علاقة مع انسان مالي

[مشكلتي]

مساء الخير عليكم اخواني الكرام اليوم حاب نتكلم علي شيء يخصني ويهمني بزاف وهي مجرد اشكال يحدث معي حيث اني تعرفت علي انسان من دولة مالي عمره 42 سنة وهو تقني سامي في صيانة السيارات يعني تخصص مكاميك السيارات وانا متواصلة معه من حوالي شهر مشكلة انه يعمل هنا بدون اوراق يعني بدون اقامة وهو طبعا ليس من الافارقة تاع شارع هادوك لي يطلبو او يعملو اعمال شاقة يعني شفتو ويبان مثقف نوعا ما ومتعلم ومتمكن ويتكلم حتي الانجليزية بطلاقة طبعا مع فرنسية وشوية اسبانية مهم ه يقول لي انو والديه راهم في بلد اسمو ساحل العاج كوت ديفوار وهو الان يشتغل من مدة هنا حوالي عامين بالضبط المهم انا والحمد لله انسانة مثقفة وعندي مستوي جامعي ديبلوم في مجال الاقتصاد وحمد لله اعمل في مكتب محاسبة مند فترة فصيرة المهم الان معه احيانا في نت ال***** والتحدث ومرات قليلة نلتقي لكن حيرني فعلا في نواياه اكتشفته للوهلي الاولي انه يريد فقط الوثائق صدقوني دائما يتكلملي علي الزواج الزواج بي رغم اني لااعرفه جيدا ولايعرفني جيدا غريب وايضا يكثر من قدف كلمات الرومانسية والشعر وووو يعني ماهر جدا في الغزل وانا احبك انا اصلا لااثق فيه اطلاقا وتاكدت 90/100 انه يريدني لاجل الوثائق حمد لله املك دكاء وهو ايضا يضهر لعوب جدا في الكلام وخفت ان اضيع ثقتي بي واصدقه يوما ما وبعدها اندم اشد الندم لانو عاونوني هل لما اتزوج اجنبي في بلدي خصوصا افريقي وهو مسلم طبعا ويصلي هل سيستغلني للوثائق مشكلة بعدها احس صدقوني انو يفعلها ويهرب بالاقامة لكن سؤالي هل تسقط له بعد فترة ام مادا حتي لو تزوجته ووخدعني ام مادا بالضبط
مادا تنصحونني اتيت اليكم بالتحديد للنصح والارشاد والتوجيه مع هدا الزواج مع انسان مالي ارجوكم وجهوني مادا افعل عل اكمل معه وامشي معه بدكء وبحدر وبعدها اتركه ليعرف من انا او اقطع معه العلاقة من الان

[مراد سابقا]

حتى الماليين ممنعوش منكم انا لا انصحك بذلك اغلبهم يحترف التزوير والسرقة والغش بالإضافة للأمراض

[غزلانْ]

السلام عليكم

هؤلاء المثقفين يقومون بتبييض الأموال أكثر من أصحاب الشوارع ألم تسمعي
بقصصهم التي راح ضحيتها أذكياء أبناء الجزائر

فرجال و غذروا من قبلهم فكم من رجل أفلس من خلال

تظاهر المالي و غيرهم من الأفارقة بأموال الجزائري طمع

منهم أنهم سيتزايد رصيدهم و لكن الكارثة كانت الافلاس لطمع الجزائري و هروب المالي .

غريب أمرك مثقفة و لمحت نيته و تتواصلي معه اقطعي صلتك به فلا أمان لهم .
و لا يخدعك هندامه و مظهره .
بالتوفيق

[مصطفى_س]

السلام عليكم و رحمة الله

انصحك بالابتعاد عنه بدون مقدمات او اي شيء تقطع العلاقة مباشرة
الحمد لله الجزائر مليئة بالرجال و اذا صار مشكل مع الجزائري نهدرو مع اهلو او نديرولو جماعة و نحشموه و يسمع الكلام و يتحل باذن الله اما هذا المالي كيفاه يرحم والديك

احنا الرجال و مسلكناش منهم

ننصحك اختي الابتعاد و ربي يوفقك

[مصطفى_س]

نتمنى من الاعضاء ان لا يستهزئو بالغير لا نعلم متى سنبتلى اعاذنا الله و اياكم
هي تريد حلا لا اكثر
تقبلوا تحياتي

[MAHA26]

حيرتيني والله ربي يهديك

[lydiareve]

حنونة واش بيك راكي بعقلك اني شاكة في عقلك صراحى وحدة في عقلها وتكون فاهمة ومثقفة ودكية موحال اصلا تخمم في مالي كما هدا حتي لو كان لاباس بيه هدا انا نقلك نعرف واش صراو لبعض البنات هدا لي ماعملهاش كارثة يتزوج بها ويعمل اوراق ويهرب فهمتي وزدي كاين لي طمع في مالها وسرقلها من رصيدها كما حدث لوحدة تزوجت شخص مالي يعمل هنا في السفارة او قنصلية وصحيح قاتلي عمل في سفارة وورالها مكان عملها وبطاقة عملو ويبان صح لاباس بيه تاع مال بكن تصوري راح اختلس مالها بطريقة هيتش****ة ونهب مالها من حسابها بطريقة دكية وهرب ورجع لبلادو والان ماعندها ماتقدر تدير معاه يعني فهمتني ان نيتو كانت خبيثة جدا يعني نتي تقولي ماليين فقراء لي يادوك بالامراض ومستوي تعليمي وتفكيري محدود وضعيف هادو اكثر منهم ادي اني فهمتك كل شيء ونتمنا تاخدي بنصائحنا بكل اعتبار اوك
انتي قلتي اكي حاسة بلي هدفو الاوراق من خلال طريقة كلامو كل مرة يجبدلك زواج يااختي شوية عقل اكيد يريد وثائقك يعملهم وبعدها يدهب اوك
ركزي مليح ونصيحتي اخطك منو من الاول

[زبدة ذايبة]

العلاقة اللي راكي فيها معاه حرام xحرام

سواء كان مالي ولا النيجر ولا الطوغو ؟؟؟؟؟؟

مالقيتي ماديري غير هذ النوع من العلاقات

وتفكري تتزوجي بيه ويكون بابات أولادك ؟؟؟؟؟؟؟؟

وهذا زعمة راكي إنسانة متعلمة

وش خليتي للي ماقراوش

خلعك بزوج كلمات إنجليزي وثالثة إسباني

ماعرفت مانجاوبك

إذا كان عندك أهل ماشكيتش يوافقو على هذا الزواج

يخدم كوارطو ويطلع الأوربا ماتلقايلو لاشارة ولا مارة

اللغات اللي راكي تزوخيلنا بيهم وتأكديلنا بلي يعرفهم

هي اختياراتو للبلدان اللي رايح يروح ليها

يا إسبانيا يا فرنسا يابريطانيا

غريب وعجيب أمرك

صدقتي كلمات الحب اللي قالهملك !!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟

الهدرة شحال ساهلة والنساء شحال غبيات

ماعندي مانزيد نكتب إذا فهمتي راكي فهمتي وإذا ماحبيتيتش تفهمي ديري رايك

[faty05]

يكذب عليك و انتي فايقة و راكي مكملة معاه الى مصيرك المحتوم
نصيحة غير اخطيك ياك ما خلصوش الرجال من الجزاير

[lydiareve]

احتي نزد ننصحك قومي بغلق الهاتف معه وارمي رقمو الي المزبلة هدا هدفو صدقيني الاقامة وبعدها يااما يهرب الي اوروبا وهدا امر جد وارد او يرجع الي بلده في اسوء حالات اما كلامو ههه السيد شافك مرة وبدا يتكلم هكدا مباشرة اكيد طفلة مراهقة نفيقلو مابالك انت تكوني كبيرة ويخدعك انسان افريقي وزد عائلتك ووو امور كثيرة اني نقولهالك هدا نيتو جد واضحة حتي لو كان يعمل مانعرف في الدبلوماسية اوك راهم هنا عضوات ماشاء الله متمكنات ومثقفات مش انتي حسب الشوفة ويعرفو يقراو افكار الناس ومايدور بدهنهم

[انسة سوسو]

احترافيين في التزوير و النصب والاحتيال

[أريج الهدى]

إتقي الله راكي تديري في الحرام وتمشي فيه راكي تعصي في مولاك إتقي ربك وين راكي رايحة رومانسية وكلام فارغ بأي حق تسمحي لنفسك تكلميه لاهو راجلك ما عاقد عليك ونقولو علاه ربي قطع علينا المطر والله غير بسبتكم نتوما يا عصاة المشكلة انو تعرفو بلي هاد الشي حرام وتمشو فيه راكي كيما اللي هاز سيف ويحارب في مولاه خافي ربي وستغفري

[ام رضوان]

السلام عليكم
يعني كيما يقولو عازو الرجالة تاعنا رحتي لواحد اجنبي وزيد ماعندوش لوثائق
تاخذي من رايي اخطيك من هذا الراجل
وزيد علاقتك معاه راهي حرام وهو راه يعقب بيك في الوقت ذرك يخدم وثائقو وراكي تحكميه
وزيد هذا الرجل ماخفتيش لكان راهو حامل لاي مرض يقدر يدمر حياتك؟
انت طلبت النصح وانا نقووووووولك اخطيييييييييك منوووووو.

[michaella]

ما صالحاش الزواج من أجنبي ، تجيب غير المشاكل

[kameljijeli]

السلام عليكم ورحمة الله
نسبة نجاح الزواج بالأجنبي و الأجنبية ضئيلة, وفي معظم الأحيان ينتهي إلى الفراق. وقلت أن هذا الرجل عمره 42 سنة, يعني إحتمال كبير أنه متزوج في بلاده, فمعروف عن الأفارقة الزواج المبكر.
دعني أقص عليك واقعة حدثت قبل سنوات قليلة في مدينة باتنة, فقد أحبت فتاة تدرس في الجامعة زميلها من غينيا, وطلب يدها من عائلتها فرفض والدها و إخوتها الأمر بشدة , لكنها أصرت و رفعت التحدي وتزوجته. بعد مرور عامين بدأ الرجل يتغير, ولم يستطع التأقلم مع طر يقة العيش في باتنة, فبدأ بإجراءات طلب فيزا للدراسة في فرنسا , و عند حصوله على التأشيرة هاجربدون رجعة, وتركها مع بنتين (توأم), لا تستطيع حتى شراء الحليب لهما. حاولت الفتاة العودة إلى بيت أهلها فرفضها إخوتها وأبيها و حملوها مسؤولية إختيارها, فانهارت المسكينة, وأصيبت بصدمة نفسية عنيفة لم تخرج منها إلا بمساعدة بعض صديقاتها, والآن تندب حظها, لأنه كلما أراد أحدهم التقدم إليها ووجد بأنها كانت متزوجة من غيني يذهب بدون رجعة...

فكري جيدا, لأنه إرتباط حياة طويلة

[إسلام الفاروق]

اذا ناوي الحلال ونتي لقيتيه ولد الحلال فعلى بركة الله

المشكلة ماشي في الزواج من اجل الاوراق بل زواج النت اصلا نجاحه ضئيل

[mrmilano1984]

لاحول ولافوة الا بالله العلي العضيم اقسم بالله قريت موضوعك خممت انو مباشرة راح ناوي الاوراقصدقيني صدقيني حلي عينيك يامهبولة العقل ون راح عقلك تاع الجزائر راهم يخدعو خليك من الاجانب اتراك ولبنانيين ووووو عراقيين ومانعرف سوريين وزدلهم نتي جبتلنا كحلوش من مالي ههه قاتلو يخدم هنا وش من حدمة راح يبريكولي مسكين وهو طبعا راح ينفخ في روحو يهفك نقلك وحدة كفك نعرفها عايشة في فرنسا ايا هدا السيد كان هنا تعرف عليها من مالي ههه والسيد كدب عليها وشبعها كلام معسول وخداع وانو يحبها طبعا يعرف يتكلم مليح وانو عجباتو مهم عملها غسيل مخ واتي بها لهنا وتزوجو اوك ايا كي عملتو الوثائق السيد هرب للخارج وراح تعرفي ون سمعت بلي راح لجهة الحدود مع المانيا دار بها وثائق رغم انها كانت عايشة في فرنسا لاباس بها مع الديها وتدرس هادي سمعتها وصح صرات
تسمي هدا المالي راح يشفق عليك وزدي كلماتو تبين وضوح الشمس نيتو باينة بلا ماهدرت معاه اكتشفت نيتو الخبيثة ياما يفعل فيك شيء مش مليح بلا مانفصل حاجة مش تاع مليحة يااما يعقد عليك ويطير للحارج ويرمك بكوت بيي

[mrmilano1984]

يااخي واش من حلال مازالك نتا صح منك تزيد تكمل عليها علابالك شكون ينصحها هاك قلال بزاف بزاف لي امثالنا هنا يدخلو ناس فاهمين ومجربين ويقراو مليح الافكار مش اي واحد راه لاحضت يدخل هنا علابالهم واش نصحوها قالك نيتو توكلي علي الله ربما السيد كما قالو ممكن عندو اي مرض اولا احتمال راه مزوج بلا نيتو تاع تمضية وقت هدا في اخف الاضرار والطامة يتزوج بها يرفدلها الكرش ويروح ويدير اقامة ابري نتا لي تحلها اشكال

[Ghost happiness]

سبحان الله وبحمده سبحان الله العظيم

[ابو ارسلان]

الاخت الكريمة هذه ليست صفقة تجارية قد تربحين او تخسرين فيها بعض المال .. هذه الصفقة قد تكلفك مستقبلك كاملا.
اولا كما قال الاخوة كثير من الافارقة يمتهنون الغش و التزوير و لهم مواقع انترنت و مرة اتصل بي رقم دولي فلما بحثت و جدته من دولة افريقة
و بالبحث في الانترنت وجدت انهم شبكة كبيرة للنصب و الاحتيال...
يا اختنا نحن لا نعرف هذا الشخص و لا نستطيع ان نتهمه هكذا لكن الحذر واجب و هم عادة وجهتهم الاخيرة اوربا.
و ثانيا هذه الطريقة في التعرف على الاشخاص عبر النت او الفيسبوك و التعمق معهم في العلاقة الى حد مواضيع الزواج هذه في ديننا حرام...لان في الزواج تؤتى البيوت من ابوابها.

[mrmilano1984]

نصيحة لوجه الله اخطيك منو اصلا