هل فعلا هي مريضة ام تتبلاني؟

[مشكلتي]

السلام عليكم
يا لطيف يا لطيف نبدا حكايتي بهادي الكلمة و بعدها حسبي الله ونعم الوكيل
عندي عامين زواج
مشكلتي مع اخت زوجي الي تسببلي مشاكل
عندما نتناقش مع بعض تتصل باخيها وتقولو شوف مرتك قالت وقالت
دارتهالي مرتين من قبل واحدة منهم تسببت في طلاقي و فهمتها بلي ماشي مليج هادي العقلية
حتان البارح صرا مشكل كبير كان راح يسببلي في الطلاق الثاني
هي مريضة تقول انها مسكونة عندما تتسبب في مشكل تقول بعدها انها ليست هي وانما احد الجنون
البارح قلت لراجلي خدني للحجامة اريد ان احجم
اخدني بعد قليل جابها هي ثاني قاتلو روح نحضر باش نتهلى فيها
و هي كي دخلت قالت جيت نحجم
لا علينا تشابكنا في الحديث
قالت لي لمادا انتي متزاعلة مع اخي قلت لها من اين عرفتي
قالت لي لمادا ديري في المشاكل
قلتلها هادي مشاكلي بيني و بين زوجي ولا احد له الحق في التدخل
اتصلت باخيها ةقالت له تعال خدني زوجتك غضبت عندما اتيت
ضحكت وقلت لها كالعادة دائما تبيعيني
صرخت في ةقالت اتقي شري فانا اسنتطيع ان اعمل لكي كطا و كدا زعما الحن يهدر
قلت لها عن مادا تتكلمين و عن من تتكلمين
قاتلي سوف تندمين اشد الندم
انا سكت و جلست جامدة انضر اليها
فبدات بالصراخ في وجهي لكي تخيفني
وانا لم اخف فبداو النسوة بتفريق بيننا
اتى اخوها خرجت له و بظات بالكدب
لقد قالت لي ةقالت لي
خرجني حكمني قالي نهارك اليوم تخلطي فيها
هي هربت قتلو عيطلها تجي تواجهني
قاتلو مش انا الي هدرت هادوك ناس زقاو عليها
مش انا
زوجي كالعادة لم يصدقني فسال الراقية قالت له سوء تفاهم
قالها واش دارت لختي قوليلي
قاتلو مانيش عارفة كنت نحجم
قالي اقعدي عدها نوصل ختي ونحي نتفاهم معاك
كي دخلت كثر خير الي كانو قاعدين قعدو يقولو مادارتلها والو
طفلة كانت قاعدة عاقلة هي الي خلطت فيها
كي جا راجلي يدي فيها باش يرجعني لدار بابا خرجتلو الحجامة و قاتلو راني سقسيت الي كانو حاضرين وقالو مرتك بريئة
انا حبيت نسالكم
الي نعرفها الجن لما يحكي علا فم الانسان الانسان هداك يولي غايب عن الوعي و لالا
يعني هي قعدت مدكرة واش قالتلي بصح قالت لخوها ماشي انا الي كنت نهدر
هادي تصرا صح ؟
ولالا
انا حاسة كانت تتبلى فيا برك
حسبي الله ونعم الوكيل

[ibtihal18]

بغض النضر عن انها مريضة ولا لا تبانلي احسن حل انها كي تكون تهدر ما ترديش عليها و ديري روحك ما سمعتيش و تجنبي النقاش معاها احسن و افضل
نسال الله العافية و ربي يفرج عليك

[حياتي نبع امل]

هاذي احسن حاجة ديريها انك تخطيها سوا جن ولا انس
بعديها قد ماتقدري وكوني ذكية كيفاش تجتنبيها

[أنور]

ماتكروشيش معاها في الهدرة ـ سواء مجنونة او تتمهبل، وحاولي افهام زوجك الموضوع وبترو

[xeno]

اذا كان زوجك لا يصدقك فكيف له ان تزوجك اصلا مادام لا يثق فيك ولا يصدق كلامك من اول مشكلة في زواجكما؟

هناك سحر التفرقة وفعلا يمكن ان يتلبس الجني بأقرب المقربين ليفرق بينكما، انصحك ان تطلبي من زوجك عرض اخته على راقي شرعي.

[mrmilano1984]

هادي باينة مراة خبيثة وحسادة وغيورة وقلبها مليء بالغل والغيرة تحرق قلبها شوفي وجها تفهمي تقراي الغل والسم يخرج من وجهها هادي ادا كملت هاك صدقيني قادرة تروح بعيد وحتي تسحركم حسبي الله ونعم الوكيل في نساء اخر الزمن حاشا بنات الفاميليا دوات القلب الطيب ربي يبعدنا عليهم النساء المريضات القلب

[mrmilano1984]

نساء كما هادو صدقيني مراض نفسيا حسب ماحكيتي لنا هادي لازم تهربي منها وتكوني انتي دكية مش نية او غبية او تروحي تقابحيها هكدا تدخلي في لعبها المراة الفطنة تتجنبها وروحي قولي لراجلك كريلي او حتي يعمل ملف سكن وربي ان شاء الله يبعدك عليها هادي بلاكي كاش ماتسحرلكم انتي او زوجك او حتي اولادكم لانها مريضة والله النساء مريضات في قلبهم ااكد يعملو كل شيء لتفريق للفتنة واعرف كثير منهم حتي العائلة ربي ينجينا منهم

[mrmilano1984]

اذا كان زوجك لا يصدقك فكيف له ان تزوجك اصلا مادام لا يثق فيك ولا يصدق كلامك من اول مشكلة في زواجكما؟

هناك سحر التفرقة وفعلا يمكن ان يتلبس الجني بأقرب المقربين ليفرق بينكما، انصحك ان تطلبي من زوجك عرض اخته على راقي شرعي.

والله كلامك مثل كلامي وراك فعلا حسيت واش راها تعاني نسال الله للمريضىة الهداية والشفاية هادي لازم ترقولها

[أم عبد الكريم]

احسن حل انك متزيديش تهدري معاها المقاطعة التامة .............و انت تهنيتي و قولي لراجلك بلي راكي رح تقاطعيها و خلاص واذا بدات دير مشاكل كلمي راجلك و خليه يسمع واش راهي دير

[mrmilano1984]

المهم المشكل ليس في مشاكل وكفي كاينة صح لي تدير مشاكل ولكن لاتضرك بالسحر والشعودة المشكلة الاخطر لي تسحرك هنا الطامة الكبري وهادي حسب ماحكيتي وفهما قادرة اكيد تدر افعال مثل هاته اجبدي راجلك ليك لانها راني متاكدة ماهيش حاملتها اطلاقا انك عندك راجلك خوها وتزوجتي بيه وتحرجي معاه وتشوفك فرحانة هادي راح تهبل من عقلها

[~أميرة أميري~]

يعني الجن يتلبسها غير كي تكون معاك!!!!!! يتلبسها غير باش دير مشاكل بينك وبين زوجك ههههههههههههههههةهادي تليق تدي جائزة اوسكر هههههه
تعرف تمثل لاحول ولا قوة الا بالله
ربي يهديها حاولي ماتكتريش معاها الهدرة ايفيتيها قد ماتقدري راهي اكبر ممثلة من جيهة متفكرة واش هدرت ومن جيهة تقول مش انا هههههه ياخي حالة ياخي

[mrmilano1984]

واش من ممثلة هادي ممثلة مريضة صح طفلة صغيرة صدقوني بنت اختي عاقلة عليها 7 سنين عندها عقل ماشاء الله زين عقل وفهامة ورزانة ودكاء احسن من هادي عقلها خاوي فيه الا الامراض

[faty05]

الله يسترنا
وشي هذ لمرا
وين وصلت بيهم الناس بش يفرقو بين زوج
رأيي قاطعيها تماما وين تدخل اخرجي
ما تجمعيش معاها قط و ما تحكيش معاها حتى و ان كلمتك هذي تع مشاكل
قالك رايحة تحجم جات حتى هي تلحق فيك
وش هذا ما تخليكش داوي في راحتك
الله لا يبلينا

[نسيم الريح ش]

ادا صح مريضة ربي يشافيها وادا راها تلعب فيها حسبي الله ونعم الوكيل فيها

[أم أماني أريج]

و زوجك مادامو عارف لي اختو مريضة و علاش يصدق كلامها ؟
مرة أخرى لوكان تزيد تدير أي مشكلة بينك و بين زوجك قوليلو ياك هي قالتلك بلي الجن راهو يهدر على لسانها يعني انت راك تصدق في الجنون ؟
ربي يشافيها إذا كانت صح مريضة لكن أنت أيضا حاولي تكسبي ثقة زوجك و قريبيه ليك باش يرجع يوقف معاك على خاطرإذا كان موقف صغير كيما هدا و ماوقفش معاك يعني كاين خلل في علاقتكم حاولي تكتشقي هذا الخلل و عالجيه بذكاء .

[mrmilano1984]

كاين امر ما والله اعلم ربما اقول ربما سحر فعلته هاته المريضة لم تعطنا تفاصيل كثيرة هل كانت معكم عل تاكل معكم هل تبقي معكم هل تاكل وتشرب معكم هل تجلس في بيتكي وووو كاين نساء شياطين يالطيف تخربلك صدقيني دارك بلا ماتحسي ابدا ردي بالك اوك

[hiba habouba]

كي تكون تهدر متجاوبيهاش ..و ادا يقولك علاش مهدرتيش معاها قليله خفت نكون نهدر مع الجن