خطيبي تركني

[مشكلتي]

السلام عليكم

لقد وضعت قبل يومين موضوعا هنا ولا ادري لما يظهر اردت ان افضفض قليلا لأنني أمر بفترة عصيبة ادعولي ربي يفرج همي

كنت انا وخطيبي راضيين ببعضنا وعلاقتنا رائعة لكن لما قررت ان نوقف التواصل بالهاتف حتى يقوم بشيئ رسمي يعني نتفق على الشروط وعلى موعد العرس مثلما كان يعدني لم اسمع عنه أخبار مند دلك الحين وانا أشك كثيرا ان أمه هي السبب لدي الكثير من الأدلة التي تثبث كلامي ولا ادري مادا رأت في حتى تسيئ نية ولدها اتجاهي كان فرح بي ويعزني كثيرا فجأة انسحب من حياتي لا اصدق ما يحدث لي الزواج هو قسمة ونصيب اعلم دلك لكنها كانت ضربة موجعة لي
ادعولي ربي يفرج عني وان لم يرجع لي ان يرزقني الله بما فيه الخير لي ولكم بالمثل

[صفيان 11]

ختي هدي هيا الهدرة الشابة ربي يفرج عني وان لم يرجع لي ان يرزقني الله بما فيه الخير لي ولكم بالمثل انتي درتي الصح كي حبستي هدرة التليفون ولا كان شاد فيك غير يولي

[سعيد رحال]

الخير فيما اختاره الله ربي يفرج عليك

[ملاك ملاكي]

كي ما قال الاخ لي قبلي الخيرة في ما اختاره الله وصدقيني لو كان مكتوب راح يىجعلك وراح تكونواوالبعض ان شاء الله
والله يبااااارك راكي قلتي كلام زييييين وصواب خليك راضية بمكتوب ربي ول فيه الخير ربي يقدره
موفقة اختي

[somis]

الله يفرج عليك ياختي ولي بدلك بالفول بدليه بالقشور ... الله يرزقك خير منو بألف مرة

[sarl02]

قلتي خطيبك ومن بعد قلتي حتى تتفقو على شيء رسمي والشروط؟؟يعني ما افهمناش اسكو هذا اتقدم رسميا وخطبك بالفاتحة في انتظار العقد الرسمي او انه لم يتقد رسميا اطلاقا؟....المهم اذا كنتم امفتحين شرعا انت زوجته شرعا لما تفتحين ابواب الخلافات والتجاذبات لمجرد استعمال الهاتف من عدمه .؟؟ثم انك قلتي امه هي السبب ..ما دخل امه في الكلام بينكما بالهاتف من عدمه؟ام ان هناك اسباب اخرى....عموما ربي افرج عليك.

[billelblida09]

ربي معاك يا اختي ربما ربي بعدو لاسباب هو الاعلم بها و ان شاء الله ربي يعوضك بمافيها خير

لكن هل هو فعلا خطيبك او كيما نقولو حنا هادرين عليك بين العائلتين او حاط عليك اليد

[*أم سجى*]

انشاله ربي يفرج عليك ويعوضك ما خيييييييييييييير منو ....لازم عليك متقعديش تخمي غير فيه وتخرجي من دائرة الحزن تاعك ...تربحي صحتك وتربحي معنوياتك وثقتك بنفسك خلي كلشي بيد ربي سبحانو لي خلق العباد مايضيع ....ربي يوفقك ويجيب لي فيه الخير

[TOFNINE]

والله غير تهنيتي اللهم الان ولا من بعد يروح تزوجه يماه
وانتي ربي يرزقك بزوج صالح وامه ان شاء الله تكون طيبة وتخاف ربي
وادا رجع ويماه رافضة غير رفضيه نتي ثاني وخليها في الاخير المكتوب من عند ربي

[لمسة ابداع]

اسئل الله العظيم ان يرزقك الزوج الصالح الذي يكون خيراااااااااا لك في دينك و دنياك

[غزلانْ]

السلام عليكم


هكذا أفضل من أن تواصلت معه وسايرته و تخلى عنك
و في كلتى الحالتين لايستحقك و ان شاء الله يرزقك بزوج على حسب نيتك
بالتوفيق

[FELLA BIO]

ومن بتقي الله يجعل له مخرجا ويرزقه من حيث لا يحتسب ،،،،ربي يرزقك

[soumia92]

شوفي اختي نتي صلاة استخارة و ادعي الله اذا كان فيه الخير و تتهني معاه انشاء الله يولي و اذا كان فيه الشر و تقعدو غير في المشاكل الله يبعده و يرزقك الخير حيثما كان.

[mrmilano1984]

الله اعلم ربما هدا الشخص كان يتلاعب بك كاين بزاف كانو يتلاعبو بالنسا بزاف نعرفهم يخطبو نساء ويتلاعبو بيهم وكاين حتي اكثر من دلك يقضي صلاحو ومن بعد يهرب ويخليها ويجيب اي سبب المهم نيتو فاسدة وخبيثة وصرات وشفتها الله اعلم نيته ممكن مليحة ممكن يخليك توالفيه ويطيحك ومن بعد يرميك

[طيور الجنان]

اختي اذا بعد عليك اكييييييد ربي ماشافش في زواجك منو خير ليك قولي الحمد لله وربي يرزقك ماخير ان شاء الله

[mascara]

شوفي اختي نتي صلاة استخارة و ادعي الله اذا كان فيه الخير و تتهني معاه انشاء الله يولي و اذا كان فيه الشر و تقعدو غير في المشاكل الله يبعده و يرزقك الخير حيثما كان.

هدا اكثر ما تفعلينه لعل الله يرزقك من بابه الواسع

[witcho-w]

ربي يفرج عليك و ان شاء الله ربي يعوضك بمافيها خير

[حياتي وردي]

"عسى ان تكرهوا شيء وهو خير لكم"
اكيد الله اختارك الافضل, ممكن ما كنتوا مناسبين لبعض, وواضح ان علاقتك باهله غير جيدة, من رأي مهم ترتبطي بشب علاقتي مع اهله جيدة حتى تعيشوا كلكم براحة
اكيد في الاحلى قادم الك

[روح المي]

ربي يفرج عنك
تذكري كلش بالمكتوب

[سعيد رحال]

اولا: انت قمت بشيء يرضي الله وحكاية الهاتف انا معك فيها 100 بالمائة ، وان انسحب فهذا دليل على انه لم يكن جاد، ولعل هذا خير لك ، رزقك الله الزوج الصالح وفرج عليك همومك