استفسار عن اكمال الدراسة

[مشكلتي]

السلام عليكم
اردت ان اطرح امر محيرني كثيرا يخص امر اكمال الدراسة الجامعية او النوجه الي العمل الحر
انا طالب سنة اولي عمري 22 سنة عانيت كثيرا مند تحصلي علي البكالوريا لم اتاقلم مع التخصص الجامعي الدي ادرسه
اريد استشارتكم مارايكم بخصوص هدا الموضوع لانه كاين ناس يقولولي اخطيك من الدراسة في الجزائر معندك واش دير بيها
وراني مراطي عامين
مع امكانني ان اعمل في محل تجاري نملكه
انا اريد نصيحة منيش حاب نندم منبعد حتي نصل 30 سنة وانا مدرت والو في حياتي ولعندو خبرة في الامر ممكن يفيدنا وشكرا

[nasser26]

نصيحة مجرب

متغلطش وتفرط في دراستك حذاري من هذا الخطأ .. لي يقولك معندك مدير بيها انسان ميحبلكش الخير .. أنا نقولك أقرا وحط ديبلوم تاعك سلاح في يدك معليه اخدم في المحل وادرس عادي .. مي تفرط في قرايتك متغلطش ثم متغلطش والله نصيحة من مجرب ومن القلب

انت اقرا والمستقبل راه مزال امامك و متدري واش كاين منا للقدام

بالتوفيق اخي

[HADIL2044]

وادرس واعمل
شهادتك سلاحك في هاد الزمان

[ام رضوان]

السلام عليكم
شوف وليدي اياك ثم اياك تفرط في قرايتك
ماعجبكش التخصص بدلو
اذا ماقدرتش عاود الباك ودير التخصص اللي حاب
كمل قرايتك الندامة راهي في الاخر
جيب الشهادة وغلفها وخبيها لزمان وروح تاجر على روحك
والله ياوليدي غير الشهادة تاع العلم سلاحك
وماتسمعش للي يقولك واش رايح الدير بيها اذا ماحتجتهاش خلاص
يكفيك انو لما تتزوج وجيب اولاد في الشهادة المدرسية تاعهم يقولو مهنة الاب مهندس او دكتور او او او المهم عندو شهادة ويفتاخرو بيك اولادك
راني نصحتك مثل ماننصح ابني
ربي يوفقك لما فيه خير لك اميييييييين

[muhibbat rrasoul sws]

الدراسة امر مهم جدا حتى و لو لا تحب ما تدرس تخرج و ان استطعت إيجاد سبيل لدراسة ما تحب فأدرس ما تحب و لا يهمك العمر
العمل في محل تجاري امر رائع لكن هناك اختلاف كبير بين شخص متخرج و شخص لا فالمتخرج ممكن يطور العمل و عوضا ان يكون بائعا او شريكا ينتظر المدخول ، يكون رجل اعمال يسر المحل و يتوق الى تطويره
هناك تخصصات عدة تعين على ذلك، اما في مجال محلكم او قانون او تجارة او تسيير و اقتصاد.... و بصفة عامة اي تخصص احسن لان الانسان يتعلم طريقة تفكير و تحليل الأمور و هذا ان ترك لغير الدارس يأخذ وقت طويل الا ان يكون من الجهابذة

[sokalitnin]

اخي الكريم اول شيء يجب ان تخرج اولا بنتيجة اذا ما كنت تستطيع ان تتحصل على الشهادة بدون ان تعيد سنوات اخرى لان اعادة سنة يعتبر عام ضائع من حياتك انا مثلا اعدت عامين في الجامعة فاتتممت دراستي في 7 سنوات وانا نادم لانني اعدت ولانني درست اصلا مع اني بدات العمل بعد ثلاث اشهر من تخرجي لمدة عامين ثم توقفت لاتحصل على وظيفة اخى لمدة اربع سنوات ففي خلال هذه السنوات ضاعت كل احلامي لان الوظيفة في الجزائر لا تساوي شيء فالمال هو المتحكم فبالتجربة تجد صاحب المال هو الامر والناهي
لكن هناك وضائف مستقرة خصوصا اذا كانت قريبة من المنزل وخصوصا التعليم اما وضائف الادارة فهي ارخس الوظائف تدخل جامعي تخرج حمار كل شيء يمشي بالمقلوب لذلك اخي انصحك باكمال دراستك اذا كنت ترى فيها مستقبل دون ضياع سنين اخرى اما اذا كانت دراسة من اجل الدراسة فانصحك بان تنقطع لاني شخصيا ندمت على كل سنة ضيعتها في الدراسة ومازلت اضيعها في الوظيفة فبالاعمال الحرة تكون مستقبلك واذا اردت اكمل دراستك لاحقا عندي اصدقاء بطلوا في البكالوريا داروا المستقبل تزوجوا دارو المنزل ثم عداو الباك ونجحو بمعدلات مرتفعة واعرف من تحصل على الماجستير وانا لم احقق شيء يذكر.....
وفي الاخير اعذرني اذا كانت نضرتي سودوية لكنه واقع بلدنابدون المال لا تساوي شيء انت غبارة عن رقم في المواليد ورقم في الوفايات اذا ادرس امكانياتك حالتك الاجتماعية صل الاستخارة ثم قرر.

[أم أسامة 07]

ألسنا أمة إقرأ
العلم نور

[beautifulmin85]

شوف انا نحكيلك قصة وانت ادي منها العبرة ملي كنت نقرا في الجامعة كان معيا صاحبي ما يفهم والو

ديما يسقسي في كلش وتحسو الجماعة ماشي طايحة عليه خلاص وحد المرة عطانا استاذ رياضيات تمرين نحلوه

وكي جبنا الحلول بدا يصححلنا لقاه موش حال مليح تعرف وشنهي بهدلو ما خلا فيه والو قدام القسم كامل

المهم واش يدير صديقي يروح يدير القلب وبدا يقرا من جديد ومن الدار ما يخرجش القرايا والقرايا

والآن راهو دكتور في الجامعة وهاذي قصة حقيقية صراتلي لصديقي الي كان يقعد معايا في الطاولة في الجامعة

شوف خويا ماكانش علم ما يقدرلوش الانسان باش يفهمو عقل الانسان هاذا راهو آية من آيات الله سبحانو

توكل على ربي وحط راسك وسقسي الحاجة الي ما تفهمهاش ودير صحبة صالحة تعاونك في قرايتك

وبربي ان شاء الله تروح بعيد ماكانش حاجة مستحيل واذا راك تبع البالون راك شفت ليستر واش دارو من الزيرو للقمة ;)

دير القلب برك وربي معاك واياك تفرط في قرايتك رايح تندم أكبر ندم من بعد

[aminov12]

يكفيك ان العلم نور والجهل ظلام

[yassefe]

وعليكم السلام
لازمك تحارب ياخي واكمل الدراسة

[ميس نهى]

أكمل دراستك حتى النهاية ... سيأتي يوم وتحتاج فيها شهادتك وتندم انك ضيعتها وخصوصًاأنك في العشرينات ..
يمكنك الدراسة والعمل في نفس الوقت

[michaella]

الشهادة سيف في يدك ، و لا تكن لك نظرة قاصرة فبالشهادة تفتح لنفسك آفاق في مجال الشغل غير التجارة .

[redeye]

عليك بالحصول على شهادة في التخصص الذي تحبه
الشهادة مهمة جدا