الفترة ما بين الامتحان و امتحان بالنسبة للمترشحين الاحرار

[Mehdi Dzx]

السلام عليكم و رحمة الله و بركاته قادة الغد

بخصوص المترشحين الاحرار كما تعلمون المسافة بين مكان الاقامة و مركز الاجراء الغالب تكون كبيرة مثلا انا اقطن بعين البنيان العاصمة و ساجتاز الامتحان في درارية ليست بعيدة كثيرة لكن كما تعلمون زحمة المرور و وو يعني لو حبيت ترجع للدار بين امتحان و امتحان قادر تجوز امتحانك في الطريق

فما\ا ستفعلون خلال تلك الفترة ما بين امتحان و امتحان و التي راح تتجاوز احيانا 3 ساعات

[nao_mi]

ana reh ndi m3aya moulakhessat

[Mahmoud88]

انا ندي معايا اوراق و ملخصات المادة اللي بعدها . لعلى و عسى

[Mehdi Dzx]

نفس الشيء , المسجد افضل مكان تجلس فيه في تلك الفترة تبتعد عن الضوضاء و تكون مسترخي و وفقنا الله و اياكم

[فؤاد البيضاوي]

فكرة رائعة

[fullafifi]

انا ثاني نحكم ملخصات نراجع فيهم وبتوفق للجميع امين

[النجمة الكورية]

السلام عليكم

احنا مالفين نروحو الولاية اللي تبعد علينا 60 km

بصح العام هذا دارو مدينتي هي المركز تاع الولاية راني ميتة بالفرحة هههههه

المهم انا كنت مخططة اذا رح نعقب في الولاية نقعد عند احد الاقارب ولا نشوفو hotel لانه مع الطريق نولي جاجة محروقة ومع السخانة هديك وزاد طريق ولايتي يديرلك الاكتئاب

ادي معاك ملخصات تاع المادة تع الصباح والعشية واجلس كي تخرج في مسجد ولا كاش صديق تعرفو لانه مستحيل تروح وتجي تعب روحك

ودير قران اسمع في الطريق وراجع شوي واستغفر وبربي ان شاء الله يعدي بالخير


بالتوفيق للجميع

[~أميرة أميري~]

هدي هي الحصلة وعلاش مايخلوناش نقعدوو في مركز الامتحان ؟؟؟ يخرجونا ؟؟؟؟؟؟؟
اكيد ندي معايا ملخصات بصح كيفاه نديرو من بين مادة ومادة وين نروحو وين نقعدو المسجد ماجاياش بالاك بعيد عليا
السبيطار قريب ليا نروح تما وخلاص ههههههههههه

[Mehdi Dzx]

هدي هي الحصلة وعلاش مايخلوناش نقعدوو في مركز الامتحان ؟؟؟ يخرجونا ؟؟؟؟؟؟؟
اكيد ندي معايا ملخصات بصح كيفاه نديرو من بين مادة ومادة وين نروحو وين نقعدو المسجد ماجاياش بالاك بعيد عليا
السبيطار قريب ليا نروح تما وخلاص ههههههههههه

وين جوزي الاخت

[sààsouu2015]

الله غالب خويا كامل رانا كييفكيف،،،،
المهم انا نظن نقعد قدام مركز الاجراء...
ولكن سؤال يخرجونا من المركز ولا نوووو؟؟؟؟؟؟
انا مركز الاجراء بعيد علي 50كم وزيد زحمة السير مستحيل نرجع للدار
المهم اللي عندو اقترااااح يفيدنا
بالتوفئيييييييق

[النجمة الكورية]

الله غالب خويا كامل رانا كييفكيف،،،،
المهم انا نظن نقعد قدام مركز الاجراء...
ولكن سؤال يخرجونا من المركز ولا نوووو؟؟؟؟؟؟
انا مركز الاجراء بعيد علي 50كم وزيد زحمة السير مستحيل نرجع للدار
المهم اللي عندو اقترااااح يفيدنا
بالتوفئيييييييق


كان قريب ليكم الجامع روحي فيه وقوليلهوم نسكن بعيدة و نعقب الباك ومعنديش وين نقعد باينة يخليوك

وكان متحبيش روحي شوفي كاش حديقة قريبة بعيدة على الشمس وريحي فما