مشكلة

[مشكلتي]

انا عندي هاتف نقال وعمري ولا نهدر بيه الا اذا كانت هناك حاجة ضرورية وتم تم نكوبي
دايراتو رافاي باش نوض صباح ولا نسمع كاش حاجة فيه
مشكلتي محملش هذاك التكسار تاع الراس والتوتويت والهدرة بزاف
ختي تتوحشني وتلومني تقلي علاه متساليش عليا ختي متزوجة فلجنوب وعندي فيسبوكها ومنهدرش معاها الا في حاجة تهمني انايا وكي نهدر فالهاتف نعيا ونمللل ونقلهم الكسرونة تاع الحليب فاضت كوبي من بعد نولي بصح فلحقيقة نكوبي ومنوليش
انا هكا عقليتي نهدر مع نفسي في صمت ونتامل الناس ومنحبش نهدر نتعب ونكره ونمل ملهدرة ونظال ساكتة والسكات نصيب فيه راحتي
واذا غلطو وهدروني بالسيف وخلطولي فلخيوطة نكلب ونبدا ناكل ونعض
لاخاطر انا هكا الله غالب طبيعتي كالم ومنخلطش بصح هوما بلعاني يحبو ينبشو علموتى
على الموتى ويهدروهم
مخلاونيش ترونكيل
ماذا افعل
:mad:

[إنسانة بسيطة]

ونقلهم الكسرونة تاع الحليب فاضت كوبي من بعد نولي
(( هايلة هاذي ))
متكونيش انانية وتكلمي اختك في صلاحك برك
اما مشكلتك حسيتها كوميديا بعبارتك اكثر ماهي مشكلة مقلقاتك

[أمل94]

ههههههههههههههه

[سماح 2]

مــآ لقيتش المشكلْ وينو ,,
كل وحد وشخصيتو واش يحب لكان انتي تحبي واحد لا يسقسي عليك اجبدي روحك وديري البورطال اوغ ليني :p وهكــآ تحل المشكل ’

[طيور الجنان]

مافهمتش المشكل كل واحد و طبيعتو كاين اللي يحب يهدر و كاين اللي قليل هدرة.نحي البورتابل خلاص و تهناي واذا على الرافاي ديري الساعة رافاي و ريحي راسك.

[ايمان4]

تتمسخري بينا؟ و هل هذا مشكل اصلا ؟

[صبرا13]

تتمسخري بينا؟ و هل هذا مشكل اصلا ؟
نعم هذا مشكل، الافتقاد للمهارات الاجتماعية لمسايرة الناس مشكل، و قد تجد ان السائلة ليست المفضلة عندي المحيطين بها، خلاصة القول بما ان صاحبة الطرح قالت أنا كالم و نترجم هنا انها تفضل العزلة فلا يوجد مشكل في هذا، المشكل الحقيقي انك نفعية في علاقاتك مع الناس و تسخطين عندما يكونون كذلك معك، و علاقات الرحم تتطلب نوع من الصبر، اذا كانت كل هذه المكالمات تخرجك بعيد عن مجال الراحة لديك، يجب إيجاد حل وسط، تحذفي الفايسبوك و تحطي التلفون على الكاتم و تقولين بصراحة ان الواجبات اكثر من الأوقات و هذا لا يفسد في الود قضية اما الكذب و الطرق الملتوية فهي من تخرج الناس من حبال الصبر.
انت لست انسانة سيئة، و لك الحق بان تكوني مختلفة على الآخرين، و لكن انصحك ان تبحثي عن مهارات تعبرين بها عن نفسك قبل ان تصلي للانفجار و تظهرين نفسك كانك كائن نزل من المريخ.

[samir40]

أنا كذلك نفس شيء قليل الكلام مع الأخرين و لكن حاول أن تتأقلم مع ذلك

[om_nour]

سُبْحَانَ اللَّهِ وَبِحَمْدِهِ، وَلاَ قُوَّةَ إِلاَّ بِاللَّهِ.

مَا شَاءَ اللَّهُ كانَ، وَمَا لَمْ يَشَأْ لَمْ يَكُنْ، أَعْلَمُ أَنَّ اللَّه عَلَى كُلِّ شَيءٍ قَدِيرٌ وَأَنَّ اللَّه قَدْ أَحَاطَ بِكُلِّ شَيءٍ عِلْماً. أَصْبَحْنَا عَلَى فِطْرَةِ الإِسْلاَمِ،


وَ


كَلِمَةِ الإِخْلاَصِ، وَدِينِ نَبِيِّنَا مُحَمَّدٍ صَلَّى الله عَلَيْهِ وَسَلَّمَ، وَعَلَى مِلَّةِ أَبِينَا إِبْرَاهِيمَ حَنِيفاً مُسْلِماً وَمَا كَانَ مِنَ المُشْرِكِينَ.

أَصْبَحْنَا وَأَصْبَحَ المُلْكُ لِلَّهِ وَالحمْدُ لِلَّهِ، لاَ إِلهَ إِلاَّ اللَّهُ وَحْدَهُ لاَ شَرِيكَ لَهُ، لَهُ المُلْكُ وَلَهُ الْحَمْدُ وَهُوَ عَلَى كُلِّ شَيءٍ قَدِيرٌ

[~أميرة أميري~]

نحي البورتابل وريحي من راسك

[فاتي تيارت]

على الاقل هدرى مع اختك
خوك خوك