مجريات يوم المسابقة من مترشح في اللغة الفرنسية إبتدائي

[culturel]

أولا قبل البدء بالحديث، أتوجه بتحياتي الحارة لفئة قليلة من المترشحين النزهاء و الشرفاء اللذين نأو بنفسهم عن الغش و الخداع و اعتمدوا بشكل كلي على رصيدهم المعرفي الشخصي في وقت استغلت فيه الأغلبية من الإنتهازيين و عديمي الضمير و المفتقدين لأدنى ذرة إحساس بالمسؤولية اتجاه مهنة اعتبرت منذ الأزل من أشرف الرسالات الإنسانية....أقول استغلت تواطؤ بعض من حراس المراكز العديمي المسؤولية بدورهم لتقفز على حقوق الشرفاء و المجتهدين وتتفنن في طرق الغش و الإحتيال في ظاهرة أثارت استغراب القاصي و الداني.


بدأ يوم المسابقة بطقس ممطر و بارد مع حضور غفير للمترشحين اللذين كانوا في أغلبيتهم من العنصر النسوي و من كل الأعمار، البعض حضر مع أزواجهم و البعض الأخر مع ذويهم و عائلاتهم، إما أحد الأبوين أو أحد الأخوة...في مدخل المدرسة اللتي وجهنا إليها كانت إجراءات المراقبة و التفتيش عادية حتى لا نقول متساهلة و متراخية....الأكثرية لم يسلموا هواتفهم و قاموا بإخفائها و من ثم إدخالها إلى قاعات الإمتحانات بلا حسيب و رقيب....فيما يخص الأسئلة فقد كانت سهلة نسبية لكنها تتطلب شخصا مقتدرا في اللغة و له ثقافة عامة حقيقية...نقولك و علاش ؟....بالنسبة لأمتحان الإختصاص اللي هو الفرنسية معامله 3 ...أعطاونا نص و أسئلة حول الفهم و التلخيص...لم تكن مباشرة (ما فيهاش اللوطو) و لكنها كانت في المتناول...لكن يا شريكي لعزيز كانت في متناول اللي يتحكم في اللغة الفرنسية ماشي لواحد حابس ما يعرفش يركب جملة مفيدة....بالعربية إلا كان تعرف تعبر و تكتب بالفرنسية راح تجاوب بسهولة و إلا كنت في راسك الريح و لهوا...راحت عليك...و أنا في رأيي الشخصي، العملية كانت مقصودة...على خاطر علابالهم كون يعطوهم الأسئلة المباشرة تاع اللوطو..على شاكلة : صرف الفعل و أربط بسهم و أجب بنعم أو لا ...الغاشي كامل رايح يخدم و يتحصلوا كامل على 18 و 19 و حتى 20 مالا داروها على هاذ الشكل على خاطر علابالهم بلي الغاشي حابس في الفرنسية...ما نكذبش على خاوتي..أنا عجبني الحال...علا خاطر شفت الإنتهازيين و الغشاشين يندبون حظهم و يتصلون بمعارفهم دون جدوى...الله غالب قلتلكم أكثر من مرة...فرنسا قعدت هنا 120 سنة و رغم ذلك الشعب ما يعرفش لغتها...ما فراوهاش مع الفرنسية و يحوسو يقراو الإنجليزية..؟؟

المهم يا الخاوة علابالي الغاشي هردها في الفرنسية.....جاء ممبعد الإمتحان تاع الثقافة العامة...أعطاونا على العولمة....ما نحكيلكش الغاشي ما فهم فيها والو...خلط من خلط من....واحد يحكي على الحرب العالمية الثانية....واحد يحكي على اتفاقيات إيفيان....ما عندي ما نحكيلك يا شريكي....عيش تشوف...حتى الغشاشين و ما قدرولهاش...واش رايح يملي عليك الكيتمان و واش رايح يخلي...حتى و لو جا صاحبك قدامك يملي عليك و ما يفراهاش....بعد ذلك إمتحان اللغة العربية...و هنا دارو حالة ب 3 جي و الفيسبوك و الكيتمان...تسمع غير عبارات من النوع : يارحم والديك كيفاش نعرب هذي الكلمة....ربي يخليك أعطيني محسن بديعي...الريزو عيان...عاود بعثلي الميساج....المهم عالم متخلف بأتم معنى الكلمة....و أخيرا الطامة الكبرى...إمتحان تكنولوجيا الإعلام و الإتصال....هنا بان المستوى الحقيقي للغاشي الراشي....واش يقولك البنات نهار كامل و هما في الفيسبوك ينافيغيو و نهار طرحوا عليهم سؤال غبي على شاكلة : عندما ترسل بريد الكتروني لشخص اخر...وين تحط عنوان المرسل إليه...الشعب كامل بلوكا...و نزيدك التالية....دارولهم مخطط توضيحي كيما تاع الجيمايل و نعتولهم الخانات و رغم ذلك مع عرفوش وين يحطوا العنوان...هذو هوما المرابطين اللي ضخمتوهم و ربي يغفرلنا ديرتوهم بمثابه المجاهدين....حاشاهم.

بصح يا صاحبي هنا عرفت المستوى الحقيقي للأغلبية اللي زعما رايحين يقريو أولادنا....والله مهزلة و كارثة بكل المقاييس العالمية و حتى الفضائية و الكونية....تأكدت بلي حنا غير قابلين للتطور حتى و لو انتظرتنا الأمم اللتي سبقتنا و دارت استراحة....لا وازع ديني و لا أخلاقي...الضمير توفى و دفن في غياهب الغش و الإحتيال عن سبق إصرار و ترصد.

و الله يا خاوتي...هدرت مع الحارستين و اللتان رغم كبرهما في السن و رغم علامات الوقار أو كيما نقولو بالدارجة (الرزانة) إلا أنهما كانتا متواطئتين في الغش....قلتلكم...هدرت معاهم...قلتلهم...والله غير عيب ما تفعلانه...ستحاسبان على ذلك...واش رايكم في ردهما...؟؟؟ قالتا لي بالحرف الواحد....المترشحين مساكين..ما يعرفوش...خليهم ينافيغيو على رواحهم كاش ما يلقطو نقطة و لا نقطتين...انفجرت فيهما غيضا و قلت في نفسي...واش رايح تدير...إذا كان رب البيت للدف ضاربا...راكم تعرفوا التكملة.

بالنسبة للمترشحين و اللذين في أغلبهم إناث...تكلمت معهن و قلت لهن...يا ناس خافوا ربي....(من غشنا فليس منا)...أغلبية كبار العلماء يضعون الغش في مرتبة الكبائر....خيانة الأمانة شيء عظيم....يا ناس إذا نجحتوا بالغش رايحين تاكلو مال حرام...و الراتب سيكون سحتا....لكن لا حياة لمن تنادي...قوبلت بضحكات الإستهزاء و الامبالاة....اللي تهدر معاه يقولك نورمال...نورمال...و العجيب أنه يصلي و يزيد يدعي في ربي....و الله غريب أمر هؤلاء القوم...لجناس حارت فينا يا صاحبي....الزوجة أم الأولاد تغش...الكهل في الأربعينات يغش....الملتحي زعما الملتزم يغش....و الله أحيانا تقول نعيش مع اليهود و لا هاذ القوم الفاشل في جميع الميادين.


المهم علابالي طولت على خاوتي....سامحوني برك...حبيت نشارككم أحداث يوم المسابقة....و كيما قلتلكم سابقا...هذا القسم أصابه الشلل...فقبل المسابقة الناس كامل تشكي و تبكي و تطلب في مواد المراجعة....و بعد انقضائها....هجر القسم مرة واحدة...و لم نرى أي عضو...حكانا على واش مر به في المسابقة....لا يهمنا....نتمنى لجميع النزهاء و المجتهدين النجاح و الظفر بمنصب شريف...أما الآخرين...فأرجو منهم التوبة في أسرع وقت ممكن و التخلي عن هذه الأساليب الصبيانية و ربي يغفرلهم.

[هاجر المدانية]

يا خويا والله غير لبارح رجعت لدار تعبانة كارها على وش شفت الناس قع داخلا متكلا على الكوبياج داحلين بلاطاي فيما يخص إمتحان الإختصاص تفاجات ربع ساعة وانا نتفرج فيه الأسئلة كابنة وباينا مالنص برك التعبير كل واحد واللغة تاعو والثقافة العامة العولمة موضوع صامط غير شفتو تغاشيت كيما قلت وش تحكي وش تخلي ناس قع نخزر في بعضها البعض وزيد العربية هندي مال98 ملي جبت الباك مازدت قريتها سلكت شوي بصح التكنولوجيا الإتصال انا الله غالب لي قدرت عليها جاوبت الموضوع الرابع جاوبت على هديك تع a وخليت لخرين ماهندي حتا فكرة على فيس بوك والبريد الإلكتروني ومانيش راضيا على الخدمة تاعي كنت قادرا نجاوب افضل بصح هبطلي المورال مالصباح ملي شفت الحالا مطلوقا والناس تكوبي ربي جيب الخير انشالله

[culturel]

يا خويا والله غير لبارح رجعت لدار تعبانة كارها على وش شفت الناس قع داخلا متكلا على الكوبياج داحلين بلاطاي فيما يخص إمتحان الإختصاص تفاجات ربع ساعة وانا نتفرج فيه الأسئلة كابنة وباينا مالنص برك التعبير كل واحد واللغة تاعو والثقافة العامة العولمة موضوع صامط غير شفتو تغاشيت كيما قلت وش تحكي وش تخلي ناس قع نخزر في بعضها البعض وزيد العربية هندي مال98 ملي جبت الباك مازدت قريتها سلكت شوي بصح التكنولوجيا الإتصال انا الله غالب لي قدرت عليها جاوبت الموضوع الرابع جاوبت على هديك تع a وخليت لخرين ماهندي حتا فكرة على فيس بوك والبريد الإلكتروني ومانيش راضيا على الخدمة تاعي كنت قادرا نجاوب افضل بصح هبطلي المورال مالصباح ملي شفت الحالا مطلوقا والناس تكوبي ربي جيب الخير انشالله

معليش...المهم أنتي خدمتي لي عليك....و الباقي على ربي.....و الكاتبة تلحق....شكرا على المرور

[wacirigui]

كتبتنا نص طويل و أنا فنيان قلبي معمر ما نقدرش نعلق عل واش كتبت .
الخالصة هذا هو le moule تع الشعب حنا طالعين هكذا بالسماطة و تخباش و بروفيتاج . ما تحيرش . ربي معاك
أنا جوزت المسابقة . مكانش الغش في القسم تاعي نهائيا .
ربي يوفقك في حياتك . بصح عجبتني كي قلت هاذوك الناس لي كانو يغشو راح يقريو ولادنا . غير مقبول

[culturel]

كتبتنا نص طويل و أنا فنيان قلبي معمر ما نقدرش نعلق عل واش كتبت .
الخالصة هذا هو le moule تع الشعب حنا طالعين هكذا بالسماطة و تخباش و بروفيتاج . ما تحيرش . ربي معاك
أنا جوزت المسابقة . مكانش الغش في القسم تاعي نهائيا .
ربي يوفقك في حياتك . بصح عجبتني كي قلت هاذوك الناس لي كانو يغشو راح يقريو ولادنا . غير مقبول

هذيك هي خويا لعزيز....le moule ...والله غير هدرة في بلاصتها.....شكرا على المرور

[هاجر المدانية]

ان شاء الله نسمعو اخبار الخير عليكم

[هاجر المدانية]

بصح لاحظت ماكانش تفاعل في هذا المنتدى من ناحية اعطاء اجوبة نموذجية كيما كانو يقترحو المواضيع واقيل الناس راها قع كارها ويائسا

[موت ولا اهانة]

اعجبني موضوعك اخي و كلام صائب و حقيقي
كيف لأستاذ تحصل على عمله بالغش ان يدرس ابناءنا في المستقبل عيب كبير
بالنسبة لي لم يكن في القاعة التي اجتزت فيها الامتحان غش و لكن كانتا الحارستان طوال الوقت تتحدثان عن مشاكلهما مما ادى إلى فقدان تركيزي بما أنني كنت في الطاولة الأولى
ربي يصلح الأحوال ان شاء الله

[موت ولا اهانة]

اعجبني موضوعك اخي و كلام صائب و حقيقي
كيف لأستاذ تحصل على عمله بالغش ان يدرس ابناءنا في المستقبل عيب كبير
بالنسبة لي لم يكن في القاعة التي اجتزت فيها الامتحان غش و لكن كانتا الحارستان طوال الوقت تتحدثان عن مشاكلهما مما ادى إلى فقدان تركيزي بما أنني كنت في الطاولة الأولى
ربي يصلح الأحوال ان شاء الله

[culturel]

اعجبني موضوعك اخي و كلام صائب و حقيقي
كيف لأستاذ تحصل على عمله بالغش ان يدرس ابناءنا في المستقبل عيب كبير
بالنسبة لي لم يكن في القاعة التي اجتزت فيها الامتحان غش و لكن كانتا الحارستان طوال الوقت تتحدثان عن مشاكلهما مما ادى إلى فقدان تركيزي بما أنني كنت في الطاولة الأولى
ربي يصلح الأحوال ان شاء الله


ربي يجيب الخير....شكرا على المرور

[*سيرين نور عيني *]

تبهديلة استاذ يغش و الادهى و الامر انهم ممكن يفوزو و حنا لا ااااااه يابلادي
بصح البارح شفت ف التلفزيون بن غبريط تتوعد بالتحقيق مع الغشاشين ومافهمتش كيفاش تحقق معاهم
لي فهم يفهمني

[partner201017]

احسب باقى القسمة 31 على 25 لازم تكوبيهامن عند صاحبتها par sms
علا بالك صعيبة لازم انشتاين يحسبها
ههههههههههههههههههه بلاد ميكي
ناس دارولهم امتحانبمسنوى احسن تلميذ فقط وتلقاهم تابلات تحت الجيبو مانحكيش مين.... ايه هذي رح تكون استاذة وزيد تكوبي وزيد وزيد .......وش تحبدير قلي يرحم والديك

[anfal10]

يا اخي كل مؤسسة على حساب مدير المركز ادا مزير او ادير خدمتوا ولا متساهل نفس الشيء بالنسبة للحراس انا ما نكدبش عليكم وين جوزت الامتحان كانوا في المستوى ممنوع منعا باتا البورطابل فوق الطاولة حتى الصاك قالونا حطوه كيما الصبورة :1:
الحراس كانوا اديروا في خدمتهم كاين بنات حبوا اغشوا مي و الله ما خلوهم مي على العموم كل واحد كان تاكل على روحوا حاجة لي عجبتني في القاعة لي جوزت فيها و الحمد لله لازم تكون النزاهة تغيظك يديها واحد غش و انت درت واش تعرف شويا صعيبة مي هادا هو الشعب تاعنا تاكل غي على الكوبياج سبحان الله
انا نتمنى حاجة لي خدم بنزاهة او ما غشش هو لي لازم يربح حتى لوكان ما جابش مليح ماشي يدوا الغشاشين او يخلوا الناس لي اعتمدت على روحا

[جوهرة الغرب.]

احنا فوتنا عادي الاساتذة احترمونا واحنا احترمناهم وفات كلش عادي وهادئ جدا لا فوضى ولا هم يحزنون
وتمنياتي بالتوفيق للجميع

[sarl02]

الغش ليس معيار للنجاح فلا تقلقو...حتى ولو غش المترشح وملا الورقة الا ان هنالك عدة عوامل اخرى للنجاح...ومنها:
-خط الكتابة للمترشح يعني هناك العديد من المترشحين من يربح لان لديه خط كتابة رائع يستهوي مصحح الورقة ويجعله يمنحه علامة جيدة حتى ولو كان هناك كم معلومات ناقص .
-طريقة التعبير والربط وترتيب الافكار والمعلومات ..يعني ليس المهم ان ترمي بكم هائل من المعلومات دون صياغة جيدة لها والربط بينها بطريقة سلسة تجعل المصحح يتمتع وهو يصحح ورقتك ...يعني صفحة واحدة مرتبة وبتعبير جيد وترابط سلس افضل من اربع صفحات بمعلومات كثيرة غير مرتبة ومترابطة.
وعموما يبقى العامل الرئيسي للنجاح هو توفيق المولى عز وجل ..يعني اطير فالسماء تدي غير مكتوبك...ووفق الله الجميع.

[فخورة بحجابي]

كلامك فيه الكثير من الصواب فحقا ليس للكثير من المشاركين الحق في ان يكونوا اساتذة على كل المقاييس فالاستاذ والمعلم لابد ان يكون قدوة قبل كل شيء .
لعل اكثر ما احزنني في المسابقة هو الثقافة المتدنية لنسبة كبيرة من المترشحين ففي موضوع الثقافة العامة كل اللواتي اجتزنه معي في القسم اتفقن على ان موضوع النقاش هو التقشف رغم انه واضح المقصد .....الله يجيب الخير ويجعلنا واياكم من الناجحين

[إنسانة بسيطة]

بعد انتهائي من الامتجان اخذت عطلة لا هاتف لا اتصال بالانترنت لا تلفاز لا جريدة اردت افراغ راسي من كل شيء لارتاح قليلا
الا ان ضجة الغسالة فعلت مفعولها في الشارع فوصلتني بعض الاخبار ومع ذلك لم اتفاعل الى ان دخلت هاهنا وقرات وليتني لم اقرا

بخصوص من يطلبون المراجع تاكد هم اول من سيختفون لاني من ايام الدراسة اعرف هذه النوعية يريدون مصلحتهم وفقط
وكما قلت لك سابقا في موضوعك الاخر الجميع راح للمدونات وفي الاخير لا شيء من توقعاتهم قد جاء تكنولوجيا الاعلام اسئلة ثقافة عامة لا تحتاج لتلخيص ولا مراجعة وكنت سابقا توقعت تمرين الانتاش وقلتها للاخ ابو نونو ان الاسئلة ستاتي سهلة ولكن الصياغة مركبة
الى حيعقبوا ابتدائي يعاونوني منين نراجعوا بارك الله فيكم (http://www.djelfa.info/vb/showthread.php?t=1944356)



على العموم الشيء الايجابي هو ان حالات الغش لم تكن وطنية بل في بعض المراكز فقط وان الاسئلة كانت تحتاج لزاد معرفي واسقاط المكتسبات القبلية عند الحل وهذا ما اعجبني حقيقة طبعا بغض النظر عن نية الوزراة في ذلك

على العموم نتمنى التوفيق للجميع

[اريج16]

عندك الحق انا جمد لله رايحة وكنت تاكلى على روحي غغي قسم لي كنت فيه مكانش تنقال او بالاحرى من فيه هم لي محبوش يتقلو ينما في اثسام احرى حدث ولا حرج

[soha1987]

في مراكز ولاية باتنة ماكانش غش زيرو الحراسة ولا كلمة غير يخزرو يعطيوهم الصحة لكن ماسيحدث في مديرية التربية لولاية باتنة تعلمونه مسبقا تزوير بالجملةو الرشوة ربي يفتح علينا ابواب رحمته

[beautifulmin85]

بالنسبة للحارستان "الكبيرتان سنا " قلتها سابقا واعيدها مشكلتنا الأساسية في المجتمع

أنه من هم المفروض أنهم المربون هم أنفسهم بحاجة لتربية هنا المشكل وقد عبرت انت عنه

بالمثل ان كان رب الدار للدف ضاربا فشيمة أهل البيت ......

المهم نسأل هؤلاء سؤال لماذا تشتكون من تدني تعليم ابنائكم وتخافون عليهم فتلجؤون للدروس الخصوصية وووو

يعني تحرفون قبوركم بايديكم فهؤلاء سيعلمون ابنائكم وابناء ابنائكم يعني الفاس سيتلحق رؤوسكم عاجلا او آجلا

والله الكلمات لا تكفي للتعبير عن الإنحطاط الذي صرنا نعيش فيه والله المستعان

ربنا أخرجنا من هذه البلد الظالم أهلها يا رب يا رب

[بنت النخلة]

السلام عليكم
عجبتني طريقة طرحك الموضوع
اما بالنسبة للغش فهذا هو الامر الذي يدمرالتربية والتعليم ....واش نقولوا ربي يجيب الخير
انا عقبت في ضروف جيدة مكانش الغش في القاعة لي عقبت فيها والحمد لله
وان شاء الله ربي ينجحنا ...قولوا آمين