انقذوني البيطراف راح يقتلني

[om obaida]

اخواتي اعطوني نصيحة راني كيما ندير للبيطراف يخسرلي طيبتو وحطيتو في الفريجدار فسدلي خليتو ني ذبل كيفاش نديرلو يانا ياهو اللي عندها حل تجاوبني ربي يحفظكم :sdf::mad:

[ام امجد14]

يا اختى انا طيبو و نديرو فى الثلاجة بلا نقشرو و نستعملو يقعدلى مدة طوييييلة

[حياتي نبع امل]

اشتكي بيه للشرطة يحطوه عند حدو

[اللؤلؤ الابيص]

اشتكي بيه للشرطة يحطوه عند حدو
ههههه
عجبتني هاذي انا نطيبو حبة كيما راهي نغسلها مليح وكي تطيب نزرب نحيها من ماها ونخليها تبرد مليح والى الثلاجة

[sidra2014]

thawsy tkonjlih walla kifah?

[om obaida]

اشتكي بيه للشرطة يحطوه عند حدو

والله انا قلت نجرب الحل السلمي اولا ثم نشوف

[om obaida]

thawsy tkonjlih walla kifah?

ماشي نكونجليه نخبيه في الفريجدار فقط

[اريج 07]

هااااي
حبيبتي غليه بالقشور تاعو نورمال و كي يطيب قشريه و ديريه في porté manger

[sisouni]

مرحبا اختي الفاضلة

نعطيك طريقتي في تحضير البيطراف و لربما تساعدك
- اولا نغسلو مليح من التراب و المواد الضارة
- ثانيا انحيلو كلا من الجزء العلوي و السفلي ( الكركوبات ) فقط ما تقشريهش نحيلو راسو و الكركوبة اللي من الاسفل
- ثالثا انقبيه بالسكين شحال من نقبة باه يطيب كامل كيف كيف
- رابعا حطي ماء بكمية وفيرة يغطي البيطراف وزيديلو شوية ملح
خليه يغلي مليح و كيما يطيب صفيه و شليليه وقشريه و خبيه في علبة محكمة الاغلاق و اذا ماعندكش علبة تغلق مليح حطيه في صحن و غطيه بغطاء ببوطة او كيس بلاستيكي.

هكذا تحافضي عليه اطول مدة ممكنة

نتمنى نكون افدتك اختي.

[ام نافع]

سلام اختي دريه مشرمل كاينة واحد الاخت حطت الطريقة انتاعو لكن معندش الرابط هي قالت غلوه وقشريه وقطعيه وديري كاس ماء و نصف كاس زيت ونصف كاس خل وملح وفلفل اسود وخلطيهم وحطيه في بلارة وديريهفي الفرشيدار ومن تسحقي اجبدي يكون سلاطة

[ايمان السوقر]

عادي طيبية بعدها نحيه من الماء بمجرد مايطيب خليه بقشوره ودخليه الفريجيدار بصح ماتكونش في ماعون ضيق:19:

[fatima48000]

بارك الله فيك

[lilii7179]

عن تجربة , انا راجلي ما يحبش البيطراف كي يجيبلي كيلو يقعدلي بزاف, بهاذ الطريقة نخبيه حتى 15 يوم ما يفسدش:
كي طيبيه خليه بقشورو و حطيه في porte manger او علبة بلاستيكية و صبي عليه شوية خل, الخل رايح يخليه ما يفسدش, و اغلقي عليه و حطيه في الثلاجة ما يروح ما يجي, كي تحبي تستعمليه و قشريه.

[همس المشاعر*]

انا نعطيك طريقتي والله يقعد كيما هو....انا نطيبو بالما والملح منبعد منقشروش نديروه في بورت مونجي بالما الي طاب فيه وديريه في الثلاجه وجبدي قيس متستعملي وقشريه

[hawa19]

طيبيه عادي في الما و المح و من بعد اجبديه قطريه و قشريه و قطعيه و فرغي عليه الفينيقرات و حطيه في بورت مونجي و اغلقي عليه و حطيه في الفريجيدار يجي روعه و بنين و ما يفزدلكش و تاني ما تخليهش يطول و هو في الفريجيدار

[اسيل الباتول]

مشكورين اخواتي على النصائح استفدت معكم

[anfal10]

طريقتي ساهلة ماهلة او مضمونة :19:
طيبي البيتراف نورمال انا ما نديرلوش الملح حتى اطيب قالك الفينامينات اروحي ادا ملحتي في الاول كي اطيب صفيه ديري واش تسحقي برك لهاداك النهار لي بقا ما تقشريه ما والوا خليه يبرد بقشوروا ما يصرالو والوا دايما نديرو نحبوا بزاف طايب كاين لي اكرفجوه مع الشلاظة او هو ماشي طايب انا نحب نطيبوا المهم كي يبرد مليح تاماك دخليه فريجيدار او خليه كل يوم اجبدي واش تسحقي او على ضمانتي ما يخسر ما والوا

[rinadebenti]

يعطيك الصحة هذي فكرة مليحة راح نجربها وانشاء الله تنجح

[فاتي تيارت]

اما انا كل ما نحب ندير البيطراف نغلى 2حباة و غير نحتاجه نزيد نغلى صراحة تبذير فى الغاز
نشكرك عالنصيحة

[سوسو35]

بعد ما طيبيه ديريه في علبة وحطي فوقه الخل بكمية كبيرة والى الثلاجة.

[om wafaa]

كثري الخل وخليه

[غربه الروح]

عاادي انا يبقالي اسبوعين يذباااال ونورمال كي يطيب يولي عادي

[ام اياد 2013]

اختي انا نطيبو ونقيه ونقطعو شرائح ونخبيه في بورت مونجي والى الثلاجة

[أم الحارث]

طيبيه قشريه وقصيه وحطيه في وعاء زجاجي صبي عليه كمية من الليمون وزيت الزيتون وغطيه بالبابيي فيلم وحطيه فالثلاجة يبقى تقريبا اسبوع وكأنه جديد

[ام البنوتة]

انا نفورو في لاكوكوت بيه بالقشور و نخبيه في الفريجيدار