هل أنا كبير؟

[مشكلتي]

السلام عليكم

أنا شاب في الصيف هذا يكون عندي 27 نكملها يعني

وراني درت الباك عام السنة وراني خدمتلو وقريتلو ومعول عليه

زعما كون ننجح ونقرا شعبة تقنية زعما في رايكم نقدر نكمل نقرا ومايعودش عندي مشكل في سني ومانكرهش في القراية كي نشوفهم الي قراو معايا اصغر معايا

في رايكم اذا قريت نضيع الوقت ولا نروح نشوف المستقبل تاعي في حاجة اخرى مع اني ماعندي حتى شهادة

القراية في هذا السن تصلح ولالا .. منيش عارف الا نقرا ولالا الصراحة حاس روحي كبير يعني شارف

[يونس معبدي]

السلام عليكم ورحمة الله
اعتقد انه من الأفضل ان تركز على البكالوريا
وبعدها لكل حادث حديث
ثم ان طلب العلم والدراسة لا تقارن بالسن
ربي يوفقك

[لحن الحياة.]

ياااااااااااااحسرااااااااااااااااااااااااااااااااا اااااه كي تطلع جامعة تلقى شيوخة و عزايج يقراو عادي جدا القراية مايعيبهاش السن

[أم سلوى]

راني اربعين سنة...ومترشحة حرة لثالث مرة هذا العام
في الجامعة ستجد كل الاعمار
لا تخف
ثانيا تستطيع في الجامعة ان تعمل وتدرس
خاصة عمل خاص ليس عند الدولة
سوف تنجح
بالتوفيق لك ولي..

[علي لقواطي]

يا أخي العلم ما فيهش كبير و صغير انا لما كنت في الجامعة درسوا معايا رجال في عمر الوالد لكن ننصحك إذا عندك مهنة غير ركز عليها أحسن لأن القرايا في الدزاير ضياع وقت هذا مجرد رأي. و ربي يوفقك

[ام رضوان]

السلام عليكم
ربي يوفقك اخي وتنجح وتكمل قرايتك وتبني مستقبلك
العلم مافيهش شرط السن
كاين واحد قريبي جاب الباك كي عاد عمروحوالي 45سنة
بصح ننصحك نصيحة اخي وماتزعفش
كي قريت مشكلتك راك ماقلتش ولو مرة باذن الله
المفروض تقول نكمل 27 باذن الله
قريت وتعبت اتكل على ربي سبحانو مش راني معول عليها
المهم ربي ينجحك ويفرحك اميييييييين

[صفية المهاجرة]

أعرف أحد الأشخاص اجتاز شهادة البكالوريا بعد 10 محاولات، و دخل الجامعة و هو الآن دكتور ماشاء الله.

[*أم سجى*]

أخي الجامعة ليست كالمتوسطة أو الثانوية ...الجامعة فضاااااااء واسع ترى فيها كل أنواع وأصناف البشر والأعمار فيها أساتذة يدرسون..أرامل ومطلقات....حتى عمال يكملون الدراسة ....يعني بالمختصر هي أوسع بكثير مما كنا نتصور ......فلا تعتبر مشكلتك مشكلة.....وانطلق لتحقيق أهدافك ومبتغياتك

[أم ماجد]

العلم ليس له سن معين
زوجي دار الباك وكمل لقراية واحنا عندنا 3 اولاد
ماتخافش اقرا وربي ينجحك

[ايمان نور الجزائر]

القراية ماعندهاش وقت وسن
انت اقرا وشوف لمستقبلك وربي يسهلك

[مريم المتفائلة]

اولا اخي ربي يعينك ثاني عادي جداااا انت جدد صغيررر مقابل البعص وثانيا ربي ينجحكك كملهاا عادي واتكل على ربي

[~أميرة أميري~]

قريبي عندوووو 54 سنة وراه معول يعاااود لباااك هههههه

[زبدة ذايبة]

في الحقيقة

ماعندك حتى حل غير تجيب الباك

ماعندك صنعة ماعندك شهادة

بما أن رب العالمين وفقك وفكرت باش تعاود ترجع تقرى فهذا عين التوفيق

المهم نقولك حاجة

واحد مايهمك في هذا الدنيا

مهما كان ماعدا

رب العالمين لأنه من المهم جدا أن المسلم يمشي فيما يرضيه

الوالدين ماكاش واحد يحبلك الخير قدهم

بالتالي

ماكالاه تبدى تحوس على رأي 40 مليون جزائري

40 مليون = 40 مليون فكرة وكل فكرة ماشي كيما الأخرى = تضيع بين 40 مليون شخص ومالانهاية من الآراء

أعزم وتوكل على الله

ماتبقاش هكذا راك كل يوم تكبر

على الأقل تكبر بنتائج إيجابية

ماتخليش روحك لاخدمة لاقراية لاصنعة

في هذ الوقت تولي تافه وضايع مقارنة مع السن تاعك

ربي يوفقك. وكي تجيب الباك بشرنا وكي تسجل في الجامعة كذلك


.

[الداعي الى الحق]

يااخ ماتديرش في بالك
صحيح ن كل شيئ في وقته المناسب احلى وامتع بصح كل واحد بظروف نتاعه
ورب يوفقك

[طيور الجنان]

يااخي ربي يكون معاك ان شاء الله اتكل على ربي وباذن الله تجيب البكالوريا لانها ماعندهاش سن وتقدر تقرا في الجامعة وتخدم في وقت الفراغ ربي يسهلك.

[صفية المهاجرة]

هناك أمر آخر فيما يخص الدراسة في الجامعة أعتقد أن جزء كبير منها مضيعة للوقت، فدراسة الهندسة في 5 سنوات مدة طويلة كان يمكن إختصارها في ثلاثة سنوات دون أن يتأثر الإختصاص، نفس الشيء فيما يخص المجالات الأخرى بما فيها الطب، و الله أعلم.

[نسيم الريح ش]

اقرا القراية ما عندهاش عمر معين انا كي كنت نقرا في الجامعة كانو يقراو معايا نسا ورجال ولادهم قدي يقراو ويسهرو ويديرو بحوت مرات كان شي واحدين يقراو كبار على الاساتدة وكانو يحشمو باش يعاقبوهم ولا يدابزو معاهم وتخرجو

[lachiche]

لقراية مفيهاش السن

[محفوظ البسكري]

شوف اصاحبي قرا معايا واحد في الجامعة الله يذكرو على خير من مواليد 1984 حكالي هذا الاخ انه كان ماصو في الجامعة اكزاكت كان مع الشانتي اللي يبيني في ا لكلية وقالي كل يوم نشوف طلبة طالعين هابطين قالي كلاني قلبي باش نسجل باك وقالي تعبت و قريت صح
وخسر دراهم في ليكور و جاب الباك تاعو ب 12 وقرا معايا ومباعد خير تخصص اخر علابالك شحال جاب معدلو ؟ جاب 16.00 و هو الاول على مستوى الدفعة تاعو و دوكا راه يقرا في قسنطينة او العاصمة الله اعلم ولا من خيرة الطلبة

[lalib40]

الدراسة + العمل = متعة

[♥سهام♥]

ان شاء الله ربي يوفقك لهاذ الشهادة . واصل مشوارك بالتوفيق فلا علاقة للسن هنا ..