زوجي وزوجة اخيه 2

[مشكلتي]

السلام عليكم
صدقوني حكايتي حقيقية وليست من وحي الخيال
ولو كنتم حاضرين والله جبل يتهز
بنسبة لقالتلي بلي علاقتي غلط ومعلاباليش
يا اختي انا نقولك كان يقرى معايا
يعنى كنا نديرو البخوث و الدروس مع بعض ومش وحدنا لكن كل المجموعة تيدي
انتي طول حكمتي علينا بالحرام الله يهديك المسلم الحقيقي ما يحكمش بالحرام والحلال مباشرة
وزيد نهار الي جاتني ماقاتلبش غير هاك
قاتلي حتى كيفاش راكي حاملاتيه انا كي نتخيل روحي معاه نقول مستحيل متفاهمو
انا مارديتش عليها نقلكم علاه
لانو قبل كنت دايما ندوس مع راجلي علا جالها ونقولو بلي راك تتبدل كي تشوفها
وهو ضربني علا هادي الهدرة ومابدلش من طباعو
هي ماواجهتهاش لانو راجلها واعر بزاف
ومايحملش كلمة علا مرتو
مرة جاتني ومستقبلتهاش مليح قريب طلقت بسبتو
انا واش راني ندير الان رامي ندير في روحي مش فايقة
حتان تتمادى والكل يلاحظ بما فيهم زوجها
لانو في هداك الوقت كي نهدر ماكاش الي راح يهاجمني
وانا العيب نقول ونعاود في راجلي الي ماعندوش شرف
مانكذبش عليكم المفروض يوقفها عد خدها
لو كان صح يحبني وصايني ما يديرليش هاك
انا العقرب راها في داري و في فراشي
لو كان يحبني مايديرليش هاك
حسبي الله ونعم الوكيل

[ام رضوان]

هاكي قلتيها
حسبي الله ونعم الوكيل
وكلي امرك لربي وادعي وماتياسيش ادعي ربي سبحانو يهدي زوجك ويبعدها من طريقكم
واللي ناوي الشر يطيح فيه
ياااااارب

[beautifulmin85]

( استكبارا في الأرض ومكر السيئ ولا يحيق المكر السيئ إلا بأهله (43)) فاطر

من آذى مسلما وصبر ذلك المسلم لوجه الله كفله الله حقه ودافع عنه فقط الصبر والرضى

[(( هبة الرحمن ))]

السلام عليكم
صدقوني حكايتي حقيقية وليست من وحي الخيال
ولو كنتم حاضرين والله جبل يتهز
بنسبة لقالتلي بلي علاقتي غلط ومعلاباليش
يا اختي انا نقولك كان يقرى معايا
يعنى كنا نديرو البخوث و الدروس مع بعض ومش وحدنا لكن كل المجموعة تيدي
انتي طول حكمتي علينا بالحرام الله يهديك المسلم الحقيقي ما يحكمش بالحرام والحلال مباشرة
وزيد نهار الي جاتني ماقاتلبش غير هاك
قاتلي حتى كيفاش راكي حاملاتيه انا كي نتخيل روحي معاه نقول مستحيل متفاهمو
انا مارديتش عليها نقلكم علاه
لانو قبل كنت دايما ندوس مع راجلي علا جالها ونقولو بلي راك تتبدل كي تشوفها
وهو ضربني علا هادي الهدرة ومابدلش من طباعو
هي ماواجهتهاش لانو راجلها واعر بزاف
ومايحملش كلمة علا مرتو
مرة جاتني ومستقبلتهاش مليح قريب طلقت بسبتو
انا واش راني ندير الان رامي ندير في روحي مش فايقة
حتان تتمادى والكل يلاحظ بما فيهم زوجها
لانو في هداك الوقت كي نهدر ماكاش الي راح يهاجمني
وانا العيب نقول ونعاود في راجلي الي ماعندوش شرف
مانكذبش عليكم المفروض يوقفها عد خدها
لو كان صح يحبني وصايني ما يديرليش هاك
انا العقرب راها في داري و في فراشي
لو كان يحبني مايديرليش هاك
حسبي الله ونعم الوكيل

وعليكم السلام ورحمة الله وبركاته

كان الله في عونك أختي ، حسبنا الله ونعم الوكيل في هكذا نساء.

ما يثير غرابتي أنه كيف تضع هذه المرأة عينها في عين زوجها ، وهي تحاول خيانته ، بل خانته بمجرد أنها فكرت في غيره ، وأي غير يا إلهي أخ الزوج وعم الأولاد.
معك حق ، - اضربي النح - وتظاهري أنك لا تعلمين شيئا لكن في نفس الوقت حافظي على زوجك .
لا تنسي أننا في أيام مباركة وشهر رمضان على الأبواب فرصة لا تعوض ، قفي بين يدي الله وادعي وتضرعي أن يصرف الله شرها عن زوجك ويجعل كيدها في نحرها.
نسأل الله أن يسلط عليها بذنوبها من لا يرحمها .
والله أشمئز عندما أسمع هكذا أحداث ، خيانة ، زنا المحارم ......
أصبحث لا أتابع القنوات الوطنية بسبب هذا النوع من المشاكل التي تعرض يوميا ، كي لا تهتز شخصيتي ولا أفقد الثقة بالمجتمع وبالمحيطين حولي .

[غزلانْ]

السلام عليكم


المسألة منذ البداية ظاهرة وواضحة وضوح الشمس منذ أول لقاء بحديثه عنها لا معنى لذلك الا أنه كان
يريدها و خصوصا كانت تزورهم و لم تربطها أي صلة بعائلة زوجك كلها صديقة كما ذكرت
و ما يحطم في مشكلتك كان الله في عونك أن الأولوية كلها لها و أنتِ خارج مجال التغطية لا اعتبار لك فكيف
العيش مع من لا يحترمك وجودك منعدم ؟ ربما لم تتزوج بأخوه الا للاقتراب من زوجك و كانت تربطها علاقة على حسب تصرفاتها و بالتالي
تذليل لزوجها و ليس زوجك الملام بقدر أخوه" المغفل " و لربما تتحدث اليه عن أخوه !!و لكن هناك نوع يرضى بالتذليل يجده افتخار
ثم كيف له ضربك بسببها ان كان فيه ذل و تقليل من شأنك أنتِ زوجته و احتقاره لك على حساب
سعادة زوجة أخوه فهو يريد اسعادها و لكن يا لحقارة زوجها قبل زوجك و هي أكثر تمادي بفضلهم

ضرب و تحقير و تذليل و بسببها و يريدك أن تحسني استقبالها
لتقربيها منه و ما عليك الا مسايرته لأنه لمح خوفك من الطلاق و لك هل يُعقل هذا.

وفقك الله

[solinne]

شوفي اهدري مع عجوزتك تهدر معاها باش تشد روحها وما تخلوش الهدرة توصل للرجال على الاقل ضرك راهي مرت خوه خير من تولي مطلقة يولي المشكل اعظم

[KARIO]

ليس لك حل سوى الدعاء راهي جاية ايام فضيلة تقربي فيها من الله و خلي الامر بينك بين نفسك مكان لاه الاقارب يسمعو لانه قادر يتبدل انتي تنسي و الناس متنساش و تولي تتعايري بيها, و متخليهاش تحشيهالك و تخربلك دارك ديري معاها السياسة و استعملي شوية الدهاء تاع النسا

[سيف الدين الطيار]

حسبي الله ونعم الوكيل

[أم عبد الكريم]

ملقيت منقول ربي يفرج عليكو يبعد هاذ الحية عنك و عن عاىلتك ....و نقولك حاجة لوكان جا سلفك واعر مدير هكا ......اسمحيلي كي راجلك كي خوه كي مرتو ..........

[نسيم الريح ش]

وكلي امرك ربي ما ديريش عليها رايحة تخربلك دارك

[فرحةعمري]

كان الله في عونك يا اختي لكن انصحك بان لا تحولي حياتك لجحيم من كثرة التفكير بها بل حاولي ان تكسبي زوجك لصالحك فانت مرا حرة و الحرة عمرها ما تطيح وفقك الله

[اريج 07]

وكلي امرك لربي و انشاءالله يفرج عليك