مشكلتي

[مشكلتي]

سلام عليكم معاكم ............ حابة نشارككم مشكبتي وهمي ياريت تساعدوني بحلول مناسبة وواقعية ونطلب كل من قرء مشكلتي انه يضع مكانه في مكاني حتى يفهمني وبعدين يعطيني اسباب المشكلة لاني حابة نعرف اسباب حتى نقدر نحلها المشكلة اني مانعرفش اسباب مشكلتي وياريت كل واحدة او كل واحد يقولي رائيه ورئي غيره من معارفه بهدا الموضوع وادا احدكم مر بنفس تجربة او تعرفون من مر بنفس تجربه احكولي عليه ارد من كلا الجنسين خصوصا البنات مشكلتي هي سبب تعاستي انا نقرا في لجامعة واخطيني امور البناتاصلا مانعرفش البنات وصراحة انهم هم ماحبوش يعرفوني مشكلتي هي الاحتقار وسخرية ماعنديش صحابات وكامل يهربوا مني تقولوا مريضة بداء سل مرة فسويام زعم لقيت رفيقة وفرحت بصح قالتلي راني رافقتك برك لانه حتى واحدة ماتهدر معايا انا نكرهك ماتتصوروش شحال حزنت مزالت هدي الجملة حفظتها وفي الجامعة سنة الاولى زعم لقيت بواحدة وفرحت بصح كانت مستغربة حتى واحد نهار قالتلي علاه كامل البنات ميحبوكش قلتلها ماعلباليش قلتلي انها هي من يوم لرافقتني ماهدروا معها غير صباح الخير وقالتلي بصح انتي حتى صباح الخير مكنش هادي طفلة مخلتنيش بصح العامي لجا بدلت شعبة وبدلت الجامعة وصرت للوحدة مرة ثانية . ولقيت بواحدة رافقتني بصح كي لاقت رفيقة خلاتني وهادي قالتلي انتي مليحة بصح مايحبوكش . علاه يكرهوني هم يحتقروني ولا علاه مع العلم اني انسانة طيبة وصديقة وافية هل يكرهونني لطيبتي؟
ارجوكم ردوا علي

[*أم سجى*]

يا أختي بنات تاع ضرك راهم جنوووووون يطيرو مع الطايرين وصعب التعامل معهم ....الا القليل ممن رحم ربي......ربما انتي طيبتك الزائدة صارت تبان في نظرهم كيم نقولو بالعامية سمااااطة .....هذا تفسيري لما يحدث معك والله أعلم .....أما الحل فأنصحك أن تكوني فقط هااادئة متزنة لا تتتكلمي كثيرا خاصة فالمواضيع التافهة ....لا تعطي الناس أكثر من قيمتهم.....لا تطيحي وتنقصي من شأنك...سواء في الملبس أو طريقة التحدث أو طريقة المشي.......حاولي التفوق وتحقيق النجاحات الدراسية ....لربما هذا يجعلك فتاة قوية ذات مكانة في نظر صديقاتك.....وفقك الله

[نورسين.داية]

أصلا الخلطة و خصوصا في الجامعة ماش مليحة ....ما تجيب غير المشاكل عن تجربة


ماذامك مستغنية عليهم خطيك

[beautifulmin85]

الجئي لله فان كرهك الناس أحبك وان ابتعدوا عنك قربك منه وان أساؤوا اليك احسن اليك

وان ظلموك رحمك سبحانه وعطف عليك كوني كمريم عليها السلام اتهموها وافتروا عليها

ولكن الله عز وجل أكرمها وقربها منه وسماها الصديقة وخلد ذكرها في الكتاب الكريم

ادعي الله ليل نهار ان يرزقك الرفقة الصالحة والزوج الصالح وكما قال الاخوة قبلي

ما رأينا من الجامعة خيرا حتى نتحسر عليها فانا ومع اني شاب ومع ذلك لم أصاحب كثيرا

قليل فقط من ينجح في ميزان صداقتي والآن الحمد لله لي اصدقاء قلة لكنهم كلهم أناس والحمد لله

موظفين واساتذة ولم اجد رفقة احسن من رفقة ابي اسأل الله ان يشفيه ويحفظ يا رب

فحاولي ان تصاحبي امك ايضا فستكون لك نعم الرفيق والناصح

ماذا اقول لك اختي الكريمة حاولي ان تجدي رفقة صالحة في المنتدى ايضا تفيدك

وتملأ فراغك بالأيجابيات هناك دورات تحفيظ قرآن في المساجد تقربي من احداها وسجلي فيها

تجدين رفقة صالحة تقدرك لدينك وليس لطبيعتك او مالك او أي امور مادي

وربي يسهلك بالرفقة الصالحة ويهدي شباب وبنات المسلمين اللهم آمين

[وليد1990]

يا أختي هما سببين اثنين
يا إما أنك ماتعرفيش تخيري صحاباتك وتروحي برك الي مهمش كيفك في العقلية والطبع فهذو أكيد مش رايحين يتفاعلوا معاك لأنك ماتقدري تفهميهم ولا هما يقدروا يفهموك
يا إما أنك اسمحيلي على كل حال ثقيلة دم أو باردة مشاعر وتحوسي على ألاخذ دون االعطاء

إذا تحوسي على أصدقاء خيري وحدة ولا اثنين وكل يوم سلمي عليهم وسقسي عليهم وروحي اهدري معاهم واقعدي معاهم وكل راكي معاهم حتى يصحبوك لازم تكوني تخلصي عليهم وتبيبيلهم حتى بلا سبة وتعيطيلهم في التلفون واذا عندك الفيسبوك تاعهم ديري اعجاب لمناشيرهم وشاركيهم وعلقي عليهم ووووو يعني لازملك حركية ونشاط وحيوية معاهم
لازم تمشي في هواهم تضحكي كي يضحكوا وتخرجي كي يخرجوا وتروحي وين ما راحوا وتقصري وقت ما قصروا طبعا ماتنسايش تحافظي على التميز تاعك معاهم

[أم سلوى]

استغرب الامر
هل لديك فتايات من عائلتك او جيرانك
الافضل ان تتانقي في اللباس ربما ينظرون اليك ...تلسبين ...بطريقة غريبة او ذوقك ليس رفيع اذا غيري اللوك. احبوك...

[أنور]

فعلا مشكلتك محيرة ، لانه يوجد العديد من الينات لديهم نفس خصائصك ، فكيف تكونين وحيدة ؟

[نسيم الريح ش]

خطيك من الشيرات ومشاكلهم خليك روحك وديري قيمة روحك ةاقراي قرايتك

[إنسانة بسيطة]

مشكلتك ليست في نفور البنات منك المشكل سيبدا لو كان الرجال ايضا لا يتقدمون لك
اسال الله ان يرزقك القبول بين عباده الصالحين

[loubna86]

فهمتك . أنت تحسين بالوحدة . لكن أنت أيضا تماشي مع الوقت . ما تتمسكيش في وحدة . عندك صديقات ماشي ما عندكش بالصح انت حابة وحدة برك و تدوم . الدنيا كل واحد لحالو . المهم التي وجدتيها ترتاحي ليها صاحبيها و تتساعفو ما يهمكش تدوم ولا لا . و لو عندك صديقة مقربة 3 أو 4 أو 5 سنوات في الأخير كل وحدة ترجع لولايتها و مكان عيشها و تبني حياة زوجية تهتم بها .
و بالنسبة للبنات بصفة عامة , فالجامعة صعبة و لا تهتمي بتلك البنات هابلات في رواحهم .
لوكان كنت قريبة ليك و الله نكون صديقة لك توجديني في كل وقت و أنا متفهمة جدا و بسيطة .و أتقبلك كصديقة .
أخيرا , أقول لك المهم الدراسة و ربي يرزقك بولد الحلال يكون صديقك و صديقتك في نفس الوقت .

[توحيد الجزائرية]

وعلاش انت تحوسي عليهم وتسعاي للصداقة ؟؟
من اعجبته خلالك وصفات يصاحبك ،،فالصداقة او الصحبة هي تفاهم وتاقلم بين روحين،،لهما اشياء مشتركة
لباس ،،اخلاق ،،مستوى علمي
اهتمي بنفسك،،،
فمن قدر له العيش وحيدا سيحيا كذلك ،،
السعي وراء الاخرين دليل ضعف ،،ستخسرين نفسك وانت تبحثين عن الغير
على حسب المجتمع : اذا مديت وضحيت وكنت خلوق ،سيتخذونك جسرا ،،
انا جربت وخذلت مرات عديدة ،،فالوحدة خير من اهل السوء