أصحابي ....و البنات

[مشكلتي]

مشكلتي كالتالي أنا شاب ف 26 من العمر بصح في الوقت الأخير أصحابي صارو يضحكو عليا كي معنديش صديقتي أو خطيبتي و بحكم أني جامي خرجت مع بنت صرت نبانلهم غريب الأطوار خصوصا كي نعودو قاعدين مع بعض واحد يحكي مع صديقته و الأخر مع خطيبته و أنا غير نتفرج وليت كي نسمعهم يحكوا في مواضيع البنات نتجنب القعدة معاهم لأني لا علاقة و لا أملك الخبرة ..... هل هذا تصرف يديروه أصحابك ؟؟ و هل صحيح واش درت ؟؟

[لحن الحياة.]

عدهم كثيييييييييييييييييييييييييييييييييييير من الوقت الفارغ وما لقاوش باش يعمروه مالا قعدو يتسلاو ببنات الناس الله يسهل عليهم ما تعاندهم ما تكسر راسك

اكرمكم الله
(كلب نبح ما عض ما جرح )
خليهم يضحكو يهدرو حتان يكرهو ويحبسو وحدهم

[beautifulmin85]

ساروي لك قصة :

لما كنت ادرس في الجامعة قبل مدة حصل ان التقيت بصديق فجلسنا في ساحة الجامعة وبدانا نتكلم بامور مختلفة

حتى جاء شخص لا اعرفه لكن يعرفه صديقي الذي كان معي وبدأ يحكي عن بطولاته في اقامة العلاقات وووو

فاشمأززت منه كثيرا المهم لما ذهب قال لي صديقي تخيل هذا الذي يتكلم هكذا اعرف ان اخته في علاقة مع فلان

وقد أراني صورها في الس.كا.يبي ولا حول ولا قوة الا بالله

يعني اخي الكريم لو تريد ان تكون اختك او بنتك مستقبلا صديقة لأحدهم وياخذ صورها ويفضحها بين الناس

فأقم العلاقات واصحب البنات وتباهى بذلك في جمعمك مع اصدقائك !!!!

وان اردت ان يحفظ الله عرضك وشرفك فاحفظ عرض وشرف الناس

وحسبنا الله ونعم الوكيل في هذا الزمان الذي أفسده شياطين الانس والجن من لا يخافون الله ويقومون بكل منكر

[سهيلة2013]

حقا اللي يخاف على خوتاته ميزعقش على بنات الناس كي تعجبك وحدة روح اخطب

[حياتي كلها امل]

اخي اعلم انك عندما تعمل عمل حلال ولو كل الناس عملو عكسو وضحكو عليك لكن راح تكون مرتاح وعلم ان من اراد ارضاء الناس بغضب الله لن يرضى عليه الله ولا الناس ومن اراد ارضاء الله رضي عليه الله والناس.

[lachiche]

السلام عليكم
ميخلعوكش وإذا درت صديقة راح تكرها بعد اسبوع على الاكثر و ان كنت تستطيع الزواج فالافضل ان تخطب بنت فحلة و متربية في الحلال خير

[محفوظ البسكري]

مايحشوهالكش صديقي راه كما تدين تدان

[amine009]

مـا يحشوهالكش صديقي انا درت العجب في سن صغير جدا و الحمد لله تبت و اليوم جميع اصدقائي مع الفتيات و انا خاطيني و كي يقلولي علاه مالك تبدلت نقولهم عندي اخت ، زوجة مستقبلية و اطفال نخاف عليهم ... صح يضحكو ضركا ولكن ممبعد 5 سنين تشوف كيفاه شكون يعيش سعيد و شكون شقي

[ing.Youcef]

عليك أن لا تصاحب من هذه أخلاقهم.. فالصاحب ساحب.

[mrmilano1984]

ههه عجبا لتفكيرنا المتقلب اصبح من يخالط البنات ويداصر ويخرج ويتمسخر بالبنات ووو يشوف روحو عادي جدا وبطل والدي لايخرج ولايصاحب هو الغريب والمريض وووو لام تكون قوي الشخصية وتواجههم فهمت خليهم ينبحو يعياو فهمت

[*أم سجى*]

أنا لا أنتقدك لكن ربما أنت مبالغ في الأمر وتنتقد الفتيات وتبين لاصحابك نفورك من النساء ماجعل أصدقاءك يرون فيك الغرابة وينهالون عليك بسخرياتهم.....فنصيحتي لك ان كنت قادر عن الخطوبة فسارع في خطبة فتاة تراها مناسبة لك ...هكا باش تبردلهم قلوبهم صحابك .......أما اذا مكش قادر تخطب حاول تحكي مع صديق مقرب عن نواياك في خطبة فتاة مثلا أو أنك تبحث عن زوجة .. أو ....المهم حاول تبين أنك معاهم فالصورة ومكش بمعزلة عن النساء هكذ باش ميبقاوش يشوفو فيك الشخص الغريب الاطوار......لي يقولك كون قوي وواجههم.........لا متقنعهمش بكلامك .....كي تخطب يقنعو وحدهم بعيونهم ماتشقيش نفسك وتقنعهم ....والانسان كي يقنع بنفسه تكون قناعته قويه اكتر مما يقنعوه الناس........وفقك الله ورزقك الزوجة الصالحة

[nasser26]

اسمحلي هذو غير اخطيك منهم

مبادئك لا يغيرها الاخرون

اسئلهم اذا كانوا يرضون لاخواتهم أن يتكلمن في الهاتف مع الرجال ؟

[علي لقواطي]

خويا ريح كيما راك هكذاك راك هايل

[أنور]

انا قدك في العمر ، ونفس وضعيتك تماما ، ولكنني دائما احمد الله انني لم اقم علاقة خارج الإطار الشرعي ، هي نعمة من عند الله .

[MonCEf NouFEl]

يا خويا الراجل يبقى راجل وبالعكس هذي ميزة فيك افتخر بيها وكي يكتب ربي روح اخطب وزوج

[mrmilano1984]

هادو فيهم خلل في راسهم صدقني هم لي مخصوصين في تفكيرهم يعني نتا لو تبع اي واحد راح تهبل فهمت ماتسمعملهمش وماتامنهمش ناس مرضي فارغة شغل ووقت يحبو ياثرو علي اي واحد فهمت رد بالك كنك شاطر وحدر

[Rou Kia]

انا نقولك غير اخطيك منهم
وماتنساش ان "رضا الناس غاية لاتدرك"

[نصير24]

السلام عليكم

حالتي تشبه حالك اخي وهي ليست مشكلة بل شئ ايجابي ..وكي يسهل ربي سبحانوا وتعجبك وحدة تسأل عليها مليح وتروح تخطبها مباشرة . .....بختصار انت رجل

[mrmilano1984]

ياو كون عندك عقل يااخي روح اتزوج تتهنا والله ماكاش احسن من الزواج صدقني صحيج مسؤولية ووو مشقة مي حلاوتها تتزوج وتتهني عندك لمرا تاعك حلالك تتقاسمو الحياة وماتبقاش تسمع للناس مرنكين هادوك فارغين شل ومراض نفسيا باينة عليهم وانت تبع فيهم روح اخطب وحدة تعجبك او قول لامك تخطبلك او تعرف وحدة توالمك اخطبها اوك نفس مستواك وتزوج

[أم ماجد]

سبحان الله
حتى ابني عنده نفس المشكلة تقريبا
بلاك راك ابني
المهم لاتهتم بمايقولون وابقى محافظ على المبادئ نفس الجملة قلتها لابني قرة عيني
ابني عنده 23 سنة

[didin41]

انا عندي 31 سنة و نفس المشكلة ان سميتها مشكلة