تسجيل الدخول

مشاهدة النسخة كاملة : القورجات

pharmajiji
2016-05-09, 17:46
السلام عليكم ورحمة الله وبركاته
أريد طرق مختلفة لتحضير القورجات
ساكون ممتنة
om obaida
2016-05-10, 16:17
okhti iza tokosdi lkorjet ana nhab na3malha fi alkoucha akasmi alhaba bitoul khawiha w3amriha bilham marhi li tkouni tayabtih wmn ba3d hoti kamiya mliha nta3 formaj wrati kol haba blaliminyoum wdakhliha llfour ji laziza
yasmine f
2016-05-10, 19:09
ممكـــــــــــــن أعرف وشنو هو القورجات♥
pharmajiji
2016-05-15, 11:12
c'est courgette
كوثر التائبة
2016-05-18, 16:29
ديريها دولمة ولا اقليه ولا قرتان
lilii7179
2016-05-19, 09:45
تقدري ديريها طاجين:
قلي حبة بصل مرابية مع سنات ثوم طراف لحم او دجاج واش عندك, ملح فلفل اسود و كسبر فلفل احمر حلو و الحار حسب الذوق , ملعقة طماطم مصبرة . كي يتقلاو مليح امرقي شوية برك و اقفلي على اللحم او الدجاج يطيب. من جهة اخرة تكوني وجدتي القرعة او الكورجات نتاعك قطعيها دوائر شوية خشينة , لوحيها في المرقة ( ما تكثريش المرق خاطر هي بعد تطلق الماء) كي طيب تكوني موجدة حبة طماطم مرابية مع سنة ثوم, و هذا هو اللي يزيد البنة تحطيهم من فوق مع فلفلة حارة و غطي الطنجرة و خليها تتجمر بعقلها على نار هادئة حتان تولي المرقة خاثرة. و قطعيلها دبشة. هاذي راهي وصفة قديمة نتاع جدتي بصح ما زلنا نديروها خصوصا في الصيف مع كسرة خميرة بننننة.
بينيي الكورجات beignets de courgette
هاذي وصفة كانت ماما ديرهالنا تكلحنا بيها باش ناكلو الخضر
قطعي الكورجات بالطول ما تكونش خشينة و لا رقيقة , ديريلها ملح و كمون و فوريها, ما تخليهاش طيب حتان تتفتت.
من جهة اخرى خبطي بيضة او 2 حسب الكمية مع ملح, فلفل اسود, شوية حليب, معدنوس مقطع, 2 حبات فرماج, شوية خميرة كيميائية, شوية حليب و زيدي الفرينة باش تتحصلي على عقدة كيما اللي نقليو بيها الشفلور. اغطسي فيها الكورجات و اقليها. تقدري تقدميها ناشفة او مع صلصة طماطم.
سوفلي الكورجات
قطعي 5 حبات كورجات متوسطة و فوريها حتان طيب مليح مليح و خليها تقطر من الماء ثم ارمسيها بفرشيطة
من جهة اخرى قلي بصلة متوسطة مرابية مع ملح فلفل اسود شوية زبدة او زيت . كي تتقلى تقدري تزيديلها لحم مفروم او تستغناي عليه. اضيفي هذا الخليط الى الكورجات و زيدي قطع من الفرماج و 4 صفار بيض و كمية مليحة من المعدنوس المقطع و خلطي مليح. يبقالك 4 بياض بيض طلعيه en neige و اضيفيه غير بلعقل باش يجيك السوفلي خفيف. فرغيه في مول مدهون او des ramequins صغار و زيدي جبن مبشور و الى الفرن.
اتمنى اني افدتك و لوكان نزيد نتفكر كاشي وصفة راني نحطهالك
جلالي بلخير
2016-05-22, 12:02
رابي القورجات وقليها مع سنة ثوم وشوية فلفل اكحل وزيديلها الفرماج والمعدنوس والبيض مغلي في الماء
وتقدري تعمري بهذه الكيفية الديول
*سيرين نور عيني *
2016-05-26, 10:07
مانحبهاش نحبها ف الطعام برك