من حفر حفرة لأخيه وقع فيها

[مشكلتي]

مشكلتي ككل الشباب الجزائري كملت القرايا تاعي و ملقيتش عمل و بعد بطالة لمدة سنتين عملت نغسل السيارات في محطة .... أيا وحد النهار قررت نسفر خارج الولاية لظروف و نهار رجعت لقيت زميلي في العمل جاب قريبه يعمل في بلاصتي..... و زاد قالي راه كان يخدم هنا قبلك أنا فهمت الميساج رحت ...... عشرة أيام جاني خبر بلي هذاك السيد عمل حادث بسيارة زبون .... و زبون طالبه بالتعويض ...... قالت الحمد لله ربي شافلي فيها خير كي حبست العمل ثم .

[*أم سجى*]

انشاله ربي يشافيه ومايكون غير الخير.......اييييه يد ربي قويه حنا البشر نتقلقو برك.....كل انسان يعطيه ربي علا قد نيتو ومكاش خير من لي يخليها على الله........انشاله ربي يعوضك ماخييييييير مالعمل لي كنت فيه....

[TOFNINE]

توكل على ربي الارزاق بيد الله واطلب من الله رزقك ربي يرزقك من حيث لا تدري فقط لا تشمت .

[أثيلة]

نعم كما يقال لي خلق مايضيع
فقط ملاحظة كنت تستطيع ان تروي الموضوع بعضويتك الخاصة و تضعه في قسم يوياتي فعضوية مشكلتي عادة تكون لمن هم محرجين من الموضوع و لايريدون الكشف عن هوياتهم

[أنور]

هههههههههههههه نال جزاء ما يستحق ، ورزق حد ما يديه حد

[somis]

يستاهل لي يدير الشر عمرو ما يربح

[امل ضائع]

السلام عليكم..
يا اخي ليس من شيم المسلم ان يفرح لضرر اخيه..
قدر الله ماشاء فعل.. ربي يعوض على كل واحد..
و ايضا اظن ان موضوعك ليس بالاهمية التي تستدعي نشره..
فقط. ربي يرزقك و يرزق كل واحد فينا..
سلام..

[redeye]

يا أخي أنت مثال للشاب الجزائري المستهتر الذي يعمل وقت ما يريد ويتوقف وقت ما يريد
كان عليك أن تقوم بمشاورة الذي تعمل عنده ثم تذهب لقضاء حاجتك ليس أن تذهب لمدة وعندما تعود تظن أن منصب عملك محفوظ لك

[نسيم الريح ش]

انت راجل اخدم اي عمل شريف بيلاولا دخلت بلاصتك نيشان الناس سوفرات خدمت اي خدمة بالعشر سنين حتى لقت بلاصتها ربي يفرج عليك

[nihal159]

ربي يهديك؛ جاي بعضوية متخفية باش تشمت في الناس؛و بالاك صاحب العمل هو لي طلب من صديقك يشوف خدام واحد آخر مادام سيادتك تخليت على المنصب تاعك؟
وزيد العنوان تاع الموضوع لاعلاقة مع محتوى النص؛ شكون لي حفر و شكون لي طاح؟؟؟؟ ياك أنت لي فرطت في الخدمة نتاعك و زيد لبريفي مش كيما الدولة أخدم وقت ماتحب و أرقد وقت ماتحب.

[علي لقواطي]

يا أخي أنت مثال للشاب الجزائري المستهتر الذي يعمل وقت ما يريد ويتوقف وقت ما يريد
كان عليك أن تقوم بمشاورة الذي تعمل عنده ثم تذهب لقضاء حاجتك ليس أن تذهب لمدة وعندما تعود تظن أن منصب عملك محفوظ لك
يا أخي أنا رايح نجاوبك على حسب عقلك
أولا أنا و صاحب المحل أصدقاء و تربينا مع بعض في الفترة هذيك كان هو كذلك مسافر لهذا زميلي في العمل دار رايو بحكم انو اقدم مني في العمل و صاحب العمل أعطاني الحرية التامة و طلب مني الرجوع بعد معرفة السبب لكن رفضت بسبب تسمم الجو مع زميل العمل
لذا نعطيك نصيحة يا أخي إرتقي و لا تحكم على ناس متعرفهاش.

[علي لقواطي]

ربي يهديك؛ جاي بعضوية متخفية باش تشمت في الناس؛و بالاك صاحب العمل هو لي طلب من صديقك يشوف خدام واحد آخر مادام سيادتك تخليت على المنصب تاعك؟
وزيد العنوان تاع الموضوع لاعلاقة مع محتوى النص؛ شكون لي حفر و شكون لي طاح؟؟؟؟ ياك أنت لي فرطت في الخدمة نتاعك و زيد لبريفي مش كيما الدولة أخدم وقت ماتحب و أرقد وقت ماتحب.
يا أختي الله يهديك لوكان تعرفي هذو الناس لي خدمت معاهم راح تعذريني و نزيدك صاحب العمل صديقي منذ الصغر طلب مني العودة لكن رفضت بسبب زميلي الذي نصب نفسه معلم في غياب صاحب العمل بحكم أقدميته
و الموضوع له علاقة بالعنوان لاني محكيتش القصة كاملة لذا نوصيك يا أختي تعلمي تختاري كلماتك و تفهمي قبل ماتكتبي واش يجي في بالك

[nihal159]

كون حكيت الموضوع من الأول بجميع تفاصيله كون راك وفرت علينا التأويلات لكن موضوعك في الصيغة لي طرحتو بها يُفهم في سياق واحر وهو الشماتة.

[علي لقواطي]

كون حكيت الموضوع من الأول بجميع تفاصيله كون راك وفرت علينا التأويلات لكن موضوعك في الصيغة لي طرحتو بها يُفهم في سياق واحر وهو الشماتة.
ايه أختي أنا اتشمت فيهم لأنهم قطعولي مصدر رزقي ثاني مش مليح قطع ارزاق الناس كيما مش مليح الشماتة
على العموم الحادث لم يخلف أضرار بشرية حادث بسيط تطلب إصلاح الاضواء فقط

[رَكان]

غريب أمر صاحب الموضوع ..
أولا هل تسميها مشكلة ؟
ثانية لماذا لم تطرح قصتك بقسم آخر غير هذا القسم الذي عضويته عادة ما تكون مخفية ...لينتهي بك الأمر في مشاركات لاحقة الكشف عنها ..
غريب أمرك .

[امل ضائع]

فعلاً حرت.. و الله راني حايرة.. ربي يهدي ما خلق...

[علي لقواطي]

غريب أمر صاحب الموضوع ..
أولا هل تسميها مشكلة ؟
ثانية لماذا لم تطرح قصتك بقسم آخر غير هذا القسم الذي عضويته عادة ما تكون مخفية ...لينتهي بك الأمر في مشاركات لاحقة الكشف عنها ..
غريب أمرك .

يا أخي لم أريد الكشف عن هويتي بصح شفت بعض الردود كانت في غير محلها و سلبية فكشفت هويتي بلاك راني مقلقك يا المشرف
[size="6"]الرجاء حذف الموضوع /size]

[رَكان]

أستاذ ليلو ..
تأكد أنك لم تقلقني ..ومالذي سيدعوني للقلق ؟

[الماسة النادرة]

الحمد لله ربي يمهل ولا يهمل

[Rihanna]

وين راه المشكل ؟