المساعد الشخصي الرقمي

مشاهدة النسخة كاملة : Ordre appel sidi bel abess

MEKKI DAOUADJI
2016-05-08, 21:59
salem alaykom
hatni l ordre appel l sidi bel abes mochatt ecole
²wech raykom ²w chkoun ya3ref ecole bien yahkilna 3lih dakhla le 15 mai
morade31
2016-05-09, 17:47
سلام انا اتتني البارحة الى المدرسة العليا للصحة بلعباس
ilyes29
2016-05-11, 00:55
السلام عليكم,,هاذي المدرسة رحتلها في مارس2014 و خرجت فائض...إلتحقت يوم 16مارس يعني تأخر يوم واحد فقط و كنت من بين 40 الأوائل الملتحقين....بإختصار المرة لي فاتت طلقو لي جاو اللولين فائض و كانو كلهم مستدعين يوم 15مارس..يعني لي عندهم إستدعاء 22مارس حتى لو التحقو في نفس اليوم..ما طلقوهمش..للأسف...في الفحص الطبي يوجد 3حالات..مقبول_مقبول جزئي_في الإنتظار...الحالة الأولى باينة..2 يديرك فيها مين تكون مريض و داي دوسي..إذا ما إقتنعش بدوسيك يديرك فيها...و قادر يديرك مقبول إذا شاف بلي دوسيك خرطي(حسب رأيه الشخصي لانو الطبيب هناك عسكري قبل ما يكون طبيب-غير حيادي).....الحالة الثالثة هي مين تكون مريض صح صح و داي دوسي متين..يدوكم لوهران ديرو فيزيت...و نتا وزهرك..إذا صبت الطبيب تماك راك تفريها..وإذا ما صبتهش يولو يدوكم مرة أخرى...كل هذا حسب الوقت..في كل مرة يدو 20 او 30فرد لمرة واحدة في الاسبوع ...لي ما لحقاتهش الدالة يدي شورسي 6اشهر..في المرة القادمة نفش الشيء...و اللي تحصل على سورسي مرتين في المرة 3 يأخذ إعفاء............المقبول جزئي البعض منهم يحولوهم إلى مقبول...البعض الاخر يتحصل على تأجيل...و اخرون ممكن يتحصلو على إعفاء-عدد قليل-....كملاحظة الذين كانو مقبول جزئي و أصبحو مقبولين و كانو من أوائل الملتحقين كذلك طلقوهم إعفاء..........الإعفاء يمدوه الأطباء لي في وهران فقط..طبيب المدرسة ماراهش مخول باش يعطيه
ilyes29
2016-05-11, 00:56
..ماذابيكم تروحو الاوائل.....لأنو ممكن تكونو مع الجماعة لي يطلقوها فائض....و حتى لو ماطلقوكمش فائض ماعنكم ما تخسرو...اسبوع أو أسبوعين زيادة ماراحش يؤثر....بلعكس...يحسبولك مدة الخدمة سنة واحدة إبتداءا من يوم الإلتحاق...يعني تدخل 15 تخرج 15 من الشهر.....تدخل 22 او 25 او....تخرج في نفس اليوم لي إلتحقت فيه...في الاول تكون الماكلة مليحة(يعني متوفرة بكثرة و ليس شهية لأنها أكل العسكر...ما عليش من كثرة الجوع غادي تولي تبالنكم من اشهى الماكولات..الواحد ماذابيه مايتكبرش على الماكلة خاطرش ماكانش لي غداي يجيبلك ماكلة اخرى...إذا جعت تبقى جيعان واحد ماراه سامع بيك)...يدوكم مرات للفوايي بصح فيه غير قهوة_دخان-شمة_gateau.مشروبات غازية..كل ما يدوكم شرو بالزيادة و دسو..تصيبوهم وقت الجوع...كذلك الماء إشرو و كثرو...كين الماء المالح فقط تغسلو بيه..و الماء الصالح للشرب قليل بزاف يجي غير الصباح في حنفية وحدة بكمية قليلة و لمدة محدودة...و تصيبوه في المطعم وقت فطور الصباح..الغذاء و العشاء......كثرو الملابس الداخلية خاطرش بلعباس باردة بزاف مع الليل...
الجماعة المقبلولين في ثاني يوم بعد الفحص الطبي يبداو التدريبات...خفيفة كيما الإستعداد و الإستراحة و غيرها..مجرد مقدمات للتدريب الاساسي بعد ما تلبسو...خوذو معاكم أحذية مريحة باش تدربو بيها لانه راح تدربو بملابسكم الخاصة إلى غاية إعداد القائمة النهائية للمجندين و تسريح الباقي و غلق المدرسة (الأسبوع الاول من شهر أكتوبر)...
كل واحد بعس صوالحه ...الدراهم و الوثائق المهمة و الهاتف ديرهم في بورتفاي و ديره على رقبتك دائما و ابدا..ما تنحيهش حتى تروح لداركم...السرقة راح تكثر بعد ما يكثر عدد الملتحقين(يقترب من 1000و هوما يسحقو 230)...إذا سرقولك كاش حاجة و كنت قادر تنساها ..اسكت خير..لانو إذا شكيت راح يحوسو على لي سرقها إذا صابوه يتعاقب وإذا ما صابوهش راه يتعاقب الكل بيما فيهم انت الضحية حتى لي يبان السارق..و إذا مابانش قعدت هاكذك......و كذلك لازم كل واحد يشد فمه لأنو الهدرة توصل...ما تراماركيش روحك....ما تكون فياس ما تلعبها ساجي...تفيس في الغفلة و خدم مليح مين يوقفو عليك...ما تلعبهاش خشين لانو راح يديروك بين عينيهم و يكرهولك حياتك...و ممكن حتى تكون من جماعة الفائض و ياخذو إسمك للقيادة و يشدوك مع المجندين.....هاذي مع العسكر....مع الناس لي معاك غادي تلقى لي ملاح و لي ما يسواوش..كل واحد عطيه على حساب قدره ...يعني دير قدر لروحك بالملاحة و بالقباحة إذا لزم
ilyes29
2016-05-11, 00:56
لأشياء لي تاخذوها معاكم راهي باينة...ملابس داخلية..وسائل النظافة..صابون ..مسحوق الغسيل..شمبوان..أدوات الحلاقة لي لام و المقص ممنوعين...ادي لي لام جوطابل ماشي شفرات و حدهم لي يجو في علبة صغيرة....لي يضره راسه و لا ضرسه يدي كاشي لأنو الطبيب ما علابالهش بيك إلا إذا كانت حالة خطيرة..خاطرش يحسبك راك تتفيس...كادنة لللارموار+ زوج تع لي فيس دايرين لي تركب عليهم ...خاطرش ممكن ما تصيبهمش في لارموار...الهاتف النقال أدي واحد سامبل يشد لاشارج مليح4أيام على الأقل لأنو راح يكون عندك وقت ضيق بزاف باش تشارجيه+ الأوبسيون تع الصون فيه نساها..لازم دائما يكون في وضعية الإهتزاز أو الصامت...باش تتفادى المشاكل من يرن خاصة وقت التدريب
كل ما قلته راه في الفترة الاولى قبل ما تلبس...بعد ما تلبس الله أعلم...ما نظنش تتغير الامور كثيرا...المهم سقسي لي راه مفوتها يعطيك معلومات أكثر...كاش إستفسار اخر عندي الإجابة نتاعه راني هنا...و لي ما نعرفهش الله غالب....الله يسهل للجميع