وش ندير بارك الله فيكم

[مشكلتي]

السلام عليكم


صراحة هي مش مشكلتي هي مشكلة شخص اخر و شاءت الاقدار تكون ليا علاقة بيها. انا طالبة جامعية , كي جيت خارجة من لاكافات لقيت شاب طاحتلو كارت ميموار بلا ما يفيق , المهم انا هزيتها و لاني جامي حكيت مع راجل حشمت نلحقو و نجري وراه قدام الناس بش نمدهالو , و قررت نتواصل بصفحة الجامعة على الفايسبوك و نمدها للادمن و هو يتصرف . طبعا ما بين ما ندير الحكاية هذي كاي شخص حكمني الفضول نعرف وش فيها و يارييتني ما عرفت , كانت فيها صور لفتاة تقرا معايا بعد في نفس الفوج و صور فاضحة مكالاه نشرح . الان انا اخذت قراري بش ما نمدش لاكارت للشاب خوفا من انو يشوه سمعة الفتاة و في نفس الوقت ما نقدرش نمد لاكارت ليها لانها قليلة ادب باشواط و طبعا راح دير في بالها بلي شفت المحتوى و نعرف كلش و هذا مش في صالحي و زيادة على هذا ممكن الشاب يفضحها بوسيلة اخرى و نلقى روحي انا في فم المدفع . لكن من جانب اخر الطفلة هذي لازم تعرف الشاب وش راه يخطط بش تكون حذرة منو . من فضلكم انيروني على الرغم من اني قررت نكسر لاكارت و ننسى الموضوع.

[fella fifi angel]

انت على حق اختاه اكسريها وانساي الموضوع والفتاة ربي يهديها ونتي ماتوقعيش روحك في اي مشكل

[ايمان4]

كسري لاكارت تنقذيها و تتهناي

[michaella]

كسريها و يفض الشكل

[مصطفى_س]

السلام عليكم و رحمة الله

ربي سترهم و راه ساترنا كامل انا تبالي استريهم يسترك ربي و كسريها و ادعيلهم بالهداية و حاولي متخرجيش الموضوع لأي احد مهما كان حاولي كتمان السر

[بلال88]

شوفي اذا تعرفي الايميل ديالها او الفايسبوك قوليلها واش كاين بلا ما تعرفك
افتحي حساب جديد وابعثيلها رسالة خاصة وقوليلها واش لقيت بالاك يهديها ربي

[كوثر التائبة]

اختي كسريها واسطري عليها وربي راح يجزيك اختاه

[زبدة ذايبة]

الرأي اللي فكرتي فيه ممتاز جدا

ماتدخليش بين البصلة وقشرتها

مهما كان هذ البنت مع تصرفاتها السيئة ماراحش تخرجلها للخير نهائيا

يعني مسألة وقت فقط

وهذا الشاب كيما نقولو ياشاري الدالة

ومن يزني يزنى ولو بجداره

الوقت طويل وراح ينتقم منو رب العالمين إذا ماتابش

وانت حافظي على نفسك وماتحكي هذ الحكاية لحتى واحد من اللي يقراو معاك

حتى لأقرب وحدة ليك

حتى ما يأذوكش ومايتسببولكش في المشاكل

ويطلعوا هوما ناس ملاح وانت اللي ..............

إذا قدرتي مثل ماقالك أحد الإخوة تنبهيها بدون أن تشيري إلى نفسك

بحساب آخر ومعرف آخر

وإذا ماقدرتيش

عليك نفسك لايضرك من ضل إذا اهتديت

رب يوفقك ويبعد عليك رفقاء السوء

[محمد جديدي التبسي]

كسريها ولك الاجر ان شاء الله ..حال مزري لشبابنا وفتياتنا!! ربي يهديهم

[beautifulmin85]

شوفي اذا تعرفي الايميل ديالها او الفايسبوك قوليلها واش كاين بلا ما تعرفك
افتحي حساب جديد وابعثيلها رسالة خاصة وقوليلها واش لقيت بالاك يهديها ربي


السلام عيلكم ورحمة الله وبركاته

اظن رد الاخ بلال انسب حل ان اردتي مساعدتها لعل الله يتوب عليها وبمجرد ان توصلي رسالتك

مع تذكيرها بان الله عز وجل قد منحها فرصة للتوبة والرجوع اليه سبحانه والاقلاع عن الفساد والفجور

احذفي الحساب وانسي كل شيء

وفي قصتك عدة دروس تستفيدين ونستفيد معك منها :

اولا التجسس لم ينهنا الشرع عن التجسس الا لأن مضاره كثيرة وعواقبه وخيمة أقلها تأنيب الضمير

وهناك آية في القرآن الكريم ينهى فيها الله عز وجل الصحابة وطبعا نحن بعدهم من السؤال عن أشياء

إن بدت لنا حقيقتها تسوؤنا فلذلك الانسان عليه ان يتجنب الخوض في أمور غيره لكي لا يصل الا ما لا يحمد عقباه

وثانيا تعلمنا ان في الدنيا لا أمان مع كثرة معاصينا فالستر ليس رفيقنا الدائم فنعصي اليوم ويسترنا الله وغدا ويسترنا الله

لكن المداومة قد تؤدي الى رفع الستر وبالتالي الفضائح وخسارة الدنيا والدين ستكون النتيجة فاستروا انفسكم يا عباد الله

واقلعوا عن المعاصي يستركم الله في الدنيا والآخرة

وأخيرا وليس آخرا انا عن نفسي أخذت عهدا أن لا أحمل من الارض شيئا لا يخصني لعلمي انه قد يؤدي

الى عواقب وخيمة أنا في غنى عنها وساروي لك قصة قبل سنين عديدة ربما خمسة او ستة لا اذكر جيدا

وجدت بطاقة سيم فحملتها وركبت عليها هاتفي لاصل لصاحبها وبمجرد تركيبي لها تهاطلت علي اتصالات

وكلها من فتيات فلولا مخافتي من الله عز وجل وتربية أهلي لي لوقعت فيما لا يحمد عقباه من فتنتهن

المهم توصلت الى نتيجة ان اقوم بكسرها لكي أضمن ان لا تسقط في يد أحد آخر فاكون سببا في الفساد

وصاحبها يمكنه ان يعوضها بطلبها من جديد والحمد لله كان قراري سليما وبالفعل قمت يكسرها ورميها بعيدا

المهم النتيجة انه في وقتنا هذا احيانا تفكر في فعل الخير فيرد عليك شرا ونتائج وخيمة فالأحوط في زماننا

ان نقوم بحماية انفسنا اولا مما قد يتسبب في اذيتنا لاحقا وان استطعت المساعدة لا ابخل وان لم استطع

فحماية نفسي اولويتي وعدم دخولي في مشاكل انا في غنى عنها والله عز وجل يتكفل بالطرف الآخر

[AMINA.Z]

احسن قرار ..كسري الشريحة
و ابعتي رسالة مجهولة المصدر للفتاة و قوليلها ...ردي بالك تصاورك و انت مفضوحة راهم يدورو.
هاكا هي تولي تخاف و تبقى عايشة في الخوف و السيد اللي راحتلو الشريحة يبقى غير يخمم.
راحة البال نعمة ....و الحرمان منها عقوبة قاسية.

[mrmilano1984]

ياودي كسري جدها واتهناي

[hadhom]

اكسريها و لا كانكي شفتي حاجة

[الطيب الجزائري34]

اكسريها و ان استطعت النصح دون علمها فافعلي .

[snowiman]

كسريها و ما شفتي ما سمعتي انساي لحكاية

[mohamed riadd]

موضوعك نسخ لصق في الفيس بوك

فات عليا هذا الموضوع .. نوصيكم حاذرو أكثر فيما تفعلون كاين ضعفاء النفوس

[~أميرة أميري~]

اختي اكيييد كسريها وانساي الموضوع وادا خفتي على الطفلة حاولي تراسليها من بعيد بلا ماتبينيلها روحك يعني برسالة مجهولة ولا في الفيس ولا بأي وسيلة نبهيها ليها وقوليلها صورك راهم يدورو وردي بالك على روحك
يا اختي بالاك يكون هاد الشب على علاقة معاها ومدتلو تصاورها بفففف ربي يرحم فينا هي ماخافتش على روحها وانتي قاعظة تخمي فيها قيسي الهم عليك كسريها وانساي الموضوع
والحمد لله لي طاحت لاكارت فيد وحدة كيما انتي لكان لقاها وحدوخر لا قدر الله صورها راهم في الفيس يدورو

[رضا زوجي غايتي]

أكسريها اختي وانسايها واذا عندك الفيس نتاعها افتحي فيس جديد وحذريها منه بلا ماتعرفك انت شكون باش تتوب من فعايلها

[somis]

الا تعرفي باباها اعطيلو لكارت ميموار باش يعرف بنتو وش راهي تدير مورا ظهروا هاذا الا غاضك باباها بيان سور

[Golden Princess]

نعم اختي كسريها وانسي الامر

[محفوظ البسكري]

كسريها و يا دار ما دخلت شر