مادا افعل لاتقدم اليها [الأرشيف] - منتديات الجلفة لكل الجزائريين و العرب

مشاهدة النسخة كاملة : مادا افعل لاتقدم اليها

mrmilano1984

2016-05-29, 18:25

السلام عليكم اخواني اخواتي المحترمين اليوم حاب نجي ليكم باش نسالكم وعطوني نصيحتكم وارشاداتكم عسي ولعلي تفيدوني لاني راح نقدم علي خطوة مهمة جدا في حياتي بخصوص مستقبلي وزواجي انا كنت نقولكم من قبل كنت نتبع فتاة تدرس بالمدرسة العليا المهم هنا في العاصمة كنت نتبعها طبعا مليح وبطريقتي وصراحة الحمد لله نشكرو ونحمدو بزاف لم تخيب ضني ولو مرة واحدة تلك الفتاة هي ماعندي مانقول فيها مقبولة جدا في الشكل يعني جمال جد مقبول وبيضاء البشرة يعني لاباس بها رغم انا طويل شوية عليها مايهمش هي متوسطة الطول المهم صراحة بعدما اعجبت جدا يشكلها وحتي لباسها وشكله محترم جدا جدا وهيئته محترمة وايضا وال ماكنت معها في الحافلة التي تقل الطلاب وجدتها جدية وملتزمة لاهاتف ولامكالمات مع الرجال ولاقهقهة بصوت عال وايضا تصافح الرجال ابدا ابدا حمد لله متدينة متخلقة جدا علي درجة من الاخلاق والتواضع ايضا مرة شاهدتها اتي اليها زميل لهم في الجامعة سالها بخصوص الدراسة وفقط بعدها رايت في عينها وراتني الاحضها لم اتفوه باي كلمة ولا حركة لها حتي هي طاطات راسها كانها فهمت رسالتي لها وانكي لم تخيبني ابدا واحمد الله تعالي علي هاته الصفة فيها طبعا كم مرة تقابلت معها لكن لم اشا ان اتكلم معها لاني رجل محترم وافهم بنات الناس والفاميليا بالخصوص لدا لم ارد احراجها ابدا او ان تحرجني فنضرت وركقتها بنضرات اعجاب بها وهي ايضا رفعت عينها ونضرت في باحترام طبعا كانها قول في قلبها ياليت يكون رجال كيفك مهدبين المهم الان صراحة انا مصمم اكثر مما سبق علي خطبتها او انوي لاتقدم لطلب يديها وطبعا لم اعرف الطريقة ابدا هي مشكلة انها اجدها دائما مع 2 فتاة او مرة فتاة معها ويجيبها والدها في سيارة ولاحضت دلك يوميا يجيبوها حتي اني مرات اعود معها وتعودد في نفس الحافلة وابقي من بعيد الاحظ حتي ياتي والدها او اخيها لياخدها في سيارة ولاتدهب مع اي غريب يعني ماشاء الله
سؤالي انا مشوش الافكار حاب نتزوج تاع الصح ومانيش نحب نصبر اكثر علي الزواج والمراة لاني وحيد الان وبحاجة جد ماسة لمراة تونسني وتنحيلي همي رغم اني لاباس بيا جدا ماديا وبدنيا ودهنيا واراها جد ملائمة لي من خلال ماميزتها وحتي سالت عنها مند 5 ايام شخص يدرس معهم حكالي الا الخير فيها ويقسم لي انها عمرها ماخرجت او خانت ثقة دارهم وانها جد متربية لاغم انو ربي عطالها العقل والزين والفهامة والتربية
مادا افعل اتكلم معاها ونخسر روحي ربما راح تنحرج جدا وهي تعلم اني قاصدها للحلال وفقط وتعلم نيتي ام مادا نتكلم مع والديها او صحاباتها لجس نبضها ام مادا راني مخلوط
راني راغب بزاف بزاف فيعا تكون نصفي وزوجتي وام اولادي بحول الله
ادعولي ربي يرزقني بها لاني خايف ترو من يدي في وقت كثر المنكر جدا والفواحش والفتن
من فلكم لااريد تجريحا يخصها او قدفها في عرضها وشرفها لاني اعرف عن من اتكلم اريد نصائح تخص موضوعي وفقط لمن اراد المساعدة لماقدرش دعوة تكفيني ورانا مع ابواب رمضان

م.أمين

2016-05-29, 19:16

اولا أسال الله ان يبارك لك في كل خطواتك وأنك إتخذت الطريق الشرعي فلن يخزيك الله وواصل فيه ...
طبعا الحلول فيه حلول كثيرة منها إذا إستطعت تأتي بإحدى محارمك اختك خالتك عمتك واطلب منها أن تتكلم معها وتدلها على عنوان سكنها مباشرة ولاترضى أبدا بأن تتخطى والدها وإخوتها نصيحة لك يعني إسألها عن عنوانها فقط .
أو الحل الأمثل أن تكلم والدها مباشرة أنت تريد الحلال ولي سبق في هذا بارك الله فيك مباشرة بلا لف ولا دوران انا مباشرة تكلمت معه بدون مقدمات ( السلام عليكم واش راك عمي لاباس بخير ( انت غير تقولو عمي يفهم ) في الحقيقة كاين موضوع مانيش عارف كيفاه نبداه بصح الله يعينني فقط في الحقيقة حاب نتقدم لخطبة ابنتك دلوني عليها وسألت عنها فذكرولي كل خير ومن باب واتوا البيوت من أبوابها استنيتك اليوم باش نفاتحك في الموضوع ) وماتنساش صلي ركعتين اسأل الله فيها التيسير وماتطولش قريب يخلاص العام

توحيد الجزائرية

2016-05-29, 19:19

ربي يفرحك وتكون من نصيبك
لكن اخي بااادر الى الخير ،،،وتحدث الى والدها ،،
فلربما سبقك اليها اخر ،،فتندم على تسويفك ،،،

(( هبة الرحمن ))

2016-05-29, 19:19

وعليكم السلام ورحمة الله وبركاته

لماذا تصعب الأمر هكذا أخي ، راقبت تصرفاتها وأعجبتك فأتِ البيوت من أبوابها ، تعرف على العنوان وابعث الوالدة وقبل كلّ هذا وذاك صلّ الاستخارة والخير فيما اختار الإله.
سهل الله عليك وحفظك وأتمّ لك ما نويت أخي .

fr95

2016-05-29, 19:20

يا اخي مادام راك شايف خوها روح احكي مع خوها و هو يوصل الهدرة للدار
حسب رايي احسن طريقة ما فيها حتى احراج لجميع الاطراف

mrmilano1984

2016-05-29, 19:32

نعم اكيد لا انا حاب نسالها علي عنوانها وراني متردد لي قال لي والدها مشكور وراها جاتني ثقيلة شوية صراحة وقلت لازم نعرف عنوانها ونسالها مي قلت تسالني علاش تحوس وان نسك ولمادا واش نقولها مانيش حاب نخسرها صراحة قلت نسال صديقاتها ونزدم عليها ويجاوبوني ومن بعد اني عرفت عنوانها نجيب الدار ونخطب دراكت ولا كفاش زدو فهموني
اخت هبة مش تصعيب ولكن هدا مصير يعني وتردد نعم ممش تصعيب اكيد راقبتها وارتاح قلبي ليها بزاف ولكن متردد في طريقة الكلام والتقدم والدها صراحة هي طريقة شرعية وتاع تربية ولكن راني صراحة حشمان من والدها جاية ثقيلة
لي النساء الخبيرات يعاونوني

م.أمين

2016-05-29, 19:47

يالاخ ساهلة صدقني واي انسان تجيه ثقيلة ولكن هذا من تخويف الشيطان فقط وقد اكون اكثر حشمه منك ولكن صدقني تقدم وسترى التيسير باذن الله وكما اخبرتك لاتطل الحديث ادخل في الموضوع مباشرة وبالنسبة لصديقاتها لا انصحك كثير من البنات تحب الخطوات الاولى تكون سرية وانت تعرف البنات يعني تسأل صديقتها الجامعة كلها تسمع فبالتالي والدها افضل حل

Ilhem2014

2016-05-29, 19:51

Oktob laha rissala fiha annek hab tokhtobha mech tmeskhir,hot num tel w koulha tab3atlek l adresse

mrmilano1984

2016-05-29, 19:58

صدقني صح خممت بزاف في موضوع زميلاتها زعما يبانو كما هي ولكن من تدري الحسد والغيرة تخليهم لايقولها ليها او لااعلم فهمت صح عندك حق راح نزدم وخلاص بنات هادو يجو منهم الا الحسد والغيرة الشديدة وربما يخرجوها وهي اصلا اتحب ان نتكلم مع بنات صديقاتها ونخلطلها امورها وتزعف

mrmilano1984

2016-05-29, 20:03

لول عفسة شابة هادي تاع روح ابعثلها رسالة اوك زعما نبعث رسالة فيها نقولها هاو رقمي ههه نقولها اعطلي عنوان وعيطلي ماسكي لول هاك نرتاح عفسة مليحة

(( هبة الرحمن ))

2016-05-29, 21:15

م.أمين

2016-05-29, 21:46

أم أسامة 07

2016-05-29, 22:02

رب يسهلك فيما هو صعب
الخير فيما أختاره الله

لحن الحياة.

2016-05-29, 22:11

روح ديييييييييييييييييييييييييييييييييراكت لدارهم ختش تولو محرجين في زوج لكان تقلها ليها مباشرة
و راني جاية ناكل القاطو ...و مبروووووووووك مسبقا

*أم سجى*

2016-05-29, 22:12

انشاله ربي يجمعكم فالحلال عاجلا غير اجل ...أما نصيحتي لك وعن تجرررربة أرى أنه من الاحسن أن ترسل لها صديقتها تعلمها بنواياك في التقدم لخطبتها فهدا الامر سيفرحها كثيرا ويجعلها تشعر بالسعادة في نفس الوقت راح تلقى من عندها اجابه يعني عصفورين بحجر...وفقك الله اخي

mrmilano1984

2016-05-29, 22:17

اصلا مانعرف عنوانها هدا اللغز لادريس اعطوهالي نروح ندي الوالدة والاخت هاو اشكال كفاه نتحصل عليه نكلمها ونقولها في رسالة ماجياش ابدا قلت نطيح بين عينيها اكيد تقول كما دارهالي دارها لبنات اخريات وانا حمد لله مش نزوخ رزين بزاف وخمم بعقلي ونركز وهي ايضا نشوفها نفس عقليتي رزينة وهادئة وكل شيء وثقيلة لدا نفسدها برك روح نزدم ليها هكا ك الحابس نفسد كل شيء هي راها تنتضر مني اني نجي ننويها وفاهمة كل شي وانا فاهم خزرتها وهي فهمتني باش انا نجها من الباب مش من الطاقة هكا تكون حلالي تاع الصح

mrmilano1984

2016-05-29, 22:24

أخي صلّ الاستخارة واذهب مباشرة إلى البيت لا تجعل أي زميلة لها وسيط بينكما ستفسد الأمر حتما ،،،
كيف كان الناس زمان الرجل يبعث أمه والباقي على ربّي ...
ساعفني ابعث الوالدة واختصر الطريق ......
اوك اختي المحترمة الله يجازيك ادعيلي برك تكون حلالي راني متمنيها بزاف لي ماقدرتش صدقيني تعبت باش نلقي مرا حلال تعبت راكي تعرفي راهم كي الشمع وحمد لله بفضل خبرتي وحدسي لقيتها وفرحت من زمان وماتكلمتش لاحد الا هنا برك لطلب المساعدة ادعيلي في صلاتك تكون نصيبي وام اولادي راني متمنيها الصلاة صراحة صليت وارتحتلها بزاف بزاف المرا هادي

sunshine2013

2016-05-29, 22:52

السلام عليكم
الحمد لله اخي و ادعو الله يوفقك. في مسعاك و يسهل امورك
من رايي و بما انكم تبادلتم بعض نظرات الاعجاب اظن هناك نوع من القبول و عليه ابعث لها رسالة خطية تشرح فيها موقفك. بمعنى انك. تحترمها و لا تريد احراجها بالكلام امام الاخرين و اشرح نواياك و قدم لها الرسالة داخل مغلف عندما تكون في الحافلة او ضع في مكان تكون هي على مراى منه المهم انت ادرى و انتظر ردها فان هناك رد ايجابي اطلب العنوان و تقدم برفقة اهلك. و لا اظن انها سوف تسيء الظن و الا لكنت ذهبت مباشرة و طلبت رقمها كما يفعل البعض
هذا مجرد اقتراح لكن افضل انك. تعجل في الامر و لا تحتر كثيرا و الله المستعان

mrmilano1984

2016-05-29, 23:01

شكرا ليك اختي نعم انا قريب في عام وانا نراقب عن كثب وهي تراقب عن كثب وصدقيني مانطقت بكلمة او زاحمتها او اعترضت طريقها او مسكتها من يديها او كما نقولو ازعجتها ولو كانت لوحدها تكروازيت بها عدة مرات وترمني بنضرات اعجاب متاكد ورغب في وانا ايضا نرمقها طبعا بعد مااقت اني جد مهتم بها حتي عينيا عياو هه وهي ماشاء الله عندها نضرة تمييز مليح تبان وفهمت مليح المهم راح ندير رسالة خطية ونكتبها بيدي ونطلب واش حاب بالضبط وراني حاس تفمني وترد عليا وتعطلي العنوان برك والباقي عليا نزدم
طبعا راح نسلمها القتبلة الموقوتة في الحافلة وراح هي تقرا وتردلي واش قلتي اختي المحترمة
هي نضن سنها 24 سنة يعني طالبة ماستر نضن 2 مهم انا 31 سنة وتبانلي كجسم ومضهرتوالمني بزاف وتبان مرا الله يبارك عقلا وشكلا وطولا وكل شيء

sunshine2013

2016-05-29, 23:06

بالتوفيق اخي و الزواج قسمة و نصيب و انت نيتك. حلال و ربي يكملك. و يرزقك. الزوجة و الذرية الصالحة

الداعي الى الحق

2016-05-29, 23:20

ام رضوان

2016-05-30, 08:03

السلام عليكم
اخيي وعلاه تقلق في روحك
مادام عجباتك البنت وانت راقبتها مدة عام وعلابالك بلي الاب او الاخ تاعها يجي يستناها تبعهم واعرف العنوان
ومن بعد ابعث الوالد تاعك او روح انت لابيها واتكلم معاه وحددو موعد باه يروحو تاع الدار يزيدو يتعارفو ويشوفوها
ننصح اخي نصيحتين
الاولى رد بااااااالك تقول لزميلاتها راهي الغيرة تاع لبنات بيناتهم تقدر تخربلك كل شيء وتقدر هي يغيضها الحال وتقولك لاه سمعت البنات
والنصيحة الثانية
اخي العين حق وانت راك تشكر وتعاود وتذكر في محاسن البنت لدرجة راك وصفتها تقريبا وصف دقيق ووصفت حالك كذلك
وكاين يااخي شباب راه متمني يتزوج ومالحقش ولا مالقاش ولا ولا.....الخ
تقدر يااخي لااااقدر الله تتحسد ولا تصاب بعين واحد او وحدة ماذكرو الله
ويروح كل شيء
امالا كثر من الاذكار واتكل على ربي وادعي ربي يبقي الستر
ربي ينولك مرادك ويكتبلك اللي فيه الخير اميييييييين

yako02

2016-05-30, 10:00

انا فتاة و ننصحك ان هذا النوع من الفتيات ارى انها تشبهني ف بعض الصفات فانصحك غيرمتوصلش ليهااو تبعثلها مع صديقاتها الاحسن توصل لابوها او اخوها انت راك تشوفهم يوصلوها يعني ساهلة تقدر تعرف العنوان بلا متسقسي حتى واحد و روح اهدر مع خوها اذا جاتك ثقيلة تحكي مع ابوها و الله صدقتي كون تروح تحكي معاها مباشرة نقولك 99 بالمئة رايحة تقلك لالا و بلاك هي حابة تقللك ايه لانها بنت فاميليا و تفكر انك كنت معجب و الان جيت تحكي معاها تفوت الوقت لانو اي واحد ينوي الحلال يطرق الابوابيا اخي
استخر الله و توكل على الله مبروك مسبقا لانو بنت الفاميليا نادرة و اذا شايف فيها خير عجل بالامر
بالتوفيق
نصيحة اخت لاخيها تقبل مروري

yako02

2016-05-30, 10:08

مبروك عليك
علاه مقلق روحك هده ماشي مشكلة انت راك تقول طفلة راهي تخزر فيك معنتها راهي تبعثلك المساج اوراح اهدر معاياي
روح اهدر معاها هي ماتبعثلهاش صحاباتها بلاك مايحبوهاش ولا يغيرو منها وميقلولهاش
روح ديركت عندها حبسها ديها لكاش مقهى او مطعم معلباليش انيا انت ادرى وفاتحها بالموضوع ومبعد اد قبلتك اعمل الاصول اخطبها
هدا ماكان
واش من مقهى و مطعم يا اخي لي يحب الحلال يوصل لرجااال مشي يديها للقهوة لان الموضوع كي يجي عن طريق الرجال و اقصد هو و ابوها او اخوها يجو يقولولها فلان جا و خطبك والله عندها قيمة و معنى كبير و تعرفو بلي صح ناوي الحلال الوقت مش يرحم و شباب و بنات شايفين العلاقات و الملاقاة ف المقاهي و المطاعم تحضر و هو لا يتم لديننا الحنيف بصلة
الله مستعان
و اناا قتللك نصيحتيمن قبل اخي صاحب الموضوع
نا فتاة و ننصحك ان هذا النوع من الفتيات ارى انها تشبهني ف بعض الصفات فانصحك غيرمتوصلش ليهااو تبعثلها مع صديقاتها الاحسن توصل لابوها او اخوها انت راك تشوفهم يوصلوها يعني ساهلة تقدر تعرف العنوان بلا متسقسي حتى واحد و روح اهدر مع خوها اذا جاتك ثقيلة تحكي مع ابوها و الله صدقتي كون تروح تحكي معاها مباشرة نقولك 99 بالمئة رايحة تقلك لالا و بلاك هي حابة تقللك ايه لانها بنت فاميليا و تفكر انك كنت معجب و الان جيت تحكي معاها تفوت الوقت لانو اي واحد ينوي الحلال يطرق الابوابيا اخي
استخر الله و توكل على الله مبروك مسبقا لانو بنت الفاميليا نادرة و اذا شايف فيها خير عجل بالامر
بالتوفيق
نصيحة اخت لاخيها تقبل مروري

mounyabiskra

2016-05-30, 10:16

مادام كاين رجال كيما انت الحمد لله الدنيا مازالت بخير....الرجال تع ذرك كامل يتمسخرو, ربي يبارك لوالديك على هذيك التربية و ربي يسهلك امورك ان شاء الله تكون من نصيبك و تستاهلك

mrmilano1984

2016-05-30, 18:10

وفقك الله وأكثر من الدعاء ووالدها سيحترمك أكثر لأنك طرقت الباب في زمن كثر في التسلل عبر النافذة ! وسيبني عليك صورة حسنة من البداية كونك أتيت كما يأتي الرجال يعني خطوة سؤال الوالد جد مباركة بإذن الله ... اليوم الذي تكلمت مع والدها سال مني العرق في عز الشتاء ولكن الحمد لله وأنصحك بالمحاربة من أجلها يعني حتى إذا تعرضت لجفوة من والدها لاعليك فهذا طبيعي كونك مجهول بالنسبة له ولكن حارب من أجل من سكنت قلبك ومع الأيام ستوفق بإذن الله
ههههه لا بالنسبة ان هاته الفتاة سكنت قلبي يااخي الح مايجيش بالنضرة والهمزة واللمزة والاعجاب الحب تاع الصح صح يجي بعد العشرة والمعاشرة للزوجة والزواج لثم يجي وحدو وتحسو فهمت مش حاليا سكنت قلبي صح قلبي ارتاحلها اكيد ولكن باش تكون سكنتلي او سكنتلها كونك واقعي جدا ومنطقي بادن الله راح تسكنلو مع الوقت

الداعي الى الحق

2016-05-30, 18:12

الداعي الى الحق

2016-05-30, 18:16

واش من مقهى و مطعم يا اخي لي يحب الحلال يوصل لرجااال مشي يديها للقهوة لان الموضوع كي يجي عن طريق الرجال و اقصد هو و ابوها او اخوها يجو يقولولها فلان جا و خطبك والله عندها قيمة و معنى كبير و تعرفو بلي صح ناوي الحلال الوقت مش يرحم و شباب و بنات شايفين العلاقات و الملاقاة ف المقاهي و المطاعم تحضر و هو لا يتم لديننا الحنيف بصلة
الله مستعان
و اناا قتللك نصيحتيمن قبل اخي صاحب الموضوع
نا فتاة و ننصحك ان هذا النوع من الفتيات ارى انها تشبهني ف بعض الصفات فانصحك غيرمتوصلش ليهااو تبعثلها مع صديقاتها الاحسن توصل لابوها او اخوها انت راك تشوفهم يوصلوها يعني ساهلة تقدر تعرف العنوان بلا متسقسي حتى واحد و روح اهدر مع خوها اذا جاتك ثقيلة تحكي مع ابوها و الله صدقتي كون تروح تحكي معاها مباشرة نقولك 99 بالمئة رايحة تقلك لالا و بلاك هي حابة تقللك ايه لانها بنت فاميليا و تفكر انك كنت معجب و الان جيت تحكي معاها تفوت الوقت لانو اي واحد ينوي الحلال يطرق الابوابيا اخي
استخر الله و توكل على الله مبروك مسبقا لانو بنت الفاميليا نادرة و اذا شايف فيها خير عجل بالامر
بالتوفيق
نصيحة اخت لاخيها تقبل مروري

انا قلت مقهى ا مطعم لاةه اكيد مراحش يهدر معاها هدرة مصيرية فطريق والا مايكونش حترم روحه وحترمهت فوعلى هدا قلت قهوة او مطعم وهو يخير وين يديهالكاش بلاصة مليحة ولا لسينما وين يحب هو
وفالوقت ليحب اد حب فنهار ولا فليل مثلا اد حب يطلبها بشكل رومانسي نفضل انك تديها بليل احسن لكاش باصة هادية هو يخير كتين بزاف اختيارات

(( هبة الرحمن ))

2016-05-30, 18:17

صاحب الموضوع بلاك تقول لباباها او خوها قبل ماتهدر معاها هي لانه هكدا كي شغل مادرتلهاش قيمة
علاه راهي نعجة ولا معزة راح تشريها بتفاهم مع ولي امرها
لالا هادي راح تطيح من قيمتها واكيد مراحش توفق عليك اد هدرت مع باباها لاول لازم تهدر معاها هي قبل ووتتفاهموا مع اني لقيتها ثقيلة كيفاش تطلبها لزواج وانت متعرفهاش
انت قلت انها محترمة فلازم تحترمها

لا أوافقك الرأي أبدا
إذا تحدث الشاب إلى الأخ أو الأب هذا ليس تقليلا من شأنها على العكس رفعة وشرف ، ولا أحد يتزوج بالقوة إن قبلت يكمل المشوار وإن رفضت فالحياة لا تتوقف عند شخص بعينه .
الإقدام على خطوة التحدث مع فتاة محتشمة والله ليس بالأمر الهين ، أنا أحس بالأخ الكريم كلّما أخذ قرارا للتقرّب إليها وجد نفسه يخطو خطوة إلى الوراء ....

mrmilano1984

2016-05-30, 18:44

واش من مقهى و مطعم يا اخي لي يحب الحلال يوصل لرجااال مشي يديها للقهوة لان الموضوع كي يجي عن طريق الرجال و اقصد هو و ابوها او اخوها يجو يقولولها فلان جا و خطبك والله عندها قيمة و معنى كبير و تعرفو بلي صح ناوي الحلال الوقت مش يرحم و شباب و بنات شايفين العلاقات و الملاقاة ف المقاهي و المطاعم تحضر و هو لا يتم لديننا الحنيف بصلة
الله مستعان
و اناا قتللك نصيحتيمن قبل اخي صاحب الموضوع
نا فتاة و ننصحك ان هذا النوع من الفتيات ارى انها تشبهني ف بعض الصفات فانصحك غيرمتوصلش ليهااو تبعثلها مع صديقاتها الاحسن توصل لابوها او اخوها انت راك تشوفهم يوصلوها يعني ساهلة تقدر تعرف العنوان بلا متسقسي حتى واحد و روح اهدر مع خوها اذا جاتك ثقيلة تحكي مع ابوها و الله صدقتي كون تروح تحكي معاها مباشرة نقولك 99 بالمئة رايحة تقلك لالا و بلاك هي حابة تقللك ايه لانها بنت فاميليا و تفكر انك كنت معجب و الان جيت تحكي معاها تفوت الوقت لانو اي واحد ينوي الحلال يطرق الابوابيا اخي
استخر الله و توكل على الله مبروك مسبقا لانو بنت الفاميليا نادرة و اذا شايف فيها خير عجل بالامر
بالتوفيق
نصيحة اخت لاخيها تقبل مروري
ماتخافيش اختي احنا رجالة والحمد لله ونفهمو مليح ونحمدو ربي علي نعمة كبيرة وهي العقل ماراحش نعرضها وفريتها ايه انايا نعرض مرا للبيزيريا وناكلو نقصرو تسمي نطيح بقيمتي كرجل يحوس لحلال ونطيح بقيمتها وطبعا يروح كل شيء هكدا ونفسد ونهدم واش بنيت من عام وانا نبني نبني نجي نريبو هاك لا تم الحل

mrmilano1984

2016-05-30, 18:48

هههه الله يهديك اخي منك بالصح بنيتك او راك تتمسخلر بيا حسبتها فاسقة هادي او وحدة تاع خرجات نخرجها للسينما علاه انا مشتاق سينما ونعشقها في السينما ربي يهديك اخي وقت العشق مش دوك اني فهمتك معدنها مليح هكدا راح طيحلي ليا بطريقة غير مباشرة صدقني وطيحلي فيها عاود شوف ردك وشوف صفة المراة لي نبحث عليها مليح وميز بعقلك مليح مليح واش راك تقول لو هكدا من قبل جاوني عروض للزواج من بنات من مختلف الاطياف وحمد لله تريثت ورفضت لاني لن اقبل نجيب اي مرا لداري كاين لي صديتهم ومافتحتش اصلا المجال نهدر معاها لانها تبان من وجها وكاين من هدرتها وتصرفاتها ووو وحمد لله صدقني راك مشوكني اخي رغم انك مهندس وقاري ومثقف

mrmilano1984

2016-05-30, 19:01

صاحب الموضوع بلاك تقول لباباها او خوها قبل ماتهدر معاها هي لانه هكدا كي شغل مادرتلهاش قيمة
علاه راهي نعجة ولا معزة راح تشريها بتفاهم مع ولي امرها
لالا هادي راح تطيح من قيمتها واكيد مراحش توفق عليك اد هدرت مع باباها لاول لازم تهدر معاها هي قبل ووتتفاهموا مع اني لقيتها ثقيلة كيفاش تطلبها لزواج وانت متعرفهاش
انت قلت انها محترمة فلازم تحترمها

ههههههههههههههههههههههههههههههههه راك غر تضحكني صدقني ابون تسمي نهدر مع والديها ومحارمها تولي هي نعجة الله يبارك علي تخمامك الرائع يااخي خلي تخمامك مليح راني راجل ومش نزوح عليك او نعتر راني راسي طايب وراسي شايب شكرا علي مداخلتك
لا بل ان شاء الله توافق حتي الا ماوافقتش مش مشكل مهم نيتي جد طيبة مش بسيف عليها توافق المهم نبينلها بلي راها مع راجل فحل هكدا مام ماتقبلش تقول كاين رجال او حتي تقبلني تزد ثقتها فيا انطلاقا من طريقة خطبتي لها

روح المي

2016-05-31, 00:13

سلام خويا
نعم روح لدارهم لانه لو فتحت موضوع مع صديقاتها رراح تظن بيك سوء و رجاءا لاتحرجها ان كنت لاتعرفها لانه موقف لاتحسد عنه اي فتاة
وبالعكس لما تروح لدارهم حتى لو قررت ترفض امها تحاول تقنعها عكس صديقاتها
واهم حاجه استخر الله...وربي يرزقك الحلال

yako02

2016-05-31, 09:03

انا قلت مقهى ا مطعم لاةه اكيد مراحش يهدر معاها هدرة مصيرية فطريق والا مايكونش حترم روحه وحترمهت فوعلى هدا قلت قهوة او مطعم وهو يخير وين يديهالكاش بلاصة مليحة ولا لسينما وين يحب هو
وفالوقت ليحب اد حب فنهار ولا فليل مثلا اد حب يطلبها بشكل رومانسي نفضل انك تديها بليل احسن لكاش باصة هادية هو يخير كتين بزاف اختيارات

هههههههه والله عجب فيك يا اخي باينة عليك متاثر بالمسلسلات التركية و حاب تخطب انت بهذه الطريقة مقهى مطعم و حتى سينما و زيد ف النهار او ف الييييل اواااه نظن انت مش من كوكب الجزائر و متعرفش العقلية dz ...هو يقول البنت محترمة و انت تقلي خرجها ف اليل و ديها للسينما باش تعرفو بلي فحل و رومانسي
لي يحب الرومانسية و السينما يتزوج و يكون فحل مع مرتو مش طفلة في رعاية والديها و هو يبين فحولتو و يقلها نخرجو ف الليل و و سينما
سبحااان الله

mrmilano1984

2016-05-31, 20:09

هههه من البارح واني نضحك المهم الحمد لله تم اخد العنوان وراني هدرت مع الوالدة واتصلت بخياتي وراني رايح نروحو يوم الخميس ان شاء الله لدارها ولعلمك اليوم شافتني وانتبهت اني تبعتها البارحة في السيارة وشعرت وحسيت فعلا انها فاقت واني حاب نجي نخطبها يعني خلاص كل شيء تفتح ههه
يااختي من قال لك راح نخرجها في الليل والضلمة والشتاء والبرد والسخانة بنت الناس تاع الصح وحلالي ان شاء الله ندها بطريقة هادي مستحيل مانيش انسان سادج وجايح او غبي او مخصوص في عقلي او انسان متهر وتاع مشاكل لي يجي نسمعلو لا لا نسمع لصوت العقل والمنطق هكدا نسير في حياتي وهي ايضا هكا تسير وان شاء الله راح نخبركم باي جديد وتكونو اول العارفين

mrmilano1984

2016-06-02, 19:02

علي العموم شكرا لمن ساهم معي ولو بدعاء وتم التحقق علي العائلة و شكرا

نوال زهرة

2016-06-02, 19:51

ربي يسهلك الحلال مدامك تبعتها معنتها قدرت تعرف حومتها امالا صلي الاستخارة و روح للدار و الباقي ربي و نشالله نسمعو خبر يفرح عليك و يسهلك امورك كلها معاهم

mrmilano1984

2016-06-02, 20:14

تكلمت خلاص مع الوالد راني فاريها مازال برك نروح مع الدار باش نخطب ان شاء الله

ibtihal18

2016-06-02, 20:35

ربي يسهل و يوفق و يجيبلكم اللي فيه الخير