مشاهدة النسخة كاملة : موضوع مميز بمناسبة شهر رمضان.... دورة طبخ للمبتدئات
السلام عليكم و رحمة الله
اهلا بكم غالياتي في دورتنا الرمضانية لتعليم اسس الطبخ للمتدئات
https://cdn.fbsbx.com/v/t59.2708-21/13286618_287745338230649_1761281640_n.gif?oh=52f68 8da77f975a9c087837011efda0b&oe=57511E95
فتحت هذا الموضوع اجابة لطلبات الكثير من العضوات خاصة المتزوجات حديثا و المقبلات على الزواج لي عندهم صعوبات في الطبخ و حابين يتعلموا ابسط الاشياء عن المطبخ
يعني الوصفات لي راح نحطوها هي وصفات معروفة وواساسية في المطبخ الجزائري.
لكن ....
هذه المرة لست انا من سيلقي الدروس بل انتم غالياتي حراير الجلفة
كل يوم راح تحط اسم الطبق و طريقتي في طهيه و انتم كل واحدة تدخل تحطلنا طريقتها و و صفتها الخاصة و هكذا كاااامل راح نستقفادوا
حبيباتي
فلنبدأ على بركة الله
نتمنى التفاعل منكم حبيباتي جزاكم الله كل خير
اليوم عندنا زوج اطباق
معرووووفة و ضروووورية في مائدة رمضان و هي
شربة فريك
الحريرة
بالنسبة لشربة فريك ساضع طريقتي لاحقا
اما الحريرة صراحة عمري درتها و راح نتعلمها منكم باذن الله
هيا اتحفونا بوصفاتكم غالياتي
ملاحظة :الاخوات الاكثر فعالية و مساعدة راح تكون عندهم مفاجاة اخر الشهر الكريم
ثانيا يا ريت كل المشاركات تكون وصفات كي لا تضيع العضوات بين الردود ووالصفحات
و اي اخت عندها سوال بخصوص طبق معين تسأل على راحتها
الرجاء الاماني المجد
2016-05-28, 10:51
صباح الخير اختي زينب شكرا على الموضوع
انا كنت منعرفش حويج بزاف تعلمتهم منكم بارك الله فيك وفي الحرير
اسمهان79
2016-05-28, 16:34
سلام الله عليكي حبيبتي زينب
ديما عندك أفكار جديدة في هذا المنتدى
ربي يبارك في صحتك حبيبتي ويعطيك العافية يا غالية
فقط عندي اقتراح لو مفيهاش ازعاج
لو تفتحي موضوع وتقفليه باه يكون عندك الحق غير انتي تردي فيه وتجمعي في كل صفحة الوصفات اللي راح يفيدونا بيهم البنات هوما يحطوهم في هاذ الموضوع وانتي تنقليهم يعني كل صفحة مختصة بحاجة
هكذا راح يسهل علينا البحث
تقبلي مني الاقتراح حبيبتي
وتقبلي مني فائق الاحترام والتقدير
اختي زينب الموضوع رائع ورايح يستفاد منوالكثير الكثير ....كي نطيب موضوع من لي تقترحي ...نحطو مع الصور ان شاء الله
بارك الله فيكم الاخوات ...وكل وحدة وطريقتها ولمستها واكيد رايعة
شوربة فريك و حريرة بايادي حراير الجلفة
شوربة فريك لاسمهان 79
كاين انواع وانواع من الشربات شربة فريك شربة فارميسال لسان العصفور شربة مرمز لحريرة شربتنا اليوم بالفريك وفي منطقتي ناكلوها بزاف وكل وحدة وطريقتها في التحضير
نحتاج الى حبة بصل كبيرة سنات ثوم حبة كماطم كبيرة او زوج صغار مقطعين رقاق 2 م ك طماطم مصبرة 1 م ك هريسةملح فلفل اسود افاح شوية زيت دبشة لحم غنمي شوية من صدر الدجاج
http://cdn.top4top.net/i_d82bd1d0b27.jpg
التحضير
نحط كلش في برمة نتاع الفخار صراااااحة انا كون ما نطيبش الشربة في برمة نتاع فخار ما جينيش شربة هاذ القدرة عندها معايا شحال من عام وربي يبارك شربتها ما تتشبعش
http://cdn.top4top.net/i_6400f632fe5.jpg
نعمل معاهم نصف كاس ماء ونغطي عليها ونحطها على نار ذليلة ومرة على مرة نحرك نقليها ملييييييييح وعلى مهلك قد ما تتقلى مليح جيك بنينة وهاذ سر من اسرار الطبخ
http://cdn.top4top.net/i_6400f632fe6.jpg
من بعد نفرغ في رحاية يدوية نحي اللحم نرجعو للقدرة ونرحي كلش مليح مع اضافة شوية ماء باه ينزل كلش هكذا تتحصلي على مرق صافي
http://cdn.top4top.net/i_4f37a3a3634.jpg
ثم فرغي في البرمة نتاعك وامرقي بالماء وخليها تطيب على نار متوسطة لما تغلي مليح وتحسي بلي اللحم والجاج دخلو الطياب لوحي الفريك
وممكن تلوحين بعد ما تغلي القدرة نتاعك من الغلبة الاولى
http://cdn.top4top.net/i_4f37a3a3633.jpg
وحركي
هاذا الرابط نتاع صنع لفريك بالمرمز راااااائع
http://www.djelfa.info/vb/showthread.php?t=1805269
ثم لوحي ديبولات نتاع اللحم المرحي تكوني محضرتهم من قبل مع عود كرافس وشوية فلفل حار
http://cdn.top4top.net/i_4f37a3a3632.jpg
مرة على مرة حركي وذوقي الا خاص ملح نحب نضيفلها مع الأخير شوية ثوم مرحي بودرة مخلط مع الكسبر
انا نحب نطيبها على نار ذليلة ما نحبش نزربلها في الطياب لما تخثار لوحيلها شوية نعناع اخضر واغلقي
http://cdn.top4top.net/i_d15ffa34c69.jpg
وتمتعي بالذ شربة فريك
قدميها مع شوية نعناع وليمون اممممممم روعة هاذاك ما نحب في رمضان
************************
شربة فريك على طريقة رتاج 07]
اختي زنوبة دائما في القمة و مواضيعك مميزة حتى انا عمري ولا درت الحريرة خخخخ ندوقها غير عند خالتي في وهران هههه*
طريقتي في شوربة الفريك امممم
نبداو باسم اللهنديرو في الفخار تاع الطين امممم روعةنرابي زوج حبات طماطم و شوية ثوم انا نديروا في المهراس خير و نزيد زوج مغارف طماطم العلب و ملعقة فلفل عكري حار و نص ملعقة راس الحانوت حنا نخدموه في الدار و ربع ملعقة كسبر مرحي و ملح و ذرة سكر و شوية دبشة و لحم و نوج ملاعق زيت عادي و ملعقة زيت الزيتون و نخليها على نار هادئة تكتك في هذاك الدواء امممم و منبعد نزيدلها الماء السخون و نخليها حتى يطيب اللحم شوية نزيد فنجان صغير فريك و شوية حمص و نخليها تكمل طيابها حتى طيب يامي يامي و كي طيب نحك شوية نعناع يابس بين يديا و نديرو فيها و شوية دبشة و عصرة ليمون و راس فلفل حار عربي و شهية طيبة
نطيبها و نحط الصور
************************
شوربة فريك ل ام اياد 13[]]
شكر اختي زينوبة دائما متألقة
انا شربة فريك نتاعي ساعات باللحم غنمي وساعات غير باللحم المفروم*
نرابي البصل فوق اللحم ونقلي على نار قليلة نضيف التوابل فلفل اسود .قرفة.قصر مرحي.فلفل احمر حلو .
انبعد نقطع عليهم قصبر وشوية نعناع والحمص وطماطم حب مسكرفجة*
نغسل لفريك وكي نشوف اللحم تقلى مليح نحط لفريك مع طماطم مصبرة ملعقة ونخلط هم ونضيف شوية ماء ساخن ونقعد نعس فيهاا ابعد نمرقها ونخليه تطيب كي نشوفها طابت وعقدت نلوحلها راس حار تاخد غلية ولازوج ونطفي ونرىميلها قصبر مقطع رقيق مع ىشة نعناع يابس تجي روعة
************************
[U]شربة فريك لom kamilia
شكرا زيوبة الكل راح يستفيد مش فقط المبتدئات حتى الشافات, هكا يمكننا التعرف على الوصفية بكيفيات مختلفة
انا شربة تاعي درتها موضوع تفضلوا فقط الصور مش واضحين كفاية
الشربة العاصمية لي ذقتها انا و للي مووالفة ننديرها , فيها بصلة شوية زيادة , لحم غنمي , قرعة , طماطم حب, كسبر حشيشة , و التوابل لي هم الفلفل الاسود , راس الحانوت , و طماطم مصبرة و بالطبع لحميصة و نعناع كاين لي يديرو يابس و لآ اخضر و طبعا في الاخير الفريك
انا طريقتي نحط ملعقة صغيرة سمن , وشوية زيت ونحط اللحم مقطع مكعبات يتقلى شوية نزيد عليه الدبشة و النعناع الا كان خضر غير وورقة و لا 2 يتجمر شوية ونضيف حبة طماطم مرحية و لآ زوج على حسب درجة النضوج تاعها وزيد يتقلى شوية نرمي حبة قرعة مقطع رقيق جدا يمكن الاستغناء عليها ونضيف التوابل ( ملح فلفل اسود راس الحانوت,, و شوية كسبر يابس و شوية حبة حلاوة تمد بنة للشربة ) ونخليها تتجمر شوية و نراقب دائما وبعد ذلك نضيف الماء الساخن على مرة يعني تتعمرالقدرة غير تغلي نرمي الحمص طبعا مرنخ و لآ بايت في الماء و طاايب نص طياب و ملعقة كبيرة طماطم مصبرة نخلي القدرة تغلي على مهلها في نار متوسطة كي نلقاو اللحم تاعنا و الحمص دخلو الطياب نضيفو الفريك لي شللناه ونرمي ربطة صغيرة تاع الكسبر نحي الاوراق نخليهم للتزيين و بالطبع هنا لي نضيف الملح
وتطيب و نعس على حساب نوعية الفريك و في الاخير قبل ما نطفولها , نزيد عليها اوراق الكسبر لي خليناها ونعناع يابس غير رشة خفيفة تغلي غلية و نطفي وفي صحن التقديم نزينو بالكسبر ( حشيش الشربة , المقطفة, الدبشة) و بصحتكم
دارت محاضرة هههه فقط حبيت نعطي لك طريقتي بالتفصيل ملاحظة بالنسبة للتوابل مين داك نلقى واجد خاص بالشربة والاهم تتجمر
هذا رد درتو للاخت ريمة بدر وان شاء الكل يستفاد , علبالي كل واحد و الوصفة ديالو بصح حبيت نشارككم طريقتي لتعم الفائدة*
نزيد نوافيكم بالصور في اقرب الاجال باذن الله*
ملاحظة فقط بالنسبة للحم ممكن ديري طرف غنمي و القطع تاع البقري و تقدري , تديريها بالجاج او بكويرات اللحم*
المرحي و والاهم عندي نحب ريحة الغنمي في الشربة والكسبر حشيشة لازم , وكل واحد و ذوقو
http://www.m5zn.com/newuploads/2015/06/18/jpg//911d6c26965e1e4.jpg
http://www.m5zn.com/newuploads/2015/06/18/jpg//57a53714be32d7d.jpg
http://www.m5zn.com/newuploads/2015/06/18/jpg//33e948be18c5897.jpg
http://www.m5zn.com/newuploads/2015/06/18/jpg//c232914a80f0f63.jpg
http://www.m5zn.com/newuploads/2015/06/18/jpg//1bf58d6a34e4e28.jpg
************************
شربة فريك ل omjoujou
مشكورة غاليتي زينوبة على هاذ الموضوع الرائع لي راح يكون قبلة لكل المبتدئات وانا منهم وحتى الشافات*
وهذي طريقتي تاع شربة فريك لي كنت حطيتها لاخت طلبتها مني
انا الشربة فريك نفضل ننصبها باللحم الخروف تجي بنيييينة وتقدري تخلطي معاها الجاج كيما تقدري ديريها غير بالجاج حسب ذوقك
بعدما تغسلي اللحم تاعك حطيه في برمة ورابي عليه حبة بصلة كبيرة 2 حبات طماطم متوسطين 3 سنات ثوم وتقدري ترحيهم في الروبو قطعي شوي دبشة شوي كرافس ودواي برمتك عادي انا ندير كسبر مرحي شوي راس الحانوت شوي فلفل اسود سوي فلفل عكري ملح وزيت مغرفة طماطم مصبرة ونخلط مليح ونحط البرمة على نار هااادية خلاص ونخليها تتقلى بعقلها والسر تاع بنة الشربة في التقلية لازم تخليها تتقلى مليح انا نقص النار على البرمة ونخليها من نص ساعة حتى لساعة وهي تتقلى بصح النار تنقصيلها خلااااااااص وامبعد نمرق بالماء السخون ونخلي هذاك اللحم يطيب
كي نشوف اللحم طاب نصفي هذيك المرقة ونضيفلها شوي طماطم مصبرة اذا شفتها شهبة وقرن فلفل حار ونخليها تهز غلية ونلوح الفريك بعدما كنت سومتو وهنا الكمية عينك ميزانك حسب الكمية تاع المرقة
ونخلي الفريك يطيب كي نشوفوا الشربة طابت نطفي عليها ونضيفلها دبشة مقطعة
ملاحظة تقدري تضيفي لي بولات تاع اللحم المرحي لشربة يعطيها بنة تقتتتتتل
انا كي نكمل نصفي المرقة ونلوح الطماطم المصبرة نلوح سع لي بولات تاع اللحم مرحي نخليهم يغليو شوي وامبعد نلوح الفريك ونخلي الشربة تطيب بعقلها
وهذو بعض الصور لشربة فريك تاع ليامات لي فاتو جمعتهم*
http://www.m5zn.com/newuploads/2015/06/18/jpg//911d6c26965e1e4.jpg
http://www.m5zn.com/newuploads/2015/06/18/jpg//57a53714be32d7d.jpg
http://www.m5zn.com/newuploads/2015/06/18/jpg//33e948be18c5897.jpg
http://www.m5zn.com/newuploads/2015/06/18/jpg//c232914a80f0f63.jpg
http://www.m5zn.com/newuploads/2015/06/18/jpg//1bf58d6a34e4e28.jpg
http://www.m5zn.com/newuploads/2015/06/20/jpg//9cde30f412ec02e.jpg
http://www.m5zn.com/newuploads/2015/06/20/jpg//2955d3036582b50.jpg
************************
شربة فريك ل؟؟؟؟
السلام عليكم الله يجعل رمضان يدخل علينا بالصحة و الربح*
اما بالنسبة للشربة تاعي هادي الطريقة
شوية زيت +سمن نقلي فيهم اللحم ولا الجاج*
من بعد نرمي حبة بصل كبيرة و حبة بطاطا وحبة جزر كبيرة و 2حبات طماطم وربطة قصبر +عرف نعناع وكرافس والتوابل انا ندير ملعقة صغيرة معمرةملح وملعقة صغيييرة فلفل اسود ملعقة صغيرة عكري وقرفة عود ولا مرحية ملعقة صغيرة كل خطرة واش ندير (خطرات نديرلها حبة كبابة وحبة قرنفل صغاااار هادي اضافة ماما ربي يخليهالي) ونخليها تتقلى ملييييييح من بعد نمرق*
في هادي الاثناء نغسل الفريك تاعي ملييييح ونخليه يتنفخ فالما
كي يطيب اللحم نحي ربطة الحشيش نرميها منرحيهاش وانحي الخضر مع غراف مرق نرحيهم ونرجعهم للقدر نظيف طماطم مصبرة ماشي بزاف والحميصة وكي تغلي نقيس لفريك*
كي طيب ونطفي نظيف قصبر مقطع ونعناع هادي هي شريبتي ان شاء الله تعجبكم
والا حبيت شربة فرميسال نرحي البصل و الطماطم ونقليهم مع اللحم وندير الجزر والبطاطا مقطعين مربعات صغار (تقدري ديري قرعة جلبانة ...)ونخلي الكل يتقلى مليييح و نمرق كي يطيب الللحم ندير طماطم مصبرة ونرمي الفرميسال او لسان طير ......الخ والحشيش مقطفة بعد ما نطفي*
هادي المقادير تكفي من 2ل 3 اشخاص غير انا وزوجي ووليدي صغير الي تحب كمية كبيرة تضاعف المكونات
************************
شربة فريك ل؟؟؟؟
السلام عليكم اولا شكرا زنوبة على الموضوع حبييت نشارك بالحريرة
المقادير كالتالي
اللحم حسب المتوفر اما غنمي او دجاج ومن الاحسن يكون غنمي*
حبة بصل كبيرة مرابية
2حبات كبار طماطم تكون حمرا مرابيين
حبة جزر+حبة بطاطا+حبة لفت حلو مقطعين على 4
كمشة حمص
ربطة حشيش(قصبور)+وريقات كرافز
نحط كلش في قدر ونزيد التوابل ملعقة زيت عادي+ملعقة سمن انا شخصيا نستعمل سمن مدينة نضيف راس الحانوت والفلفل الاسودوالفلفل العكري وعود قرفة ورقة رند الملح نمرق ونخليها تطيب*
لما تطيب نحي الحشيش وعود القرفة واللحم والرند وحبيبات حمص ونطحن الباقي بالبرامكسور ونضيف الماء على حسب الحاجة ونحط القدر فوق النار ونحط حوالي ملعقة صغيرة تشيشة او فريك ملعقة صغيرة كروية الكروية مانحطهاش في الاول باش مايجيش لون الحريرة كحل وربيطة صغيرة قصبر وملعقة كبيرة طماطم مصبرة ونرد الحمص لي صفيتو نرجعو للقدر ونخليها تغلي وناخد اناء نحط فيه 2 او 3 ملاعق فرينة ونحلهم بالماء ونخليها شوية ثقيلة لما تغلي القدر نفرغ الخليط ونحرك ونشوف قوام الحريرة ماخصهاش تكون ثقيلة ومالزمهاش تجي خفيفة خير الامور اوسطها نخليها تطيب ونراقبها في البداية تعمل كيما الرغوة نراقبها ونحرك باش ماتفيضش ونقص للنار نخليها حوالي 1/2ساعة على نار مهيلة نطفي وعند التقديم نزين بالقصبر مقطع وعصرة ليمون
هذه هي الحريرة لي ماتفارقنيش رمضان كامل تصوموا بالصحة
ممكن تطالعو على هاد الرابط تقريبا نفس الطريقة الاختلاف فقط في الثوم انا منحطش الثوم
https://www.dztu.be/watch?v=eiNWgnCbg5g
************************
شربة فريك ل انا هي رزيقة
موضوع اكثر من رائع جازاك االله كل خير اختي زينب . انا طريقتي في شربة الفريك فوتوكوبي تع ام جوجو الفحلة فقط انا بحكم اني خدامة نحط البصل و الثوم و حشيشة القصبر في الروبو و نرحيهم ثم نقلي كلش كيما قالت ام جوجو بصح غير حوالي 15 دقيقة وقتي ضيق الله غالب و نزيد الماء مغلي و كي نشوف اللحم قريب يطيب منصفيش المرقة تاعي لانو كلش مطحون مسبقا نرمي الفريك بعد منكون شللتو عدة مرات و احيانا نزيد معاه دي بولات صغيرون تع كفتة اللحم او الدجاج مداوييين بشوية ثوم مع قرفة و فلفل اكحل و حشيشة قصبر و زيت زيتون تجي بنتهم امممم تع الصح .
ايه و في الاخير كي نطفي عليها نزيد مع القصبر شوية نعناع يابس نرحيه ما بين صباعتيه او اخضر كي يكون متوفر*
*************************
شربة فريك ل ؟؟؟؟
اختي زينب بارك الله فيك على الموضوع لحريرة جامي درتها لكن نقلكم على الفريك كيفاش نديرو انا نطيب في القدر نتاع الفخار جي الشربة نتاعو هايلة نرابي حبة بصل +الدرسة ثوم ملح فلفل عكري حلو وشوية حار وفلفل اكحل+ كسبر نقليهم في الزيت ثم نزيد 1طماطم مرابية +وطماطم مصبرة وحبة ماجي نقليهم شوية ومن بعد نزيد الجاج نقليه مليح ونحط الماء ثم الدبشة مقطعة نغسل لفريك وكي تغلي المرقة نلوحو انا نستعمل 5 مغارف في لتر ونص ماء جي قدقد كي تطيب نكون وجدت حبات زيتون اخضر نغليه ونقطعو ونلوحو حوالي 5 دقائق قبل منطفي لانو قدرة الفخار تكمل طياب بعد منطفي عليها ونحط دبشة ملفوق وكاين وين نعمل شربة نتاع الشعير مشي المرمز المرمز مقلي والشربة هذي مشي مقلية نفس المرقة لكن منلوحهاش حتى طيب المرقة ونخليها فقط 10د جي هايلة ومتصرش خاصة الي عندهم المعدة وصح رمضانكم
************************
شربة فريك لاستاذتي ام ياسين الزهراء
بارك الله فيك والموضوع ممتاز وقيم هكى اللي عندها استفسار ولا حاجة تصيبها هنا*
طريقتي في الشربة الفريك*
اولا باش الشربة تاع الفريك تنجح لازم اللحم غنمي ولازم الماء اللي تمرقي بيه يكون سخون*
انا نطيب في كوكوط راني مع زمن السرعة ونفضلها فيها لانها طيب ضربى وحدة*
حبة بصل كبيرة + زوج سنات ثوم وحبة طماطم حمراء وكبيرة في ميكسور نرحيهم مليح مليح مع شوي ماء بهدي الطريقة مانصفي مانحي البنة ونحطه في كوطوط مع اطراف اللحم اللي عندكم وندير الملح والفاح او راس الحانوت العكري والفلفل الاكحل الزنجبيل شوي هريسة وطماطم مصبرة وزيت مانكثرش لان الغنمي مشحم ونقطع شوي حشيش او دبشة وندير حوالي كاس ماء ونحطهم على النار متوسطة تتقلى مليح مليح وكل مرة نزيد الماء السخون طبعا وكينوصل لكمية الماء لازمة نرمي الفريك عمري لانغسلو لاني كينشريه نغرلبلو ونضفو علاش نزيد نغسلو راح تروح البنة ونحرك القدرة ونقفل عليها وادا عندك لحم مرحي ديري بولات طبعا بالتوابل وكيما موالفين نديرو متبلين وارميهم في القدرة راح تزيلك البنة وتخرجلك شربة هي المهم اقفلي على قدرتك وخليها طيب بعد ماطيب تحلي عليها راح تلقايها طابت وخثرت مليح وادا شفتي بلي مازالت مايها يعني فيها الماء يطلع غطيها نص غطاء وخليها تخثار وفي الاخير كيطفي ارمي راس حار وشوي نعنان يابس وغطيها
حبيت برك ندير ملاحظة للبنات اولا علاش تصفو المرقى خسارة البنة وكلش راح يروح ارحوهم مليح مايبان والو*
ثانيا بما اني من ارض الفريك يعني بلادنا بلاد الفريك لازم يطيب مع اللحم عمركم لاترموه في الاخير كيما الدويدة*
في الاخير علاش تغسلوه راح تقولولي الغبرة ووووووو انفضوه في الغربال كلش يروح راكم تنحولو في البنة والريحة اللي تجي فيه وهي ريحة الارض*
************************
شربة فريك لام سدرة
مساء الخير راح نحط طريقتي في تحضير الشربة
المقادير:قطع لحم نفضل يكون هبرة مافيهش العظم حبة بصل 2 حبات طماطم 3 سنات ثوم دبشة كرافس*
رأس الحانوت وملح فلفل اسود وعكري 3 مغارف زيت مغرفة ونص طماطم مصبرة ونقلي مليح على الاقل 20 إلى 30 دقيقة*
ومن بعد نمرق ونخليها حتى يطيب اللحم ونصفي المرقة بصح انا مانرميش البصل والطماطم لي يقعدو في الكسكاس لي نصفي فيه نعاود نرحيهم ونرجعهم في المرقة باش جي خاثرة مليح ونرمي الفريك تاعي الكمية على حساب أفراد العائلة كل وحدة تحط الكمية لي بغات ونخليها تغلي حتى تختار*
ان شاء الله نكون وفقت في الشرح
************************
[U]حريرة وهرانية لحياة نورالدين*
السلام عليكن*
بارك الله فيك على الموضوع روووووعة*
الحريرة الوهرانية راني دايرتها موضوع*
السلام عليكم هذه الحريرة علمتهالي عجوزتي ربي يحفظها*
المقادير
اطراف دجاج او لحم او داند
بصلة
ثوم
حبة بطاطا، حبة قرعة، من ثلاث الى اربع حبات جزر ، لفت ، كرافس، حشيش ، حبة طماطم حمراء مرابية او مقطعة صغير،ملح، فلفل اسود، راس الحانوت، زنجبيل، كركم، قرفة، كروية ، فلفل عكري ، طماطم مصبرة نقلي الكل جيدا ثم نضيف كاس ماء وكاس صغير فريك او تشيشة نقصل لنار ونتركها تغلي مع الخلط مرة على مرة باش متتحرقش الفريك ثم نمرق ونتركها تطيب
بعد ما تطيب ننزع اللحم ونرحي الخضر وهنا رايحة تكون بنة حريرتك
ادا خصها الماءزيديلها ثم اضيفي الجومبو و راس الحانوت و الزعتر مع الفليو مرحيين احنا نشروه نيبسوه وندقوه وقادرة تلقايه واجد و ثوم مرحي او سنة ثوم مرابية وكروية وفلفل حار وكمون الكل بكمية ملعقة صغيرة نتركها تغلي ثم نطفي ورايبحة تكون الدددددددد حريرة
************************
شربة فريك قسنطينية لاسيا 25
السلام عليكم ورحمة الله وبركاته*
شربة الفريك القسنطينية:
نقلي لحم غنمي من الأفضل تاع لي كوط و اللي يحب يزيد صدر دجاج مع ملعقة سمن حبة بصل كبيرة و حبة طماطم مرحية و ملعقة طماطم مصبرة, ملح فلفل أسود راس الحانوت و فلفل عكري و كرافس مقطعة و السر لازم تتقلى مليح مليح على نار هادئة أنا نقليها تقريبا 40 دقيقة و نستعمل قدر طين الشربة تاعها لا يعلى عليها ثم نمرق بماء ساخن و نرمي كريات من اللحم المرحي المتبل بملح و فلفل أسود و راس الحانوت و شوية بصل و فرينة الفريك و الدبشة و لما تغلي نلوح الفريك مع ملعقة فرينة الفريك نحرك و نخليها على نار هادئة مع التحريك المستمر باش ما يلصقش الفريك فالقاع و يشيط لازم كل دقيقتين نروح نحركها و لما تطيب نلوحلها واحد حار و دبشة مقطعة و نحرك و نغلق عليها باش تتنسم لاحظت أنو في مناطق أخرى من الوطن يديرو الثوم و الحمص و النعناع حنا في قسنطينة ما نديروهمش و أكيد في شهر رمضان المعظم راح نصورلكم شربة الفريك اللي نعملها.
سلام
************************
شربة فريك لايزابيل*
الله يبارك على حراير بلادي*
الطبخ على نار جد هادئة سر البنة في طيابي*
الشربة تاعي نقلي اللحم مع البصل وطماطم حب والثوم المعدنوس وحشيش مقطفة فلفل اكحل مانكثرش الكسبر وفلفل حلو احمر
ندير قطعة لحم وقطعة دجاج تجي بنة رهيبة الفريك نحطوا كي يقرب اللحم يطيب والطماطم المصبرة قبل ما نطفي بعشر دقائق هي والفلفل الحار
************************
شربة فريك لساجدة 82
سلام .شكرا اختي زينب على هدا الموضوع الرايع .نحط طريقتي في الشربه وكي نقدر نخط لحريره تاع لمغاربه
بسم الله .اولا من اسرار البنه تاعها التقليه يعني تتقلى على نار هاديه*
ندير طراف لحم غنمي فيهم شحم وطراف دجاج .نرحي حبه بصل وثوم ونرحيهم مليح تكوني درتي زوج او ثلاث ملاعق زيت وملعقه ص زبده وومكن تيتغناي عليها تفرغي البصل تاعك.وتخلي يتقلى مع اللخم على نارهاديه .ترحي حبتين كبار تاع طماطم مع ربطه دبشه رحي ناعم وتضيفيهم بمري كنت نلوح الدبشه نربطها بخيط حتىةشفت عجوزه ختي عامريه حره خههه ترحيها والله ماتبان لخضوره تاعها .
من بعدندير التوابل اللي هوما فلفل اسود وقصبر مرحي وفلفل احمر .ملح ..كاينه حاجه كنت حاقرتها ولقيتها تزيدها بنه .عود كرافس اممممم وتقلي على نار قليله بلامانكثرو الماء انا نلحق حتى قريب ساعه تقليه ونضيف الماء بالكاس يكون سخون بالشوي .بعدماتتقلى مليح .تكون راحت ريحه لبصل نمرق بالماء السخون ونخلي كل شي يطيب منين يطيب اللحم اكثر من نص الطياب نلوح لفريك ناعي بعد مانغسلو نقولو غرفيه .وندير معاه زوج ملاعق مرمز ونزيد ربطه دبشه هاد المره باش تبقى ريحتها نربطها بالخيط فقط نسيت طماطم مصبره انت تتحكمي فيها كاين اللي مايحبش الحمراء بزاف او يستغنى عليها .وراس فلفل حار كامل كي نمرق نرميه فيها .المهم لفريك يبقى حوالي نص ساعه يطيب طبعا على نار هاديه وطبعا منين توجد تطفي عليها وقد ما وجدت قبل الوقت وركحت تجي ابن .نتمنى نكون افدتكم .
عند التقديم نضيف دبشه مقطعه رقيقه وفلفل حار .واللي تحب تعمل بولات لحم كفته ممكن انا مش دايما نديرهم
/CENTER][/SIZE][/I][/B]
samiasoma
2016-06-01, 05:43
يعطيك الصحة اختي زينب موضوع رائع كلنا رايحين نستفادو بارك الله فيكي وفي كل الاعضاء
حياة نور الدين
2016-06-01, 14:50
السلام ليك اختي زينب كان هناك نفس المةضوع وحطينا فيه وصفات للحريرة والشربة
ايه حيوووته حتى انا حرت كنت حطيت الشربة و بزاف حطو ملقيتش الردود ان شاءالله تدخل الاخت زينب و توضحلنا
السلام ليك اختي زينب كان هناك نفس المةضوع وحطينا فيه وصفات للحريرة والشربة
اهلين حياة راهم لفوق الوصفات كنت نجمع فيهم برك
Simassim
2016-06-01, 15:44
السلام عليكم.
حنا الفريك. مانعرفوش. نديرو. الحريرة. اما بالتشيشة او الفرينة. وصفتنا. حنا. نديرو فيها. خضرة. حيلة. للي مايكلش الخضار
حريرة. تشيشة.
نقطع بصل. و بوارو. اذا متوفر. مع لحم. غنمي او الدجاج. جناحين والظهر يكون. عضام فيه. تحط عليهم. شوي عصير ليمون . تقلي ملييح بالزيت منبعد نضيف. نص حبة جريوات وحة كبيرة. جزر او زوج صغار. يمكن حبة لفت صغيييرة اختيدري. طماطم. زوج حبات متوسطين. كراافس وقصبر. ربطة. صغيرة طماطم مصبرة ملعقة صغيرة.
الحمص. طايب نص طياب نحطوه. فكيس. مع عود قرفة وحبيبات كبابة اذا متوفرة
توابل. ملح فلفل اود كركم سكنجبير
وتمرق. حت يطيب اللحم والخضر.
صفي اللحم والحمص واطحن الخضر. وذوق اذا خاصها ملح او طماطم مصبرة.
ترمي عليها ملعقة ونص تشيشة وشوي راس الحانوت .وعود كرافس اذا تحب ذوق تاعو وخليها تغلي. فالاخير تضيف قصبر مقطع رقيق. مع كمون وكروية كاين. لي يضيف توم مرابيه وعصير ليمون.
تقدر تزيد بولات كفتة. فيها توم قرفة مطحونة. كمية قليييلة. ملح قصبر فلفل اسود توم مطحون او مرابية تقليها فشوي زيت. وترميها. مع التشيشة
الحريرة تاع الفرينة. نفس الطريقة. لكن. طماطم. تكون زيادة. زوج حبات كباار والفرينة. تخلطها مع الماء وطحنها بالميكسور. وصفيها قبل ماتحطها على السوب تغلي. وكيما. ندير الزيت فالمايوناز. باش ماتتكتلش. وفنفس الوقت تحرك مليح. تغلي. ربع ساعة.
المقادير. تدير خمس حت ست غرفيات.
شربة. فارميسال. تاني. نفس طريقة. لكن. تكون خفيفك شوي. نحبها بالدجاج. ونزيدلها نعناع.
سوب الخضر.
بوارو. بصله. يتقلاو مع. دجاج. حبة جريات زوج جزر توم كرافس قصبر بطاطا حبة متوسطة. وتوابل نفسها. تطحن كلشي. حت اللحم. تاع دجاج. او مرات. ندير كفتة. ونطحنها. معاهم. ورجعها تغلي. حت توصل للقوام. لي تحبي. وفالاخير. تزيدلها كمون. وقصبر. مقطع.
ايه حيوووته حتى انا حرت كنت حطيت الشربة و بزاف حطو ملقيتش الردود ان شاءالله تدخل الاخت زينب و توضحلنا
هههههه رتاج دوختك كنت نعدل فيهم بصح قوليلي ويناه وصفتك
هههههه اوكي في ميزان حسناتك وصفتي هي الثانية وراكي كتبتي وصفة marwa81o هههه هاديك وصفتي
اختي زينب رايحة نحط وصفة جاري فريك مع الصور كي نعملها بربي ان شالله
Bissane 26
2016-06-01, 16:22
موضوع اكثر من رائع جازاك االله كل خير اختي زينب دائما متألقة
لبنات واقيل ماتعرفوش طيبو شربة فارميسال ههههه
om obaida
2016-06-01, 18:38
حبيبتي زينوبة انا شربة فرميسال عايشة بيها نموت عليها سيرتو في رمضان نطيبلهم فريك ونطيب لروحي فرميسال وبارك الله فيك على الموضوع راه فادنا بزاف لحريرة جامي درتها وتعلمتها منعند لحراير كيما اختي زينب وفي رمضان نشاء الله نجربها
ملاك ملاكي
2016-06-01, 19:44
الله الله الله زنوبة موضوع في القمة الله يباااااارك عجبني اناتاني والله تعلمت كنكم بزااااااف بزااااااف في ميزان حسناتكم وديما نقولها بفضلكم وليت كي ندخل للكوزينة نحب نتفنن ونلبز ونعاود والمشكل نفرح ويعجبني تلبازي هاهاها ويا ويل عايلتي يقولو ماااالح مسوووووس ولا صامط لا طعمة ولا بنة هاهاها
مشكوررررررين الحرااااااير مي ضحكت ولا واحدة تفيدنا بالحريرة انا عن نفسي مانعرفها مانكلها مي حبيت نتعلمها وااااااع ملاكي يحبها في رمضان هاهاها يعني لاااازم نطقنعا هاهاها
ibtihal18
2016-06-01, 22:51
طريقتي في طهي شوربة فرميسال انا نموووووت عليها و نطيبها بزاف و نطيب عيني ميزاني و هذي الكمية تاعي تع زوج افراد و ناكلوها على مرتين
نقص حبة بصلة و شوية معدنوس ولا دبشة المهم حشيش *** نحب نقص بالموس مش نرحي بالروبو لازم كي تطيب نشوف هذاك المعدنوس ولا الدبشة تدور **** و سنينات ثوم بالتقريب 3 سنات كبار و طراف لحم ولا دجاج الي حبيتو و ملح و افاح ولا راس الحانوت كل واحدة كيفاش تسميه و شوية فلفل اكحل ****ما نكثرش منو و ساعات ما نحطوش تفاديا لتفاقم البواسير و مشاكل القولون **** و زيت الطبخ حوالي اربع ملاعق اكل نقلي الكل مع بعض حوالي 5 دقائق او 10 بدون وضع ولا قطرة ماء و هذي الطريقة تخلي البصل يذوب افضل و اسرع كي نشوف البصل بدا يذوب نحطلها ماء سخون كيما تتغطا اللحم شويا و نخليها تطيب كي تقرب تنشف يعني يبقا فيها قطرة ماء نحط ملعقة اكل طمام مصبرة و على حساب النوع كاينة اللي تجي حمرا بزاف نحط ملعقة اكل مش معمرة و نخليها تتقلا حتى هي و فاللخر خلاص نمرقو بالما سخون يوصل للنصف تع البرمة تع 3 لترات و نخليها تغلي شوية و مبعد نلوحلها 3/4 كاس شربة فرميسال *** الكاس اللي نشربو فيه الحليب يكون متوسط و نخلوها تطيب و النار ما تكونش قليلة و ما تكونش قاوية بزاف على خاطر لوكان نخلي النار قليلة الشربة قادرة تطيح و الماء مازال ما نشفش و تجي زغلي و الما يغلي و باش تعرفيها مليحة ولا لالا هزي منها شوية فالمغرف و خليها اذا شفتي الشربة نزلت و الماء طلع لفوق معنتها مازالت ماوية خليها تزيد تنشف و فالاخير ما ننساش كي تطفي عليها حكيلها شوية نعناع يابس رح يعطيها بنة لا تقاوم
هذي طريقتي و لو انو خاصتها الصور و لكن حبيت نشارك و التصوير منعني اني نشارك في مواضيع بزاف
تقبلو مروري
fatisousou
2016-06-02, 00:54
في ميزان حسناتك اخت زينب
انا شربتي انحط اللحم غنمي قطع صغيرة مع الزيت والسمن والبصل و 2حبات الجزر و1 قرعة و 3حبات طماطم مقسومة على 2 والملح والفلفل اكحل والكسبر المرحي وعود قرفة وحشيش الشربة والنعناع ونخليهم على النار قليلة جدا لمدة 30د بدون اضافة الماء لان الطماطم تطلق الماء ثم اضيف 2ملاعق طماطم مصبرة ونحمس قليلا ثم انمرق بالماء المغلي وعندما اطيب الخضر ارحيها ونعاود انرجعها واضيف كذالك الفريك المنقوع من قبل ونخليها اطيب وقبل منطفي عليها ب5د اضيف راس فلفل حار وقليل من حشيش الشربة ونعناع وقليل من قرفة مرحية
انشاء الله تستفادوا ولو بقليل
انا منعرفش انحط الصور هذا هو السبب لعدم اشتراكي
مع تحياتي للجميع
مع تحياتي للجميع
ام اياد 2013
2016-06-02, 06:23
اختي زينب الوصفة نتاعي كتبتي نتاع marwa81 غلطتي في الاسم ههههه
ام اياد 2013
2016-06-02, 06:30
شوربة فارمسال
حبة بصل مسكرفجة
حبة طماطم مسكرفجة
حبة كورجات مقطعة مكعبات
كمشة حمص .ملح.والتوابل .ملعقة طماطم مصبرة
صدر دجاج مقطع مربعات
حبة جزر مقطع مكعبات
حشيش مقطفة
كمشة فارميسال
نحط لبصل مع شوية زيت وندير عليهم صدر الدجاج المقطع ونقليهم شوية وامبعد نحط الطماطم حب مع الخضار المقطعة والحمص ونقليهم مع التوابل فلفل اسود وشوية قرفة وفلفل عكري ونلوح الحشيش مقطفة والملح وطماطم المصبرة وامبعد نمرقهم بالماء الساخن ونخليهم يطيبو حتى نشوفها طابت نلوحلها كمشة الفارميسال نخلها تاخد غلية ونطفيها ولوحلها راس حار وكمشة حشيش مقطفة
x ام رحاب x
2016-06-02, 07:20
السلام عليكم ورحمة الله وبركاته
اخواتي وحبيباتي الله ايبارك كل وحدة وطريقتها بصح المضمون كامل تعرفو اطيبو الشريبة
انا انقولكم سر الشربة وباه اجيكم الشربة فارميسال بنينة كثرولها الطماطم الحب اجيكم بنينة وكي اتعودو رايحين ترمو الفارميسال ديريه في مقلة وديريلو شوية زيت واقليه شوية كي ترميه في المرقة مايتحرحرش ايجيك هايل ومايتعجنش ماطيبتش شوربة كون صورتلكم شربتي
om obaida
2016-06-02, 08:12
السلام عليكم ورحمة الله وبركاته
اخواتي وحبيباتي الله ايبارك كل وحدة وطريقتها بصح المضمون كامل تعرفو اطيبو الشريبة
انا انقولكم سر الشربة وباه اجيكم الشربة فارميسال بنينة كثرولها الطماطم الحب اجيكم بنينة وكي اتعودو رايحين ترمو الفارميسال ديريه في مقلة وديريلو شوية زيت واقليه شوية كي ترميه في المرقة مايتحرحرش ايجيك هايل ومايتعجنش ماطيبتش شوربة كون صورتلكم شربتي
ربي يحفضك ام رحاب لكن قوليلي نحمرها ولا نحمسها غير شوية وربي يجازيك خير
ماشاء الله يا حراير
غالياتي الصور غير مهمة المهم الوصفة تكون بالشرح المفصل جازاكم الله خيرا
السلام عليكم ورحمة الله وبركاته
اخواتي وحبيباتي الله ايبارك كل وحدة وطريقتها بصح المضمون كامل تعرفو اطيبو الشريبة
انا انقولكم سر الشربة وباه اجيكم الشربة فارميسال بنينة كثرولها الطماطم الحب اجيكم بنينة وكي اتعودو رايحين ترمو الفارميسال ديريه في مقلة وديريلو شوية زيت واقليه شوية كي ترميه في المرقة مايتحرحرش ايجيك هايل ومايتعجنش ماطيبتش شوربة كون صورتلكم شربتي
اهلين بحرة الحراير ماتحرميناش من وصفاتك و نصايحك يا مبدعة راح نجرب هاذي الفكرة باذن الله
x ام رحاب x
2016-06-02, 08:17
ربي يحفضك ام رحاب لكن قوليلي نحمرها ولا نحمسها غير شوية وربي يجازيك خير
لالا اختي ماتحمريهاش اقليها غير شوية كي اديريها في المرقة ماتتعجنش
x ام رحاب x
2016-06-02, 08:19
زينب الله ايعلي مقدارك وشانك حبيبتي ربي يبارك فيك ويجعلها في ميزان حسناتك الشربة القيتها كامل الوصفات كيف كيف بصح راني الاطباق الجاية انشارك فيهم من عيوني حنونة
السلام عليكم ورحمة الله وبركاته
بالنسبة للشربة فارميسال أنا نعملها بيضاء:
نحط قطع دجاج مع حبة بصل و سنينات ثوم و ملح (ما نكثرش) فلفل أبيض شوية كركم طبعا و ملعقة زيت و ملعقة زبدة و نقليها مليح ثم نمرق بماء سخون و ما نكثرش تقريبا نمرق ب 1.25 لتر ماء و نلوح فيها كويرات من اللحم المفروم المداوي بملح فلفل أبيض ثوم بودرة و بيض و معدنوس مقطع رقيق جدا و شوية شابلير و نخدمهم مليح باش يرطابو و ما يتفتحوش لما نرميهم في المرق و نخلي البرمة تاعي تغلي على نار هادئة باش ما يتقلصش المرق قبل ما تطيب أصلا الدجاج ما ياخدش وقت كثير فالطياب خصوصا إذا قليتيه مليح, من بعد لما يطيب الجاج و اللحم نلوح كمية من الفارميسال و نخليها قليلا حتى تطرى و تطيب و نطفي عليها و نحطلها معدنوس مقطع و عصرة ليمون و نغلق عليها و نخليها إلى وقت التقديم حيث نقدمها بالمعدنوس و رونديلات ليمون و تجي خفييييفة و لذيذة حنا كي نحبو نريحو من الفريك نديروها
حياة مليزي
2016-06-02, 11:15
بارك الله فيك اختي رابي يحفظك
mosta*limoges
2016-06-02, 12:59
الله الله الله زنوبة موضوع في القمة الله يباااااارك عجبني اناتاني والله تعلمت كنكم بزااااااف بزااااااف في ميزان حسناتكم وديما نقولها بفضلكم وليت كي ندخل للكوزينة نحب نتفنن ونلبز ونعاود والمشكل نفرح ويعجبني تلبازي هاهاها ويا ويل عايلتي يقولو ماااالح مسوووووس ولا صامط لا طعمة ولا بنة هاهاها
مشكوررررررين الحرااااااير مي ضحكت ولا واحدة تفيدنا بالحريرة انا عن نفسي مانعرفها مانكلها مي حبيت نتعلمها وااااااع ملاكي يحبها في رمضان هاهاها يعني لاااازم نطقنعا هاهاها
راكي تضحكي علينا ياااه و على حريرتنا راهي حطت الأخت حياة نور الدين وSimassimالحريرة و أنا الرد نتاعي حذف لا أعرف لماذا ٠٠٠٠ماعليش
على حساب الردود نظن شوربة الفريك ما تختلفش بزاف على الحريرة فقط الإختلاف حنا في الغرب نديرو دشيشة و ثاني في لحريرة نكثرو التوابل و شوربة الفريك بالفريك
،،ايمان،،
2016-06-02, 14:27
في ميزان حسناتك زينب اختي
انا نعرف الحريرة بما اني من الغرب و نعرف الجاري بما اني متزوجة من الشرق
مختلفين تماما ذوقا و شكلا
الجاري لازم اللحم عكس الحريرة متحتاجش اللحم بزاف يا رب جناوح لانه فيها الخضر كاملة و سر الحريرة هو راس الحانوت تع مغنية تلمسان
الحريرة تاعنا نحطو قطعة تع دجاج او لحم جزر ربع حبات مثلا طماطم حبة كبيرة بصل حبة كبيرة دبشة او القسبر بالزايد و بطاطا حبة طماطم معلبة و فقط نقلو في شوية زيت و حط التوابل ملح فلفلاكحل و راس الحانوت و زعفران و نضيف راس كامل ثوم
لما تطيب الخضر نرحيها بالبرا و نزيدلها شويا مى و ادا حبيتي ثقليها ثقليها بشوية ماء مذاب مغرف فرينة فيه
نضيف التشيشة الرقيقة و نزيد مغرف كبيرة راس الحانوت و نخليه يغلي حتى تطيب الدشيشة و نطفي
اهم سر من اسرار الحريرة هو راس الحانوت لازم
و الجاري راهم ذكروه الاخوات فقط جاريتع حماتي تقلي الفريك مع البصل و الطماطم و ديره بدون خضر بصل و طماطم و دبشة فقط
و انشاءالله نصورلكم الحريرة من مطبخ الوالدة
دانية لينة
2016-06-02, 15:24
السلام عليكم كل الشكر للاخت زينب على الموضوع الجميل و نشالله نفيد فيه باسم الله
نستعمل ملعقتين زيت و راس بصلة كبير مقطع و قطع لحم غنمي او بقري قليل من الملح و نخليهم يتقلاو حتى تصير البصلة شفافة نزيد الطماطم حب نستعمل 3حبات متوسطة (انا لا استعمل طماطم مصبرة من اجل الاطفال ) و سنات ثوم ملح فلفل اسود كمون ربع ملعقة قهوة قرفة ربع ملعقة قهوة كسبر ملعقة كبيرة معمرة مليح راس الحانوت ملعقة صغيرة معمرة و فلفل احمر كرافس و دبشة مربوطين
نخلي كلش يتقلى في غرضو( انا نحب ااستعمال القدرة اكلها غير)و كل خمس دقايق نحرك و نضيف القليل من الماء حتى تمر نصف ساعة او اكثر نصفي المرق مع اضافة شوية ماء ساخن اعيد قطع اللحم و حبة بطاطا صغييييرة حبتين سنارية و حبة جريوات حبة فلفل من الافضل احمر كمشة روز مغسول و كمشة عدس احمر و كمشة حمص انا نحب نرحيه مد ذوق رايع ع للحريرة (الي تحب تصفي في الكوكوت و تكمل فيها الطياب بسرعة او تكمل في القدرة )عند نهاية الطهي انزعي اللحم و ارحي باقي المكونات (انا لا اضيف العقدة في الاخيرة لانها
تكون عاقدة و بنينة )
mosta*limoges
2016-06-02, 15:36
لا عليك أختي زينب رد نتاعي مالقيتوش أصلا ماكنتش كاتبة بالتفصيل نعاود نكتب طريقتي في لحريرة ماشي خسارة فيكم لأنني تعلمت منك و من لأخوات حوايج بزاف بارك الله فيكم
أساس لحريرة هي الدشيشة و أحسنها نتع لمرمز و حشايش نتع الحريرة و راس الحانوت
على نار هادئة ندير لحم يتقلى مع بصل و الثوم و حبات جزر و حبة بطاطا وقرعة و طماطم و شوية حمص ربطة قصبر و معدنوس و نعناع يابس يعطيها وحد لبنة إمممم و نضيف التوابل نتاعنا فلفل أسود كروية راس الحانوت طبعا الملح و حشايش الحريرة (زعتر فليو و النوخة) ثم نضيف طماطم نتع لقوطي و نمرق و نخليهم يطيبو من بعد ننزع اللحم و نطحن الخضر و نرجع كل شي للطنجرة و نضيف حوالي 2مغارف دشيشة و نخليها طيب مليح وعلى نار هادئة مع التحريك المستمر و مين نجي نطفي عليها نضيف قصبر مقطع و شوية راس الحانوت و حشايش الحريرة اللي ذكرتهم سابقا و شهية طيبة و هادي دشيشة اللي نستعملوها هادي راهي مخلطة مرمز مع الشعير
http://www.up.djelfa.info/uploads/146487805747161.jpg
دانية لينة
2016-06-02, 15:51
السلام عليكم
طريقتي في الجاري لحمر
في القدرة دايما
ملعقتين زيت بصلة واحدة كبيرة مقطعة مربعات صغيرة جدا هذه المرة و قطع من اللحم غنمي من الافضل او بقري و حتى دجاج نقلي جيدا مع رشة ملح تساعد البصل باه يطلق الماء نتاعو حتى تصبح البصلة شفافة و نضيف 3حبات طماطم مقطعة و سنات ثوم و نقلي جيدا جيدا و نضيف التوابل ملح فلفل اسود فلفل احمر و ملعقة كبيرةمملوءة جيدا كسبر الي يحب الحار ممكن يضيف ملعقة صغيرة هريسة او فلفل احمر حار(انا نزيد الحار في الصحن نتاعي فقط )دبشة و كرافس مربوطين للنكهة
نخليها تتقلى على مهلها مدة نصف ساعة او اكثر حتى ساعة غير ربع و كل خمس دقايق نحرك و نزيد شوية ماء و نجهز ماء ساخن و نصفي بيه المرق المتحصل عليه نعاود نرجعو للقدرة و قطع اللحم و نخلي اللحم يطيب مليح مدة ساعة غير ربع نوجد لحم مفروم و نصف بصلة صغيرة رابي في لا راب تاع ثوم و ملح و فلفل اسود و روز مرحي رقيييق (نتاع محلبي)و نجمع اللحم و نعجنو شوية و نشكل كرات نحطها في الثلاجة كي تمر النصف ساعة نضيفها للمرق و نخليها تكمل الربع ساعة مع اللحم الاول و نسوم الفريك نصف كاس صغير و نصفيه و نضيفو و نخليه على نار قليلة ايضا حتى يطيب مع قرن فلفل حار و طماطم مصبرة ملعقة كبيرة نحلها في القليل من المرق و نضيفها للجاري
للتزيين ممكن نعناع يابس مفتت فوق الصحن او في القدرة او دبشة انا نحبو بعصير القارص و الهريسة مممم )
في ميزان حسناتك زينب اختي
انا نعرف الحريرة بما اني من الغرب و نعرف الجاري بما اني متزوجة من الشرق
مختلفين تماما ذوقا و شكلا
الجاري لازم اللحم عكس الحريرة متحتاجش اللحم بزاف يا رب جناوح لانه فيها الخضر كاملة و سر الحريرة هو راس الحانوت تع مغنية تلمسان
الحريرة تاعنا نحطو قطعة تع دجاج او لحم جزر ربع حبات مثلا طماطم حبة كبيرة بصل حبة كبيرة دبشة او القسبر بالزايد و بطاطا حبة طماطم معلبة و فقط نقلو في شوية زيت و حط التوابل ملح فلفلاكحل و راس الحانوت و زعفران و نضيف راس كامل ثوم
لما تطيب الخضر نرحيها بالبرا و نزيدلها شويا مى و ادا حبيتي ثقليها ثقليها بشوية ماء مذاب مغرف فرينة فيه
نضيف التشيشة الرقيقة و نزيد مغرف كبيرة راس الحانوت و نخليه يغلي حتى تطيب الدشيشة و نطفي
اهم سر من اسرار الحريرة هو راس الحانوت لازم
و الجاري راهم ذكروه الاخوات فقط جاريتع حماتي تقلي الفريك مع البصل و الطماطم و ديره بدون خضر بصل و طماطم و دبشة فقط
و انشاءالله نصورلكم الحريرة من مطبخ الوالدة
بارك الله فيك غاليتي
اذا ممكن تقولينا مكونات راس الحانوت تاع مغنية
ذات النورين
2016-06-02, 16:41
مساء النور
راني متاخرة كي العادةبصح ماعليش حبيت نفيدكم بطريقتي في الحريرة
انا ندير حبة بصل كبيرة مقطعت رقيق شوية ونص راس ثوم نفس التقطيع وشوية زيت زيتون ونحط فوقهم الدجاج او اللحم ونقلي مليح عاد نضيف التوابل اللي هي راس الحانوت الملح الفلفل الاسود والعكري الكبابة ووحيدة صغييييرة نجمة الارض وسكنحبير وشويييية قرفة وقصبر مرحي وكركم كي يتقلاو مليح نضيف وحبة كبيرة طماطم مقطعة صغيييرة وانا نحطها في ماء مغلي قبل ثم في ماء بارد من الحنفية باش يسهل عليا نزع القشرة تاعها ونزيد نقليها معاهم ونحبة جزر كبيرة مقطعة دوائر وحبة بطاطا متوسطة مقطعة مربعات وحبة كورجات ربيطة قصبر ومعدنوس نحطها معاهم ونحط شوية حمص في كيس غذائي معاهم ونضيفلهم كاس ماء نذوب فيه ملعقة كبيرة طماطم مصبرةونخليهم يتقلاو مليح عاد كي يحب الماء ينشف نزيد نمرق قد ما يتغطى اللحم كي يطيب اللحم ننزعو من القدر هو و ربيطة الحشيش وكيس الحمص ونرحي الخضار ونصفيها ونعاود نرجعها للقدرة مع الحمص بعد ما نكون نحيتو من الكيس
ونحط عليها مقدار من تشيشة مرمز مخلطة مع شويييية فريك تمد بنة رائعة ونخليها تغلي حتى تطيب التشيشة نحك عليها شوية نعناع يابس و نزيد دي بولات تاع اللحم المرحي متبل بالملح الفلفل وراس الحانوت وشوية قرفة وثوم مرحي وشوييييية بصلة مرحيةونطفي وبالصحة والراحة
اختي mosta سامحيني يمكن حذفتو من غير ماننتبه
حبيت نفهم برك يخي المرمز اصلا شعير كيفاش قلتي مرمز +شعير واشنو الاختلاف بيناتهم
مرحبا اريد الانظمام اليكم
اريد اي وصفة تكون سهلة وبدون فرن
مسا الخير حتى اليوم عاد شفت الموضوع رااااائع
رايحة نقولكم على الحريرة اللي نديروها احنا في الدار شهر رمضان كامل ما يقبلوش بغير الحريرة و لازم تكون بالبيض ;);)
الحريرة :
اولا نشمخو كاس تشيشة ما تكونش تاع المرمز ما نبغيش بنتها في الحريرة نديرو العادية البيضا نشمخوها باه ما تديش وقت في الطياب
و نشمخو ثاني حوالي 2 مغارف عدس نزيدوه كي نمرقو
في القدرة نحطو حبة بصل مقطعة -زوج و لا ثلاثة حبات زرودية - البطاطا ديرو حبة صغيرة ما تكثروش على خاطر هي ترجع المرقة بيضا كي تترحى - طرف صغير لحم او جاج - ورقة رند -
زيت و قلوها مليح من بعد زيدو زوج حبات طماطم رابي و مرقو قيس ما تطيب المرقة زيدو العدس المشمخ كمشة حمص مشمخ الملح زوج مغارف طماطم مصبرة مغرفة فلفل احمر غبرة مايكونش حار شوية زعفران كركم (عرق اصفر ) راس الحانوت فلفل اسود حبات كبابة ربطة كبيرة قسبر و عرف صغير كرافس و وخلوها تطيب
بعد ما تطيب المرقة تصفوها من الخضر و اللحم و نرحوها بالمكسور او الرحي اليدوية كيما تبغو و نحطو التشيشة و نخلوها تطيب من بعد شوفو اذا كانت خفيفة زيدولها مغرفة فرينة حلوها في فنجال ما بارد حلوها مليح باه ما تديرش كويرات
في الأخير جيبو حبة بيض و اخفقوها بالفرشيطة و إبداو تزيدو فيها للحريرة و هي تغلي بالشوية البيض راح يولي كيما الخيوط داخل فيها خلوها تغلي زوج و لا ثلاث دقائق من بعد طفو الناو و زيدو ربطة قسبر و رشة كمون و راس الحانوت و كاين عندنا و حد التوابل خاصة بالحريرة ما نعرفش مكوناتها بصراحة نشروهم مخلطين مع بعض مي ذوقهم امممممممممم نزيدوهم في الأخير
فتو اللحم او الجاج و زيدولها بعد ما تطيب انا ما نبغيش نزيدو
اللي ما يبغوش البيض يقدر يستغني على هاذي الخطوة
اااااه نسيت التوابل اللي قلتلكم خاصين بالحريرة اسمهم راس الغابة
يااااااي ما فقتش بروحي كتبت رواااااااااااااية :1:
اذا لقيت عندي صور راح نحطها ان شاء الله نكون فدتكم و لو بشويه
زينب بارك الله فيك اختي على الموضوع المميز
http://www.m5zn.com/newuploads/2016/06/02/jpg//529b50a64113058.jpg (http://www.m5zn.com/out.php?code=16330662)
http://www.m5zn.com/newuploads/2016/06/02/jpg//f7eed44128c8abb.jpg (http://www.m5zn.com/out.php?code=16330661)
http://www.m5zn.com/newuploads/2016/06/02/jpg//98e39680d9bd3b4.jpg (http://www.m5zn.com/out.php?code=16330660)
اختي mosta سامحيني يمكن حذفتو من غير ماننتبه
حبيت نفهم برك يخي المرمز اصلا شعير كيفاش قلتي مرمز +شعير واشنو الاختلاف بيناتهم
عندنا في الغرب كاين زوج انواع تاع التشيشة المرمز لونها يميل للأصفر و العادية اللي يكون لونها ابيض وكل وحدة تختلف على الاخرى في طريقة التحضير يعني المرمز الشعير يكون اخضر ما زال ما يبس كي يخدموه تشيشة مي ما يشبهش الفريك على خاطر يطيبوه و كاين بزاف مراحل في التحضير انا ما نعرفهاش صراحة و النوع الثاني يخلو السنابل تاع الشعير حتى تيبس و يخدموه
شوفي هاذي مرمز
http://www.m5zn.com/newuploads/2016/06/02/jpg//c987bd4b576b1a2.jpg (http://www.m5zn.com/out.php?code=16330418)
و هاذي البيضا العادية
http://www.m5zn.com/newuploads/2016/06/02/jpg//fe5b434548c090e.jpg (http://www.m5zn.com/out.php?code=16330417)
و هنا صورتهم مع بعض باه تشوفو الفرق في اللون و كاين فرق كبيييير ثاني في البنة
http://www.m5zn.com/newuploads/2016/06/02/jpg//a3a6cacdd01850f.jpg (http://www.m5zn.com/out.php?code=16330416)
موستا العفو منك اختي جاوبت في بلاصتك :o:o
*أم سجى*
2016-06-02, 21:23
موضوع رائع شكرا لكن .....حابة برك طلب ليكن أنه لي تفيدنا بوصفة من وصفاتها ياريت تعمق الشرح جيدا مع وضع الصور ان أمكن خاصة وأن الموضوع خصيصا للمبتدئات .....انشاله تاخذو طلبي بعين الاعتبار وشكرا لكل وحدة تحط كيفية أو نصيحة وعلى رأسهم صاحبة الموضوع أشكركن جميعااااااا
مساء النور اخت زينب من فضلك حنونة الشربة تاعي في الترتيب 11 ماحطيتيش اسمي
علابالي ماشي بالعاني مشكورة
اهلين اسيا 27
شكرا على الشرح
حبيت نسالك الحريرة قلتي نصفيها من اللحم ووالخضر و مباعد ترحيها تسمى الخضر ماترحيهمش مع المرقة؟
اهلين اسيا 27
شكرا على الشرح
حبيت نسالك الحريرة قلتي نصفيها من اللحم ووالخضر و مباعد ترحيها تسمى الخضر ماترحيهمش مع المرقة؟
مسا الخير زينب
الحريرة اذا كنت رايحة تحريها بالمكسور لازم تصفي الخضرة و تحريها وحدها على خاطر اذا درتي الميكسور برا في القدرة تاع المرقة و و ارحيىتي ترجع بيضا و اذا بغيتي الرحى اليدوية ما كان لاه تصفيها ما تأثرت
ميرسي حبوبة على الموضوع
مسا الخير زينب
الحريرة اذا كنت رايحة تحريها بالمكسور لازم تصفي الخضرة و تحريها وحدها على خاطر اذا درتي الميكسور برا في القدرة تاع المرقة و و ارحيىتي ترجع بيضا و اذا بغيتي الرحى اليدوية ما كان لاه تصفيها ما تأثرت
ميرسي حبوبة على الموضوع
بارك الله فيك حبيبتي اسيا راج نجربهاوباذن الله عجبتني امممممم
http://upload.3dlat.net/uploads/3dlat.net_24_15_584b_a0d6b9926f7ea70c25fa0f1f8ac0b e21.jpg
om obaida
2016-06-03, 07:30
نعتذر من الاخت اسيا والاخت موستا حبيت فقط نقول للاخت زينب حنا عندنا المرمز اصلو من تشيشة الشعير لكن نقليوه كيما تشيشة الطمينة وشنو يكون خشين كيما لفريك وتشيشة الشعير تبقى بيصة وصدقيني تجي شريبة نتاعها ماشاء الله ومتصرش في المعدة حنا شيخي عندو القلب والكلسترول وووراكي عارفة حالت الكبر عايش غير بيها ومتضروش
نعتذر من الاخت اسيا والاخت موستا حبيت فقط نقول للاخت زينب حنا عندنا المرمز اصلو من تشيشة الشعير لكن نقليوه كيما تشيشة الطمينة وشنو يكون خشين كيما لفريك وتشيشة الشعير تبقى بيصة وصدقيني تجي شريبة نتاعها ماشاء الله ومتصرش في المعدة حنا شيخي عندو القلب والكلسترول وووراكي عارفة حالت الكبر عايش غير بيها ومتضروش
اهلين حبيبتي
ايه انا تاني غيرىشربة المرمز حنا معروف بزااف جهتنا
لكن انا حبيت نفهم كي قالت موستا تشيشة الشعير نخلطوها مع المرمز حنا عندنا مرمز واحد هذاك هو لي نديرو بيه الشربة
بارك الله فيك حبوبة
ذات النورين
2016-06-03, 08:43
اختي زينب ماعجباتكش حريرتي ههههه
علبالي ما شفتيش ردي
حبيباتي
طاجين الزيتون على اصوله كيما تاع زمان
طاجين الحلو او العين
هيا اعطيونا وصفاتكم وين راكم يا حراير ؟
اختي زينب ماعجباتكش حريرتي ههههه
علبالي ما شفتيش ردي
لا شفتو حبيبيتي يعطيك العافية حنونة
راح ننقلهم مع البقيةايا زيدينا طاجين الزيتون و الحلو
بارك الله فيك حبيبتي زينب أفكار نيرة ما شاء الله
تفضلي طريقتي في طاجين الزيتون حنا نعملوه مرق أبيض و كاين اللي يعملو أحمر
و الجاج ديمة قبل ما نجي نطيبو نرمدو ف الفرينة بش المرق ف الأخير يجي عاقد
طاجين الزيتون
المقادير:
* أطراف دجاج
* 1 كغ جزر مقطع دوائر
* حبة بصل مسكرفجة
* رأس ثوم
* زيتون مثقوب
* 1 إلى 2 م ك زيت+1 م ك سمن أو مرغرين
* 2 م ك فرينة/ ربطة معدنوس
* لعمل الكريات : 300 غ اسكالوب مرحي/حبة بيض/2 م ك شابلور/1 م ك بصل/شوية ثوم/معدنوس
* ملح+فلفل أسود+شوية كمون+كركم
* ماء
طريقة التحضير:
*في طنجرة الزيت+المرغرين حتى تذوب
* الدجاج نرشهم بالفرينة و ننفضهم، ثم كي تذوب الزبدة نحط الدجاج يتقلى حتى يتحمر من الجهتين
* نحط البصل حتى يذبال "مهم أنه يذبال" ثم الثوم على نار هادية+شوية معدنوس+ملح منكثرش+فلفل أسود+شوية كمون و نخلط
* نحضر الكريات بخلط الاسكالوب+البصل+الثوم+المعدنوس+الشابلور+حبة بيض+ملح+فلفل أسود+كمون+شوية كركم و نخلط و نعملهم كريات و نخليهم في الثلاجة
* نرجع للطنجرة نزيد للنار و نمرق حتى يتغطى الدجاج و نضيف الكركم
* كي يبدا يغلي نحط الجزر+الزيتون و نخلط
* كي قريب يكمل الطياب ¼ ساعة قبل نحط الكريات من الأحسن ننزع الدجاج إذا طاب.
* نزينها بالمعدنوس
ذات النورين
2016-06-03, 10:17
الله يسلمك اختي زينب
بالنسبة لطاجين الزيتون انا نحب نطيبو في الطاجين تاع الفخار يجي لذييييذ بشكل غير طبيعي
اولا نحط الزيتون نتاعي ليلة من قبل في الماء والخل وكل مرة نبدلو الماء حتى اللي نجي نطيبو يكون الملح هرج منو وهكذا ما يفقدش بنتو ثم نصفيه من الماء نغسلو مليح ونحطلو نص مغيرفة صغيرة سكر وهذا سر اخر يعطيه بنة على بنة
نسكرفج البصل وندير كمية لاباس بيها قيس بصلة كبيرة لانه هي اللي تساعدني باش يجي المرق خاثر
ونقليه في شوية زيت زيتون والدجاجلازم نكون مرقداتو في هاذو التوابل ليلة من قبل مع مغيرفة زيت زيتون وقيس ربعة سنينات توم مسكرفج ونفس التوابل نديرهم في الطاجين واللي هوما الكركم الفلفل الاسود سكنجبير قصبر مرحي ونقلي
ونزيد مغرف تاع ماكلة طماطم مصبرة نحب نقليها هكذاك معاهم ونرمي الزيتون يتقلى معاهم وعلى حسب اذا كان صغير نرميه في الاول يتقلى معاهم اما اذا كانت حبتو كبيرة نعمرو باللحم المفروم ونرميه بعد ما نمرق وتغلي المرقة
المهم نزيد كاس ماء فوقهم ونخليها حتى تقرب تنشف نزيد لب الليمون المصبر وحبيبات بطاطا مقطعة خشينة شوية ودائرية ونستفها فوق الزيتون ساير داير ونزيد فوقو الجزر مقطع دوائر ساير داير ايضا ونرش شوية قصبر ملفوق نمرق قد ما يتغطى الدجاج ونغلق الطاجين ونخليه على نار قليييييلة يطيب على خاطرو وهذا سر اخر لزيادة البنة
غير يطيب والمرقة تختار نزيد شوية معدنوس وحبيبات لوز محمر ومقشر نذرذرو ملفوق
ونقدمو في طاجينو وبالصحة والعافية
ibtihal18
2016-06-03, 13:57
طاجين الزيتون
في قدرة نقصو حبة بصل +شوية معدنوس+ 3 سنات ثوم+ملح+الفاح ولا التوابل اللي موالفين بيهم +فلفل اسود+4 ملاعق زيت+ حبة طماطم رابي +لحم ولا دجاج .................نقليوهم مليح فالزيت وحد 10 دقايق حتى يبدا البصل يذوب كي تلقاه بدا يذبال ضيفيلو شوية ماء سخون كيما تتغطا اللحم باش تطيب شوية كي تنشف ضيفيلها زوج حبات زرودية مقطعة دوائر باتجاه جانبي يعطيها شكل رائع خليها تتقلى شوية مع البصل و بعدها مرقيها بالماء يغلي و كي تمرقي اذا كان حطيتي دجاج نحيه خاطي و مرقي و و ذوقيه اذا طيب ما ترديهش حتى للاخير و سربيه و اذا طيبتي باللحم ما تنحيهاش مي كي تمرقي حاولي ما تصبيش الما فوق اللحم يقولو امهاتنا ربي يحظهم بلي يسماط و لوحي الزيتون تاعك بعدما تكوني غسلتيه و غليتيه زوج مرات يعني غليه المرا الاولى و مبعد قلبي الما و بدليه و زيدي خليه يغلي هكذا باش يجي طري و يطيب مليح و خليه يطيب على نار قليلة شوية يطيب بعقلو كي يقرب يطيب قصي حبة ولا 2 بطاطا صغيرة قصيها براج على 4 و قليها فالزيت شوية و لوحيها مع الزيتون و خليهم يطيبو كي يوجد حطيلو طماطم مصبرة خليها تطيب و طفي عليه و لازم يكون الصوص خاثر و كل واحد كيفاش يحبو كاين اللي يحبو فيه الما بزاف كاين اللي يحبو خاثر عن نفسي نحبو يكون خاثر ..........بعض الافكار ديتهم من مرت سلفي باباها طباخ كبير و طيابها ماشاء الله
نتاسف لعدم وجود الصور
mosta*limoges
2016-06-03, 15:25
اهلين حبيبتي
ايه انا تاني غيرىشربة المرمز حنا معروف بزااف جهتنا
لكن انا حبيت نفهم كي قالت موستا تشيشة الشعير نخلطوها مع المرمز حنا عندنا مرمز واحد هذاك هو لي نديرو بيه الشربة
بارك الله فيك حبوبة
أختي زينب كيما قالت آسيا om obaidaالمرمز أصلو شعير بصح في منطقتنا سنابل الشعير مين تكون خضرا و يخدموها نقولو مرمز أما الثاني يخلوه حتى ييبس و يحصدوه هداك نقولو لو دشيشة نتع شعير عادية ولا بيضاء و أنا فقط كانت عندي كمية كبيرة من نتع شعير خلطت معاها نتع مرمز تجي هايلة في لبنة
طاجين الزيتون نطيبو بمرقة بيضاء
قبل ليلة نصفي الزيتون من الماء نتاعوو نغسلو و نخليه يبات في ماء جديد مع نصف حبة ليمون
في طنجة نقلي قطع دجاج مع بصل مقطع رقيق و نقليهم مليح مع التحريك حتى يذبال البصل و يتقلى الدجاج ثم نضيف جزر مقطع دوائع و 2سنينات ثوم و التوابل فلفل أسود كركم و وريقات رند و شوية نعناع يابس بنتو تعجبني في الطبخ و خاصة في الحريرة و لمرقة البيضاء و نضيف الزيتون ومرات نقطعوا دوائع نمرق بماء سخون و نخليهوم يطيبو حتى تعقد المرقة و في هذه الأثناء نقلي البطاطا مقطعة دوائع و نزين بها طاجين الزيتون و شهية طيبة
موضوع جد شيق يعطيك الصحة حبيبتي الغالية علي هاذ الموضوع الذي اذا حفظ بقي للاجيال الفايس البوك كمرجع ههههه وحتي لينا حنا نتعلموا من بعضانا بارك الله في الجميع ليا رجعة مع الوصفات باذن الله
عازفة الناي
2016-06-03, 16:58
عجبني الموضوع فحبيت نشارك وان شاء الله نفيدكم و نستفيد منكم
طاجين الحلو :بطريقتي
فالطنجرة ومذابينا طنجرة تاع فخار يطيب فخاطره و يتعسل يجي يهبل
نذوب 2 ملاعق زبدة و نزيد اللحم قطع صغيرة و نقليه و بعدها نحط ورقة رند و عود قرفة و زعفران شعرة و شوي كركم و نزيد شوي ماء زهر و نغطي حتى يبدا يدخل للحم الطايب
* نكون نقعت الزبيب فماء او ماء زهر نضيفه للحم و نضيف العين بقرة و نمرق بماء الزهر و كمية قليلة من الماء ~~التمراق حتى يتغطى الزبيب و عين بقرة ~~ ونخليهم 10د و نضيف تقريبا كاس سكر و شوي و نرشة ملح ونزيد المشماش اذا متواجد ونخليهم على نار هاااادئة حتى يطيبو و يتعسلو http://www8.0zz0.com/2016/06/03/18/627097113.jpg
هنا زدت شرائح من التفاح يجي بنين تاني
http://www8.0zz0.com/2016/06/03/18/217113185.jpg
وهذا لونه وشكله بعد ما يطيب
http://www8.0zz0.com/2016/06/03/18/945697763.jpg
http://www9.0zz0.com/2016/06/03/19/413527466.jpg
http://www9.0zz0.com/2016/06/03/19/811404853.jpg
رحمة2016
2016-06-03, 17:26
عندنا في الغرب كاين زوج انواع تاع التشيشة المرمز لونها يميل للأصفر و العادية اللي يكون لونها ابيض وكل وحدة تختلف على الاخرى في طريقة التحضير يعني المرمز الشعير يكون اخضر ما زال ما يبس كي يخدموه تشيشة مي ما يشبهش الفريك على خاطر يطيبوه و كاين بزاف مراحل في التحضير انا ما نعرفهاش صراحة و النوع الثاني يخلو السنابل تاع الشعير حتى تيبس و يخدموه
شوفي هاذي مرمز
http://www.m5zn.com/newuploads/2016/06/02/jpg//c987bd4b576b1a2.jpg (http://www.m5zn.com/out.php?code=16330418)
و هاذي البيضا العادية
http://www.m5zn.com/newuploads/2016/06/02/jpg//fe5b434548c090e.jpg (http://www.m5zn.com/out.php?code=16330417)
و هنا صورتهم مع بعض باه تشوفو الفرق في اللون و كاين فرق كبيييير ثاني في البنة
http://www.m5zn.com/newuploads/2016/06/02/jpg//a3a6cacdd01850f.jpg (http://www.m5zn.com/out.php?code=16330416)
موستا العفو منك اختي جاوبت في بلاصتك :o:o
السلام عليكم يا الحراير حبيت برك نوضح الفرق بين المرمز ودشيشة الشعير
حنا المرمز هو الشعير كي يكون اخضر يفوروه تفويرة ويديروه ييبس ومن بعد يقلوه في طاجين الطين ويرحوه يجي بنتو خيالية في الشربة و دشيشة الشعير هي تاني نعيطولها المرمز نشروها من برا واجدة وهي شعير لكن يابس نورمال ومرحي يعني حنا المرمز نشروه عند النسا هاداك اللي يجي بنين وكاين العطارين اللي يبيعوه
جنة الفردوسْ
2016-06-03, 20:39
سلام اختي زينب الف شكر ليك على مجهوداتك وربي يجازيك...... الصراحة انا اكبر مبتدئة في المجموعة ههههههه واني تعلمت الشربة غير العام اللي فات هههه الله غالب الدلال والتفنيين واسمحيلي اذا ماهيش في المستوى
المقادير تاع الشربة حقيقة مانديرش بزاف لاني غير انا وبابا ماما
حبةبصلة متوسطة+حبة طماطم متوسطة+2حبات ثوم +قرن فلفل حار+لحم او دجاج+نعناع+فلفل كحل+كسبر+راس الحانوت+2 مغارف كبار طماطم مصبرة+ملح+2مغارف زيت(تقدري ديري زيت زتون او تقدري ديري مغرف زيت ومغرف زبدة)
التحضير
نجيب الكوكوط ندير 2 مغارف زيت ونحط الللحم والبصلة المرابية والثوم ونرش عليهم الملح والتوابل نخليهم يتقلاو مليح وامباعد نزيد طماطم المرابية ونذر عليهم شوي نعناع وندير مغرف طماطم مصبرة ونزيد عليهم شوي ماء ونخليهم وامباعد نزيد قرن حار وفي الاخير نزيد كمية تاع الماء ونغلق عليهم الكوكوت ونخليها مدة من الزمن وفي الاخير كي نفتح عليها نزيد فيها مغرف طماطم (هنا اختيارية) كاين اللي يحبها حمرا بزاف
وامباعد نحطها في الصحن ونجيب دبشة نقصها ونذرها فوق الصحن
هاذي شربة المبتدئة هههه اما الحريرة نسمع بيها مي جامي طيبتها وفارميسال هذا اول مرة نسمع بيه ههههههه
دمتم في امان الله ورعايته
جنة الفردوسْ
2016-06-03, 20:55
طاجين الزيتون (قيس ثلاث عباد)
حبة بصلة متوسطة+2حبات ثوم +دجاج+توابل(راس الحانوت +كسبر+فلفل اسود)+شويو نعناع+زيتون خضر +ملح+2مغارف كبار دويدة مش معمري
الكفتة: نصف رطل فيانداشي+فلفل اسود+دبشة+ شوية فريك +2حبات ثوم +ملح+مغرف كبيرة فريك رقيق مش معمرة
التحضير
اولا قبل كل شيئ لازم الزيتون خضر نطيبوه في الماء مغلي شوي حتى تنقصو منو المرارة والملوحية واحد 5دقائق
الان نجيبو كوكوط ندير فيها 2مغارف كبار زيت+بصلة مرابية +ثوم+دجاج والتوابل+ملح ونزيد النعناع ونقلي مليح... نزيد شوي ماء تزيد تمرق مليح وامباعد نزيد الزيتون الاخضر ونزيد الماء الدافي ونغلق الكوكوط وامباعد كي يبقالها 10 دقائق باه طيب نفتحها ونزيدلها 2 مغارف كبار دويدة مش معمرين ونخليها هكاك مانغلقش عليها خلاص واحد 10 او 15 دقيقة وخلاص نطفي النار
في هذه الاثناء نوجد الكفتة تاعي نجيب اللحم تاعي نتبلو مليح نديرلو الملح والثوم والدبشة مقسوسة صغيرة ونلمو بمغرف فريك مش معمرة ويكون رقيق خلاص باه ماتحليش كي ندير دي بول..... ونحكم لكفتة نتاعي نديرها دويرات صغار ونقليهم ونخليهم يتقطرو من الزيت
وامباعد نحطهم في الصحن ووندير عليهم المرق ونرش عليه الدبشة وبالصحة والعافية
ماتضحكوش الله غالب اني نتعلم هك راني ندير وندير بالشويتح مازال مانعرفش ندير كي يكونو بزاف عباد هههه لانو عائلتنا راهي صغيرة خلاص
حياة نور الدين
2016-06-03, 22:52
طاجين الزيتون
في طنجرة نحط مغرف زبدة بصل مرابي سنة ثوم رند شوية ملح فلفل اسود قرفة وزعفران مع اطراف دجاج او لحم نخليه يتقلى حتى يتغير لون اللحم نمرق بكاس ماء ونخلي المكونات تطلق على بعضها كنت قطعت الجزر دوائر بعد ما نظفته كي يغلي المرق نمرق ونضيف الجزر والزيتون اللي نكون مبيبتاتوا في الماء والقارص
نقلي البطاطا الشكل اللي حبينا ونقدمها معاه ومنرات ندير فطر ادا كان عندي ونخلي المرق يخثر
طاجين الحلو
نحط في طنجرة زبدة وعود قرفة وقطع لحم ونخليه يتقلى بعدها نمرق ونخلي اللحم يطيب بعد ما يطيب اللحم ندير الزبيب المنفخ في الماء زهر والبرقوق والمشمش المنفخهين في الماء زهر نحطهم في الطاجين ونزيد كيلة سكر وشوية من اكستخي تاع ماء زهر ونخليه يعقد والفواكه الجافة تطيب
ما شاء الله فرحت بزااف بمشاركاتكم ربي يجزيكم كل خير
عجبتني فكرة طاجين الزيتون و الحلو في الفخار اممممممم انا عمري جربتها
و عجبوني كاامل الوصفات صح عندنا نفس الاساس لكن سبحان الله كل واحدة عندها سر معين
حسب الحطة انا لي راني مبتدئة و راح نتعلم منكم
باىك اللله فيكم جميعا دون استثناء غالياتي
جنة الفردوسْ
2016-06-03, 23:34
اختي زينب طلعتيلي شوي المورال احم احم احم ...خفت غير لا تضحكي بزاف عليا ههههههه ......... انتي راكي الكل في الكل راكي غير تبعدي في العين برك احم احم ههههه شكرا اختي على تقييمك
*أم سجى*
2016-06-03, 23:58
الطباخات الماهرات أنا مبتدأة وعندي تساؤلات في الطياب ..ممكن نحط أسئلتي هنا وتجاوبوني اذا مفيش مشكل؟؟؟
om obaida
2016-06-04, 08:17
126526 بارك الله في الحراير استفدنا منكم بزاف
فاتي تيارت
2016-06-04, 11:53
بالتوفيق للجميع
ريحانة24
2016-06-04, 14:37
شكرا اختي زينب على نشاطك الدائم راكي نحلة المنتدى واش رايك ايضا نحطو اسرار المطبخ اللي تنجح الوصفات وتعطيها نكهة خاصة ورمضان مبارك للجمييييييييييييييييييييييييييع
الله يبارك عليكن
يعنى لقيت انو الطبخ يتشابه
الحمدلله
ان شاء امواضيع جاية تنفعنى
السلام عليكم ورحمة الله وبركاته
يعطيك الصحة اختي زينب افكارم دائما رائعة ومفيدة بارك الله فيك
عادي مشاركتي معاكم طاجين الزيتون بطريقتين وطاجين الحلو اطباق بسيطة
http://e.top4top.net/p_1555jb40.jpg
http://a.top4top.net/p_155dh6s1.jpg
http://b.top4top.net/p_1555aei2.jpg
ام حمزة22
2016-06-05, 07:19
السلام عليكم ورحمة الله تعالى وبركاته
ربي يجازيك اختي زينب على هده الفكرة في ميزان حسناتك ان شاء الله
لي عودة بادن الله للمشارة
تحياتي للجميع
الطباخات الماهرات أنا مبتدأة وعندي تساؤلات في الطياب ..ممكن نحط أسئلتي هنا وتجاوبوني اذا مفيش مشكل؟؟؟
اهلين حبوبتي اسئلي واش في خاطرك و قد ما تحبي و وقت ما تحبي اهلا و سهلا
شكرا اختي زينب على نشاطك الدائم راكي نحلة المنتدى واش رايك ايضا نحطو اسرار المطبخ اللي تنجح الوصفات وتعطيها نكهة خاصة ورمضان مبارك للجمييييييييييييييييييييييييييع
شكرا حبيبتي ،ايه حبيبتي ماذا بيا حنونة
حبيباتي بارك الله فيكن جميعا
اهلا بالغالية ام حمزة و ام ساجد ،اهلا بيك اختي نور و ريحانة
حبيباتي كل واحدة تعطينا طريقتها في شباح الصفراء و طاجين الجبن و طاجين الكفتة او المثوم على اصولهم
السلام عليكم
طاجين الزيتون:
بداية نرنخ الزيتون الأخضر منزوع النوى في الماء+قليل من السكر ليلة كاملة مع تغييره أنا ما نحبش نغليه باش ما يصماطش.
نضع في قدر قطع لحم أو دجاج حسب المتوفر مع حبة بصل مرحية و سنينات ثوم و فلفل أسود (ما نعملش الملح) و كركم و ملعقة زيت+ملعقة زبدة و ورقتين رند و فنجان ماء لأني ما عملتش الملح و بالتالي البصل ماش رايحة تطلقلي الماء الكافي للتقلية و نحرك و نخلي اللحم يتقلى مليح على نار هادئة ثم نمرق بماء ساخن و ما نكثرش لأني نحتاج مرق خاثر و نلوح الزيتون و الفطر اللي نكون ذبلتهم في شوية زبدة من قبل و هنا اللي يحب يحشي حبات الزيتون باللحم المرحي فأحسن مع رمي كويرات من اللحم المفروم في المرق و نخلي الزيتون تاعي يطرى أنا هنا نستعمل الكوكوط ثم نفتح عليه و نحلحل ملعقة فرينة مع شوية ماء و نضيفها للقدر و نحرك لما يعقد نطفي عليه و نقص معدنوس عليه و نغطيه إلى حين التقديم.
ملاحظة أنا ما نحطش فيه الملح بتاتا لكن نداوي الدجاج أو اللحم بالملح و التوابل قبل ما نطيب بيهم.
نتمنى طريقتي تكون عجبتكم, سلام يا حراير بلادي و لي عودة لوضع وصفتي لطاجين العين بإذن الله.
منوعات اخبارية
2016-06-05, 09:53
:mh92:كل عام وانتم بخير جميعا بمناسبة حلول شهر رمضان المبارك اعاده الله علينا وعليكم باليمن والبركة
فراشات العمر
2016-06-05, 15:12
السلام عليكم
زنوبيا شكرا على الموضوع لي راح يعلم الكل قد لي يعرف قد لي ما يعرفش
حبيت نسال على الكسرة كيفاه توجدوها
درتهالكم بالاحمر باه تنتابهولها
الماسة النادرة
2016-06-05, 15:36
ربي يفلكم على الخير الي راكم اديرو فيه
ريحانة24
2016-06-05, 15:57
انا اليوم حبيت نتكلم على المثوم لانه اكلة مخضرمة اي قديم جديد ولا يديموداش خلاص طبعا في البداية نقوم بتقلية الثوم والبصل مع التوابل الي هي الفلفل الابيض والزنجبيل وراس الحانوت والكركم لان الصوص نتاعو يكون ابيض مع قطعة لحم انت وواش عندك نقلوهم ملييييييييح ونمرقو حق ما يطيب اللحم نص طياب وهذا بالنسبة ليا انايا هوسر المثوم الرئيسي اني ننزع اللحم ونميكسي هداك الصوص جييدا بالبرا ثم نرد الحم ونحط كمشة حمص الي يتياع مشمخ يجي افضل احسن بعدها نخله يغلي جيدا في ذاك الوقت نكونو محضرين كرات اللحم بداية نحطوله ملعقة كبيرة نشا وهذا ايضا من الاسراراللي تخلي الكرات طريين ويذوبو في الفم وايضا يساعدو في تخثير المرق الابيض ايضا للكرات نضيفو التوابل اللي حطيناهم فيالمرق ما عدا الكركم ونزيو شوي ملح و شوي معدنوس مقطع و نضيفو ايضا بيضة نعجنوهم جيييدا ثم نكوروهم ونضيفوهم للمرق اللي يكون يغلي نخليهم حوالي 20دقيقة ونطفي يكون المرق نقص واللحم طاب في الااخير التقدم نهزو بالمغرف الحمص يوضع في نص الطبق والكرات ندوروهم ساير داير وزينو بالمعدنوس والليمون وشهية طيبة للجميييييييييييييييييييييييييييييييييييييع
ذات النورين
2016-06-05, 16:24
لبنات قولولي كيفاش الدوزنو اللحم المرحي اللي تخبيوه لرمضان قصدي تاع الشربة وتاع المثوم وووووو كل واحد ووحدو
السلام عليكم
زنوبيا شكرا على الموضوع لي راح يعلم الكل قد لي يعرف قد لي ما يعرفش
حبيت نسال على الكسرة كيفاه توجدوها
درتهالكم بالاحمر باه تنتابهولها
اهلين حبيبتي قصدك كسرة رخساس اوالكسرة البيضاء كيم يقولو بعض الولايات كسرة لفطير
ام سوهيل
2016-06-05, 18:08
السلام عليكم ورحماتو الله وبراكته
اكل الاخوات الي رراهمم يطلو على هدا الموضوع الكنا الحريرة التي ورثتها من امي ربي يحفضها ويشافيها
انا بي صراحة انديرها بلا لحم نحتاجو بصلة او 2 حسب الكمية الي ريحة ديريها مع حبات طماطم يكونو مستوين مليح وقصبر قلي مليح مع مغرف ااو تنين زيت حتي تطلق الطماطم الماء انتاعها
ضيفي زريعة البسسباس انا نفضلها حب خير من البودرة مع راس الحنوت والكمون والحرور وفلفل حمراء وحبة الطيبة وحبات حلبة وزعتر او زعيترا لكين الي تكون حامل متحطش
الزعتر وقلي ومن بعد ضيفي مغرف طماطم مصبرة وكركم اورشة زعفران وقلي ومن بعد مرقيبي بي ماء دافي وضيفي الخضر الي هي جزر وقرعة كما نقولو احنا الكورجات
وخليهاكي تبدا تغلي ضيفي التشيشة نكونو غسلنها وخليها طيب على نار قليلة مع التحريك مرة على مرةباش متلصقش
وكي تشوفيها طابت وتقلت ارحيه في الرحيا تع الخضر خير ملي تمكسيها وعاودي رديها للنار وكي تبدا تغلي ضيفي مغرف تع القهوة نوخة وهدا هو السر تع الحريرة مع ساشي
تع ماجيقو او قطع تع جمبو انا نفضل الماجي في الحريرة ورابي سنة ثوم وحطي قصبر عينك ميزانك بلا متقطعيه باش تنحيه عند التقديم وكي تعمري في لبول ضفي عصير
القارص
وهادي حريرة من مطبخي اليكنا الصورة
http://c.top4top.net/p_15653211.jpg
وهنا قدمنها للضيوف كنت عندنا عرضة
http://d.top4top.net/p_156w4ap2.jpg
انا بي صراحة منديرش اللحم في الحريرة وخاصة في رمضان لانو كل الاطبق تحتوى على اللحم وعلى هديك انا نشوف نقتصدو شوية وفي نفس الوققت نقصو من الكليستيرول ععفانا اللله واياكم
واي سوئل انا في الخدمة ممكن الاخوات يجربو كميا قليلة قبل رمضان ومن بعد يحكمو بي انفسيهنا
دعوة خير تكفيني
اعتضر مكتبتش الملح بسح متكتروش لانو الماجي مالح واليم حامض
اللهم اهله علينا بالامن والايمان والسلامة والاسلام .
نسال الله عز وجل ان يجعلنا من الذين يرحمهم ومن الذين يغفر لهم ومن الذين يعتقهم من النيران .
ام حمزة22
2016-06-06, 07:54
السلام عليكم
يا خصارة كتبت جرنان وتبخر :mad::mad::mad:
االمهم من بعد نعاود ما كتبت
شكرا اختي زينب على الترحيب بارك الله فيك
رمضان مبارك للجميع تصوموه بالصحة والهناء والعافية
سلاااتم
ام حمزة22
2016-06-06, 08:02
لبنات قولولي كيفاش الدوزنو اللحم المرحي اللي تخبيوه لرمضان قصدي تاع الشربة وتاع المثوم وووووو كل واحد ووحدو
اختي الفاضلة اللحم المرحي انا ما ندوزنوش نشري كمية ونقسمها بدون لمسها اي ناخد ساشي لي راح نجمدو فيه ونرفد كمية ونغلك الصاشي والى المجمد لان الاحم المرحي يتعرض بسهولة الى جراتيم ومالازمش نبقا نخلط فيه
تحياتي اختي ورمضان مبارك
x ام رحاب x
2016-06-06, 09:03
السلام عليكم ورحمة الله وبركاته
راكم مع طاجين الزيتون نبداو بسم الله
طاجين الزيتون انحط طلراف اللحم او الجاج في طنيجرة انخليهم ينشفو تماما من الماء تاعهم امبعد انحط مغرفة كبيرة سمن وملح وشوية فلفل اكحل وشية كركم وراص الحانوت وشوية قرفة والبصل مرحي الانو كي ترحي البصل ديالك المرقة تاعك اجي عاقدة وانمرق شوية برك الانوا طاجين الزيتون مايشربش الماء وانغلق عليه وانخليه ايطيب
الزيتون انا كي نشري كمية كبيرة انصفيها من الماء تاعها وانحطلها الماء العادي وانقطع حبة او زوج حبات قارص وانحطهم ليلة كاملة امبعد ذوقيها غدوة ايلا القيتيها راح الملح من زيتون صفيها وخبيه في الكونجيلاتور وعودي كي اطيبي بيه ارميه مباشرة ومالزمش اتخليه بزاف في الما ايعود سامط مايتكلش لازم اتخلي فيه شوية ملوحة
وكي ايطيب شوية اللحم نرمي الزيتون والزرودية مقطعو مدورة وكي اطيب الزرودية اتنحي اللحم واجيبي سنيوة الي تدخل للفرن انا نسيت انقلكم كي اطيب الزرودية انضيفلها مغرفة بسباس مرحي م المرق وانخليه شوية وكي انكمل انجيب سنيوة تدخل للفرن انحط الزرودية وانحط اللحم من الفوق وانحط المرقة وانخلي شوية مرقة اندير فيها شوية مغرفة فارينة وشوية سمن من الفوق وانقطع معدنوس في سنيوة وانرميه فوق الزرودية امبعد انحط الخليط الي وجدتو واندخلها للفرن تعقد واجيك بنينة ان ء الله اتجربوها وقولولي
x ام رحاب x
2016-06-06, 09:16
طاجين الحلو
انجيب حاجة تقيلة باه انطيب فيها طاجين الحلو
انحط في الطنيجرة اللحم والسمن وانخليه يتقلا وانحط قرفة عود باه ماتكحالش المرقة وانحط الماء الزهر ونجمت الارض 3 نجمات وانخليه حتان قريب ايطيب اللحم نرمي السكر والعينة والمشماشة اطيبو مع بعض كي انشوف العينة بدات اطيب انحيها وانخليها تبرد وانزيد انحط حبات تفاح صغار وانخليهم ايطيبو وكي ايطيبو انحط الماء الزهر مع الاخير في هاداك الوقت انشد العينة هي البرقوقة انحلها العلفة وانوجد اللوز مرحي مدوزن بالقرفة والسكر وشوية حلوة الترك وانحط داخل العينة ومانعاودش اندخلها للمرق لالا انشبحها في طبسي الي رايحة اتحطي فيه وانحط لمشماشة وتفاحات الصغار في الوسط وكي انكمل انقطع حبة موز وانشبحهم ساير داير ونرمي لاصوص وانرشها من الفوق باللوز او الجلجلان
كي انصورو في رمضان انحطلكم كل
باسم وبيسان
2016-06-06, 09:19
السلام عليكم ورحمة الله وبركاته
راكم مع طاجين الزيتون نبداو بسم الله
طاجين الزيتون انحط طلراف اللحم او الجاج في طنيجرة انخليهم ينشفو تماما من الماء تاعهم امبعد انحط مغرفة كبيرة سمن وملح وشوية فلفل اكحل وشية كركم وراص الحانوت وشوية قرفة والبصل مرحي الانو كي ترحي البصل ديالك المرقة تاعك اجي عاقدة وانمرق شوية برك الانوا طاجين الزيتون مايشربش الماء وانغلق عليه وانخليه ايطيب
الزيتون انا كي نشري كمية كبيرة انصفيها من الماء تاعها وانحطلها الماء العادي وانقطع حبة او زوج حبات قارص وانحطهم ليلة كاملة امبعد ذوقيها غدوة ايلا القيتيها راح الملح من زيتون صفيها وخبيه في الكونجيلاتور وعودي كي اطيبي بيه ارميه مباشرة ومالزمش اتخليه بزاف في الما ايعود سامط مايتكلش لازم اتخلي فيه شوية ملوحة
وكي ايطيب شوية اللحم نرمي الزيتون والزرودية مقطعو مدورة وكي اطيب الزرودية اتنحي اللحم واجيبي سنيوة الي تدخل للفرن انا نسيت انقلكم كي اطيب الزرودية انضيفلها مغرفة بسباس مرحي م المرق وانخليه شوية وكي انكمل انجيب سنيوة تدخل للفرن انحط الزرودية وانحط اللحم من الفوق وانحط المرقة وانخلي شوية مرقة اندير فيها شوية مغرفة فارينة وشوية سمن من الفوق وانقطع معدنوس في سنيوة وانرميه فوق الزرودية امبعد انحط الخليط الي وجدتو واندخلها للفرن تعقد واجيك بنينة ان ء الله اتجربوها وقولولي
يعطيك الصحة ام رحابرواش راكى ليكى وحشة رمضان كريم تصومى بالصحة وهناء
x ام رحاب x
2016-06-06, 09:26
باسم وبيسان ياحصراه حنونة وانت تاني واش هادا الغيبة توحشناك وعلاه قاطعتينا واش راهم وليداتك انا راني بالف خير الحمد لله توحشناكواتصومي بالصحة حنونة
السلام عليكم ورحمة الله وبركاته
طاجين حاجب بوعوينة:1: (طاجين العين +شباح الصفرة)
لا يفارق مائدة أي عائلة قسنطينية في اليوم الأول من رمضان و طريقة تحضيره كالتالي:
نضع في قدر قطع اللحم (لازم لحم ومن الأفضل لحم عجل أما الدجاج فلا يصلح هنا:mad:) مع ملعقة سمن و حبة بصل مرحية و رشة ملح (لا نكثر فقط رشة لموازنة الطعم) و عود قرفة و شوية كركم و نقلي اللحم تاعي حتى يدخلو الطياب ثم نمرق و نلوح 2 كيسان سكر و نخليها تغلي تقريبا 5 دقائق ثم نلوح العين و المشمش و الزبيب اللي نكون رنختهم من قبل في ماء+فانيليا+ماء زهر+قرفة مرحية ثم فورتهم شوية نلوحهم و نخليهم يكملو طيابهم في المرق إلى أن يتخثر و في الأخير نضيف شباح الصفرة اللي نكون حضرتها من قبل ضرك نحطلكم طريقة تحضيرها, نخليها فقط 3 دقائق و نطفي عليها حذاري تلوحوها في الأول مع العين راهي تتحتحت أصلا هي راهي طايبة من قبل بعد ما نطفي نرش شوية ماء زهر و نحرك و نخليها .
الآن طريقة التقديم: نحط حبات العين و المشمش و الزبيب مع قليل من الصلصة و نضع قطعة اللحم وسط الصحن ثم نقلي شوية لوز إيفيلي و نرميه على كامل الصحن و أخيرا نزين بحبات الشباح و طبعا يمكن استعمال رونديلات أناناس في التزيين أو التفاح أو الإجاص المكرمل كل حسب إمكانياته
الآن طريقة تحضير شباح الصفرة:
نعمل 3 كيلات لوزمرحي ناعم +كيلة سكر و نبدا نضيف في صفار البيض بالواحدة و نلم و نعجن جيدا باش يذوب السكر مع اللوز و لما نتحصل على عجينة متماسكة تشبه عجينة المخبز ما نزيدش نضيف الصفار حذاري تجريوها نبسط العجينة تاعي بسمك متوسط ما تكونش رقيقة و ما تكونش خشينة بزاف و نطبع أشكال باستعمال طوابع صغيرة الحجم و إذا ما توفروش ما تطرحوهاش و خوذو بالشوية تاع العجينة و شكلو بيديكم أشكال قلب و نجمة من بعد نخفق شوية بياض البيض باليد فقط و نغمس حبات الشباح و نضعهم في بلاطو باش يجفو شوية و في هذه الأثناء نسخن الزيت مليح على نار متوسطة و نقلي حبات الشباح حتى يصفارو فقط لأنهم مازالو يزيدو يتقلاو ثم نخليهم يبردو و نمسحهم بسرفيطة نظيفة و نحط زيت جديد في المقلاة و نعاود نقليهم مثل المرة الأولى بعد ما نغطسهم في بياض البيض و نخبيهم في بورت مونجي في الثلاجة لحين الإستعمال و إذا كنت مطولة بيهم نحطهم فالكونجيلاطور.:mh31:
على المنهج
2016-06-06, 13:27
رمضان كريم الجميع هذه اول مشاركة لي من بعد ما حمستوني ارجو ان تعجبكن
مايونيز ساهل
صفار بيضه
كاش زيت
فرصة ملخ
ملعقة ليمون او خل
نضع صفار اابيضة في صحن غامق نضيف الملح ونخلط حبدا من الافضل بالخلاط الكهربائي من بعد نبدا باضافة الزيت بكميات قليله يعني ملعقة صغيرة مع الخلط المستمر حتى ننهي كاسكالزيت وفي الاخير ملعقة الحامض
يمكن باضافة ملعقة خردل في البداية
khoula.inf
2016-06-06, 14:37
يعطيك الصحة والعافية
omjoujou
2016-06-06, 15:25
طريقتي تاع طاجين لحلو
في طنجرة نحط طرف لحم نص حبة بصلة بعدما نكون رشقتها بحبات تاع الطيب عود قرفة على راس مغرفة صغيرة فلفل اسود على راس مغرفة صغيرة ملح مغرفة كبيرة سمن ولا زبدة مغرفة كبيرة سكر نص كاس ماء ونقليهم على نار هادية وامبعد نمرق بشوي ماء انا ندير عيني ميزاني كي نشوف اللحم بدا يدخلو الطياب نضيف السكر ونخليه المرقة تغلي شوي وامبعد نضيف الفواكه الجافة الزبيب والعينة والمشماش بعدما كنت نفختهم في ما سخون معطر بماء زهر
كي نشوف هذوك الفواكه الجافة لي ضفتهم طابو نضيف شوي ماء زهر ونطفي على الطنجرة
جازيا ام البنات
2016-06-07, 12:22
حبيت نشارك معاكم بطاجين الحلو
الطريقة الاولى نحتاج طراف لحم غنمي نحطهم في طنجرة +سمن حوالي ملعقة +بصلة مقطعة +قرصة ملح +زعفران(من الاحسن تع الشعرة)ونقلي من بعد نضيف عود قرفة ونجمة الارض وورقتين رند نمرق حتى يتغطى اللحم ونخليه يطيب
من بعد كي يطيب اللحم نحط في الطنجرة شوية زبيب وحبيبات صفرجل وحبيبات برقوق(العينة) وحبيبات مشماش محط كمية من السكر حسب الذوق من3 الى 4 ملاعق وممكن نعوض بالعسل نزيد لفاني ونخليها على نار هادئة حتى نشوف الفواكه الجافة طابت ماتاخدش وقت طويل نحط ملعقة ماء الزهر ونطفي النار باش تبقى بنة ماء الزهر وعند التقديم نحط اللحم في الوسط وندور الطبسي بالصفرجل ونزين بالبرقوق والمشمش ماننساش الزبيب ونبعثر شوية لوز محمص من الفوق
http://1.bp.blogspot.com/-ZJEf2hutRbw/UEEE5743Z-I/AAAAAAAAAQo/bP57jpOmjcU/s1600/dsc03565yv.jpg
الطريقة الثانية هي لحم حلو ومالح
نحتاجو لقطع لحم غنمي بصلة مقطعة ملعقة سمن او زبدة والملح نعمل عادي ماشي قرصة باش يجي بنين الزعفران قرفة عود والرند نمرق ونخليه يطيب
من جهة اخرى نبخر البرقوق والمشماش كي يتبخرو مليح نحطهم في طبسي ونذرذر عليهم القرفة مطحونة وشوية كبابة وشوية سكروشوية لفاني نغطيهم ونخليهم يتشربو
نحضر العقدة لي نعمر بيها المشماش شوية لوز مطحون+سكر ونلمو بالماء زهر نشكل كويرات صغار
من جهة اخرى نحمص شوية جلجلان لما يطيب اللحم ناخد طبسي من الاحسن يكون مسطح نعمل اللحم في الوسط وشوية مرق ونعمل شرائح الاناناس داير ساير وفي كل اناناسه نحط حبة برقوقة من بعد مانرمدها في هاداك الجلجلان المحمص وحبة مشماش بعد ما نعمرها بهديك العقدة ونزيد نبعثر شوية لوز محمص ممكن نضيف التين المجفف (ماشي هداك لي يجي في الفرينة لالا كاين تين مخصص للطواجن يتباع في علب) وشهية طيبة للامانة الصورة ماشي نتاعي فقط باش تشوفو طريقة التزيين
الســلآآم عليكم
مشكوورة أختي زينب موضوع رآآئع
أنــآ مانعرفش نطيب ههههههه
و ديسيديت اليوم ندير أنــآ حــآبة تعطيوني كــآش plat حاابة ديروو بالروز مي يكون مليح وســآهل و نقدر عليه
ماتبخلونيشش
بوركتمم
الســلآآم عليكم
مشكوورة أختي زينب موضوع رآآئع
أنــآ مانعرفش نطيب ههههههه
و ديسيديت اليوم ندير أنــآ حــآبة تعطيوني كــآش plat حاابة ديروو بالروز مي يكون مليح وســآهل و نقدر عليه
ماتبخلونيشش
بوركتمم
اهلين حبوبتي
شوفي حنونة اذا حبيبتي نعطيك طريقة ساااهلة للارز و يجي بنين
ترابي بصل ثوم و تحطي معاهم بهارات مثلا فلفل اسود كسبر و كركم و ملعقة طماطم مصبرة ملح و اذا تحبو الحار شوي هريسة و ملعقة زيت و قطع لحم و شوي زيتون اخضر مقطع يكون مغلي و ممكن شوي فطر مقطع انا نحب الدجاج ندير الدجاج خير من اللحم احسن باه نحمرو من بعد تخلي كلش يتقلى على نار ذليلة حتى اللحم يشرب البنة
مباعد تمرقي مي ماتكثريش ىبزااااف الماء باه جيك بنينة
كي يطيب المرق حطيها في بلا تاع فرن و فرغي عليها الارز مي ماعمريش يعني يبقى تحت المرق . من الافضل الارز البسمتي لي جي حبتو طويلة يجي هايل و دخليهم للفرن يكون سخون قبل راح يطيب الارز بعد ربع ساعة او 20 دقيقة خلي شوي مرق زيادة كون ينشفلك و مايطيبش زيديلو شوي حتى تلقايه طاب يجي روووعة مع الاخير ممكن تزيدي عليه شوي زبدة و تحمريه شوي
اذا درتيه بالدجاج
بعد ما يطيب ديري تتبيلة فيها شوي زيت . ثوم مرابي . فلفل اسود . موتارد شوي عصير ليمون و ملح
ادهني بيهم الدجاج تاعك و دخليه يحمار من الجيهتين
بارك الله فيكم حبوبات
زيدونا وصفات المثوم رجاءا
و كل واحدة تعطينا طريقتها في طاجين الجبن و طاجين الشواء القسنطيني و طاجين الجلبانة
جزاكم الله خيرا
أم فاطيمة
2016-06-08, 10:03
السلام عليكم و رحمة الله
طاجين لحلو
ناخذ طنجرة نضع فيها قطع لحم و سمن و نقلي مليح حتى يتحمر اللحم نضف الماء قيس ما يتغى
نضيف عود قرفة و نجمت لرض و شوية زعفران و قرصة ملح و نخليه يطيب مليح
ناخد الفواكه الجافة نفورها باش ما تتحرحرش و يبقة شكلها مليح
كي يطيب اللحم و يبقى مرق قليلة نضيف الفواكه و سكر حسب الرغبة و نصف كاس صغير ماء
الزهر و نخليها تعقد و كي نطفي نضيف وحدة لفاني تعطيها رائحة زكية
طاجين لمثوم
ناخذ طنجرة نضع فيها قطعة لحم صغيرة نقليها مع بصل مفروم و سمن و زيت
ونمرق نضيف طماطم مرابية زعفران و فلفل اسود و ملح كمية من الثوم ما نقلوهش باش ما ينحرقش
و حمص مشمخ من قبل و نغلق و نخليها طيب
نحضر لحم مفروم نضيف له ملح و فلفل اسود و كمية من الثوم و معدنوس
و مغلاف فرينة و لا نشا باش يجي طري و من ما يطيب الحمص و قطعة اللحم
نرمي الكرات و نخليها طيب و في نفس الوقت الفرينة و لا نشا
لي ضفناها تخثرلينا المرق و تبقة كمية المرق حسب رغبة كل وحدة
أم زكرياء34
2016-06-08, 10:14
رمضان كريم ومبارك وكل عام وجميع الامة الإسلامية بخير
بارك الله فيك اختاه وجزاك خيرا
326159487
2016-06-08, 12:04
مشكوووووووووووور
la fleurr
2016-06-08, 13:27
طاجين الحلو ندير مغرف كبيرة دهان مع عود قرفة يذوبو نزيد نص كاس سكر او حسب الرغبة نزيد كمية من ماء مشي بزاف كي يعقد السيرو و يذوب كامل سكر ندير مغرف كبيرة قرفة و زبيب و برقوق و ماء الزهر ووحد لفاني و نخليهم يطيبو
نسمة صبح
2016-06-08, 13:53
السلام عليكم حبيباتي
مشكورة زينب على الموضوع..نطلب من كل وحدة تحط وصفتها تحاول تمدنا لي زاستيس..هكا كل وحدة تبدل في طريقتها على حساب لي زاستيس و توصل لاحسن طريقة
نشارك معاكم بطاجين لحلو..
قطع لحم و حبة صغيرة بصل مغرف سكر عود قرفة و شوي قرفة غبرة رشة ملح نخليهم يتقلاو مع التحريك باه ميتحرقش السكر فقط يتكرمل و مبعد نمرق و كي يطيب اللحم نحطو العين لي نكونو شمخناها ف الما لما تغلي شوي نزيد الزبيب المشمخ و السكر عينك ميزانك..تقريبا ميزان العينة مع ميزان السكر
مثل كيلو عين كيلو ناقص شوي سمر و رطل زبيب..
و اذا شفنا نوعية العين مش مليحة نحط معاها نصف كمية السكر باه متذوبش..
حنا منحطوش ماء الزهر لكن رايحة نجرب و مرة رميت شوي تفاح مع الزبيب جا هايل..
أم الحبايب 26
2016-06-08, 15:37
البسملة1
http://www.mrkzk.com/uploads/2016/6/86da1454775153.jpg
طريقتي مثوم نحط لحم فطنجرا ونزيد معاها ثوم معا شويا كمون ملح وفلفل لكحل ونزيد فلفل لعكر ولاحسن تكون هريسا نتع فلفل لحمر مخدوما فلبيت قليه ونمارقو نخليه يطيب ونروح للحم مفروم نحطلو شويا من درسا نتع ثوم ولكمون وشويا هريسا مخدوما فدار جي بنينا وشويا دهان وحبى بيض وتشا ونكورها دبلات ونديره طيب معا لحم يكون طاب نص طياب
صحا فطوركم وشكر للاخت زينب ربي يجزيها على هذا الموضوع لحطتو
اهلين حبوبتي
شوفي حنونة اذا حبيبتي نعطيك طريقة ساااهلة للارز و يجي بنين
ترابي بصل ثوم و تحطي معاهم بهارات مثلا فلفل اسود كسبر و كركم و ملعقة طماطم مصبرة ملح و اذا تحبو الحار شوي هريسة و ملعقة زيت و قطع لحم و شوي زيتون اخضر مقطع يكون مغلي و ممكن شوي فطر مقطع انا نحب الدجاج ندير الدجاج خير من اللحم احسن باه نحمرو من بعد تخلي كلش يتقلى على نار ذليلة حتى اللحم يشرب البنة
مباعد تمرقي مي ماتكثريش ىبزااااف الماء باه جيك بنينة
كي يطيب المرق حطيها في بلا تاع فرن و فرغي عليها الارز مي ماعمريش يعني يبقى تحت المرق . من الافضل الارز البسمتي لي جي حبتو طويلة يجي هايل و دخليهم للفرن يكون سخون قبل راح يطيب الارز بعد ربع ساعة او 20 دقيقة خلي شوي مرق زيادة كون ينشفلك و مايطيبش زيديلو شوي حتى تلقايه طاب يجي روووعة مع الاخير ممكن تزيدي عليه شوي زبدة و تحمريه شوي
اذا درتيه بالدجاج
بعد ما يطيب ديري تتبيلة فيها شوي زيت . ثوم مرابي . فلفل اسود . موتارد شوي عصير ليمون و ملح
ادهني بيهم الدجاج تاعك و دخليه يحمار من الجيهتين
~ بــآرك اله فيك أختي زينب بربي أن شاء الله غدوة جربو وادا صلحتلي نصورو ونوريهولك
مشكوورةة ♥
raouane19
2016-06-08, 18:34
allah ybark
حياتي كلها امل
2016-06-08, 18:38
شكرا لك اختي زينب على الموضوع الراءع .
طريقتي في المثوم طراف صغار لحم +ثوم+زيت+ملح+فلفل اسود+كمون+فلفل عكري ونمرق بشوية ماء ونخليها تتقلى ثم نضيف الحمص ونمرق ونخليها طيب .
نروح للبولات لحم مرحي+ثوم+نفس التوابل التي عملتيها في المرق وحبة بيض والفكرة التى نعملها هي عندما نكور اللحم نرمدها في الفرينة ثم نضعها في المرق باه تعقدهالي ثم في الاخير كي يطيب رش معدنوس وبصحتكم
نسمة صبح
2016-06-08, 20:31
سلام حبيباتي
المثوم جهتنا منديروهش لكن نحاول نتعلمو..كاين زوج اللي يجي احمر بالعكري و الكمون و الفلفل الاكحل ولا ابيض داراتو مرة وحدة عنابية و عجبني بزاااف جات لا صوص ماغون و بنيينة اللي عندها لا غوسات هك تقولي.
و حبيت نسقسيكم كي طيبو لا بات تاع لكيش اطيبوها من تحت مبعد تحطو الحشو و لا من فوق و تحت خاطر دايما تبقالي ناقصة طياب ف النص..
سلام حبيباتي
المثوم جهتنا منديروهش لكن نحاول نتعلمو..كاين زوج اللي يجي احمر بالعكري و الكمون و الفلفل الاكحل ولا ابيض داراتو مرة وحدة عنابية و عجبني بزاااف جات لا صوص ماغون و بنيينة اللي عندها لا غوسات هك تقولي.
و حبيت نسقسيكم كي طيبو لا بات تاع لكيش اطيبوها من تحت مبعد تحطو الحشو و لا من فوق و تحت خاطر دايما تبقالي ناقصة طياب ف النص..
اهلين حبيبتي
انا نطيبها مليح برك حافظي على اللون ماتحمريهاش باه المرة الثانية ماتيكش يابسة و طايبة بزاف
المكونات تاع الكيش عادة يكون طايبين يعني المرة الثانية ندخلوها للفرن ياه يطيب البيض او البيشامال او يذوب الجبن هذا ماكان
نسمة صبح
2016-06-08, 23:18
شكرا حبيبتي زينب على الاجابة والاهتمام و شكرا لفتحك الموضوع..في ميزان حسناتك ..نحن بالمتابعة
ام يحيى عبد الصمد
2016-06-09, 00:16
اختي نسمة الصباح المثوم يجي صوص بيضاء نعطيك طريقته حبة بصل مع طرف لحم مغرف فلفل اكحل ومغرف مسكير جبين وحد جنبو دجاج ملعقتين كبار سمن ورند وكمشة حمص كي يطيب لحم نديرو لي بوليت نتاع لحم تكوني درتيلهم سنة ثوم فلفل اسود وملح وتحمصي في المقل شنبنيون حب كامل مع ملعقة زبد متستعمليش شنبنون المقطع مهوش بنين وديريه في لصوص مع معدنوس صدقيني يجي رائع
السلام عليكم
أختي زينوبة تكرمي راح نحطلك طريقتي في طاجين الشواء:
نحط قطعة لحم مليحة و فخد دجاج يتحمرو شوية في ملعقتين زيت باش يطلقو بنة الشواء ثم نضيف بصلة كبيرة مرابية و سنينات ثوم و ملح و فلفل أبيض و زنجبيل و حمص مرنخ (أما إذا كان طايب نخليه للأخير) و نلوحو و نخلي كلش يتقلى مليح ثم نمرق بماء ساخن و نخليها تغلي و في هذه الأثناء نوجد كرات الكفتة بمزج اللحم المفروم مع ملح فلفل أبيض ثوم شوية زنجبيل معدنوس مقطع رقييييق, بيض و شابلير ناعمة مع إضافة ملعقة نشاء ونعجن الكفتة بكف يدي مليح و تشكليها دوائر أو أصابع كيما تحبي أنا نفضل أصابع و نحشيها بقطعة جبن في المنتصف ثم نحمر أصابع الكفتة في شوية زيت فقط و لما يخثار المرق نلوحهم 5 دقائق لا أكثر و كاين ناس ما يلوحوهمش فالمرقة خلاص فقط يسقيوهم في الأخير لكن أنا نحب الكفتة تكون طرية ثم نعمل العقدة اللي هي بياض بيض + معدنوس مقطع + عصرة ليمون و قليل من المرق نخلطهم و نظيفهم للقدر و نخلط و نطفي عليها .
هنا حبيت نضيف ملاحظة لازم الدجاج ينزع من القدر فور طهيه ما نخليهش حتى يطيب اللحم و من بعد يتفتتلي أنا نحتاجو مجمول, لأنو بعد طهي اللحم نحمرو هو و الدجاج في الفرن أمافي الأعراس عندنا في قسنطينة يبعتوه للكواش يحمرهولهم.
طريقة التقديم: في صحن عريض أو بلاط كيما نقولولو نحط فخد الدجاج في منتصف الصحن مع قطعة اللحم و نحط ساير داير الكفتة ثم نسقي بالمرق و نزين بالحمص و المعدنوس المقطع و أبراج الليمون و طبعا مع العصرنة اللي وصلنالها الناس رجعو كاين اللي يضيف الشمبينيون و اللي يضيف حلقات زيتون و يبقى كل واحد و إمكانياتو.
أتمنى أني أفدتكن حبيباتي سلام.
ام اياد 2013
2016-06-09, 09:36
طريقتي في شطيطة لحم
طراف لحم غنمي وبقري
بصل مبشور وسنينات ثوم مهروسين
فلفل اسود ملح شوية قصبر بودر شوية كمون حمص طايب نصف طياب ورقات رند
نحط الطراف نتاع اللحم نتاعي ونحط عليهم البصل وشوية زيت ونقليهم على نار قليلة
كي نشوفهم تقللو شوية نحطلهم الثوم والبهارات مع الملح والحمص ووشوية ماء ونغطيهم ونخليها تطيب على نار قليل منزدلهاش كامل الفرنو ومرة على مرة نطل عليها ونشوف الماء لنقصلها ونزيدها غير بالفنجان كي طيب نزيدلها فنجان ماء ونزيدلها على الفورنو تاخد خليات نتاع التعقاد ونطفيلها
سلام:mh31:
حبيت نحط صورة طاجين الزيتون كنت عملتو البارح و الوصفة حطيتهالكم من قبل فقط هنا أضفت لمسة عصرية و هي رحيت شوية زيتون مع شوية صدر دجاج و ملح و فلفل أبيض و ثوم ثم أضفت معدنوس مقطع و بياض بيض و شوية شابلير و عمرت مول السيليكون بالخليط و طيبتهم في الفرن حتى حمارو ثم نزعتهم و أضفتهم للمرق في الأخير غلاو شوية فقط و طفيت نتمنى يعجبكم كنت ناوية نزيد نصور الشريبة لكن للأسف طاحت البطارية تاع الهاتف و رحت حطيتو يتشارجا مي ماعليش مازالو اليامات تقبل الله صيامكم حبيباتي.
http://www.up.djelfa.info/uploads/146546223347221.jpghttp://www.up.djelfa.info/uploads/14654623175841.jpg
هبة ام عبدو
2016-06-09, 14:40
مكعبات صدر الدجاج 2 مغارف ماغرين .مغرف ريت نقلوهم رشة ملح فلفل اسود على نار هادية مع 2 حبات نجمة الارض حبة بصل مرشوق فيها حبات قرنفل وعود قرفة رشة زعفران كي يتقلو مليح نحيو البصلة ونمرق كي يغلي ما نزيدلو كاس سكر ونخليه يطيب ننقع العينة ومشمش وزبيب وكيوي في ماء ساخن 20 د ومن بعد نزيدهم يطيبو ومعاهم ونزيد كاس سكر ونخليه يطيب سر نجاح الحلو متغطيش عليه كي يطيب كلشي يلزم مايكون خفيف مايكون ثقيل بزاف نطفي عليه ونضيفلو كاس صغير ماء الزهر
شهية طيبة
بقية الصور محبوش يطلعو معلباليش وعلاه
الماسة النادرة
2016-06-09, 15:21
لبنات نتمنى نعاونكم اذا حبيتو
*أم سجى*
2016-06-09, 19:02
سلام:mh31:
حبيت نحط صورة طاجين الزيتون كنت عملتو البارح و الوصفة حطيتهالكم من قبل فقط هنا أضفت لمسة عصرية و هي رحيت شوية زيتون مع شوية صدر دجاج و ملح و فلفل أبيض و ثوم ثم أضفت معدنوس مقطع و بياض بيض و شوية شابلير و عمرت مول السيليكون بالخليط و طيبتهم في الفرن حتى حمارو ثم نزعتهم و أضفتهم للمرق في الأخير غلاو شوية فقط و طفيت نتمنى يعجبكم كنت ناوية نزيد نصور الشريبة لكن للأسف طاحت البطارية تاع الهاتف و رحت حطيتو يتشارجا مي ماعليش مازالو اليامات تقبل الله صيامكم حبيباتي.
http://www.up.djelfa.info/uploads/146546223347221.jpghttp://www.up.djelfa.info/uploads/14654623175841.jpg
الله يبارك عليك يعطيك الصحة عجبني الطبق لي حطيتيه عندي هدوك لي مول باذن الله نجربو ....ولي عودة لك نقرعج عالمقادير والطريقة اذا مفيش مشكل
*أم سجى*
2016-06-09, 19:06
خياتي قولولي واش هي التوابل المناسبة للشربة؟واش هي التوابل المناسبة للكباب؟واش هي التوابل المناسبة لطاجين الزيتون؟
حياتي كلها امل
2016-06-10, 12:41
بنسبة لتوابل التى نحطهم في شربة فريك فلفل اسود قرفة زنجبيل راس الحانوت والعكري .
الكباب فلفل اسود شويه قرفة وكركم
حياتي كلها امل
2016-06-10, 12:46
طريقتي في طبخ طجين الجلبانة نضع البصل والتوم والملح والفلفل والزنجبيل وراس الحانوت والزيت ونخليها تتقلى ثم نضيف طماطم مرحيه وشويا طماطم مصبرة ونمرق بشوية ماء ثم نضيف الجلبانة ونتركها طيب بعدما طيب نكسر عليها البيض بلا مانخلط ودير شوية معدنوس من الفوق وبصحتكم
شباح الصفرة
كنت متوخرة شوية بصح حبيت نشارك بهاد الوصفة على اوصولها ورايحن تنجحو فيها ان شاء الله
اولا نحضر العجينة ودللك بوضع 3كيلات لوز مرحي رطب +كيلة سكر رطب ونخلط مليح +صفار البيض بالشوية حتى تتللم ماتكون طرية بزاف ماتكون يابسة ونتركها ترتاح بجيه ونحضر المرق بوضع البصل في طنجرة +اللحم قطع صغيرة +القليل من الزبدة +شوية ملح وشوية زعفران +شوية فلفل اكحل +قرفة عود +الطيب ونقلي كلش مليح ونضيف الما حتى يتغطى اللحم ونتركوه يطيب
لما يطيب اللحم نضيف كمية قليلة من السكر باش ما ييبسش اللحم او يسود نتركوه مدة ونحضر شباح الصفرة ناخد كمية من العجينة ونشكل بيدينا ادا اردتي مثلثات او نجمات ونستطيع ان نشكل بالطابع ثم نضع الحبة في بياض البيض لي كنا خلطناه شوية ونرمي في الزيت ساخن ونقطرهم ونخليهم يبردو ونرجعو الى المرق ننزع منه اللحم ونصفيه ونتركوه يرتاح حوالي ربع ساعة ومن بعد نردو الى الطنجرة بالشوية يكون الشوائب تاعو قعدت في القاع والمرق يكون صافي
نحطو على النار ونضيفو السكر ودلك 3كيلات مرق بكيلة سكر ونتركوه على النار حتى يعقد
نحكم حبات شباح الصفرة ونمسحهم بالورق المطبخ او طرشونة با ش نحي الزوائد ويكون شكل الحبة جميل لما يعقد المرق نرمي الحبات داخل المرق ونطفي مع اضافة مغرفة ماء ورد ونغطي ونخليهم يتشربو المرق وكدلك نضيف قطع اللحم ....وشهية طيبة
http://www.qqq4.com/u/e51106161465605866351.jpg (http://www.qqq4.com/)
هاد الطبيق ديالي في اول رمضان اضفت مع شباح الصفرة العين يعني البرقوق والزبيب واللوز صراحة جا روعة
ملاحضة فقط حمرة شوية حبات شباح الصفرة .وهي نورمالمون تجي صفرة ماعليش ...... االبنة هايلة
ام حمزة22
2016-06-11, 07:51
السلام عليكم
اسفة اختي زينب على التاخير النت راهي تقيلة وما ساعدتنيش باش نتواصل معاكم
المهم ان شاء الله نفيد المبتدئاء بالمعلومات لي عندي
اولا حبيت نقوللكم انا ما نستعملش بزاف التوابل
التوابل الموجودة عندي هي الفلفل اكحل والقرفة هادو يدخلو لكل اطباقي والكمون نستعملو للمتوم او لشطاطح والكروية لشرمولات مثلا زرودية مشرملة او قرعة مشرملة ....الخ
وعندي فلفل دريس نستعملو للمرق الحمراء الحارة ممممممممممم
وعندنا حنا فالعاصمة راس الحانوت خاص وما فيهش بزاف التوابل القرفة و فلفل اكحل وجوزت طيب وكبابة و قرنفل نستعمل هاد راس الحنوت لشطيطحة جاج او لحم وكدالك لطمينة يجي رووووعة جربوه لبنات وردولي لخبر
نتكلم على الشوربة الاصلية العاصمية
في قدر نضع اللحم مع البصل وحبة قرعة مقطعة رقيقة وزيت وقرفة وفلفل اكحل وفلفل عكري وحميصة وحشيش شوربة نقلي الكل حتى يدبال ثم نضيف شوية ماء ونخليه يطيب على نار قليلة نحط على القدر مسكاس فيه طماطم حب بعد ما تدبال نرحيها ونضيفها للمرق ومرة على مرة كي نشوف المرقة شربت نضيف شوية ماء ونبقا نضيف فالماء حتى نشوف ان اللحم دخلو طياب ما ننساش نحضر الفريك نقيه ونغسلو ونحطو بجيه باش نضيفو بعد ما نمرق والا درناها بالفارميسال نضيفو في اخر لحضة نرجعو لشربة الفريك بعض ما ضفنا لفريك وبعد ما غلا نضيف الطماطم المصبرة وما ننساش نحرك مرة على مرة باش ما يلسقناش لفريك
بعد ما يطيب الفريك ونشوف وندوق الا لازملنا نضيفو الماء او نضيف القليل من القرفة وفلفل اكح او ملح الا جات شربتنا بنينة ماكلاه نضيفلها هدا التوابل نضيفلها شطبة نعناع وشوية حسيش شوربة ونطفي عليها
اما طاجين المثوم
ناخد طنحرة نحط فيها اللحم انا نفضل لحم غلمي لي يوالم بزاف مع هاد الطاجين وساعات ندير خليط لحم غلمي وبقري نضيف للحم حميصة و درسة متكونة من ثوم بكمية معتبرة وكمون وملح ندرس هاد المكونات ونحط النصف في الطنجرة على اللحم والنصف التاني نضيفو على اللحم المرحي نضيف في الطنجرة نضيف بصلة مقطعة رقيقة وزيت ما نكثرش بزاف لان اللحم راح يتلق ليدام نخلي الكل يتقلة ثم نضيف الماء ما نكثرش حتى يتغط اللحم نخلي اللحم يطيب بعد ما يطيب نمرق وبعد ما يغلي نضيف الكويرات نتاع اللحم المرحي لي ضفنالو الدرسة ونلمو بالبيض حبة بعد حبة حتى يتلم ونفدر نكون كويرات لي نضيفهم فالمرق وما نخليهمس بزاف يغلو فالمرق حتى ما ينحلوش لان الاحم المرحي غلية وحدة ولا 2 ويطيب تم تم
اما شطيطحة جاج او لحم
ناخد قطع اللحم نحطهم في طنجرة نضيفلهم الدرسة لي متكونة من فلفل دريس وثوم وملح نشمخ فلفل دريس ونقيه من الزريعة ثم نضيفلو الثوم وندرسو حتى يولي مثل البوري نضيفو على اللحم من بعد نضيف الحميصة و الزيت وفلفل عكري وادا حبينا نضيفلو الحرور دو 5 توابل نخلي الكل يتقلة من بعد نضيف الماء حتى يطيب اللحم الا حبيتو ضيفو ربع ملعة طماطم مصبرة وتقدرو تستغناو عليها
لي عودة بادن الله الا سمحتلي النت
صح فطوركم
سلاااام
أم ياسين الزهراء
2016-06-11, 09:46
اسفة متاخرة بزاف بصح اكيد راح نلحق وبارك الله فيك اختي زينب
اولا حبيت نحطلكم طريقتي في طاجين الحلو واللي هي مختلفة تماما على الكل ونضن وانا متاكدة بلي واحد مايدير كيفها لاني سالت شحال من واحدة ويقولولي مانديروهش هكى المهم هدي طريقتنا في دارنا والفضل طبعا لماما الله يشافيها يارب
اولا في قدرة نحط اطراف لحم غنمي لازم ونفضلهم بلا عضم ولا شحم ونرمي عليهم حوالي زوج كيسان سكر في الحقيقة نخدم بعيني بصح حبيت نوصل الفكرة وندير عليهم نص مغرف صغيرة تاع قرفة وشوي زبدة ونقص النار ونخلي الكل يتكرامليزا وطبعا مع التحريك ونعس لايتحرق السكر ونبقى نحرك كيشغل راح ندير كراميل حتى يدوب السكر الكل ويحمار وفي هداك الوقت نرمي عليه حوالي زوج مغارف ماء الزهر طبعا راح يكشكش فهمتو كيشغل نخدم في العسيلة وكيدخل البة تاع الماء الزهر ثمى نزيد الماء مانكثروش حسب واش عندنا من العين والزبيب وكينرمي الماء نرمي عود قرفة وحبات من النجمة ومن جهة اخرى نكونو غسلنا العين او البرقوق هو الزبيب وحطيناهم يتشمخو في ماء مخلط مع ماء الزهر ونخلوهم يتنفخو وكينمرقو الطاجين نرمو كلش في القدرة يعني مانصفوش العين والزبيب بالعكس نخلو النكهة وكلش يطيب مع بعضاه ونغطو القدرة ونخلوها طيب علة نار متوسطة ومين داك نطلو وفي الخير كتوصلي للمرق اللي تحبيه كاين اللي يحبو عاقد وكاين اللي عادي نص نص نطفي النار ونرمي فاني ومغرف عسل حر او عادي حسب الموجود ومغرف ماء الزهر او الورد ونغطي يايمى واش نقلكم الريحة والبنة وكلش واللي تحب المشماش انا نغليه وحدو وكيقريب يطيب الطاجين نرميه في المرق باش يرفد النكهات وحتى شباح الصفرى قبل مانطفي بدقيقة نحطها في الطاجين نموت على ريحة اقرفة وهكى نتاكد راح تدخل البنة في كلش
وادا شفتي مرقتك مايهة بزاف تقدري تزيدجي السكر عادي ماتخافيش
هدي طريقتنا وناكدلكم امممممممممممممم واللحم يطيب هايل وانا مالفة نخدم كمية كبيرة ونحط في بوايط ونجبد كل مانستحق وعمري لانسخنو ويجي روعة
أم ياسين الزهراء
2016-06-11, 09:48
المرة الماجية نحطلكم طريقتي في الكفتة او المثوم وشطيطحة لحم
*أم سجى*
2016-06-11, 13:03
السلام عليكم
اسفة اختي زينب على التاخير النت راهي تقيلة وما ساعدتنيش باش نتواصل معاكم
المهم ان شاء الله نفيد المبتدئاء بالمعلومات لي عندي
اولا حبيت نقوللكم انا ما نستعملش بزاف التوابل
التوابل الموجودة عندي هي الفلفل اكحل والقرفة هادو يدخلو لكل اطباقي والكمون نستعملو للمتوم او لشطاطح والكروية لشرمولات مثلا زرودية مشرملة او قرعة مشرملة ....الخ
وعندي فلفل دريس نستعملو للمرق الحمراء الحارة ممممممممممم
وعندنا حنا فالعاصمة راس الحانوت خاص وما فيهش بزاف التوابل القرفة و فلفل اكحل وجوزت طيب وكبابة و قرنفل نستعمل هاد راس الحنوت لشطيطحة جاج او لحم وكدالك لطمينة يجي رووووعة جربوه لبنات وردولي لخبر
نتكلم على الشوربة الاصلية العاصمية
في قدر نضع اللحم مع البصل وحبة قرعة مقطعة رقيقة وزيت وقرفة وفلفل اكحل وفلفل عكري وحميصة وحشيش شوربة نقلي الكل حتى يدبال ثم نضيف شوية ماء ونخليه يطيب على نار قليلة نحط على القدر مسكاس فيه طماطم حب بعد ما تدبال نرحيها ونضيفها للمرق ومرة على مرة كي نشوف المرقة شربت نضيف شوية ماء ونبقا نضيف فالماء حتى نشوف ان اللحم دخلو طياب ما ننساش نحضر الفريك نقيه ونغسلو ونحطو بجيه باش نضيفو بعد ما نمرق والا درناها بالفارميسال نضيفو في اخر لحضة نرجعو لشربة الفريك بعض ما ضفنا لفريك وبعد ما غلا نضيف الطماطم المصبرة وما ننساش نحرك مرة على مرة باش ما يلسقناش لفريك
بعد ما يطيب الفريك ونشوف وندوق الا لازملنا نضيفو الماء او نضيف القليل من القرفة وفلفل اكح او ملح الا جات شربتنا بنينة ماكلاه نضيفلها هدا التوابل نضيفلها شطبة نعناع وشوية حسيش شوربة ونطفي عليها
اما طاجين المثوم
ناخد طنحرة نحط فيها اللحم انا نفضل لحم غلمي لي يوالم بزاف مع هاد الطاجين وساعات ندير خليط لحم غلمي وبقري نضيف للحم حميصة و درسة متكونة من ثوم بكمية معتبرة وكمون وملح ندرس هاد المكونات ونحط النصف في الطنجرة على اللحم والنصف التاني نضيفو على اللحم المرحي نضيف في الطنجرة نضيف بصلة مقطعة رقيقة وزيت ما نكثرش بزاف لان اللحم راح يتلق ليدام نخلي الكل يتقلة ثم نضيف الماء ما نكثرش حتى يتغط اللحم نخلي اللحم يطيب بعد ما يطيب نمرق وبعد ما يغلي نضيف الكويرات نتاع اللحم المرحي لي ضفنالو الدرسة ونلمو بالبيض حبة بعد حبة حتى يتلم ونفدر نكون كويرات لي نضيفهم فالمرق وما نخليهمس بزاف يغلو فالمرق حتى ما ينحلوش لان الاحم المرحي غلية وحدة ولا 2 ويطيب تم تم
اما شطيطحة جاج او لحم
ناخد قطع اللحم نحطهم في طنجرة نضيفلهم الدرسة لي متكونة من فلفل دريس وثوم وملح نشمخ فلفل دريس ونقيه من الزريعة ثم نضيفلو الثوم وندرسو حتى يولي مثل البوري نضيفو على اللحم من بعد نضيف الحميصة و الزيت وفلفل عكري وادا حبينا نضيفلو الحرور دو 5 توابل نخلي الكل يتقلة من بعد نضيف الماء حتى يطيب اللحم الا حبيتو ضيفو ربع ملعة طماطم مصبرة وتقدرو تستغناو عليها
لي عودة بادن الله الا سمحتلي النت
صح فطوركم
سلاااام
شكرا اختي بارك الله فيك
بارك الله فيكم غالياتي مزال وصفات طاجين لكباب ، بونارين ، الجبن ، الجلبانة ، كل واحدة تحطلنا طريقتها و اسراراها
x ام رحاب x
2016-06-12, 09:30
زينب راني حابة انحط طريقة طيابي بصح راني نجمل في الصور باه اتكون كل طبخة ومعاها صورتها
أم ضياء عبد الرحيم
2016-06-12, 10:25
صباحكم فل و ياسمين
زينب ما شاء الله عليك راكي مزهية القسم بأفكارك المتميزة ربي يفرحك و يهنيك
منين فتحتي الموضوع و انا من المتتبعات و إستفدت الكثير من حراير المنتدى
أول فكرة هزيتها فكرة أم رحاب للفارميسال باش ما تتعجنش كي نزيدوها للشربة جربتها و النتيجة رائعة حتى كون تصبح الشربة و تعاود تتسخن الفارميسال تبقى كيما هي شكرا حبيبتنا أم رحاب و إن شاء الله نزيد نهز أفكار كثيرة من عند الأخوات
أخواتي كون تفيدونا بأسرار الطهي بصفة عامة كيفاه يجي بنين أخوات بزاف يكون عندهم كل خير و يتبعوا الوصفات بحذافيرها و مع هذا تجيهم المالكة صامتة و أخوات من القليل يخرجوا أطباق رائعة
و على سيرت المالكة الصامتة كانت أمي تحكيلنا واحد النكتة عل الماكلة الي تتمرق بكمية كبيرة من الماء تجي صامتة
واحد الراجل تزوج بإمرأة ما تعرفش اطيب دخل الكوزينة للقاها اطيب و القدرة تالمو معمرة بالصوص فاضت و تسيح قال لمرتو باستهزاء
إيه كل مراقة مرزاقة :D(يعني المرأة الي تمرق بزاف يجي الرزق على يديها) بالطبع هو يتمسخر بها هي مسكينة فرحت قاتلوا أملا ما شفتيش واش رميت ع الطاقة (النافذة):1::1:
ثاني الخبز و الكسرة بزاف بنات عندهم مشكل في طريقة العجن و المقادير
كيفاه تتعلم الأخت القيس بالعين كيفاه طريقة العجن الصحيحة
كون كل أخت تعطينا طريقتها في التحضير بالتفصيل :rolleyes:
و الأشياء التي تبالنك بديهية كاين أخوات ما يعرفوهاش :mh31:
راكم تقولوا كي عاد انتبهتي لهذه الأمور ابداي انتي و فيدينا :D
نقولكم إذا حضر الماء يسقط التيمم :D و كي كاين الشافات أنا نقد على كرسي الطالب و نتعلم ;)
أم ضياء عبد الرحيم
2016-06-12, 10:36
نسيت نطلب حاجة كون تحطولنا أفكار لاطباق إقتصادية و ركزوا مليح على اقتصادية :d :1:
*أم سجى*
2016-06-13, 11:03
صباحكم فل و ياسمين
زينب ما شاء الله عليك راكي مزهية القسم بأفكارك المتميزة ربي يفرحك و يهنيك
منين فتحتي الموضوع و انا من المتتبعات و إستفدت الكثير من حراير المنتدى
أول فكرة هزيتها فكرة أم رحاب للفارميسال باش ما تتعجنش كي نزيدوها للشربة جربتها و النتيجة رائعة حتى كون تصبح الشربة و تعاود تتسخن الفارميسال تبقى كيما هي شكرا حبيبتنا أم رحاب و إن شاء الله نزيد نهز أفكار كثيرة من عند الأخوات
أخواتي كون تفيدونا بأسرار الطهي بصفة عامة كيفاه يجي بنين أخوات بزاف يكون عندهم كل خير و يتبعوا الوصفات بحذافيرها و مع هذا تجيهم المالكة صامتة و أخوات من القليل يخرجوا أطباق رائعة
و على سيرت المالكة الصامتة كانت أمي تحكيلنا واحد النكتة عل الماكلة الي تتمرق بكمية كبيرة من الماء تجي صامتة
واحد الراجل تزوج بإمرأة ما تعرفش اطيب دخل الكوزينة للقاها اطيب و القدرة تالمو معمرة بالصوص فاضت و تسيح قال لمرتو باستهزاء
إيه كل مراقة مرزاقة :d(يعني المرأة الي تمرق بزاف يجي الرزق على يديها) بالطبع هو يتمسخر بها هي مسكينة فرحت قاتلوا أملا ما شفتيش واش رميت ع الطاقة (النافذة):1::1:
ثاني الخبز و الكسرة بزاف بنات عندهم مشكل في طريقة العجن و المقادير
كيفاه تتعلم الأخت القيس بالعين كيفاه طريقة العجن الصحيحة
كون كل أخت تعطينا طريقتها في التحضير بالتفصيل :rolleyes:
و الأشياء التي تبالنك بديهية كاين أخوات ما يعرفوهاش :mh31:
راكم تقولوا كي عاد انتبهتي لهذه الأمور ابداي انتي و فيدينا :d
نقولكم إذا حضر الماء يسقط التيمم :d و كي كاين الشافات أنا نقد على كرسي الطالب و نتعلم ;)
شكرا اختي باااارك الله فيك بالفعل بما أنه موضوع خصيصا للمبتدءات نحتاج فيه لنصائح وتوضيحات اكثر عكس مراني نشوف هنا راهم غير المحترفات يحطو فأطباقهم ....نتمنى لي عندها أسرار للطبخ ونصائح تحطهم هنا تفيد بيهم خصوصا وأن الموضوع للمبتدءات شكرا
سر سعادتي..
2016-06-13, 12:48
بارك الله فيكن....والله موضوع مميز مثل صاحبته....استفدت منكن كثيراااااااااااااااااااااااااااااااا ربي يعطيكم ما تتمناو
أم ياسين الزهراء
2016-06-13, 12:50
واله جيادا ضحكتيني ههههههههه وباش نفيدك من خبرتي المتواضعة في الطبخ كانت ماما دايما توصيني وتعيط عليا وتقلي الخضرة عبارة ماء بمعنى مانكثروش فيها الماء والمقصود مانكثروش الماء في الطبخ هو اللي يسمط الماكلى وادا حدث وكثرنا الماء كاين الحل نقفلو القدرة نص قفال يعني نحطو المغلاق نص ونقو النار راح تخثار الماكلى وباش الماكلى تجي بنينة هو التقلية نقلو القدرة مليح مليح ونمرقو بماء سخون وكل مانتفكر نفيدكم والحمد لله ماكلتي بنية حوحو يشكر رحو هههههههههههههه واصدقكم القول استفدت بزاف من منتدى الجلفة
لي عودة
هههههههه جيادا فكرتيني بروحي كي كنت نتعلم ما نجي نخثر الماكلة حتى نهبل ، ... حقا اذا كنت انت يا جيادا ماشي شاف شكون الشاف 😊😊😊
ام ياسين اكيد ماكلتك عسل يا عسل
الاخت امال 95 هذا الموضوع ليس لوضع الاطباق هو لجمع وصفات و اسرار طيابات تكون معروفة باه تكون بداية للمبتدئات و انا في اول الموضوع قلت الموضوع مفتوح للجميع و كل واحدة تسأل واش تحب ، و على فكرة ماشي المبتدئات برك يتعلموا انا عن نفسي تعلمت بزاااف حوايج منهم طريقة ام ياسين في شربة فريك امممظظظ و فكرة ام رحاب تاع الدويدة و الحريرة لي عمري درتها ووووووو
هيا اذا عندك اسئلة اتفضلي حبيبتي
اتذكرت بعض الاسرار
للمرق الابيض شوي موتارد في التقلية يعطيها بنة هايلة
لصلصات الطماطم كيما تاع البيتزا نزيد ملعة قحوة سكر او عسل ينحيلها الحموضة و يعطيها طعم تحفة
اي عجينة في خميرة فورية لازم تكون طرية و تلصق في اليد باه كي طيب جي هشوشة و الفرن لازم يكون سخون مليح
الكسرة العادية مالازمش تكون جارية لا نعجنوها باليابس باه جي مقرمشة و و واقفة
للبقوليات و للحم العاصي نزيدو 2 او 3 نواة تمر للمرق راح يطيبو تمتم بصح ماتنساوش تنحوهم في الاخير ههههههه
السلاطة نقصوها بيدينا خير من السكين باه ماتكحالش و تذبل
الدبشة و المعدنوس نحفظوهم في قرعة بلاستيكية و نغلقو عليهم راح يبقاو مدة طويلة معانا
كي نطيبو في لاكوكوت الماء لي نزيدوه يكون فوق الربع شوي مانكثروش بزاف
مرق تاع الفطير او المسمن نزيدلو ملعقة صغير سكر
باه مانكثروش الطماطم المصبرة في المرق نحطو فلفل حلو مرحي يعطينا اللون الجميل بلا حموضة
كاشما نتفكر نزيد
أم ضياء عبد الرحيم
2016-06-14, 11:20
صباحكم فل
أختي أمل خليك معنا إن شاء الله تستفادي و أي سؤال الأخوات ما يبخلوش
أم ياسين و زينب حبيباتي شفتوا كيفاه بديتو تخرجوا في الأسرار :d
زينب انا قلت كي عاد دورة للمبتدئات كون بديتي بالاساسيات يعني من سنة أولى طبخ هكذا البنات الكل يستفاد
و انا عندي سؤال بخصوص قلب اللوز وين نسكن ما كنش دشيشة قلب اللوز واش نستعمل في مكانها الدقيق الخشين أو المتوسط
انا كنت نستعمل الخشين لكن يجيني معجن و يبقى ابيض من الداخل مع أنه نطيبوا مليح و المرة الأخيرة جاتني فكرة حمصت الدقيق شوية في المقلاة كيما نديروا الرفيس محمصتوش بزاف غير شوية برك قيس ما خذى لون و جا أحسن واش رأيكم و واش من نوع نستعمل
جنة الفردوسْ
2016-06-14, 12:05
هاذي طريقتي في طاجين الجبن
نقليو 250غ لحم مع نص حبة بصلة و2 ثوم فلفل اسو دو كسبر والملح ونزديلو معدنوس
الان في صحن نخلط 2 ملاعق كريمة طازجة 2 ملاعق خبز مرحي مع فنجان حليب وحبة فرماج شاف والا اي فرماج تحبي ورشة فلفل كحل و ضيفيهم للحم المقلي وامباعد حطيهم في صحن وامباعد خلطي 3 بيضات ضيفلهم ملح ومعدنوس وصبيهم فوق الخليط تاعنا ورابي شوي فرماج روج فوقهم والى الفرن
جنة الفردوسْ
2016-06-14, 12:07
اختي زينب الف شكر على الاسرار والنصائح وكلش والله اني نستفاد منك اخر......ربي يجعلها في ميزان حسناتك ويعوضك كل خير
انا كوني مبتدئة بفضل المنتدى اني نتعلم في بزاف حوايج والحمدلله
fatima3131
2016-06-14, 12:42
mado3 aktar min rayi3
allah ykhalikom lina ykhalina dima nastfado mankom
fatima3131
2016-06-14, 12:52
chorba vermisselle
ana ndir had lwasfa wallah yla économique
بصل
١ طماطم
حمص منفخ حولي كاس
لحم دجاج ممكن فقط أجنحة
ملح+فلفل أسود+راس الحانوت+زعفران
ملعقة طماطم مصبرة
ربطة قصبر
ki ytibou lmokawinet kamel rhihom
wrmi nos kes vermisselle
ytibou wahd 10 min
ana na3tamed had lwasfa sahla w bnina wtjini sahla min yjouni dyef 3la rafla sa3a tkoun kaml tayba
جلالي بلخير
2016-06-14, 15:01
يعطيك الصحة
x ام رحاب x
2016-06-15, 10:27
]انا نعطيكم سر للمرقة البيضة باه اجيكم خاثرة لازم البصل ترحوه مليح واتكثرو في المرقة وماتكثروش الماء والطياب لازم ايكون على نار قليلة هو السر تاع الماكلة اجي بنينة ومجمرة والزيت ماتكثروش المرقة البيضة اجي بنينة بالسمن خير من الزيت
المرقة الحمرا كي اديري الدرسة في الطنيجرة ديالك حطي الثوم والفلفل اسود والعكري ودير معاهم والملح و 3معارف ماء باه ماتتحرقلكش الدرسة وحطي الطماطم ديالك وانت راكي اتحركي فيها على النار وهي هادية حركي حتان اتشوفي الطماطم ديالك اتنفخت وبدات اتخرج في الزيت في هاداك الوقت مرقي اجيك حمرا وبنينة ماتصوريهاش
[/color]
اية الحسناء
2016-06-15, 11:15
رانى اقريت الموضوع من الاول للخر عجبتنى الفكرة بززززززززززززززاف وديت شوية افكار راح انجربها بربى انشاء الله وادا كان ممكن اتحطونا اطباق سهلة واقتصادية ياحراير المنتدى امليحا للمبتدئات باه ما تخلعهمش الكوزينة وخاصة فى هاد اسخانا بلا ما ننساو مصروف الدار الى دايما المراة الجزائرية اتخمم فيه وشكرا على
كل المجهودات المبدولة وصح فطوركم
لي تعرف فكرة الاخت ام رحاب للفارميسال باه ما تتعجنش تفيدني لاني معتمدة على شربة اافارمسيال اكثر وشكرا
جازيا ام البنات
2016-06-15, 14:51
لي تعرف فكرة الاخت ام رحاب للفارميسال باه ما تتعجنش تفيدني لاني معتمدة على شربة اافارمسيال اكثر وشكرا
اخواتي وحبيباتي الله ايبارك كل وحدة وطريقتها بصح المضمون كامل تعرفو اطيبو الشريبة
انا انقولكم سر الشربة وباه اجيكم الشربة فارميسال بنينة كثرولها الطماطم الحب اجيكم بنينة وكي اتعودو رايحين ترمو الفارميسال ديريه في مقلة وديريلو شوية زيت واقليه شوية كي ترميه في المرقة مايتحرحرش ايجيك هايل ومايتعجنش ماطيبتش شوربة كون صورتلكم شربتي
لي تعرف فكرة الاخت ام رحاب للفارميسال باه ما تتعجنش تفيدني لاني معتمدة على شربة اافارمسيال اكثر وشكرا
اختي تحمصي الفارميسال في مقلة قبل ماتلوحيها في المرقة جيك هايلة ، انا جربتها ربي يجازي ام رحاب كل خير
صباحكم فل
أختي أمل خليك معنا إن شاء الله تستفادي و أي سؤال الأخوات ما يبخلوش
أم ياسين و زينب حبيباتي شفتوا كيفاه بديتو تخرجوا في الأسرار :d
زينب انا قلت كي عاد دورة للمبتدئات كون بديتي بالاساسيات يعني من سنة أولى طبخ هكذا البنات الكل يستفاد
و انا عندي سؤال بخصوص قلب اللوز وين نسكن ما كنش دشيشة قلب اللوز واش نستعمل في مكانها الدقيق الخشين أو المتوسط
انا كنت نستعمل الخشين لكن يجيني معجن و يبقى ابيض من الداخل مع أنه نطيبوا مليح و المرة الأخيرة جاتني فكرة حمصت الدقيق شوية في المقلاة كيما نديروا الرفيس محمصتوش بزاف غير شوية برك قيس ما خذى لون و جا أحسن واش رأيكم و واش من نوع نستعمل
انا الفكرة جاتني فجاة يعني ماخممتلهاش المهم رانا استفدنا ما شاء الله
لقلب اللوز استعملي نص غليظ راهو يجي بين المتوسط و الغليظ و سمعت مرة واحدة قالت نديرو بالكسكس و الله اعلم
ام سراج وملاك
2016-06-16, 00:20
موضوع رائع اختي زينب حاجة ماشي جديدة عليك ليا عودة في موضوعك ان شاء الله
اخواتي وحبيباتي الله ايبارك كل وحدة وطريقتها بصح المضمون كامل تعرفو اطيبو الشريبة
انا انقولكم سر الشربة وباه اجيكم الشربة فارميسال بنينة كثرولها الطماطم الحب اجيكم بنينة وكي اتعودو رايحين ترمو الفارميسال ديريه في مقلة وديريلو شوية زيت واقليه شوية كي ترميه في المرقة مايتحرحرش ايجيك هايل ومايتعجنش ماطيبتش شوربة كون صورتلكم شربتي
تعيشي اختي جازيا ام البنات ربي يسترك لانو زوجي يقولي طيبي غير شربة الفارميسال وانا ديما عندي مشكل فيها ديما خاثرة ومعجنة .
اختي تحمصي الفارميسال في مقلة قبل ماتلوحيها في المرقة جيك هايلة ، انا جربتها ربي يجازي ام رحاب كل خير
ربي يجازي ام رحاب زيجازيك انت ايضا على المجهودات المبذولة جعلها الله في ميزان حسناتك يارب. لي نسحقها نلقاها في هاد المنتدى وهو مرجعي الوحيد لانو انا مانعرفش نطيب مليح مليح وكوني مغتربة كي نحصل ندخل المنتدى مانقدرش نسقسي امي يا رب نسقسي على احوالها.المهم ربي يستركم وينير دربكن يارب
أماني خروبي
2016-06-16, 16:30
سلام الله عليكم أخواتي
اليوم أول مرة نشارك معاكم
حبييت نعطيلكم وصفة الحريرة نتاع الغرب تجي بزااااااااااف شابة وبنينة
http://www.up.djelfa.info/uploads/146609020255942.jpg
المقادير:
- قطع لحم.
-1 بصلة مقطعة
- 1طماطم مقطعة
- 1كورجيت (جريوات) مقطعة
- 1 لفت صغيرة مقطعة
- كرفس
- قصبر
- نعناع يابس
- التوابل: ملخ- رأس الحانوت- سكنجبير - كركم - حرور- زريعة بسباس - نجمة
طريقة التحضير:
-في قدرة نقلي البصل مع السمن واللحم وممبعد نحط الخضراوات نقليهم مليخ مليح وممبعد نحطو التوابل ونمرقو ونزيدوا م ك طماطم مصبرة والحاوش
- كي تطيب المرقة نقلعوا اللحم والحشاوش نطحنوها بالرحا تاع اليد ونديروا 2م ك تشيشة مرمز حتى تغلي ونطفيها ونقدمها
http://www.up.djelfa.info/uploads/146609020257053.jpg
.
.
http://www.up.djelfa.info/uploads/146609020254541.jpg
hichem_boss
2016-06-16, 16:33
موضوع اكثر من رائع جازاك االله كل خير اختي زينب دائما متألقة
أماني خروبي
2016-06-17, 00:09
صح فطوركم يا حراير المنتدى واش درتوا للفطور ليوم؟؟؟؟؟؟؟
جوهرة الشرق سكيكدة
2016-06-18, 21:53
بارك الله فيكم كامل لقد افدتونا
[QUOTE=lina23;3995727573]ربي يجازي ام رحاب زيجازيك انت ايضا على المجهودات المبذولة جعلها الله في ميزان حسناتك يارب. لي نسحقها نلقاها في هاد المنتدى وهو مرجعي الوحيد لانو انا مانعرفش نطيب مليح مليح وكوني مغتربة كي نحصل ندخل المنتدى مانقدرش نسقسي امي يا رب نسقسي على احوالها.المهم ربي يستركم
ربي يصبرك على الغربة اختي و اهلا و سهلا في اي وقت فوق العين و الراس
سلام الله عليكم أخواتي
اليوم أول مرة نشارك معاكم
حبييت نعطيلكم وصفة الحريرة نتاع الغرب تجي بزااااااااااف شابة وبنينة
http://www.up.djelfa.info/uploads/146609020255942.jpg
المقادير:
- قطع لحم.
-1 بصلة مقطعة
- 1طماطم مقطعة
- 1كورجيت (جريوات) مقطعة
- 1 لفت صغيرة مقطعة
- كرفس
- قصبر
- نعناع يابس
- التوابل: ملخ- رأس الحانوت- سكنجبير - كركم - حرور- زريعة بسباس - نجمة
طريقة التحضير:
-في قدرة نقلي البصل مع السمن واللحم وممبعد نحط الخضراوات نقليهم مليخ مليح وممبعد نحطو التوابل ونمرقو ونزيدوا م ك طماطم مصبرة والحاوش
- كي تطيب المرقة نقلعوا اللحم والحشاوش نطحنوها بالرحا تاع اليد ونديروا 2م ك تشيشة مرمز حتى تغلي ونطفيها ونقدمها
http://www.up.djelfa.info/uploads/146609020257053.jpg
.
.
http://www.up.djelfa.info/uploads/146609020254541.jpg
بارك الله فيك غاليتي راح نجربها و نردلك خبر و اكيد من يديك بنينة
[quote=lina23;3995727573]ربي يجازي ام رحاب زيجازيك انت ايضا على المجهودات المبذولة جعلها الله في ميزان حسناتك يارب. لي نسحقها نلقاها في هاد المنتدى وهو مرجعي الوحيد لانو انا مانعرفش نطيب مليح مليح وكوني مغتربة كي نحصل ندخل المنتدى مانقدرش نسقسي امي يا رب نسقسي على احوالها.المهم ربي يستركم
ربي يصبرك على الغربة اختي و اهلا و سهلا في اي وقت فوق العين و الراس
تعيشي اختي زينب83.الله يعطيك ما تتمناي ويرزقك من حيث لا تحتسبين وينور طريقك
أماني خروبي
2016-06-20, 16:04
بارك الله فيك غاليتي راح نجربها و نردلك خبر و اكيد من يديك بنينة
وفيك بركة عزيزتي كي تجربيها ان شاء الله وريهالي
البحر الصافي
2016-06-22, 12:06
السلام عليكم ورحمة الله وبركاته
اخواتي اليوم حابة نشارككم بطريقتي في شربة الفريك
المرة الاولى محبيتش نشارك لانو قلت الشربات كل تتشابه
واليوم وانا نطيب قلت هيا نصور ونحطها واش راني خاسرة
المهم المشاركة
شربة فريك
طريقتي سهلة ولذيذة والمبتدئات راح تعجبهم
اولا نجيب بصلة صغيرة وسنات ثوم وحبتين طماطم
وفلفل احمر يابس (قاوجة) نقطة فوق القاف منعرف واش تسموه
وهذا سر من اسرار الشربة لبنينة ولحم اودجاج وملح طبعا
نهرس الثوم مع الفلفل لي قلتلكم عليه والملح ا
انا كي يحمارلي الفلفل نغسلو ونحطو يبس
ونخبيه في بلارة ماكلتو مممم المهم بعد ماهرسنا الثوم
نقطع البصل رقيق والطماطم قطعي برك اي شكل لانو رايحة نصفيها من بعد
التصفية على جال لولاد والصنعة هاذي ورثوها على امهم هيهيهي لاكن
الصراحة في دقيقة تنصبي
نرجعو للموفيد نحطو كلش في كوكوط ونقلي مليح ونضيف توابل راس حانوت
وفلفل احمر انا نستعمل الحار وكركم كي تتقلى نضيف طماطم مصبرة والسر الثاني
الطماطم حليها في شوي ماء سخون مترميهاش مباشرة تعطي لون جميل احمر للشربة نمرق شوي بماء سخون وبعد مدة
نكمل نمرق حتان يتغطى اللحم نخليها طيب
هنا نعطيك سر اخر كي تكوني تقلي في اللحم ضفي شوي نعناع يابس مممم على
البنة والريحة تهبل تهبل
http://d.top4top.net/p_173iqvq0.jpg
http://c.top4top.net/p_17321530.jpg
نغلق على الكوكوط حتان يطيب اللحم نحي اللحم ونصفي
بالكسكاس ونرمي عليه ماء سخون ونرجع لاصوص الصافية
في برمة الطين نحطها فوق النار كي تغلي نرمي لفريك بعد منغسلو
كي نغسل لفريك نزربو منخلوهش في الماء بزاف باه متروحش البنة
ونرمي معاه راس ولازوج فلفل مغلوق للبنة كي طيب لفريك نطفي وندير
ورقات نعناع اخضر اذا معندكش ديري اليابس فتفتيه بين صباعيك ونغطي لحين تسربي ومتنسايش الدبشة
نتمنى تكون عجبتكم طريقتي الكلام كثير باه نفهم لبنات المبتدئات
لاكن الطريقة سااااهلة ماااااهلة
نسيت نقلكم في برمة الطين الصغيرة نستعمل فنجان صغير تاع فريك
والصور توضح اكثر
http://e.top4top.net/p_17392x00.jpg
http://c.top4top.net/p_1730q5z0.jpg
شهية طيبة
دعوة الخير برك تكفيني
باه متروحش بين الصفحات راني درتها موضوع لتعم الفائدة للجميع
http://www.djelfa.info/vb/showthread.php?p=3995756108#post3995756108
أماني خروبي
2016-06-22, 14:36
السلام عليكم ورحمة الله وبركاته
اخواتي اليوم حابة نشارككم بطريقتي في شربة الفريك
المرة الاولى محبيتش نشارك لانو قلت الشربات كل تتشابه
واليوم وانا نطيب قلت هيا نصور ونحطها واش راني خاسرة
المهم المشاركة
شربة فريك
طريقتي سهلة ولذيذة والمبتدئات راح تعجبهم
اولا نجيب بصلة صغيرة وسنات ثوم وحبتين طماطم
وفلفل احمر يابس (قاوجة) نقطة فوق القاف منعرف واش تسموه
وهذا سر من اسرار الشربة لبنينة ولحم اودجاج وملح طبعا
نهرس الثوم مع الفلفل لي قلتلكم عليه والملح ا
انا كي يحمارلي الفلفل نغسلو ونحطو يبس
ونخبيه في بلارة ماكلتو مممم المهم بعد ماهرسنا الثوم
نقطع البصل رقيق والطماطم قطعي برك اي شكل لانو رايحة نصفيها من بعد
التصفية على جال لولاد والصنعة هاذي ورثوها على امهم هيهيهي لاكن
الصراحة في دقيقة تنصبي
نرجعو للموفيد نحطو كلش في كوكوط ونقلي مليح ونضيف توابل راس حانوت
وفلفل احمر انا نستعمل الحار وكركم كي تتقلى نضيف طماطم مصبرة والسر الثاني
الطماطم حليها في شوي ماء سخون مترميهاش مباشرة تعطي لون جميل احمر للشربة نمرق شوي بماء سخون وبعد مدة
نكمل نمرق حتان يتغطى اللحم نخليها طيب
هنا نعطيك سر اخر كي تكوني تقلي في اللحم ضفي شوي نعناع يابس مممم على
البنة والريحة تهبل تهبل
http://d.top4top.net/p_173iqvq0.jpg
http://c.top4top.net/p_17321530.jpg
نغلق على الكوكوط حتان يطيب اللحم نحي اللحم ونصفي
بالكسكاس ونرمي عليه ماء سخون ونرجع لاصوص الصافية
في برمة الطين نحطها فوق النار كي تغلي نرمي لفريك بعد منغسلو
كي نغسل لفريك نزربو منخلوهش في الماء بزاف باه متروحش البنة
ونرمي معاه راس ولازوج فلفل مغلوق للبنة كي طيب لفريك نطفي وندير
ورقات نعناع اخضر اذا معندكش ديري اليابس فتفتيه بين صباعيك ونغطي لحين تسربي ومتنسايش الدبشة
نتمنى تكون عجبتكم طريقتي الكلام كثير باه نفهم لبنات المبتدئات
لاكن الطريقة سااااهلة ماااااهلة
نسيت نقلكم في برمة الطين الصغيرة نستعمل فنجان صغير تاع فريك
والصور توضح اكثر
http://e.top4top.net/p_17392x00.jpg
http://c.top4top.net/p_1730q5z0.jpg
شهية طيبة
دعوة الخير برك تكفيني
باه متروحش بين الصفحات راني درتها موضوع لتعم الفائدة للجميع
http://www.djelfa.info/vb/showthread.php?p=3995756108#post3995756108
مشكورة أختي على الوصفة الرائعة
نسمة صبح
2016-06-22, 15:00
اممم الله الله على الشربة البحر الصافي هايلة...لونا و شكلا و رائحة اكيد و طعما ...
قوليلي المطلوع واش من طاجين اطيبيه..تاع الحديد هداك لمشبك؟؟؟ خاطر طياب فرد وجه الله يبارك..
نسمة صبح
2016-06-22, 15:01
حبيت نقولكم على بطاطا سوتي تاع الهام جربتها جات بنينة تصلح طبق جانبي مع شوي دجاج محمر..سهل و سريع ...
نشطوا الصفحة..
حبيت نقولكم على بطاطا سوتي تاع الهام جربتها جات بنينة تصلح طبق جانبي مع شوي دجاج محمر..سهل و سريع ...
نشطوا الصفحة..
بارك الله فيك غاليتي
miss hapiness
2016-06-22, 17:37
ربي يعطيكم الصحة يا لحراير
راني نستفاد بززززززززاف من هاذ المنتدى و من خبرتكم
جعله ربي في ميزان حسناتكن
البحر الصافي
2016-06-22, 22:14
اممم الله الله على الشربة البحر الصافي هايلة...لونا و شكلا و رائحة اكيد و طعما ...
قوليلي المطلوع واش من طاجين اطيبيه..تاع الحديد هداك لمشبك؟؟؟ خاطر طياب فرد وجه الله يبارك..
شكرا ليك نسمة صبح ايه الطاجين هذاك تاع لحديد لمشبك عندي تاع الطين لاكن نحب نطيب في تاع لحديد
x ام رحاب x
2016-06-23, 10:40
السلام عليكم ورحمة الله وبركاته
البحر الصافي امممممممممممممممممممممم على الشربة اتشهي
زينب وجدت الشربة وطاجين الزيتون والمثوم كل مانجي انحملهم مايتحملوليش استناي عليا يخلاص هادا الحصار الي دايرينو على النات وانحطلك الاطباق كامل
Amouna.DZ
2016-06-23, 23:53
ولو أني اكتشفت الموضوع مؤخرا لكني سأستفيد منو أنا لحاجة الى تطوير مهاراتي بوركتي
sunshine2013
2016-06-24, 00:30
السلام عليكم و صح رمضانكم و يعطيكم الصحة على الموضوع الرائع
انا عندي مشكل مع المرق الاحمر كيما نتاع الشربة كاين اللي دير حبة طوماطيش و وحدة كونسونتري و كاين اللي دير 2 كونسوتري و انا مرة تجيني قارصة مرة بنينة ماحكمتش العبر
و مشكل خبز الشاوارما ولا الفاكيتاس ما حبش يخرجلي اللي عندها وصفة اكيدة ربي يحفظكم
جمانة 23
2016-06-25, 14:04
السلام عليكم وبارك الله فيك أختي زينب على الموضوع
أنا مبتدئة في الطبخ ومشكلتي في أني مراقة (نزيد الماء بزاف ) ومازلت مانعرفش قيس الماء المناسب ديما نقول بلاك مايكفيهاش ههههه
x ام رحاب x
2016-06-26, 10:36
السلام عليكم جبتلكم الشربة وطاجين الزيتو والمثوم بالشومبينو والزيتون هادي وصفتي من بكري انديرها والي تعجبها انحطلها الوصفة
http://up.1sw1r.com/upfiles2/uqv33119.jpg
http://up.1sw1r.com/upfiles2/0n033119.jpg
http://up.1sw1r.com/upfiles2/vyu33119.jpg
http://up.1sw1r.com/upfiles2/9i533119.jpg
http://up.1sw1r.com/upfiles2/bng33119.jpg
http://up.1sw1r.com/upfiles2/seh33119.jpg
طاجين الزيتون
http://up.1sw1r.com/upfiles2/4w533119.jpg الوصفة راني كاتبتها راهي في الصفحات الي فاتو
المثوم باشومبينيو والزيتون وصفتي
http://up.1sw1r.com/upfiles2/2od33119.jpg
ان شاء الله يعجبوكم وصفاتي
الشربة كيما شفتو في المقادير انسيت ماحطيتش نص حبة كورجات مسكرفجة ونص حبة زرودية مسكرفجة
انحط اللحم ينشف تماما من الماء وانحط مغرفة كبيرة سمن ومغرفة زيت وانخليهم يتقلاو وانحط البصل وانخليه يتقلا وحدو مليح امبعد انحط الطماطم المرحية والحشيش مقطفة الكسبر والكرافص وانحط التوابل هوما ملح فلفل اكحل وقرفة وسكنجبير والكبابة وراص الحانوت ةانخليهم يتمرقو وانزيد الفريك والحميصة وانخليهم ياخدو شوية وامبعد انمرق بالماء سخون وانخليه على نار قليلة بزاف وانغطيه وكل مرة انحرك باه مايلسقش من تحت وكي انشوف الشربة بدات اتطيب انحط حبة حار باه تتطلق البنة انزيد القرفة وراصالحانوت وشوية حبت حلاوة مع الاخير ونرمي شوية حشيش مقطفة والكرافس عرف واحد برك وان شاء الله تعجبكم
x ام رحاب x
2016-06-26, 10:45
السلام عليكم و صح رمضانكم و يعطيكم الصحة على الموضوع الرائع
انا عندي مشكل مع المرق الاحمر كيما نتاع الشربة كاين اللي دير حبة طوماطيش و وحدة كونسونتري و كاين اللي دير 2 كونسوتري و انا مرة تجيني قارصة مرة بنينة ماحكمتش العبر
و مشكل خبز الشاوارما ولا الفاكيتاس ما حبش يخرجلي اللي عندها وصفة اكيدة ربي يحفظكم
اختي الشربة كثريلها الطوماطيش الطازجة وديري العكري والطوماطيش المصبرة ماتكثريش بزاف اصلا الشربة ليها طماطم الحب واتزيدي اتعاونيها بالعكري الاحمر الحلو ايجيك الشربة هايلة وماشي قارصة
السلام عليكم وبارك الله فيك أختي زينب على الموضوع
أنا مبتدئة في الطبخ ومشكلتي في أني مراقة (نزيد الماء بزاف ) ومازلت مانعرفش قيس الماء المناسب ديما نقول بلاك مايكفيهاش ههههه
اختي الطبخ البنين عمرك لاتكثري الماء وزيدي الطياب البنين ايكون على نار قليلة يعني انت كي اتعودي اطيبي في طنيجرة تاعك ايكون الماء فوق اللحم ديالك وخليه ايطيب على نار قليلة وساعة ساعة طلي على الطنيجرة تاعك لازم اتكوني عندك الثيقة في نفسك ماتخافيش الطياب ولازم المرقة البيضة تكثريلها البصل مرحي اجيك عاقدة والمرقة الحمرا تقلي مليه الطماطم والتوابل على نار قليلة باه مايتحرقلكش الثوم وكي اتعودي ادوزني في المرقة تاعك ديري فنجال ماء باه تتفاداي الحريق تا عالدرسة تاعك ان شاء الله انكون فدتك
sunshine2013
2016-06-26, 16:20
و لا رد من صاحبات الخبرة و ممكن تفيدوني تاني بطريقة تحضير الدرسة و كيفاش نحتفظو بيها وقت اطول
انا شريت فلفل دريس يابس و درتو في الما بصح غير قشور مالقيت واش نطحن فيه
و لا رد من صاحبات الخبرة و ممكن تفيدوني تاني بطريقة تحضير الدرسة و كيفاش نحتفظو بيها وقت اطول
انا شريت فلفل دريس يابس و درتو في الما بصح غير قشور مالقيت واش نطحن فيه
انا ندير الفلفل في ماء سخون قيس ربع ساعة مع مغرفة صغيرة زيت و ممبعد نصفيه من الماء و نديرو في الروبو و نزيد معاه كمية تاع التوم و نرحيه و نحطه في علبة بلاستيك. في الفريجيدار و ادا شفت روخي منيش رايحة نستعمله نحطه في المجمد و كي نحتاج نجبد
انشاء الله الاخوات يزيدو يفيدوك
sunshine2013
2016-06-28, 18:27
يعطيك. الصحة ام رحاب و فاتن و صح فطوركم
sunshine2013
2016-06-28, 18:37
اختي ام رحاب عجبني طاجين المتوم الزيتون لحمر اللي حطيتيه يا ريت الوصفة
و الشربة مادرتيلهاش الكونسونتري دوتومات؟
و ادا عندك وصفة.مليحة نتاع الخبز العربي اللي يجي رقيق كيما نتاع ااالسوارة ربي يحفظك
يعطيك الصحة ام رحاب كفيتي و و فيتي
و و صفاتك حطيها بلا ما تشاوري حنونة راك شاف من الكبار
sunshine2013
2016-06-29, 14:39
السلام عليكم اخواتي و لا وحدة خدمت الخبز العربي ؟
x ام رحاب x
2016-06-30, 10:51
السلام عليكم اخواتي و لا وحدة خدمت الخبز العربي ؟
هاكي حبيبتي وسامحيني ماشفتش سؤالك هادا خبز ديري بيه كلش
سلام عليكم حبيباتي مقادير الخبز العربي
كيلو فرينة انحطلها 3مغارف زيت كبار ومغرفة كبيرة خمارة و2مغارف لحضة ايلا كانت عندك وتقدري تستغناي عليها وماء دافي والملح
تعجنيهم كامل مع بعض واتخليهم يخمرو كي تخمر العجينة تعاودي اتحبطيها وتخبطيها وتعجنيها شوية وتخليها تخمر مرة ثانية اومبعد ديريها دي بولات وحليها بالحلال مليح انا انرققها بزاف وخليها تخمر 10د فقط وطيبيها وراكي شفت كيفاش اندر انحط الخبزة في الطاجين غير تبدا ادير ليبول صغاراقلبيها باه تطلعلك وماطيبيهاش بزاف باش ماتيبسلكش
http://www.djelfa.info/vb/showthread.php?t=1540512
x ام رحاب x
2016-06-30, 10:52
اختي ام رحاب عجبني طاجين المتوم الزيتون لحمر اللي حطيتيه يا ريت الوصفة
و الشربة مادرتيلهاش الكونسونتري دوتومات؟
و ادا عندك وصفة.مليحة نتاع الخبز العربي اللي يجي رقيق كيما نتاع ااالسوارة ربي يحفظك
الخبز راني حطيتهولك ودوك انحطلك طريقتي في المثوم
x ام رحاب x
2016-06-30, 11:00
المثوم بالشمبينيو والزيتون
تاخدي طنيجرة اتحطي فيها الجاج طراف واتخليهم على نار قليلة حتا ينشف الجاج وحطي عليه الزيت والدرسة حمرا يعني حبة فلفل ادريس والثوم مرحين مع الملح واتحطي فلفل اكحل وعكري والكمون وسكنجبير خليهم يتقلاو وديري فنجال ماء باه مايتحرقلكش الدرسة وحطي مغرفة طماطم مصبرة و2 مغارف كبار طماطم مرحيين وخليهم يتقلاو مليح امبعد حطي الشمبينو والزيتون وخليهم ايطيبو على نار قليلة هاداك الوقت دوزني اللحم المرحي بالتوابل ملح فلفل اكحل ثوم وكمون وشوية قرفة وحبة بيض وشوية خبز مرحي محمص قيس 2 مغارف كبار وخلطيهم مليح وشكليهم ليبولات وكي قريب ايطيب الجاج حطي ليبولات تاع اللحم ايلا حبيتي تستغناي على طراف الجاج تقدري تستغناي عليهم وكي ايطيبو لازم اتكون المرقة عاقدة وبصحتك ان شاءالله
http://up.1sw1r.com/upfiles2/2od33119.jpg
sunshine2013
2016-06-30, 20:43
بارك الله فيك. اختي ام رحاب ربي يعطيك. ما تتمناي
dove of peace
2016-07-16, 15:13
شكرا وبارك الله فيك
بارك الله فيكم روائع يا فحلات بلادي
ahlam2060
2016-07-18, 01:36
بارك الله فيكم
وصفات متنوعة وشرح وافي
vBulletin® v3.8.10 Release Candidate 2, Copyright ©2000-2025, TranZ by Almuhajir