استفسار فيما يخص السفر لتونس [الأرشيف] - منتديات الجلفة لكل الجزائريين و العرب

ام جابر.

2016-05-10, 15:27

السلام غليكم

انوي السفر لتونس انا وعايلتي المكونه من بالغين و 3اطفال 14 و 10 و2

.
لقضاء عطلة اسبوع بتونس لأول مرة ..بسيارتي الخاصة
استفسر عما يلي ..
أفضل المدن أو القرى هدوءا..
واقلها عريا.
اسماء لفنادق محترمة ..أقلها سعرا

هل يكون أفضل كراء منزل صغير أم النزول في الفندق من حيث الأسعار ..
ما هو أقل مبلغ يجب أن يأخذه معه لقضاء الأسبوع على التراب التونسي..
هل يمكن أن يكون التواجد آمنا بالنظر لما مرّت عليه تونس من أحداث وأشكركم ...

guidoume

2016-05-10, 16:59

السلام عليكم
السفر الى تونس امن جدا
انصحك بكراء شقق في عدة ولايات
مثلا ابدء بسوسة(حي حمام سوسة او حي الخزامة) حيين راقيين
s+2 ممكن تجدها ب 80 دينار اي 5400دج الفنادق غالية
هناك مواقع تكري فيها و لا تقصد الوكالات ( الكورتية) يدو الربا لي يخليهم
اظن الرحلة ممكن تسقام من 70000دج الى مالانهاية للعائلة كلها
اي استفسار عندي اناس نعرفهم في عنابة يساعدوك
شكرا

ام جابر.

2016-05-10, 17:28

يغطيك الصحة اخي
حابة نكري من هنا
ادا امكن تقولي كيقاه ندير..
باش نكري من هنا..
الاسعار نم غالية ام رخيصة
اسغار الخبز ..الخصار الحفاضات الخ.....
كم يلزم.

guidoume

2016-05-11, 12:10

السلام
الخبز رخيس في الكوشة بصح في سوبر ماركت غالي
الخضر كذلك رخيسة في الماشي في الاسواق الشعبية لكن في السوبر ماركت غالية جداااا
الحفاضات و المعلبات وووووو خذيها من الجزائر
اعطيني الاسم و اللقب و عدد الايام التي تريدين حجزها من .... الى ......
و انا احاول ان اجد لك عروضا محترمة لكن في الشقق او الفنادق

mrmilano1984

2016-05-11, 21:46

اختي انا راسي طال مع تونس هادي الفنادق اخطيك الا فنادق محترمة وراكي تعرفي الفنادق كاين الاجانب والاختلاط والسهرات فيهم للصباح سيرتو الان مع الصيف نتي مرا وبراجلك وولادك يعني مش مستحسنة هدا رايي فقط للعزاب يروحو احنا عزاب كنا نروحو للفنادق
الكراء نعطك نصيحة اعرفي ون تكري مليح وكي تروحو مش اي واحد يجي ليكم تلصقو فيه كاين بزاف سماسرة ربما الاخ يوضحلك الفرق وكفاش تعرفيهم اوك هادوك يدو معاك بزاف بزاف وزد يمدلهم صاحب الشقة او استوديو او فيلا
كاين بزاف شقق يديرو للكراء اوك تلقايهم مكتوبين a louer مع رقم الهاتف اوك يعني منطقي لي يكتبلك للكراء ويحط رقمو في شقة برا يكون هو مالكها طبعا وصاحبها هداك اكريو عندو نورمال اوك انا كنت نكري في سوسة في وسط المدينة ون كاين الكورنيش اوك حتي خزامة مليحة جاية جوست بعد كورنيش سوسة بوجعفر اوك
والاخ زد يفيدك

ام جابر.

2016-05-12, 18:41

الاخوة الافاضل شكرا لكم من الاعماق
نظن انو شقة او استديو احسن طبعا ادا مكانش فنادق محترمة
خصوص انو فترة الصيف راه جاية
طيب وش هي المناطق القريبة من الحدود علما ان الطريق سيكون على تبسة بحول الله وقوته
كم تبعد سوسة على الحدود الجزائرية وهل الطريق امن
هل يتواجد السواح هنالك بكثرة.

خاوتي ماتعرفوش فندق محترم شامل فيه المبيت والوجبات
تقولولي على سومة تاعو وشحال تطلعلي سمانة.

mrmilano1984

2016-05-13, 12:53

اوك كاين اكيد طريق علي تبسة القصرين وقفصة وتفوتو علي القيروان وتوصلو حتي سوسة لم اتدكر المسافة شوية جبدة المهم شوية اختي افتها تاع الجنوب نصيحة مني والله احسن طريق تاع ام الطبول او العيون وطبرقة احسن طبعا طبرقة اوك فيها نضن فنادق عائلة ومانعرف دك يدخلو الخبراء يجاوبوك طبرقة روعة جميلة وناسها طيبين اوك اعرفي فقط ون تحجزو باسكو اكيد فنادق فيها اختلاط اجانب وووو خمر وسهرات اوك

ام جابر.

2016-05-14, 07:31

شكرا اخي mrmilano
على المتابعة والادلاء برايك
الطريق ع ام الطبول وتبرقة تقصد جيهة الحدود مع عنابة.. هكا ياك ..
شاكرة لك تعبتك معايا.

الفراشة الرومانسية

2016-06-21, 15:56

السلام عليكم
من فصلكم اريد موقع فندق دار اسماعيل بطبرقة تونس و الذي استطيع الحجز من خلاله
و من فصلكم شكون راح من قبل الى تونس الشقيقة اريد بعض الارشادات "الاقامات و التكاليف...." كيف اقضي حوالي 20 يوم كسفرية مع زوجي

علي لقواطي

2016-06-21, 19:00

يا أختي أنصحك بالحمامات أفضل للعائلة فسوسة تستقطب الشباب فقط.... و من الأفضل كراء منزل

Radhouane14

2016-06-22, 10:14

السلام عليكم
انصحك بالذهاب الى مدينة نابل خاصة اذا ذهبتم با سيارة لان فيها اناس طيبين جدا و متواضعين و فيها الحرمة الخاصة بالعائلات الجزائرية و هي قريبة من الحمامات حولي 33 كم
_ من المستحسن كراء منزل افضل من حيث الاسعار
_ الضروف الامنية في تونس مليحة لا يوجد خطر كبير
_ حوالي 10 ملاين تفوتو عطلة مليجة ليكم
_ ننصحكم اشرو من المحلات العادية لانو السوبيرات شوية غالية السعر عندهم يختلف من منطقة لاخرى مثلا الماء يوصل من 400 مليم حوالي 30 دينار جزائري الى 3 دينار تونسي حوالي 210 دينار جزائري

الفراشة الرومانسية

2016-06-22, 11:19

يا أختي أنصحك بالحمامات أفضل للعائلة فسوسة تستقطب الشباب فقط.... و من الأفضل كراء منزل

من.فضلكم.ساعدوني.فانا.جد.مشوشة.في.ما.يخص.RESERVATI ON
في.الحقيقة.وجدت.عدة.شقق.في.مواقع.الحجز.في.النت.كمو قع.booking
لكن.كيف.لي.لن.ادفع.من.الان.او.الدفع.يتم.عند.الوصول ??
منفضلكم.هل.تفضلوا.الحجز.ايام.قبل.او.حتى.الوصول.خاص ة.و.نحن.نريد.ان.نبقى.20.يوما.انشالله

chouaib.fcb

2016-06-22, 14:28

نصيحة خلي سيارتك في الجزائر ملىء الخزان في تونس ايسونس عادي 5000دج

علي لقواطي

2016-06-22, 14:37

من.فضلكم.ساعدوني.فانا.جد.مشوشة.في.ما.يخص.reservati on
في.الحقيقة.وجدت.عدة.شقق.في.مواقع.الحجز.في.النت.كمو قع.booking
لكن.كيف.لي.لن.ادفع.من.الان.او.الدفع.يتم.عند.الوصول ??
منفضلكم.هل.تفضلوا.الحجز.ايام.قبل.او.حتى.الوصول.خاص ة.و.نحن.نريد.ان.نبقى.20.يوما.انشالله
إحجزي في الموقع من اليوم الذي تصلون فيه لتونس إلى نهاية عطلتكم و الدفع بعد الإنتهاء من العطلة

الفراشة الرومانسية

2016-06-23, 00:24

إحجزي في الموقع من اليوم الذي تصلون فيه لتونس إلى نهاية عطلتكم و الدفع بعد الإنتهاء من العطلة

المشكل.لا.نملك.كارت.فيسا

RAMIA

2016-06-26, 12:26

تونس لا انصحكم بزيارتها ابدا والله غير محترمة تماما عري وزنا وشرب علنا والعياذ بالله

RAMIA

2016-06-26, 12:27

شواطئ الجزائر افضل من الناحية الاخلاقيية

الفراشة الرومانسية

2016-06-27, 18:44

ام جابر.

2016-06-27, 19:44

اشكركم حميعا على المشاركة والادلاء بالراي
وجدت استديو يبغد ب300 متر ع البحر في حمام سوسة
ب 80 دينار تونسي
هل المدينة امنة ...هل هناك مضايقات
هل المبلغ مبالغ قيه...
بختت في نابل ةلم اجد الكراء..

hadjjamel

2016-06-28, 17:41

الجزائريون معفيون من الرسم لدخول الجارة تونس هل هذا صحيح ؟؟؟؟

mrmilano1984

2016-06-28, 22:11

اختي فراشة نعطكم نصائح قيمة انتم طبعا رايحين شوفي ردي بالك من السماسرة راهم بزاف بزاف يعني يجو ليكم من شارع ويقلك نكريلك ووو هادوك فقط وسائط يحوسو وهمهم المال وفقط اوك لدا تجنبي التكلم معهم مطلقا وتجاهلوهم شوفو لي صاحب الشقة بالفعل ونتوما نضن راكم تعرفو من صاحب الشقة الاصلي او لا
والله لو نحكلك رحت مرة انا وصدق لي مزية نعرفو مليح ونميزو مليح جا لينا تونسي شافنا بالكابات جا يجري مورانا ويحلل فينا وانا صاحب الشقة وو كان عندو مفاتيح في يدو لانو صاحب الشقة الاصلية ماكاش لثم وهي جاية في سوسة وسط المدينة بالضبط اين يوجد الكورنيش تااعهم تصوري ماحبش يخطينا وبدا يحلف انو صاحب الشقة ووو يبلعط طبعا مامناهش ابدا وستنينا حتي جا صاحب الشقة باش كرينا ومن بعد عرفنا بلي هو مجرد سمسار وصاحب سوابق من قبل تاع شراب وسرقة ووو وسرق عدة سواح في مال لي يكريلهم خصوصا ليبيين مزية كنا جد فطنين لانو من بعدها رفدوه وداوه للسجن المهم اعرفو جيدا عندمن تكريو وتاكدو من هوية المؤجر لكم ودققو ولو استلزم يوريلكم وثائق ملكيتو من حقك دلك باش تكريو مهنيين ممكن تكون مش دارو ووو فهمو ومن بعد تحصلو لو يجو ليكم لو صرا مشكل

ام جابر.

2016-06-29, 04:48

شكون يعرف حي المنارة سهلول
بقولك كم يبعد عن البحر
لاني وجدت شقة هناك
وماعنديش معلومات كافية
عن الحي
وعن الشاطئ لي نقدر نقعد فيه
مرتاحة انا وولادي.

أم الولدين

2016-07-14, 15:23

حسب التاريخ يبدو انه الاخت سافرت إدا كان كدلك ياريت تدخلي و تفيدي بتجربتك و سفرك حتى يستفيد غيرك خصوصا مشكل كراء الشقق

mrmilano1984

2016-07-14, 17:43

شكرا اخي mrmilano
على المتابعة والادلاء برايك
الطريق ع ام الطبول وتبرقة تقصد جيهة الحدود مع عنابة.. هكا ياك ..
شاكرة لك تعبتك معايا.
نعم كاين زوج طرق سواء ام الطبول او علي العيون طبعا كلهم تابعين للطارف طبعا

mrmilano1984

2016-07-14, 17:47

شكون يعرف حي المنارة سهلول
بقولك كم يبعد عن البحر
لاني وجدت شقة هناك
وماعنديش معلومات كافية
عن الحي
وعن الشاطئ لي نقدر نقعد فيه
مرتاحة انا وولادي.
سهلول بعيدة عن وسط سوسة وتزدو برك مصاريف النقل ووو روحي اكري في سوسة وسط المدينة كاين معمرة شقق هناك للكراء وتكونو في وسط المدينة كل شيء قريب جدا احسن تكري بلاصة بعيدة وكل شيء بعيد

hind-algerie

2016-07-17, 15:10

سلام عليكم .. راح افيدكم ربما .... لأني عندي أكثر من 10 سنوات عطل بتونس ...ّ. رحنا مرات نابل مدينة صغيرة نوعا ما. ... هادئة بزاف مليحا لكبر فسن كرا فيها رخيص على سوسة و حمامات .... كين منازل للكرا في حي الفهري البحر بعيد ب300 حتى 500 م شاطئ ليدو نابل

hind-algerie

2016-07-17, 15:19

منار العلم

2016-07-17, 16:52

شكرا هند لإفادتنا ،

ما هي أجمَل المناطق السياحيّة هناك بـ نابل أو غيرها ؟؟

وكم قدّر كراء المنزل الواحد لليلةِ الواحدة ؟

mrmilano1984

2016-07-17, 17:11

بنسبة السوسة مدينة سياحية بامتياز فيها كل هياكل السياحية وين تتمتع بالبحر و بالكرنيش و بارك القنطاوي للاولاد .. الحديقة ألمايية ... ممتعة ... فنادق غير محترمة .... للعائلات الأفضل شقق ّ
... أحسن مكان اعجبنا من حيث الاحترام ّ... منطقة شط مريم شقق روعة بأسعار معقولة قريب البحر أقل من 100م و كين مطيلة الايه ... منطقة تبعد على منااا القنطاوي ب 2كم و.على سوسة بوحد 8كم إي استفسار انا هنا
صحيح ماقلتيه تماما واحد من عائلتنا راح مع وكالة سياحية صاحبتها امراة جاية في الابيار حجزولهم في شط مريم في فندق نضن تكلملي الا المليح علي منطقة هاته صراحة منطقة رائعة +نابل رحتلها هي هادئة فعلا ونقية ومافيهاش حس بزاف وتاع عائلات فعلا وحرمة عكس سوسة كارثة هه كل الانواع هناك ليحة بزاف للشباب العازب مش للمتزوجين طبعا وصحاب الحرمة مليحة ليهم نابل وسوسة مناطق معينة

maha21

2016-07-18, 08:31

سلام
عندي اكثر من اسبوعين وانا نبحث بلا فائدة في المواقع, ادا ممكن الي مجرب مؤخرا يوصلنا للمستاجر تاعومع العلم اننا عائلة مكونة من 05 افراد نريد الاستاجار في شهر اوث ان شاء الله بمبلغ ما يفوتش 5000 دج لليلة من الاحسن في منزل ماشي في عمارة و عدد الغرف 02 فيها براكة
رانا حاصلين ملقينا حتى عرض يناسبنا
مساعدة pleaaaaaaaase

mrmilano1984

2016-07-18, 10:10

يااخي بالنسبة للمواقع اغلبها نصابين واغلبهم سماسرة وليسو اصحاب الشقق علي مااضن يجب ان تبحث من الان عن شقة دات ثقة تامة ولصاحبها واكيد راح تلقي وانتم عائلة نصيحة لك نابل احسن لكم كثي وحتي سوسة فيها مناطق محترمة وشقق محترمة اين يوجد عائلات وليس بعض الشقق ياتو اليها الا الشباب ويتركوها مسخة معفنة بفضلاتهم وهي موجهة طبعا اليهم ياتي اليها جزائريين وليبيين بكثرة عندهم وتعرف لمادا ياتون لدا لاانصحك بهم ابدا

maha21

2016-07-18, 11:45

وعلى هاد السبب راني نبحث من عند الاخوان المجربين مؤخرا بلاصة كونفيونس ( رقم هاتف صاحب المنزل) يكون يعرفو ومجربو. راني تاكلة على ربي وعليكم و نستنى ردودكم

khalidou78

2016-07-18, 13:03

سلام maha21

هذا موقع رائع تقدر تكري فيه في جميع أنحاء العالم، فيه شقق و فيلات و حتي فيلات بالمسبح, كل واحد و مقدورو، بصفتي زرت تونس كاين فيه عروض مغرية
فيما يخص الأكل أنصحكم بالتسوق من الأسواق الشعبية، وإذا كليتو في المطاعم متنساوش تنبهو مع الطلبيه بلي ناقصة حار لأنو خاوتنة التوانسة إحبو بزاف الحار، كما أنصحكم بالأسماك لأنها باطل مقارنة بأسعارنا في الجزائر .

فيما يخص الموقع، عليك افتح حساب فقط، و يمكن كذالك قراءة تعليقات الزبائن الذين أجروا من قبل, و رؤية صور الشقة و ملحقاتها.
كما يمكن من التواصل مع صاحب الشقة عبر الرسائل على نفس الموقع,

الموقع https://fr.airbnb.com/

سلام

maha21

2016-07-18, 15:13

وبالنسبة للحجز و الدفع احنا معندناش الفيزا كارت ممكن يحجزولنا بالكلمة فقط ؟

sofiane20008

2016-07-21, 15:49

اذا كنتي بالسيارة روحي و ماتخافيش في الطريق يوقفوقم الشباب من اجل الكراء ومن 25 الى 80 دت حسب المنطقة وانتي واحتياجك اذا كنتي حابة تروحي تريحي اكري في البلايس لبعاد على الموفمون مثلا شط مريم بين سوسة و الحمامات