تسجيل الدخول

مشاهدة النسخة كاملة : البحث عن زوجة

مشكلتي
2016-04-19, 18:28
اخواني السلام عليكم .
Dans le vif de sujet... تقدمت الان لاكثر من 5 بنات و لا وحدة قبلت بي . اي بنت تعجبني من حيث الهندام و المظهر و التصرفات اتكلم معها مباشرة عن الزواج . وكل واحدة كيف يكون ردة فعلها 2 مخطوبات و 3 يحبذن اكمال الدراسة . هذا الامر كرهني و البحث من وحدة الى اخرى اتعبني. صديقي قال لي حاول ان تستميل اي بنت لكي ترتاح لك ثم صارحها بالموضوع . و انا ضد هذه الفكرة .. انا ادخل مباشرة في الموضوع فيها مكتوب او لا بدون مقدمات.
محمد1482
2016-04-19, 20:33
غير 5 تعبت الرجال لحقو ل 20 مرة زيد حوس و استخير و ما تتقلقش على مكتوبك
مناد بوفلجة
2016-04-19, 20:36
كاين بنات ماكثات في البيوت و لا يظهرون للعامة ،
سقسي ناس كبار في من تثق فيهم يدلوك ، و ربي يوفقك
" أمة الله فاطمة "
2016-04-19, 20:42
السلام عليكم ورحمة الله وبركاته

الانسان لما يفكر في فتاة ما شريكة له فانه اكيد سيسأل عن اخلاقها وإن كانت مخطوبة ام لا ، تدرس ام ماكثة وو وو.....وو
فعندما تقدم على خطبتها ارسل اختك او امك تتكلم معها او تذهب الى بيتها... فان تم التفاهم اوليا فاللهم بارك وان كان العكس فالخير في مااختاره الله


ولا تأخذ بنصيحة صديقك ، ايرضاها لاخته ؟؟

****
ونصيحتي هي قبل الاقدام على فكرة الزواج اسأل واسأل واسأل ...وان رضيت بها زوجة اتي البيوت من ابوابها ... ولا تسلك الطرق الشائكة

رزقك الله الزوجة الصالحة وكل الشباب المسلمين
سعيد رحال
2016-04-19, 20:43
ربي يسهلك إن شاء اله
سوريانا
2016-04-19, 20:48
اخي الزواج من القدر المكتوب في لوح محفوظ في وقت لا نستطيع تاخيره او تقديمه
ولكن هذا لا يعني ان نترك الاسباب و البحث عن السؤال والاستخارة و غيرها من الاسباب بل ان الاخذ بالاسباب من اعضم الامور للايمان بالقدر
اخي انصحك بالدعاء لا يرد القدر الا بالدعاء .....
ان شاء الله يرزق الزوجة الصالحة
أمل94
2016-04-19, 21:33
أنا رأي مثلما قال الاخ قلم الرصاص
mohamed riadd
2016-04-19, 21:42
حبيبنا 05 راك شويا .... زيد حوس وثقل واختار ... الوقت معاك

أنا كنت خاطب وتخلات عليا بدون سبب .... رجعت لنقطة الصفر
محمد جديدي التبسي
2016-04-19, 21:46
وعليكم السلام ورحمة الله وبركاته
هذه ليست طريقة جيدة أخي اذ لابد ان تسأل عن الفتاة وتعرف أهلها وأخلاقهم فالزواج يكون بين عائلتين وليس شخصين وحسب..
جميل هو طلبك للحلال مباشرة لكن انت تغامر وقد تسقط على رأسك مع كثرة النفاق والمظهريات الجوفاء ... ربي يفتح عليك
الماسة النادرة
2016-04-19, 21:50
الطريقة ان تسال عن الفتاة وعن اخلاقها ومن ثم افتح الموضوع
ابو ارسلان
2016-04-20, 01:55
هاذو الخمسة انت راك تقول تحدثت معاهم مباشرة...يعني خطبتهم في الطريق و الا رانا غالطين ..الرجاء توضح لنا.
لانه اولا تؤتى البيوت من ابوابها
وثانيا راك تتحدث على الهندام.. la base هي الاخلاق و الدين و من بعد تشوف للمظهر و الهندام.
لكان حاب صح تزوج ابحث في عمق البيوت و ليس لي في الطرقات..
كثير من البنات والله لا تتخيل الجمال و الدين و اصلا لانهن حرائر و بنات فاميليا ما يخرجوش حاكمين البيت ينتظروا في المكتوب
هاذوك هما النسا تاع الصح و لي يعيش معاهم الواحد الحياة ليكان يتمناها
لمسة ابداع
2016-04-20, 18:39
ربي يسرلك امورك اخي و يرزقك زوجة صالحة عاجلااااااااااااااااااااااااااا
فاتي تيارت
2016-04-21, 10:12
قلو ناس بكرى زواج ليلة تدبيرته فى عام
صفيان 11
2016-04-21, 14:31
يا و اخطيك من بنات تع الزنقة و الله يا خو تلقاهم قاع عندهوم واحد ال ماشي مخطوبة يعني بي الفهمة تاعهوم عندها و احد ولا رام حاطو اليد الرجل الهدرة راني نكمل في القرية اعرف غير رام اوكيبي مع عشاقهم اخطيك خو (مي خو لو كان جا عندك الفاني اقسم بي الله غير ديها عينك مغمضين عن تجربة الا الحرة لي ارفع لها القبعة) الموفيد سقسي الامام صحابك امك يباعتوك عند اناس طيبين و صلي الاستخارة
somis
2016-04-25, 01:47
ربي يسرلك في أمرك يا خويا وماتتقلقش كل شي بالمكتوب
أم محمد و عبد الله
2016-04-25, 11:45
السلام عليكم
اسال في بيوت الله هناك فتيات كثيرات ماكثات في البيت يقصدن بيوت الله بكثرة
اسال الله ان يرزقك الزوجة الصالحة
michaella
2016-04-25, 18:52
السلام عليكم ورحمة الله وبركاته

الانسان لما يفكر في فتاة ما شريكة له فانه اكيد سيسأل عن اخلاقها وإن كانت مخطوبة ام لا ، تدرس ام ماكثة وو وو.....وو
فعندما تقدم على خطبتها ارسل اختك او امك تتكلم معها او تذهب الى بيتها... فان تم التفاهم اوليا فاللهم بارك وان كان العكس فالخير في مااختاره الله


ولا تأخذ بنصيحة صديقك ، ايرضاها لاخته ؟؟

****
ونصيحتي هي قبل الاقدام على فكرة الزواج اسأل واسأل واسأل ...وان رضيت بها زوجة اتي البيوت من ابوابها ... ولا تسلك الطرق الشائكة

رزقك الله الزوجة الصالحة وكل الشباب المسلمين

لدي نفس الرأي ، و الله الموفق
نسيم الريح ش
2016-04-25, 21:34
الناس شافو ميات باب وميات بلاصة من كل الجزائر وما كرهوش ونت بلخف كرهت .بالسياسة وحوس على بنت حلال ما تتقلقش
MAHA26
2016-04-26, 14:16
السلام عليكم ورحمة الله وبركاته
حاب تزوج حدد مواصفات زوجتك و على هذا الأساس إبحث إذا عندك يماك وإلا أختك و إلا صديق قلهم واش راك حاب وهوما يعاونوك مافيها والو خمسة غيرك عشرين و مزال و بالنسبة إنك تجبد الطفلة ليك راهي غالطة تفكير صاحبك غالط أنت صحيح
thorpe
2016-04-26, 16:35
نصيحة حاول تشوف من خارج البلاد واذا كنت جاد حاول التواصل بي على الخاص رايح نعطيك بعض الحلول جربها
تاع بلادنا يحبو يعيشو قصص تركية
شاتيا اللبن ومخبيا الطاس
ماذابيها ترفض فالخطرة الاولى وتبقا تسويفي فيك من بعيد باه تعاود تجيها (( عابثات ))
لمهم راني قتلك حاول البحث خارج الوطن
واذا ما قدرتش كيفاه اقصد بلاد لقبايل ما تندمش
سينو اذا جابتك خرجة لتونس روح وردلي بالخبر
الجمال والحسن والهندام وحلاوة اللسان بصح شوي بعاد على الدين مي فيهم خير والله العظيم

ربي يوفقك لكل ما يحب ويرضا