تعبت ياناس تعبت

[مشكلتي]

السلام عليكم
راني تعباااااااااانة بزاف وحاسة كلشي تغلق في وجهي وين نصد نلقاها مغلوقة تعبت والله تعبت ولقيت غير هدي الصفحة لي نقدر نشكي فيها
علابالي كيما يقولو الشكوة من غير لربي فضيحة بصح لواحد منين داك ديق بيه وبالاك هاد الغمة ترجعلو مرض
تعببببببت خطيبي مسكين راه لي حالة ومارانيش قادرة نخفف عليه تأمنو المشاكل كامل طاحو علينا في ضربة مدخولو الشهري قليل بزاف ومع هدا محال نسمح فيه وقبلت بيه مالقري كلش قالي راح تنغبني معايا بصح قبلت قلت ربي هو الرزاق والحمد لله
بصح كترو علينا المشاكل بحكم انو شهريتو قليلة منين داك يتكل على الناس لقراب ليه يعاونوه كنا ناويين نديرو لعرس هاد الشهر وخاوتو خرجولنا طريق قالولو علينا ديون وماعندناش باش نعاونوك والتالي فيهم يخلص 15 مليون يديرو في زكارة ،، وباباه توفى وقريب هبل عليه وغير كيما خرج من هديك الغمة وهو مسكين راه في حالة من الضغط الدين في كل مكان وبسبب هاد الضغط دار مشاكل في الخدمة حبسوه وبسيف لارجعوه يخدم بصح حبسولو الشهرية قالولو حتان تفوت 4 شهر ولا 5 باش تخلص وهو راه دورو مايسعاهش في الجيب منين داك يعيطلي يبكي يقلي اسمحيلي ماقدرتش نفرحك راه غااايضني قتلو خليني نخدم ونعاونك ماحبش قالي تقيسيلي رجوليتي انا لي نتعدب باش نعيشك ،، وزيد هو صغير في السن عندو 25 سنة برك
صحتو دهورت راه مشيان في حالة عاونوي بدعاااااءكم نترجاكم دعوة من القلب بالاك تكون سبة لاش تخرجنا من هاد المحنة لي رانا فيها نترجاكم ادعولي ربي يفرج عليا راني ليل مع نهار نبكي ومقدرتش نخفف عليه
علابالي ابتلاء من عند ربي بصح كل مانقولو راح تفرج هاد المرة يزيد يجي مشكل وحدوخر
ادعولنا ربي يعطيكم ماتتمناو

[طالبة النجاحْ~]

ربي يفرج عليكم وييسرلكم الخير ويسهلكم ويرزقكم بغير حساب
لا تخافي ولا تحزني ماضاقت الا لتفرج باذن الله اختي
وفي حديث فيما معناه ثلاثة كان الله في عونهم ومنهم الناكح يريد العفاف

فالحديث حسن رواه الترمذي والبيهقي وأحمد وغيرهم ولفظه كما عند الترمذي: ثلاثة حق على الله عونهم: المجاهد في سبيل الله، والمكاتب الذي يريد الأداء، والناكح الذي يريد العفاف. قال أبو عيسى: هذا حديث حسن، كذا قال الشيخ الألباني رحمه الله،

[طيور الجنان]

ربي يفرج عليكم اختي و يجمعكم في بيت الحلال ان شاء الله

[صفيان 11]

خطيبك دارقاز ونص راجل وين قلت فيه الرجولة بارك الله فيه عجبتني الكلمة قالي تقيسيلي رجوليتي انا لي نتعدب باش نعيشك ربي يفرج اعليه كتري الاستغفار الصدقة ولو دينار و الصلاة على رسول الله صلى الله عليه وسلم وتشوفي النتيجة

[kaderr09]

السلام عليكم
ليس ينفعنا إلا الدعاء
فالله قريب مجيب

[hadhom]

ربي يفرج عليكم
و اكترو من الاستغفار و بربي ان شاء لله تفرج و تتفكرو هاد الايام و تضحكو من قلبكم على ما فوتو

[ابو ارسلان]

يا اختي والله من حكايتك على خطيبك هذا نوجهولو تحية عسكرية ربي يحسن عونكم و يفرج عليكم
لازم يا اختنا خطيبك يتوجه لربي سبحانه و يخليه من البشر.. ربما المحن هاذي باش يزيد يتقرب لربي
احيانا الانسان يدير كل ما في وسعه و ما يلقاش الحل و هي راهي علامة بانو ربي يدفع فيك باش تتوجهي ليه
يا اختنا اكثروا من الصلاة و فعل الخير و لكان امه مازالت حية يطيعها بزاف و يطلب منها الدعاء .. دعاء الوالدين راه مستجاب
و كذلك يا اختي حاولو ما تبعوش العادات السيئة لي انتشرت في الاعراس و التبذير قولو يدير عرس قد حالو المهم ربي يجمع بيناتكم و الصح ما بعد العرس و الحياة الزوجية و ميش في الفوخ و الزوخ....الله يفرج عليكم عاجلا غير آجل ان شاء الله.

[ibtihal18]

فرج الله عنكم و رزقكم من حيث لا تحتسبون و جمعكم في الحلال عاجلا غير اجل ما تتقلقيش اختي رح تفرج باذن الله ان بعد العسر يسرا و انا ننصحكم اصبري يرجعو يخلصوه و ما تديروش عرس كبير يعني هو يدير غذا و يعرض ليه المقربين فقط و انت كذلك يعني الدراهم اللي تديري بيهم الحوايج اللي ما نحتاجوهمش كيما التصديرة و راكي عارفة ادخريهم و عاونيه بيهم و كي تتزوجي رح يطرحلكم ربي البركة و تفرج بالزواج ديرو الحاجة اللي تقدرو عليها و ما تكلفوش على نفسكم و خليو كلام الناس ورا ظهركم الفايدة فالهنا من بعد
ربي يهنيكم

[زوجة أبو عبد الله]

ربي يفرج عليكم ويفتحلكم ابواب الخير من حيث لاتتوقعون وربي يجمعكم تحت سقف واحد عاجلا غير آجل ويهنيكم ويسعدكم

[farawla01]

ربي يفرج عليكم وييسرلكم الخير ويسهلكم ويرزقكم بغير حساب
لا تخافي ولا تحزني ماضاقت الا لتفرج باذن الله اختي

[beautifulmin85]

لذلك الصبر زينة وضروري لنا في الحياة
وقبل ذلك هو أمر رباني لنا في حياتنا

فمثلا لو صبر قبل الخطبة وسعى لها سعيها ثم تثدم للخطبة
لما كان في هذه الحالة لأنها هذه هي الدنيا هناك شروط تتوفر
بعدها نتائج وانا عن نفسي أعارض وبشدة من يتقدم للزواج وهو غير مهيأ

يا معشر الشباب من استطاع منك الباءة فليتزوج

الشرط هو الاستطاعة منها المادية والمالية بعدها جواب الشرط هو التقدم للزواج

لكن الاخ نسأل الله له الفرج ولكي ايضا تقدم والآن هو أمام تحديات هذا الإختيار
عليه ان يصبر والمفروض انه كان مهيأ نفسه لهكذا ظروف

فهو لازال في أول الطريق فعليه ان يتعلم الصبر فكيف بكما بعد الزواج والاولاد وووو

للأسف هذه هي الحقيقة والحياة دروس وعبر والتعلم منها وتدارك الأخطاء هو المطلوب
ما عسانا الا ان ندعو لكما بالفرج وتقوى الله فمن يتقي الله يجعل له مخرجا ويرزقه من حيث لا يحتسب

عليه كما قال الاخوة قبلي بتقوى الله والتقرب اليه واللجوء اليه سبحانه

وانت ايضا معه سانديه وقفي معه وقفة المراة الصالحة وان شاء الله يعوضكما الله خيرا

[mounyabiskra]

ربي يفرج عليكم اختي

[nihal159]

ربي يفرج عليكم و يرزقكم من أوسع أبوابه؛ أختي ماتكثروش بزاف المصاريف يعني أنت قادرة تتنازلي شوية و ماتشرطيش بزاف على الراجل وهو ثاني يدير عرس صغير و مايكلفش نفسو بزاف؛ و نصيحة أختي ماتستناي مزية حتى واحد لا خوه لا واحد آخر؛ مادام راجلك حب يتزوج يكون قد المسؤولية تاع الدار أو يحبّس من درك خير؛ لأنك إذا بنيتي حياتك على لكريدي و تسناي مزية خوه لي يخلص 15 مليون مش رايحة تروحي بعيد؛ أقنعو بالشيء لي عطاكم ربي وماتحملوش نفسكم فوق طاقتها.

[said1980]

السلام عليكم اختي ربي يفرج عليكم ويكون معاكم إذا حبيتي تعاونيه ويسهل لكم ربي قومي في الليل بعد منتصف الليل وتوضاي وصلي ركعيتين والناس نيام وطولي في سجودك قدر إستطاعتك وادعي ربي والله بإذن الله سينفرج همكما وسترين ربي العالمين كم هو كريم سبحانه وتوكلي على العلي القدير.

[سنة4]

ربي يفرج عليكم ان شاء الله ياربي و الله اختي هذ المشاكل تصرى مع بزاف ناس ربي يلي يرزق او يفتح البيبان انا راجلي نهار خطبني مكانش خدام اصلا بصح ربي فرج علينا
لازم تصبرو او تدعيو لربي او توكلو عليه راهو هو الرزاق او هو يلي يسهل في كلش
ربي يزيل عليكم الغمة و يفتحا في و جوهكم او يجمعكم ربي او يهنيكم

[sasou2013]

شوفي يا اختي راني فاهماتك في كل ما قلتي انا عندي حكاية وحدة معاك تعدبت كيفك و لا اكتر بسيف باه قبلو بيه دارنا في الاول عانيت كتير باه ديتو 6 سنين و حنا صابرين على جال شهرية قليلة و زاد حبس الخدمة و قعد بلاش بسيف باه بانتلو خدمة راهو يخدم فيها شهرية قليلة بزاف تزوجنا لعام لي فات وملي تزوجنا و احنا في مشاكل مع خياتو ربي وكيلهم من نهار عرسي و انا في المشاكل متهنيناش نهار واحد لي اباش من طراز رفيع زعمة عندي كوزينتي وحدي بصاح حلفيني باب الدار متتغلقش داخلين خارجين عليا منحيين عليا ستر ربي و مرت خوه معاهم تشيتلهم مليار باه يرضاو عليها لقيت روحي نادمة
المهم اختي انا راني حامل و متهنيتش منهم بصاح ان شاء الله ربي وكيلهم دنيا و اخرة و انتي اختي ربي ان شاء الله يهنيك و يسعدك و يفرج عليكم و يسهلكم ان شاء الله و تفرحو و تفرحونا معاكم

[صَــــآابْرِيــنَــ~]

السلام عليكم
ربي يفرج عليكم عاجلا غير أجلا
و يجمعكم في الحلال ان شاء الله

[ام ريتاج الجزائرية]

انا بعد العسر يسرا انا بعد العسر يسرا
كلما ترى الازمة لحقت لطريق ضيق اعرف ان الفرج قريب

[sidra2014]

raby yfarrej hamkom okhty ma tkhafiche rabby ma fyh illa lkhir

[حياتي كلها امل]

السلام عليكم يااختي انتي تبكي وهو يبكي اكثري من الدعاء والاستغفار فان لهم اثر كبير وربي يفرج وكما قيل لكي تدزوجي ويجي نهار تتفكري هده اليام وتضحكي