مانشبهش للنسا

[مشكلتي]

السلام عليكم
الانسان لي طول عمري نشوف فيه من بعيد و ندعي في ربي سرا يكتبهولي جاني اخيرا حكا مع بابا و درنا رؤيا شرعية و قالي حاب نخطبك فرحت بزاااف مصدقتش روحي

لكن قالي حاجة خلاتني بعد طول تفكير نقرر نرفضو وانا ربي يعلم قدماه حاباتو

هو واااعر بزااف لكن راجل بكل ما تحمله الكلمة من معنى استاد محترم و امام و حافظ لكتاب الله و سبحان الله عطاه ربي جمال تقول ماراهش من الانس والله تقول ماراهش من هاد الدنيا

المهم طلب مني نلتزم بالحجاب الشرعي و انا قبلت و قالي انا حاب نجيب مرا تاع الصح لداري قتلو واش معناها ؟

قالي المرا لي راجلها ياكل برا ماهيش مرا قالي لازم من نهارها لول تكون تعرف تطيب كلشي قالي من اليوم لول نحب كي ندير عرضة للناس تقوم بكلشي وحدها تعرف تكسكس و تدير الشخشوخة و الكسرة قالي و تكون دارها نظيفة تشعل و راجلها حوايجو ديما يشعلو و هيا في روحها تكون قايمة بروحها و و و صوتها ميتسمعش

قتلو الطياب بشوية نتعلم قالي المهم انا نهار تدخلي داري نحبك تعرفي كلشي قالي كون ندوق ماكلة و متعجبنيش نوقف و نخليك قتلو كي تدير عرضة تعاوني ماماك ولا ماما قالي دارنا و داركم يجونا ضياف و الكوزينة و شمبرة النوم مايدخلهم واحد غيرك انتي قالي و تاع كل يومين اديني لدارنا مندركا انسيها

هو متشدد قالي كون تروحي لعرس و نشوف من بعيد راجل قرب قالي نتعارك معاهم و نقلهم مرتي امانة عندكم و انتم مش قد الامانة و منا لجاي اسمحولي منزيدش نحضر لمناسباتكم


المهم كلش نورمال نقدر عليه غير حكاية الطياب انا في دارنا مدللة صدقووني والله القهوة منعرفش نطيبها و انسانة فوضوية لابعد الحدود حوايجي ديما مطايشين اوراقي المهمة دايما مودرين وين نروح ننسا لاكارت و البرمي خزانة ملابسي كون تفتحها يطيح كلشي فوق منك يعني من الاخير ريحة المرا مافياش عطاني ربي الزين و العقل و القراية فقط و جربت نبدل روحي والووووووو


المهم انا صارحتو قالي عندك 7 اشهر في يدك بدلي من روحك نهار لي تدخلي لداري مانتنازل حتى على شي
انا خممت مع روحي مليح و لقيت كون نروحلو نطلق في ششهر :rolleyes: فقررت نخليه يلقا لي توالمو :o

واش رايكم ؟؟؟

[علي لقواطي]

العيب ليس في البنات العيب في الأمهات التي لا يعلمن بناتهن أن يكن ربات بيوت
و من حق أي رجل الظفر بربة بيت انت قلتي قهوى متعرفيش ديريها
ياووو أنا راجل و نعرف ندير قهوى.

[سومية88]

عادي اختي تتعلم امراءة كي تحب راجلها دير كلش بمحبة خاطر علي جال وزواج يشطر

[الداعي الى الحق]

هههههههههههههههههههههههههه العيب فيكم بزوج
ماشي قصة دلال . البنت لازم تعرف تطيب حتى لو كان جات مدللة كيما تقولي وعحتى لو كان جا عندك 20 اخت لازم كل واحدة تعرف تطيب.

اما راجل هدا لراكي تقولي حافظ القران يرحم باباكم شحال راكم تخمموا غير بالمظاهر لب كامل نسيتوه
المتدينات نلقوهم يقلولك يصلي حافظ قران ووو
والمتحررات يقلولك عنده طونبيل عنده فيلا ههههههههههههههههههه
حتى واحدة فيكم ماتشوف لب الموضوع وهدا هو ما بنات بلادي

حافظ قران ولا محفظوش ماشي مهم ادا مفهموش واد مطبقوش اين هي الفائدة هنا؟
انتي ليهمك ماشي حفظه للقران او صلاته هدوا ينفعوه هو انتي لينفعك معاملته معاكي
اسمحلي بصح هو حابة يجيب خدامة ماشي زوجة .
صح زوجة لازم تعرف اشاسيات البيت لانها امراة بصح انه يطلق مراته لانها ماتعرفش تطيب فهدا ....
اما قصية تزوري اهلك هدي عنده حق واش بيكم هكدا نسا نتاع درك راكم عايشين فطريق زواج استقرار بصح حتى واحدة ماطبقت هدا شي
والمشكل انكم تحباو غير تورو اهاليكم اما اهالي زوج فالف خط احمر .

[*أم سجى*]

هي في الأصل مجرد أسباب فقط ...الرجل كي يحب المرا يقبلها بكل عيوبها ..خاصة اذا كانت جميلة..أنا شخصيا منعرف نطيب منعرف ندير حتا حاجة هكداك وخطيبي قاللهم لالات النسا ولمديتهاش منتزوجش طول حياتي والله صدقا......حاولي تتعلمي وتطبقي واش قال خطيبك باش متخسريهش خاصة وأنك ذكرتي أنك تحبيه وانتظرتيه بفارغ الصبر...ربي يوفقك

[رجل من هذا الزمان]

هههههههههههههههههههههههههه العيب فيكم بزوج
ماشي قصة دلال . البنت لازم تعرف تطيب حتى لو كان جات مدللة كيما تقولي وعحتى لو كان جا عندك 20 اخت لازم كل واحدة تعرف تطيب.

اما راجل هدا لراكي تقولي حافظ القران يرحم باباكم شحال راكم تخمموا غير بالمظاهر لب كامل نسيتوه
المتدينات نلقوهم يقلولك يصلي حافظ قران ووو
والمتحررات يقلولك عنده طونبيل عنده فيلا ههههههههههههههههههه
حتى واحدة فيكم ماتشوف لب الموضوع وهدا هو ما بنات بلادي

حافظ قران ولا محفظوش ماشي مهم ادا مفهموش واد مطبقوش اين هي الفائدة هنا؟
انتي ليهمك ماشي حفظه للقران او صلاته هدوا ينفعوه هو انتي لينفعك معاملته معاكي
اسمحلي بصح هو حابة يجيب خدامة ماشي زوجة .
صح زوجة لازم تعرف اشاسيات البيت لانها امراة بصح انه يطلق مراته لانها ماتعرفش تطيب فهدا ....
اما قصية تزوري اهلك هدي عنده حق واش بيكم هكدا نسا نتاع درك راكم عايشين فطريق زواج استقرار بصح حتى واحدة ماطبقت هدا شي
والمشكل انكم تحباو غير تورو اهاليكم اما اهالي زوج فالف خط احمر .

كفيت ووفيت هذا الرأي رأيي كذلك و لكن لمن تقرأ زابورك يا داوود

[manothebest]

أنا من لي كنت في 1 متوسط نطيب القهوة والعشاء علياا .. وظرك راني قريب نتخرج ونعرف ندير 80 ب100 من الطبخ والميناج و غسيل االملابس وووو
++
هذا الوقت لازم تنظيم وقت وقفازة هذا ماكان..كلش موجود...
الوصفات تتلآآوح في الكتب وفي الانترنت...
الماشين آ لافي موجودة لباسكم قادرة تغسليه كل يوم حتى...
التسياق ساهل ومع سانيبو والريحة تاع الدار تديري منها شويا مع الصابون والجافيل تولي الدار تشعل ريحة ومنظر..
مزيل الغبار كاين...
منظف التوالات كاين...
كلش كاينةةةةة........
ظرك رانا في عصر التطور ....بكري مساكين هوما لي تعذبوا أمهاتنا وأجدادنا...
وزيدي كي تكون كاينة عرضة وعلاه تعاونك ماماك ولاأمو؟؟!!!
يقولك لي يفوتك بالكثرة فوتو بالبكرة...اخدمي الحوايج الباينة بكــري
مثلا السلطة نظفيها وقطعيها صباح في الفريجيدار وسلطة الفواكه ثان
وجيبي لي كيكوت ديري الدوزان تاع المرقة الأولى بلا ماتطيبيها باش ما تروحش البنة تاعها ونفس الشيء المرقة الثانية
منبعد كي يقرب الوقت ديريلها قا الماء وخليها تكتك منبعد زيدي الماء وخليها تطيب...
وزيدي معاها قراتان ولا2
هذا ماكان ..مع خبز وقازوز والباقي نتي اللي تبدعي فيه..
وراه مع الوقت هو اللي يقولك خلي ماما تعاونك ...
وأما على الأعراس احمدي ربي كي قالك نخليك تروحي كاين نساء رجالهم الأعراس ومايحضروش...
وإذا ماكنتيش قد المسؤولية ما تقبلي ماتبهدلي روحك ماتبهدلي داركم اتعلمي قبل كيفاش تسيري أمورك...
وربي يقدملك لي فيه الخير

[oum mayssem]

[QUOTE=manothebest;3995639836]أنا من لي كنت في 1 متوسط نطيب القهوة والعشاء علياا .. وظرك راني قريب نتخرج ونعرف ندير 80 ب100 من الطبخ والميناج و غسيل االملابس وووو
++
هذا الوقت لازم تنظيم وقت وقفازة هذا ماكان..كلش موجود...
الوصفات تتلآآوح في الكتب وفي الانترنت...
الماشين آ لافي موجودة لباسكم قادرة تغسليه كل يوم حتى...
التسياق ساهل ومع سانيبو والريحة تاع الدار تديري منها شويا مع الصابون والجافيل تولي الدار تشعل ريحة ومنظر..
مزيل الغبار كاين...
منظف التوالات كاين...
كلش كاينةةةةة........
ظرك رانا في عصر التطور ....بكري مساكين هوما لي تعذبوا أمهاتنا وأجدادنا...
وزيدي كي تكون كاينة عرضة وعلاه تعاونك ماماك ولاأمو؟؟!!!
يقولك لي يفوتك بالكثرة فوتو بالبكرة...اخدمي الحوايج الباينة بكــري
مثلا السلطة نظفيها وقطعيها صباح في الفريجيدار وسلطة الفواكه ثان
وجيبي لي كيكوت ديري الدوزان تاع المرقة الأولى بلا ماتطيبيها باش ما تروحش البنة تاعها ونفس الشيء المرقة الثانية
منبعد كي يقرب الوقت ديريلها قا الماء وخليها تكتك منبعد زيدي الماء وخليها تطيب...
وزيدي معاها قراتان ولا2
هذا ماكان ..مع خبز وقازوز والباقي نتي اللي تبدعي فيه..
وراه مع الوقت هو اللي يقولك خلي ماما تعاونك ...
وأما على الأعراس احمدي ربي كي قالك نخليك تروحي كاين نساء رجالهم الأعراس ومايحضروش...
وإذا ماكنتيش قد المسؤولية ما تقبلي ماتبهدلي روحك ماتبهدلي داركم اتعلمي قبل كيفاش تسيري أمورك...
وربي يقدملك لي فيه الخير[/QUOT
يعطيك الصحة على ردك اذا كنتي بدارك وحدك نظمي امورك برك وكلش يجيك ساهل وعلاه خفتي من العرضات تبالك كل يوم يجيبلك الضياف كي يحسبها على المصروف راهو يبطل ومايعرضش اتعلمي تطيبي من المنتدى راهو فيه لحراير وتعلمي كيفاه ترتبي الخزانة مزال عندك الوقت وعلاه تحرمي روحك من فرصة العمر اتوكلي على ربي وديري القلب وماتخافيش رانا كامل غير نتعلمو كي تكوني بدارك كل يجيك ساهل وانشاء الله تعرضينا كامل عندك ونشوفو الشطارة

[محمد جديدي التبسي]

كي قريت كلمة بيرمي حبس مخي وعرفت سبب حالك ربي يهديكم يا نساء تسوقو السيارات وخليتو الكوزينة؟؟!!!
هو بالغ كثيرا وغريب ان يطلب هذا الشيء في اول يوم خطبة؟؟؟
يريد فتاة بمقاييس نساء الزمن السابق وهذا من النادر وجوده ان لم نقل منعدم خاصة في الاعمال المنزلية..
هي فرصة تحسني مستواك وتبدلي عقليتك المهملة والكسولة وان كنت اشك في ذلك لان الطبع يغلب التطبع..ربي يكتبلكم الخير.

[الأرض المقدسة]

الله المستعان !! - لكن سبعة شهور - فرصة جيدة - وشروط الرجل تحد جيد لخروجك مما وصفتي لنا - فلا تفوتيها - بالتوفيق .

[أثيلة]

السلام عليكم
بلوكيتيلي مخي عابالك؟؟ تعيشي قوليلي برك مادام مش متمكنة باش تكوني ربة بيت علاه حابة تتزوجي
مادام مش راح توكلي راجل و تقومي بضيافو واش راك مفكرة تديري مين تتزوجي تتربعي و تستناي لعشاء يجيك من برا
و راجلك حاباته كل يوم يدي حوايجو للديكريساج يغسلهم و انتي باسطة رجليك فالدار؟؟
ياخي جيل ياخي انا عندي 22 سنة ملي كنت 18 سنة نشخشخ و نكسكس و ندير كلش و كانت ماما تقولي بركاكي روحي تقعجي انتي صغيرة الدار انا نبكي نقولها حبيت نتعلم كيما خياتي لي كبار و باابا كان يدابز معاها يقولها مين تتزوج ماراحش تديك معاها
يااختي نقولك الزواج راه مسؤولية و اتعلمي كلش نهار تكوني قادرة تطيبي اربع ليمونو فاليوم و تقومي بالضياف و تغسلي و تسيقي و ترفدي بالحمل و تسهري مع وليدك مين يمرض و تسمحي فاللقمة على جال راجلك وولادك نهار هاداك اقبلي تتزوجي
و تاع راجلك مزير و مايحب حتى واحد يشوف معاك و علاه جاتك بيزار ؟؟؟؟
الراجل ماراهش طلب منك محال راه طلب حقو و فقط و نصيحتي كوني روحك و ماتفرطيش بيه ماعادش يزيد يجيك خير منو هدا هو الراجل بمعنى الكلمة
سلام و اسمحولي اذا تزايدت بالهدرة

[loubna86]

عندو الحق , ما ذكره لك ليسيت إلا حقوق . و لو غيرو كيفاش تقومي ببيتو . أنت تثبتين عدم قدرتك على الزواج أصلا . ما تعرفيش تطيبي ؟ ما تقدريش تسقمي خزانة ؟ و تنظفي و تقومي بدار ؟ اسمحيلي ضيعتيه لأسباب تافهة . بينتي لو بلي ما تصلحيش و ما حاولتيش . راح يلقى إمرأة .

[ome tesnim]

العيب و المشكلة راهم فيك اختي ، ما خليتي عليها غبار عندهم الحق الرجال كي ولاو مايزوجوش و كثرة العنوسة واش يدي طفلة بيبية يصرف عليها و يربيها و يعلمها كلش ، واش يقدو يا اختي هو اواي رجل اخر من حقو يتكل و يعتمد على زوجته ، وين رايحة بهاد العقلية حاولي تصلحي من نفسك ، خلينا من الزوج و اولادك شكون بيهم مدام انتي متعرفي اديري والو واش راكم حاسبين رايحين تعيشو في مسلسلات تركية و لا واش الله يهديك اختي الكريمة

[Abe_sparrow1]

ألا تعتقدين أن الشخص الذي تمنيتيه كل عمرك ودعوت الله أن يجعله من نصيبك يستحق أن تضحي من أجله وتتعلمي لإسعاده شيئا بسيطا كالطبخ؟ فقد قبلت بكل شروطه ثم استسلمت بسبب الطبخ؟ هل الطبخ صعب لهذ الحد؟ يمكنك طلب المساعدة من أشخاص آخرين أو المرور عبر تكوين. والأهم من ذلك كله هو تقتنعي بأنك شخص يمكنه التعلم، التطور والتغير حتى يصبح شخصا أفضل وتنجي بإذن الله ليس في زواجك فقط ولكن في حياتك كلها. بالتوفيق إن شاء الله.

[(( هبة الرحمن ))]

السلام عليكم
البنات لا يعرفن المعنى الحقيقي للزواج .....
والله العظيم الرجل معه حق يرد انرأة مثل أمهاتنا ، شخصيا كلما رأيت رجلا بهندام نظيفة ومكوية أحكم مباشرة على الزوجة ....
تعلمي أختاه ، المهم الإرادة

[ام اسلام وسرين]

العيب ليس في البنات العيب في الأمهات التي لا يعلمن بناتهن أن يكن ربات بيوت
و من حق أي رجل الظفر بربة بيت انت قلتي قهوى متعرفيش ديريها
ياووو أنا راجل و نعرف ندير قهوى.

كلامك عسل و الله عندك الحق كي تكون القهوة ماتعرفش تطبيقها وين رايحة
انا نقولك يا اختي انا ربة بيوت و ام لولدين و عقاريه حتى الليسانس. في اللغات يعني ماكانش عندي الوقت بزفاف باش نتعلم كلشي مي الوالدة ربي يطول في عمرها ديما كانت تبهدلنا على شغل الدار و الأطياب صبح درك نحمد ربي وليت محترفة قبل مانتزوج

[أريج لرجام]

الرجال تخلاو على القوامة وابداو يصيدوا في الخدامات المترسمين ويتزوجوا بيهم ما نلموش النساء إذا تخلاو عن المطبخ هذا واقع رانا عايشينوا لاداعي للتفلسيف

[صبرا13]

السلام عليكم و رحمة الله و بركاته
كنت صغيرة البنات عند والدي، تزوجت و لم أكن اعرف من الطبخ الا حاجتين المقالي و بعض انواع الباستا، لم أكن اعرف عن باقي الطعام الا ان انزل من غرفتي في بيت اهلي لأجد الطعام فوق الطاولة في صالة الطعام، و قد يكون هذا انتقاص من مهارات المرأة عندي و اتقبله بصدر رحب، اما التنضيف و الفرز فلم يكون لدي أشكال فيهما و قد عودتنا أمي على الاستيقاظ باكرا و إنهاء الأشغال باكرا، الشيء الثاني الذي كنت لا أجيده غسيل الثياب، و لكن بما انه هناك غسالات اتوماتكية فلم اعتبر هذا إشكال كبير
الحاصل كان زوجي من عائلة تجيد و تتفنن في الطبخ، لا يأكلون الصابح، كل و جبة يجب تحضير من الخبز الى الى السلطة كل شيء طازج، و أضاف زوجي الى ذلك بعض الشروط: لا لطعام المطاعم و لو كان من أفخرها،
اذا بعثت لي أمي الطعام يبقى فوق الطاولة كطبق ثاني، و في كل الحالات يجب ان يكون في المطبخ و جبة بيتي الطازجة و من يدي، و كان هناك كثير من العزومات لعائلات أصدقاء زوجي.
الحل عندي انني اشتريت الكثير من كتب الطبخ، و كنت اهاتف اخواتي البنات عندما احصل في شيء، و بالطبع كان هناك من يساعدني في العزومات، و بالطبع بكيت قليلا في اول عام لي في مطبخي، ثم تأقلمت و انتهت الحكاية.
الحاصل ليس المشكل في جهل شيء من أمور تدبير المنزل، المشكل فيمن لا تجد إشكالا في ذلك و تصر على البقاء على ما كانت عليه، و العلم بالتعلم، و من يستهن الصعاب يمضي بحياته قدما.

[beautifulmin85]

انا ايضا مثل الاخ التبسي قرات وكان لي رأي معين أردت طرحه ولما وصلت لكلمة البرمي

غيرت رأيي فأنا واحد من الشباب لا أستطيع أن أقبل فتاة عندها برمي صراحة غيرتي ورجولتي تمنعني

ناهيك عن الصفات التي اعترفت بنفسك أنها فيك والتي لا تؤهلك لكي تكوني ربة بيت

صحيح لو كانت مجرد هفوات كان يمكن تداركها وتحسين حالتك وتتغيرين للإيجابية لكن أعرف جيدا

الفتيات اللواتي يفكرن بنوع من انواع التفكير وهو الحرية والسياقة السيارة والاكل في المطاعم والبيتزا وووو

الأخ حسب ما قلتي مقبول خلقا وشكلا ومستوى وانتي كما قلت بنفسك لست مناسبة له

اظن انه هو من عليه ان يبحث عن من تكون مناسبة له ولرغباته الشرعية والتي لا غبار عليها

والتي أي شاب عاقل يفهم معنى الحياة الزوجية يشترطها ويحرص عليها

على كل حال هو ربي يجيبلو الي تستاهلو وتقوم بيه وانتي ربي يعطيك على قدر نيتك وهي فرات

[nilly]

العضوات قساو عليك بزاف وصح لقال عدوة المراة هي المراة . شوفي انتي ميلقلكش هاد راجل هو مزير بزاف وكلشي ممنوع عنده هد اكيد عربي ومشكيتش لو كان تتزوجي بيه راح تنجحي.
اما ادا حصل وتزوجتيه راح تتبصاي بالاول ومبعد توالفي وفيما يخص العرضات انتيا ديري لتقدري عليه من طبخ وزيني روحك مليح لانه لازم تلقاي وقت بين طبخ وتزيين نفسك لانه راح تستقبليهم اكيد هو قالك . تديهم لتاي وتدخلي عندهم ترحبي بيهم وتقعدي بجانب راجلك تقعدي برك شوي لانك ماتعرفيهمش ومبعد تديهم الماكلة واكيد راح تاكلي معاهم والا راح يزعفوا منكم .
انا ثاني منحبش العرضات بصح راجلي وصحابه ديما عايشين بالعرضات صامتين من صحابه ونساهم نسلم عليهم ونخرج اما لنستطلفهم نورمال نهدر معاهم. وكي عاد راجلك يحب العرضات فملا حتى الخرجات راح تخرجوا كيفكيف كيما البحر ولا كي تروحوا لكاش نزهة
ربي يعونك خممي مليح