تسجيل الدخول

مشاهدة النسخة كاملة : ادخلوا من فضلكم محتاجة استشارتكم واقتراحاتكم يا الفحلات

ملاك ملاكي
2016-05-11, 14:22
مساء الخير عليكم يا الحراير
حبيباتي اليوم حبيت نستشيركم ونتمنى نلقى تجاوب منكم الله يحفظكم
حبيباتي اذا حب ربي عرسي بعد رمضان ان شاء الله.......وخلاص ريزارفينا لاصال والطباخة الحمد للله وتفاهمت معاها عل الموني يعني واش راح طيبلي مي تبحرت في حاجة وقلت غيييير انتم لي تنصحوني من فضلكم
انا ناوية ندير شربة فريك وطاجبن الحلو مع بربوشة وكذلك الطبق اغرابع لي راني حاير يا ندير طاجين الجبن بالسكالوب يعني طبقة سكالوب وطبقة فرماج وطبقة سكالوب مع صوص بالزيتون وغي شونمبينيون او او او نديره بودان؟!
من فضلكم قوغيلي كونها مناسبة انصحوني اي فيهم غي يكفي يعني يكون زاكي بالطبقات او بودان من فضلكم اقتارحوا عليا خاصة المجربات المناسبات الكبيرة
وماذء بيكم لي عندها ديكور شباب دير مزية الله يحفظها تحطهولي
ربي يجازيكم حبيباتي عندي 2قة فيكم
ربي يجازيكم والله يحفظكم
في انتظار ردودكم في امان الله
حياة نور الدين
2016-05-11, 15:15
اولااااا ربي يتمم لك بخير ونفرحوا بك حنونتة

ثانيا انا نشوف انه الطبق الاول تع الاسكالوب فكرة جديدة على البودان وفكرة البودان جيك ازكى وانتظري يدخلوا الماهلات ويفيدوك اكمثر اختي وربي يفرحك
ملاك ملاكي
2016-05-11, 16:03
اللهم اميييييييين اختي حيوتة بااااارك الله فيك
شكرا لمرورك وردك لي شرفني وبارك الله فيك على اقتراحك ونصيحتك ربي يجازيك ويعطيك وبمنيك خيرا
حياتي نبع امل
2016-05-11, 17:15
اولا الف مبروك ربي يكمللك
فكرة البودان احسن .ويجي زاكي باسك تقطعيه دي غوندال مع صوص الشومبينيو والبودان يكون محشي بالجبن
ولا ديريهم اصابع تان محشيين بالجبن
omjoujou
2016-05-11, 17:43
ربي يكملك ملوكة ويهنيك
انا ننصحك ديري بودان تاع السكالوب خير يجي زاكي عن تجربة درناه العام لي فات في عرس اختي حنا درنا سكالوب محشي باللحم المرحي والصوص درناها بالليبولات تاغ الكفتة والزيتون والشومبينون التزيين كان بالجاج لمحمر
ان شاء الله يزيدوا يفيدوك الاخوات
ماتنسايش تعرضيني خخخخخ
أ م ساجد وسيم
2016-05-11, 18:58
انا دخلت نباركلك بلعرس شكرودة يوووووويوووووي فرحتلك حنونة
om obaida
2016-05-11, 20:52
مبروك عليك حنونة انا رايي البودان خير ولا نقلك مدي لكل واحد سيكونت ميل وقوليلو ادي مرتك وروح للريستورون يدرا تبقاي تزورينا ولا:mh92:باي ربي يهنيك ويحلي ايامك
ملاك ملاكي
2016-05-11, 23:32
اولا الف مبروك ربي يكمللك
فكرة البودان احسن .ويجي زاكي باسك تقطعيه دي غوندال مع صوص الشومبينيو والبودان يكون محشي بالجبن
ولا ديريهم اصابع تان محشيين بالجبن


الله يباااااارك فيك اختي الله يحفظك والله يكبر بيك
شكرا لمرورك وردك واقتراحك انا تاني نخمم بزااااف في البودان
ايييييييه اختي انا تاني حاباته بالفرماج واصلا البودان للديكور يجي شباااااب
مشكوووووورة اختي ربي يجازيك
ملاك ملاكي
2016-05-11, 23:38
ربي يكملك ملوكة ويهنيك
انا ننصحك ديري بودان تاع السكالوب خير يجي زاكي عن تجربة درناه العام لي فات في عرس اختي حنا درنا سكالوب محشي باللحم المرحي والصوص درناها بالليبولات تاغ الكفتة والزيتون والشومبينون التزيين كان بالجاج لمحمر
ان شاء الله يزيدوا يفيدوك الاخوات
ماتنسايش تعرضيني خخخخخ

اللهم اميييييين اختي الفاضلة شرفتيني بمرورك الطيب
شكرا لردك الطيب واقتراحك
انا تاني قلت نديره بالسكالوب وصوص بيضاء بزيتون اخضر ولي شونبينيون واصلا البودان من ناحية الديكور يجي شبااااااب وكي قلتي مع قطعة لحم فخض محمرة وشوي دبشة للزينة وقلت القارص نقطعة دي روندال ونديره في قطعة اورنقانزا للزينة وحتي كي تعصري القارص تجي عملية ولا واش رايك اختي
خاصة انك قلتي فوتي مناسبةةاختك ربي يسعدها ويهنيها ويرزقها الذرية الصالحة ان شاء الله
ماذابيك تفيديني اكثر بكاش نصايح وافكار احنا اول مناسبة كبيرة راح تزوج علينا وعلابيها دوخنا شوي هاهاها
باااااارك الله فيك وربي يجازيك على نيتك
ملاك ملاكي
2016-05-11, 23:41
انا دخلت نباركلك بلعرس شكرودة يوووووويوووووي فرحتلك حنونة
ياااااا عمري كشرودتي طات عليا هذه مدة ماتلاقيناش ان شاء الله بخييييير وعافية وسجودة تاني
الله يبااااارك فيك حنوتي وعلله يحفظك
وااااااش سمعتي بالعرس سميتيها مستوووووورة قتلك المواعن عليك افكري راسك جيبي طابليتك في يدك وشمري على ساعديك ااااا الشاطرة هاهاها
شكرا حنونتي ربي يخليك
&ام ايوب&
2016-05-11, 23:44
انا مع فكرة البودان تجي بريزونتابل خييير
والف الف الف مبروووووووووك وربي يهنيك
نستناوك بعد العرس وجيبينا تقرير مفصل ههههه
ملاك ملاكي
2016-05-11, 23:46
مبروك عليك حنونة انا رايي البودان خير ولا نقلك مدي لكل واحد سيكونت ميل وقوليلو ادي مرتك وروح للريستورون يدرا تبقاي تزورينا ولا:mh92:باي ربي يهنيك ويحلي ايامك

الله يبااااارك فيك اختي الله يحفظك
شكرا اختي على ابداء الرأي و هاهاهاها عجبتني فكرتك ياااااريت لو جات تصلح شوي برك نصلحها هاهاها مي خفت تلقاوني تافيشيت في النات بعنوان مودة العصر هاهاهاها يعرضوا معاريض العرس للريسترون هاهاها والله بخصة هاهاها
اكيييييييد راح نبقى نزوركم ونهبلكن وندلل عليكم شوي هاهاها
وزيييييد من استشير ولمن نحكي على تلبازي وبهادلي عفايسي هاهاهاها
مشكورة اختي ربي يجازيك
ملاك ملاكي
2016-05-11, 23:49
انا مع فكرة البودان تجي بريزونتابل خييير
والف الف الف مبروووووووووك وربي يهنيك
نستناوك بعد العرس وجيبينا تقرير مفصل ههههه

شكرا اختي لمرورك الطيب ومشاركتك في التصويت هاهاها
الله يبااااارك فيك وفي ماعندك الله يحفظك
ان شاء الله اكيييييد هذه بلا هدرة واااااجب هاهاهاها
ربي يهنينا ان شاء الله ويسهلنا على خييييير اجمعيييييين
أ م ساجد وسيم
2016-05-11, 23:53
صايي راني جاية انا وطابلية خخخخ المهم تصدري وفرحي بعمرك الف مبرووووك
ملاك ملاكي
2016-05-11, 23:59
صايي راني جاية انا وطابلية خخخخ المهم تصدري وفرحي بعمرك الف مبرووووك

على الرحب حنونتي والله تشرفيني خاصة سجودة بكوستيمه ياعيني ياعيني خمسة وخموس
خلااااااص بطلت ارواحي اظربي الحطة واتقلشي اخت العروس الكبيرة رجل قفوق رجل وكابتيلي كل شئ هاهاها حاجة لا تفوت هاهاها
ربي يخليك حبيبتي ان شاء الله ربي يسهل ويكمل لنا على خييييير
om obaida
2016-05-12, 08:20
شوفي حنونة اذا راكي تستقبلي نجو كامل وحدة تكابتي الصوت وحدة تكابتي الصورة علاه خياتك في باطل
ملاك ملاكي
2016-05-12, 11:31
شوفي حنونة اذا راكي تستقبلي نجو كامل وحدة تكابتي الصوت وحدة تكابتي الصورة علاه خياتك في باطل

هاهاهاها الله يحفظك حنونتي والله يكبر بيك ويعلش شانك ومقامك
والله فرحتبني بكلامك ا خااااااه راكم على العين والراس وزيد فرح بلا احباب واااااع ناقصة مميزة اذا تشرفوني
هلاص راني في انتظار تشريفكم وخلي روبلوها كيف كيف هاهاها
بااااااااارك الله فيك حنونتي
ملاك ملاكي
2016-05-13, 16:18
وييييييينكم شطوراتي الفحلات نتاعي مع انه حبيباتي الله يبارك عليهم والله يجازيهم اعطوني راييهم مي نتمنى منكم تفيدوني بصور للديكور الله يسجيكم وربي يستركم لاني حابة يكون في اطباقي نوع نن التغيييير ولو مانيش انا غي راح نطيب هاهاها مي حبيت نوع من علتغيييير
مشكورين