هل افسخ خطبتي

[مشكلتي]

السلام عليكم
انا فتاة عمري 22 سنة ادرس بالجامعة و مخطوبة مند سنة تقريبا مشكلتي هي كالتالي
انا من عائلة غنية.. تقدملي احد هم قبل سنة.. الشاب رجل متخلق محترم واهله ماشاء الله عنهم .... بعد السؤال عنه اهلي مدحوه وقالو انه رجل ماشاء الله عنه لكنه مش مخلص تعليمه الصراحة ترددت ولكن قلت مدام هاد العيب الوحيد واهلي كلهم موافقين فوافقت ..
كان فعلا شاب متخلق وحترم وكل شئ فيه طيب لما بدات التعرف عليه علمت ان عمله مش جيد و مدخوله قليل حاولت اوقف معاه ولا اطلب طلبات و اقترحت عليه نسكن مع اهله حتئ لا احرجه وفعلا كان سعيد جدا بي ..
مرت الايام وانا كل يوم الاحظ صحباتي المخطوبات وبنات عائلتي كل واحدة فيهم تتدلع بما اشترئ لها خطيبها و الهدايا و وو و وانا ولا شئ .... كنت اتجاهل هالشعور لكنه والله مؤلم ما احس عندي خطيب مع اني ككل البنات انتظر هالفترة واحب اشعر باهتمام الشريك ولكن ولا شئ ...صحيح يحترمني ويقدرني ولكن ولكن ..
طموحاتي نسيتها واحلامي لمشروع الزواج راحت ... الاثاث ما يقدر يشتريه ....الغرفة الي راح اسكن فيها يقولي ما اقدر اطليها والطلاء الي فيها قديم كيف راح اعيش فيها وانا عروس جديدة ..اقل الاشياء ما صرت احلم فيها ..
وفوق كل هاد اهلي حسو ان وضعه مش مليح ...امي تلمحلي انه لازم لما تتخرجي تشتغلي حتئ تعيني خطيبك و
انا كنت اعتقد اني اقدر اتاقلم مع وضعه ولكني والله والله تعبت نفسيااا ..هل الشخص الغني لازم يتزوج شخص مثله والفقير فقير مثله !! جاوبوني واش ندير والله حالتي يرثئ لها وتعبت من منظر صحباتي كل يوم واحدة خطيبها اشترئ لها والاخرئ مسفرها والاخرئ شرطت منزل لوحدها وهو راح يحققلها بكل فرح
صدقوني لو قلت صرت احس ان تغيرت بعد ما كنت طيبة و صافية من داخلي صرت اكره كل الناس ما اتحمل ... يمكن افسخ الخطبة ....انصحوني بالله

[*أم سجى*]

لا عليك أختي فهذه فرصتك لتظهري فيها أنك فتاة قنوعة لاتهمك اغراءات الحياة ومادياتها ......خاصة اذا كان خطيبك يتوفر على شروط تحبذينها كحبه لك ...أخلاقه وحنانته معك....هدوءه ورزانته....كل هذا من شأنه أن يغنيك عن أمواله وثراءه..........أما اذا كان غير مبال بك ولا يهمه سعادتك ووجودك فهنا يجب عليك الفسخ............يعني ياختي بالعامية حبيت نقولك هذا راه خطيبك وانتي تعرفيه يلا يحبك ويدير المستحيل باش يفرحك ومقدرش الله غالب ....هنا شدي فيه ب10 يدين يجي نهار لي يترفه ويعيشك فالأحلام.........ويلا مهوش سامع بيك وماكي رابحة معاه لا الماديات لا المعنويات هنا نقولك اتخلاي عليه وانتي أدرى منا بحالتك انشاله ربي يتمملك ويفرحك مع خطيبك وانشاله ميكون غير الخير

[lover4ever]

لدية اختان واحدة منمها تزوجت انسان قدو قد حالو هانيين وراضيين والاخرى زوجت واحد غني لاباس بيه كل مرة يخرجلها بخرجة وندمت عليه ، بالتوفيق

[nadine0159]

انا انصحك ببيت مستقل على الاقل مطبح لوحدك و كي تنخرجي حوسي على الخدمة و عاونيه اكا قضية لي كادو انت تعرفين انه فقير الله غالب درك خو راهو يخمم ف العرس انا لو كان في مكانك قليل الرجال الطيبين و الفقر ماشي عيب المهم الحب و التفاهم و جامي تحقري الراجل بسبب فقره بلاك تتزوجي واحد غني و تلقاي عندو100 وحدة يصرف عليها و يركبها ف اىطموبيلات و حتى تعيشي في فيلا قادر ما يكونش حنين و راجل و وفي خممي مليح

[الهلالي الوندالي]

شوف اسيدي من اجل "كدوات " صحاباتك تريدين فسخ العقد ..........لوكنت مكان هذا الشخص لبطلت ولن اتزوجك راهو ليكم زواج افلام الترك

[(( هبة الرحمن ))]

الامر يرجع لك أختي الكريمة
ربي سبحانه خلق وفرق يوجد امرأة تتحمل وامرأة لا...
صل الاستخارة أولا ثم فكري جيدا خاصة و أنك من عائلة غنية وتعودت على حياة معينة.....إذا وجدت نفسك قادرة على التحمل تزوجي ....وإن كان التحمل صعبا عليك فلا تضيعي حياتك وحياة هذا الشاب ودعيه يختار من تناسبه....لأنه حسب قولك فقير فهو لا يمكنه حتى طلاء الغرفة وهذا أقل شيء.....
عزيزتي فكري جيدا قبل اتخاذ أي قرار مهما زينا لك الأمور فالحياة الزوجية مبنية على الصبر والتفاهم والتضحية ولابد أن يكون الزوج كبيرا في عينك وهذا رأيته منعدما من خلال كلامك.....ربما الامر راجع لسنك ...عادة ما تكون البنت في هذه السن ترى الزواج تفاخر بين صديقاتها وقريباتها.....و تهتم بالشكليات وبعد الزواج تكتشف أن الحياة الزوحية أكبر مما كانت تتصور ما كان يبدو تافها يصير مهما وماكان مهما يصير تافها .
تعلمين عزيزتي الزوجة لما تكون في سن اكبر من سنك لا تبين ما يشتري لها زوجها خوفا من العين والحسد ....تستر على زوجها وعائلتها....في وقت مضى كانت صاحبة العشرين امرأة يافعة ناضجة ...والوقت تغير الان ....

[طاعة زوجي ..]

السّلام عليكم ورحمة الله وبركاته

تأكّدي أختي أنّك الوحيدة من تستطيعين البتّ في هذا الأمر لأنّ الأمر منوط بمدى قدرتك على التعايش وعلى تحمّل ضروف هذا الخاطب وهذا الزوج مستقبلا إن كتب الله لك الإستمرار معه
لأنّه كما تفضّلت به الأخت هبة الرّحمان كل شخص لديه حدود لتحمّله ، فمثلا ما أقدر أنا على تحمّله وعلى الصّبر لأجله قد لا تقدر عليه أخرى والعكس صحيح ، لذا عليك إستخارة الله عزّ وجلّ مرّات ومرات وتحليل الأمر جيّدا وبإذن الله سوف تخلصين إلى القرار الصّائب
لكن ثقي أنّ الفقر ليس عيبا والواقع يؤكّد أنّ هناك زيجات كثيرة كان أصحابها فقراء وأحوالهم بالكاد ميسورة وكان بينهما مودة ورحمة وسكينة والعكس صحيح كم من عرس أقام في أفخم الفنادق وبمبالغ طائلة ومهور خيالية وفي الأخير لم يدم عاما على الأقلّ
ثمّ إنّ مسألة المقارنة من شأنها أن تهدم بيوتا لما فيها من إثارة المشاكل وللأسف هي موجودة بكثرة تجد المرأة تقارن زوجها بأخيه وبزوج أختها وبزوج صديقتها ولا تعلم المسكينة أنّها تحفر لنفسها ولزواجها حفرة ربّما لن تخرج منها أبدا
لذا أقول دوما القناعة هي الّسبيل الوحيد للسّعادة فمتى قنع المرء بوضعه واعتقد إعتقادا جازما أنّ هذا ماكتبه الله له ، كان أسعد النّاس ، وليست السّعادة أبدا في السكن المنفرد أو كثرة المال ، أو الهدايا الفاخرة كلّا ، هي أسباب تؤدي للسعادة نعم ولكن ليست أبدا السعادة الحقيقة


وفّقك الله أخيّة وعسى المولى أن يرزق هذا الخاطب رزقا حلالا طيّبا يارب

[محمد جديدي التبسي]

مشكلتك في المحيط الذي تعيشين فيه وضعف وعيك بالحياة فالحمد لله ليست لديك نظرة مادية تماما والا ما كنت لتقبلي بهذا الخاطب أساسا لكن بعد الخطبة محيطك ادخل عليك الشكوك وأثر فيك وأنت كأي فتاة يافعة تريدين العيش مثل مثيلاتك .. ما أنصحك به هو أن تتفقهي في دينك وتزيدي من درجة وعيك .. لأني من خلال سؤالك أشك انك بهذه العقلية يمكنك العيش في ظروف الفقر في سكن عائلي مع رجل يعجز ان يوفر لك حياة كالتي تعيشينها الآن خاصة اذا لم تكوني من النوع الذي يصبر ويضحي ..نصيحتي لا تهتمي بالشكليات وانظري لاخلاق هذا الشاب وتعامله معك ..ربي يفتح عليك

[MALEK TATARE]

انت بنادم انت على جال كادوات الله يهديكم

[يسمينة البجائية]

أختي أنا نفضل ننصحك بصراحة لو جيت في بلاصتك واش ندير

ما نستعجلش الزواج .... طلاء غرفة نوم ما يقدرش ؟ صحا ماشي مشكل و ماشي عيب . ما عندكش تشريلي حق العروس ؟ ماشي مشكل ثاني ما يتقلقش .. بصح باش يطالب زفاف في أقرب وقت مثلا في 3 اشهر و لا في الصيف ..... لا لا ما تقبليش يا اختي انا نصارحك برأيي . و صراحة ما تفسخيش الخطوبة . هو راجل طيب و فيه الخير . ما تروحيش هاذي الفرصة . و انت عندك 22 سنة قوليلو صراحة ا خدم عام و لا عامين مليح . تتوفر مستلزمات العرس و طلاء الغرفة و حق العروس من مهر . عامين و لا ثلاث .. هاذي ما فيهاش حرج مازالك صغيرة 22 سنة . و اللي يقولولك ما تحشميش تطولي عليه في الزواج علاجال ماديات ... ما تسمعيش اغلقي أذنيك مليح . كملي قرايتك نورمال و اجمعي شوية دراهم و في هذا الوقت خطيبك يخدم على روحو . و الله العظيم مع الصبر عامين يجوزو بسرعة و تقدري تتعرفي على خطيبك أكثر و يتوضح لك الامور اذا فيها خير و اذا شفتي اشياء أكثر ما يعجبكش افسخي خير مثال الرسول عليه الصلاة و السلام خطب أمنا عائشة و هي في السابع و تزوجها في التاسع . يعني عامين انتظرها عادي .
و انا ما رانيش نقول لك خليها ل 4 سنوات و لا 7 سنوات ...... انا صراحة اكثر من 3 سنوات ما نقبلش .
انا متزوجة و استنيت قريب عامين باش تزوجنا و عادي جازو بسرعة

هذي نصيحتي بالاك راني غالطة ولا ما هوش حل مناسب باش تستناي عامين . انا هذا واش لقيتك حل . و الله العظيم لو جيت في بلاصتك لوكان درتها نورمال و نستناه .

ربي يوفقك حبيبتي و ما تبكيش بزااااف و ما تعزليش روحك .

[(( هبة الرحمن ))]

السّلام عليكم ورحمة الله وبركاته

تأكّدي أختي أنّك الوحيدة من تستطيعين البتّ في هذا الأمر لأنّ الأمر منوط بمدى قدرتك على التعايش وعلى تحمّل ضروف هذا الخاطب وهذا الزوج مستقبلا إن كتب الله لك الإستمرار معه
لأنّه كما تفضّلت به الأخت هبة الرّحمان كل شخص لديه حدود لتحمّله ، فمثلا ما أقدر أنا على تحمّله وعلى الصّبر لأجله قد لا تقدر عليه أخرى والعكس صحيح ، لذا عليك إستخارة الله عزّ وجلّ مرّات ومرات وتحليل الأمر جيّدا وبإذن الله سوف تخلصين إلى القرار الصّائب
لكن ثقي أنّ الفقر ليس عيبا والواقع يؤكّد أنّ هناك زيجات كثيرة كان أصحابها فقراء وأحوالهم بالكاد ميسورة وكان بينهما مودة ورحمة وسكينة والعكس صحيح كم من عرس أقام في أفخم الفنادق وبمبالغ طائلة ومهور خيالية وفي الأخير لم يدم عاما على الأقلّ
ثمّ إنّ مسألة المقارنة من شأنها أن تهدم بيوتا لما فيها من إثارة المشاكل وللأسف هي موجودة بكثرة تجد المرأة تقارن زوجها بأخيه وبزوج أختها وبزوج صديقتها ولا تعلم المسكينة أنّها تحفر لنفسها ولزواجها حفرة ربّما لن تخرج منها أبدا
لذا أقول دوما القناعة هي الّسبيل الوحيد للسّعادة فمتى قنع المرء بوضعه واعتقد إعتقادا جازما أنّ هذا ماكتبه الله له ، كان أسعد النّاس ، وليست السّعادة أبدا في السكن المنفرد أو كثرة المال ، أو الهدايا الفاخرة كلّا ، هي أسباب تؤدي للسعادة نعم ولكن ليست أبدا السعادة الحقيقة


وفّقك الله أخيّة وعسى المولى أن يرزق هذا الخاطب رزقا حلالا طيّبا يارب

كلامك صائب ....
وأود أن أضيف لأختنا صاحبة الموضوع والحق يجب أن يقال المال ليس كل شيء لكن ضروري للحياة ...الحب العنيف الذي يكون في فترة الخطوبة يقل بعد الزواج ويحل محله المودة والرحمة ....لكن تمر بنا لحظات نحتاج إلى المال لنكون كباقي البشر ...ما فهمته من كلامها انه يعاني الفقر ...وماذا بعد مجيء الأولاد ...كيف يتحمل مسؤوليتهم ...والله مجرد الحفاظات والدواء يكلف 5000 دينارا هذا ان رضع حليب امه ان رضع اصطناعي نصل الى المليون ......
عليها ان تطلب منه العمل ليوفر لها الحياة الكريمة ...لم أقل الغنى ...بل حياةا عادية والوقت لم يعد يرحم لا احد يعينك على مشقة الحياة ....
ثم من حقها ان تحصل على هدية من خطيبها ولا نفسر ذلك على انها انسانة مادية فهي لم تطلب المستحيل ....تهادوا تحابوا....والله الهدية تزيد من المحبة ..
لولا قلة المال وصعوبة الحياة لتزوج كل شبابنا.

[زبدة ذايبة]

الله يهديك !!!!!!!!!!!!!

وش حبيتي اكثر من الشيء اللي رزقك بيه رب العالمين

نعطيك حاجات أساسية

لعل وعسى تفيقي وتتغير طريقة تفكيرك

الأمر الأول:

ماعندك حتى دليل أن صحاباتك بالفعل الرجال اللي خاطبينهم يديرولهم الكادوات

شكون قالك صح وش راهم يقولولك ؟؟؟؟

تعلمنا من الحياة ومن معاشرتنا للناس أن معظم الناس مايقولوش الحقيقة

يعني الزوخ xالزوخ والخرطي xالخرطي

تزوجو برجال ماشي متعلمين وحياتهم كانت وكانت

وقالو : تناسبنا مع الناس من الطبقة العالية تاع الدنيا

يعني ردي بالك تصدقي كل حاجة تسمعيها

الأمر الثاني

اعطالك رب العالمين زوج صالح

حبيتي تبدليه بصبيغة تاع الغرفة وشوية ألعاب تسميها انت هدايا !!!!!!!!!!!!

بعد الهدايا وش يكون ؟؟؟؟؟؟؟؟؟؟؟؟؟

يا هل ترى يتوقف الزواج على هذا فقط ؟؟؟؟؟؟

أم يتعداه للمودة والرحمة اللي تكون بين الرجل والمرأة ؟؟؟؟؟

الأمر الآخر :

على حسب انت وش قلتي :

أنت من عائلة غنية

شكون قالك أن هذا الرجل مايحاولش يجربك

يشوف إذا تتحملي أو لا

يشوف إذا كنتي قنوعة ، إذا كنت عاقلة وووو............

تظني هذا الإنسان جا يخطبك ومايفكرش إذا كنتي تصلحي للزواج أم لا

مازالكي صغيرة حتى تقرري فسخ زواجك

وأهلك -رغم الغنى- ماشافوش لهذا الأمر لكن ركزوا على أخلاق الرجل

لأنها بالنسبة إليهم لاتقدر بثمن

إذا كنتي تحبي الكادوات مافيها والو تقوليلو

راني حابة تجيبلي هدية

ماتخليش تفكيرك يتوقف عند الألعاب والأشياء اللي تبرق في المحلات

زوجك ممكن ماتلقايهش في حتى مكان ثاني

كاين اللي يجي يخطبك ممكن جدا

لكن وين تلقاي إنسان صالح ؟؟؟؟؟؟؟

عاودي فكري يابنتي بشكل جدي وماتخليش الأشياء الرخيصة اللي تتباع في الأسواق تغيرلك تفكيرك

وتوقف عند سعادتك الحقيقية

نتمنالك التوفيق

[غوّاص]

http://www.nbcamp.com/vb/imgcache1/91264elbared.jpg

[nasser26]

أختي الفاظلة :
هذه الشكليات لا تغرنك ابدا حذاااااااااري

اسئلي نفسك خطيبك لا يهدي لكي هدايا ولكن لا تنسي انه هو هدية من الله وأخلاقه ودينه كذلك هدية لا تقدر بثمن ولا يمكن الحصول عليها بمال الدنيا كله

هل توافقين أن يمدك بالهدايا والدلع وبعد الزواج تكتشفين حقيقته المرة ؟ أم تسيرين معه الان بحقيقته وحاله الذي هو عليه وتنعمين بالهناء والسعادة ؟

اثبتي مع خطيبك فالاخلاق والدين لا تستبدل بتفاهات و لا تشترى بالمال

أما اصطناع الشخصيات و محاولة تقليد الاخرين أبداااااااااااااااا لن يدوم فبعد الزواج كل شئ يرجع لأصله وقد تنقطع كل تلك الهدايا التي يفتخرن بها صديقاتك ويحسدنك على سعادتك

القرار قرارك فهذا مجرد رأي صريح وواقعي ... فكري بعقلك لا بقلبك

وفقكما الله و جمع بينكما في خير

[توحيد الجزائرية]

لا انصحك بالزواج منه ،،
مادام ضعفت الان قبل الزواج ،،فكيف بعده ،،،،
خطيبك يحتاج لفتاة بسيطة ،لا تتاثر بتعليقات الغير ،،ولا تنظر لما في ايديهم
صدقيني وعن تجربة :
فقير اليوم غني الغد
وغني اليوم فقير غدا لا محالة
شحال من واحد تزوج ،ومعندوش ،،،وكاين حتى غرفة النوم ما ملقهاش ،،ثم تغير حالهم بعد الزواج
واغناهم الله عزوجل ،،
الزواج قدر ونصيب،،وعلى نياتكم ترزقون ،،
بزاف اللي كانوا يحوسو الزين ورزقهم ربي بغير ذلك
واللي شرطوا المال لكن ما تمت الفرحة واصابهم فقر او مرض
واللي شرطوا الدين ورضاو بحالة الخاطب ،،تغير حالهم بين ليلة وضحاها

[hadjerjouja]

يا ختي الماديات يروحو ويجو المهم انو انسان صالح ومتربي واهم شي انو يحترمك انتي عندك كنزة ما تتنازليش عليه

[bello angel]

افسخي الخطبة يا اختي

ادا كنتي من درك ماكش قادرة تتقبلي حياة خطيبك اللتي يبدو انها حياة فقر

فكيف سيكون الحال بعد الزواج و قدوم الاولاد ؟؟ خايفة تروحي و تطلقي انا من رايي افسخي الخطبة احسن

[نسيم الريح ش]

صحا رمضانكم .القرار يا اختي بيدك هدا زواج مشي يوم ولا يومين خمي مليح

[~أميرة أميري~]

حتى انا كيفك خطيبي قدو قد روحو وجااااااامي لا خممت دقيقة نسمح فيه فجال لمال محاااال
اختي راكي غالطة بزاف في حق خطيبك والله ماحق عليك
لبنات هدوما لي مشبعينهم كادوات بالاك في قلوبهم مايعزوهمش كيما انتي يعزك خطيبك
كلشي فاني اختي ماديريش حاجة لي تندمي عليها
خمي منا وجاي كيفاش راح تسعدي خطيبك وتوقفي معاه وتعيشو حياة هانية وكوني قنوعة اختي واكيد ربي راح يباركلكم في زواجكم
حرام عليك تسمحي فيه فجال لمال والله حراااام

[~أميرة أميري~]

افسخي الخطبة يا اختي

ادا كنتي من درك ماكش قادرة تتقبلي حياة خطيبك اللتي يبدو انها حياة فقر

فكيف سيكون الحال بعد الزواج و قدوم الاولاد ؟؟ خايفة تروحي و تطلقي انا من رايي افسخي الخطبة احسن

لا حول ولا قوة الا بالله
ربي يهديكم اختي
مزية لي كاين الآخرة

[علي لقواطي]

أصبحنا في زمن الماديات و الزوالي كلاه بوبي في الزواج