو اليامات عادت توجعني رقبتي راح نقص شوية من القعدة قدام النت. ،يوم موفق.
جهينة اليقين
2016-06-10, 13:06
السلام عليكم فيما يخص القران نصلي التراويح ما تيسر بالكتاب وبعد الصحور نزيد نصلي ما تيسر مرة نجمع ثمان ركعات ومرة عشرة ونصلي الفجر ونرقد حتى للثامنة ننوض كاش ما نخدم او نخيط وبنتي مع الفطور نعجن الخبز او بعض الاضافات فقط اللهم اعنا على ذكرك وشكرك وحسن عبادتك
• " الحمد لله أولاً وآخراً.. الحمد لله ظاهراً وباطناً..الحمد لله أبداً أبداً.. الحمد لله حمداً كثيراً.. الحمد لله قدر نعمه العظيمة.. الحمد لله بديع السموات والأرض..الحمد لله مجري السحاب.. الحمد لله منزل الأمطار.. الحمد لله هازم الأحزاب.. الحمد لله على نعمة الإسلام وكفى بها نعمة ربى ما أعظمك وما أحلمك ربى ما أكرمك وما أجودك ربى ما أحلمك على العاصيين ربى ما ارءفك على العصاة ربى ما أعظم حجتك ربى ما أوضح بيانك ربى ما أعظم سلطانك ربى ما أرحمك بنا ربى ما أجود عطاءك ربى ما أرحمك بالمؤمنين لك الحمد يا ربنا ابدا ابدا لك الحمد اذا رضيت لك الحمد بعد الرضا لك الحمد ما احييتنا اللهم ربنا خالقنا ومصورنا وهادينا و مصلحنا، يا من إذا وعد ت وفيت يا حبيب التائبين يا حبيب التائبين يا صاحبي في شدتي يا رحيم بالعصاة يا من تقبل العصاة وترضى عن المسيئيين ربنا ما عصيناك استهزاء بعقابك ولكن جهلا منا وأعاننا جهلنا وسترك المرخى علينا فتب علينا يا تواب يا رحيم يا عفو يا رحيم ". امين امين امين
http://n4hr.org/up/uploads/n4hr_14044129712.jpg
بحث عن اخوات غائبات ان شاء الله راكم بخير وسلامة غزالة ام صابرين هنا ام محمد حبيبة والي نسيتها تسمحلي المهم انا نحب تواجد كل الاخوات دون استثناء
حياتي كلها امل
2016-06-10, 15:45
دخلت انبشركم بنتي هاجر جابت الخامسة بمعدل 8,8ام لينا وهنا محمد بشرونا باولادكم والف مبروك لكل الناجحين
فراشات العمر
2016-06-10, 17:03
باركولي نجح ابني بمعدل 9.20 بتقدير ممتاز
هنيئا لكل الناجحين
جهينة اليقين
2016-06-10, 17:17
الف الف مبروك ام لينا وام هاجرعقبى لشهادة المتوسط الله يسمعنا اخبار سارة في هذا الشهر العظيم
حياتي كلها امل
2016-06-10, 17:30
الف الف مبروك ام لينا العاقبة للبيام والباك
فراشات العمر
2016-06-10, 17:46
الف الف مبروك ام لينا وام هاجرعقبى لشهادة المتوسط الله يسمعنا اخبار سارة في هذا الشهر العظيم
الف الف مبروك ام لينا العاقبة للبيام والباك
شكرا لكن والله ماتصورت المعدل هذا الحمد لله
مبروك مرة اخرى
الله يبارك مبروك النجاحات لعقوبة للشهادات العليا ام هاجر و ام لينا
ماشكيتش نقدر نشارك معكم حاليا على الاقل حتى تتحسن ظروفي ان شاء الله
ربي يباركلكم و يوفقكم و يتقبل منكم الطاعات
حبيت نسقسيكم كيما سبق و قلتلكم راني نافس و اليوم عندي 15 يوم نفاس راني مازلت ماطهرتش راني فاطرة حبيت نعرف في حالة اذا طهرت و توقف عليا الدم هذا اليومين نصوم و نصلي او نكمل فترة النفاس حتى اربعين يوم علما اني نكمل 40 يوم عشية العيد اي 29 رمضان اذا كتب ربي
مع العلم اني باولادي الاولين تجيني فترات طهر متقطعة و تزيد تمشيلي تاع الاربعين قبل اربعين يوم
صحى فطوركم حبيباتي
الف الف مبوك النجاحات ام هاجر و ام لينا و لعقوبة للمزيد منها ان شاء الله
عذرا ما نقدرش نطول في الكتابة . راهي عندي الام في المعدة بداتني مع الفطور مباشرة . لي عودة باذن الله اذا تحسنت حالتي . سلاااااااااااااام
omelbanin
2016-06-10, 21:40
[COLOR="DarkGreen, السلام عليكم، صح فطوركم، مبروك النجاح، ام لينا، وام هاجر، للعقوبة للبيام، انا اليوم تعبني الصيام. لاانو ما تسحرتش بالتمر، كان خلاصلي، في العشية حتا وليت نشوف الضباب ولا يسيل عليا عرق بارد، عرفت بلي حبطلي السكر، وممبعد تكيت حتا حسيت روحي مليحة نضت كملت فطوري، يارب تقبل منا طاعاتنا. [/COLOR]
حياتي كلها امل
2016-06-10, 21:43
صح فطوركم شكرا لكم جميعا والعاقبة للولداتكم
فراشات العمر
2016-06-10, 21:48
ام مؤمن نقلك انا ولادي اكل قيصري نطهر في سمانتين ندوش بعد ما ندير نيلون على الجرح ونصل عادي ما نستنى لا ربيعين ولا شهرين
oum sabrin
2016-06-11, 00:55
السلام عليكم و صح فطوركم حبيباتي
سمورة شكلرا على هذا الموضوع الجميل و المفيد كانت راودتني هذه الفكرة قبل رمضان كنت حابة ندير موضوع يوميات فراشة في رمضان نحكي فيه عن يومياتي في رمضان ع باقي الفراشات طبعا و لكن خفت عدم الالتزام بوضع التقارير يوميا خاصة و ان بداية رمضان كانت مع اختبارات بنتي حسيت انها ربطتني شويا و ما درتش حاجة كبيرة و الان بعدما تنحى عليا الضغط ان شاء الله نكون معاكم جا في وقتو
شكرا لكل من سالت عني حبيباتي ام هزار و ام متين يسال عليكم الخير كنت تعبانة شويا و وليت ما نسهرش كامل نطيح كاو
في البداية حبيت نبارك لحبيبتي ام مؤمن على المزيودةالجديدة الف الف مبروك و الحمد لله على سلاكك تتربى في عزك و عز باباها ان شاء الله سعيدة بعودتك :)
كذلك نبارك لحبيباتي ام لينا و ام هاجر لنجاحات ابنائهن العاقبة لجميع ابناءنا
كذلك ادعو بالشفاء العاجل لوالدة ام هزار و والدة ام ابراهيم الخليل ربي يرفد عليهم الضر امين يا رب العالمين
تحياتي لكل حبيباتي الفراشات كل واحدة باسمها ام هزار ام متين اروى الاء ام ادم جهينة اليقين ام هاجر ام لينا نسمة صبح ام البنين هناء محمد ام مؤمن جهتي كلها امل ام ابراهيم الخليل امال توحشتكوم بزززززززززاف و طبعا سمورتنا الغالية ربي يقدرك و مشرفتنا ندية الروح شكرا على مشاركتنا يومياتك و لي نسيتها تسمحلي من الجديدات او القديمات و بلاصتها في قلبي اكييد .
لي عودة لوضع يومياتي الرمضانية
صح سحوركم غالياتي
arwa alaa
2016-06-11, 03:09
لسلام عليكم يا فراشات واش راكم
الف مبروك لكل الناجحين
ام هاجر وام لينا الف مبروك على النجاح لعقوبة للباك والدكتوراء
صباح النجاحات والاخبار الجميلة والمفرحة مبروك النجاح يا ام لينا ويا ام هاجر والعقوبة للمزيد
http://www.ankawa.com/forum/index.php?action=dlattach;topic=399909.0;attach=69 5060
مبروك عودة ام صابرين نورتي الصفحات ونتمنى التحاق الباقيات
على سلامتك يااروى الاء
ام مؤمن على ما اضن والله اعلم ان حتى وان طهرت تقدري ما تصوميش لانك لازلت نفساء ومرضع في نفس الوقت والله اعلم
تقريري ليوم امس البداية من السحور بعد السحور غسلت الماعن هما يتسحرو وانا وقفة نغسل الماعون الي يكملو منو من بعد الصلاة قريت سورة الكهف ورجعت لبلاستي حتى 7.30 بقيت حتى 8 كان الزوج حتى هو نايض غسلت وتوضيت صليت ركعات الضحى وقريت صفحات منالقران ثم الى المطبخ دوزنت شربة بيضاء بالفرميسال وحطيتها تتقلى وزدت لوبيا قريني جابها الزوج سخف عليها من بعد هوخرج يطل على الخدمة وانا بقيت في الكوزينة فرزتها شوية ولميت ماعن خرين غسلتهم ثم توجهت للغرف رتبتهم وكنستهم ومن بعد سيقت غرفة الاولاد والكلوار والحمام والدوش و الكوزينة وكملت مع الظهر رجع الزوج ادوش وراح للصلاة وانا كملت صليت ورتبت المطبج وغسلت السلاطة وحتى الطاولة لان الزوج قالي العشية راهي طويلة نخرجومن بعد الصلاة المهم بعد الصلاة كملت اللازم في المطبخ ورحت ريحت شوية حتى ا3 عاودت نضت درت الفلان وتقيت نحكي مع لوستي في الهاتف من بعد اذن العصر صلينا وخرجنا ما رجعناش حتى بقاو 6او7 دقائق للافطار يعني قيس ما سخن الاكل وحطيناه والكسرة لان كانت عندي من قبل بعد الافطار والصلاة غسلت الماعن وشربت قهوة وبقيت مع الاولاد حتى اذن العشاء صليت والى النوم لان لما نخرج في السيارة نتعب اكثر الحمد لله بلا ما ننسى مرة على نطل عليكو باش ندي شوية طاقة وحماس
فراشات العمر
2016-06-11, 09:03
السلام عليكم حبيت نسقسي على سرين مابانتش من نهار لي قالت بلي بطلت الخدمة يا رب تكون بخير
arwa alaa
2016-06-11, 09:19
صباح الخير يا فراشات
حياتي كلها امل
2016-06-11, 09:27
السلام عليكم وصبحكم الله بكل خير شكرا لكل من هناني بنجاح بنتي ويارب لعاقبة لوليداتكم تفرحو بيهم.
يا حي يا قيوم برحمتك استغيث اصلحلي شءني كله ولا تكلني الى نفسي طرفة عين
حياتي كلها امل
2016-06-11, 09:31
ام هزار يارب تكوني ريحتي من الن المعدة وام البنين مام ميكونش عندك التمر في السحور كولي على الاقل حاجة حلوة اخرى باه ما يهبطلكش السكر ولباس عليك ان شاء الله
https://encrypted-tbn1.gstatic.com/images?q=tbn:ANd9GcQjOug3_zsubGOsmA3v_jQzlmJUeDnjC txTcHLjElckg_198wcn
https://encrypted-tbn1.gstatic.com/images?q=tbn:ANd9GcTojGelvr3gTTy9ikJeSMe8YQyq91bK_ qYp1hDBKkUart5aWbQshttp://n4hr.com/up/uploads/bf145ad0c0.jpghttp://n4hr.com/up/uploads/bf145ad0c0.jpghttp://n4hr.com/up/uploads/bf145ad0c0.jpg
omelbanin
2016-06-11, 09:50
السلام عليكم، كيف الحال، على سلامتك ام صابرين، توحشناك، وكي غبتي الاسبوع الماضي عرفتها بلي كنت مع الاختبارات، انا وليدي دارهم بالاحد والاتنين، والنتائج حتى 25جوان.
انا البارح جاز عليا نهار شوية متعب، تسحرت ماشي كيما موالفة، صليت وقريت من المصحف، رقدت 8:30نضت خملت الشنابر ومسحتهم، وولادي قالك نفخونا لابيسين نعومو، نفخناها وزرزقولي كامل الدنيا، نهار كومبلي وانا شادة النشاف حاشاكم.، خفت خوهم الصغير يزلق.
طيبت الشربة الصباح، وجابلي السلق قطعتو وغليتو، دوشت انا ووليدي الصغير، راح الزوج للجمعه، صليت وقريت شويه قران وتكيت حتىقريب العصر طيبت حليب للاولاد وشربو. وصليت العصر. درت الفلان، وكان جابلي وحد الطيور نتاع السمان قالك حبيت نذوقهم دوزنتهم وطيبتهم، ودرت غراتن سلق والبطاطا. بعد ما فطرنا غسلت لماعن وطيبت طعام للسحور. وممبعد صليت العشاأ ومن التعب رقدت.
مساءكم طيب يا فراشات الحال راه مليح اليوم لكن هذا اليوم من اتعب ايام رمضان الي فاتت علي احس بعدم القدرة تماما على الوقوف لا ادري ربما ما تسحرتش مليح وكيما قالي وليدي ما ننشوفك تفطري ولا تسحري ولا اي شيئ المهم راني غير ندز في روحي وخلاص ربي يعطينا القوة من عندو يا رب ويقدرنا دعواتكم لنا جميعا.
الله ايكون مع نساء الجزائر في رمضان ....غدا سوف يبدا التصحيح للبكالوريا للمواد غير السربة و انا واحدة منهم ..لست ادري كيف اكون مع الإثنين خاصة التصحيح من السابعة حتى الثالثة مساءً ..العودة للبيت اي تحضير الفطور وليس لي بنت تساعدني بيتي كله رجال .....الله معنا جميعا
ربي يكون في عونك استاذتي الكريمة انا نقولك شيئ الاكيد والمؤكد انك تقومي بمهنة نبيلة واوراق واجابات الطلبة امانة في رقبتك وهي حمل كبير والاكيد انك رايحة تقومي بواجبك المهني وربي رايح يعطيك من القوة ما يساعدك في القيام بواجبك الاسري ربي يقويك وتهلاي في اوراق الطلبة راهم يغيظو .
حياتي كلها امل
2016-06-11, 19:24
مساءكم سعيد ربي يكون في عونك ام متين وكولي يالعزيزة على اقل باه تتحركي يااستاذتي العزيزة ربي معاك واتهلاي في ولداتنا ربي يتهلى فيك صح فطوركم
omelbanin
2016-06-11, 21:29
السلام عليكم، صح فطوركم. حبيبتي ام متين اكيد ما تسحرتيش مليح الجسم راهو يدي الطاقة نتاع اليوم من وجبة السحور، انا البارح صرالي كيما راكي تحكي وليت نتكركر، والسبب كلو السحور.
يا استاذة ربي معاك، وكيما قالو لي قبلي اتهلاي برك.
صح فطوركم حبيباتي
ام البنين . شكرا اخيتي على السؤال عني . راني شفيت و الحمد لله . نظن انو سبب الام المعدة مع الفطور مباشرة هو اني كنت نفطر و قلقانة من وحد الامر شخصي .
ام صابرين و الله نورت الصفحات بطلتك البهية . توحشناك حبيبتي . ربي ينجحلك بنتك و تشوفيها في اعلى المراتب . في انتظار يومياتك غاليتي
ام متين لا باس عليك ان شاء الله . انا ثاني كيما نسحرش هكذا يصرالي . و زيد ماكلتنا مع الفطور قليلة غير مع المااء برك . ربي يقدرنا
اما عن يومياتي فهي عادية جدا . نوض صباح في العاشرة متاخرة لاني ما نرقدش من الفطور حتى ياذن الفجر باه ما تروحش علي الصلاة لاني لو نمت من قبل نحس بتعب شديد يدخلني في سكرة نوم عميييييقة . المهم في الصباح نوض متثاااااااااقلة و نعمل فطوري كالدوووووودة . يلحق علي الظهر نصلي و نولي للحالة نفرزها مع الدخول للكوزينة بين الفترة و الاخرى . وعندي يوميا غسلة تااع ملابس لازم . و نتهلى في بنتي شوية . ومع باقي الصلولت و الاعمال حتى لموعد الافطار . بعد الفطور نغسل لماعن و نفرز الكوزينة . بسياس لاو عاودت رجعتلي نوبة الام الظهر . نصلي العشاء و نقرا وردي للقران الكريم نكمل ما بين ال12و 30 ليلا الى 1 قبل الفجر نتكى شوية برك و نشوف كشما ناكل اكيد مع شرب الماء . راني عطشت و ندير جولة في الانترنت . ومن بعد يجي الزوج و يسحر و نصليو الصبح و الى النوم
الحقيقة هذا الروتين متعبني . و اريد منكم تقولولي كيفاه راكم تنظموا في مواقيت نومكم . شكرا لكم الف شكر
http://forum.imageslove.net/photos/img_1385457746_528.gif
صباح سعيد مبارك اخواتي شكرا على الاهتمام وعندكم الحق في الشيئ الي تقولوه والسحور نتاع اليوم حاولت نفورصي روحي وناكل حتى ما يصيرليش كيما امس ام هزار وقتك نتا ع النوم اظن ان متعب لانك لما ترقدي على 1.00 و تعاودي تنوضي للسحور تتعبي شوفي انا نقولك كيفاه ندير لما نكون مليحة شوية بعد الفطور نغسل الماعن ونفرزهم شوية برك نشرب قهوتي ونقعد مع الاولاد شوية قدام التلفاز حتى ياذن العشاء لازم نوض تم تم ونصلي ونعمل تراويح ونقرا على قدر ما نقدر نوقف من بعد الى النوم مباشرة تكون11 او فايت شوية حتى 2.45 نعاود نوض نصلي ركعات ونكمل الشفع والوتر ونروح نحضر السحورومن بعد الادان نصلي ونقر الوردنتاعي واذكار والى النوم مباشرة في الصباح نوض على 7.30.حتى لوكنت تعبانة لان الزوج يروح للعمل نوض انا نطل على حبيباتي في المنتدى ونصلي الضحى وهكذا à(هذا الامور نديرها لما نكون مريحة شوية اما اداكنت تعبانة حتى الصلاة المفروضة نصليها بالقاعدة) الحمد لله على كل الاحوال
]http://www.dreamjordan.com/up/26386hlmjo.jpg
عن ابن عَبَّاسٍ، عَنِ النَّبِيِّ صلى الله عليه و آله:
" اللَّهُمَّ أَعِنِّي عَلَى صِيَامِهِ وَ قِيَامِهِ، وَ جَنِّبْنِي فِيهِ مِنْ هَفَوَاتِهِ وَ آثَامِهِ، وَ ارْزُقْنِي ذِكْرَكَ وَ شُكْرَكَ بِدَوَامِ هِدَايَتِكَ يَا هَادِيَ الْمُؤْمِنِينَ ".
ثواب هذا الدعاء
"مَنْ دَعَا بِهِ أُعْطِيَ فِي الْجَنَّةِ مَا يُعْطَى الشُّهَدَاءُ وَ السُّعَدَاءُ وَ الْأَوْلِيَاءُ" 1 (https://www.islam4u.com/ar/adiieh/%D8%AF%D8%B9%D8%A7%D8%A1-%D8%A7%D9%84%D9%8A%D9%88%D9%85-%D8%A7%D9%84%D8%B3%D8%A7%D8%A8%D8%B9-%D9%85%D9%86-%D8%B4%D9%87%D8%B1-%D8%B1%D9%85%D8%B6%D8%A7%D9%86#footnote1_q2kas3n).
جهينة اليقين
2016-06-12, 08:42
السلام عليكم يا اخواتي راكم ما ذكرتوش القيلولة كامل والله غير تريح والنهار راه طويييييييل على هاذاك راكم تتعبو لان النوم قليل انا ننوض ما بينالسبعة والنصف حتى الثامنة نخدم شوي شغل ما كان والو غير ماعن تاع الصحور وبنتي تسيق ونشوف كاش ما نخيط واذا كانت عندي زيارة للوللدين الي ربحو الخامسة او نشري على التناعش نديرو الشربة ونصلو الظهر والى القيلولة حتى للرابعة اذا عندي الجين نعجن او ندير فلونوبعد العصر الدخول الجدي الى المطبخ وبع الفطور نغسلو الماعن انا وبنتي ونصلي العشاء والتراويحمن المصحف قد ما نقدر السن عندو دوروونقعد فالنت مع فنجال قهيوة وكاش حاجة حلوةوالى النوم في منتصف الليل والسحور على الثلثة حاجة خفيفةونرجع نصليالتهجد حتى للاذان الثاني نصلي وننخبط
OME AHLAM
2016-06-12, 09:44
السلام عليكم ورحمة الله وبركاته
حياكم الله اخواتي وحبيباتي في الله
اسعد الله اوقاتكم وتقبل منا صالح الاعمال ويجعلها خالصة لوجهه الكريم
OME AHLAM
2016-06-12, 09:48
الله ايكون مع نساء الجزائر في رمضان ....غدا سوف يبدا التصحيح للبكالوريا للمواد غير السربة و انا واحدة منهم ..لست ادري كيف اكون مع الإثنين خاصة التصحيح من السابعة حتى الثالثة مساءً ..العودة للبيت اي تحضير الفطور وليس لي بنت تساعدني بيتي كله رجال .....الله معنا جميعا
حياك الله اختي وكان في عونك
ممكن تضهر نتيجة الفائزين في شهادة الباكالويا للشعب االغير مسربة في شهر رمضان
oum sabrin
2016-06-12, 09:49
صباحكم جميل حبيباتي واش راكم
حبيباتي ام متين ام هزار ام البنين ترحب بيكم الجنة
اروى ربي يقدرك مع بناتك رمضان مع التربية ماشي ساهل
ام متين سلامتك حبيبتي اكيد هذا تاثير السحور او نقص النوم كذلك و كيما قالت حبيبتنا جهينة اليقين القيلولة عندها اهمية كبيرة لتجديد الطاقة بين الفترة الصباحية و المسائية
حبيبتي ام هزار شكرا على ترحيب و ها هو روتيني الرمضاني بصفة عامة كنت ناوية نحطو البارح و لكني رحت سهرت في بيت اهلي و رجعت متاخرة رقدت مباشرة
نبدا من السحور نوض على 2/30 نسحر انا و زوجي غير قهوة حليب بالتمر و شويا بريوش و شويا فوكه على حسب الموجود و نشرب كمية مليحة من الماء
نرفد الاواني نحطهم في الحوض مع كؤوس الشاي تاع السهرة نمسح الطاولة نجبد اللحم من المجمد على حسب واش ناوية نطيب ثم نتوضا و نبقى نقرا في القران حتى ياذن زوجي يروح للمسجد و انا نصلي و نكمل نقرا قران و نقرا اذكار الصباح من الهاتف المحمول راني مبرمجتهم يطعولي تلقائيا :19: ثم نرقد حتى 7/30او 8/00 على اقصى تقدير
نغسل اواني السحور و السهرة و نرتب الغرف ما عدا غرفة الابناء راهم راااااقدين و ندير ملابس في الالة اذا كانو موجودين نوض زوجي باش يروح لعملو و في حدود 9/00 نبدا ندوزن فبي الفطور و نحطو يطيب بلعقل اذا كان جواز نطيبو اما اذا كان غراتان نوجد كل شيء و في المساء ندخلو للفرن فقط
نقطع السلاطة و نزينها نغلفها بالفيلم الغذائي و نحطها في الثلاجة في المساء ندير لا فينيقرات فقط نعجن المطلوع و نطيبو الشربة نطيب نهار بنهار و الطبق الثاني كل يوم و لكن بكمية قليلة و لي يبقى نفطر بيه اولادي في اليوم الموالي
بالنسبة للتنظيفات اليومية راني نمسح نهار بنهار تنظيف الحمام و المرحاض اليومي طبعا المطبخ نجوز عليه بعد ما نفطرو و نغسل الاواني
هذا عموما روتيني الصباحي نجيب بيه الظهر بعدما نفطر اولادي نصلي نرقد شويا و نوض نبدا نحضر التحلية او الديسير اما تارت او سلطة فواكه او فلان ...الخ و نحطها في الثلاجة نصلي العصرنعطي الحليب لاولادي و نزيد نقرا قران و اذكار المساء يجي زوجي نجلس معاه شويا نفرز كاش ما قضا و نعاود ندخل لمطبخي نكمل واش بقالي نطيب القهوة و الشاي و نديرهم في التيرمو س و نوجد صينية السهرة نحطها بجهة نكمل نقلي البوراك و نحط الطاولة بمساعدة صابرين (تموت على ترتيب الطاولة)
بعد الافطار غسل الاواني نشوف شويا تلفاز نصلي و نتكا شويا اجري بعض المكالمات الهاتفية و راني مع اولادي نحاول نرقدهم حتى يرقدوني هوما هههه
يجي زوجي نشرب معاه شويا شاي و ندخل للغرفة متعبة
oum sabrin
2016-06-12, 09:50
لي عودة لاحقا الله يعينكم
صباح الخير عزيزاتي
اولا نبارك لام لينا وام هاجر على نجاح ولادهم و تفوقهم لعقوبة لاعلى المراتب في لدنيا والآخرة
ام لينا شكرا للنصيحة بانسبة .للمطلوع لكني ما نحطوش مباشوة في كيس بلاستيكي راني نحطو في كيس قماش اولا ومن بعد نحط في كيس بلاستيكي
ام متين غاليتي اسأل الله العظيم ان يشفيك ويعطيك القوة على الصيام والقيام وكيما قالولك الاخوات حاولي تاكلي شوي وتحتمي على روحك في السحور حتى تشحني طاقتك
ام هزار حبيبتي على سلامتك يا اختي العزيزة وربي يشفيك ويحفظك من كل مكروه
ندية الروح الله يبارك عليك وربي يتقبل منك وربي يهدينا لاحسن من هذا رشدا
ام صابرين ربي يوفق صابرين في الامتحانات والله يعينا على الصيام والقيام
يالنسبة ليومياتي تختلف في اليوم لي نكون فيه خدامة على اليوم لي ما نكونش فيه خدامة
راح نبدا باليوم لي نكون فيه خدامة
النهوص للسحور على الساعة 2.30ومن نسحر وحدي فزوجيما يتسحرش يشرب الماء فقط ومن بعد نتوضا ونصلي حتى يأذن الفجر نصليه ونقرا وردي ونرجع للنوم تقريبا الساعة الرابعة الى غاية 8.00 نوض نتوضا نصلي الضحى ونوجد روحي ونروح للخدمة
نرجع من العمل الساعة 2.15 نتوضا نصلي الظهر ونتكا شوي حتى الربعة نوض ندوزن الشربة و دوزيام بلا ومن بعد نصلي العصر ونرجع للكوزينة نطكمل لفطور والسلاطو والفلان والتحلية الكسرة تكون عندي موفرة من الايام لي ما خدمتهش المهم نكمل حوالي الساعة 19 نحاول نغسل الاواني تاع الطياب ونوجد طاولة الفطار من بعد الافطار نغسل الواني ونسيق الكوزينة والهول والدوش والتوالات غرفة الاولاد لي هي غرفة القعدة وحيانا نجوز على الصالون المهم نكمل على 10 نقعد نصلي و نطل على النت ونرقد حوالي 11.30 ولا 12
اليوم لي ما نكونش فيه خدامة لا يختلف كثيرا
سحور صلاة قرآن في الفجر
صلاة لضحى
الاختلاف هو اني ممكن نبدا في الفطور الصباح ونخلي لعشية للكسرة والسلاطة والتحلية
وايضا يختلف في كون التنظيفات تكون اعمق بالاضافة لغسل الملابس والكوي ومسح الغبار..........
وايضا قراءة القرآن تكون اكثر بعد الظهر
اللهم اعنا على الصيام والقيام وتقبل منا يارب
omelbanin
2016-06-12, 13:37
السلام عليكم، انا هاذو اليامات راهو عندي الم في الكتف والرقبة راني غيرمع المسكنات والله غير شغلي راني نخدم فيه بسيف، اليوم اولادي هوما لي نظفو المرحاض والدوش. والبارح وليدي درتلو كرسي وغسل معاي لماعن. وكل يوم نقول نروح لطبيبة وهي شوية بعيدة. ووليدي صغير ما عنديش وين نخليه. اسمحولي دخلت نشتكي. راني متكية ونكتب بالتابلات. اللهم اعني على ذكرك وشكرك وحسن عبادتك. امين
حياتي كلها امل
2016-06-12, 14:59
السلام عليكم شكرا ام ادم على التهنا وربي يفرحك بولادك .
انا نوض للسحور نتسحر ونصلى ركعتين ثم نقراالقران ثم نصلي الفجر ونقرا الاذكار نولي نرقد حتي 8 نطيب الحليب لاولدي ثم نغسل الاواني ونخمل البيوت بعد ما زوجي يذهب للعمل ونسيق كل يوم المطبخ والكولوار والمرحاض والحمام اما البيوت يوم بيوم ومثل اليوم كان عندي ملابس للغسل غسلتهم ونشرتهم ثم نصلي الظهر ونقري القران ونرقد بنتي ونتكى سعات نرقد سعات لالا ثم نوض نطيب الشربة اذا ماكانتش عندي وبلا الثاني والسلطة والفلون ثم صلاة العصر والاذكار ونكون كملت الفطور نغسل الاواني ونخمل الحالة وسعات نهبط عند عجوزتي وساعات يجي الزوج بكري نقعد معاه ثم نوجد الطاولة بمساعدة بنتي ونفطرو تعاوني بنتي في الاواني نطيب قهوة للزوج ثم نصلي العشاء وسعات التراويح اذا ماكنتش متعبة ثم يرقدو الاولاد ونرقد على11:30 12:00
arwa alaa
2016-06-12, 15:33
السلام عليكم يا فراشات واش راكم
arwa alaa
2016-06-12, 15:44
يوميات رمضان
انا نوض نتسحر على 2.30نشرب حليب بالقهوة وشوية ديسار راجلي ميتسحرش يشرب غير الماء كي يجي من التراويح ياكل
نصلي حتى يذن الاذان الاول نصلي ونقرى القران حتى يذن الصبح نصلي ونسبح ونقرى اذكار الصباح
نرجع نرقد حتىالثامنة ينوضو الاولاد نفطرهم ونغسللهم نهار وندوشهم نهار نكمل ليهم نغسل مواعن السحوروالسهرة وندوزن الشربة نديرها كل يوم
الشباح نهار بنهار
والطبق الثاني نهار بنهار ونهار الي منديرش الطبق الثاني ندير بيتزا ولاكوكا ...كالدي ....
نروح نفرز البيوت ونغسل القش
نجوز عاى الدنيا كل يوم
arwa alaa
2016-06-12, 15:52
توصل ال12نفطر الاولاد ويكون فطوري طاب نغسل المواعن نروح نرقدهم ونرقد معاهم حتى الرابعة نشربهم الحليب وندير حاجة حلوة والفلونوالمحلبي ونحطهم يبردو وندير الكسرة والسلاطة ونوجد الطابلة وبيبقى غير البوراك
نوجد وحدة من البنات باش تخرج ونكمل كشما بقى
نفطرو نتفرجو كميرامخفية هذاك واش نشوف نهار كامل راني مقاطعة التلفاز في رمضان راجلي يروح يصلي هو ووليدي وانا نغسل المواعن مع تلباز اروى والاء ههههههههه زعما يغسلو معايا
نكمل نغسل روحي ونوجدهم برقدو نرقدهم وندير التراويح ونقرى حتى يجي الزوج نحط السني نتاع السهرة ومنبعد نرقدو على 12 نتاع اليل
وبنسبة لجانب الديني راني معتمدة برنامج الاخت امنيات راهو مساعدني ونصلي في الوقت ونصلي النوافل ربي يحفضها ويجازيها
arwa alaa
2016-06-12, 15:54
ربي يقدرنا ويقدركم في هذا رمضان والله دارتلي القلب الاخت ندية وراح نحاول نحسن من عدد الاحزاب الي نقراها
omelbanin
2016-06-12, 17:24
السلام عليكم، جا زوجي بكري. على3. رحت معاه للطبيبة. وعطاتني ادوية مسكنة وقالتلي ديري راديو،، اليوم طيبت غير. شربة. الصباح. و ممبعد راح نقلي الفلفل. وخلاص.
السلام عليكم ام البنين ربي يجيب الشفا حبيبتي سايسي روحك وطمنينا عليك بعد ما ديري الراديو
حياتي كلها امل
2016-06-12, 18:04
بالشفاء عليك ام البنين وخدمي غير بلعقل واش قدرتي
omelbanin
2016-06-12, 18:06
شكرا حبيبتي ام ادم،وام هاجر، الراديو قالتلي كملي الدوا وديريه بعد رمضان قالتلي احتمال يكون بداية arthrose لانو المراة في بداية الثلاثينات ممكن يبداها.
. ومقبيل. قريت من المصحف وانا متكية والنت غير. كي والفتكم وما نقدرش نستغنى عليكم .
oum sabrin
2016-06-12, 23:23
السلام عليكم صح فطوركم
ام البنين لا باس عليك غير بلعقل ما تفورصيش على روحك و ان شاء الله ما يكون غير الخير طمنينا حبيبتي
ام ادم اروى الاء حياتي كلها مل و كل الملتحقات بعدي صح سحوركم
]http://forums.imageslove.net/photos/img_1385457748_626.gif
دعاء اليوم الثامن
عن ابن عَبَّاسٍ، عَنِ النَّبِيِّ صلى الله عليه و آله:
" اللَّهُمَّ ارْزُقْنِي فِيهِ رَحْمَةَ الْأَيْتَامِ، وَ إِطْعَامَ الطَّعَامِ، وَ إِفْشَاءَ السَّلَامِ، وَ ارْزُقْنِي فِيهِ صُحْبَةَ الْكِرَامِ وَ مُجَانَبَةَ اللِّئَامِ، بِطَوْلِكَ يَا أَمَلَ الْآمِلِينَ".
ثواب هذا الدعاء
"مَنْ دَعَا بِهِ رُفِعَ عَمَلُهُ بِعَمَلِ أَلْفِ صِدِّيقٍ" .
على سلامتك ام البنين وربي يشفيك وغير بالسياسة في الشغل
سبحان الله الاثنين الي فات كان اليوم الاول واليوم ران في الثامن يارب اغفرلنا تقصيرنا يارب انت اعلم بحالنا واحوالنا
الايام تتشابه والروتينات تتكرر انا كل يوم يفوت نحمد ربي كثيرلما نقوم نصلي العشاء وانا واقفة ونعمل ركعات بعد العشاء والله نحس بفرحة كبيرة يارب لا تحرمني من هذه الفرحة واعيني على ذكرك وشكرك وحسن عبادتك .نحاول قدر الامكان ناخذ بنصائحكم ودائما كلامكم في بالي حتى وقت السحور
جهينة عندك الحق بالنسبة للقيلولة لكن انا مشكلتي ان اولادي ما يرقدوش في النهار لا الكبار ولا الصغار وزيد ان النوم نتاعي في النهار خفيف وصعيب يعني لوتغفو عيني دقيقة ونفيق بسبب صوت ما ما نقدرش نعاود نرقد وتخيلي الاولاد في الدار الكبار نقدر نتحكم فيهم باه ما يديروش الحس لكن الصغار فهميهم غير نحط راسي على المخدة يجي الصغيرواذا ماجاش يتقابض مع اختو رغم اني نحاول نخلي الكبار في غرفتهم والصغار في الصالون لكن الحمد لله ربي يقدرنا.
سمراء الدنيا
2016-06-13, 10:28
السلام عليكم و رحمة الله و بركاته
بارك الله فيكم على التفاعل مع الموضوع و لي عودة باذن الله لقراءة يومياتكم
اعذروني فراشاتي عندي مدة مريضة جاني هبوط حاد في الكالسيوم ما عدتش نقدر نخدم او نوقف الحمد لله انو والدتي ربي يحفظها جات عندي و راهي واقفا معايا
شكرا للبنات للي حطو مشاركتهم في المسابقة نتمنى تتفاعلو مع بعضكم و تشجعوهم و تنشطو الحالة
نروح نشوف الابداع نتاع فراشاتنا
omelbanin
2016-06-13, 11:07
ربي يجيبلك الشفاء حبيبتي سمراء، والله غير صعيب الحال كي ربة البيت تمرض، خاصة في رمضان. ربي يعينا.
حياتي كلها امل
2016-06-13, 11:07
ربي يجببلك الشفاء يا عزيزتي سمراء والحمد لله كي القيتي والدتك ربي يحفضهالك
سمراء الدنيا
2016-06-13, 11:13
ربي يجيبلك الشفاء حبيبتي سمراء، والله غير صعيب الحال كي ربة البيت تمرض، خاصة في رمضان. ربي يعينا.
ربي يجببلك الشفاء يا عزيزتي سمراء والحمد لله كي القيتي والدتك ربي يحفضهالك
بارك الله فيكن غالياتي على الدعاء محتاجاتو
ربي يشفيك يا سمراءوترجعي احسن مماكنت وربي يشدلك الوالدة ويعطيها الصحة كي راهي واقفة معاك ربي يحفظ كل الامهات اكيد ان كلما نكبرو نحسو بيهم اكثر ربي يخليهم ويعطيهم الصحة والعافية والسلامة من الامراض وبالمناسبة ربي يشفي والدة ام هزار ويخفف عنها هي و والدة ام ابراهيم الخليل
جهينة اليقين
2016-06-13, 13:38
السلام عليكمالظاهر هذا رمضان جاء فيه المرض غير الي تدخل تقول بي المرض والله البارح بت في حالة ما عرفت روحي وين راني نظن انو المعدةكي ناكل نحس بود الفشلة يا لطيفرغم اني ما ناكل لحم ولا مقليات ولا مشروبات غازية الا الي مصنوع فالبيت ما عرفتش وين الخلل ربي يشفينا ويشفي سمراء وام البنين ام متين ويقوينا ويعيننا على ذكره امين
نصيجة لوجه الله من كان عندها صحة و عافية و قدرة على أن تكون كالنحلة تعمل و تنظف و تطبخ و تربي فلا تظهر كل شيء عندها فكل ذو نعمة محسود و أنتن لا تعلمن كل من يدخل ليقرأ المواضيع ليس بالضرورة المشاركات فقط بل العشرات يدخلون و يخرجون في صمت و حسب ما رأيت لحد الساعة هناك من مرض ولدها و هناك من استقالت من العمل و هناك من مرضت هي نفسها فرفقا بأنفسكن و أولادكن و لا تحكين كل شيء فالنفوس المريضة كثيرة
omelbanin
2016-06-13, 13:48
ربي يشفيك ام راضية، انا كون. تدخلي لداري تهربي، راهي هاااملة الذراري راهم دايرين رايهم وانا مانيش قادرة نوض ليهم. لفطور عندي شربة تاع البارح ونزيد حاجة خفيفة والسلام.
oum sabrin
2016-06-13, 14:20
السلام عليكم و رحمة الله
سمراء و جهينة ربي يشفيككما و يشفي كل المرضى امين يا رب طهور ان شاء الله
هادا وين قدرت نحط موضوع المسابقة كان عندي مشكل في تحميل الصور الحمد لله طلعوا بعد عناء مزيا عندي الشربة اليوم :1:ما زالي الطبق الثاني
لي عودة للاطلاع على مشاركاتكن
سلام
صح فطوركم حبيباتي
ام البنين و سمراء . و جهينة . اسال الله لكم الشفاء التام و العافية و السلااااااااااامة من كل سوء . رب يجعل مرضكم في ميزان حسناتكم يا رب و يبعد عليكم و علينا البلا يا رب . كما اسال الله تعالى الشفاء لوالدتي و لام ام ابراهيم الخليل و كل مرضى المسلمين . امين
ام متين يا الغالية بالنسبة للنوم حقيقة امره متعب . انا ما فهمتينيش كي قتلك نبقى للوحدة تاع الليل مع وردي للقران الكريم في الحقيقة ما نرقدش خلاص يعني من الوحدة و انا ندور حتى للسحور و صلاة الفجر. يعني ماااااااااااااا نرقدش خلاااااااااااااااااااااص . و زيد ما كنتش نقيل ابدا حتى نبهتوني . راني نحاول ناخذ غفوة . جزاكم الله خيرا على التنبيه . لكن الحقيقة رمضان هذا العااام متعب جدا و راني سالت بعض الزميلات اليوم في العمل عن احوالهن مع الشهر الفضيل لقيتها مشابهة لتاعي . فما بالك لما يكون الانسان م ريض و ما ينامش . و الله يا ام متين اثرت في لما قلت نصلي بالقاعدة و كذلك ااثرت في حالة سمراء و ام البنين . اسال الله عز و جل انو ما يعجز مؤمن خاصة الامهات . الحال صعيييب
ام ادم توامي .ام صبرين اروى .ام هاجر ربي يعينكم و يقدركم و يوفقكم .اميييين
نبض الفؤاد
2016-06-14, 06:16
ربي يرفع عليك الضر حبيبتي سمراء...ويشفي كل مريض....يا رب.....ويحفظ والدتك.......ويرزقها الصحة والعافية.........ما بقاتش صحة المرأة كي بكري.....لاسباب عديدة الماكلة والجو الملوث ...و...و....و......حتى ونقولو رانا ناكلو صحيا ما كانش منها...الله يلطف بعباده......
لي عودة عجبني الموضوع.........
حياتي كلها امل
2016-06-14, 08:05
السلام عليكم وصبحكم الله بكل خير.
سبحان الله والحمد لله والله اكبر
جهينة اليقين
2016-06-14, 09:37
السلام عليكم الحمد لله الذي بنعمته تتم الصالحات
فراشات العمر
2016-06-14, 11:03
السلام عليكم
خواتاتي ابني راه مريض في الاول قالولو قراجم حمر مدلو انتي بيوتيك زيكلار مع القطرات غير ماخلص الدوا ولاتلو السخانة داه للطبيب مدلو انتي بيوتيك زينات ملي شربو وهو لا ما كلة لا شراب لسانو طاب ولا ابيض ثلج الما ماقدر يشربو ويبات ينازع
كشما تنصحوني بحاجة للطياب تاع اللسان راني ماني حية ماني ميتة والله وتشوفوه غير حالة
فراشات العمر
2016-06-14, 11:12
ربي يجيب الشفاء ل سمرا وام البنين
هذا وين عيطت لبنت خالي ندبتلي قاتلي علاه تديريلو زوج انتي بيوتيك مع بعض قاتلي مدة عشر ايام وباه يصفى الدم نتاعو من الدوا الاول
حصلنا مع الاطباء تاع هذا الوقت
وهو مسكين يتعذب بشدة وحدو
حياتي كلها امل
2016-06-14, 11:26
ام لينا بشفاء على وليدك انا كي كان وليدي صغير تشلفطلو فمو اديتو لثلاث اطباء الدواء الي نفعو هو جال بوكال تاع الشلافط
حياتي كلها امل
2016-06-14, 11:34
ام لينا هذا هو الدواء وزيدي اسالي الصيدليhttp://www.up.djelfa.info/uploads/146590038327271.jpg
omelbanin
2016-06-14, 13:15
ام لينا ربي يجيب الشفا لوليدك. كاين وحد الدوا اصفر انا كنت ندبرو لولادي. اسمو fungizone. لوي كومبخاس على. صبعك. وديري فيها الدوا. وجوزيلو على. لسانو وفمو.
جهينة اليقين
2016-06-14, 13:26
ربي يجيب الشفاء ام لينا
ربي يشفي وليدك يا ام لينا نقولك ان الدواء الانتي بيوتيك هو في حد ذاتو يعمل الشلافط في الفم ربي يقويك اختي باه تقدري تقومي بيه
arwa alaa
2016-06-14, 17:45
السلام عليكم يا لبنات
ربي يجيب الشفاء لكل مريض سمراء ام البنين جهينة ووليد ام لينا
ام لينا انا الشهر الي فات صراتلي مع ولادي شربو زيكلار وكي كملوه رجعت السخانة كي اداهم لطبيب قالو بزاف الاولاد الي رجعولي بعد ما شربوه ومدلهم زينات
صح فطوركم حبيباتي
ام البنين و سمراااااء . ان شاء الله ريحتو شوية . ربي معاكم
تقريبا خلصو العشر الاوائل من رمضان . ربي يتقبل منا الطاعات و العبادات . امين
ام ادم توامي . واش حواالك حبيبتي هذه الايام مع الخدمة برة و لداخل . يا رب ييسر اموورك غاليتي
اروى ام متين غزالة جهينة واش احوالكم . ام صبرين داك علينا التحدي . غير طلي برك
يومياتي كالعادة و كابوس النوم راهو مؤرق نهاري و ليلي . كيف الحال معاكم
حياتي كلها امل
2016-06-14, 23:24
صح فطوركم وتقبل الله من ومنكم خالص الاعمال وشراكي يا ام هزار وكيف احوال الوالدة
يارب اشفي جميع مرضانا ومرضى المسلمين
اختي ام هزار حاولي على الاقل ترقدي ساعة او اثنين قبل السحور يا اختي الجسم يريح اكثر من نوم الليل ويعاود الانسان يجدد طاقته وفي النهار حاولي تعملي قيلولة فهي ايضا مفيدة
صح سحوركم وربي يتقبل منكم الصيام والقيام ويومكم طيب ان شاء االله طيبة هذه الايام المباركة في هدا الشهر المبارك.
عن ابن عَبَّاسٍ، عَنِ النَّبِيِّ صلى الله عليه و آله:
"اللَّهُمَّ اجْعَلْنِي مِنَ الْمُتَوَكِّلِينَ عَلَيْكَ، الْفَائِزِينَ لَدَيْكَ، الْمُقَرَّبِينَ إِلَيْكَ، بِإِحْسَانِكَ يَا غَايَةَ الطَّالِبِينَ".
ثواب هذا الدعاء
"مَنْ دَعَا بِهِ اسْتَغْفَرَ لَهُ كُلُّ شَيْءٍ" 1 (http://www.islam4u.com/ar/adiieh/%D8%AF%D8%B9%D8%A7%D8%A1-%D8%A7%D9%84%D9%8A%D9%88%D9%85-%D8%A7%D9%84%D8%B9%D8%A7%D8%B4%D8%B1-%D9%85%D9%86-%D8%B4%D9%87%D8%B1-%D8%B1%D9%85%D8%B6%D8%A7%D9%86#footnote1_kalogx3).
السلام عليكم
اهلا حبيباتي توحشتكم مووووووت
راني غائبة على المنتدى لاسباب خارجة عن ارادته و لما دخلت زرت المتسابقات في الحملة الرمضانية ماشاء الله يبعثو في النفس الحماس
و اليوم قلت لازم لما ندخل نزوركم لاني لا استطيع الاطالة
المهم ربي يشافي كل المرضى
و ربي يفرج كرب كل واحدة فينا
و نزيد نقولكم توحشتكم يا احلى صحبة
لم استطع قراءة الصفحات لكن سلامي لكل الحاضرات و الغائبات
اللهم اعنا على ذكرك و شكرك و حسن عبادتك
اللهم صل وسلم وبارك على سيدنا وحبيبنا محمد وعلى آله وصحبه أجمعين
سلام
omelbanin
2016-06-15, 09:27
السلام عليكم، شكرا حبيبتي. ام هزار على السؤال عني راني بديت نتحسن والحمد لله.
ونشكركم حبيباتي على. ردودكم وتشجيعاتكم لي في التحدي.
جهينة اليقين
2016-06-15, 12:42
السلام عليكم واش الاحوال اليوم العاشر من في سعربي يقدرنا على صيام نهاره وقيام ليله امين
arwa alaa
2016-06-15, 14:13
واش راكم يا فراشات
انا راني ايخة نسيت التحديات ضرك نضرب طلة عليهم
ام هزار كيف احوال الوالدة وعلى النوم واش الي يخليك تسهري ومترقديش سيي كي ترقدي بنتك في اليل او القايلة تنعسي معاها وطفي التلفاز والميكرو ومتشربيش القهوة والتاي انا اليومين اللولين منقدرش نرقد من التاي وليت بطلتو
وكي رقد البنات في القايلة نغمض عيني معاهم كل مرة يجي ولدي ينوضني بصح نرتح عينيا وفي اليل كيف كيف نرقدهم ونغمض عيني حتى يجيالزوج من التراويح حتى نص ساعة
صح فطوركم غالياتي . ان شاء الله راكم جميعا بخير . امين
ام هاجر عزيزتي شكرا على النصائح القيمة . ام بخصوص الوالدة . ما تشكريش خلاص . رايحين نركبولها الانبوب تاع التغذية اللي يمر عبر الانف من اجل ادخال الطعام لانها منذ اكثر من شهر و نصف ما تاكلش . حتى السيروم ما نفعش و لا حول ولا قوة الا بالله العظيم .طبيبتها اعطاتها 100 حقنة تضربها لانها كل ما كلات الدواء تسترجعو اكرمكم الله . المعدة تاعها ما تقبل والو . راهي على الفراغ . و الالام لا تطاق . مضاعفات السكري لا ترحم و الجرح في رجلها مين رايح يزيد و كل يوم يغسلولها . بالامصال و الادوية الله لا يشوف مومن في هذيك الحااااااااااالة الصعبة . المهم دعواتكم حبيباتي و الله رجعت ما تتعرف و ربي يجيب الخير
ام هارون على سلامتك انت و ام متين و اروى و شكرا على النصائح . نحاول نطبقها . و اروى راكي حطيت يدك على السبب اللي ما يخلينيش نرقد . راني في حالة تشويش مستمرة كاني اسابق الزمن . نسال الله الثبات
غزالة ربي معاك يا اختي و يشفيك و يعافيك و ام ام ام ابراهيم الخليل و جميع مرضى المسلمين . امين يا رب
جهينة وين وصلت في الورد القراني ان و باقي الفراشات
ام ادم يا حبيبتي . ربي يعينك وين راكي ظ
سمراء ربي يشفيك عاجلا غير اجل و تعودي لينا
حبوووووووووووبة ليك وحشة انت و ام صبرين و نسوووومة . ربي تكونو بال الف خير . اللهم امين
mina1333
2016-06-15, 22:08
السلام عليكم و رحمة الله تعالى و بركاته
صحة فطوركم
أختي أم هزار ربي يشفي الوالدة شفاء لا يغادر سقما و يخفف عليها و يصبركم على ما ابتلاكم به و يجعله تخفيفا للذنوب
حياتي كلها امل
2016-06-15, 22:27
السلام عليكم وصح فطوركم حبيبتي ام هزار ربي يشفي والدتك وهذا كله طهور ان شاء الله والله وانا نقرا في الرد تاعك قلبي دزير وحسيت بيك وبالوالدة تاعك ربي يكون معاها ويخفف عليها وصدقيني راني ندعيلها هي وام ام ابراهيم انا فقدت امي وانا عمري ثلاث عشر سنة نحس بقيمة الام خاصة والوالدين عامة ونوعدك باذن الله ما ننساش امك بالدعاء كانني ندعي لامي ربي يكون في عونك واغتنمي هذه الايام في الدعاء ووكلي امرك لله ترتاح نفسيتك قليلا
جهينة اليقين
2016-06-15, 23:09
السلام عليكم صح فطوركم تصورو الماصو راه عندي يخلص في وحد الجهة لان عندو خدمة وحدخرى حب يكمل ليه ليهوراني مع القهوة والمسفوف للصحور
ام هزاز راني في سورة يوسفربي يقدرني ونختم مرة واحدة ما نقدرش اكثر من ذلك الله المستعان
فيما يخص الوالدة راني فاهمة وضعها تماما لان عجوزتي ربي يرحمها صرى لها هكذاوالله صعيييييييييييب بزافربي معاكمتخفيف سيءاتهاوزيادة حسناتالي رافدها يا بختو الصبر الصبروالله لا يضيع اجر المحسنين هل راه عندها les escares وهل راكو دايرين لها المطرح تاع الضوء؟
oum sabrin
2016-06-15, 23:59
السلام عليكم و صح فطوركم حبيباتي
حبيبتي ام هزار دخلت مع ردك و الله تأثرت كثيرا لحالة الوالدة ربي يخفف عليها هذا الالم و يصبركم على الابتلاء طهور ان شاء الله
ربي يشفي كل المرضى يشفي امك و ام ام ابراهيم الخليل شفاءا لا يغادر سقما
ام لينا ربي يشفي ابنك بالنسبة للشلافط كانت عجوزتي ربي يرحمها تديرلهم بيكاربونات في كومبريس تحكلهم الشلافط بيها ثم بعدها تعطيهم ملعقة زيت زيتون و يرقدو بلا ما يشربو حتى شيء بعدها و يصبحو ملاح ما يكون غير الخير
حبيت اشكر كل من مرت بموضوعي و تركت ردا ربي يحفظكم
تحية عطرة للجميع
صح سحوركم
omelbanin
2016-06-16, 03:54
السلام عليكم، حبيبتي ام هزار. والله غير تاسفت لامر الوالدة، ربي يشفيها، ويخفف عليها الامها وربي قادر على كلش، وانت شدي في ربي سبحانه ، انشالله تكون شدة وتزول. عليكم بالدغاء برك في هذه الأيام المباركة. وحنا ماراناش ناسيينها كامل. بالدعاء. وطهوووووووور انشالله.
جهينة اليقين
2016-06-16, 11:17
السلام عليكم يا فراشات وين راكم محلقين ان شاء الله تكونو لا باس
ام براهيم الخليل
2016-06-16, 14:20
السلام عليكم ورحمة الله وبركاته اخواتى شكرا لى الدعاء لى امى انى اشعر بكى ام هزار وقلبى معك الله يشفيها ويشفى امى وكل مرضى المسلمين
جهينة اليقين
2016-06-16, 16:36
وين رحتو؟؟؟؟؟؟؟؟؟؟
حياتي كلها امل
2016-06-16, 17:45
رانا هنا يا ام راضية واش الماصو كملك الخدمة ولا مزال يزيد يولي .
ام ابراهيم الخليل ربي يشفيلك الوالدة ورانا ندعولها في كل وقت هي ووالدة ام هزار انا راني في سورة يوسف
مساءكم طيب ومنور واش الاحوال رانا غير هنا يا ام راضية ولكن ساعات ما تلقايش الفرصة باه تكتبي المهم ان شاء الله راكم بالف صحة وعافية
ام هزار والله كنت ندعي في صلاتي لكل المرضى قبل ما نقر على حالة امك ربي يقويها ويخفف عليها والله يا اخواتي انا راني نحط روحي مكان كل مريض ونقول يارب اللطف من عندك يا رب وارحم ضعفنا يا ارحم الراحمين ربي يشفي كل مرضانا ومرضى المسلمين ويصبر اهلهم
جهينة ربي يخفف عليك عمل الماصو وتتهناي ان شاء الله يا رب بالبيت انتاعك
تحياتي لكن جميعا وصح فطوركم الحاضرات والغائبات (ربي يرجعكم لينا بالف صحة وعافية)
انا فطوري اليوم ابيض في ابيض وان شاء الله ايامكم كلها بيضاء شربة بيضاء وثريدة بيضاء خبز الدار سلاطة و فلان قلب اللوز وربي ورحمتو الحمد لله على كل نعمه والشكر له على كل شيئ
فراشات العمر
2016-06-16, 18:38
السلام عليكم
حبيت نقلكم بلي ابني راه اليوم لاباس بدا يذوق النعمة وزدنالو وحدة تاع انتي بيوتيك لازم 8ايام
ام هزار ركي فكرنيتي بالوالد الله يرحمو والله طلبت الموت لاجل عذابه فالموت رحمة ومات في رمضان تاع جويلية العذاب لي كان فيه يعلم بيه غير ربي سكتة دماغية اصيب بشلل نصفي قطع الحركة ولكلام الله يرحمو الله يرحمه هذي دنيا لازم نكرهوها مانفرحولهاش دات من عندنا غير لعزيز
صح فطوركم
حياتي كلها امل
2016-06-16, 18:50
ام لينا الحمد لله كي ريح وليدك .
كاين فرشات راهم غايبين توحشناهم سرين ام صفصف لجين هنا محمد سرور وين راكم
السلام عليكم
يا حبيبتي يا ام هزار الله يكون في عونك ويعطيك القوة والصبر من اصعب المواقف تشوفي اقرب واحب انسان على قلبك يتعذب ويتألم وما تقدري ديري والو الله يجعل كل ألم تخفيف وتصفية ذنوب والله يشفيها يارب فهو قادر على كل شيء لا حول ولا قوة الا بالله
omelbanin
2016-06-16, 18:54
السلام عليكم، ام ابراهيم ربي يشفيلك. ميمتك انشالله. ويشفي كل المرضى، ام لينا الحمدلله. كي ريحلك وليدك ، ام راضية راني يا في الكوزينة يا مكسلة في كاش بلاصة، انا اليوم درت شربة فريك، طاحين زيتون وسلطة ولحم حلو وكيما تقول ام متين. وربي ورحمتو.
جهينة اليقين
2016-06-16, 19:31
الحمد لله كي راكم هنا انا درت حريرة بوراك فالكوشة خبز الدار وطاجين بالحمص وبطاطا هريمش مقلية وسلطة وديسار وعصير منزلي وربي ورحمتو صح فطوركم
صحا فطوركم حباباتي
انا اليوم عندي الكسرة والشربة والبويون درت كمونية و سلاطة مشوية ولله الحمد والمنة
omelbanin
2016-06-16, 22:33
السلام عليكم وصح فطوركم، حبيبتي جهينة حبيت نسقسيك انتوما في جوايهكم ما طيبوش كامل شربة طيبو غير لحريرة؟
جهينة اليقين
2016-06-16, 23:09
لالا ام البنين كاين الي يديرو شربة فارميسال ولسان الطيرلكن الغالب لحريرة هي سيدة الموقف ورمضان بلا بها ما يحلاش لانها عندها نكهة راس الحانوت والحشايش المميزة
جهينة اليقين
2016-06-16, 23:11
ام ادم وشنو هي كمونية
جهينة اليقين
2016-06-16, 23:12
ام هزاز راكي غايبة اليوم ان شاء الله المانع خير
صح فطوركم حبيباتي
مينا اختي اهلا بيك معنا و ربي يجازيك خيرا على الدعااء لامي . ربي يحفظلك والديك . امين يا رب
حبياتي ام هاجر ام هارون جهينة توامي ام ادم ام متين ام لينا ام صبرين ام ابراهيم الخليل . بارك الله فيكم على الدعاء لامي . اللهم امين و ربي ما تشوفو شر امييييييييييييييين يا رب العالمين
جهينة و ام البنين ما شاء الله عليكم في الورد القراني
. انا راني في الحزب 34 يعني فت سورة يوسف . و ربي يقدرنا
بالنسبة لسؤالك جهينة على ليزيسكار . ما داروش لامي و الفضل لله تعالى اولا ثم لاخواتي البنات اللي قايمين بيها ربي يحفظهم . اما بالنسبة لمطرح الضوء ما فهمتش واش تقصدي بيه . حنا ديرنالها مطرح الهوا . ومن بعد الما . و هي ما تحمل والو كل مرة نبدلولها نوع . و ربي يجيب الخير
البقية واش كسيتو لولاد للعيد و لا ما زااال .الاسعار راهي لاهبة . انا كسيت بنتي من قبل رمضان ما زالها الحذاء فقط حاشاكم . و الزوج راهو يقولياخرجي انت اشريه و انا نقولو لا لا انت اللي تشريه ما عنديش الوقت في النهار و في الليل نعيا . و اش درتو فيها انتم
فطوري اليوم شربة فريك و لحم لحلو من البارح و بريك في الفرن و ماشطو بالفرماج و سلطة و الحمد لله حمدا كثيرا مباركا فيه
جهينة اليقين
2016-06-16, 23:32
الحمد للههاذي حاجة ايجابيةوربي يجازي خواتاتككي راهم واقفين غير يقلبوها مرة على مرة والطرح نقصد تاع الهوا الي يمشي بالتريستي راه مليح بزاف
اما الملابس الحمد لله تهنيت اولادي كبار والعام طؤيل وهوما يشرو يشرو غير حاجات خفاف مثل قمصان لصلاة العيد او جابادورللسخانة فقط
حياتي كلها امل
2016-06-17, 00:18
صح فطوركم انا كانو عندي ضياف هذا وين خرجو اليوم درت شربة ودولمة طرشي وخبز الزيتون وبطاطا اكسبرس وليدي مايحبش الطرشي وسلطة والحمد لله على النعمة .
حوايج العيد انا شريت البنتي هاجر ووليدي انس قبل من رمضان وسرين الصغيرة باباها يشريلها قتلو انا مانقدرش نخرج في رمضان امالا راه كل يوم يدور ويساوم مور ما يخرج من التراويح
omelbanin
2016-06-17, 07:53
السلام عليكم، وجمعة مباركة ، اللهم. صل وسلم على سيدنا محمد وعلى آله وصحبه و أجمعين.
omelbanin
2016-06-17, 09:05
السلام عليكم، انا اليوم. راني. عارضة. خويا وزوجتو، عرسان جدد وختي وزوجها. نضت على 7:30اول حاجة دوشت قلت باش ننشط، وبعدها. دوزنت الشربة راهي فوق النار طيب ودرت البيطراف يتغلى، والبارح في الليل دوزنت الجاج ودرتو في الثلاجة حتي لعشية نديرو يتحمر. وقلت كي طيبلي الشربة نطيب لاتاي ونغطيه ونخليه يزيد يعقد منا لليل.
رح ندير. جلبانة وزيتون ونقليلهم بطاطا، اسكالوب رولي بالسلق، ولحم حلو طيبتو البارح، سلطة وفلان. والمقبلة ختي قالتلي انا نطيبهالك هناتني ربي يهنيها.
وللسهرة عندي صامصة ولي سيقار في المجمد.
حياتي كلها امل
2016-06-17, 10:55
السلام عليكم وجمعة مباركة على الجميع وربي يتقبل منكم خالص الاعمال
جهينة اليقين
2016-06-17, 12:55
السلام عليكم الله يعاونك ام البنين على العرضة قاع هذا الجري وفي الاخير ما ياكلو والو لاتاي نظن تخليه حتى لبعد الفطور خير باه ما يكحال لكش
platinume
2016-06-17, 15:06
فكرة مليحة
السلام عليكم حباباتي وصح فطوركم
حبيبتي جهينة الكمونية هي كبدة مقطعة وطايبة في صوص حمرا مع الكمون كاين لي ديرها بكبدة غنمي ولا بقؤي وكاين لي ديرها بكبدة الدجاج و كل واحد ومقدورو
ام هزار ؛ن\ونة حتى انا كسيت قبل رمضان مازالو غير الاحذية
omelbanin
2016-06-17, 22:56
صح فطوركم، راهم راحو ضيافي، ربي ياجرنا انشالله.، جهينة والله غير مزية ما كثرتش، بقاتلي غير شوية جلبانة، خبيتها يفطرو بيها ذراري غدوة انشالله.
ام هزار، بالنسبة لملابس العيد انا تان مازاللهم غير الاحذية....... الصحة والهنا انشالله.
omelbanin
2016-06-18, 10:10
السلام عليكم، واش صبحتو، وين راكم، ام راضية، ام متين، ام هاجر مالفين نلقا ردودكم قبلي.
arwa alaa
2016-06-18, 10:44
صباح الخير عليكم يا فراشات واش راكم مع رمضان
ام هزار حنونة ربي يشافي الوالدة ويعافيها ويخفف عليها الالم يا رب
arwa alaa
2016-06-18, 12:10
بالنسبة لقش العيد راهي غالية تكوي اشريت للبنات ومزال وليدي شريتلو لبسة وحدة ومزال وحدة الي عجبوني مكاش قدو بصح مراحش نزيد نخرج باباه يدبر راسو كي خرجت تعبت وزيد الغاشي فوق بعضاه ومع البنات هبلوني.........
جهينة اليقين
2016-06-18, 13:20
السلام عليكم واش راكم يا فراشات رانا هنا برك ام هزاز غير الخير طمنينا
حياتي كلها امل
2016-06-18, 14:03
السلام عليكم وشراكم اليوم صبحت مريضه بلاقريب والله غير الوقفة مانيش قادره درت فطوري صبح باه نريح علي جيه طفيت على الشربة والسلق طيبتو عشية نديرو في الكوشة وسلاطة وجدتها في الفريجيدان انديرلها غير الفينيقرات وربي ورحمته
omelbanin
2016-06-18, 14:24
السلام عليكم، ربي. يجيبلك الشفاء. ام هاجر.
جهينة اليقين
2016-06-18, 15:50
الله يجيب الشفاء ام هاجر لاقريب تاع الصيف واعرة كونو حذرين ما تخرجوش عرقانين للهوا
مساءكم طيب يا انشط فراشات ان شاء الله راكم كامل بالف خير وصحة وعافية انا كنت غائبة نهار امس ورجعت اليوم على 12 زرت اهلي وفطرت عندهم انا والاولاد الصغار والاولاد الكبار كملو السفر عند اهل الزوج وفي الصباح رجعنا للبيت راني ميتة بالعيا وراسي يوجع تعرفو صيام وسفر وقلة نوم الحمد لله راني مع الفطور مع ان الزوج قالي ديري غير شربة لكن انا زدت معاها سباقيتي وفريت وسلاطة وزدت سيقت الدوش والحمام اكرمكم الله والكولواغ والكوزينة واذان العصر راه ياذن لي عودة باذن الله وصح فطوزكم مسبقا
صح فطوركم حبيباتي . قبل ما نخوض في اليوميات . حبيت نقولكم بلي زوجي قال لي قبل قليل ان النترنت ستقطع خلال هذا الاسبوع تاع الباك . و انا منذ قليل دخلت للفايس لقيت باللي لا كوناكسيون ما كانش . يظهرلي امالا غير في مواقع التواصل الاجتماعي فقط و الله اعلم . لي عودة ان شاء الله
حياتي كلها امل
2016-06-18, 22:20
صح فطوركم تم قطع مواقع التواصل الاجتماعي فقط يارب وفق اولادنا في اختبارات البكالوريا وجعلها برد وسلاما عليهم .
ام متين سفر والصيام متعب لكن كي تعرفي بلي راح دزوري حبابك يهون الامر.
omelbanin
2016-06-18, 23:56
السلام عليكم. وصح فطوركم، يا رب وفق الطلبة الممتحنين غدا.
. مساكن هذا العام اداو زوج خلعات.
تصبحون بالف خيييير.
arwa alaa
2016-06-19, 12:49
صباح الخير عليكم يا فراشات وين راكم
ام هاجر ربي يجيب الشفاء ويعطيك صحتك واش اخبار وليدك مع البروش
ام البنين واش راه مسلانك
جهينة اليقين
2016-06-19, 12:52
السلام عليكم الصباح كتبت وطارت الكتيبة النت تروخ وتجي الله يكون في عون ابناءنا ويجعل الامتحان بردا وسلاما
جهينة اليقين
2016-06-19, 12:53
هنامحمد ادخلي طمنينا على بنتك اذا جابت البيام
omelbanin
2016-06-19, 13:13
السلام عليكم، ختي اروى سقسي عليك الخير حبيبتي راني مليحة والحمد لله. وراني نحاول ما نطابصش بزاف.
النت الصباح ما كانتش، حتى موقبيل شوية طلقوها.
ام براهيم الخليل
2016-06-19, 14:33
:dj_17:سبحانك اللهم وبي حمدك لاالله الا انت احمدك واتوب اليك استغفرالله العظيم من كل ذنب عظيم كيف حالكم اخواتي انار الله اوقاتكم بي الذكر
حياتي كلها امل
2016-06-19, 15:32
السلام عليكم سقسي عليك الخير اروى وليدي راه مليح نهار الخميس نديه نحولو البروش وربي يسهل ان شاء الله
omelbanin
2016-06-19, 21:26
صح فطوركم، ام هاجر انشالله تنحي لبروش لوليدك بسهولة. وتتهناي وهو يتهنى. كيفاش راهو مع السخانة والبلاط؟
ام ابراهيم الخليل كيفاش راهي الوالدة. طمنيناعليها.
حياتي كلها امل
2016-06-19, 21:46
صح فطوركم سقسي عليك الخير ام هارون اليوم قالي راه يحرق فيا كي يهبط يدو شكيت كي يتحك لحمو مع البلاط ظرك كي ينحولو البروش مانعرف شحال نزيدو نحولو البلاط
arwa alaa
2016-06-19, 22:03
صحى فطوركم يا فراشات
جهينة واش راكي مع الماصو
ام ابراهيم واش راهي الوالدة ا
ام متينواش راكي اليوم بعد السفر ووشراهم الاهل
ام هزار وين راكي بلاك حذستي الباك اليوم راكي تعبانة
ام صابرينوين غبتي
غزالة ام هنا واش راكم
ام البنين الحمدوله على سلامتك
ام هاجر ربي يكونمعاك حنونة ويقدرك على المقاسية مع رمضان
صح فطوركم حبيباتي . النت راهي متذبذبة . ربي ينجح وليداتنا و يوفقهم
ام هاجر ربي يشفيك و يعافيك و يشفي وليدك و جميع المرضى . اميييين
ام متين الحمد لله على سلامتك و كي زرت الاهل ربي يحفظهم كيفاه لقيتيهم . ان شاء الله لا باس
اروى يسقسي عليك الخير . راني كنت اليوم احتياط في الحراسة ما روحتش حتى 12 . جبت بنتي و صليت الظهر و ريحت شوية و درت لفطور شربة كانت عندي من البارح . زدت كباب و سلطة منوعة و فلان و ربي و رحمتو . غير نا كلوهم برك . و الله الماكلة تبقى كيما راهي عداك نبعث منها دايما لبيت شيخي ام ادم توامي . جهينة ام صبرين . نسوومة . غزااالة .ام ابراهيم . ام هارون. ربي ييسر اموركم و يشفيكم و يعافيكم و يهنيكم انتم و من يقرا هذه الكلمات في صمت
صباحكم طيب مبارك كيف الاحوال يا فراشات ان شاء الله راكم بالف خير ربي يهنيكم على السوال على اهلي المهم راهم بخير ربي يحفظهم ويحفظ الجميع
https://tse1.mm.bing.net/th?id=OIP.Mc3cfaf7c04f26c46b6f59d525904838fo0&pid=15.1&P=0&w=300&h=300
arwa alaa
2016-06-20, 10:06
صباح الخير عليكم واش راكم اليوم
حياتي كلها امل
2016-06-20, 11:50
السلام عليكم وشراكم راني من الصباح وانا نضارب مع لنترنات
نشكر كل يلي مر ووضعلي رد في التحدي الاول في المسابقة ونريد نعلمكم انني وضعت التحدي الثاني راهو موجود في نفس الموضوع في الصفحة الاولى يسعدني مروركم وتشجيعكم وشكرا
جهينة اليقين
2016-06-20, 13:11
السلام عليكم كيف الاحوال مالصباح وانا مع النت هذا وين جات ام هاجر علم
omelbanin
2016-06-20, 14:08
السلام عليكم، كيف الاحوال انشالله تكونو بالف خير.
حبيباتي . انا تان راني حطيت موضوع التحدي الثاني شحال نفرح بالردود نتاوعكم. وتشجيعاتكم. وشكراً لكم مسبقا.
oum sabrin
2016-06-20, 22:28
السلام عليكم و رحمة الله و بركاته
صح فطوركم حبيباتي اتمنى تكونو كامل و عائلاتكن بالف صحة و عافية
شكرا لكل من سالت عني راني بخير و الحمد لله
كانت عندنا جنازة تاع خال زوجي الله يرحمو توفى نهار الجمعة و كنا نروحو لعندهم نونسوهم شويا و نرجع لداري في ساعة متأخرة من الليل و مع الانقطاع المتكررللانترنيت على هذا ما كانش عندي كامل الوقت باش ندخلهنا أو حتى نرد على تشجيعاتكن في التحدي الاول سامحوني برك
و حتى التحدي الثاني هذا وين رانيي نحضر فيه نحاول نكملوو نحطو
تحية لكن كل واحدة باسمها
جهينة اليقين
2016-06-20, 23:03
رحم الله ميتكم اختي ام صابرين وادخله فسيح جنانه هذا وين كنت نحوس على التحدي الثاني ما صبتش ربي يعاونك وتحطيه باش نقيموك
omelbanin
2016-06-21, 00:19
ربي يرحم ميتكم، اختي ام صابرين وانشالله يكون من اهل الجنة، شكرا لكل من مر علي موضوعي ووضع رد.
حياتي كلها امل
2016-06-21, 03:30
السلام عليكم ربي يرحم ميتكم اختي ام صابرين ويصبر اهلو وانتم يعطيكم الاجر كي راكو تروحو تونسوهم ان لله وان اليه راجعون
جهينة اليقين
2016-06-21, 07:37
السلام عليكم كيف الاحوال انشاء الله اصحاب الباك يكملو اياماتهم على خير بنجاح ويريحو مساكن من الضغوطات
oum sabrin
2016-06-21, 15:30
السلام عليكم
غالياتي ام راضية ام هاجر و ام البنين شكرا لكن على الدعاء ربي يرحم كل موتانا و يلهم ذويهم الصبر و السلوان
و اخيرا راني قمت بوضع التحدي الثاني بعد عناء كانو عندي بزاف صور و طولو باش يطلعولي
شكرا لكن على المساندة و التشجيع
صح فطوركم
الى المساء باذن الله
ام صابرين عضم الله اجركم والهمكم جميل الصبر
كيف احوالكم يا فراشات ان شاء الله راكم بصحة وعافية
سمراء الدنيا
2016-06-21, 22:06
السلام عليكم و رحمة الله و بركاته
ما كنتش متوقعة اني راح نتوحشكم بهذا القدر
كيراكم واش اخباركم واش احوالكم
سممحولي غبت بسبب وعكة صحية و كملت انقطاعات النت
من يومين حاولت المستحيل ندخل ما قدرتش حتى للان
نروح نشوف اخباركم في المسابقة ....متشوقة بزاف
صح فطوركم غالياتي
ام صبرين عظم الله اجركم في فقيدكم و اسكنه فسيح جناته يا رب
بقية الفراشات . ربي ييسر اموركم و يشفيكم و يعافيكم . اميين
جهينة اليقين
2016-06-21, 23:37
طل القمر يا سمراء توحشناك بزاف تفتحي لنا المواضيع وتهربي الله يشافيك ويعافيك غاليتي
حياتي كلها امل
2016-06-22, 03:34
السلام عليكم وشراكم يا الغاليات ربي يشفي كل مرضى المسلمين احنا ايضا توحشناك يا سمراء وبشفاء ان شاء الله .
اشكر كل من زار موضوعي في المسابقة فهذا الامر يسعدني ويشرفني كثير ا جزاكم الله كل خير
صباح طيب مبارك لكن جميعا
على سلامتك سمراء اكيد اننا كنا نتمناو انك تشاركينا يومياتك الرمضانية انت والاخت حبيبة وكل الفراشات الغائبات للاثراء اكثر لكن الله غالب ونتمناو عودتكم الدائمة في اقرب وقت
http://4.bp.blogspot.com/-d8LbLKroDEY/UcPEZ6WgAPI/AAAAAAAADM8/xo1lRbH4mZ4/s1600/017.png
oum sabrin
2016-06-22, 09:29
صباحكم سعيد حبيباتي
صباحك طيب امتين و كل الملتحقات بعدي دائما منورة الصفحات بادعيتك بارك الله فيك و جعله في ميزان الحسنات
حبيباتي ام متين و ام هزار ربي يحفظكم على لتعزية ربي يرحم جميع الموتى و يشفي جميع المرضى و يفرج هم كل مكروب امين يا رب
سمورة على سلامتك و الف لا باس عليك نورتي
حبيباتي حبيت نشكركم على تنويركم موضوعي و تشجيعاتكم ربي يحفظكم سعدت كثيرا بذلك
حبيباتي من المفروض غدا ان شاء الله يخرجو نتائج المسابقة دعواتكم لي و لكل المشاركات بالنجاح
ايوم موفق للجميع
جهينة اليقين
2016-06-22, 09:56
السلام عليكم واش احوالكم ام متين توحشنا قهوتك الزكية على الاقل حطيها لنا بعد التراويح تعرفي اختك قهواجية هههههههه
جهينة اليقين
2016-06-22, 09:58
ام صابرين ام هاجرو ام هارون يا خي رانا نصوتو عليكم غير انتوم جيبوها يا لبنات ان شاء الله يا لبنات
omelbanin
2016-06-22, 10:12
السلام عليكم، واش راكم حبيباتي انشالله تكونو بالف خير، حبيبتي سمراء والله غير توحشناك، وربي يجيبلك الشفاء.
ام صابرين، انشالله تكوني من الفائزات في المسابقة انت وكل المشاركات لي معاك.
ام راضية، شكرا شكرا شكرا، الف مرة كي راكي تصوتيلنا.
حياتي كلها امل
2016-06-22, 11:35
السلام عليكم ربي يبارك فيك ام متين دايم منورتنا بالادعيه الراءعة ام راضية ربي يحفظك ويسترك يارب في الدنيا والاخرة .
ام صبرين يارب غدا تسمعي خبار الخير وتكوني من اول الناجحين انت وكل المشتركات الي نعرفوهم
جهينة اليقين
2016-06-22, 21:32
صح فطوركم وين راكي ام هزاز ارجو ك طمنينا عللى الوالدة ربي يشافيها ويتولاها برحمته امين
oum sabrin
2016-06-22, 23:17
صح فطوركم فراشات
ام هارون و ام هاجر شكرا لكن على الدعاء لي بالنجاح
ام راضية صح فطورك يعطيك الصحة انت و كل المشجعات لنا في هذه المسابقة الرمضانية
ام هزار و ام ابراهيم الخليل طمنونا على صحة والدتيكما ربي يكون معهما
تحية لكل الحاضرات و الغائبات ربي يرجعهم بخير
صح سحوركم
صح سحوركم ويوم مبارك موفق وان شاء الله النجاح والتوفيق يا ام صابرين ونسمة وامال وبنت ام راضية وكل الممتحنات يارب النجاح يكون من نصيبكم في هذا الخميس المبارك من هذا الشهر المبارك
جهينة اليقين
2016-06-23, 07:53
السلام عليكم ان شاء الله ربي ينجح كل اللي خدم
http://www3.0zz0.com/2011/08/17/06/245060674.png
omelbanin
2016-06-23, 08:46
السلام عليكم، واش راكم حبيباتي انشالله تكونو بالف خير.
.
اختي ام هاجر، ربي يسهلك اليوم وينحو لوليدك لبروش بدون الم ويتهنى مسكين.
omelbanin
2016-06-23, 08:50
قولولي ويقتاش تبداو تخدمو الحلوة تاع العيد انشالله نكونو من الحيين.؟
وقررتو واش من حلوة ديرو ولا عندكم حلويات معينة ديروها في العيد.
arwa alaa
2016-06-23, 09:27
صباح الخير عليكم يافراشات واش راكم
صابرين عظم الله اجركي
وربي يوفقك انتي وكل الفراشات في المسابقة ام صابرين نسمة امولة الي نساتنا وبنت جهينة
ام هاجر ان شاء الله تطمنينا على وليدك
arwa alaa
2016-06-23, 09:30
ام البنين والله ماني عارفة واش ندير غابتلي المرة هاذي والمنتدي راهو ناشف هذا العام مكانش الجديد لاني نحب نغتنم فرصة العيد ونجرب القاطو الجديد وموالفة نكون بديت بصح هذا العام راني متفنينة
arwa alaa
2016-06-23, 09:33
وزيد عرس خويا في اوت ويما تقولي ديري واش حابة تعملي في العرس باش تخير وانا غابتلي حابة ندير حوايج ملاح بصح العدد كبير ومعنديش لمعاونة راني حاصلة
omelbanin
2016-06-23, 10:02
انا عندي حلويات معينة نديرهم كل عيد كيما المقروط. ولي صابلي وساعات حلوة الطابع. ونزيد كاش حلوة نحب نسييها نبروفيتي الفرصة تاع العيد، وكيما. قلت اروى المنتدى هذا العام مافيهش الجديد
واروى ما عندكش خياتك. ؟كون تتعاونو كل وحدة في دارها تخدم زوج انواع. وممبعد تدوهم ليماكم واجدين ما ديرولها تحرحيرة في الدار.
واذا كنت وحدك، اخدمي كل مرة شوية وخبي في كونجيلاتور وكي يقرب العرس خرجيها ديريلها لغلاصاج اذا كانت تاع غلاصاج ولاترمديها..... ....
وربي يعاونك حبيبتي تتحل انشالله.
حياتي كلها امل
2016-06-23, 12:03
السلام عليكم كيف احوالكم انا هذا وين وصلت من الصبيطار قالولي حتى السمانه الجايه باه نحولو لي بروش ومنبعد نزيدي اسبوعين نحولو البلاط معليش كل عطله فيها خير ام صبرين نسمة مزال مخرجوش النتاءج تاع المسابقة
جهينة اليقين
2016-06-23, 12:33
يا لبنات هذا العام رانا نستناو ام وليد بالاك تجيب لنا الجديد بنتي تحوس تتعلم اما انا حلوياتي كل عام باينين يعيو بناتي يضحكو علي تاع زمان نقول لهم انا ناكلو وفي الاخير يرجعو غير ليه هاذاك القلاصاج ما يتكلش المهم انا ندير حلوة الصابلي تاع البيسطولي تاع بكري والمقرود والكعك والتشاراك صدقوني يرجعو غير للكعك يشربو بيه القهوة
صدقت يا جهينة حوايج زمان على قد بساطتهم يتكلو غير هما انا اول حاجة هي الكروكي غير هو الي نشربو بيه الحليب
السلام عليكم اخواتي
ام صبرين حبيبتي ربي يوفقك في المسابقة و تجي في الصواب من حيث مكان العمل انت و نسومة و امال و بنت جهينة و كل واحد تعب . امين
ام صبرين و جهينة يسقسي عليكم الخير و الهنا ء. الحقيقة ما لقيت ما نقول عن حالة الوالدة راهي من سئ الاسوا و لا حول و لا قوة الا بالله
ربي يشفي جميع المرضى ياااا رب . و يفرج هم كل مهموم . و يسر امر كل معسر و يقضي دين كل مداااااان . و يثبتنا على الصراط المستقيم اامين
اضن ان نتائج المسابقة اجلت الى يوم الاحد المقبل بسبب البكالوريا
ام براهيم الخليل
2016-06-24, 02:07
:dj_17:صح سحوركم وتقبل الله منكم احسن الاعمال ام صابرين شكرا حبيبتي على السؤال على امي الله يجعلها فى ميزان حسانتك هى على حالها مزالت فى المستشفى تخضع للعلاج بي الاشعة ولست ادري ماذا بعد الله يشفيها وجميع مرضى المسلمين امين
arwa alaa
2016-06-24, 09:32
صباح الخير عليكم
ام هزار وام خليل ربي يشفي امهاتكم يا رب في هذا الشهر المبارك
ام هاجر ربي يشفي وليدك ويعينك
arwa alaa
2016-06-24, 09:36
ام البنين راني طفلة وحدة وبكري ميكيدنيش القاطو لاني نحب نزين ونتحف وكنت درت بعد التخرج من الجامعة دورة في صناعة الحلويات والمعجنات من حبي لصنع القاطو وضرك مع البناتمنيش لاحقة ........
arwa alaa
2016-06-24, 09:55
ام متين وام راضية واش راهي حوالكم
سمراء الدنيا
2016-06-24, 11:38
السلام عليكم و رحمة الله و بركاته و جمعة مباركة للجميع و تقبل الله منا و منكم صالح الاعمال
اولا ربي يشفي والدة ام هزار و والدة ام ابراهيم الخليل و يشفي مرضى المسلمين ... قلبي عندكم و حاسة بيكم كانت عندي والدتي و صامت معايا 15 يوم من رمضان لو كان تقول غير راسي وجعني ما نرقدش ليل كامل من الحيرة ...كثرو الدعاء في هاذ الايام المباركة و ربي معاكم
و اخيرا خفافت النت و قدرت نشوف مشاركاتكم في المسابقة و راني طايرة بالفرحة ... ما تتصوروش قداه فاجأتوني بالمواضيع المفيدة و الرائعة رغم اني غبت عليكم في اهم فترة و كان لازم نساعدكم بالافكار و الاراء لكن تجري الرياح بما لا تشتهي السفن
كنت وجدت مشاركة رمزية من قبل ان شاء الله نحطها لاحقا و نزيد نشارك معاكم في النقاش نتاع حلوى العيد لانو الوقت خلاصلي ....نروح ندوش للبنات و نجهز ملابس زوجي راح يسوتني غدا و لله الحمد (اخيرا رايحة نرتاح هههه)
سلام و شكر لكل الفراشات
حياتي كلها امل
2016-06-24, 12:39
السلام عليكم وجمعة مباركة على الجميع.
ربي يشفي ام ام هزار وام ام ابراهيم وماراناش ناسينكم بالدعاء ربي يحفظ كل امهات المؤمنين ويشفي جميع مرضانا ومرضا المسلمين ويرحم موتانا وموتا المسلمين اكثرو من الدعاء في هذه الايام المباركة ونحن على ابواب العشر الاواخر
جهينة اليقين
2016-06-24, 12:40
السلام عليكم واش را كم يا فراشات ربي يشفي ام ابراهيم الخليل سمراء ربي يوفق زوجك باقي الفراشات جمعة مباركة
حياتي كلها امل
2016-06-24, 12:43
اهلا سمراء والله الك وحشه ويارب تكون ريحتي شويا ويارب يوفق زوجك في لسوتنونس وماتخافيش رانا مراعين ضروفك وراك خليتي موراك انسا فحلات ههههه
oum sabrin
2016-06-24, 12:44
صباح الخير و الهناء عليكم حبيباتي الفراشات
جمعة مباركة للجميييييييع
حبيباتي ام هزار ام متين ام راضية ام هاجر ام هارون اروى الاء شكرا لكن على الدعم و الدعاء لي بالنجاح ربي ينجحني و ينجح كل حبيباتنا الفراشات المشاركات بلا ما ننسى حبيبة ربي يرجعها بخير لانها مشاركة كذلك رانا في الانتظار النتائج اجلت الى 27 جوان لعل في ذلك خير
ام هزار و ام ابراهيم الخليل ربي يجيب ساعة الخير في هذه المواقف لا ينفع الا الدعاء و حنا رانا معاكم بالدعاء حبيباتي ربي معاكم
اروى ربي يقدرك حنونة التحرحيرة تاع القاطو ماشي ساهلة مع التربية انا نقولك حاولي تختاري الانواع لي ما تشدلكش اليد يعني ما تكنش فيها بزاف الديكور لانك ما عندكش المعاونة و حاولي دايما تخدمي العجينة في السهرة خليها ترتاح و وجدي كل ما تحتاجي و الصباح بكري و انطلقي في التشكيل مباشرة أنا هكذاك ندير كي تكون عندي كوموند او وليمة ربي يكون في العون
ام هاجر بالشفاء على ابنك بالنسبة للحلوى انا نبدا لما يبقى اسبوع للعيد بلاك بالاثنين بالنسبة للانواع عندي انواع معينة مثل كعك النقاش و البقلاوة و المقروط و تشاراك العريان و صابلي و حلوى بالشكلاطة و لكن ندير كميات قليلة من كل نوع 30 حبة تقريبا من كل نوع و نزيد نشوف
سمورة عععلى سلامتك ربي معاك ربي يحفظلك الوالدة و بالتوفيق لزوجك
انا اليوم رايحين نسهرو عند دار خال زوجي ربي يرحمو نقعدو معاهم شويا راني مع قلب اللوز و حبيت ندير شويا لي تارت نديهم في يدي الا كفاني الوقت
تحية عطرة للجميع
omelbanin
2016-06-24, 14:35
السلام عليكم، واش راكم. حبيبتي سمراء على سلامتك والله غير توحشناك. وربي يحفظلك الوالدة انشالله والحمدلله كي فرحتي بالمشاركات، انا شخصيا كنت حابة نفرحك خاصة كي قلتينا راني معلقة فيكم امال.
ام ابراهيم ربي يشفيلك ميمتك وانشالله. تخرج من المستشفى في احسن حال. ويشفي ام ام هزار. اااااااامين.
ام صابرين، مأجورين انشالله كي راكم تروحو لاهل الميت، راهم يحسو مساكن بوحد الوحشة ويسناو غير لي يجي ليهم ويونسهم. راني مريت بهذا الموقف.
اما اروى ربي يعاونك، وديري كيما قالتلك ام صابرين. راهي عندها خبرة.
صح فطوركم حبيباتي
اتوجه بداية بالشكر الجزيل و العرفان لكن جميعا اخواتي و حباباتي اللي صح نحسكم تازرو و تساندو فينا انا و ام ام ابراهيم الخليل . ربي يجازيكم خيرا و يباركلكم في اوقاتكم و ايامكم و اسركم و كل عزيز و غال عندكم . امين امين يا رب العالمين
اختي سمراء ربي يحفظلك الوالدة و يخليها تاج على راسك هي و الوالد . وان شاء الله تكوني ريحتي شوية من ظهرك و رجعت تقومي باشغالك و حدك . و ربي يوفق زوجك في لا سوتنونس و يكون من المتفوقين . اللهم امين
ام هاجر ربي يشفيلك وليدك عاجلا غير اجل و كل مرضى المسلمين
ام هارون يا رب تكوني ريحتي شوية من كتفك و ربي معاك
جهعينة و حبوبة و نسومة و ام متين ربي يسدد خطاكم انتم و كامل الفراشات
اروى ربي يعاونك في القاطو و اكثري من قول لا حول و لا قوة الا بالله العلي العظيم رايحة تعاونك بزاف باذن الله فهي كنز من تحت العرش
ام صبرين دايما صاحبة واجب ربي يجعل ما تقومين به في ميزان حسناتك امين يا رب العالمين . و ربي يعوض حزن اهل فقيدكم بالصبر و السكينة
بااااااااااااااااااااااااااااااااااااااااااااااارك الله فييييييييييييييكن جمييييييعا
حياتي كلها امل
2016-06-24, 22:17
صح فطوركم جميعا وشكرا كل من دعى لوليدي وربي يحفظلكم اولادكم من كل سوء.
اوصي نفسي واياكم باغتنام ليالي العشر الاواخر فاعمال في هذه الليالي لاتساوي في ليال اخرى .
صباح طيب مبارك ان شاء الله راكم بالف خير وسلامة انا راني غير مع السفر امس سافرت وقت السحور ورجعت وقت الفطور المهم ربي ياجرني في سفري
ربي يشفي جميع مرضانا
ربي ينجح الجميع
اروى ربي يكون في عونك
بالتوفيق يا سمراء للزوج انتاعك وربي يدوم الافراح والنجاحات للجميع
http://www.imagesfb.com/ar/pictures/pic_1402783680_408.jpghttp://www.djelfa.info/vb/data:image/jpeg;base64,/9j/4AAQSkZJRgABAQAAAQABAAD/2wCEAAkGBxMTEhUTExIVFRUXFRUYFRgVFhUVGBUaHRgWFxcYGB cYHSggGB0lHRgXITEiJSkrLi4uFx8zODMuNygtLisBCgoKDg0O GhAQGy8lHyUtLS8wListLS0uLS0tLS0vLS0tLS0tLS0tLS0tLS 0tLS0tLS0tLS0rLS0tLSstLSstLf/AABEIAKwBJQMBIgACEQEDEQH/xAAbAAABBQEBAAAAAAAAAAAAAAAFAQIDBAYAB//EAEEQAAIBAwIEBAMGBAQEBgMAAAECAwAEERIhBRMxQQYiUWFxg ZEUMkJSodEHI7HwYnLB4RUzkrIWFySi0tNDc4L/xAAaAQADAQEBAQAAAAAAAAAAAAABAgMABAUG/8QAMhEAAgICAQMCBAQGAgMAAAAAAAECEQMhEgQxQVFhEyJx8AW BodEykbHB4fEjQgYUM//aAAwDAQACEQMRAD8A9xprNTqYxpZPQUNZqTNMlFR2qnfNcym7H pUWM11JTXotgRzPTNdRsaryTdqjKTSspxLfOpXuNIz9KpB6fpD dSflXNDqmpU2TnF1oQPnepo6dFEvofrUwg9/0rvi+a0TSa7jBKBvXPc+xpHhI3yPpS0G3FcR6b2NW5APQ5qQ3g 7gioYo2zuNu2AKfMhI6Zpk3HSE21ZY1+9RyNVYRN+T+v71IA35 SNu1UtguyzFHj409jVVnJ6hvltXBFO2+O43Ofiabkg2WVbPTpT HqSoyKGTsMiJzUDz4NTuKryRZNcSq3ZaNE6ybEnpUS3Ab29jUq JtiqkkG+Dsf0PwqiScLJTk09HXk22PemWyjqa4W+Dg9O3vUuN6 OktEZW3bLK05XqFmwKpm5I2qGTPxdINpdwqHpeZUGquLUf/AGGikUTA0yWIFs57AVHrqRGqscraoZwGOuKVWpktxg4xUYkotk m0Wga6oRJS03I1k0wz0O/xqus2PenU5cZ3GaPK3s1j4pAw6U4CuCgdBiuzRpFFZR43dSRQu 8a6mGMDBPcAnA64G9U+EcXMluskgAJLDb8WDjIB6f7UYkbtWSu Ty7h0H3HBkT0DDAlA+OVb5mvM6/qJYo8oMR2pp3oNR8QUnH3T2rpF3zQ+wsRKpYsww2NsegPp70V+ xD1b9P2pOjyZcuK8nnsdCZAamhNIOHD8zfp+1SJw8D8Tfp+1Fd M3KxZMsRuKmWSoBaD1b9P2p4sx+ZvqP2r1MUa0ITFxTFA9aZ9j H5m+o/au+xj8zfUftV2k+4LJuYKXmCoPsY/M31H7V32Mfmb6j9qNgJ+YK7mCoPsY/M31H7V32Mfmb6j9q1mJ+YKRpNqh+xj8zfUftXfYx+ZvqP2rGGP eDHWkF0CM53pzcPU9S31H7Ux+GKR1YfT9qhOEmnTNs5Js0pcZ6 9KSLhqr+Jv0/albh/o7D6GofAnW+4ykOWSkZ1PU/wC1VfsLasZYj8w0gD4g96bcWLDddTeoyoJ+B9fj+lI+cI3QE7L MkfcHNRo4HU0y3ijfIWYsR94AqdJ9DjofakktI9YQykORlQceb 1xtvj26VVOTVpfqLKu50k2Tmo2cEgd+1WP+ED87/p+1Ur2Qox1ZGM4+FeL+Iyy9NFSru/r92Nhwc5bCMbZHvSsahtD5RVDj12yDarSy/wDEptb1ozax36IvSMe1WYQcVn/D96znejl1KQCBsQf9Nq6+lyfFj2qgrNGUeSLEkYIquyAd6kjly oPfFPUgVdyTZnFNWVwwrqZorqOyJYqSNaizT0k9adMdErGqzzg Gp8/rVeWPvSya8lojkNZnjg2WTukgY/5W8j/o2flRi9vljGrUNmAYY1E7Z0gZGDjfehJuFmRlKsupWGGGMjGMg 9DXidbJSpL3ITkn8vkK+Hk8jf5z/RaJhaF+Fm1Q576t/jpXNFwK9PpoJYo/QrF6EC1znanUyVMg10paozZHFcb+1W81SSI4yO9WYScb9qpB1o REtRXEwRSx7fqTsAPcnapKpcV+4D2WSNj8A4yfl1+VHJNxi2h4 pNpHXV/y9yjEDGthjC/U5PyFLPfhS2xbSoZyMeUH+uwJwPSq/E7lSeW2rT1fCO2R+UEDv39vjUMrFTPlT/MRSgx1OjTp+IOPrXLPPJSaT1/TT/wVjBNK192v8hRLgFtP+EMPce399xU2aGwRESRL+SEhvmUA/wC0/Smi6lM+FXMWSrHAGCOpznJ39qqs9L5l5rX32Qnw77egUzSFx0z 70Ei402uRWRsj7gCNnuMN8cDf3PpUU7iZmYK4YW8oJKsuD5cDf r1apvrYNfJt+g6wST+bS9TQ5pA4PT4UNvr5oxGAuS3U4ZsYxkY XfP7VSnv2jLoFcEy5yELaVZQSR2Jznamn1kIPf3oEcMpLRoM12 aCS8RPJ2Z9eTpblN5sEHde2emfjRiJiQCRjIG3pVMeeM3S9LEl jcdskzSV1dVrEGMvpVe5iWTyE4IIO2Mg9QRkHBq3QbinDnMqyo +lcpzR6hT1B9f8ASufM5RXKCv1+nkDqqYRVwi6dRJHdup+JAod xgNLCVXAfUmDnG2tde/8AlyKdfyYyM1nrbjOZzFg5AyTjbtXgdX+K5Y5ZQUbSu/ve0dmPpPiQdBJJWjIViNxnb/erbKsow1COMxXRYFWBjOMLhQUPuT1+Py+MfDbp+7D9K5Y5nGdP aPNnPjPi06NHY8PWPcbmouIxsxODjoafbynHWpbpsYI+de3j4z xOENItSSKNtMyrg770/nse9Tq1LF1rsjSVErdVZCJD611XsV1OLTHZUep/SnLL6ACkWIVzjArOTSssPY1DI2f0qtK+e+1M+14Xp8K5ck+SZn NIqzxcyWMMNlBYjY75wM469BScQTOR8x7ehp1sxMu5zhP1zv8A 1p3EiNt9znFeNli3Fv3Jpp2yLwxMFhYdDzX+XSj4FAOBQ+Rv/wBh/otHbc7fWva6SV4op+hWCaRIoria6mydDXVdIYhifSMDp71HxDi kcKF5CQOmwLEn0AG5/wBqeopHiDAqwyD1HrXN8aXgaUdUu4nCuIrPGJUVgpzp1jSSPUD 0NQ8L4xFc8xU1ZjYo4ZSO5HwIOD/rSWfEw0rwhGGjvg4x77YX29cH0qDw+Ar3SYwVuCfiHVXB+pP0r oU7o51J3Hf1CTXSrqXclEDEAEnB1Yx6k6Tt7VWvuNwQxJM74jc qFYAnOoZBwN8YGajBxen/AB24/wDZIf8A7Kp+IbQLZkEAhHWTHUaRKGIwe2nIrOTp0Cc5KLa8WGB cx4V9QxJpCn82RlQPlTltxhhk+Zi2xIIO3Qj4UL8S+WKJ12Edx btt6cxUP6NVyO/Y3Dw8pwqorCQ/dYn8I9/961q6Y6yVLi/b7/QVOHoFIDPu2WYOdROMbt1+VNfi0SuItTM4ZUKhWYrqAIZsD7u4 83Tf41DwF/8Anqfw3Mo/6iJB+j13CZlmZpjA0ciF4gXGCy5U5HscD9aWKS/h0aWWUq33+2Fary38ausZYa26KN2x6kDovudqbeRSNhUfQp+8w 3fHoudgfc9PT0jjghtkZtkXq7ncn/E7HdvnVGwtu/YvVTv+JJFhTlnP3Y0Gp2+A7D3OAPWmcWjmZV5DBW1qWJO2nfO2 Dnttt8RTlWKJh0DyuRk7s7YLYz6AA7dABQcgSb7LXuT28+QA2F fSGZNQYrn4dd8jPtU9ZlLC5+3GcJEiZCFslneLGRgdFOoD0+eN 9LWjJs2OTknaFrqSuo2UKVxak7Dp7YoLxm25ETOmA5wqnvlsqC PUgnOK0z5wcde1AuJK7QyF+qjWmR+JTqA+GRXhdb02CE1Li23u/wDqq9f7FeU3BpOjM8N8TxmFefL50yHDghiwO3kwCTuO1U3v7aW UuH05xgBSMYAH5fbNMlsEfP8ALy5YljvnJOT39aOWnAIQA3KXJ A9evevMjii5ur3/ACPIzZMuVRiqpfXZZsZocf8AMPzB/wDjRBbuI/jz8j+1Rw8PjH4B+tXI+Hx9kG9elg6fJfyqP6nTBzrYkUy/m/Q1aXHrS/YU7ACuUDHQV68YZV/FX6jpDxvuDXUkeAKWrJa2AkFUb+4/CPnViebTnFC/c/2alkfgMnocxOy99s/H0+VJIOo9KdAv4vpVS5nwd++3z9KjJpEJSpFiyGPN74+Of98VS WyfOpxgEtgA6sE/6H9qsscIDkqMYZtQGM98EYO+B9ar3N2eWdWA2rbPxyMYzvtXnT xRv5vqBTS0FOBsCrAHcMcjuOg/0osBQ7ggGhsfnP8AQURr08EOEEjui7SOpHFdS1Vu1QSILQO88Q tHI8f2WZyp2KLkMMA5zR/FdpqDg/8AqCdtadGTk8SXIBZeHOB1Jdgueg38u56D6UlrcXfMkbkpHPME CoW1IioDqlcj/MFx3Iov4lklWNGjiM2mVGZBsSBkjHwbQflUvBYJMNLMAJZMZUb iNR9yMHvjJJ92NPu6s4/hyc+Lk3+S/YFX63UKwTsv2iWMyLIIxpyj+gx20p2ps899cRtGbZESZSoLOdU QOx5i/iJ3Ix6itTVC1hnE8rPIphIXloBgqfxZP99e2KZr3KSwu6TdP6e nnyBl4dcrbSxXE6yajEsRA3B1gDJxk76fXpRXj93JEqSJuqypz R3KN5SR8CQflUnG7R5YisThJAVZGIyNSsGAPscYoNDY38zKLmS KOJSCyxAkyYIOCT0G3+1C60hZRcPlin20/wCfdjpeNRWtxcpJq1OUkjVVJMmY1TC475Tv60Nv/GMM/wDLEzQR6f5j4PNP+CPAOn3b6eta+7skkByBq0lQ+BqXIwdJPSq 9pCpeRGijGgqFIUboVBGc9wcj5Cs+XawTxZf4VJU/b8/Uw1lxeV4ZraGSW4JYcsgFZBF+Mlj0zsB86P8ADJX+wSLxBSqgF PNu7rgadu7ZOB3OK032cBSEwme6BQR77jH1BrI3sSQXSPd3TS6 Vd4lZQBqBVVCouzvuew6Clrj96JPFLFTbvx7L63sKRcVW0t4I5 tbymNQERdUjYAzsPTYZrMz+JGkvI3+yyEoWESFtJ1YZXGMYzk7/AORRW14XbHzTOMSyYJz1Rfwxg+gHX1JY96Hf+FFFyJxK4USc0x dV14PmBztvv0oy5OqHy4sslHi9a9O3rsoSXPEpvJ9nMQZiGbmL lVYjGMYPlAPuSa2IpKRmA6nFPHR048fC2239R1dSZpabkVOqjP D5HDHUSrEe2x6e9XaZKNj8D/So5cUcjV/437eQ2ZpeHyAqFVSD1JbAHqfeiiY0kDcLgA+vr+uaGXN6iy8pg 2o6CrcuQr5tgNeNAydutGYosRnPXv8ApivIx4OPUyjGLVXbfp4 Xb8yTiqIol3FWVWoo+tXI+mfSvZ6bHoRIjkmIHpUS7kDvTJZAz Z7D9afbHqe9dL9zeR4pa6lpTFS6PaoNGohR2/smp3PVvXpUkEYwc9ahNVIWrKt0hUYHUDbfb50GuZwdW+MHHz9q MXqkjKHB269AO+KB3m5/p8K83qs3D8znyovrJ9p0oAq6dySNRPT7o+O/zoPfIyyEFsnptgrnOdXTrjahtzecmdgrELsykE50N1HuVb670c 4hbIoV1YsrjIzuSNjqz7n/AErmyOcocvK7u/HjRJvnft3CnBrl/s7FRlhIR67YXJxRyB8qCeuN6z/h+bELBd2aQhf+lck+wrQRLgAeldvTTcmnbfyr6X+/+D1Mf8KJKF8YYh7c4mI5wUiJkVRkHDS6iCyggDAO5boelV/GFzPHbF7aJpXDxFkT77R8xTKE/wARTUB8aw8Xh/jN7/Okv2tlWfm28UtrBrXH3WYITjGpwASc4BPXb0Iry2Mz0S3kikEs KXGt1yspWRTJGzA9cfcPcDAxjpQrhPHyAkE1vPAdUcKGWSGVnJ SQhmaN2KnEROWxksMZoDwDwhfWMNywvBcSGCfkoII4zzmLSBmk +8/nJwCcDUaAWfhfiN3dXN5HPLYLJJCwW5gjMheMMF21HKoDgOcat WMbU6Ud70Y3NnxmJbd1d5AILlLZjzo5pXJkSNGdoySmouCQdLA A9K0Nmy4ZVk1lGw+WDMGIDYbH3ThgcYGxG2KwfAvAM9vA8c97z 1zbsoSBEYcm4W43cZeUnSQMnbWfWpPDPALjlcTKPLA11PIYHmQ CRcg5k0q2RuxCknOFBx0FB8fDMbW44iiSJE2rU6uy4RyuExqyw GlTuNiRmqNtxwTR2rpFLy7pNQcGMckGPmLry2ckZHl1bg/MFxS7vJLz7KLeYRia3kS4UqsJiVVMwcZySWMi6d/w+m4Nf4d8TCQxji66LcYgX7KhCAxtFjOct5GYb561kku7MbFfE FrBb25SY3EbSxWyyRsLgl2yql2TPcYJ9SKIWl7HcDUjsAk0sZG dOp4mZHHqQGU9OuO4rzPwd/D6WG65guuWomUyxG3hjafksCHj5Z8kRfGAANutanj/AIauFgLWd08EqT3NxlYhMXEpdmjEbHBOW296zUU6TAaWTi0Syp DqBZ1mYYxgCLQJNR7EGRdvehvFLmC351w9y41wNJpVxvHFgs0S +uGUFh+YdOtZS58KSCwZ5HmluJI7ssY7cCRmuRHkNAGCrtGAwy BneqXBPBl0QlreXms/8OnjhjFthbcSosTD7Qow+nbyk74BoqMe9mPTri/jjMKM28z6Iup1MEeTr/lRjk+3rQriPF4VvIIZUj/mBuRITqbmg4aMKFOjbHmJG+B1oL4u8FS3FzHdQXzQSQxgQqYll ClTlnAJ6kEg4G/lz0rLeFvBF1cTQ3E11Jpgn5ui4shbyEuyXMmg5yAXYgkbA6gNq CjFq2zNWerca4kttby3DqzLFG8jBBliFGTih0vG7OOZWkvFjeW FCkU0qxDSWJVxG+CGJON9/LjsaxXFU4veStaJzbVDLdLPK8UUkEkLFuUUZm1Z0BE0qOrFiQa l/iBDH9oAcSxziK3NpcLaNdqrLIxkGhQcucJ1GwxjqclRXZsIVvP EhSWPnw3NvEt1h5Zpo1BYiRY1EcRYsmykg6QAQxJ6k9NPBcrzD IUS3uHDNqCLriJRwzN0UNkZBGcdcHfzviH8L765DibiiOJJOa4 a0TPM5Yi1DfynQANsdM9d6P8AjDwc1xElsjsEmvJ5pCBqWMmKV 0Zl/EmtVyD1Lj2ocsbqmamHuN3Vsgadrhg0sGIzE41GMMrFohuCMuu X3wGG/Ski4/AZhbZmV47gW4DAgSP9n54Jc7sNKnvucZBBBrzRf4fcXadbd73E Qs+TzhGjRrHneAKcNqBx58ZwTuOh3/BPCkyaHurr7RMt39pMgjWLOLc24TSuw2IOfai+KXcBrqZcfcbH 5T/SnVHO4Ct8D/SoWvIxhvEXDVjubGUaDzLqISFt5GcFeXo1N5UA150jOSudia21 znGTjJ9P0/Ssxx6bmLE6LMxikWTCZK6E8zsUGNTYyANznoCaOxzFkTJyCAwP +EgY/Tf506nCdQx7jXddtevuSk9EsIptxLjb160sTdTUHXLH+zV4Ron ehzdh37/tVuNMCoLKHUcnoP61d6bUzRooVQB1rqeRv0zXVtooVFjyRSyw+ lTFMbimSMTU8kLQpTlGxx1PSqIjLbHcFgNyS2/cb0RIzsPlVORMZPQdz0x7GvI6tOLUn2Bxsx/i/hThVnjAflEa+wKnZgfUe/oxofwW9OkxMexaLJ7bkr+hPxDVvITG2pS4KkEFcjBzsc1iOM8F 5JxG5yGLwg9cHysmfr/ZNcmOeOWKuxxZsLg+cfzNB/Dy6VuYufMoVh8G6/qK2ea848J8PmtrqIyRlQ6uh7jS3mXJGQDqGPnWn4zxAwz5Y4Ro xj2IJ/f+ldKyrDhtK6Z09DN/CSnpp1sveIeJtbQmZYTKF3ccyOMIgBLOWkIGBj470P4r4litbd 7mQOzcuKZ4UdZHWNmVCyqDp0rqJLDY6TvScesjf2JTnC31lSXK LINKPk5ViAQQvfbfvWd4b4cuIr6Se1iZRHZJaxG8YctyOUoZeV qdlVYskHGpm2K9a9HFKM4KR1h8eLw74t7d505kaGRZIUXzxwSo QHYFgUmzgb+Q0R4PxKO8R25TDlXEsWJF/HE5TWudj8R0OR1FYWP+GU8WjlcUMB1rJpWBWXnhSupA0myhCVC DYAD0rbeFuGm2t+XJcfaH5kjSSlVj1O8hYjSCQpy2MZ6/GmnwS+VhVl5+JRidbfV/NaJ5QP8AArIhJ9N3GPgfShtl4lR7x7QlNRjWWAozPzIyBqLHTp U5OQATlSD8ct4o8Eyc+4v7e+uFmKnVHFFFM2gqqtEisy7kImMn bSeuaZ4B8DSxTQ3ctzI3LjaFIprWKGVUUNEgMiSMSoXcDuNNZR hxu/8AYNnoywqGLBQGbGo4GTjpk98UE8SXMjCS3SDVmEOHNwkAYCRV kXUMuulSG1acb4zvQ/xrd3ivELSOSRWjuFYwtFrik/lrHJpkYBguXGDsC2/QZzv/AJe8SnRXuOMMszw8uVRbxuApKu0WoONWGH3sb/Dropd2whfw7xaCW6CNHBDNLaJyGtpTJqiBYugdUVVwQSu5OMkY 76m0vIGMTJOrCVSsOJdSuF3YoM+cjG7bn3rzuL+GssDCeS8kue XDNGqQWsEU2JIpo/JIZNsc1iM7Zx6UvhTwlOk/DdcUyfZRcySM5i5f80yssa6DkyfzF1YAXyn5PJRe0wbPVKF8S4 7HCLgusmLeHnOdDaSuHOFfozeU7dsipOL2kkqxhJuVpmikc6dW tEYM0fUYzjrWKWG74hLLDLC0USpfxfaFmjkjlScaIgsS9wuhsn poP5qlBJ7YWblbiEPnKCRxHnprIbIjB7kZDY+BoLbcXW30o0Vw TJfNb5aT7QwJQukjYYlEKhfLsVByRWQ8R8HkmuxJNHJaTqsMVl NbxyXmkrKNUspUKoB16QHAwNRPYUZ4D4FuoLhZZOKPPHzjPJEb dE5kpTQW1hzp7HGOgx70/GKW2A2HB+IrcQpMmdEgyudjjJG/0qKW9igjBaTKkOylmLtJhGlbT3byhjgbYGwxS8IsFt4I4A2QoK gnbOctsPr9KxPBPBl0lwsc99PPBbRnkCSCNUPMilhAEgkLMURi CCB1FT+Xewmqe8guIDmTQGhjmcLJpeONhrViRuoOkjPfBp/COJRTSTctmfSYtRJJU64llTQOgGh1OR1zvXmtx4Qu45rmaG5uL aFLaGLe3iuJJ1jjWMqkayZK4jU743dvcn0LwxwRLUYQsQyW6+Y YOIoUhUkepCjPyFTlGKjqQysLXPEY0lihZgJJi4jXu2hS7fQCh j+JY1vUtWZMSoTCyszFnUycxWAXSmNBxltyrDtWf8W+DWlumvo b6WC4SNdCokcpXCugCKzLksGlABOCX9qEeDvAs5mgu5rmbEDto iuLOGOXB1PjmJKxA1SE/HO1dCjDjbf+xLZ6jJJjaql9LhGPoCfoDUt3tvVaRCyNtkaW+ex 2rjld2gt+ARdcWihkgjDFedqwNBdXw0YIYkeUZbTnbOv2o0Wzl sY9B6dh+lZrjaqFtXMQ1C7iY6QmWIAAyGOskgBRgHoM4AyNfax AqrEEZUHDDBBI6EeortwQaipJ6a7VVMjKLein7etPMJOAP79TV mWLfyjfv7VIkZHWrtg4D44gBgU0CkaWmhzSylfYYmBrqQe5Arq NSMNb3qLGKWVqAcWvZOYESQxgG3XZUbUZpGQ/e6aVQt8T36U2ODySpCSdFnhF/JKPMqaisUg0kgaJM4znOWGk/HHaq13dMzEqSANgOxHuOhzQ7h+dMbCYRoIUXmaVY5W4kiixkFQ DzCMgdx2qhzGjWR+6TPE6AeUssTPrBO4yV6Zxg1D8U6DNk/8Ai6S/sS50kFTNGT5osH1jJU/9JyKLAry9LKxA6iQDPrnb+9qzcwlSSVRLkwpI4cqhLNGkJYYxj Tqd/fYVbuDPzUhM/lkllhLaE1DTFzUI2xls75HwxXmY/wAE6qUXUo36+dd+y/qVxZIxfzFvhnGOZIYzoJXsGJZdL6RzB2LABwe4PzJi+tI5l0SK CPft7g9qzPC4NNvbzctRoS1fmD7zNLIyzq3qAGz8a0VxdBNuv+ lP+I410UttcWl/Nd/59zoxL4qqr/YlhjXQqEKVULtgEZGMH6jNU7fiaRs6S/yf5gEZklV2nDGNdajJIHMkVMHpt0psV/udu9ec3vCLq5eIXlq38lZY7ea2IlkDtJEVuXy4C6dJIB3JLdMC uboerx5bTl+/5FsmJw8HpMfF4wzmcRRGO45EZaRGLlwhTpujNqHkO+AD0rOc2A R2saWpkWLiTw6FuA5hdTMyyudXmP3XKMcrr6ZABof+WsYYSXF/c3BEyTKjMia5hp9ThmZUC9Qcd6qcC/h5danmN5cWuq7M6QNypM4K4aUxtp1nDDbOxGe4r1Y/Dq1Ijs9C4LxKOZNaLozNOmDgFmjlkjdsDrkoW+BqZeKQlgvNTU 0jRKNQyZFGpkA7kAZxWb8SeGf/AEwWG5mgkSeeaMxMivI8zSuYRqIHmMmBk9hWZufAlzKbJVluo3 R5Z5rp2g1K0iqSulXLGUFETI8uNW5pVGD3ZrYQ4dxyKK5s5TFF HFehxAS0rXAaUxyScxcaF1TkAkE7lPfHoc5IViuNWDp1Ehc421 EbgZ6155bfwuYSQNJxGeVYJFeNHRDjDrIVDZyoJUZx6V3GOGcW uLl4laW2iNyzrcxTRaGhKxgI0R8+pQpwBhdTsTnrTSUJNUzbQa 4V4nkvLL7RavbiRG0zmYyLChVcuVONWndWUnHlO+Kt8G4xzzay BAVntTJr5ukKw5ZKpA27Z1HLdgoB60FtP4fQw8PnspLqTlzSrI 8gEcRXHKCqOq4zGvxziht7/DaWFDJDxG9YxJKIY00F9DnU0SszDJYhdz6dKH/G7Vm2aVvERuLv7HBHHJEYUklmMwX+XIGA5KKMyZH4wcDI3q5xG +isLN5Io2kSFVOiNg7sCy5bLHLHDask5NYfg38NpXjjka+voHi V4oFfla4U1aSMxsQVKr0Bxvmrlv8AwukUnPFbkqwVZF0qA6Ljy HzdMDFFrGnXI2zbWd4lzzVwwEUxjYZKlmVUY5wemWxjocehql4 f8QSXSwyC1aKORZtZkdA0ckb6NAQbuGIkOrbZN+tVeP29zbI01 lCbh3uxNLFrEepTFyyAx6YZUb5HtWeueA3cqWlkQbd1klu2uY5 lLQs7SuYokDBmw03LJI06R3zgKoxaNs0nDjbqkSzKsJiu5Y7dX uOaWlJdVbVnd2R2Og5K6yKvr4hiAu3kzGlo5WRmycgRRzFgAM4 xJjG5OPesrYfwuRZY5Zr25nMU4nQMVVdZYPKWAznWyqT0PlHWo/GnhCQtcTJeXgjuXUSW9tEsmcxrCxKlhkaVGT70fkcqs2z0IFWG QQfQg/SgU3G08qNFKglne1AdTGxOHy6nOdBCEq3fI6VHxCyldEuIGeNl tJEjhkCjzuqGMyZ6MpUA/E++c7wG1uJy13Nb8ttVq0USzrNraBZhrEmdK6uYo678vJO+anG MdtmbfYMeLNNtBE0aWvKikQsbmd4grR6RCSyqxkYED73QqOvaW w45FHcSW4ilUtemLUzalZ3tzclwSThcLjSOmpem+MtJ/Due85ks9zLZiWaWX7KmmVI9YKMSdWCzKWJxt5yK1HBPCPJCmW5 luJFuftHMkADFuQYAu3YKc/Knk4KNXbCrNOwztTbo+Rv8rf0NKKSUZU/A/wBK5k7GoyrWsbXEWhykyMrswt9YkBxhWlIyDhSNjsC23QjZaqx Pia0Cz2Ui6FD3UQkASMPKwZNDM5GoqqqwwDnzL2BrYStgdK9Dh xikicVZKppWI71BbvmpwKZWaSGal7DPxpplPw+FLKtNArNskxu KWlrqFGKstwD60G4raq5OUZ0dUVwujUpRmZHUSeRvvsCD1GOoo 0tpnuaBcduuXKqgyAAQk6ELKNU2luZgE5ZQQo7npVumb+JUe5K SfG2csPLCyNEeQBHEsWVLjEqvFIxzpJMnUZ2BB9abfRwXEzwRh 11ztzZPw61hkUKhyfNsT0A8reozbPEoipRxLpIwRJBMF66TqLJ gLk4JO1Tw3VkHEijTpUcvCSojD7gMSYCynz6QVBPnwOtdkZTaf JO/b9DUnorSQlS7PZSvJIpSYo6mPSQFdowX21aVOMA7b79W397GjK 5s7gsJeYgyhLS8owqAFcndOu2BjJqaw8SnXIk404WN8CGb+VrB bRK2CNl0kv5R5iOxqDiMi3DxRo0u8oy8aSKFCrI2pJdOncqVyD 0JxUMs88MkVGNxb330vPn0HSi09jbVFeERQRTLEZNTc1lwgWTW 6KuotkspXB6b9O7OMMVzk5/qf96dw6dEKaWn5T6x/NV8rLziuHbHkJOR5juavX1jr3zk9vX6183/AOQwyzyLktJ2vf1/P1O/oJwi7ZkbLimZCmCCpwcEEE756bdc/T3Fa7hUu2+BnHWhcHAwDnTvvvjHt/pUvHIriOISQORpOZFwrAr64IPTv7H2rxenx/EzpwTSR2df1MI47Sv6GhjXfPU77/1xSSXihtJPx9vashw3icsp0uxHY4JXPw0ED9Kurwy4VSy8p1OT l3kDb7HOc9/f6da9CXUTUXHEtrb+nk82GSMlza1297NKZEznK5HQ5G3r8Kdzl/MPqKyPD+CXCRPHGtvhi25eXbIwcghixzv1A/rVux8IRLjVpO2GAjjxnHVcqSN/XNdOLNPIrrXjfdf2I/EyOqj9b1X7mga7QdXUf/0KkSQEZBBHsc1BbcPjT7saj5f3j5VZq65eS0b8iFQeozg5HsfW lrq6mGOrq6uoGOpAoznG+2/fbOP6n60tdRMdXV1dWMD726wWXSCMYIO+snooHz/vu63mQk6WG3uO3XHt0GamuIdW2cD4D6g9jXRWqL0UDYDp2GwH6 Ur2IlJMrXV+UIHl3zjIPt1I6DGd/b6onEV31OgI9G2+p6/7ipmgX8o/s5wPQZqEWsY6Io6dvTp/fuai5Ox1Cd2SC+j3867ZzuNsdanZ9j8DVL7HHt5F+lWe3yrJtM fi/JmeLRMt5bFn1ia4jEMOu5GNCF5ZCBOIzpC6hmM74HU5rZFM1i/FshV4phGGW2WSWaRQrPABy5FDAyKeW+jzBVZsJt1rbx50jVjVg asdM43x7Zr3GuSTIXTGolPNLUMlwAcYoqIJSEY5pK5TnpTtJ9K SmTG11SCI11Hi/QxFC+wGDmsv4vcoszqcMY7Vux3S6Gk/+41oyxoVdxScyRlRHEiQqdTlSpjeRvyNkHWPpVelko5OT+9izd xoo8b4tI8V1GxGnRxFeg6Rxrp/7jSy3JZrLWVDLdIpQb8om0ZkRmwNRJKt7agO2SVkFwQf/Tw+YSD/AJx/HjP/AOL2qnI04EEUsUR30lkdsuVgkDYBUaSwGB5tveu6GWHZV58r0E cH3OhlZMCaReaVgjuMIX5jciVio0DY7hs4AwD61Q4DxKRo7MJ9 xeUjqVKtERbzYbceeOTYhh6d8nE3B7aSNnSGIJzIY3ZJpCWgYm VM50kyZAzgkHbGewvcNs7mGOFBDAeUqKW5rBpAkZRc/wArbck98dPemlOEbWv09Pv/AEBJumBuHX7vaIrHPMhuJmOACXFxHgjHTd2rR3GsAgHf1xuKG2 3D50jEDpEF5hYurszBWm5zoAUHXZeo6Z9BRy7mRULu6qgGWZiF VR6knYVxdcseR1ryBKdaYF4dOYso+SMkg9SCevyNDPFEzzxBFQ jEmo4O5ABAGB8f0o48kTsqiRCzpzEAYEsm3nUfiXzDcbbioJQi Mqs6qzkhAWAL4xkKDueo6eor5vNhnF6JtZuHC9GHs4pwCNewHR hk/MkZq3YcLdTl3IPUYY/oa193HAoBmMahmCqZCq5J6KCe59KsRcNhJZVwSuAwDZK5GQCM7 bEH4Vyy6XPK3Gtmw4adsxXE+KxxyIkz6NeWZ3bSigA41OcAZIw B6keozBw3j8MzT6X1RwosmpCHJUrkrpRi2oH1A64xsa3txwqDH LdiOZlQOZoZjgsQpGDnAJ232Jp9rbW4cxKwMiqCU15cDsWGc/M9ati6GSjTW/r79+35HXXqY7g3GopOYxdQscCSyKrcx4T5uakoTOGXHTG+DV/wxxtLg3QR43EMirGyONDh9QjBdXcZLKR2OCp0jOK01/w2BwqyqNOpcAuyBmz5VYAjXk48pyD6U6/t4J4ikhBjZwMhzGeYkg06XUghxIoxg5yK9bDijBBSAn/iW0M0cAkZ5XkaJlTJ5LLqzzc4KAlSBkebqBgEiAeJbaARC6n0P K8m7bJH/MdQrufKmNJXc5OljjYkayyskjQRouFGcZJY7kkksxJYkkkkkk5 qP/hEQdpAoywUHIGDgswOPXLMc+9dUVfgJmODeMLKVYFa6h58oiBi ik5mJHyCo0k7Ag7noME9RUsviu1EMU4Zykk5iBPlC6ZCksjsTh EUKzZJ6D6HryJBpRsBnJC4cozHBYhcENnAJ29DVaK1it0SIDSr MVQFyxdiHlbJbJdiA7EnJOGJqtpeAOTQFsfEi6UacqFklhiiMJ aRHaR5EUh84KnQDkDv1Iwann8V2UcskUswi5bomZHEeskkNoDE ZVNtTdADnpuTN1axSFHfJMZDKNbhdQzpJQHSxB3GQcEA9hTeRG 5ViWOhsjDMozuMMFbDDrscil52noN7M94c8YW11IsIkUycoM5S WJkD41MijXrbAydQUrtjOdqo33jyHSzQZkYRXBWFiUkcoqSISn 3lDLrIBGSFb0ONpc3cSYLOqaiQCxAyQrOcZ6+VWPwU0yw4rFL/AMqdJDpD+VlbKksoYYJypKsM9NjQjJeUM/Yi4jxC2gzzrmKLfSDLKsYLYDacsRvgg49CPWszH/EGwEKO86tKUjLxROrOGKIzBQzDVp1YxnUSpUAsMVoLi0tFuFmc IJpGGnU7AO4UIGWMtpMgUBdWnVgAZq6OLJpZlZCqFg5DAhCBlg xB2I7itxi/ArnQMgnCiYyvpVJXAZzpGkRrKxJPQKCwyegTeg3EvF1moPLvLV mAbrOuC2hmTdTjTqGknpkgZyQK03FOCxzogbK6X1gxsyHJ1avM pBwwY59c0lnBAjNDGVBVUYxh86FxoTShPkT+WRgADIJ65qXGCf YtGTBHDLxni1soVgzZXUx8q41Mvly2Ac4wPTaneH/E9rdTPDBKrlFDag8ZDfd1aVDa8DUoJKgZOAdqu8asrZzGs7aTq Yx4meFmOPOAUZSwI6ruPUUS4bcxyoGhdXj3VWjIZPL5SFI22xj b0rNRa0gtsdecOimTRLGroeoYZB9j6j1HerlIBXU60TG6964oD 2FQco6s1YSgnsLSIxAc7Yqymcb0q0tdEY0TOrq6upzFFlp0YHp vTyKjNcYq0TNUF3ZrIulxkbHqQQR0IYYKkeoOaaZDtv3H9atvT cb+byPyvRUsbFIgdAO5yxZ3kZvTU7ksce5q4tJHT1NPFW7bMQS xDJNVLyCQxMsThJPwMy61GCDuoIyCBjGR1omRUbikyY6toKMTx nw1OUfRcyySGKSJGkZI2jErxu7CRI9R3jGBtgEgY2pIfDVzJjm cQuBokR1wIsMU0aSQEG3lOUOQdTZznbYutKg3qanaH4qjOw8Ck hUol5MxkmaSV5tLNpZdLJEQFEe4BBwcb7dKYvArk7/8TnAwq/dg7BwD9z73myT3Kr6UTdvM3xphO5HYdu1Ua9Dn5grifDbtoxFH OGQwmNpJGdJlc5zKjRjGog47Yx3BIp3D/Ds4VcXs8QGoCMGOYKC4fBlkTXJ0xqbfDHfvR/t9KmhoINgd+EXCwrEl1zGxIJHuQcsGGFYcorgr2AxnJ3B3qu/hF9JQcQuFjYsSg5W+p3kbzadW7Oc4OSAB02rSMNx8KQirJKuwx mo/DssOJEu57l0t2gRJphEhBxh2ZELczIGX3P0q3xC1vHEUcdyItE Z1zZVmlfl6AGhZNOksS5Oc+UAdTgwRTSKLmYy/CPCkypDz792aNtZCrEwzrZyBIyByW1AM22cbBelWZ/DPMledruZJTMXTSUZIwEmhQojKQCYpSCTnfHoMHsVxFI8mwWBu HeHjFKZ2vZpn5boqyFVj306SUjAHl07bZ8zE5JqhJ4fubmN1mn e0R0VTHavGfNlmkkEhiBTWzbgddOSd8DTAVzUspNhQD4zweS4Y xO8H2fIZXPnlH8oxNGY2QowbU5LE9Gxp6EPseANGkg+2zyO0KR LI/KMkaoXKnUE85y53fOcb9Tkm4rlbFGUrF5UA5uBXEgbXfTrqwpC rABpVmwQVQFdQO+DnoM7VU4d4FVSoN9dlF2EbTysjDSV0lGcrp wemK0xcnvSw9V+IrKTQORRtvDTqzu19dOzwGDrEgj6YkjVUwsg x1OdyaThnhcwo6rdSsTGkaOyw6owjO6/dQBt3PUYxtitDXVu5UzEnh+eQMJL6bzAKyaLcqVVmwCNGMOD5h 3GB2qXgnA5YJUDXE0sUULJHzGTfUYzhwqgvp0ABmJOM+pJME75 71MH2opCqVkldUeacBTxj6mchaeorhT6Kgk7DYgFLXV1OA6urq 6sY/9k=
arwa alaa
2016-06-25, 11:45
صباح الخير عليكم يا فراشات
arwa alaa
2016-06-25, 11:51
ربي يستركم ويعافيكم ويحقق كل امانيكم في هذة الايام المباركة
جهينة اليقين
2016-06-25, 15:36
السلام عليكم ربي يعاونك ام متين على السفر مع السخانة ربي يثبت اجرك ان شاء الله مع العشر الاواخر كلش يبان الله المستعان
oum sabrin
2016-06-25, 22:33
صح فطوركم فراشات واش راكم؟
ربي يقدركم على اشغالكم
ام متين ربي ياجرك في سفرك هذا
ام هارون و ام هزار شكرا على الدعاء البارح رحنا لاهل المرحوم فرحوا بزاف هوما 2 بنات و خوهم امهم متوفية غاضوني مساكن ربي يعطيهم الصبر ان شاء الله .و يكزن معاهم .
اليوم خرجت شريت احذية العيد لاولادي كنت شريتلهم الملابس قبل رمضان و قلت كاش ما نشري ليا ما قدرتش ندور بزاف السخانة رجعت نجري
كاش قاطو بديتو و لا ما زال
جهينة اليقين
2016-06-26, 08:31
السلام عليكم واش احوالكم كاش همة انا ما زال ما خممت فالقاطو راتي مع الخياطة ام صابرين ربي يجازيكم راكم مونسين اليتامى وزيدو تفكروهم فالعيد مساكن ام هزاز غير نشوفك غيبتي نرجع نوسوس لبنات كامل ليكم وحشة
arwa alaa
2016-06-26, 09:09
صباح الخير عليكم واش راكم مع رمضان
ام صابرين مزلت ما بديت والو راح ندير كيما موالفة مخبز مقروض االلوز تشاراك مسكر وصابلي لوليدي يحبو بزاف المقروض والبقلاوة من اختصاص عجوزتي تحب تديرهم في دارها كي نروح عندها ندير البقلاوة نوجد كلش هنا تحب تطيب البرا فيالكوشة تقولك لازم يخرجوالسنية في العيد من الدارباش نحسو عيد
arwa alaa
2016-06-26, 09:11
ام صابرين ربي يجازيك عليهم كلخير
اليتامى كبار ولا صغار......
oum sabrin
2016-06-26, 09:51
صباح الانوار حبيباتي ام راضية و اروى و كل الملتحقات
شكرا لكن على الدعاء ربي يجعل ذلك في ميزان الحسنات امين يا رب
حبيبتي اروى بالنسبة للقاطو الانواع لي اخترتيهم ملاح و لكن اظن لوكان تغيري بين مقروط الوز و تشاراك مسكر يعني في اثنين مسكرين و المخبز مطلي و زيدي شوفي هذا مجرد رأي
بالنسبة لليتامى كبار البنات ماشي مزوجين و اخوهم مسكين فقد البصر تاعو في السنوات الاخيرة و عندهم خوهم اخر في المهجر جا 3 ايام و عاود راح بحكم عمله و الله يقطعو القلب قعدتلهم الدار غولة الله المستعان هوما بعاد شويا علينا لوكان جاو قراب كل يوم نروح نسهر معاهم مي الحمد لله كاين الفاميليا لي قدامهم و جيرانهم كل يوم شكون يجيهم العام لي فات توفات عجوزتي و هذا العام زاد خوها و العام لي قبلو كان مات خوها الاصغر ربي يرحمهم كامل
زوجي مسكين خلاصو كامل خوالو و خالاتو ربي يبارك فيما خلاو من ابناء و احفاد امين يا رب
سمحولي هدرت بزاف قلبي كان متالم و فرغتو ليكم خياتي
لي عودة لاحقا نروح نكمل اشغالي
سلااااام
سمراء الدنيا
2016-06-26, 10:53
السلام عليكم و اسعد الله صباحكم
ام صابرين عظم الله اجركم و رحم فقيدكم و جزاكم الله كل خير على وقفتكم معاهم
واش اخبار نتائج المسابقة
بالمناسبة نبارك لكل للي نجحو اولادهم و عقبال صحاب الباك
شكرا لطل للي دعاو لزوجي راه سوتنا و جاب 16.5 و الحمد لله تهنينا (كابوس و انزاح) شغلاتو الدراسة و العمل بزاف علينا
راني موجدة صوالحي قلت نخدم شويا مشوك و من بعد قلت نطل عليكم اولا
موالفة كل عيد نخدم الكثير من الحلويات خصوصا الجديدة و لما نروح لاهلي لازم كل واحد نمدلو حقو (دار شيخي و دار سلفي و اخواني و امي ) و هاذ العام راح نخدم كمية قليلة نفرح بيها اولادي و ما ندي حتى لواحد عارفيني مريضة و تعبانة و ديجا كرهت من التخلاط
هاذو بعض الحلويات من الارشيف
http://up.arabseyes.com/uploads2013/26_06_16146693416082112.jpg
http://up.arabseyes.com/uploads2013/26_06_16146693416083153.jpg
http://up.arabseyes.com/uploads2013/26_06_16146693416077731.jpg
http://up.arabseyes.com/uploads2013/26_06_161466934160992310.jpg
و هاذو من نفاسي معظمهم وصفات ام اماني هايلين
http://up.arabseyes.com/uploads2013/26_06_16146693416084174.jpg
http://up.arabseyes.com/uploads2013/26_06_16146693416086695.jpg
http://up.arabseyes.com/uploads2013/26_06_16146693416089136.jpg
http://up.arabseyes.com/uploads2013/26_06_16146693416091687.jpg
http://up.arabseyes.com/uploads2013/26_06_16146693416094168.jpg
http://up.arabseyes.com/uploads2013/26_06_16146693416096739.jpg
و هاذو كنت خدمتهم مؤخرا
http://up.arabseyes.com/uploads2013/26_06_16146693979320461.jpg
http://up.arabseyes.com/uploads2013/26_06_16146693979323352.jpg
http://up.arabseyes.com/uploads2013/26_06_16146693979325643.jpg
http://up.arabseyes.com/uploads2013/26_06_16146693979328094.jpg
http://up.arabseyes.com/uploads2013/26_06_16146693979330575.jpg
سمراء الدنيا
2016-06-26, 10:56
جمعت صور كثيرة لحلويات رائعة من النت و ان شاء الله اذا قدرت نحطهم في اقرب وقت ....وقتي ضيق جدا جدا ..... رايحة نحط صور في مسابقة الخياطة ... خدمت فستان لبنت اخي
و مازال باقيلي بنتي لكبيرة ما خيطتليهاش عجزت نخرج نشري بعض المستلزمات
حياتي كلها امل
2016-06-26, 12:35
السلام عليكم وصبحكم الله بكل خير ام صبرين جزاك الله كل خير على الزيارات التى تقومو بيها لاهل الفقيد وربي يصبرهم ويكون في عونهم .
سمراء الف مبروك للزوج تاعك هو تهنا وانتم تهنيتو والله يبارك على الخير الى راكي حاطاتو انا اذا قدرني ربي معوله نخدم حلوة البيضة لام اماني ومقروط لصابلي قريوش حلوة الطابع يحبوها ولادي حلوة الحلزون وحلوة القلوب المنمرة لام اماني حلوياتها كامل ناجحه ومضمونة هذا واش راني ناوية وممكن يكون كاش تغيير سمراء انا ايضا في العيد لازم نمد كل واحد حقو مالين زوجي وماليا
السلام عليكم ورحمة الله
اشتقت لكن جميعا دون ذكر اسماء حتى لا انسى :d
كنت مع الامراض ربي يعافي و يشافي جميع مرضى المسلمين يا رب
ام صابرين رحم الله موتاكم و خفف عن ذويهم
سمراء مبارك النجاح لكن اسمحيلي قلت زوجي اليس ابنك الذي في الجامعة :1::1: اسمحيلي مرة أخرى
كامل البنات توحشتكم ربي يسهل و نقدر نرجع معاكم
القاطو ربما باذن الرحمن راح نعمل صابلي غريبية لانو العائلة تحبهم و اذا قدرت اكمل المقروط و اي مودال بالشوكولا و اذا لم تسمح الصحة راح نكتفي بالمودالين الاولين فقط
سلام نروح نصلي و نريح شوية
نسيت اسال اذا توجد منكم من لديها وصفة تشاراك العريان تكون مجربة و مضمونة لانو مرة جربتو و لم يعجبني
سلام
arwa alaa
2016-06-26, 14:07
يا ام صابرين واش تقترحي عليا
شوفي انا نحب مقروض اللوز انا والزوج
ولمخبز طلباتو عجوزتي باش تدي منو لعروستها الجديدة هذا اول عيد وقالت كل وحدة تخدملي حاجة
وتشاراك يحبوه لبنات
والصابلي يحبو وليدي
هيا اقترحي عليا ونتبعك
arwa alaa
2016-06-26, 14:10
ام صابرين والله صعيبة بزاف كي عادو البنات بلا زواج وخوهم اعمى ربي يكون في عونهم ومتقطعوش بيهم في اجركم ان شاء الله
سمراء الف مبروك لزوجك ولعقوبة للاولاد
غزالة مرحبا بيك توحشناك وربي يجيب الشفاء
سلام اخواتي عليكم جميعا دون ذكر الاسماء
غزالة مرحبا بيك اختي و الحمد لله كي طليت ان شاءالله تكوني بخير
ام صبرين ربي ياجرك و ينجحك يا رب
سمراء الف الف مبروك على نجاح الزوج و ربي يهنيكم . اللهم امين
جهينة راكي غمرتيني بحنانتك . شكرا جزييلا و بالمناسبة حبيت نقولكم باه ما تتقلقوش راني رايحة غدوة باذن الله نسافر عند امي و ما علاباليش و قتاه نرجع . اذا قدرت نتصل بيكم من ثمة . المهم اتهلاو في ارواحكم و ما تنساوهاش و كافة المرضى بالدعاء اللي والفتو منكم ... استودعكم الله الذي لا تضيع ودائعه و ربي يوفقكم و يسدد خطاكم اجمعييييييييين كل وحدة باسمها . اللهم اميين
حياتي كلها امل
2016-06-26, 21:34
صح فطوركم اهلا وسهلا بغزالة يارب تكوني بخير ام هزار تروحي وترجعي بالسلامة وربي يشفي والدتك وتسمعينا غير اخبار الخير وبلغي سلامنا لكل اهلك وقوليلهم ماناش ناسين الوالدة ربي يشفيها ويخفف عليها
arwa alaa
2016-06-27, 09:49
صباح الخيرعليكم يا فراشات واش راكم
arwa alaa
2016-06-27, 09:50
ام هزار تروحي وترجعي بسلامة وسلمي على الوالدة وربي يجيبلها الشفاء يارب
جهينة اليقين
2016-06-27, 09:51
السلام عليكم كيفكم ام هزاز رانا اهل واخوات في الله ولازم نونسو بعضنا في الضيق ان شاء تصيبي الوالدة والاخوات في احسن الاحوال وربي ما فيه غير الخير
جهينة اليقين
2016-06-27, 09:53
واش راكي يا اروى وواش راهم لبنات توحشنا القصرة معاك ام متين وقيل بدات القاطو راهي ما طلتنش
حياتي كلها امل
2016-06-27, 10:59
السلام عليكم راني وضعت التحدي الثالث في المسابقة انتظر تشجيعكم راني عملت بوصيتك ام راضيه
omelbanin
2016-06-27, 11:20
السلام عليكم، اخواتي انشالله تكونو بالف خير، حبيبتي سمراء مبروك على الزوج ولعقوبة للأولاد تشوفيهم ناجحين انشالله . واش راكي حبيبتي ام راضية وام هاجر (راني شفت التحدي ودرتلك رد)
ام هزار، مروح العافية حبيبتي، وانشالله تلقاي الوالدة والاهل كامل لاباس.
ختي اروى فريتيها مع الحلوة ويقتاش تبداي.
غزالة توحشناك، وعندي وصفة تاع تشاراك العريان جاتني هايلة ضك نعطيهالك.
omelbanin
2016-06-27, 11:32
وصفة تشاراك العريان :3كيلات فرينة، كيلة نشا، كيلة وثلث الكيلة سمن ذائب اومارغارين، كيس خميرة كيميائية، كيلة سكر ناعم، 2صفار بيض، وبيضة كاملة.، خليطمن الحليب السائل. وما الزهر.، قرصة ملح.
الحشو، :3كيلات كاوكاو، كيلة سكر، مبشور الليمون،، كاس شاي مارغارين ذائبة، لافاني، مازهر.
وتزينيها ببياض بيض وكاوكاومدشدش.
طريقة نظن واضحة.
جهينة اليقين
2016-06-27, 12:44
ام هاجر علم ام البنين اذا حطيتي الثحدي قولي لي وام صابرين كذلك راني ما نصوتش كامل على لخرين غير عليكم باش تربحو هههه
omelbanin
2016-06-27, 13:14
يا عمري يا ام راضية، ربي يخليك لينا، وانا ما نكذبش عليك غير نشوف اللون rالوردي نستبشر، ونعرف بلي حبيبتي ام راضية دارتلي رد. مشكووووووورة :mh31:
راني حطيت موضوع التحدي الثالث، وفي انتظار تشجيعاتكم.
صباحكم طيب مبارك كيف الاحوال ان شاء الله راكم بالف صحة وسلامة
على سلامتك ياغزالة توحشناك بزاف الحمد لله كي طليت علينا وربي يشفيك ويعافيك ويعافينا جميعا من كل الامراض يارب بجاه نبيك محمد في هذه الايام المباركة ان تشفي كل مريض وتخفف عنو الالام وتعطي وكل محروم وتفرج هم كل مهموم وتنجح كل ممتحن تعب وشقا يا رب اميييييييييييييييييييييييييييييييييييييييييييييييي يييييين
ام هزار ربي يهنيك بزيارتك وان شاء الله تلقاي ميمتك في احسن حال
اروى ربي يقويك ويعينك في تحضير الحلوى
ام راضية والله ضحكتيني كي قلت راني بديت الحلوى لا حلوى ولا شيئ حتى اولادي الصغار ما زال ما شراوش للعيد لان ابوهم راه خدام يخرج على 7.30 ما يجيش حتى 7 او 7.30 وايام الجمعة كنا مسافرين وانا مانقدرش نخرج وندور نعشي في حالة راني نستنا اذاكتب ربي لنهاية هذا الاسبوع ونشريولهم الحمد لله ان الكبار ولاو يشريو وحدهم راهم شراو وهناونا
نرجعو للحلوى انا بعيدة على الاهل نتاعي ونتاع الزوج وكنت في الاعياد نروح نعيد عند عجوزتي نعمل الحلوى ونخلي غير شوية في الدار ونديلها كمية لا باس بيها ولكن مؤخرا اي منذ حوالي 4 سنوات راهي دارت 2 عرايس وانا وليت مانروحش نعيد ثم يعني نعيد في داري ومن بعد نروح نديلها مكتوبها وخلاص وزاد الزوج نتاعي يقولي ما ديري لا قاطو لا والو يحب يشريه واجد بحكم ان الحال سخون وزيد حتى الاولاد ما يحبوش كل الحلوى يحبو كروكي للحليب والا صابلي خفيف ومع ذلك ان لازم ندير في الدار حاجة والا2 لان في السابق كنت نحب يكون السني مليان بالحلوى ونضل نبحث على الجديد و لكن الان لازم ندير الشيئ الي ياكل وخلاص مادام ما يجيني حتى واحد ونشري علبة لعجوزتي واخرى للوالدة نتاعي وانتهى الامر
سمراء مبروك للزوج نتاعك والى مزيد من النجاحات
ام البنين وحياتي كلها امل ان شاء الله راكم بالف صحة وعافية
جهينة اليقين
2016-06-28, 08:40
السلام عليكم والله يا ام متين عندك الصح الواحد يزيد على روحو التعب باطل مع السخانة والحلوى ما تتكلش وقع الناس تدير الله يهدينا ويبعد علينا التبذير قررت هذا العام نعفس على قلبي وما نكثؤش وحتى الميزانية راهي ماكان ما كان السي الماصو قضى على الاخضر واليابس
جهينة اليقين
2016-06-28, 08:42
حقى لبنات تاع المسابقة شكون ربحت بنتي مسكينة خسرت
oum sabrin
2016-06-28, 09:33
صباح الخير عليكم حبيباتي
ام متين و جهينة صباحكم اطيب
حبيت نبشركم بنجاحي في الاختبار الكتابي لمسابقة الاساتذة العاقبة لي مازالو
شكرا لكل من دعت لي بالنجاح ربي يوفقكم و يوفق وليداتكم
ام راضية اسفة من اجل ابنتك ربي يعوضها من جهة اخرى امين
ام هزار حبيبتي تروحي و ترجعي بخير بلغي سلامنا للوالدة ربي معاها و احنا ندعولها بالشفاء امين يا رب
سمورة مبارك عليكم نجاح الزوج العاقبة للمزيد من التالق و النجاح و يعطيك الصحة على الخيرات لي حطيتيهم :19:
اروى حبيبتي كيعاد الكيفيات مطلوبين من العائلة ديريهم و خلاص اذا تحبي ديري حاجة بالشكلاطة راح تكسر الالوان في صينية العيد فهمتي عليا انا عجبني المودال لي اقترحاتو ام هاجر القلوب المنمرة لام اماني عجبني بلاك نعاندها و نديرو بريزونتابل و شوفي انت و مقدرتك مع التربية ربي يعاونك
غزالة على سلامتك توحشناك بالنسبة للنتشاراك العريان عندي وصفة معتامدتها تجي بنينة و تذوب في الفم 3 كيلات فرينة + كيلة فايضة ليدام ثلث كيلة سكر ناعم قرصة ملح ملعقة متوسطة خميرة كيميائية حبة بيض و طميها بخليط حليب +ماء زهر دافيء
بالنسبة للتحدي الثالث البارح كنت اولى من وضعت تحديها حطيتو على الواحدة صباحا خفت ما نلحقش في النهار ررحت لدارنا كانو عندي شويا قضيان و جيت مساءا وجدت فطور رمضان و بعد العشاء بقيت نرحي في اللوز و الكاوكاو على اساس قلت اليوم نبدا ندير بقلاوة بصح ابني من الفجر و هو يرد واقيلا خلط الماكلة كي سفتو هكذاك ما حررحرتش العجينة في السحور قلت حتى نشوفو كيفاه يصبح زاد ردلي دوكا بلاك ما نديرهاش اليوم
شكرا لكل من شجعتني في التحديات ربي يحفظكم غالياتي
يومكن موفق
مبرووووووووووووووووووووووووك يا ام صابرين والعقوبة للنجاح في الشفوي
oum sabrin
2016-06-28, 09:38
يبارك فيك عزيزتي ام متين
امين يا ربي جيبها في الصواب
ام راضية خيرها في غيرها المهم الصحة والهنا وكل واحد يدي مكتوبو ربي يعوض عليها بحاجة اكثر من هد ان شاء الله
arwa alaa
2016-06-28, 09:40
الف الف مبروك ام صابرين لعقوبة للشفهي
حياتي كلها امل
2016-06-28, 09:48
السلام عليكم الف مبروك ام صبرين والعاقبة للشفوي ام راضية معليش على بنتك الصحة والعافيه هي الصح وفي هذه الدنيا ماتعرفي الخير وين راه ربي يوفقها في امور اخرى ان شاء الله اهلا اروى وام متين لباس عليه وليدك ام صبرين انا ثانيك بنتي صبحت بالحمى ماتقدري ديري والو والاولاد مراض سلامي للجميع
arwa alaa
2016-06-28, 09:53
ام راضية ربي يخلف على بنتك بالخير وكل واحد ومكتوبو
arwa alaa
2016-06-28, 10:03
لبنات عندي مشكل ونحتاج النصيحة
شوفو يخي قلت ليكم من قبل بلي عرس خويا في اوت في الاواخر وماما خدمت الدار الي في البلاد باش ادير فيها العرس وتقريبا عاودتها كامل قبل رمضان وراهي مخلطة بزاف انا كي كمل الماصو قبل رمضان ب15يوم قلتلها ارواحي للبلاد نعاونك ترجعي كلش في بلاصتو قاتلي ولادك ميخلوكش تخدمي ولا تعسيهم المهم ان عني ستة سنوات مجوزتش رمضان في داري وهذا العام قرر زوجي انو نرمضنو في دارنا نروحو نعيدو عند عجوزتيونعقبو العطلة نتاعو عندها وكي تكمل العطلة نتاعو نروح عند ماما يبقى للعرس شهر كامل
البارح قاتلي راكي رايحة ومخلتني وحدي وارحي ليلة العرس وخلاص المهم زعفت قلتلها يخي قلتي بلي ولادك ميخلوكش ونتي محبيتيش تجي قبل رمضان المهم زعفت عليا وانا ملقيت مندير
دبرو عليا ربي يستركم راني ختكم
arwa alaa
2016-06-28, 10:04
لبنات عندي مشكل ونحتاج النصيحة
شوفو يخي قلت ليكم من قبل بلي عرس خويا في اوت في الاواخر وماما خدمت الدار الي في البلاد باش ادير فيها العرس وتقريبا عاودتها كامل قبل رمضان وراهي مخلطة بزاف انا كي كمل الماصو قبل رمضان ب15يوم قلتلها ارواحي للبلاد نعاونك ترجعي كلش في بلاصتو قاتلي ولادك ميخلوكش تخدمي ولا تعسيهم المهم ان عني ستة سنوات مجوزتش رمضان في داري وهذا العام قرر زوجي انو نرمضنو في دارنا نروحو نعيدو عند عجوزتيونعقبو العطلة نتاعو عندها وكي تكمل العطلة نتاعو نروح عند ماما يبقى للعرس شهر كامل
البارح قاتلي راكي رايحة ومخلتني وحدي وارحي ليلة العرس وخلاص المهم زعفت قلتلها يخي قلتي بلي ولادك ميخلوكش ونتي محبيتيش تجي قبل رمضان المهم زعفت عليا وانا ملقيت مندير
دبرو عليا ربي يستركم راني ختكم
vBulletin® v3.8.10 Release Candidate 2, Copyright ©2000-2025, TranZ by Almuhajir