يا حراير المنتدى ادخلووووو نحتاجكم

[Fifilondon]

سلام عليكم يا عضوات ومتالقات المطبخ الجزايري راني حابة نشاوركم وياريت تدبرو عليا :D:sdf:عندي ضياف من المغرب راهم جايين يتغذاو عندي :D من فضلكم قولولي واش توالم نطيب انا حبيت حاجة جديدة وبريزوتتابل
ان شاءالله ماتبخلوش عليا بالردود

[Fifilondon]

شكرا عزيزتي على مرورك واقتراحاتك وفكرة التليتلي بالدجاح عجبتني ومليحة

[ايمان يمن]

انا جاتني ديريلهم المفرمسة يعني شخشوخة المسمن بالجاج وشربة فريك لانهم يعرفو الحريرة والجاري مشهورين بيه حنا.محشي بطاطا جريوات وفلفل ولاصوص ديريها مرقة بيضاء مع الزيتون والشومبينيو.حميس بزيت الزيتون.مثوم بالحمص وراهي حطت علي ما اظن الاخت اسمهان مثوم مودارن..طاجين المرقاز نتاع ام اماني فور.السلطات ديري ماسدوان علي شكل طبقات ولا في مول السليكون.ان شاء الله نكون افدتك اختي

[Fifilondon]

باراك الله فيك رامي فدتيني ما شاء الله اقتراحاتك متنوعة

[ام هبة العاصمية]

السلام عليكم اختي مرحبا بضيافك عندنا انا لوكان تولي ليا اندير شريبة الله بالغنمي و نديىدر معاها سكسو ولا رشتة مرقة بيضا زايد لحم لحلو مع التنويع في السلاطة او ندير مثوم و لا شطيطحة دجاج يعني الحمد لله بلادنا غنية بالاطباق التقليدية تقدري تنوعي كيما حبيتي بلاما ننسا راه طاجين الزيتون لام اماني تعرفي روعة و تحفة و يحمر الوجه راه في المدونة ديالها المهم ربي يحمر وجهك معا ضيافك

[حياة نور الدين]

اهلاااا اختي

من رايي ديري سلطات منوعة مع سوفلي او شوصون
شربة اي نوع يعني فريك او فرميسيال او حتى شربة بيضاء.
اديري مثوم بطريقة اسمهان او طكاجين الزيتون بطريقة ام اماني او روحي للمسابقة تع طاجين الزيبتون تلقاي تنويع فيه
بالاضافة الى رشتة

[Fifilondon]

السلام عليكم اختي مرحبا بضيافك عندنا انا لوكان تولي ليا اندير شريبة الله بالغنمي و نديىدر معاها سكسو ولا رشتة مرقة بيضا زايد لحم لحلو مع التنويع في السلاطة او ندير مثوم و لا شطيطحة دجاج يعني الحمد لله بلادنا غنية بالاطباق التقليدية تقدري تنوعي كيما حبيتي بلاما ننسا راه طاجين الزيتون لام اماني تعرفي روعة و تحفة و يحمر الوجه راه في المدونة ديالها المهم ربي يحمر وجهك معا ضيافك
شكرا يا ام هبة ربي يعطيك كل ما تتمناي والله كلامك صواب

[Fifilondon]

اهلاااا اختي

من رايي ديري سلطات منوعة مع سوفلي او شوصون
شربة اي نوع يعني فريك او فرميسيال او حتى شربة بيضاء.
اديري مثوم بطريقة اسمهان او طكاجين الزيتون بطريقة ام اماني او روحي للمسابقة تع طاجين الزيبتون تلقاي تنويع فيه
بالاضافة الى رشتة
شكرا على اقتراحاتك يا اخت حياة كل الاطباق الي اقترحتيها انت والاخوات مليحة ومهمة وتحمر الوجه ربي يجازيكم كل خير

[كريمة الجزائرية 48]

انا اعطيكي فكرة عامة على الحطة ونستعملوها كثييير في الغرب الجزائري باش تكون المائدة تاعك متوازنة ديري طبق رئيسي مثلا شوربة او حريرة وديري معاه طبق ثانوي مثلا غرتان جلبانة رانا في وقتها وديري تحلية بالفراز رانا تاني في وقتها واكيد صلطة اعمليها بالقرنون ولا الارز عندك اختيارات

[riri riri]

بارك الله فيك

[lilya ben ahmed]

انا في بالي تديري عفسة نتاع البلاد المفرمسة والا شخشوخة وتكون بيان ديكوري وربي يعاونك