تسجيل الدخول

مشاهدة النسخة كاملة : ما سر المرقة الخاثرة

dina.
2016-04-20, 17:11
السلام عليكم يا الحراير
اليوم حبيت نسقسيكم حاجة ديما محيرتني وهي كيفاه تخثرو المرقة نتاعكم
كل واحدة عندها سر كاين لي تدير الفرينة بصح انا منحبهاش
Oum Habouba
2016-04-20, 17:24
السلام عليكم اختي السر نتاعي انو نرابي البصل ماشي نقطعه رقيق لالا او اطحنيه بالروبو
وتاني رابي طماطم نتاع الحبة
وتاني ادا حابة تديري البطاطا البيضا قليها مع الاول مع الخضر هي تدوب وتثقل المرقة
المهم السر الاساسي هي البصلة المرابية ولازم تقليها مليح مثلا ديري حبة كبيرة بالاضافة للخضر اللي دكرتها سابقا
بالتوفيق اختي
زهرة الروابي
2016-04-20, 17:51
مع لا باليش
dina.
2016-04-21, 11:24
مع لا باليش
معليش ختي المهم رديتي شكرا
mimi souma
2016-04-22, 08:57
البصلة انا نقطعها كبيرة بزاف البصلة الوحدة على ستة خاطر البنة ديالها كي تكون كبيرة من بعد نرحيها مع الخضرة كي تكمل طيابها
اما السر انا تبانلي كي ماتكثريش الما يعني كي نقطع بصلة وحدة ندير نص ليترا كي نقطع زوج ندير ليترا ما لازم تكون على نار متوسطة باش تطيب مليح وماتستهلكش الما بزاف
دانية لينة
2016-04-22, 13:17
كي تمرقي تكثريش الماء
جوهرة الغرب.
2016-04-22, 13:39
السر نتاعي الطماطم حب مرابية وماتكثريش الما واذا كثرتي خليها تشرب مليح مليح
احلام دنيا
2016-04-23, 16:49
اوا البصل لازم تكون كمية معتبرة وكي تقللي ماتمرقيش بما بزاف واذا حمرة تثقليها بالطماطم المعجونة واذا بيضا وحبيتيها خاثرة ضيفي ملعقة فرينة نشاء الله نكون فدتك
loulou aya
2016-04-23, 23:22
الفرينةةةةةة
karima4002
2016-04-24, 09:33
شكرا جزيلا
om wafaa
2016-04-25, 10:20
متكثريش الماء
sira1993
2016-04-26, 19:04
اختي على حساب الكمية اللي تطيبي فيها يعني ادا راكي تطيبي لعباد بزاف اوبليجي عليك تزيدي البصل والطماطم هادي من جهة
وكي تمرفي ماتكثريش الما وحطي بطاطا فالقلي
lilii7179
2016-04-28, 12:30
البصل هو السر كيما قالو الاخوات من قبل . ديري كمية مليحة و خذي الوقت باش تقليها مليح . انا البصل ما نرابيهش نقطعو و نقليه مليح و من بعد نميكسي المرقة و نصفيها صدقيني تجي خاثرة و بنينة . كاينة عفسة نديرها كي نطيب شربة فارميسال بيضاء (جاي بيض كيما نسميوه في الشرق) و هي اني نقلي مع البصل حبة بطاطا صغيرة مقطعة مكعبات, كي تتقلى راهي تذوب و نميكسي و نصفي تجي الشربة عاقدة ماشي ماء و زغاريت ههههه. الطماطم ثاني تلعب دور في المرقة الحمراء. بالتوفيق
lanou
2016-04-29, 13:38
على حساب واش نعرف انا ما تكتريش الما واذا شفتيها ما خثارتش نحي صفارة الكوكوط وحطي المغلاق بلا ما تغلقيه وخليها تغلي واحد 10 دقايق دوك تخثار وممكن تكون المدة اقل على حساب كمية المرقة اللي عندك
ام احمد و ميسم
2016-05-04, 22:25
السلام عليكم اختي انا سري هو اني دايما نحط حبة زرودية و حبة جريوات في لمرقة الحمراء مع البصل طبعا ونميكس الكل تجي خااااثرة لانه زوجي مايحبش المرقة الخفيفة
جلالي بلخير
2016-05-06, 17:26
في المرقة البيضاء ديري الكركم والمرقة الحمرة الطماطم اتمنى ان اكون قد افدتك
الماسة النادرة
2016-05-06, 17:36
ماتمرقيش بزااف
جزائرية31
2016-05-08, 18:36
شكرا على النصائح القيمة