المساعد الشخصي الرقمي

مشاهدة النسخة كاملة : موضوع مميز les gratin ....بلمسة اسمهان79


اسمهان79
2016-05-24, 14:24
السلام عليكم ورحمة الله وبركاته
اهلين وسهلين بكل مين صلى على النبي
عليه الف صلاة وسلام
ليغراتا نوع من الاكل يحبوها اولادنا بزاف
يلا نوعو شوية ونبدلو فيها ونفرحو حبايب قلبنا
بِسْم الله وعلى بركة الله

قراتا روعةةةةةة

http://b.top4top.net/p_1447bh41.jpg

وأسهل منها مفيش
واحلى منها مفيشششششششش
نحتاج بطاطا مقطعة مكعبات ومقلية بشوية ملح
بيض انجان مقشر ومقطع ايضاً مكعبات ومقلي
جريوات(القرعة -كورجات) مقطعة مكعبات ومقلية
سلق مفور او مذبل في شوية زبدة وفلفل اسود وثوم بودرة
خليط من الدبشة والمعدنوس
1 م ك خبز مرحي
طرف فرماج شاف او بربار مقطع رقيق شوية بصل مرابي هريسة ملح فلفل اسود لفاح ثوم مرحي وكمية من الفرماج المرحي

http://b.top4top.net/p_144e3sj1.jpg

نخلط كلش مع بعض غير بالشوية
ندخل لي مول ( ليغامكا) بالزبدة نرش الخبز المرحي
نأخذ حبة طماطم نخويها من الوسط كيما في الصورة ونقطعها حلقات نحط في كل مول دائري

http://c.top4top.net/p_14423881.jpg

ثم نفرغ الخليط نتاعنا
وفرغي عليهم اي مرق عندك مرق دجاج او مرق لحم او ممكن جونبو في الماء بعد ما يغلي شوية تسقي بيه

http://e.top4top.net/p_144mwz41.jpg

لوحيهم يطيبو حتى تشوفيهم نشفو

http://c.top4top.net/p_144xc111.jpg

حقيقتاً روعةةةةة روعةةةةةة
والله البنة اكثر من رائعة جربيها ورجعيلي الخبر
قراتاالجريوات بالمرقاز

http://c.top4top.net/p_144v5t11.jpg

ماكان لاه نحكي على البنة نخلي القرار ليكم
خذي حبات نتاع الجريوات ( القرعة- كورجات) فرغيها من اللب نتاعها بهاذ الشكل ثم اقليها مليح من كل الجهات

http://b.top4top.net/p_144zibe1.jpg

نحيها ومن بعد عمريها بالفرماج الطري وتكوني من قبل قليتي حبات مرقاز (نقانق)

http://c.top4top.net/p_144jlfr1.jpg

زيدي حطيهم فوق الفرماج

http://d.top4top.net/p_1442d471.jpg

اعدلي الحبات نتاوعك في بلا نتاع الفور وفرغي عليه لابيشاميل اللي تكوني وجديتها من قبل
انا نستعمل طريقتي ساهلة وما تاخذش وقت خلاص
نحط كمية لحليب اللي محتاجتها نحط الفرينة حوال خمس ملاعق كبار او أربعة على حساب الكمية فلفل اسود ثوم ملح زنجبيل رشة من جوزة الطيب فرماج طري ونخلط بارد في بارد ثم على النار مع التحريك المستمر حتى تثقال نحي من على النار ثم نضيفلها طرف زبدة صغير ونحرك وهنا أضفت كمية من المرقاز المقلي ومفتت
فرغتها على لجريوات نتاعي وذرذري الفرماج المرحي ودخلتها الى الفور وشعلة عليها من فوق ومن تحت وخليتها تحمار

http://e.top4top.net/p_144dtfj1.jpg

شفتو شحال سريعة وسهلة وطبق ثم ثم يوجد والاحلى انو بنين ويرضي الخاطر
جربوووووووووه ماتندموووووووش

قراتا ألوان ( بالخضار )

http://c.top4top.net/p_144unwj1.jpg

هاذا ما ينفع اطفالنا مفيدة وصحية
نفور الجزر والجريوات والبطاطا بعد ما نملحها
بعد ما طيب نهرسها بالفرشيطة نضيفلها ملح فلفل اسود فلفل احمر ثوم بودرة لفاح ونخلط
من جيهة نقلي اللحم المرحي بعد ما نتبلو مليح
ندهن لي مول الصغار ( انا حبيت نقدمهم في ليغامكا بشكل فردي وممكن تعمليهم في مول كبير لكي الاختيار )
نحط اول طبقة من الخضار المهروسة ثم طبقة مليحة من اللحم المرحي الطايب ثم فرماج اللي حبيتي انا استعملت كومونبار وغطي الخضار الباقية سوي السطح مليح بضهر الملعقة ثم اعملي خطوط برأس الفرشيطة ( الشوكة) والى الفور مباشرة

http://b.top4top.net/p_1443t591.jpg

راح يأخذ منك نصف ساعة طياب

http://c.top4top.net/p_1446sav1.jpg

قدميه سخون
الشكل رائع والبنة اروع صدقوني
قراتااااا الزاليقو اللوبيا الخضراء

http://e.top4top.net/p_144hdky1.jpg

شحال نحبها خفيفة وظريفة وطعمها راااائع
نقي اللوبيا نتاعك اغسليها ثم فوريها مليح حتى يدخلها الطياب من بعد قطعيها رقيق مثل الصورة وخلي حبات طوال لزوم التزيين ثم اقليها في زيت سخون
نحيها ونشفيها من الزيت فوق ورق ماص للزيت
http://e.top4top.net/p_144m0601.jpg


وجدي طرف دجاج تبليه بالملح والفلفل السود هريسة وموطالرد وثوم ولفاح وخل ثم اقليه ومن بعد فتيه وايضا وجدي بصل مقطع مكعبات وحمريه مليح مليح في شوية زيت مع التقليب المستمر وقطعي فرماج اللي حبيتي فرماج طري او ...انا استعملت كومنبار وايضا فلفل اسود ثوم بودرة ولفاح وشوية موطارد تعطيها بنة هايلة

http://c.top4top.net/p_144651e1.jpg

نخلط كلش مع بعض ثم نضيف لها كاس من صوص الطماطم و2 بيضات
ندهن مول بالزبدة ونرش الخبز المرحي ونفرغ الخليط والى الفور مباشرة حتى تنشف

http://b.top4top.net/p_1442h9c1.jpg

قدمتها هنا مع شرائح الدجاج اللي كنت تبلتها بالملح والفلفل الاسود ولفاح وثوم ولهريسة ولاموطارد والفلفل الاحمر الحلو والزنجبيل والخل او الليمون ثم قليتو في شوية زيت وفرغت عليه شوية صوص الطماطم وقلبتها شوية وطفيت

http://e.top4top.net/p_144f4sc1.jpg

والله غير بنينة فوق ما تتصورو نتمنى جربوها وراح تدعيولي بالخير ان شاء الله
قراتا او شكشوكة البطاطا بالبصل الأخضر

http://d.top4top.net/p_144jk7l1.jpg

ياااااااااااا ي هاذي يموتو عليها أولادي
خذي كمية من البصل الأخضر ( نتاع الذيول لاززززززم) قطعيها وذبليهم مليح على نار ذليلة مع شوية زيت وتكوني مغطيتها ثم نحي الغطاء وزيدي شوية النار باه تحمريها
من جيهة اقلي حبات بطاطا مقطعين مربعات صغار
واقلي ثاني حبات مرقاز واقسميهم الى قطع صغار
وجدي صوص الطماطم رابي زوج او ثلاث حبات طماطم كبار زيديلهم الدبشة و الملح والفلفل الاسود لفاح كمون زنجبيل زيت ثوم هريسة وطماطم مصبرة و الفلفل الحمر الحلو المرحي قليها شوية ثم زيديلها كاس ماء
نحتاج ايضاً الى كمية من الفرماج الطري والبيض
كلش راه واجد

http://a.top4top.net/p_144uxvv1.jpg

نخلط كلش مع بعض البصل المذبل الطماطم المرقاز البطاطا المقلية والفرماج ثم نفرغ في مول اللي يدخل في الفور ونفرغ البيض بهاذ الشكل نذرذر عليه شوية ملح وفلفل اسود ونلوح في الفور حتى يطيب البيض

http://b.top4top.net/p_144csw61.jpg

وممكن تعمليها في المقلا كيما يحبها سي السيد نتاعي
امممممممم ريحتها روعةةةةةةةة

قراتا باللوبيا البيضاء

http://a.top4top.net/p_144505r1.jpg

سهلة وبنييييييييييينة بزاف بزاف
في مقلا قلي كمية من اللحم المرحي مليح مع شوية زيت من اضيفي حبة طماطم حب مرابيا وبصلة مفرومة وثوم وشوية طماطم مصبرة شوية هريسة ملح فلفل اسود لفاح كمون زيت دبشة وقلي مليح مع اللحم المرحي ثم اضيفي قرعة من اللوبيا البيضاء المصبرة هايلة وبنينة اللي في الصورة

http://e.top4top.net/p_151rytn1.jpg

اضيفي شوية فرماج و ملعقة صغيرة خميرة الحلويات وبيضة او زوج حسب الكمية اللي عندك خلطي كلش مع بعض

http://b.top4top.net/p_144juv01.jpg

http://e.top4top.net/p_1440ohj1.jpg

http://e.top4top.net/p_144d9nd1.jpg

ثم ادهني مول نتاع فور بالزبدة ودخليها للفور حتى تنشف
ملاحظة (ما تخليهاش تنشف بزاف ومن الاحسن تأكل سخونة )
البنة روعةةةةةةةة

http://e.top4top.net/p_144uk0j1.jpg

انا قدمتها مع بطاطا حارة تقتل وتهبل هههههه جربيهااااا
البطاطا الحارة ساهلة ورااااااااااائعة والله راح تحبوها
نقطع البطاطا مكعبات نحطها في ماء وخمير نتاع الحلويات يوم كامل ثم صفيها من الماء واقليها بعد ما طيب نحيها من الزيت وفرغي الزيت في حاجة ثم رجعي البطاطا حطيلها ملح فلفل اسود فلفل احمر مرحي حار شوية هريسة زنجبيل ثوم بودرة دبشة طرف زبدة فرماج مرحي ونخلط كلش على نار هادئة

http://e.top4top.net/p_144d9nd1.jpg


http://b.top4top.net/p_144bc4d1.jpg

قدميها سخونة وتمتعي بألذ طعم
قراتاااا السردين

http://a.top4top.net/p_144mtsz1.jpg

تستاهل انك جربيها حقاً لذييييييييذة
نحط سمك السردين في روبو اكيد بعد ما تنقيه وتشليه وتقطريه اضيفيلو دبشة سنينات ثوم ملح فلفل اسود كمون لفاح زنجبيل بصل مقطع شوية زيت شوية خل او عصير ليمون نرحي كلش
نوجد الشرمولة
دبشة ومعدنوس مقطعين ملح فلفل اسود لفاح كمون زيت عصير الليمون فلفل احمر مرحي حلو شوية ماء
في مول نحط بصل مقطع حلقات ثم فوقه طماطم مقطعة حلقات نفرغ شوية من الشرمولة

http://a.top4top.net/p_144xbdm1.jpg

ومن بعد نحط السردين اللي رحيت نرفع غير بالأصابع ونحط من فوق بشكل عشوائي ثم نفرغ باقي الشرمولة ونحط أوراق الرند

http://c.top4top.net/p_144hn8s1.jpg

http://e.top4top.net/p_144eca71.jpg

وندخل للفور
طيبيها حوالي ساعة

http://b.top4top.net/p_144coq81.jpg

تجي روعةةةةةةةة في البنة حبيباتي

قراتااا كرنبل الدجاج

http://a.top4top.net/p_144xy301.jpg

امممممم بنيييييينةةةة
ناخذ كمية من صدر دجاج نقليه مليح في شوية زيت حتى يطيب ثم نفتو نضيف له ملح فلفل اسود لفاح ثوم بودرة كاس جلبانة طايبة من قبل وشوية شومبينيو اذا توفر عندك راس فلفل اخضر حلو مقطع رقيق وكاس حيب ونخليها على النار حتى تنشف
ندهن مول ونحطها في اسفل المول اللي يدخل للفور
نوجد عجينة الجبن
2 كيسان فرينة او كاس على حساب الكمية نتاع الدجاج والمول اللي عندك 1 م ص خمير الحلويات ملح فلفل اسود 1 م ك زبدة طرية 1 بيضة مخفوخة فنجان حليب قطعة من جبن شاف نخلط كلش باليد نتحصل على شغل عجينة
ملاحظة ما نعجنش نلم غي بالاصابع
ونحطها بشكل عشوائي على خليط الدجاج ثم اللى الفور مدة 40 د او اكثر شوية

http://b.top4top.net/p_144s7vl1.jpg

http://a.top4top.net/p_1447oy11.jpg

عن جد لذيذة


قراتا الآسيوية( على طريقة الشناوة )

http://c.top4top.net/p_144z1vw1.jpg

في مول نحط شرائح البصل مقطعة حلقات ثم نرش الملح وزيت الزيتون وفلفل اسود وثوم بودرة ثم جريوات مقطعة دوائر ثم بيض انجان ايضاً مقطع ثم طماطم دوائر وكل مرة نحط زيت زيتون وملح وفلفل اسود وثوم ونرش في الأخير الحبق اليابس او نعناع يابس
ونلوح في الفور

http://c.top4top.net/p_1442rr91.jpg

مدة الطياب ساعة حتى تنشف مليح
صحية وخفيفةةةة

نتمنى نكون افدت حبيباتي الغاليات
في امان الله
دعاوتكم لي براحة البال

أم سدرة
2016-05-24, 14:34
يعطيك الصحة أسمهان رووووووعة رووووووعة ربي يحفظك

المدير2012
2016-05-24, 14:36
اطباق روعة اممممممممممممممممم
نحتفض بيها وبعد نرجعله
بارك الله فيك

om obaida
2016-05-24, 14:48
كنت حابة نكون اول من يرد عليك وين نلقى اسمك ندخل بسرعة اطباق رائعة مشكوووووووورة

•~ندية الجوري~•
2016-05-24, 14:51
أممممممم ؛؛؛ ماشاء الله
تبارك الرّحمن
الله نورك و يسعدك غاليتنا اسمهان

ام احمدي
2016-05-24, 15:08
ربي يريح بالك ويطمن قلبك حنونة
لي قراتان رووووووووووووووووووووووووووووووعة

قوية بايماني
2016-05-24, 15:10
بوركتي اختي وجعلها الله في ميزان حسناتك وربي يسجيلك وليدات و يرزقك الصحة والعافية

اريج 07
2016-05-24, 15:52
ياااااي اسمهان واشنو هادا سخفنيني مووووووت اممممممم و امممم و نزيد اممممم رووورووووووعةتهبل تسلمي يااحلى شاف في ميزان حسناتك وربي يباركلك في اولادك و زوجك

oum razane
2016-05-24, 15:55
يعطيك الصحة وبارك الله فيك ،والله يعجز اللسان عن مدح ماتقديميه من اطباق رائعة .

ام هدول
2016-05-24, 16:01
كل كلملت الشكر ماتكفيش وماتوفيش ......راكي نفعتينا بزاف بوصفاتك اللديدة والسهلة ..ربي يبارك لك في بيتك وزوجك وووليداتك واهلك

كوثر التائبة
2016-05-24, 16:07
يعطيك الصحة تحفة تحفة راح نجربهم

imanaz
2016-05-24, 16:09
أطباق خفيفة تليق لفصل الصيف
وصفات رائعة كروعة صاحبتها
ربي يقدرك باش تقدميلنا المزيد
بارك الله فيك أستاذتنا
ربي يسترك و شكرااااااااااااااا

La reine Nour
2016-05-24, 16:55
تبارك الله عليك
ربي يحميك ويهدي بالك
يعطيك الف عافية

جزائرية 16
2016-05-24, 17:04
ماخليتي والو تبارك الله فيك و رب يجازيك كل خير

loudjaine
2016-05-24, 17:35
نهار القيامة نشهدلك ...ربي دخلك طوووول للجنة لا حساب و لا عقاب

ريتاج 09
2016-05-24, 18:20
الله يبارك واش هدا الابداع كلشي روعة يعطيك الصحة

heaven's road
2016-05-24, 19:12
الله الله مبدعة كالعادة ما شاء الله

جازيا ام البنات
2016-05-24, 19:19
مشاء الله كلش فور ربي يباركلك في صحتك ويدومها عليك

اشرقت نفسي
2016-05-24, 19:23
تبارك الرّحمن
اللهم صلي وسلم على سيدنا محمد وعلى اله وصحبه اجمعين

ziha24
2016-05-24, 19:37
ماشاء الله مبدعة كلش يشهي يعطيك الصحة

omjoujou
2016-05-24, 19:54
امممممممم اسمهان حبيبتي كلهم يشهيو وش ندير وش نخلي ربي يبارك في هذوك اليدين
ربي يريح بالك حنونة ويشفيك

ام اسلام وسرين
2016-05-24, 20:06
ماشاء الله عليك يا الحبيبة و الله اطباقك كلها يعجز اللسان عن التعبير ربي يحفظك من العين

اسمهان79
2016-05-24, 20:23
يعطيك الصحة أسمهان رووووووعة رووووووعة ربي يحفظك
الله يسلمك حبيبتي
الف شكر على الرد

اسمهان79
2016-05-24, 20:24
اطباق روعة اممممممممممممممممم
نحتفض بيها وبعد نرجعله
بارك الله فيك
بارك الله فيك اخي الكريم شكرا على المرور الطيب

اسمهان79
2016-05-24, 20:24
كنت حابة نكون اول من يرد عليك وين نلقى اسمك ندخل بسرعة اطباق رائعة مشكوووووووورة
العفو حبيبتي الشكر على واجب
نورتي بالرد الرائع

اسمهان79
2016-05-24, 20:26
أممممممم ؛؛؛ ماشاء الله
تبارك الرّحمن
الله نورك و يسعدك غاليتنا اسمهان


الله ينور ويحلي ايامك حبيبتي
أسعدني مرورك الطيب

اسمهان79
2016-05-24, 20:27
ربي يريح بالك ويطمن قلبك حنونة
لي قراتان رووووووووووووووووووووووووووووووعة
بروعة ردك الرائع حبيبتي
والله فرحت بمرورك

اسمهان79
2016-05-24, 20:28
بوركتي اختي وجعلها الله في ميزان حسناتك وربي يسجيلك وليدات و يرزقك الصحة والعافية
آمين يارب
دعوة من القلب
مشكورة اختي الكريمة

اسمهان79
2016-05-24, 20:29
ياااااي اسمهان واشنو هادا سخفنيني مووووووت اممممممم و امممم و نزيد اممممم رووورووووووعةتهبل تسلمي يااحلى شاف في ميزان حسناتك وربي يباركلك في اولادك و زوجك
شكرا شكرااااااااااااااااااااا أريج حبيبتي
نورتي بالرد الحلو اللي اكيد مثل حلاوتك

اسمهان79
2016-05-24, 20:30
يعطيك الصحة وبارك الله فيك ،والله يعجز اللسان عن مدح ماتقديميه من اطباق رائعة .
والله يعجز اللسان اللسان التعبير عن فرحتي بطلتك حبيبتي والله اشتقنالك نورتينا وفرحتينا ياهلا

اسمهان79
2016-05-24, 20:31
كل كلملت الشكر ماتكفيش وماتوفيش ......راكي نفعتينا بزاف بوصفاتك اللديدة والسهلة ..ربي يبارك لك في بيتك وزوجك وووليداتك واهلك

ويبارك في صحتك وكل اللي تحبي انا هنا في الخدمة حبيبتي

اسمهان79
2016-05-24, 20:32
يعطيك الصحة تحفة تحفة راح نجربهم
أن شاء الله حبيبتي وبصحتك مسبقا

اسمهان79
2016-05-24, 20:37
أطباق خفيفة تليق لفصل الصيف
وصفات رائعة كروعة صاحبتها
ربي يقدرك باش تقدميلنا المزيد
بارك الله فيك أستاذتنا
ربي يسترك و شكرااااااااااااااا
راني نخمم فيكم حبيبتي ومن القلب
رب يستر بنياتي وجميع لبنيات
الف شكر على المرور الكريم

اسمهان79
2016-05-24, 20:38
تبارك الله عليك
ربي يحميك ويهدي بالك
يعطيك الف عافية
سلام حبيبتي
الف شكر كلامك طيب بارك الله فيكي

اسمهان79
2016-05-24, 20:39
ماخليتي والو تبارك الله فيك و رب يجازيك كل خير
شكرا جزائرية حرة
مشكورة على الرد حبيبتي

اسمهان79
2016-05-24, 20:40
نهار القيامة نشهدلك ...ربي دخلك طوووول للجنة لا حساب و لا عقاب
أن شاء الله حبيبتي ربي يجعلنا من سكانها انا وانتي وجميع المسلمين

اسمهان79
2016-05-24, 20:44
ماشاء الله عليك يا الحبيبة و الله اطباقك كلها يعجز اللسان عن التعبير ربي يحفظك من العين

نورتي بردك الجميل يا طيبة بارك الله فيكي حبيبتي

اسمهان79
2016-05-24, 20:45
امممممممم اسمهان حبيبتي كلهم يشهيو وش ندير وش نخلي ربي يبارك في هذوك اليدين
ربي يريح بالك حنونة ويشفيك
الله مين طلتك أم جوجو الحبيبة والغالية
نورتي نورتي ونورك غطى

اسمهان79
2016-05-24, 20:46
ماشاء الله مبدعة كلش يشهي يعطيك الصحة
الإبداع تعلمت منكم حبيبتي
بارك الله فيكي وفي ردك الطيب

*فاتن*
2016-05-24, 20:46
بارك الله فيك .روعة

اسمهان79
2016-05-24, 20:47
تبارك الرّحمن
اللهم صلي وسلم على سيدنا محمد وعلى اله وصحبه اجمعين
وفيكي بركة حبيبتي

اسمهان79
2016-05-24, 20:47
مشاء الله كلش فور ربي يباركلك في صحتك ويدومها عليك
أمين اخت جازية ربي يعطيك على قد نيتك

اسمهان79
2016-05-24, 20:48
الله الله مبدعة كالعادة ما شاء الله
طلتك الغالية
نورتي حبيبتي

sofia dj
2016-05-24, 20:49
ماشاء الله ربي يريح بالك ويعطيك ما تتمناي

اسمهان79
2016-05-24, 20:49
الله يبارك واش هدا الابداع كلشي روعة يعطيك الصحة
مشكورة حبيبتي ريتاج
بفضل تشجيعاتكم

حبيبة امها
2016-05-24, 21:04
اممممم يعطيكي الصحة شهيتيني حنونة مالقيت ما نقول كل شئ روعة لكن غراتان تشكشوكة البصل اكييييييد نجربو من النوع الدي يحبو زوجي
وكل اطباقك روعة احلى تقييم لاحلى اسمهان

ملاك ملاكي
2016-05-24, 21:11
الله الله الله تبااااارك الرحمان ماشاء الله على بنتي شطورتي هاك نحبك كل سبع بصنعة وتخدمي مخك هاهاها وتخلي بصمتك الخاصة وتميزك
امممممم يشهيوا كل واحدة يقول لخوه قاااااااري هاهاها
مي انا لي شدني اكثر قرتان الجريوات بالمرقاز باه نغيرو وناكلو الجرقوات هاهاهالانه عايلتي نايخبوهاش من غير مقلية ولااازم تكون كحلووووشة هاهاها وطريقتك عجبتني اممممم كلهم كلهم ماشاء الله
ياريت في العراس يبدلوع ونوليو ندقرو هااااك هاهاها والله يتحل المشكل هاهاها
ربق يحفظك وسلمت قداكي اختي الفاضلة ربي يعطيك صحتك ويبقي الستر
مشكووووورة كنت عند وعدك ااااا ا الزرقة نتاعي هاهاها

ايمان يمن
2016-05-24, 21:37
مبدععععععععععععععة

جنة الفردوسْ
2016-05-24, 21:41
روعة روعة روعة الله يحفظك حبيبتي اسمهان وبربي في رمضان نجرب ونبهرهم

ام خالد اسلام
2016-05-24, 21:49
شكرا حبيبتي في ميزان حسناتك

ROUDA
2016-05-24, 21:57
وصفات رائعة!

حياتي كلها امل
2016-05-24, 22:02
بارك الله فيك انا شخصيا نحب ليغراتان سوغتو في الصيف .ربي يريح بالك ويطمان قلبك ويحققلك كل الي متمنياتو يارب

نهر التسنيم
2016-05-24, 22:14
ماشاء الله عليك اسمهان مبدعة كالمعتاد ربي يحفظك و يجازيك كل خير

ام رضوان
2016-05-24, 23:00
ربي يباركلك في صحتك وفي رزقك ويسعدك ويحفظلك عايلتك على قد ما راكي تفيدي فينا
اختي اسمهان راكي خيرتي الوقت المناسب لهذه الاكلات
بارك الله فيك

om kamilia
2016-05-25, 08:33
روائع ا لعزيزة اطباقك كلها لمسة خاصة وفن راقي
ربي يحظك بنياتك و يعطيييك الصحة و الهناء وتتنعمة بصحة جيدة
شكرا ا الغالية
رايحةباذن الله نجرهم في الشهر الكريم وخاصة صحين بالخضر وعجبني بالمول صغار

ibtihal18
2016-05-25, 10:39
ماشاء الله كفيتي و وفيتي في ميزان حسناتك وصفاتك راعة بمعني الكلمة
بارك الله فيك و رزقك ما تتمنين و يجعل ايامك كلها راحة

انا هي رزيقة
2016-05-25, 14:13
موضوع قمة في اللذة ياشاف اسمهان عن جدارة صدقيني راني نستبن بيني و بين نفسي كل طبق و لقيت تع الجريوات و المرغاز اممممممممم تع الصح و زدت ذقت شكشوكة البصل مع البيض لقيتها تهوس ثم زدت عليها هذوك الخضر المطحونة مع الفيوند اشي لقيت روحي كاووو من البنة ....خخخخ ربي يخليك لينا يا احلى اسمهان و يحفظلك كل عزيزعليك يا رب

أ م ساجد وسيم
2016-05-25, 14:28
ياختي نقولك يعطيك صحة وقليلة بزااااااف فيك.....ربي يكثر خيرك ويكثر من امثالك ويهدي بالك ويرزقك من عالي سما....ياارب

sabouha el helwa
2016-05-26, 11:50
يعطيك الصحة اختي اسمهان والله استفدت من وصفاتك كتير

كاميلياس
2016-05-26, 13:17
تبارك الله عليك
ربي يحميك ويهدي بالك
يعطيك الف عافية

انتصار فاطنة
2016-05-26, 13:56
كلشي من يديك يجي تحفة بصح ما كنتش علابالي بلي نعرف نطيب كيما الشناوة هههه الطبق الاخير انا نسميه قراتان الحصلة كا ما نحصل واش نطيب نجري ليه

آسيا 25
2016-05-26, 16:11
أمممممم قلبي خرج من السخفة بسم الله ما شاء الله عودة قوية إسمهان ربي يخليلك صحيحتك و يريح بالك يا لعزيزة شكرا على الوصفات الرائعة

ليلي شاهين
2016-05-26, 16:23
اهههههه يا خيتي
واش هاذ الإبداع حرة من اللي كنتي صغيرة ربي يبارك في صحتك ويريح بالك كيما راكي متمنية

خميسة86
2016-05-26, 17:39
يعطيك الصحة

خوخة02
2016-05-26, 19:08
مبدعة روووووعة

صبرين05
2016-05-27, 14:15
اطباق رائعة بارك الله فيك

omelbanin
2016-05-27, 14:36
ماشي غير نفعتينا ...مشكورة

hawa19
2016-05-27, 22:57
ربي بطمن بالك و يهني قلبك كلشي روعه روعه يعطيك الصحه

إلهام07
2016-05-28, 01:08
أحلى تقييم لأحلى شااااااااااااااف

يعطيك الصحة اسمهان رواااااااائع

ربي يعافيك ويخليك لينا يارب

تحياتي :mh31:

prettywoman
2016-05-28, 06:22
أمم روعة اسمهان كي العادة الله ابارك ويحفظك من كل سوء يا رب

الرجاء الاماني المجد
2016-05-28, 07:14
تتتتتتتتتتتتتتتتتتتتتتتتحفة بارك الله فيك

lilya ben ahmed
2016-05-28, 09:53
الله الله الله بارك الله فيك يا ست الستات مانشبع من طلتك

ام سوهيل
2016-05-28, 10:32
يعطيك الصحة أسمهان رووووووعة

ام اياد 2013
2016-05-28, 12:14
روعة اسمهان يعطيك الصحة وصفات هايلين وبريزونتابل

marwa81
2016-05-29, 13:03
يعطيك الصحة كيما نقول دائما كي نقرأ وصفات امرأة و نص الله يبارك

ام لقمان02
2016-05-29, 14:48
الله يبارك تسلم الايادي

rayen73
2016-05-29, 16:05
سلمتي وسلمت يداك ووفقك الله وبارك لك في زوجك وذريتك رااااااااااااااائعة

حياة نور الدين
2016-05-29, 16:36
الله يبارك روووووووووعة رووووووة ربي يتمم شفائك ويبعد عليك العين اختي مواضيعك لا يعلى عليءها حنونة ربي يقدرك ويسترك

سوسو المغتربة
2016-05-29, 17:14
ماشاء الله تبارك الرحمن ربي يبارك في هذوك اليدين وفي ذوقك الرفيع وفي لمستك السحرية وفي لسانك الحلو وووووووووو ووووو
وربي يهني بااااااااالك يارب ويعطيك صحتك وتبقي وردة مفتحة

ساجده 82
2016-05-29, 23:06
الله يعطيك الصحه اسمهان ربي يحفظك ماشاء الله عليك .كل شى فن.

nadjet45
2016-05-30, 22:44
يعطيك الصحة اسمهان نورتي المنتدى ودمتي دائما متالقة

اشرقت نفسي
2016-05-31, 07:55
أممممممم ؛؛؛ ماشاء الله
تبارك الرّحمن

وردة الرمال43
2016-05-31, 13:37
:19::19::19::19::19::19::19::19::19::19::19::19::1 9::19::19::19::19::19::19::19::19::19::19::19::19: :19::19::19:
اممممممممم 44444444444444444444444 يعطيك الف صحة وعافية يا ملكة الإبداع

ام عبودة م
2016-05-31, 17:36
يعطيك الصحة اختي

maison décor
2016-06-02, 16:16
Ma chaa allah alik okhti asmahan rabi yahfadlak ayeltak w kyejaal had ettaab dyalak sadaka jariya l papa

amaniam
2016-06-04, 07:59
بارك الله فيك اختي ديما عندك الجديد والمميز

عطر و مطر
2017-05-08, 12:57
ماشاء الله
ربي يبارك فيك
مشكوورة

denise
2017-05-28, 12:37
ماشـــاء الله

أنت فنانة بمعنى الكلمة

نورة100
2017-07-21, 19:09
ربي يخليك ويحفظك ماشاء الله روعة.....

nassima sétif
2017-07-25, 11:13
كلشي رووووووعة يعطيك الصحة

أم رقية نسرين
2017-07-28, 18:31
يعطيك الصحة يا الفحلة ماشاء الله عليك

ahmed.zako
2017-07-28, 18:34
بارك الله فيك

منى27
2019-05-07, 11:34
تسلم إيدك بصحتكم

رنيم مهدي
2019-05-08, 11:17
يعطيك الصحة روعة تشهي

hanamohammed
2019-05-09, 13:43
بارك الله فيك ملف شامل ل gratin

ندى_89
2019-05-14, 12:04
بارك الله فيك

حسناء القمر
2019-08-18, 13:40
وصفات في القمه تسلم ايديك

بـــيِسَة
2019-08-19, 13:03
اممممن بصحتكم هههه
يعطيك الصحة
ميرسي

ليندة 80
2020-04-06, 18:50
يعطيك الصحة وصفات ما شاء الله