المساعد الشخصي الرقمي

مشاهدة النسخة كاملة : راني مقلقة وحايرة دخلوا يلا تبغو ربي

samalg
2016-04-23, 15:47
السلام عليكم
يا له من عام
راني حاسة بالفشل
رانا متاخرين في المواد العلمية بزاف ومانيش نقدر نحفظ سيرتو التاريخ والجغرافيا
قولو لي شا كاين هاذ العام جا عجيب غريب
حنا الرياضيات مازال ما كملناش التكامل والفيزياء هاذا وين دخلنا فالاسترة اسبوعين ما قريناش الفيزياء لانو تلميذ من عندنا ضرب الاستاذ نتعنا لي عندو خمسة وعشرين سنة خدمة ومادارو لو والو والعلوم رانا نعجبو الاستاذة قاعدة غي تملي علينا فالجيولوجيا
يلا تبغو ربي قولو لي نتوما كيراكم ديرو تقراو وكيراكم منظمين وقتكم انا ماقدرتش راني نظل نسهر حتى منتصف الليل بصح الصباح نعيا ونجي عيانة مالقراية والحفظة ما بغات تدخل في راسي والامتحان التجريبي بقا لو غي اسبوعين
صايي كرهت
toulay
2016-04-23, 16:01
وعليكم السلام ورحمة الله تعالى وبركاته
بلعقل برك يا اختي او كل شيء يفوت متقلقش برك لانو تفشل وحاول ترقد بكري باش تريح مخك ونوض الصباح بكري باش تقدر تحفظ لانو راسك راح يكون فارغ
هنا فالجلفة الله يبارك راهم كاين صفحات تاع المراجعة تاع العلوم والفيزياء تبعهم برك ومتخافش
حاول تنظم وقتك ومتبقاش غير تخلط من مادة لمادة
احكم مادة راجعها وكملها وبعدها قفز لمادة خلاف
تاني حل البكالوريات السابقة باش تدي فكرة
ربي ينجحك ان شاء الله
~أميرة أميري~
2016-04-23, 16:07
واش تقولي علينا لي رانا احرار وكاين لي مزال اصلا مابداش المراجعة
ماتتقلقيش كلش يجوووز والاسترة يدخل فيها حاجة قليلة في الباك وجيولوجيا اصلا ماطيحش في الباك على ديك راهي غير تملي عليكم
بالتوفيق
samalg
2016-04-23, 20:44
شكرا على المرور
ربي ينجحنا اجمعين
ahlem 05
2016-04-23, 20:56
اختي سيتم غلق الموضوع لانه مش بالفصحى حاولي تعدلييييه
وبخصوص المراجعة متخافيش كاين وقت ابخصوص الرياضيات التكامل والدروس لخرين ساهلين المهم تبداي دوك تحلي في المواضيع وعلى الاسترة حنا ثاني رانا فيهاااااااا وعادي استاذنا عندو خبرة وقالنا نورمااااال نكملو ونراجعووووو ولعلووم اعرفي برك كيفاش تقرايها مواد الحفظ خصصي وقت ولازم كل يوووووووم تحفظي منهاااا ربي يوفقك
سلام
aicha78
2016-04-23, 20:59
ختي
اولا اهداااااي و استغفري و شهدي و صلي ركعتين و اشكي لربي كل همومك
ثانيا
بلاكي تستسلمي او يطيحلك المورال
ثقي في ربي لعزيز
ربي حنين كريم و ادعيه مش راح يخيبك
الثقة في الله يعني يكون عندك يقين تام بلي كلش بيدو سبحانو و بلي لمكتوب هو لي راح يصرا
اكل يطحلنا المورال ساعات لكن لازم نحاربو باه نوصلو
متخليش اي فكرة سلبية تسيطر عليك
ختي
كثري من الاستغفار
قومي اليل و ادعي
اشكي لربي كل همومك
اقراي بلعقل و ريحي جسمك
كي تلقاي روحك عيانة ادي راحة و اتفرجي
لباكمش معناها عزلة عن الدنيا
عادي ريحي طلعي لمورال لروحك
قولي انا واثقة في ربي لعزيز بلي راح نلحق و ننجح و نفرح
القلقة بعدي عليها حتى تقولي مش بيدك تتقلقي
كي تتقلقي ابداي استغفري بزاااف توضاي صلي اشكي لربي و راح تريحي
ديما ديري قران في بورطابلك وديما اسمعي
ديما اقراي الاذكار
و بربي راح تكوني نشيطة تقراي بكل قوة و فرح وثقة في الله بلي راح تنجحي
الله ينجحك
ربي حنين كريم و يحبنا
اكتبي في ورقة و خليها قدامك
الاذكار الاستغفار 1000 مرة قران باه تتفكري
الله معانا و راح ينجحنا تاكدي
samalg
2016-04-24, 19:07
شكرا جزيييييييييييييييييييييييييييييييييييييلا لكم