المدرسة التطبيقية للهندسة بجاية دفعة ماي 2016

[كابريتور]

لسلام عليكم انا من ولاية سطيف وانوي انشاء الله الذهاب الى المدرسة التطبيقية للهندسة بجاية دفعة 15 ماي 2016 من ينوي الذهاب يتفاعل معنا من فضلكم ومن عنده معلومات حولها فليفدنا بها

[skieur16]

أنا أيضا ذاهب هناك
ممكن تراسلني على الخاص

[عمادو19]

انا ايضا من سطيف دفعة ماي 2016 ممكن تكلموني على الخاص

[عمادو19]

انا من ولاية سطيف دفعة ماي 2016 بجاية لي يروح يكلمني على الرقم 0781261725

[sofiane tebbani]

كاش واحد راه رايح للمدرسة العليا للدرك الوطني بيسر

[ess-19]

w 3alikom salam ana theni setif rayah bejaia 15.05.2016

[ana__22]

السلام عليكم جماعة بغيت نسقسيكم وينتا تغلق المدرسة و شعال يستحقو من ظابط صف احتياطي :mad::mad:

[mizou21]

انا من سكيكدة كاش واحد راهو رايح من سكيكدة لبجاية

[mizou21]

صباحكم ورد
لا يوجد احد في المنتدى

[الحو شلفاوي]

ربي يسهللكم

[كابريتور]

من فضلكم من يفيدنا بتاريخ غلق المدرسة

[sam pikso]

السلام عليكم بالنسبة لغلق الثكنة مش محدد الدفعة السابقة جامفي لي كنت فيها غلقت بكري يوم 26 غلقت الثكنة لانه كان التحاق رهيب نتاع ناس علابيها غلقت

[sam pikso]

بالنسبة للضباط الصف واش نقولك يا خويا يحتاجوهم بزاف ف هاد المدرسة كان تقريبا لي يدخل يتقبل مباشرة لكن خرجو ضباط صف الله اعلم دوسيات ولا فائض لكن الشيء الاكيد انه نسبة خروج الضابط اكبر من نسبة خروج ضابط الصف

[babi_555]

انا كذلك سأذهب في 15 ماي 2016 المدرسة التطبيقية للهندسة بجاية ...... طالب صف ضابط احتيااطي ... ربي يوفقنا ان شاء الله اا الخااااواااا

[عمادو19]

سلام عليكم اخوتي لي يدخل لمدرسة التطبيقية للهندسة دفعة ماي 2016 يعطيلنا الجديد في مايخص عدد الضباط الوافدين والمستجدات بارك الله فيكم

[ess-19]

انا كذلك سأذهب في 15 ماي 2016 المدرسة التطبيقية للهندسة بجاية ...... طالب صف ضابط احتيااطي ... ربي يوفقنا ان شاء الله اا الخااااواااا
rana natlaghaw thama nchalah

[skieur16]

انا أيضا سألتحق بها هذا الأسبوع

[djamil21]

سلام عليكم خوتي واش رايكم في المدرسة التطبيقية للهندسة بجاية وفيما يخص عدد الضباط الملتحقين الله يعيشكم .

[mizou21]

سلام عليكم خوتي واش رايكم في المدرسة التطبيقية للهندسة بجاية وفيما يخص عدد الضباط الملتحقين الله يعيشكم .
يا اخي مكان حتى واحد يطلع المورال تبانلي رانا رايحين في 02 ولا 03:confused:

[عمادو19]

رانا هنا اخي انا من سطيف رقمي 0781261725

[ClaviesT]

السلام عليكم أنا من دفعة جانفي 2016 و خرجت فائض بلا معريفة ولا ملف طبي المهم احاول أن أفيد البعض لي رايحين يروحو دفعة ماي 2015 أول شيء اثبات الوضعية اتجاه الخدمة الوطنية لا مفر منها ورايحة تقلقك حياتك كامل و مناين تجي تتحرك تلقاها في وجك وعليه الواحد يروح يتكل على ربي و يفريها سواءا حكموه أو رجعوه . المهم الحاجة لي نوصيكم عليها اللولة هي الأكل أدي معاك قدما تقدر ماكلة لي ما تفسدش نورمال طمينة براج و كل واحد وش يحب المهم كتر برك على خاطر راح تقسمهم مع لكليكة لي طيح حداك هادي حاجة و الحاجة التانية الهاتف شوف كيفاه تدخل معاك زوج واحد أدفعو ولاخر خبيه فهديك لبلاصة واحد ما راح يفتشك أنتا أدي معاك شارجور واحد تع البورطابل لي تخبيه و ما تخافش حتى لو حكموه عندك مكان والو رح يعطيوك رقم تحفضو مليح يخبيوهولك مع لحوايج لي يحكموهم عندهم يرجعوهولك كيما تخرج ولا بعد ما تلبس . المهم الدخان الناس لي يتكيفو دخل معاك 5 باكيات و بلعقل برك باش ما يفضلكش وقت فترة الانتقاء و راعيو الناس لي ما تتكيفش كاين بزاف مراض و عندهم حساسية من الدخان رايحين تأديوهم ولكن الله غالب لي يجي روطار رح يعطيولو زوج زور وحدة يرقد عليها ووحدة يغطي بيها كاين زوج ايطاج مناين تلقا بلاصة فرش وهاديك هي مناين تلقا بلاصة خلاف خير بدل هوما كامل كيف كيف , المهم فيما يخص المعاملة والله فيها ناس ما شاء الله مكان حتى واحد يكره جامي غلطو في واحد والي نشعوهم غير لي يديرو حوايج يوصلو روحهم . المهم نصيحة مني لكل واحد لي حايب يخرج يدي معاه دوسي ميديكال و كي تروحو للطبيب لي عندو دوسي أو يسقسيه على المرض نتاعو والدوا لي يشربو ولا باراي لي يخدم بيها المهم الانسان لي ما مريضش وقادر يفوت يروح يتكل على ربي قلتلكم أديو معاكم على خاطر لي ما يديش دوسي يتحط أبت 1 و لي يدي دوسي عادي يتحط أبت 2 و لي غراف حالتو صعيبة أبت 3 و من هنا يديرو لا ليست رايحين يعيطولكم قبل لا ليست بنهار يكونفارميو لي يهدر معاه الكابيتان لابغا يقولو واش راك يعرف برك بلي او محكوم يفوت ههه ما بقلقش برك الانسان مكتوب / ورايح يلقا الدوسي تاعو مكوشي كوش وحدة بلحمر بستيلو يعني لي يكوشيها الطبيب ولي يلقا زوج كوش يعني أو في بر الأمان و ما يمنش كاين المعريفة تخدم خدايمها .. شفتها بعيني على كل حال المهم الأجواء رايحين ينوضوكم على ال 4 تع الصباح تفطرو تحب تروح تحب ما تروحش او يقولك اجباري كي يروح كمل ارقد ولا نوض أفطر باش توالف وراح توالف و تنوض من الحس لي يديروه الجماعة و لاسبيرون كي يجي يعيط . يكرهوكم بخمسة خمسة كسل يديك أتراوح كلمات كي تروح لتم تفهمهم ههه تع النتظيم يعني تروحو تتغداو ترجعو مرة على مرة راسومبلومون على 8 بعد لعشا و مرات 8 تع الصباح الراسومبلومون تع لا ليست تكون على ال 4 تع لعشية و ماشي شرط ممكن يديروها في وقت خلاف . ممنوع التحرك يعني ملي تدخل و أنت فبلاصتك على هدا الواحد يشوف جماعة يروح معاهم باش ما يقلقش وماشي مشكل رح تتعرف بناس لي حداك توليو صحاب نورمال بلاك خير من صحابك لي كانو معاك , رايحين تكونو كامل سواسية يعني ضباط كامل جامعيين ولا ضباط الصف أم وحدهم بعد كامل نفس المستوى , المهم بجاية تسحق 220 ضابط احتياطي و الباقي يخرج فائض و ضباط الصف الله أعلم ماشي متأكد حوالي 160 ... ان شاء الله أكون أفدت و أي استفسار ان شاء الله أرد عليه ادا قدرت و الله يوفق الجميع وربي يقضي الأحوال ان شاء الله ترجعوا بالسلامة و فائض وسلام