كيكة قدرة قادر ناجحة و ساحرة

[marwa81]

السلام عليكم جبتلكم هادي الوصفة الهايلة http://www.up.djelfa.info/uploads/146479227856491.jpghttp://www.up.djelfa.info/uploads/14647922787762.jpg
تتكون من 3طبقات استعملي المول تاع المسكوتشو
الطبقة1 كراميل ديري كأس سكر في كسرونة من دون تحريك كي ينحرق السكر كامل فرغيه قبل ما يبس و يجمد
الطبقة 2 ديري كريمة الكراميل حطي في مونيليكس نصف لتر حليب + 4 بيضات و كأس سكر 2لافاني خ لطيهم مليح و فرغيه فوق الكراميل بعدما تنشف طبعا
الطبقة 3 2بيضات كأس سكر نصف كأس زيت 2مغارف كبار كاكاو 1ياغورت أو كأس حليب ملعقة كبيرة قهوة سريعة الذوبان نيسكافي
2كيسان قرينة و خمارة واحدة خ لطيهم عادي كيما موسكوتشو و ف رغيها مباشرة فوق الطبقة2ماتخفيش ادا تخلطت أصلا هدا هو السحر تاع الوصفة كي طيب كل طبقة تنفصل عن الأخرى كيما في الصورة http://www.up.djelfa.info/uploads/146479227903633.jpg
و دخلتها الفور درجة حرارة 180 بصح ديري سنيوة من الأسفل فيها الماء هادي خطوة هامة باش ماتنحرقش الكراميل و كي طيب مدة 45 د على حساب الفور تاعك خليها تبرد 6ساعات ولا ليلة كاملة و قدميها كديسار والله غير تجي هائلة وشهية طيبة

[marwa81]

ولا وحدة ردتلي و الله غير هبطتولي المورال هادي تاني مشاركة ليا مادابيا تشجعوني شوية ولا الوصفة ماعجبتكمش معليش مرة واحد أخرى أن شاء الله

[نهر التسنيم]

خرجتلك روعة اختي ،ماتزعفيش انا تان فالمشاركة ديالي الاولى ماعلقوليش بزاف لكن مع الوقت ولاو يعلقولي ،لكن صراحة روعة و انا هاد القدرة قادر نحبها و موالفة نديرهة و الله تشهي ماشاء الله عليك ربي يحفظك و يجازييييك كل خير

[ملاك ملاكي]

امممممم والله من بين الكيكات المفضلة لي هذه لانه بالفعل هااااايلة شكلا وذوقا ياااامي ياااامي
انا تاني نديرها بزااااف وساعات نديىها في مول كبير بلا ثقب ونقطها اشكال تجي بريزونتابل
اختي يعطيك علصحة سلمت يداكي ماشاء الله
اما تعليقاتنا ليك اسكتي يرك جازت علينا كااامل وعلحمد للله

[Marc Edouard]

غدوى نجربها كل المكونات عندي وزاد السخانة راها كتلتنا نجربها ونردلك خبر شكراا على الوصفة

[اعجوبة الحياة]

شابة بزاف

يعطيك الصحة اختي

[marwa81]

صحيتو يا الحنينات علابالي راني شفيتكم
هاها ها نضحك معكم برك شكرا جزيلا على الرد خواتاتي االعزيزات

[صفية الاوراس]

هااااااااااايلة اختي بارك الله فيك كنت نحوس عالوصفة
قوليلي المول ندهنوه شوية باه ما يلصقش ؟

[أم عبد الرحيم يوسف]

يعطيك الصحة ساهلة خحير من تاع لحظة مكوناتها بسيطة شكرا نجربها ونردلك الخبر:19:

[marwa81]

اسمحوا راني نسيت 2مغارف كاكاو في الطبقة 3 ولاختي صفية بلا ماتدهني المول لانو تفرغي الكراميل هي الأولى بصح ضروري تحطي سنيوة فيها ماء ساخن من تحت المول كي طيب باش ماتنحرقش وشكرا جزيلا على الرد حبيباتي

[آسيا 27]

شكرا على الوصفة

[sarah rose]

امممممممممم مشكوووورة حبيبتي راهي خرجتلك تحفة و الذوق باين بللي بنين شكرا مرة اخرى

[آسيا 25]

مممممم قدرة قادر أفضل كيكة نحب ناكلها في الصيف و رمضان بارك الله فيك أختي و بداية مباركة لك ما شاء الله

[okagui5]

خرجتلك هايلة بصح انا خايفة نجربها

[حياتي كلها امل]

اختي جاتك روعة باذن الله راني معولا نديرها شكرا لك

[اشرقت نفسي]

خرجتلك فووووووور جربتها شحام من مرة حقا انها

[جنة الفردوسْ]

جاتك روعة....تسلم الايادي حبيبتي

[dima 08]

امممممممممم تشهي شفتها من قبل بصح خفت نديرها متصلحش لكن كي شفت هذي انتاعك تشجعت باش نحربها
مشكورررررة حنونة

[Marc Edouard]

راني جربتها البارح وخرجتلي هايلة كلينا ورسلنا هههههه
http://www.qqq4.com/u/560306161464961819151.jpg (http://www.qqq4.com/)

[marwa81]

خرجتلك هايلة شكرا حبيباتي على الردود

[faryal zahira]

كيكة منعشة شكرا

[زينَب]

ما شاء الله يعطيك الصحة

[naima10]

يعطيك الصحة
خرجتلك هايلة إن شاء الله نجربها

[oumhana]

أختي يعطيك الصحة هي فعلا كيكه منعشه أنا كنت نديرها بصح كان عندي فيها مشكل واللي هو لمراره كان يتنحرقلي الكرمال وكنت نهفهم ونقوللهم بلي هي جي هكذا مراوغة هههه.
اليوم كشفت الوصفة تاعك فهمت بلي لازم ندير سنيوه فيها الما فالفور ملتحت.
يعطيك الصحة وربي يكتب تعبك في ميزان الحسنات.

[أماني خروبي]

ღღامممممممممم مشكوووورة حبيبتي راهي خرجتلك تحفة ღღ
ツツراني باغية نسييها وراني خايفة اذا ماتخرجليشツツ
❀❀موفقة ان شاء الله❀❀

[sousou52]

هااااااااااايلة اختي بارك الله فيك

[ام محمد 4]

الله يبارك شابة بزاف

[fatima fati dz]

GATEK HAYLA ana nchlh ngarebha we n9oulek

[كاتي حياة]

امممم روعة يعطيك الصحة جاري التجريب

[sunshine2013]

يعطيك. الصحة ختي انا كنت نديرها بلا موسكوتشو و كاش فرصة نجربها