ادعولي

[مشكلتي]

السلام عليكم ان شاب
حابكم تدعولي ربي ينجحني فى الباك
خاصة كي زوجة بابا ماهيش حبتني ندي الباك قالتلى فات الحال ما تديرش مراجعة
ولاه مدرتش من اول وانت ماكش قد المسؤولية لاه رايح تعود فى البك فى الاول ما حبتش كى درت نعود الباك احرار قالتى اقعد فى دار عاون باباك وابنها لا لا ابنها يقرى فى الجامعة و يظل يدور
حتى ووليدها قالي كيفاه صعلوك كى انت تدي الباك لاه ما تبطلش وتنحي تخمم تاع البك اك مرضت بيه
وغير يشوفنى نقرى يعيطلي ارواح نتعاونو نعونو بابا مسكين فى الخدمة يديرلي سبا باه نحبس من لقرايا ويلتنى

يدير لي لجاست باه نغضب ونخرج برا وما نقراش قولولي انا شعبة رياضيات نقدر نلحق وكاش نصائح على كيفية المراجعة

ملاحظة
ابي يعمل محاسب
يقولي كاش واحد منكم عون بابك مسكين والا
واش نعاون فيه انا ما نعرفش لمحاسبة يدرولي في سبا نروح نقعد فى الحانوت برك

[سماح 2]

وي , بالارادة تصنع المعجزات ,, اتعب شوية بقــى شهر تنجح فـآسيلمون ,, ربي يوفقكْ

[أمل94]

انشاءالله ربي ينجحك أخي لاشيئ مستحيل في الحياة ثق في الله وفي نفسك وستنجح بإذن الله...فالوقت لم يمر ويمكنك استدراك المواد بالمراجعة والتمرن علا حل التمارين ...فكر في صحتك ودراستك وابعد عن ذهنك الامور العائلية......وفقك الله

[Golden Princess]

كل شيء ممكن ادرس و دع الباقي على الله

[mounyabiskra]

ربي ينجحك ان شاء الله، مافاتش الوقت زير روحك هذ الشهر كلشي بالارادة و ما تخلي حتى واحد يحطملك احلامك،

[ahlem 05]

ربي ينجحك خويااا وتدي لباااك بلمعدل لي باغيه شوبة ارادة برك وتدييه كيما تحب ومكرة برك فيهم دييير قلب بش تثبت رووحك وربي يوفقك ان شاء الله قسم وقتك اكبر وقت بمواد علمية وقت لمواد الحفظ ولا تهمل اللغااات ومازااال شهر كامل وزييد 9 اياام من فووق يعني ترااجع وتزييييد متفشلش برك صلي وادعي والغضب تاعك فوتي في القراااان وان شاء الله ترجع مرة اخرى تبشرنا بمعدل نجاحك في الباااك
سلام

[om_nour]

سُبْحَانَ اللَّهِ وَبِحَمْدِهِ، وَلاَ قُوَّةَ إِلاَّ بِاللَّهِ.

مَا شَاءَ اللَّهُ كانَ، وَمَا لَمْ يَشَأْ لَمْ يَكُنْ، أَعْلَمُ أَنَّ اللَّه عَلَى كُلِّ شَيءٍ قَدِيرٌ وَأَنَّ اللَّه قَدْ أَحَاطَ بِكُلِّ شَيءٍ عِلْماً. أَصْبَحْنَا عَلَى فِطْرَةِ الإِسْلاَمِ،


وَ


كَلِمَةِ الإِخْلاَصِ، وَدِينِ نَبِيِّنَا مُحَمَّدٍ صَلَّى الله عَلَيْهِ وَسَلَّمَ، وَعَلَى مِلَّةِ أَبِينَا إِبْرَاهِيمَ حَنِيفاً مُسْلِماً وَمَا كَانَ مِنَ المُشْرِكِينَ.

أَصْبَحْنَا وَأَصْبَحَ المُلْكُ لِلَّهِ وَالحمْدُ لِلَّهِ، لاَ إِلهَ إِلاَّ اللَّهُ وَحْدَهُ لاَ شَرِيكَ لَهُ، لَهُ المُلْكُ وَلَهُ الْحَمْدُ وَهُوَ عَلَى كُلِّ شَيءٍ قَدِيرٌ

[aminazy]

السلام عليكم
ربي يوفقك وينجحك ........ربي يسهل .....ما تنساش ردلنا بالخبر

[طيور الجنان]

اخي الفاضل مازال عندك الوقت باه تقرا المهم تكون عندك الارادة ثم الارادة لازم تثبت روحك لازم تنجح لازم تكون من الفرحين في نهاية العام وهذا باه تتهنى و ترتاح نصيحتي ادي كراريسك عند باباك و روح تقرا في المكتب تاعو ولا في المسجد ماتفشلش و انسا اي هم يلقاك حط حاجة وحدة في بالك النجاح ثم النجاح ثم النجاح و ادعي ربي يسهلك و يشرحلك صدرك.
فيما يخص الحفظ اجعل وقت الصباح الباكر من الفجر للحفظ فقط فذهنك سيكون مرتاح تستطيع الحفظ.
واجعل بقية اليوم في دراسة المواد الاخرى.
اما الليل فاجعله لحل بعض الحوليات و لا تسهر كثيرا حاول النوم باكرا حتى تستطيع النهوض باكرا و باذن الله ستنجح بالتوفيق.

[ام رضوان]

السلام عليكم
ربي ينجحك ويكون في عونك ويبارك لك في مادرست وينولك مرادك اميييييييين
وليدي دير القلب وراه مزال الحال كي تعود عندك ارادة قوية راك تروح بعيد
اقرا واسهر ودير المستحيل باه تنجح
علاه لقرايا بالوجوه قلهم حتى انا حاب ننجح وندير مستقبل لعمري
الجا لربي سبحانو وادعيه يسهل امرك
يااااااارب يا حنان يامنان وفق عبدك لما هومقدم عليه وبارك له في وقته وفي علمه وسهل امره سهولة جريان الماء انك انت القوي المتعال اميييييييين

[الطيب الجزائري34]

الهدف من الحياة أن تحيا لهدف. . . يجب أن تثق بنفسك وإذا لم تثق بنفسك فمن ذا الذي سيثق بك.
ان استحال عليك الدراسة في البيت فاستعن باصدقائك و ادرس في المسجد و المكتبة .. واصل المراجعة دون توقف .
بالتوفيق اخي العزيز نتمنى لك النجاح في الدنيا و الاخرة,

[*جزائرية مسلمة*]

السلام عليكم ورحمة الله وبركاته
شوف يا بني اجعل ثقتك بالله ولا تيأس
راجع دروسك ونظم وقتك ..صلي صلاتك في وقتها فهي مفتاح كل خير
ربي ينجحك دنيا وآخرة ان شاء الله

[marauder]

هناك متسع من الوقت اليك خطتي التي اعتمدت عليها و الحمد لله ديت bac avec mention خرجت عليا
توكل على الله وديماري يكفيك الوقت غي متفشلش
.1-قم بطباعة ملخصات كل مادة من موقع غزوري
2/في الصباح حفظ المواد الادبية (علوم اسلامية اعتمدت على ملخص في النت اجتماعيات مطويات كليك)
3/اظن انه لك فكرة عامة عن جميع الدروس لذا قد حان وقت احوليات وفقط الفيزاء ورياضيات يوميا و حل الموضوع كاملا كانك في امتحان 4/خصص 1سا لكل موضوع مادة ادبية
بالتوفيق و ان شاء الله النجاح الباهر

[هدآية]

السلام عليكم
اخي المعجزات تصنع من قلب المعاناة
اجعل من وضعك هاذا حافزا لنجاحك
لتثبت لهم العكس
تحل ببعض الارادة و شد همتك
و ربي معاك
موفق اخي