اخبره ... ! ام استر !

[مشكلتي]

أولا السلام عليكم . . . و نمر للمشكل مباشرة . . .

المشكله راها مسبتـلي مشكل مع نفسي و تناقضات جمة .... القصة طويلة و عريضة باختصار شديد .... جائني خبر بالصدفة و بدون ان استخبر عن الامر و بـالادلة القاطعة ( قصة طويلة ) ان اخت صديقي الصغرى و الذي اغتبره اكثر من اخي تزني :mad::mad: ... والله كون تشوفو الاخ نتاعها كبير عليها و ولا مره كنت معاه جبدلي على بنت ولا هدر في بنت ولا حتى شاف في بنت ! و الابويين نتاعها سكر سكر سكر غير الصلاة الايمان في اوجههم !! ... و انا حبيت نخبرو بواش راها دير و حتى انني استحي من ان افاتحه في الموضوع و يستحيل ان اخبره وجه لوجه ! و انا في صدد بحث عن كيف اخبره ! ...... تقولولي استرها ! >> الفـتاة مشي مع شخص واحد ولا مره و نقولوا سترها لعالها لا تعيدها !! فعلتها عدة مرات !! ..... و انا اني نخمم لو انا تأتيهم يوما ما حامل او شئ من هذا !! و انا كنت قادر انني نوقف الامر في بداياته بأخبارهم ! حقيقه لا استطيع العيش مع هكذا ذنب ! خصوصا انني كل يوم في منزلهم ! و معهم ..... و انهم يتحملون عار الزنى اكثر من ان عار الولد او يرجعها عريس ربما في مستقبل !!!! و الفــتاااة صغيره يعني 15 سنة !!!!!!

اعطوني حل من فضلكم !! :sdf::sdf::sdf:

[~أميرة أميري~]

مالقيت مانقول تلفتلي يا اخي
من جيهة لكان تخبرهم بالاك من الغضب كاش مايديرو في الطفلة وتكون انت السبب في خراب العائلة وتشتتها وبالاك خوها يقتلها
ومن جيهة لكان تسكت كيما قلت جي حامل ليهم لا قدر الله ويعشو في مصيبة اخرى
ماعرفتش واش نقوووووووول
ادا قدرت حاول تتراسل مع الفتاة بلا ماتقوللها شكون انت وتخبرها بلي راك عارف كلشي يا تحبس هادالشي ياتبعث لخوها ولوالديها الصور وتفضحيها وتحكيلهم كلشي وبالادلة يعني خوفها بالاك تنعل بليس وتخاف
ربي يهديها والله ماعرفتش واش نحكي

[MALEK TATARE]

خطيك كامل جبد روحك دخل روحك تحصل اني نقلك خطيك جبد بعيد والله تحصل معاهم كون تهدر ولا كون تراسل البنت خمم مليح رانا في وقت بعد عن الشر وغنيلو اخطيك اخطيك

[nihal159]

الأدلة لي عندك حطهم في طريق خوها بدون ماتخليه يحس أنك أنت لي بعتلو هذي الأدلة؛ وأنت ماتحطش روحك خلاص في الصورة تفاديا للمشاكل.

[صفية المهاجرة]

لا تحدث أخاها لأنك ستخسره و يخسرك، في رأيي كن شجاعا و واجه البنت مباشرة و هددها بفضحها إن لم تنتهي

[طيور الجنان]

سؤال الجواب عليه احلاهما مر تخبر خوها تخسرو تسكت قادر تندم من بعد في رايي كيما وصلك الهبر وبالادلة خلي هاذ الادلة يوصلو ليه بدون مايعرف انك انت اللي بعثتهم لانو البنت صغيرة لازم يحطوها عند حدها قبل ماتتطور اكثر واكثر ربي يهديها ويشوف لاهلها ومايفضحهمش ااااامين

[michaella]

أولا هذا يعتبره القانون اغتصابا لها و هي ضحية ، أنت أخبر والديها بقولك وجدتها مع عدة أشخاص و لا تقل تزني لربما ردعوها .

[mounyabiskra]

الله يسترنا وش راهو صاير فبنات اليوم يا خويا لوكان تقلهم تخاف يقتلوها, لوكان تسترها تتمادى فالخطأ تاعها..... انا نقول احكمها انت و هددها و فهمها بالحرام لي راهي دير فيه.... خانت ربي و والديها ربي يهديها

[yako02]

شوف اخي لا تخبر اخاها ابداااااا لانك ستخسره و ربما يعتبرك تقذف اختك بالفاحشة و ترجع مشكل كبير و تقول واش داني لكن اذا انت صديق العائلة و مقرب حاول تتكلم مع البنت او حاول عندما تراها اظهر لها نفسك بأ؟نك رايتها ثم تكلم معها و انصحها لانك لو تتكلم معها غير هكدا و هي تكذبك و يمكن تدير فتنة بينك و بين صديقك
خليها تشوفك بلي شفتها باش كي تحكي معاها معندها ما تكذب انصحها و الله المستعان راهي صغيرة و كيما اختك و الله هاذي 15سنة و راهي هكذا و كي تزيد تكبر واش راح يصرا فيها ربي يستر عليها و على جميع المسلمات

[beautifulmin85]

مشكل اجتماعي كبير وكون الاولياء مصلين ومؤمنين لا يعفيهم من المسؤولية بل العكس

فاين تربية البنت على الحشمة والخوف من الله ؟؟؟

المشكل في الآباء يتركون بناتهم يتعلمون أمور العلاقات من المسلمسلات والتي لا تشاهدها في التلفيزون

تشاهدها في الانترنت والتي لا تشاهدها في الانترنت في بيتها تشاهدها عند صديقتها "صاحبات السوء"

وهكذا دواليك دائرة من الفساد المركز الذي يسيطر على العقل البنات ويذهبن ضحية لوساوس شياطين الانس والجن

والمشكل الآخر ان مجتمعنا لا يطبق شرع الله في احكامه فلو كانت هذه البنت ترى الزانية تجلد ومن حكمة الجلد ان يجعل

في الجسم أمارات فكلما ارادت ان تتعرى مرة اخرى لتفعل الفاحشة تذكرها آثار السياط بالعقاب فترتدع

ولو كان هناك رجم للمحصنة لما كان لهذه الافكار ان تعشش بسهولة في عقول بنات اليوم

يعني أولا وأخيرا نحن ابتعدنا عن شرع الله فلنذق من كأس السموم التي تنخر مجتمعنا حتى لا يبقى فيه رائحة الصلاح والخير

نصيحتي اخي حاول ان تخوفها بطريقة ما من مغبة ما تفعله وانها ان عاودته سيصل الامر لاهلها لعلها ترتدع كما قال الاخوة قبلي

اما ان اصرت فما عليك الا الاستخارة في ايصال الأمر لاخوها بطريقة ما ايضا دون ان تظهر نفسك

وربي يهدي ما خلق والله المستعان

[علي لقواطي]

يا أخي صعيب الشيء و لكن حاول تخوفها مدام قولت راهي صغيرة فالسن قبل فوات الأوان.

[*أم سجى*]

أخي أنصحك أن تكتب رسالة رادعة للفتاة وناولها اياها ......أو ابعثها لها مع طفل صغير حتا لا تعرفك و لاتتعرض لك وتضعك في المشاكل مع عصابتها ربي يهديهم

[*فاتن*]

انا نضن انك من الاحسن تكلم الطفلة و تهددها بانها ادا واصلت في هاد الطريق راح تفضحها و ادا لم ينفع هادا معاها حاول تخبر امها لانو ادا خبرت اخوها تخاف ادا كان عصبي يروح يقتلها و يولو في مشكلة اكبر .ربي يهديها انشاء الله

[~أميرة أميري~]

يا اخي انا ضد لي راهم يقولولك واجه الطفلة قادرة تروح لوالديها وتقلهم شوفو واش قالي وراه يتهم فيا بالباطل وتعشي انت في مصيبة ولا حتى تلحق بيها ومن خوفها تقلهم هو لي تقدم ليا وهو لي دارلي هاك يعني تلسقها فيك فهمتني؟؟؟؟؟؟
والله الحل كيما مديتولك في الاول راسلها من دون ماتعرفك انت شكون وخوفها وابقى تعس فيها بالاك يهديها ربي وادا تمادات ابعث الادلة لخوها وبلا مايعرف انت شكون
ماتواجهاش وجه لوجه والله راح تتبهدل انت مع الناس لي معتبرينك كيما وليدهم واكتر

[nihal159]

يا اخي انا ضد لي راهم يقولولك واجه الطفلة قادرة تروح لوالديها وتقلهم شوفو واش قالي وراه يتهم فيا بالباطل وتعشي انت في مصيبة ولا حتى تلحق بيها ومن خوفها تقلهم هو لي تقدم ليا وهو لي دارلي هاك يعني تلسقها فيك فهمتني؟؟؟؟؟؟
والله الحل كيما مديتولك في الاول راسلها من دون ماتعرفك انت شكون وخوفها وابقى تعس فيها بالاك يهديها ربي وادا تمادات ابعث الادلة لخوها وبلا مايعرف انت شكون
ماتواجهاش وجه لوجه والله راح تتبهدل انت مع الناس لي معتبرينك كيما وليدهم واكتر


رأي من رأيك؛ ماتحطش روحك في مشاكل لها أوّل و ليس لها آخر.

[*أم سجى*]

رأي من رأيك؛ ماتحطش روحك في مشاكل لها أوّل و ليس لها آخر.

مام انا رايي من رأيكم قادر توصل الهدرة لعصابتها وتورطو كاش ميديرو للسيد مسكين نوى بيها الخير والهداية...يولي في مشاكل هو في غنى عنها...من الاحسن يكون وسيط فقط أو يجبد روحو نهائيا.......لي احساس كبير أن هذه الفتاة ضحية جماعة أشرار يقومون بتهديدها وارغامها على الرضوخ لهم وليست مجرمة .......اللهم استر بناتنا وارزقهم التقوى والعفاف

[oumhana]

أنا جد متألمه لهكذا حكايات بصح حذاري وحذاري تهدر معاعا خاطرهذي طفلة متخافش و قادرة تحصل فيك أنت .من باب تغييرالمنكر حط هذه الأدله في طريق خوها بلا مايعرف بلي من عندك. صراتلي حكايه تشبه لهذي شفت طفله قريب تظيع مهملة قرايتها ومشيبة باباها،تكلمت مع أختها لكبيره وقلتلها أختك في الهاوية والدليل عندك.منحكيلكش واش صرالي (نخليها لربي )المهم صرا فيا باطل كبير ولحقت قريب للطلاق لولا ربي سبحانو.والله راني نكتب .وقلبي يوجع .

[إنسانة بسيطة]

لي راه ينصح فيك تحكم الطفلة باي حق وباي صفة انت تحكي معاها ؟
وزيد وش الادلة لي عندك فيديو ولا صور ولا غير سمعت قال فلان وعلان ؟


لي ميعرفش وش تعريف الزنى شرعا يروح يبحث مليح ومن ثم يجي يقذف الناس ومش كل من قال زنى نتبع ونتلقف الكلمة من وراه

ربي يهدينا

[beautifulmin85]

لي راه ينصح فيك تحكم الطفلة باي حق وباي صفة انت تحكي معاها ؟
وزيد وش الادلة لي عندك فيديو ولا صور ولا غير سمعت قال فلان وعلان ؟


لي ميعرفش وش تعريف الزنى شرعا يروح يبحث مليح ومن ثم يجي يقذف الناس ومش كل من قال زنى نتبع ونتلقف الكلمة من وراه

ربي يهدينا

أحد اهم اسباب تفشي الفساد في المجتمع استهتار الأهل بالعلاقات المحرمة بادعاء انها مجرد علاقات وليس زنى

ولكن يتناسى الناس ان بدايات الفساد غالبا تبدأ درجة درجة حتى تصل الحرام والكبائر وهذا يسمى بخطوات الشيطان

ومن خطى اول خطوة ضاع ووصل الى آخرها ولانك اختي الكريمة تتساءلين عن ما معنى الزنى في إشارة الى انه

يعني لو كانت الفتاة تقوم بعلاقات بدون الزنى فليست بمرتبة القيام بالزنى فماذا تقولين في الحديث :

( أيُّما امرأةٍ استعطَرت فمرَّت على قومٍ فيجِدوا ريحَها فَهيَ زانِيةٌ ) لاحطي فهي زانية أي انها تتسبب في جعل الرجال

يلتفتون اليها بشهوة فتكون بفعلها مشاركة في زنى العين وكما هو معلوم فالعين تزني وزناها النظر

المهم البنات في زماننا عن سابق اصرار وترصد يتسببن في افلاس الشباب من الاخلاق بجعلهم يتهافتون عليهم

من كل مكان للظفر بهن والزنى بهن سواء زنى حقيقي واقع بالتقاء الفرج بالفرج او بزنى النظر والشهوة

وكلها من انواع الزنى وأولها خروج الفتاة سافرة متبرجة متفطرة فهي قد بدأت الزنى أول خطوة من خروجها بيتها

ولذلك لا نلوم الشباب بقدر ما نلوم المتسبب في تهييج شهوتهم وقيامهم باقامة علاقات مع الفتيات لايقاعهن في الرذيلة

كما جاء في الحديث ان هاته الفئة من الفتيات اللاتي يتسببن في فتنة الشباب معلونات يستحقن اللعن جاء في الحديث :

(يكون في آخرِ أمتي رجالٌ يركبون على سُروجٍ كأشباه الرّحالِ ، ينزلون على أبوابِ المساجدِ ، نساؤهم كاسياتٌ عارياتٌ ، على رؤوسهنَّ كأسْنِمَةِ البُخْتِ العجافِ ، الْعنوهنَّ فإنهن ملعوناتٌ ، لو كان وراءَكم أمةٌ من الأُممِ خدمتْهنَّ نساؤكم كما خدمَكم نساءُ الأممِ قبلَكم )

والازمة اولا واخيرا ازمة رجال فكذلك لو كان هناك رجال حقيقين يربين بناتهن على العفة والطهارة ما وصل الامر الى ما وصل اليه

اما وان الرجال اصبحوا قليل وكثر الديوثين الذين لا يغارون على بناتهن لا وبل هم انفسهم يشترون لهن اللباس الفاضح

فهاهو مجتمعنا وصل الى ما وصل اليه والله المستعان ونسال الله ان يصلح حالنا ويهدي الجميع لما يحبه ويرضاه

[محمد جديدي التبسي]

ابعث له رساله من مجهول اكتبها بجهاز الكمبيوتر واحرص على أن تصل بأسلوب فيه اشفاق وليس تحريض ولا تخبره بالزنا مباشرة لأن هذا يعتبر قذف يجب عليك ان توفر اربع شهود وهذا قد يتعذر ثم اننا لسنا امام قضاء يحكم بالاسلام في هذه الأمور..أخبره أن اخته تخالط الرجال وتقع في المحضور وشاهدتها مرارا ويمكن أن تراقب وتشاهد بعينيك لكي لا يقول انك مدعي تريد افساد سمعة اخته...ربي يهدي هذه الفتاة ومثيلاتها وضع مزري ويتفاقم كل يوم وليس لنا الا الدعاء بصلاح الاحوال.

[haytoo82]

يا اخي انا ضد لي راهم يقولولك واجه الطفلة قادرة تروح لوالديها وتقلهم شوفو واش قالي وراه يتهم فيا بالباطل وتعشي انت في مصيبة ولا حتى تلحق بيها ومن خوفها تقلهم هو لي تقدم ليا وهو لي دارلي هاك يعني تلسقها فيك فهمتني؟؟؟؟؟؟
والله الحل كيما مديتولك في الاول راسلها من دون ماتعرفك انت شكون وخوفها وابقى تعس فيها بالاك يهديها ربي وادا تمادات ابعث الادلة لخوها وبلا مايعرف انت شكون
ماتواجهاش وجه لوجه والله راح تتبهدل انت مع الناس لي معتبرينك كيما وليدهم واكتر
انا مع هذا الراي

[ام رضوان]

ابعث له رساله من مجهول اكتبها بجهاز الكمبيوتر واحرص على أن تصل بأسلوب فيه اشفاق وليس تحريض ولا تخبره بالزنا مباشرة لأن هذا يعتبر قذف يجب عليك ان توفر اربع شهود وهذا قد يتعذر ثم اننا لسنا امام قضاء يحكم بالاسلام في هذه الأمور..أخبره أن اخته تخالط الرجال وتقع في المحضور وشاهدتها مرارا ويمكن أن تراقب وتشاهد بعينيك لكي لا يقول انك مدعي تريد افساد سمعة اخته...ربي يهدي هذه الفتاة ومثيلاتها وضع مزري ويتفاقم كل يوم وليس لنا الا الدعاء بصلاح الاحوال.
نعم الراي والنصيحة
هذا واش كنت رايحة ننصحك بيه
وزيد اخي لازم تنذرو قبل تعود الناس تشير لهم وتخليهم مسخرة
هذا راه صاحبك وماترضالوش لهليكة
ربي يحفظ وليداتنا ووليدات المومنين
يالطيييييييييف والطف اميييييييين