زوجتي تخونني

[مشكلتي]

سلام عليكم
انا رجل متزوج عمري 29 سنة فقير تزوجت مند سنة بامراءة اكبرها بسنة واحدة انا اعمل في البلدية موظف يومي ولما تزوجت اجبرتني زوجتي قبل العرس ان استئجر لها بيت وفعلت استئجرت بيت بمليون وانا نخلص برك زوج ملايان وربعمية يعني مع الكرا يبقى برك مليون وربعمية . وزوجتي ماتخدمش لانها ماتحبش تخدم ماتحبش عيي روحها وقاتلتني كلما ما نخلص تقولي هات دراهم نشري ملابس وانا ساعات نمدلها خمسية ستمية ونزيرو بالماكلة بصح هي ولات تزعف بزاف بعد 5 اشهر زواج ولات تقولي هدو ميكفوش لانها تحب تشري الغالي وتحب دهب بزاف وانا قلتلها اد حبيتي نسرق واش نديرلكم تزوجتي زوالي وهي ديما تديرلي مشاكل . والماكلة تحب تاكل غير المليح وهي تعرف تطيب بصح لازم تشوف فريجيدير مليان عياتني نتاع صح وانا وخويا تزوج ونسيبه الله يبارك مرفه بزاف واش نقولكم وهي قاتلي لازم نديرو علاقات مع هدا راجل ولازم انا نهدر غير مع المرفهين وبصراحة وليت كي خاتم في صبعها وخصوصا انها تتفنن في دلالها زوجتي جميلة وتعرف تلبس بصح افعى سامة ووليت تشابكت مع نسيب خويا وولينا نروحلو ويجينا وكي بدات تروح ولات تغير بزاف قاتلي اد مدرتليش فيلا راح نخليك وقالت بلي هي مراهيش مستعدة تخسر جمالها من اجلي وتخسروا في مزرية وحابة يكون عندها طونبيل وانا معنديش طونبيل وهي حابة يكون عندها؟المشاكل زادت ووليت ندين وندين علجال لالة باه نشري دار باه نريحلها دارت ديون لراسي ووليت ندين حتى مع هدا راجل في الاول بصح ولا يمدلي دراهم بدون ما نقوله قلت بلي هد راجل مليح ويحب الخير وحتى قالي بلي هو ليخلص ديوني وراني تعجبت وحتى زوجتي صار عندها دراهم وماتقوليش وديما فالحوانت حتى سمعتها تهدر معاه فتلفون وثم ادركت ان زوجتي تبيع روحها علجال هدا هد راجل يمدلي دراهم مقابل جسد زوجتي
هي اعترت بعدما عدبتها عداب شديد
واش ندير اشروا علي واش ندير نطلقها ونقعد كي شغل ماصلاا والوا ولا نقتلها ندخل الحبس ونخسر حياتي ارجوكم انصحوني مع العلم هي حامل ولاادري ادا كان ابني او لا
ارجو من المشرفين عدم الحدف

[rose de sable s]

اتركها في بيت والديها و بعد ان تلد اعرف نسب الولد
كاين حالات عكسك اي زوجة تفعل مستحيل لزوجها و هو لا يرضي وانت عكس
كان عليك من اول ان تتجكم فيها و في تصرفاتها
ربي يرزقك حلال و يسرلك امرك و يبينلك الحق

[lover4ever]

لوكنت مكانك لقتلتهما في 2 بصح انت اللي رخست روحك ، بعت روحك ومرتك على جال المال بطريقة غير مباشرة ، ننصحك طلقها والزمن كفيل بها تسلكها في الدنيا وفي الاخرة ، ولا تدري لعل الله اراد بك خيرا ، وما ابتلى الله عبدا الا وقد احبه ، ربي يصبرك واصبر واصبر

[(( هبة الرحمن ))]

السلام عليكم
لا حول ولا قوة الا بالله . لطفك يا رب.
والله العظيم ذرفت عيناي دمعا وانا أقرأ قصتك .
أخي الكريم طلقها
وبعد الانجاب عليك باجراء التحاليل كي يتبين الأب الحقيقي للطفل.
لا تتهور لو قتلتها ستضيع حياتك على امرأة لا تستحق أن تدنس يدك بدمها.
عمرك 29 سنة لا يزال الوقت أمامك طلقها ودرجة درجة تتخلص من ديونك ويفتح الله عليك بابنة حلال تصون شرفك.
والله والله لن تفلح هذه المرأة أبدا وقل حسبي الله ونعم الوكيل فيها.

[نورسين.داية]

تقتلها ما تقتلهاش خلونا من هاديك قصص الأفلام نتاوعكم.............لي حاب يلعبها راجل من البداية ماش بعد وقوع الفأس

المهم من الناحية القانونية كنت قادر لماإكتشفت الموضوع دير محضر إثبات حالة يعني تلبس ..بزنا ....

و طلقها نورمال ....بالنسبة للجنين تستطيع إجراء تحليل نسبه و السلام

و أحمد لله عز وجل أنو كشفهالك و ربي خلصك منها و السلام

[ملامح خجولة.]

سلأأأم
والله أنا أتأسف لوضعك هذا بما ان كل صفاتها يعني سئية
بما فيها الطمع والخيانة وباعاتك على جال الدراهم من الافضل أن تطلقها
هذآ أفضل لك

[سهيلة2013]

انت واش خاصك ولا واشك داير حتى راها تعاملك هاك وانت ساكت و ترضي فيها

[ام اسلام وسرين]

يا اخي مالقيت مانقول غير لا حول و لا قوة الا بالله

[ام رضوان]

السلام عليكم
اخي اذا راك متاكد من واش راك تحكي لازم عليك تطلقها والا راك تسمى دايوث
يعني ذرك فات وقت اللوم بصح هذا جزاء اللي يتنازل للمراة على رجولتو
كون من الطلب الاول وقفتها عند حدها ماصرالك اللي صرالك
وكي راك تقول نقتلها راك رايح تدفن شبابك وماتربح لادنيا ولااخرة
ماتتهورش وتتسرع في لحظة غضب
وكل امرك لرب العباد اللي مايضيعش عندو الحق
وكي تولد حاول تعمل التحاليل الي تثبت النسب
وعاود شوف حياتك وراجع حساباتك
ربي يكون معاك امين

[djazia87holi]

تعجبت لامرك حسبي الله ونعم الوكيل كيما قالولك الاخوة الخيانة والله ماهي ساهلة شوف نسب الابن الي من يعود ومنبعد لكل حادث حديث وحتي ترجعها ماتقدرش تاامنها مرة اخري هدا الواقع وانت ان شاء الله ينورلك بصيرتك وماتاخدش راي لي يقلك اقتلها والله هادي حصلة كثر من الاولي والله امتالك كثير وكاين للان معلابالهمش انت قول الحمد لله ربي نورلك بصيرتك واظهر الحق ومازال ان شاء الله وحسبي الله ونعم الوكيل في كل خاين خان ولد حلال او بنت الحلال هدا الشئ الوحيد لي نقدر ننفعك بيه الاخ وادعي الله وصليلو هو الواحد الاحد والمنتقم بادن الله

[mrmilano1984]

اه ياربي وطيح مرا في يدي تخوني نقتلها ومانعرف كف نولي كي الحيوان لحضتها في عقلي ا ياربي درها برك ونفيق تخوني مع رجال وحتي باللمس او الخروج برك ناكلها علاش راني نحوس علي مرا نقية من الان عفيفة جد طاهرة نضيفة باسكو لو ندي وحة فيها شبهة وتجيبلي شبهة نقدر وكابابل نقتلها كل شيء نسمح فيه الا شرف وجسد زوجتي مانقبلش اي واحد يتلاعبلي بيه ابدا مهما يكون ضروف

[محمد جديدي التبسي]

هذه عبرة لمن يختار الجمال دون دين وأخلاق
شيء مؤسف وضعك ولا يكاد يصدق الا لمن خبر المجتمع ويعرف ما يحدث فيه
ربي يهدينا ويسترنا

[نسيم الريح ش]

الله يهدي ما خلق .هاد الزوجة يتحكم فيها ولا لا غير كيفكيف هي عينها فارغة وما تخافش ربي الله يهدي ما خلق

[سماح 2]

لآ حول ولآ قوة الا بالله ,, النساء والله ما يحشموا وانت لقاتك ساكت ومرخوف ,,حبت طيــرْ , مع الاسفْ ,
دمرت روحها بروحهــآ ع جال زوز دورو ,, ربي يهديكمْ ,, الصوارد ماش كلش في الحيـآة ..
لكان تابت توبة نصوح وحااسة بالذنب ربي هو غفور رحيم لكن اذا مازالت لم تستيقضت من غفوتهــآ وفرحــآنة بجمــآلهــآ وزينهــآ وتجري ع الدراهم , فكك منهــآ خيرْ ,, وربي يبقي علينــآ السترْ ,,

[mrmilano1984]

هذه عبرة لمن يختار الجمال دون دين وأخلاق
شيء مؤسف وضعك ولا يكاد يصدق الا لمن خبر المجتمع ويعرف ما يحدث فيه
ربي يهدينا ويسترنا
والله بزاف بزاف خويا صح يدو نسا زعما جميلات ومانعرف مي تدين واخلاق 0000000000000 تغرو جمالها وزينها ولباسها وجسمها مي صدقني الاخلاق 000000 انا خطرة قلت واحد ياك النساء كامل كف كف وراك فاهم قصدي واش الفرق بين وحدة متبرجة ولابسة لباس فاضح وووو ومتحجبة ومحترمة كامل نساء في الاخير مي كي تضفر ببنت فاميليا تاع الصح تسترها وتسترك انا صديق حميم لي دا مرتو متدينة صح ومتخلقة جدا من الدار ماتخرجش الا بادنو حمد لله محترماتو جدا وجابتلو 3 اولاد وراه معاها لاباس وتحبو هي ونخاف عليه بزاف وتغير عليه وتضل تعس فيه هام النساء الفحلات وشاطرة في الكوزينة والتربية وووو وخليه ديها تتشرط عليه وتتشوكر عليه وتشنف عليه وتولي هي محكمة هادي نتيجة لي عقل مغتر بالجمال والمضهر الخارجي

[mrmilano1984]

لو منك انا نروح نطلقها دراكت ندير انا لامان في مرا تتلاعب بيا بسمعتي وبشرفي او ناكلها اسمحلي هادي باينة كما قلت افعي سامة تنفث سمومها روح شوف حل لعمرك
انا قتلك مرتي نلقاها تحدث برك رجل غريب بدون سبب او تخرج معاه او او يلمسهالي راجل او يتوشيهالي نولي كي الثور وان شاء الله مايصراش ومانخليهاش وراح ندها حساب مقاسي وعقليتي وتكون محل ثقة تامة

[mrmilano1984]

خويا تحب الصراحة كونك عاقل ماتقتلها ماوالو لانك انت الخاسر 100/100 ان تولي حبس ربما مبؤد او لااعلم وهي تنعم بالحرية اوك خمم مليح مليح صخ ضربة موجعة هادي انت شكي بيها ودخلها للحبس هكدا احسن انتقام لفاسقة كما هادي تزني مع الرجال ويرفدولها الكرش عار وعيب انا مرتي تجبلي ولد من راجل اخر ياربي ويرفدهالي راجل

[mrmilano1984]

كاين نساء يلقاو راجل شوية يضحك ويرخفها تولي تدير كل شيء تلعب علي قلبو بضحكة و تودد تضن انها طيحاتو في الشبكة لازم يكون قلبك حديدة تاع الصح مع النساء وزيرو بزاف ماكاش الاحاسيس طبعا احاسيس تعرف كل حاجة مدهالها في وقتها باسكو والله نشوفهم عن تجارب يشوفوك مزير وترهب انا وحدة بخزرة عيني في العمل من قبل فهمت روحها مليح مليح وفهمت نوع خزرتي وانا فهمت نضرتها وواش حابة وواش نوع تاع نساء ايا خليت المسافة قصيرة بيناتنا لانها مرة حبت تصافحني مارميتش يدي قاتلي واش كاين واش بيك قلتلها انا نعرف لمن نرمي يدي مليح المرا اندهشت ايا سالت عليا قالولها هدا متشدد قلتلهم لا مش متشدد بل قلبي حنين بزاف داخل ولكن ماراحش نقبل امور هاته ويااخي كما يقولو في وقتنا درها في راسك مقولة تاع ماتخدع ماتامننننننننننننننننننننن مرتك وحلالك وراك تشوف وتخدع فيك انا صراحة مالقري ندي وحدة عاقلة مي راح مانرتاحش صراحة رغم اني نعرف شكون ندي ولكن ربي يعلم واش كاين مرا تبقي مرا ممكن تضعف اي لحضة

[علي لقواطي]

موقف صعيب الله ينجينا

[لحن الحياة.]

كون من المرة الاولى اخترت امرأة حاطة على رويحتها و متواضعة و عويقلة
ضرك يداك اوكتا و فوك نفخ


كون سامط اسمط منها كي تقلك جيب قلها معنديش و اضربها برقدة منا لغدوة صباح و هكذا كل يوم حتان هي تكره