الشيب و العيب

[مشكلتي]

السلام عليكم
انا استادة عمري 26 سنة هاداك اليوم كنا نعسو في الباك و جابو ملاحظين من ولاية خلاف
كاين ملاحظ شايب في الخمسينات من اليوم الاول و هو يشوف معايا بطريقة مريبة و مبعد جا حكا معايا قالي ابنتي او عندي خويا يقري انجليزية كيفك و كان في امريكا عندو شهرين مللي رجع ورانا نحوسوللو على بنت الحلال و ادا تقبلي هدا الصيف نديرو العرس قتلو و كيفماه هدا خوك ماشافنيش و نورمال؟ قالي انا متاكد تعجبيه قالي اعطيني رقمك و عنوانك و نعيطلك نحدو نهار للشوفة و قالي متخافيش رقمك امانة عندي قتلو اووك

لغدوة حنا نعسو و هو يعيطلي في التيليفون حرت قلت ياربي بالاك غلط -------هدا الشايب لي يعيط=====:confused:
في الليل انا في الدار و هو يبعثلي في الميساجات :confused:
ماهزيتش عليه و خدمت يومين تاعي و روحت و كملو صحاباتي لاننا متقاسمين ايام الحراسة
كي فضت البكالوريا و تلاقينا الاستادات و بقينا نحكو ظهر سي الشايب عمل نفس الفيلم ل 2 صحاباتي ماهمش متزوجات نفس الكلام قالهولهم الرخيس
هما قاعدين يضحكو وانا تبهدلت حشمت نقوللهم بلي عطيتو رقمي انا الغبية
المهم حسبي الله فيه الشيب و العيب وانا تعلمت درس ماننساهش

رجاءا من المشرفين حدف الموضوع بعد يومين يعني غدا مساءا

[*أم سجى*]

اييييييييه حنا كي ننصحو لبنات ونقوللوهم زواج الشارع مكاش منو كاااااامل مجرد فخاخ يقولونا لالالا .....بعدما يطيحو في الفخة يجو يحكو قصص خذلهم......منيش عليك صاحبة الموضوع باش نتفاهمو راني نهدر بصفة عامة......المهم ربي نجاك منو انشااله متزيدش تشوفيه في حياتك باش متكرهيش هههه خبيها في قلبك ومتحكيش لصحاباتك راهم يشيعوها عليك.....ربي يرزقك وليد الحلال اختي

[علي لقواطي]

هذي عبرة باش تتعلمي منها

[ايمان نور الجزائر]

اهلا يا اختي هو درس وعبرة لكن الاهم
والصح هو انك وقفتيه عند حدو وماطاوعتيهش في سوء نيته
هو الله يهديه...ونتي ربي يجيبلك ولد الحلال ان شاء الله
ورمضان كريم لكم جميعا

[(( هبة الرحمن ))]

رقم الهاتف لا يمنح لكل من هب ودب .....
حتى ولو قال لك أخي يريد الزواج عرفيه بعنوان البيت ولقب العائلة وانتهى ...
أنصحك بتغيير رقم الهاتف .
ربي يرزقك زوج صالح .

[nouri.tg]

لا أعتقد أنك غبية لكن لكل إنسان هفوة عادي جدا إنسان يلقى بنت في مكان عمل أو ما شبه و يطلب أنه يعرف عنوانها
لكن الخطأ يا أختاه أنك كنت تعطيه عنوان أخوك أو أبوك تدله عليهم و هو يتصل بيهم أو تقل أنه أبوك يصلي في المسجد الفلاني أو يعمل في المكان الفلاني
من الخطأ أنه البنت تظن أنها قادرة على تزويج نفسها ب نفسها إذن لماذا شرع الولي ؟؟؟؟؟؟؟؟
كل الامان والضمان في الولي

[نسيم الريح ش]

الناس ما راحيش تحشم هدو الناس خسرو على بزاف ناس نيتهم زينة

[طيب القلب]

للأسف المحرم راح في المجرم ربي يفتح عليك

[mrmilano1984]

يااختي مش قضية انتي غبية بالعكس انتي استادة وبعقلك وفطنتك نتي ربما فكرتي صح انو ينوي التقدم لخطبتك يعني هدا عائلتو لكن طبعا بان نيتو كي حكيتلنا لاسويت هدا باين نيتو من المرة 2 الاولي باينة واحد مايعرف تفكيرو اوك اي واحد مهما كان و2 يكون انسان شوية فطن يفيقلو انا نقولهالك من درك هدا راح راح يحب يدير معاك حوايج اكثر ويشوف عقليتك ادا مرخوفة وخفيفة راح تطيحي فيه ومن بعد يرميك يقول هادي باينة كما دارتها معايا درها مع رجال اخرن احدري احدري احدري
اضيفيه للقائمة السوداء وبلوكيه وراسك مهني ولو لقيتي بيه قوليلو خلاص خطبوني وباريلو الطريق هاي حل

[mrmilano1984]

ههه باينة نيتو هدا لو يطيح مع واحد مرحي في راسو يرحيه تاع الصح قبل مايرحيه هو ياحسراه باين هدا المعدن تاعو انسان تافه ويحب يستغل البنات ويشوف ويتيتي عقليتك من لول ادا جايحة سادجة او شرسة في راسك وقافزة او يتيستي لو نيتو مليحة مش سؤال يطلب منك تلفونك هاو كاين الباب يجي يخطبو ختي كل شيء واضح طفلة صغيرة تفيق سمحيلي علي الكلمة هادي وحدة صغيرة تفيق

[mrmilano1984]

ههه الله يهديه يشوف مرا قد بنتو 50 و 26 لو جا في وعيو وعقلو كامل مش عندو مشكلة في عقلو مايجيش يحكي مع وحدة صغيرة قد بنتو مايحشمش وهدا نقولك عقليتو باين يتبع نساء صغارات وباينة الفيلم والحكاية ويحب يتمسخر بيهم ويبانلي جايح وتافه جدا ناس لي قدو بنساهم وولادهم وديارهم وهو مازالو يتبع في بنات صغارات ماعندو حتي سبة سواء كانت جميلة او لا مثيرة او لا رجل اخر متعقل موحال يدير هاك ويتكلم كلام هدا كلامو كما وصفتيه يعكس مستواه الدهني والعقلي

[الراغبة فى رضا الرحمن‎]

ربي يهديه
ونتي ربي يفتح عليك ويرزقك بوليد لحلال
انصحك بتغير الرقم لتفادي المشاكل
تقبلي مروري
صحا رمضانك

[sunshine2013]

هذا البنادم لازم كاش واحد يوقفو عند حدو و يعطيه درس في حياتو ما ينساه قبل ما يكونو ضحيات وحدوخرين
ربي يهدي ما خلق

[arwawafaa]

الوقت تبدل و ما كانش الامان كيما بكري

[رَكان]

السلام عليكم ..
موضوعك يا سيدة مشحون بأثر الصدمة التي حلت بك ..نعم فأنت ركبت مركب الحلم ...وكيف لايكون ذلك وخاطب على الأبواب رجله طويله وباين عليه حاجة كبيرة فإجازته لم تكن في تونس أو تركيا بل أمريكا ..أمريكا حلم الأوروبي والصيني ...
نعم فالحلم كان كبيرا ..حجمه قصيرا عمره ..
عذرا سأقولها لك ..فأنت من صنع الصدمة بكلتي يديك ..أنظري معي ..أنت قلت أنه من البداية نظرته لك كانت مريبة ..فكيف كانت لك الجرأة أن تعطي رقم هاتفك لرجل غريب ...ألمجرد أنه أخرج لك سيناريو وكيف كان ؟ إنه سيناريو لايصدقه العقل ..بل كان بايخا ذلك السيناريو ..يستشيرك في تحديد موعد العرس يا الله ..أنت لم تري العريس حتى ولم يرك ..ومباشرة يتمك الحديث عن موعد العرس ..كل ذلك مرّ عليك وتقبلته ودليل تقبلك للكذبة أنك أعطيته رقم هاتفك ..
بالنظر لسنك يُفترض أنه الطبخة مفضوحة والمفروض أنه صعب ابتلاعها فكيف ابتلعتها بالله عليك ؟
ثم تقولين الشيب والعيب ..هكذا نعلق فشلنا على مشاجب أحوال الآخرين ..
هل تقصدين أنه لو كان ذلك الشخص في الثلاثين من عمره هل تقصدين أنه لم يكن عيبا ما فعله ؟؟؟؟
في وقتنا هذا صار التحرش ومحاولة الإيقاع بالآخرين لاسن محدد له ..
بدا لي أن تجربتك في الحياة لم تكن مشحونة بما يكفي لتتفطني في الوقت المناسب مثلما فعلت زميلاتك ..
اعتبريه درسا ..يكون لك زادا في المستقبل فمثله كثيرون ستقابلينهم في كل مكان ...

[بيلسان91]

السلام عليكم ..
موضوعك يا سيدة مشحون بأثر الصدمة التي حلت بك ..نعم فأنت ركبت مركب الحلم ...وكيف لايكون ذلك وخاطب على الأبواب رجله طويله وباين عليه حاجة كبيرة فإجازته لم تكن في تونس أو تركيا بل أمريكا ..أمريكا حلم الأوروبي والصيني ...
نعم فالحلم كان كبيرا ..حجمه قصيرا عمره ..
عذرا سأقولها لك ..فأنت من صنع الصدمة بكلتي يديك ..أنظري معي ..أنت قلت أنه من البداية نظرته لك كانت مريبة ..فكيف كانت لك الجرأة أن تعطي رقم هاتفك لرجل غريب ...ألمجرد أنه أخرج لك سيناريو وكيف كان ؟ إنه سيناريو لايصدقه العقل ..بل كان بايخا ذلك السيناريو ..يستشيرك في تحديد موعد العرس يا الله ..أنت لم تري العريس حتى ولم يرك ..ومباشرة يتمك الحديث عن موعد العرس ..كل ذلك مرّ عليك وتقبلته ودليل تقبلك للكذبة أنك أعطيته رقم هاتفك ..
بالنظر لسنك يُفترض أنه الطبخة مفضوحة والمفروض أنه صعب ابتلاعها فكيف ابتلعتها بالله عليك ؟
ثم تقولين الشيب والعيب ..هكذا نعلق فشلنا على مشاجب أحوال الآخرين ..
هل تقصدين أنه لو كان ذلك الشخص في الثلاثين من عمره هل تقصدين أنه لم يكن عيبا ما فعله ؟؟؟؟
في وقتنا هذا صار التحرش ومحاولة الإيقاع بالآخرين لاسن محدد له ..
بدا لي أن تجربتك في الحياة لم تكن مشحونة بما يكفي لتتفطني في الوقت المناسب مثلما فعلت زميلاتك ..
اعتبريه درسا ..يكون لك زادا في المستقبل فمثله كثيرون ستقابلينهم في كل مكان ...

تقول تحليل تع طبيب نفساني:19: بصح اشفق على الطفلة شوية مهما كان البنت حساسة

[رَكان]

السيدة بيلسان ..شكرا لك ابتداء ..تطلبين مني أن أشفق على البُنيّة ؟
لم أشعر أنني قسوت عليها ..بل كان مني ماكان غيضا من فيض على ما حلّ بها ..فرجوت توضيح مدى اسهامها بنفسها فيم حلّّ بها ...
بدا لي أني كنت مشفقا عليها ..فإن رأيت فيم صدر عني ما يتوجب ازالته سأكون لك شاكرا ..وفاعلا لامحالة ..

[mrmilano1984]

صراحة انا بقيت غر نطرح تساؤلات انتي لي فتحتلو كامل المجال هدا من الاول قلنا نيتو مش مليحة ابدا وهدا باين غرضو يجوز بيك الوقت ولاحظ انك سادجة صراحة تامني بزاف لو وقع مع مراة اخري راح تعطيه درس لاينسي وتبهدلو لو كان امامي راح نبهدل صراحة يدنا للوليات والنساء مايحشمش ماعندو درة خجل وزد يبعثلك ميساجات ورسائل في الليل راكي في مقام بنتو لو كان جا فاهم ادا راه مزوج نضن عندو بنت قدك او اقل قليل مايحشمش رخيس هاي نتي وقلتيلو رخيس كلمة كبيرة كي تقولهالك مرا معناها وصل الموس للعضم الحمد لله نحن جامي نحلو النساء يرخسونا لاني لو مراة ترخسني ندفن روحي

[زبدة ذايبة]

العيب كان منك انت !!!!!!!!!!!!!!؟؟؟؟؟؟؟؟؟؟؟؟؟؟

للأسف يا أستاذة

كنت سهلة جدا لهذا الرجل

اداك الطمع تاع الزواج بشخصية عندها وزنها اجتماعيا ؟؟؟؟؟؟!!!!!!!!!!!!!!!1

ولوكان صدقاتلك هذ الصفقة ماكنتيش تجي وتكتبي هنايا ؟؟؟؟؟؟؟؟؟؟؟

لكن

انت جيتي بصفة الشاكية والمتذمرة من الشخص على أنه كان أحد الذئاب البشرية

ولكن غلطة هذا الرجل أنت من تسبب فيها

وش تعرفي عليه ؟؟؟؟؟

عبد يمشي في الشارع يقولك اعطيلي التليفون

تجري تكتبيلو الرقم دون أدنى تحفظ

سبحان الله حتى صفة الخوف ماعندكش ؟؟؟؟؟؟

كنتي تخافي من باباك من خاوتك وش يقولو لوكان يسمعوك تهدري مع راجل أجنبي

يا الأستاذة المسلمة لايجوز شرعا تهدري معاه حتى لو كان كاين خاطب تاع الصح تقدملك حتى تعقدي العقد الشرعي

راني شديت روحي مانقسحلكش الهدرة

لكن نقولك جبتيها لروحك

أشباه هذا الرجل تسبب في ظهورهم استهتار النساء وسهولة الحصول عليهن

هو بالنسبة ليه يجرب ويشوف

اللي تعطي رقم جوالها بسهولة فيسهل العلاقة معها

لاحول ولاقوة إلا بالله

نتوقف هنا لوكان نكمل راح تزعف إدارة المنتدى

نتمنى راكي فهمتي وانا متأكدة من زعافك الشديد من ردي

لكن خذيها نصيحة مني ماشي هكذا يتزوجو بنات الفاميليا

[روح المي]

اختي استغربت من عنوان ومن الموضوع
لكن اخطأتي لانه تقدمي هاتف ابوك نعم هاتفك فيعني ان الامر في خطر
منذ شهر وقع لي نفس حادثك لكن لم اقدم له هاتفي بصراحه لم امئن له اولا ثانيا انه شخص غريب وماما دائما تقول لي احذري من غرباء
وعندما رفضت طلب فيسبوك تاعي فلم استطع ان ارفض مباشرة يعني احب ان اقول لا بطريقة غير مباشرة اخبرته اسمي وقتها وطلب ان يعطيني اسمه عندها تاكدت انه صائد يريد الصيد اخبرته انه مستحيل ان اكلمه وحتى فيسبوك تاعي قفلتوا لان هؤلاء عندما لايجد مكان له في علاقه معك يدخلون من باب الزواج
اصبح الصيد فن والكل يتفنن ربي يهدي
لكن الفرق بينك وبيني انك
انه قدمك صورة خياليه بارعه لانه صياد بارع فمن التي سترفض امريكا او شخصص درس فيها
فقط فانا اكثر منك سذاجه ونصدق اي حاجه بحسن نيه لكن تجارب تخليك تتاكدي من شخص
وليس كل من قال احبك يحبك
هناك من يحبك لانه يحبك
وهناك من يحبك لانه يريد ان يتسلى بك
تعلمي من خطا تاعك وخذي عبرة