الدرس الأول لتعلم الطرز

[مياسم الصمت]

السلام عليكم ورحمة الله وبركاته

بحول الله اليوم ستكون الانطلاقة لافتتاح ورشة الدرس الأول

الدرس عبارة عن اكتساب مهارة تحريك القرقاف و انسجام حركة اليد معه
حتى نتحصل في الأخير على زيقزاق منسق ليس متباعد ولا متراكب

يمكنك رسم خطوط كمرحلة أولى

ثم الانتقال الى رسم فيسطون

و اضفت ورقة على شكل انحناءات

ملاحظة مهمة يجب على الاخت ان تنتقل بالطرز في الاتجاهين امام وخلف وتتحكم في الاتجاهين
طبعا الامر يستطلب وقتا

لذلك خذي وقتك
الفيديوهات ترسل للمشتركات عبر الخاص
كل استفساراتكن توضع هنا
وايضا تطبيقاتكن لهذا الدرس ستوضع بحول الله بعد اجل اقصاه 10 ايام لننطلق في الدرس الموالي

http://d.top4top.net/p_117faxb1.png



http://e.top4top.net/p_117yhqe2.png




http://a.top4top.net/p_117u8bd3.png

[نور الإسلام26]

سلام عليكم
بالتوفيق للجميع
شكرا اختي على مجهودتك في ميزان حسنتك

[ام مهدي 03]

مساء الخير استاذة مياسم وكل الاخوات
استاذة هذا وين شفت الرسالة والفيديو فى ميزان حسناتك يارب
حبيت نسقسى قبل ما نبدانسجف القماش كيما قلتينا بالفزلين .ولا نخدمو هكداك. انا عندى يقايا ستان
ولما نطرزو نحطو وجه القماش هو المقابل؟ لانى نشوف فى القرقاف عكس ما نخدمو باليد
ولما ننتقلو من شكل لاخر ما نقطعوش الخيط؟

[nana47]

السلام عليكم استاذة مياسم
يعطيك الصحة و يجعلها في ميزان حسناتك يا رب
بصح بيناتنا انبهرت بحركة اليدين عندك منسقة ما شاء الله خمسة في عينيا لا نعينك :1::1::1:
انا لا اظن ان 10ةايام لاتقان الحركة السلسة كافية لي مع العلم اني بديت فيها شوية بدون خيط جاتني صعيبة شوية و لكني سابذل ما في وسعي
حظ موفق للجميع :19:

[مياسم الصمت]

سلام عليكم
بالتوفيق للجميع
شكرا اختي على مجهودتك في ميزان حسنتك



وعليكم السلام ورحمة الله وبركاته

بارك الله فيك اختي وجزاك خيرا

[مياسم الصمت]

مساء الخير استاذة مياسم وكل الاخوات
استاذة هذا وين شفت الرسالة والفيديو فى ميزان حسناتك يارب
حبيت نسقسى قبل ما نبدانسجف القماش كيما قلتينا بالفزلين .ولا نخدمو هكداك. انا عندى يقايا ستان
ولما نطرزو نحطو وجه القماش هو المقابل؟ لانى نشوف فى القرقاف عكس ما نخدمو باليد
ولما ننتقلو من شكل لاخر ما نقطعوش الخيط؟


مساء الخيرات
بارك الله فيك على الدعاء
شوفي اذا كان الستان خشين شوية تقدري ما تستعملي السجاف اصلا
ولو حبيتي اذا كان رقيق اثنيه على زوج
خلي الفزلين من بعد في مراحل متقدمة
لما نقترح ان شاء الله نموذج لقندورة

القرقاف يكون الجزء اللي فيه البرغي هو تحت القماش
و الدائرة وحدها هي تدخل فوق القماش
ومن بعد زيري واجبدي القماش من الاطراف اذا شفيته ماشي مزير

[مياسم الصمت]

السلام عليكم استاذة مياسم
يعطيك الصحة و يجعلها في ميزان حسناتك يا رب
بصح بيناتنا انبهرت بحركة اليدين عندك منسقة ما شاء الله خمسة في عينيا لا نعينك :1::1::1:
انا لا اظن ان 10ةايام لاتقان الحركة السلسة كافية لي مع العلم اني بديت فيها شوية بدون خيط جاتني صعيبة شوية و لكني سابذل ما في وسعي
حظ موفق للجميع :19:





وعليكم السلام ورحمة الله وبركاته
ربي يبارك فيك اختي
اكيد بالممارسة تكتسبي خبرة ومهارة
وهذا من اهداف في الدرس الاول ايضا
شوفي ممكن تساعدي روحك مبدئيا انك تدربي بالخيط فقط حتى تكتسبي مهارة الحركة
لانه الحرير يتقطع بالخف
ولما تتدري ارجعي للحرير
لكن تطبيقاتكم تكون بالحرير :)

المهم حاولوا واذا كانت مدة عشر ايام قليلة نزيدوا عشرة اخرين:1:

[*جزائرية مسلمة*]

السلام عليكن جميعا
صراحة خفةيد وعمل ماشاء الله تحفة ربي يبارك فيك
سأبدأ من الغد ان شاء الله ..
بالتوفيق لكن زميلاتي

[مياسم الصمت]

السلام عليكن جميعا
صراحة خفةيد وعمل ماشاء الله تحفة ربي يبارك فيك
سأبدأ من الغد ان شاء الله ..
بالتوفيق لكن زميلاتي


وعليكم السلام ورحمة الله وبركاته
ربي يبارك فيك اختي

فقط نصيحة الطرز خاصة يحتاج طولة البال و الصبر
اذا قلقتي خلي عليك وارجعي مرة اخرى
لانه مع القلق لن يكون اتقان للعمل
وان شاء الله تستفادوا الكل وتتعلموا

[مياسم الصمت]

ولما ننتقلو من شكل لاخر ما نقطعوش الخيط؟

نسيت نرد على السؤال هذا
لا عادي بالنسبة لتقطيع الخيط لما تنتقلي في الطرز
يمكنك انك تقطعي وتنتقلي الى جزء اخر
لكن فقط لازمك تحكمي الخيط حتى يثت مليح
وحاجة اخرى لما تبدي تغرسي الابرة جربي مرتين او ثلاثة حتى تتاكدي انه الابرة في وضعها الطبيعي وما تتكسر
لربما ييكون خيط معقد تحت او حتى الرحى تاع الماشينة تحت تحرك من بلاصته
هنا تتلاقى به الابرة و تتكسر
كل مرة لازم تتاكدي من وضع الابرة عن طريق الغرز باليد
كما في الفيديو

[ام الحاج]

السلام عليكم
في ميزان حسناتك اختي ويجعلها صدقة جاررية
كل وحدة تعلميها راكي رايحة تبقاي في ذاكرتها طول حياتها
حبيت نقولك علاه تعلمي اللي سجل معاك فقط كنت تكبر الفائدةوتوصل لاكبر نسبة من السيدات
وكل وحدة وظروفها اناتعلمت المكرامي من محبوبة امي وعمري ما شاركت معها
وين ما تجي عيني علي الكادر ندعيلها بالخير وربي يعطيها ما تتمني
وشكراااااااامرة اخري علي المبادرة

[djamilach23]

الله ايبارك فيك اخت مياسم الصمت ان شاء الله في ميزان حسناتك .

[غيداق]

االله يبارك فيك يا استاذة درتيلنا الدرس في الوقت المناسب ربي يجعلو في ميزان حسناتك

[LILI K]

بارك الله فيك بصح مازال ماشريتش الماشينة كي نشريها نبدا ماتقلقيش عليا صحتي

[مياسم الصمت]

السلام عليكم
في ميزان حسناتك اختي ويجعلها صدقة جاررية
كل وحدة تعلميها راكي رايحة تبقاي في ذاكرتها طول حياتها
حبيت نقولك علاه تعلمي اللي سجل معاك فقط كنت تكبر الفائدةوتوصل لاكبر نسبة من السيدات
وكل وحدة وظروفها اناتعلمت المكرامي من محبوبة امي وعمري ما شاركت معها
وين ما تجي عيني علي الكادر ندعيلها بالخير وربي يعطيها ما تتمني
وشكراااااااامرة اخري علي المبادرة


وعليكم السلام ورحمة الله وبركاته
بارك الله فيك على الدعاء ولك بالمثل و زيادة
الاخت أم الحاج التسجيل بالدورة مجاني و لا شيء يمنع العضوة من التسجيل
هذا أمر
الامر الثاني الفيديو يخصني تحديدا
و لا أحبذ ان يراه الرجال
و لك واسع النظر في ذلك
بارك الله فيك

[مياسم الصمت]

الله ايبارك فيك اخت مياسم الصمت ان شاء الله في ميزان حسناتك .

االله يبارك فيك يا استاذة درتيلنا الدرس في الوقت المناسب ربي يجعلو في ميزان حسناتك

بارك الله فيك بصح مازال ماشريتش الماشينة كي نشريها نبدا ماتقلقيش عليا صحتي

بارك الله فيكم على المرور

[amel...]

صباح الخير و جمعة مباركة

استاذتي رانيي طلعت الفيديو و حقيقة ما شاء الله عليك

انا غدوة نجوز الكونكور باذن الله و من بعد رايحة نبدا نهز هاد الصنعة الجديدة

و نبدا التطبيق و بالمناسبة عندي مودال قندورة باهية و علابالي تعجبكم

كي نمشيو يدينا مليح نحطلكم صورتها راهي مغلتني حابة نخدم وحدة كيفها

سلام و بالتوفيق لكن زميلاتي

[*جزائرية مسلمة*]

السلام عليكم ورحمة الله وبركاته
اهلا بالمعلمة والزميلات أتمنى ان يكون الجمع بخير
انظري معلمة الى بعض الخربشات
بعضها بالماكينة الكبيرة والاخرى بالصغيرة
اصارحك ان الصغيرة ساعادتني افضل لأن الغرزة جاهزة عكس الاخرى التي اقوم بجهد لتحريك العمل...وفق الله الجميع

.http://c.top4top.net/p_119c1f30.jpg

[مياسم الصمت]

صباح الخير و جمعة مباركة

استاذتي رانيي طلعت الفيديو و حقيقة ما شاء الله عليك

انا غدوة نجوز الكونكور باذن الله و من بعد رايحة نبدا نهز هاد الصنعة الجديدة

و نبدا التطبيق و بالمناسبة عندي مودال قندورة باهية و علابالي تعجبكم

كي نمشيو يدينا مليح نحطلكم صورتها راهي مغلتني حابة نخدم وحدة كيفها

سلام و بالتوفيق لكن زميلاتي



صباح الخيرات
ربي يوفقك في المسابقة وا ن شاء الله تنجحي
في انتظار تطبيقك
خذي وقتك

[مياسم الصمت]

السلام عليكم ورحمة الله وبركاته
اهلا بالمعلمة والزميلات أتمنى ان يكون الجمع بخير
انظري معلمة الى بعض الخربشات
بعضها بالماكينة الكبيرة والاخرى بالصغيرة
اصارحك ان الصغيرة ساعادتني افضل لأن الغرزة جاهزة عكس الاخرى التي اقوم بجهد لتحريك العمل...غير ماتضحكوش وصايي

.http://c.top4top.net/p_119c1f30.jpg


و عليكم السلام ورحمة الله وب كاته
كبداية هي موفقة لكن مازال تتطلب منك للمزيد

يدك ما مشيتيها على القرقاف
بمعنى مانك خايفة مما يجعل يدك ترجف شوية و ظهرت لك عدم التناسق في محيط الزقزاق
واذا كنت بالكبيرة اكيد اصعب وهنا الكلام راح يكون على رجلك

تعلمي بالصفيرة ومن بعد روحي للكبيرة لما تقني العمل راح يبقى لك حينها التحكم في الكبيرة

[غيداق]

السلام عليكم استاذة ياريتك تضميني لفريق التلميذات عندك لانني ما لقيتش هذا الفيديو اللي يحكيو عليه راكي تبعثيه للخاص يا ريتك تبعثيلي الله يستر عليك دنيا واخرة

[ثلوج الشتاء]

السلام عليكم ورحمة الله
شكرا الاخت مياسم راه وصلني الدرس الاول
انتظري تطبيقي

[فراشات العمر]

السلام عليكن كيف الحال اليوم شفت الفيديو اييه على ماشينتي بالبيدال ترق ترق ترق ترق حتى يشكيو بيا الجيران ههههههه
شكرا ميسومة على الدرس راح نبدى بالخيط ومن بعد بالحرير

[ياسمين1990]

السلام عليكم ورحمة الله وبركاته
بارك الله فيك اخت مياسم وجعله في ميزان حسناتك
اذا تقبلوني انظم اليكم وشكرا مسبقا
ماشينتي toyota
في انتظار الرد تحياتي

[فراشات العمر]

http://www.3rbz.com/uploads/5be6d1181d871.png
http://www.3rbz.com/uploads/3ef92d6237292.png

[غيداق]

السلام عليكم استاذة هذي محاولتي في التطريز من خلال الصور الموجودة في الموضوع ارجو ضافتيالى قائمة المعنيات بالفيديوووو ههههههههههه ومشكورة مسبقا

]http://www.up.djelfa.info/uploads/146204015622231.jpg (http://www.up.djelfa.info/)

[سارة2000]

:mh31:يعطيك الصحة و يجعلها في ميزان حسناتك يا رب:mh31:

[بوسوار]

من فضلك اريد الانظمام عندي ماكنة الخياطة لاتطرز جيمسي اندسريال تخيط برك هل تصلح للدروس

[مياسم الصمت]

تم اضافة الملتحقات الجدد و ارسال الفيديو اليهن
بالنسبة للاخت بوسوار اكيد ماشينة جيمسي تطرز
فقط تقنية الطرز بها تختلف بعض الشيء عن الماكنة الصغيرة
في الماشينة انديستريال تتحكمي في غرزة الطرز تاع الزيقزاق و التعريض برجلك من خلال قطعة موجودة في الاسفل
هناك موضضوع للاخت سطايفية تشرح فيه ما شينتها يمكن الاستفادة منه
هذا هو الاختلاف واكيد سرعتها كبيرة لازمك كمبتدئة تنقصي شوية في سرعتها

[مياسم الصمت]

http://www.3rbz.com/uploads/5be6d1181d871.png
http://www.3rbz.com/uploads/3ef92d6237292.png

تطبيق موفق كبداية
شوية الغرزة راكبة على بعضها
حاولي فقط تمشي يدك شوية مع القرقاف
الفيسطون ناقص في التدوير
مازلك الوقت لا تستعجلي كل ما طبقتي اكثر كل ماكان الاتقان اكثر



السلام عليكم استاذة هذي محاولتي في التطريز من خلال الصور الموجودة في الموضوع ارجو ضافتيالى قائمة المعنيات بالفيديوووو ههههههههههه ومشكورة مسبقا

]http://www.up.djelfa.info/uploads/146204015622231.jpg (http://www.up.djelfa.info/)


تطبيق موفق
لكن فقط سؤال انت استعملت الحرير
يظهر لي كانه اينوكس من شكله

فقط الفيسطون يحتاج لمزيد من التدريب حتى يكون التدوير منسجم

[مياسم الصمت]

ملاحظة فقط للاخوات

الطرز اكيد ماشي رايحة تتعلميه في نهار
يحتاج لصبر و استمرارية
ومع الممارسة يكون الاتقان اكثر
حاولوا تتحكموا في حركة اليد وتحريك القرقاف

الزيزاق لازم يكون منسجم وما يكون مضغوط ومتراكب فوق بعضه
و الششكل و الالتواءات لازم تكون بشكل كما نقول انسيابي
يعني لما نشوف للفيسطون لازم يظهر انك تحركت بحرية وبخفة
ماشي تتتقطعي في الحركة مما يعطي تقطع في الشكل و التدوير يكون غير متقن
اعطي ليدك حرية الحركة

[ام الابتسامة]

السلام عليكم
انا لم اجد الفيديو
كيف اراه

[غيداق]

استاذة هذي مشينتي الله يبارك فيك اعطيني الريقلاج انتزاعها
http:// http://www.up.djelfa.info/uploads/146205449715871.jpg (http://www.up.djelfa.info/)

[بوسوار]

تم اضافة الملتحقات الجدد و ارسال الفيديو اليهن
بالنسبة للاخت بوسوار اكيد ماشينة جيمسي تطرز
فقط تقنية الطرز بها تختلف بعض الشيء عن الماكنة الصغيرة
في الماشينة انديستريال تتحكمي في غرزة الطرز تاع الزيقزاق و التعريض برجلك من خلال قطعة موجودة في الاسفل
هناك موضضوع للاخت سطايفية تشرح فيه ما شينتها يمكن الاستفادة منه
هذا هو الاختلاف واكيد سرعتها كبيرة لازمك كمبتدئة تنقصي شوية في سرعتها


اختي مياسم هذي ماشينتي مافيهاش زقزاق اني قتلك تخيط برك مادير والوا ماشي ريقلاج مانظنش تخدملي http://up.1sw1r.com/upfiles2/gd956164.jpg

[فراشات العمر]

اهتي ميسوم راني رحت للسبيطار رجليا تورمو ههههههههههه
ماشي

[فراشات العمر]

اختي مياسم هذي ماشينتي مافيهاش زقزاق اني قتلك تخيط برك مادير والوا ماشي ريقلاج مانظنش تخدملي http://up.1sw1r.com/upfiles2/gd956164.jpg
هذي للخياطة برك مستحيل تديرلك زقزاق انا شارية جيمسي زيقزاق فهمتي مكالاه تعبي روحك

[بوسوار]

هذي للخياطة برك مستحيل تديرلك زقزاق انا شارية جيمسي زيقزاق فهمتي مكالاه تعبي روحك

خسارة تشوقت للطرز
شكرا فراشات العمر

[*ام فتحي*]

اختي ممكن نسجل معاكم
اذاقبلتي نقولك والله ما نعرف نحط الصور واولادي حتي نندب باه يحطولي حبيت الصدق من الاول
وجعله الله صدقة جاريةومقبولة

[غيداق]

استاذة هذي مشينتي اعطيني الريقلاج نتاعها الله يبارك فيك

http://www.up.djelfa.info/uploads/146209276072111.jpg (http://www.up.djelfa.info/)

[غيداق]

هذي المحاولة الثانية ارجو التقييم ربي يجازيك بالخير

http://www.up.djelfa.info/uploads/14620931367181.jpg (http://www.up.djelfa.info/)

[غيداق]

مساء الخير لبنات استاذة مياسم قيميلي فراشتي ربي يهنيك
http://www.up.djelfa.info/uploads/146211140239471.jpg (http://www.up.djelfa.info/)

[ثلوج الشتاء]

السلام عليكم
هذا تطبيقي للدرس الأول ( والله حشمت نحطو مكنتش حاسبة الطرز صعيب هكدا)

http://up99.com/upfiles/jpg_files/Tvu20787.jpg

ياسمين نورتي قسم الخياطة

[polyma]

مساء النور راني حشمنا نحط خدمتي بنتي شبعت الضحك عليا قتلي واش هاد تخربيشات:mad:

[مياسم الصمت]

السلام عليكم
انا لم اجد الفيديو
كيف اراه

وعليكم السلام ورحمة الله وبركاته
أختي الفيديو يرسل عبر الخاص للمشتركات فقط وهن يضعن تطبيقاتهن



استاذة هذي مشينتي الله يبارك فيك اعطيني الريقلاج انتزاعها
http:// <a href=http://www.up.djelfa.info/ target=_blank>http://www.up.djelfa.info/uploads/146205449715871.jpg

ماشينتك يظهر لي كما ماشينتي
انا نهبط الاسنان من الدائرة المقابلة مباشرة ندور الزر
انظري الى موضوع التسجيلات فيه صورة باحد الردود موضحه به ذلك



اختي مياسم هذي ماشينتي مافيهاش زقزاق اني قتلك تخيط برك مادير والوا ماشي ريقلاج مانظنش تخدملي http://up.1sw1r.com/upfiles2/gd956164.jpg

الحقيقة كنت اظن انه كل ماشينة الكبيرة فيها طرز
حتى الامس لقيت احدى الاخوات في احد المجموعات وضعت ماشينة للبيع وهي غير خياطة



اختي ميسوم راني رحت للسبيطار رجليا تورمو ههههههههههه
ماشي

ربي يجعلك الشفاء فراشتي
مع الوقت تتعودي
لكن فقط ما تضغطي على روحك بالعقل برك

[مياسم الصمت]

اختي ممكن نسجل معاكم
اذاقبلتي نقولك والله ما نعرف نحط الصور واولادي حتي نندب باه يحطولي حبيت الصدق من الاول
وجعله الله صدقة جاريةومقبولة



طيب ام فتحي رايحة نحل لك مشكل الصور
الامر بسيط
لما تفتحي صفحة ادراج رد وتكتبي عادي وقبل ما تضغطي على اعتمد المشاركة
انزلي لااسفل الصفحة
تلقي ما يلي اتبعي الصور فقط و ستوضع الصورة في ردك على شكل مرفق
ولا يهم ان ترفعيها على موقع تحميل
تابعي الصور التوضيحية وستسهل عليك الامور
http://b.top4top.net/p_121swc01.png
هنا تفتح لك الصفحة الثانية اضغطي كما موضح
راح يقودك للحاسوب او التابلات مثلا
افتحي الصورة حيث تضعينها ضمن ملفاتك بالحاسوب ثم رفع كما الصورة الثالثة

http://c.top4top.net/p_121mkja2.png



http://d.top4top.net/p_121actc3.png

[مياسم الصمت]

هذي المحاولة الثانية ارجو التقييم ربي يجازيك بالخير

http://www.up.djelfa.info/uploads/14620931367181.jpg (http://www.up.djelfa.info/)

الزيقزاق متباعد شوية
لكن مقبول
تدربي على حركة اليد اكثر حتى يكون الفيسطون انسيابي
نعطيك مثال
امساك القلم من طرف شخص متمكن و يرسم به مثلا تلك التعرجات تلاحظيها بتلقائية
لكن مع طفل عمره ثلاث سنوات تلاحظي من خلال الرسم انه يرسم بصعوبة و ويده ثقيلة يتوقف بين مسافة و مسافة
هذا هو الانطباع تماما
لكن راح تتحسني بالممارسة اكيد
فقط اضبطي الخيط تحت لانه خرج لك
زيري القطعة اللي فيها الكانيت لانه تخرج الخيط مرخوف وظهر من الطرز وهذا يشوهه
بالتوفيق لك

[مياسم الصمت]

مساء الخير لبنات استاذة مياسم قيميلي فراشتي ربي يهنيك
http://www.up.djelfa.info/uploads/146211140239471.jpg (http://www.up.djelfa.info/)



اظن انك تخطيتي كل المراحل:mh31:
ووصلتي للتعمار
طريقة التعمار ليست هكذا
ما تتسرعي كل شيء بأوانه
الزيقزاق مقبول لكن يمكنك التحسين
شوية خارج على الحواف مما يعطي مظهر غير منسجم للمحيط

[مياسم الصمت]

السلام عليكم
هذا تطبيقي للدرس الأول ( والله حشمت نحطو مكنتش حاسبة الطرز صعيب هكدا)

http://up99.com/upfiles/jpg_files/tvu20787.jpg

ياسمين نورتي قسم الخياطة

اكيد راح يكون صعب في البداية
تدربي اكثر على تحريك القرقاف
وما تخافي لما تمشيه
اضبطي حركة القراقاف مع سرعة الماكينة
يعني ماكينتك ماتضغطي مرة بزاف حتى تكون سرعتها كبيرة وما تبطيئي
حافظي على نفس السرعة و في نفس الوقت سرعة تحريك اليدين تكون مناسبة



مساء النور راني حشمنا نحط خدمتي بنتي شبعت الضحك عليا قتلي واش هاد تخربيشات:mad:


مساء الانوار
ما عليش زيدي حاولي اكثر
ولما تلاقي في نفسك الرضا ضعي الصورة
وابنتك لما تتعلمي عندها تكون هي الاولى اللي تطلب تطرزي لها
بالشوية برك ولازم الصبر اكيد

[ياسمين1990]

السلام عليكم ورحمة الله وبركاته
هذه محاولتي بعد معركة شرسة مع ماشينتي
كي نطرز بها تقفز يعني مايكونش الزقزاق متناسق وراء بعض
حطيتلها الزيت شوية تحسنت لكن ليس بالقدر الكافي
ان شاء الله ربي يهديها وتصلح
http://i.imgsafe.org/e8e5dbf.jpg
اهلا اختي ثلوج الله ينورك ويبارك فيك وفي اختنا مياسم
ان شاء الله نتعلموا على يديها ربي يجازيها

[مياسم الصمت]

يعطيك الصحة ياسمين
بعد المعركة الشرسة كنت انت لمنتصرة
الفيسطون مليح و الزيقزلق مليح مع بعض الممارسة
فقط يظهر لي في راس الورقة ما عرفت كيف تدوري
حاولي تكون الزاوية حادة
على ما يبدو انك غرست الابرة و دورتي القرقاف لذلك كان راس الورقة ما هو حاد

[ياسمين1990]

الله يسلمك شكرا على التشجيع والله فرحتيني ربي يفرحك يعني فيه امل هههههه
عندي مدة طويييييل ماخدمتش بالمشينة لهذا مازالت حركة يدي ثقيلة
وصادفني مشكل اخر لما نحي الرجل يتقطع الخيط على هذا اخدمت بالرجل مركب لما نوصل لطرف
ماتوصلش الابرة للاخر لهذا ندور القرقاف .......... (يعني غش في اولها ههههه)
منكم نستفيد ان شاء الله

[مياسم الصمت]

طيب ياسمين حبيت نبهك فقط انه لاحقا التعمار لازم يكون و الاسنان هابطة
انت ديري الزيت للماشينة
ونقيي ااسنان مليح و الداخل ايضا منين الكانيت

و شوفي مع الابرة ربما تكون مكسرة لانه لو كانت مكسرة غير شوية راح يتقطع الخيط
لكن الحقيقة الابر الموجودة حاليا بالسوق نوعيتها رديئة و ويتقطع معاها الخيط لذلك انا نستعمل الابر التي عرضتها شوية تساعدني
امر اخر فادني لتنظيف
انا مرات نستعمل المبيد تاع الحشرات نحي الكانيت ونرش منين الاسنان و الداخل
ينظف بصورة جيدة لكن احذري انه يكون التيار موصول مع الماكينة تعود تشعل النار في ماشينتك افصلي التيار و رشي المبيد و خليها ليوم كامل تنشف و تديري لها الزيت
خوذي النصائح السابقة وان شاء الله تتحسن
و ايضا راقبي الحرير من الفوق ربما مزير مما يجعله يتقطع

[ياسمين1990]

بارك الله فيك اختي مياسم على هذه النصائح المفيدة
ان شاء الله يارب
اني عارفة مشينتي زعفانة وتدلل عليا لاني انشغلت عنها
ان شاء الله نرضيها وترضى وترجع احسن من الاول ههههههه
مع العلم خدمت والاسنان هابطين

[ام مهدي 03]

السلام عليكم
رانى قلقانة حتى وليت نفور
والله الطرز صعيب بزاف :sdf:
جربت اليوم والله ماقدرت الحرير يتقطع وكى نحاول بزاف تتكسر الابر:confused:
وليت خليتو وعملت بالخيط العادى لكن النتائج كارثة
ما ضنيتش راح نقدرلو :mad:
http://www3.0zz0.com/2016/05/03/01/453911576.

http://www3.0zz0.com/2016/05/03/01/934536365.

[chouchou w]

السلام عليكم استاذة انا مشينتي محبتش لبرة تجبد الخيط تاع الكنات من تحت حرت تفتفلي فيها بني الصغير كفاه نعدلها ربي يحفظك وسمحيلي اذا حنقلقك

[مياسم الصمت]

السلام عليكم
رانى قلقانة حتى وليت نفور
والله الطرز صعيب بزاف :sdf:
جربت اليوم والله ماقدرت الحرير يتقطع وكى نحاول بزاف تتكسر الابر:confused:
وليت خليتو وعملت بالخيط العادى لكن النتائج كارثة
ما ضنيتش راح نقدرلو :mad:
http://www3.0zz0.com/2016/05/03/01/453911576.

http://www3.0zz0.com/2016/05/03/01/934536365.

وعليكم السلام ورحمة الله وبركاته
بالعقل برك ام مهدي
هذا هو حال الماشينات كامل
حتى انا تاعي مسميتها ماشينتي المجنونة:d
لما تعوج تعوج
ربما شوية مازالت جديدة وتحتاج لوقت لترويضها على الطرز وانت ايضا مازالك ما تتحكمي فيها
وصيتك من قبل لما تقلقي خليها حتى يتنحى لك الزعاف
الابر اكيد تتكسر مع اي ارتطام مفاجئء

[مياسم الصمت]

السلام عليكم استاذة انا مشينتي محبتش لبرة تجبد الخيط تاع الكنات من تحت حرت تفتفلي فيها بني الصغير كفاه نعدلها ربي يحفظك وسمحيلي اذا حنقلقك

وعليكم السلام ورحمة الله وبركاته
لازمك ديري حظر التجول امام ماشينتك وغطيها قبل ما تروحي حتى ما تلفت الانتباه
ودوري الجهة الامامية للحائط لما تكملي حتى يصعب الوصول اليها

ربما انت غيرت الابرة وما ركبتيها مليح

او ان المكوك ( الرحى كما نقولوا بالدارجة) تغير من مكانه
اذا كنت تعرفي تقدري تجبديه وتعاودي تركبيه
ماشينتي درك خبيتها مشغولة بالتصحيح لو صورت لك الطريقة مباشرة
اصبروا علي ايامات ونصور لكم طريقة فك وتركيب المكوك في حال انتزاعها او تحريكه من مكانه
لانه يحدث دائما مثل هذه الاشياء واكيد ما رايحة تاخذيها للاصلاح من اجل ذلك

[Merida]

السلام عليكم ورحمة الله و بركاته


وااااااو. شحاااال صعييييب الطرز
والله حشمت انحط تخربيشات انتاوعي وكيما قالت اختي ام مهدي ربي يحفظها ماضنيتنيش نفلح فيه الخيط كل شويا يتقطع وزيد ماشينتي ماعرفتش نريقليها مليح الخيط تاع البوبينه التحتانيه رَآه يخرجلي من الفوق المهم راني انعاني هههههه
حبيت أنقول للطرز انا وراك والزمن طويل ههههه:1:
ربي يقدرنا


ويقدرك علينا استاذة مياسم ههههههه

[مياسم الصمت]

السلام عليكم ورحمة الله و بركاته


وااااااو. شحاااال صعييييب الطرز
والله حشمت انحط تخربيشات انتاوعي وكيما قالت اختي ام مهدي ربي يحفظها ماضنيتنيش نفلح فيه الخيط كل شويا يتقطع وزيد ماشينتي ماعرفتش نريقليها مليح الخيط تاع البوبينه التحتانيه رَآه يخرجلي من الفوق المهم راني انعاني هههههه
حبيت أنقول للطرز انا وراك والزمن طويل ههههه:1:
ربي يقدرنا


ويقدرك علينا استاذة مياسم ههههههه


وعليكم السلام ورحمة الله وبركاته
أكيد كل البدايات صعبة
وان شاء الله تنجحوا ومع الوقت اكيد و الصبر و الممارسة
المهم ما تفشلوا وترفعوا الراية البيضاء
لانه اذا رفعتوها انا ايضا رايحة نستسلم:)
بالنسبة للخيط لما يخرج لك من تحت المشكل في القطعة هذيك اللي تتحط فيها الكانيت
كاين برغي صغير زيريه ودخلي الكانيت واجبدي الخيط رايحة تلاحظي انه تزير
وشوفي انت المناسب لك
وممكن تكون هي خاسرة ربما الصدأ دخلها و راح يخليها ترخف الخيط
ممكن تبدليها راهم غير يتباعوا بعشرة الاف اظن
انا شارية منهم 4 كامل كل مرة نقول راهي فسدت نشري واحدة (هواية )
واحدة فيهم خليتها للخياطة حتى ما نضطر نزير كل مرة

[سوريانا]

هذا تطبيقي لدرس الاول
ههههههههههه
فيلم خلعة
http://store2.djelfa.info/vb/2016-05/146235565415311.jpghttp://www.3rbz.com/uploads/1988815dbfaa1.jpg

[amel...]

مساء الخير عليكم ... ان شاء الله راكم لاباس و الصحة بخير

استاذتي اعتذر عن التاخير لكن كانو عندي ظروف شوية خاصة

المهم جربت غير شوية برك و غدوة نكمل تطبيق الدرس بكل خطواته و نحط تطبيقي باذن الله عز و جل

[ثلوج الشتاء]

السلام عليكم
هاذي محاولة أخرى للدرس الأول

http://up99.com/upfiles/jpg_files/yR279386.jpg

[غيداق]

السلام عليكم استاذة راني زدت جربت شوية صبح المشينة مكنتني هذي المرة الخيط اللي نطرز بيه يخرجلي تاني تحت القماش يعني ما مكانش الخيط نتاع الكانيت الظهر والقدام لون واحد ما فهمتش السبب

[فراشات العمر]

بلاغ في فائدة العائلات راهم التجار عندنا مايبيعوش لحرير غير مطلوب
واش ندير

[فراشات العمر]

http://i63.tinypic.com/2iswkki.jpg

http://i64.tinypic.com/i3ta4l.jpg

http://i65.tinypic.com/aeqyrl.jpg

http://i66.tinypic.com/2ptp4zr.jpg

http://i65.tinypic.com/33jjt48.jpg

http://i67.tinypic.com/2mgms68.jpg

http://i65.tinypic.com/2q18ccp.jpg

[amel...]

مساء الخير عليكم يا الشاطرات ان شاء الله راكم ملاح و الصحة بخير

يعطيكم الصحة على التطبيقات و انا هاهو تطبيقي .... معجبنيش بصح كاول محاولة مقبولة

http://www.up.djelfa.info/uploads/146255736993461.jpg (http://www.up.djelfa.info/)

http://www.up.djelfa.info/uploads/146255768818681.jpg (http://www.up.djelfa.info/)

استاذتي اعتذر على الاخير ... في انتظار تقيييمك

[فضيلة 22]

حبيت انضم معكم لورشة وتعلم هل تقبلوني معكم:dj_17:

[غيداق]

هذي محاولة اخرى بعد ما مكنتني مشينتي ارجو التقييم وربي يجازيك بكل الخير

http://www.up.djelfa.info/uploads/146282123473651.jpg (http://www.up.djelfa.info/)

[مياسم الصمت]

السلام عليكم ورحمة الله وبركاته
أعتذر عن التأخر في الرد عليكم
فترة نهاية السنة و ضغط التصحيح و الامتحانات
فأرجو تفهمكم
وان شاء الله سأكون عند حسن ظنكم
فقط الى ان يخف الضغط هي فرصة لتدريبكم على الزيقزاق الى ان ننتقل الى درس آخر
لي عودة للرد ان شاء الله

[مياسم الصمت]

هذا تطبيقي لدرس الاول
ههههههههههه
فيلم خلعة
http://store2.djelfa.info/vb/2016-05/146235565415311.jpghttp://www.3rbz.com/uploads/1988815dbfaa1.jpg



حقيقة مع البداية راكي ماعليك
التدوير على الورقة جبتيه
ينقصك الفيسطون في التدويرلازم تكتسبي اكثر مرونة في الحركة
مع الوقت تكون ان شاء الله



مساء الخير عليكم ... ان شاء الله راكم لاباس و الصحة بخير

استاذتي اعتذر عن التاخير لكن كانو عندي ظروف شوية خاصة

المهم جربت غير شوية برك و غدوة نكمل تطبيق الدرس بكل خطواته و نحط تطبيقي باذن الله عز و جل

ان شاء الله أمل
المهم يكون الاصرار و الاستمرارية


السلام عليكم
هاذي محاولة أخرى للدرس الأول

http://up99.com/upfiles/jpg_files/yR279386.jpg


يعطيك الصحة
فقط مرات يكون هناك فراغات
حاولي تجنبيها بابطاء حركة اليد او تسريع حركة الماشينة
المهم لازم يكون تناسق بين الحركتين وتحافظي على هذا الانسجام اثناء الطرز

السلام عليكم استاذة راني زدت جربت شوية صبح المشينة مكنتني هذي المرة الخيط اللي نطرز بيه يخرجلي تاني تحت القماش يعني ما مكانش الخيط نتاع الكانيت الظهر والقدام لون واحد ما فهمتش السبب

وعليكم السلام ورحمة الله وبركاته
فهمتك غيداق
هنا لازمك تزيري شوية لاتونسيون من الفوق و ترخفي من تحت
لانك لما زيرتي من تحت زيرتي بزاف
علابيها جبدت لك الحرير اللي تطرزي به


بلاغ في فائدة العائلات راهم التجار عندنا مايبيعوش لحرير غير مطلوب
واش ندير


أواه هنا يا فراشتي فشلتيني:)
ما عليه تعلمي بالخيط حتى يفرج ربي
ما فهمت كيف مطلوب اصلا اذا كان هذا النوع من الطرز مشهور ببعض المناطق فقط
هناك طرز الميكرو شائع ويستعملوا فيه الحرير
المهم كملي بالخيط حتى ممكن تلقيه او توصي عليه


مساء الخير عليكم يا الشاطرات ان شاء الله راكم ملاح و الصحة بخير

يعطيكم الصحة على التطبيقات و انا هاهو تطبيقي .... معجبنيش بصح كاول محاولة مقبولة

http://www.up.djelfa.info/uploads/146255736993461.jpg (http://www.up.djelfa.info/)

http://www.up.djelfa.info/uploads/146255768818681.jpg (http://www.up.djelfa.info/)

استاذتي اعتذر على الاخير ... في انتظار تقيييمك


يعطيك الصحة
مقبولة ومقبولة جدا:mh31:
فقط تمرني اكثر حتى تمشي يدك
لانه اللي جاي اصعب:sdf:

حبيت انضم معكم لورشة وتعلم هل تقبلوني معكم:dj_17:


سأبعث لك بالفيديو و اسجل اسمك
على ان يكون تطبيقك لاحقا ان شاء الله حتى تكملي معنا بقية الدروس



هذي محاولة اخرى بعد ما مكنتني مشينتي ارجو التقييم وربي يجازيك بكل الخير

http://www.up.djelfa.info/uploads/146282123473651.jpg (http://www.up.djelfa.info/)


بارك الله فيك

ينقصك فقط كما قلت من قبل
القدرة على التدوير
الورقة مليحة
فقط الوردة لانه فيها انحناءات متتالية و قصيرة المسافة بين كل انحناء جاتك صعبة
علابيها حطيت لكم الورقة كأول تطبيق
لاني اعلم انه الوردة صعبة شوية

[مياسم الصمت]

السلام عليكم ورحمة الله وبركاته
بارك الله فيكم اخواتي على الاصرار
فقط الامر يلزمه تدريب وان شاء الله تتقنوا الطرز بالماكنة
ملحوظة ولا ادري ان كانت صحيحة
لا ادري هل الصور مكبرة لذلك يبدو لي حجم الطرز كبير ام انه انتم فعلا مكبرين غرزة التطريز
لانه تعريض الغرزة لازم يكون متناسق مع الرسم المختار
حاولوا ما توضعوا الزيزقزاق في العرض الاخير ممكن يكون اكثر تنسيق

بالنسبة للأخوات اللواتي سجلن اسماءهن ولم يقدمن تطبيقاتهن
فلن يتمكن من المواصلة في حال عدم وضعن تطبيقاتهن
وسننتقل ان شاء الله الى الدروس الموالية بعد تمكنكن من الدرس الاول

[*ام فتحي*]

مشكـــــــــــــــــــــــــــــــــــــــــــــــ ـــــورة
لو سمحت ماكيش تخدمي بالبدال
راني حابة نشري ماكنة سنجر السوداء واش رايك لان مكنتي خدمت في الحرب العالمية الاولي

[*جزائرية مسلمة*]

السلام عليكم
مكنتش حاسبة بلي طرز صعيب
على كل حال
هذا تطبيقي ...صراحة معجبنيش

http://d.top4top.net/p_130my421.jpg

http://c.top4top.net/p_130jmld0.jpg

[فراشات العمر]

السلام عليكم
http://www.up.djelfa.info/uploads/146296032869751.png

http://www.up.djelfa.info/uploads/146296032890912.png

http://www.up.djelfa.info/uploads/146296032908773.png
هذي لي خلاصتلي الكبة

[polyma]

مساء الخير عليكم ...

اعتذر عن التاخير كانو عندي ظروف
http://up.1sw1r.com/upfiles2/npw82592.jpg (http://up.1sw1r.com/) مركز تحميل الصور (http://up.1sw1r.com)
معجبنيش

[amel...]

مساء الخير عليكم .... راكم ما شاء الله عليكم

ان شاء الله يبقى الاصرار دائما و نواصلو الى الامام

[غيداق]

السلام عليكم استاذة شوفيلي هذي المحاولة وراني عندي مشكل كل شوية يتقطع الخيط هل هذا عادي وسؤال الاخر الله يحفظك الرجل نتاع المشينة عندها تاني ريقلاج او لا يعني هي تاني تتحكم في حركة الابرة والخيط اولا ربي يجازيك بالخير

http://www.up.djelfa.info/uploads/14629872740641.jpg (http://www.up.djelfa.info/)

[حمدية حرة]

حبيت انضم معكم لورشة وتعلم

[ياسمين1990]

السلام عليكم ورحمة الله وبركاته
هذه محاولة اخرى لكن مازال عندي مشكلة في توازن خيط الحرير كل مرة يتقطع
اما مزير بزاف او مرخوف يتشبك من تحت
اذا ممكن توضحيلنا الكبة الكبيرة كيف نركبوها بحيث يكون الخيط متوازن
هنا استعملت خيط الخياطة حتى نعود يدي على الحركة ومن بعد ننتقل لخيط الحرير
http://i.imgsafe.org/b33f559.jpg

[Merida]

اختي ياسمين بارك الله فيك عملك متقن أنا والله حشمت انحط تخربيشاتي ههه

[أم وئام]

ماشاء الله اختي
انا عندي سانجير و اجيد الطرز فيها
و امنيتي اشتري ماكينة من النوع الكبير و اتعلم فيها

[مياسم الصمت]

السلام عليكم ورحمة الله وبركاته

عذرا أخواتي انشغلت عنكن خلال فترة الامتحانات و عبء التصحيح

سأرد عليكن لاحقا ان شاء الله
وقريبا بحول الله ستكون انطلاقة الدرس الثاني
راح ننطلق مباشرة في التعمار
الهمة يا بنات:mh31:

[ياسمين1990]

السلام عليكم
ان شاء الله تكوني بخير مياسيم ربي يعينك وكل الاخوات
نحن في انتظار الدرس الثاني بالتوفيق للجميع

[مياسم الصمت]

السلام عليكم ورحمة الله وبركاته

رمضان مبارك وكل عام وانتم بخير
كما وعدتكن أخواتي اليكن
❀ورشة تعلم الطرز ❀ الدرس الثاني 彡 (http://www.djelfa.info/vb/showthread.php?t=1961080)




بالنسبة للدرس الاول تطبيقات الاخوات لا بأس بها عموما تحتاج فقط للتدريب و الممارسة ومع الوقت تتحسن



فقط ملاحظة لما تلقي اخيط خرج من فوق لازمك ترخفي الكانيت

و العكس لما يتقطع الحرير او يكون مزير بزاف
هنا لازم ترخفي شد الخيط من الفوق

نرجو المتابعة من رابط الموضوع الثاني
وبالتوفيق لكن

[polyma]

صباح الخير شكرا أختي أنا خدمتي مرخيا بزاف مجتنيش لسقة

[polyma]

مساء الخير عليكم ...

اعتذر عن التاخير كانو عندي ظروف
http://up.1sw1r.com/upfiles2/npw82592.jpg (http://up.1sw1r.com/) مركز تحميل الصور (http://up.1sw1r.com)
معجبنيش

مقتيليش نكمال هاك :mad:

[مياسم الصمت]

حاولي فقط انك تقربي بين الزيزقزاق

وايضا ارخفى من الحرير و زيري الخيط من تحت لانه ظاهر من فوق
بالتوفيق لك

[غيداق]

http://www.up.djelfa.info/uploads/14658101149231.jpg (http://www.up.djelfa.info/)
محاولتي في الدرس الثاني وصح رمضانكم

[ملكةزوجي]

خسارة لحقت متاخرة