احكموا على القصة بكل صراحة

[مشكلتي]

شوفوا خاوتي هذي فتاة ناوي نخطبها إذا كتب ربي ، من الأول لست معارض مشكل العمل و اللباس واتفقنا على ان اتركها تعمل عادي و اللباس تلبس ما تشاء لكن لباس مستور يعني سروال و ليكات ، لكنني في الآونة الأخيرة غيرت رأيي في ما يخص اللباس و العمل فطلبت منها ان تلبس حجاب مستور و شرعي ، ولكنني لم أعارض انها تعمل لكنني قلت لها بالحرف الواحد ، راني نخليك تخدمي بصح منين نحب ولا تجي في راسي نحبسك راك تحبسي بلا ما تعارضيني ، هيا ولات تقلي و انا قرايتي و قريت شحال من عام و ماعلاباليش ، سؤالي لكم ، هل من حق الرجل أن يوقف زوجته عن العمل متى يشاء بحكم الغيرة و بحكم كثرة الاختلاط في العمل ، وان يطلب منها تغيير لباسها ، هل الدين و الشرع يكفل لي حق ان لا اتركها تعمل حتى بعد دراستها ، جاوبوني يرحم الوالدين وبعد الاجابة سأطلب منها قراءة التعليقات ربما انا الغالط

[مراد سابقا]

الديوث لا يدخل الجنة

تذكر ذلك دائما

[yako02]

اللباس من حقك تحب زوجتك مستورة والحجاب الشرعي مفيهش اختلاف اما العمل في البداية تقلها تخدمي و من بعد دور عليها اذا تخدم تخدم و اذا لالا لالا و انت راهو باين رايك مش حابها تخدم اصلا فلماذا اللف و الدوران اذا قادر على شقاك و هي راضية تحبس الخدمة تحبسها من دورك مش تخدم و من بعد تحبس يعني قادر نهار العرس جي تقلها يا بنت الناس مكاش الخدمة خلاص و الله صدقني كاين لي حبست العرس لانو الراجل يقرر هكدا في اخرلحظة ظنا منه انو العرس مديورر مستحيل تعارضو و لكن نقللك اذا هي حابة تخدم رايحة تحبس العرس و متسمحش في خدمتها و اذا كاين روح الحوار بيناتكم خليها جي من عندها هي بروحها اذا شافت روحا الخدمة مضايقتها في حياتها رايحا تحبس وحدها هذي امور مصيرية مش اليوم براي و غدوة براي انت عارف روحك تغيرر و متحبش الاختلاط قولها مباشرة مكانش الخدمة يا بنت الناس و القرار ليها
ربي يسهل

[*أم سجى*]

مادام صارحتها من قبل واتفقتو وقبلت هي باش تبطلها وقت ما حبيت يعني صح من حقك تحبسها مالخدمه وقت متحب لأنه ماخدعتهاش...........بصح كاينة حاجة أنا ران حاسة من كلامك بلي راك كااااااااااره بزاف للعمل تاعها ومش مقتنع بيه امالا علاه راك مع الطفله ربما تخسرلها حياتها ومستقبلها هي حااااابه تخدم وتضمن مستقبلها..وانت راك ضد الفكرة جملة وتفصيلا امالا دير فالحسبان بلي راح تبقاو على خلاف طول حياتكم .....خمم مليح أنا شخصيا ننصحك تخطب فتاة أخرى ماكثة بالبيت وتستقر معاها وتخلي هذالطفلة تخدم وتدي راجل يقبلها بعملها وتستقر معاه خييييير من تخسرو حياة بعضاكم....حابة نوصلك فكرة وهي أنو مدام انت ماكش راضي بعملها ولباسها يعني اي حادث طفيف راح يأثر عليكم ويقلب الموازين ربما مجرد كلام تسمعو عليها أو تصرف تشوفها داراتو أو كذا وكذا.....راح توقعو في خلافات ....هاذي لازم ديرها فالحسبان ....وفقك الله

[ابراهيم داود]

بكل صراحة تزوج ماكثة في البيت مباشرة ولا داعي لتخدع نفسك وتلعبها متخلق وعندك الرجولة والنيف والشهامة وانك عنتر زمانه على امراة عاملة في اعماقك لا تكن لها احتراما .....ولا داعي للمراوغة والمكابرة

[mounyabiskra]

يا اخي الحجاب من حقك تفرضو عيها و السترة مليحة بصح الخدمة من راي تتفاهمو عليها قبل العرس انا وحدة منحبش لي يدور عليا, صح كاين ظروف وين لازم تحبس راني معاك بصح مش نحبس طول كاين العطل المرضية.............الخ, و الا كنت مكفي روحك مليح مليح قلها متخدميش من ذرك خير مادور عليها و هي يا تقبل يا تحبس الخيار ليها!

[محمد جديدي التبسي]

طبعا من حق الرجل أن يوقف زوجته عن العمل وما عليها الا طاعته في ذلك ان كانت فعلا ذات دين وخلق، فكما ترى كثير من الرجال لا يدركون هول الاختلاط والكوارث التي تصاحبه قبل الزواج وقد يختار زوجة عاملة لتساعده على ظروف العيش لكن بعد فترة يلاحظ تأثير عملها على نشاطها داخل البيت وكذا نظرات الرجال لزوجته في العمل او الشارع وهي كل يوم داخلة خارجة تعيش كالرجل ناهيك عن لباسها فكثير من عوام الناس ألبسوا زوجاتهم الجلباب وهن ماكثات في البيوت فما بالك بمن تخرج يوميا ويراها الرجال في وسائل النقل وغيرها فكيف يرضى رجل سوي الفطرة ان تكون هذه حال زوجته من أجل دراهم معدودة!!

[Rafik.B]

انصحك بمصارحتها بكل شيئ قبل الزواج

[thawizat10]

في عالم أخر و مجتمع متحضر أنت ليس لديك الحق لتطلب منها فهي لها رأيها و لست أنت من تفرض و تملي عليها ما تفعله فأنت عرفتها و عليك تقبلها كما هي ليس عليها أن تتبدل و لا لك أن تطلب منها أن تتخلى عما كانت عليه من أجلك ، ابحث عن واحدة تكون مواصافتها كما تريد
لكن في مجتمعنا الذكوري المتخلف المرأة ليس لها رأي و لا مكانة بل خاضعة خضوعا تاما لك
إذن ألبسها واش تحب و وقت ما تحب و حبسها من الخدمة كيفكيف

[talia50]

اللباس من حقك تقولها تحتشم ......... و في الخدمة تفاهمو من الان يا تخدم يا اما تتوقف .......مشي تقولها عادي اذا خدمتي و كي تتزوجو تقولها تتوقف في رايي اللي يدير كيما هاك ما عندوش الكلمة وممكن يدور في اي كلام يقوله واصلا هي ما توليش تامن فيك .............. والله اعلم ........... من الافضل تتزوج ماكثة في البيت لانه من كلامك راك كاره للخدمة........ و اذا راك على الخرجة رانا نشوفو بلي اللي ماكثة في البيت تخرج اكثر من الخدامة ........... على الاقل الخدامة تروح مباشرة للخدمة مشي كيما الماكثة تظل في الاسواق ......... و الله يوفقكم ان شاء الله.......

[(( هبة الرحمن ))]

الصراحة راحة أخي لبداية قل لها لا تعملي
المسلمون عند شروطهم ، لماذا تختارها عاملة ثم تطلب منها ترك العمل بالقوة ، زواجك لن ينجح بهذه الطريقة ، من البداية اطلب منها المكوث في البيت إن قبلت فأتمم مراسيم الزواج إن رفضت ابحث عن أخرى لا تعمل .....
المرأة تترك العمل بمحض إرادتها، من أعرفهن تركن العمل هن اللواتي اخترن ذلك أما بالغصب
صدقني أخي المرأة لو خيرتها بين العمل والطلاق تختار العمل إلا من رحم ربي ....
تعلم من الزوجة التي تختار الزوج على العمل ....من تحب زوجها بجنون ....عدا ذلك ..لا أعتقد.
لذلك أخي الفاضل التفاهم من البداية ....
أما بخصوص اللباس الشرعي أنا معك ،

[لحن الحياة.]

روح جيب ماكثة وريح روحك خطر حكاية الخدمة بالاخص لازم تتفاهمو عليها ضرك قبل ما تطفر و يبدو انك اصلا مش مقتنع بخدمتها

[samarrnada]

[iبداية اتمنى لكما التوفيق و ادام الله بينكما في الخير و انني بعدما قرات رسالتك فهمت انك ترى مقدار تمسك هذه المراة بك و بارائك و بهذا فانت تبحث فيها الذي تريده في الحياه و هذا السند لابد ان كون متينا و صلبا حتى تستطيعا ان تكملا المشوار معا و انتما في بداية الطريق.
اخي سلمك الله ان الزواج يتطلب المفاهمة و يبدا بالنقاش الجاد الذي ليس فيه نفاق او مجاملة و هي قد اضهرت مرونة ورغبة فيك و في هذا الزواج عندما غيرت من شكل لباسها الى الاحسن بارك الله فيها و لابد لك من ان تاخذ هذه الخطوة بعين الاعتبار اما بالنسبة للعمل فان الامر يجب ان تتفقا عليه و عن قناعة برضى الطرفين و اقول برضاكما معا لان الامر ليس فيه مجاملة و لان اهم المشاكل التي تكون فيما بعد الزواج سببها ترسبات فترة الخطوبة و لهذا لابد من ان تكون اولا انت مقتنعا بموقفك العمل ام لا ثم تتوجه اليها فيما بعد لاقناعها، لانه اذا لم تكن انت حقا على بينة من امرك فكيف لك ان تتحاور معها.;)

[زبدة ذايبة]

ياأخي :

إذا كان موضوع العمل شيء أساسي فمن الأسلم لحياتك الزوجية ألا تفتح هذا الباب مطلقا

يعني :

يا إما تقبل زوجتك تخدم من البداية وماتمنعهاش نهائيا

يا إما تمنعها من البداية

في الزواج لازم تحط النقاط عالحروف من البداية

زوجتك إذا والفت تخدم ماشي ساهل تحبس الخدمة

وهذيك الطريقة تاع ترقد وتنوض تقوللها ماتخدميش راحت مع رجال ونساء تاع بكري

يعني فكرة مثل هذي اللي راك تطرح فيها هنايا

ماراحاش تجيبلك غير المشاكل

وبالتالي راك تخطط من الآن على خراب بيتك

لذا،

أرى أنه من الأحسن تقرر في الموضوع من الآن

لأن عمل المرأة بات من الشروط الأساسية التي لاتتنازل عنها المرأة مطلقا

صراحة حنايا نقولو خدمتنا مضمونة والراجل غير مضمون

ممكن يطلق ، ممكن يتزوج بوحدة ثانية .......... يعني الاحتمالات مفتوحة

بالتالي :

احزم أمرك من الآن وقرر هذا ماشي رأي يتبدل بعد الزواج

والعضوات قالولك أن المرأة ممكن تتخلى على زوجها وماتتخلاش على وظيفتها

الكرة الآن في ملعبك ماتحلهاش عينها على الخدمة وطمعها بلي تخدم ومن بعد دور عليها ؟؟؟؟؟؟؟؟؟؟؟؟

راحية تتنازل عليك بكل سهولة

عاودفكر في الموضوع وماكالاه تعطيلها تقرى الردود تاع الأعضاء

لأنها ماشي في صالحك

يعني خليها بيناتنا

نتمنالك التوفيق

[♥ ســ/رة ♥]

لا يا اخي ماعندكش الحق تحكي الخدمة لان من حقها تخدم ادا كانت الخدمة شريفة وما فيها والو حرام
اما اللباس فنورمالمو هي من تلقاء نفسها بعد الزواج تلبس حجاب مستور ماشي لازم نقاب وهداك مي المهم يكون فضفاض وما يبينش تضاريس جسمها

[(( هبة الرحمن ))]

ياأخي :

إذا كان موضوع العمل شيء أساسي فمن الأسلم لحياتك الزوجية ألا تفتح هذا الباب مطلقا

يعني :

يا إما تقبل زوجتك تخدم من البداية وماتمنعهاش نهائيا

يا إما تمنعها من البداية

في الزواج لازم تحط النقاط عالحروف من البداية

زوجتك إذا والفت تخدم ماشي ساهل تحبس الخدمة

وهذيك الطريقة تاع ترقد وتنوض تقوللها ماتخدميش راحت مع رجال ونساء تاع بكري

يعني فكرة مثل هذي اللي راك تطرح فيها هنايا

ماراحاش تجيبلك غير المشاكل

وبالتالي راك تخطط من الآن على خراب بيتك

لذا،

أرى أنه من الأحسن تقرر في الموضوع من الآن

لأن عمل المرأة بات من الشروط الأساسية التي لاتتنازل عنها المرأة مطلقا

صراحة حنايا نقولو خدمتنا مضمونة والراجل غير مضمون

ممكن يطلق ، ممكن يتزوج بوحدة ثانية .......... يعني الاحتمالات مفتوحة

بالتالي :

احزم أمرك من الآن وقرر هذا ماشي رأي يتبدل بعد الزواج

والعضوات قالولك أن المرأة ممكن تتخلى على زوجها وماتتخلاش على وظيفتها

الكرة الآن في ملعبك ماتحلهاش عينها على الخدمة وطمعها بلي تخدم ومن بعد دور عليها ؟؟؟؟؟؟؟؟؟؟؟؟

راحية تتنازل عليك بكل سهولة

عاودفكر في الموضوع وماكالاه تعطيلها تقرى الردود تاع الأعضاء

لأنها ماشي في صالحك

يعني خليها بيناتنا

نتمنالك التوفيق

وهذا كان رأيي كذلك
الأخ طلب الصراحة ونحن صارحناه .....والله العظيم حدث نفس الشيء مع زميلتي بالعمل تزوجت من عامل بقطاع الصحة ووافق على عملها من البداية انجبت ابنا وبعد عطلة الامومة توقفت عن العمل لمدة سنة وبعد استئنافها تركت ابنها عند والدتها تستعيده بعد انتهاء العمل يوميا وهاهي اليوم تعاني مشاكل كل يوم شجار وبكاء يطالبها بترك العمل وهي ترفض ذلك قالت لي انها ستحسم الامر معه قبل الموسم الدراسي المقبل اما يقبل بعملها كما اتفقا من قبل واما تاخذ ابنها ويتزوج من أخرى ماكثة بالبيت ويريح الفرطاس من حك الراس.....

[Asmaa.B]

صراحة انا امراة متزوجة و اكن لزوجي محبة خاصة لاهتمامه بعملي و تشجيعي و لو اجبرني يوما على التخلي عن عملي لحدث شرخ بيني و بينه لاني اتفقت معه على العمل في اول الخطوبة

انصحك ان تناقشها في الموضوع بصراحة لان الامر مصيري و قد تتوقف عليه حياتكما فيما بعد الزواج و الا فالاحسن ان تتزوج ماكثة في البيت مباشرة ... ما تغرش ببنت الناس و تكذب عليها و على روحك

[mohamedeln]

اياك تتركها تعمل اياك و ثم اياك
عمل المراة هو فساد الاسرة فساد الابناء و ضياعك انت

[محمد جديدي التبسي]

عباد للمال حقا!!!
والله شيء يحبس الراس هل اصبح عمل المراة يحمل هذه الأهمية وضع مزري وصلنا اليه ربي يهدي برك..
الطلاق اهون من ترك العمل واي عمل ؟ في الاختلاط ويقولك رسالة وما نعرف واش وغرضهم مادي تافه وابنائها مش متربيين وهي هالكة التعليم رانا نشوفو وحدة في الالف تفرح في الخدمة...الا ما رحم ربك

[فتـ حييةـاة]

من المفروض كل النقاط تتفاهمو عليها قبل الزواج على هدا راه الطلاق بزاااف معظم الازواج سواءا نسا او رجال مايوضحوش شروطهم من اول يوم ومن بعد الزواج يكشف كل واحد اوراقه ويوقع اصطدام البنت تقول دار عليا وحتى الراجل يقول قبلت بيا ومن بعد دارت ؟؟؟
والله اعلم

[رَكان]

والذي يجعل رأسي يحبس ..هو أن البعض يدور يمينا وشمالا ولايعجبه ولايروقه سوى فلانة العامله ..فينتشي مزهوا وهو يقف على رأسها قائلا ...اتركي العمل ..
عجبا ..والله كثيرات هن البنات ماكثات في البيوت لاينقصهن سوى اِعمار بيت مُنتظر مرتقب ..فكيف تتركوهن جاهزات لما تريدونه من نساء ماكثات ؟

دعك منها الى غيرها فإنك إن فعلت.. ستقضي حياتها معك كلها لوما وتأنيبا كونك حطمت مستقبلها وأضعت أمانيها وأحلامها .وقد تضطر يوما الى الجري يمينا وشمالا بحثا لها عن وظيفة .

[sunshine2013]

السلام عليكم
صراحة الحجاب لست انت من تفرضه فهو مفروض اصلا و لا نقاش فيه
اما العمل فالتفاهم يكون من الان يا اما تتركها تعمل و تهنا في عملها يا اما تطلب منها ترك العمل نهائيا و لكن ان تقول هل استطيع توقيفها عن العمل متى احب فهذا زواج و ليس استغلال او استعمار فالزواج استقرار و راحة و مودة و ليس لف و دوران و خداع و اوامر فان كانت راحتك. مع امراة لا تعمل اساسا مهما كان عملها فاختر الماكثة في البيت و لا داعي لاختيار العاملة ثم البحث عن الاسباب و الحجج لتوقيفها عن العمل
بالتوفيق