المساعد الشخصي الرقمي

مشاهدة النسخة كاملة : التشكشوكة

assia 45
2016-05-28, 15:44
ساعدوني في عمل التشكشوكة وسأكون ممتنة لكم
dima 08
2016-05-28, 17:21
اولا السلام عليكم
شوفي الاخت اسيا انا منيش خبير في الطبخ مليح لكن نعطيك وصفة تعلمتها من ماما ربي يحفظها بعدما تنقي البطاطا وتغسليها
قصيها مربعات صغار وقليها ونفس الطريقة مع الكورجيت والباذنجان كل وحد على وحد بعدها زيدي قلي الفلفل والطماطم في زيت قليلة
وبعدها خلطي كلش مع بعضه وكسري 3 حبات بيض وديري معها ليزبيس (التوابل) وشوي ثوم ويمكن الاستغناء عنها ولحيها على البطاطا ودخليها للفور اوديريها على النار
وخرجها وشهية طيبة هههههههههه نسيت الملح لازم
dima 08
2016-05-28, 17:22
نتمنا الردودددددددددددددد
amira_princess
2016-05-29, 15:28
اولا السلام عليكم
شوفي الاخت اسيا انا منيش خبير في الطبخ مليح لكن نعطيك وصفة تعلمتها من ماما ربي يحفظها بعدما تنقي البطاطا وتغسليها
قصيها مربعات صغار وقليها ونفس الطريقة مع الكورجيت والباذنجان كل وحد على وحد بعدها زيدي قلي الفلفل والطماطم في زيت قليلة
وبعدها خلطي كلش مع بعضه وكسري 3 حبات بيض وديري معها ليزبيس (التوابل) وشوي ثوم ويمكن الاستغناء عنها ولحيها على البطاطا ودخليها للفور اوديريها على النار
وخرجها وشهية طيبة هههههههههه نسيت الملح لازم


ça donne un déliciuu plat emmmm
mon espoir
2016-05-31, 15:04
الشكشوكــة و ما ادراك ما الشكشوكة..عندها تقنيات..و ماشي اي واحد يعرف يطيب الشكشوكة..كيما انا مازال ماستسينتش فيها..كيما راجلي عندو شكشوكة ولا في الاحلام ههههه..كان يديرها بكري كي كان يقرا ويطيب وحدو..مرة تحتمت عليه و كان وحدو في الدار دارها بقات شوية ذقتها... وااااووو شكشوكة 5* و على قد ما نحاولو باش يعاودها والو.. يقولي تمرمدت بكري بزايد..ذرك كاين المرا..نسقسيه على لاستيس و نقولك.
mrhoda
2016-06-01, 15:31
الشكشوكة اساسها حلاوة الصلصة او الصوص وهي بسيطة تتكون من البصل المحمر قليلا فى الزيت والبيض والصلصة ويمكنك تحلية الشكشوكة ببعض البهارات والشكشوكة فن وتختلف طعمها من شخص لاخر ولكن السر فى الصلصة
*أم سجى*
2016-06-01, 18:05
مام أنا حابة نتعلم انشاله يفيدونا لبنات ربي يوفقك اختي
آيـــات
2016-09-09, 20:32
وعلاه متعرفيش ديريها
nina yasmine
2016-09-10, 16:35
هههههههههههه قولي والله ما تعرفي ديريها
أم *عائشة*
2016-09-10, 22:57
شوفي شكشوكتي هيا تديري حبة كبيرة بصل و زوج حبات متوسطين طوماطيش وراس فلفل اخضر متوسط قطعي البصل شرائح قليه حتى يبدى يتحمر مع شوية زيت و رشة سكر ماتديريش الملح مع البصل لانو يطلق البصل الما ديالو و تجيك شكشوكة سااامطة ديري فلفل اسود و زوج سنات ثوم رابيهم حمصي البصل مليح اومبعد قطعي افلفل شرائح و ديريهىمع البصل و قليهم كاامل غطيهم و نقصي النار منين داك طولي ختى يطيب الفلفل باش تزيدي الطوماطيش مقطعة مربعات صغار و لا شرائح و خلطي الكل مليح و غطيهم و بالاكي تزيدي الما تجيك ساامطة غطيهم و نقصي النار حتى يتجمروا مليح كي يطيبوا حطيهما و شهية طيبة
ادا حبيتي افقسي ثلاث حبا بيض بلا ماتخلطيهم ديري ثلاث ثقبات فشكشوكة في كل ثقبة افقسي حبة بيض و غطيهم حتى يطيب البيض تجيك تهببل و ملاحظة انا الشكشوكة نديرها فلمقلة و ماتنسايش الملح كي يطيب الفلفل بش تديريه
سلام
karima96
2016-09-11, 15:00
شكشوكة اكلة سهلة
karima96
2016-09-11, 15:01
المقادير
9 بيض
1 بصلة وسط، مقطعة صغير
4 طماطم، مقطعة صغير
2 ملعقة صغيره زيت
1/2 ملعقة صغيره كمون
1/2 ملعقة صغيره فلفل أسود
1 ملعقة صغيره ملح
طريقة التحضير
يخلط البيض مع الفلفل الاسود، الملح والكمون حتى يتجانس ويوضع على جنب.
في مقلاة على النار، يوضع الزيت مع البصل ويقلب حتى يحمر ثم يوضع الطماطم ويقلب حتى يستوي ثم يوضع البيض ويقلب حتى يستوي ثم يقدم.
ludo.staar
2016-09-23, 15:49
بالنسبة اللي ضحكو عليها وحارو كيفاه ماتعرفهاش.ماكان تضحكو عليها ممكن شكشوكتكم ماتعجبش.لإنو الشكشوكة عندها فن ومش ارواح واخدمها .ربي يوفقك اختي والتعلم ماشي عيب
Sara2Ahmed
2016-09-27, 08:43
جزاك الله خيرا