❀ورشة تعلم الطرز ❀ من تَـنْضم ؟彡

[مياسم الصمت]

السلام عليكم ورحمة الله وبركاته

اليوم أردت ان اتقاسم معكن بعض ما تعلمته من احد الفنون الراقية في عالم الخياطة

彡الطرز بالماكنة彡


تشتهر به بعض مدن جزائرنا الحبيبة خاصة بالشرق
الورشة ستكون عبارة عن دروس مدعمة بالصور والفيديوهات ان شاء الله
يليها تطبيقكن

على بركة الله نعلن افتتاح التسجيل بورشة تعلم الطرز بالماكنة

http://b.top4top.net/p_105eyip2.gif

http://b.top4top.net/p_105ziwi3.gif




الدرس الأول لتعلم الطرز (http://www.djelfa.info/vb/showthread.php?t=1948313)

[مياسم الصمت]

اللوازم

http://c.top4top.net/p_105mjhj1.jpg


http://d.top4top.net/p_105ivc32.jpg

http://e.top4top.net/p_105apqn3.jpg

[مياسم الصمت]

قائمة المشتركات


ام مهدي 03 (http://www.djelfa.info/vb/member.php?u=530133)
ام رضوان (http://www.djelfa.info/vb/member.php?u=438696)

amel... (http://www.djelfa.info/vb/member.php?u=534870)

*جزائرية مسلمة* (http://www.djelfa.info/vb/member.php?u=205660)

ثلوج الشتاء (http://www.djelfa.info/vb/member.php?u=425107)

(( هبة الرحمن )) (http://www.djelfa.info/vb/member.php?u=498760)

nana47 (http://www.djelfa.info/vb/member.php?u=596570)
djamilach23 (http://www.djelfa.info/vb/member.php?u=545734)
chouchou w (http://www.djelfa.info/vb/member.php?u=522819)

سوريانا (http://www.djelfa.info/vb/member.php?u=608575)

فراشات العمر (http://www.djelfa.info/vb/member.php?u=412165)
دانية لينة (http://www.djelfa.info/vb/member.php?u=619799)

Merida (http://www.djelfa.info/vb/member.php?u=609211)

LILI K (http://www.djelfa.info/vb/member.php?u=357183)

polyma (http://www.djelfa.info/vb/member.php?u=367632)

بوسوار (http://www.djelfa.info/vb/member.php?u=564532)


شهرزاد أم التوأم (http://www.djelfa.info/vb/member.php?u=274084)



غيداق (http://www.djelfa.info/vb/member.php?u=425541)

الاميرة لوجين (http://www.djelfa.info/vb/member.php?u=446684)

ياسمين1990 (http://www.djelfa.info/vb/member.php?u=458410)

[ام مهدي 03]

السلام عليكم
اهلين اخت مياسم . ماشاء الله على اقتراحك والله مغرى جدا
عندى فقط اسئلة
الطرز بالمشينة العادية؟ لانى عندى مشينة جديدة غير كيما بديت نخيط بها وهى تطرز لكن مانفقه والو فى الطرز
اذا بانتلك نقدر نتعلم .رانى نتشرف باه نسجل معاك فى الورشة

[مياسم الصمت]

اهلين ام مهدي


مادام عندك ماشينة تطرز تقدري تتعلمي اكيد

فقط لازمك الصبر وحب العمل

الطرز خاصة لازمك تحبيه وتصبري عليه حتى تبدعي فيه مع بعض الذوق في التعامل مع الالوان

اذن على بركة الله اضبطي ماكنة على الطرز وسننطلق بعد استكمال المجموعة حتى لا نضطر للعودة للوراء

[ام مهدي 03]

اهلين ام مهدي


مادام عندك ماشينة تطرز تقدري تتعلمي اكيد

فقط لازمك الصبر وحب العمل

الطرز خاصة لازمك تحبيه وتصبري عليه حتى تبدعي فيه مع بعض الذوق في التعامل مع الالوان

اذن على بركة الله اضبطي ماكنة على الطرز وسننطلق بعد استكمال المجموعة حتى لا نضطر للعودة للوراء


بارك الله فيك اختى مياسم
انا كيما قلتلك الماكنة جديدة عندى وما نعرفلهاش .لكن غدوة ان شاء الله نجبد الدليل ونحاول نضبطها على الطرز
فى انتظار المشاركات ان شاء الله

[مياسم الصمت]

كل ماكنة مختلفة عن الاخرى

لكن كلها تشترك في تنزيل الاسنان و نزع الدواسة

انا في ماشينتني هناك زر كبيرة ندور فقط في جهة معينة تنزل الاسنان
ومن ثمة ننزع الداوسة وتبقى الابرة فقط
http://e.top4top.net/p_106jsrj1.gif

[ام مهدي 03]

اللوازم كلها مفهومة وموجودة عندى لكن فقط الابر الصفراء .هل هى خاصة بالطرز؟
والخيط نوعه؟ كيما لكبب صغار ولا لازم نجيبو هذو لكبار؟
ونوع لفزلين رقيقة ولا سميكة؟

[مياسم الصمت]

اللوازم كلها مفهومة وموجودة عندى لكن فقط الابر الصفراء .هل هى خاصة بالطرز؟
والخيط نوعه؟ كيما لكبب صغار ولا لازم نجيبو هذو لكبار؟
ونوع لفزلين رقيقة ولا سميكة؟


الابر تاع البيزو بيزو نستعملهم للطرز
الابر العادية نوعيتها تقطع الحرير
سعر الباكي 120 دينار في 10 ابر

الخيط عادي كما تحبي انا في العادة نشري الابيض و الاسود كبايب كبار افضل لاني نستعملهم بزاف

الحرير اشري الكبيرة لانه الصغيرة فارغة وما فيها بزاف بالخف تخلص لك

اشري لونين لاننا سنمازج الالوان فيما بعد

[(( هبة الرحمن ))]

ما شاء الله

ويقولك المرأة العاملة جايحة وما تعرف دير والو ....الله يهديهم ....كون غير داو يدخلوا يشفوا العاملات واش راهم يخرجوا من يديهم
الماكثات ما يزعفوش مني ...
حفظك الله ورعاك وحقق أمانيك أختي العزيزة مياسم .





انا راح نتفرج برك مانوعدكش نخدم حاجة للمسابقة

[أم ياسين الزهراء]

تعرفي رجعتيني ل15 سنة كنت نطرز بالماشينة الله يبارك فيك ويهنيك

راح نحاول نتبع الموضوع

[*جزائرية مسلمة*]

وعليكم السلام ورحمة الله وبركاته
رئع جدا بارك الله فيك
فكم أود تعلم الطرز
ولكن ماكينة الخياطة الصغيرة لم أجد فيها رقلاج البرودي أي تحبس عند ss مالقيتش # مافهمتش علاه والصور توضح مع دليلها
وايضا سؤال هل ماكنة Indstrial تقوم بالطرز؟


http://c.top4top.net/p_106xkr92.jpg[/url

[url=http://up.top4top.net/]http://b.top4top.net/p_106ukzd1.jpg[/url

[url=http://up.top4top.net/]http://a.top4top.net/p_1063ckc0.jpg (http://up.top4top.net/)

[amel...]

مساء الخير و شكرا على المبادرة الرائعة ... و الله راكي طليتي على قلبي

لكن مشكلتي منعرفش كيفاة نرد مشينتي تطرز ... مشينتيكيما لي في الصورة اذا تعاونوني نردها تطرز

رايحة نكون معاكم في القائمة ... في انتظار ردك استاذتي و كذلك رد لي عندهم نفس الماشينة

http://c.top4top.net/p_1067hec1.jpg (http://up.top4top.net/)

[مياسم الصمت]

ونوع لفزلين رقيقة ولا سميكة؟

نسيت نقولك ام مهدي
لافيزلين رقيقة افضل حتى ما تكون من بعد الطرز خشين بزاف والحرير يتقطع او الابرة تتكسر

رقيق مليح مناسب جدا

[مياسم الصمت]

ما شاء الله

ويقولك المرأة العاملة جايحة وما تعرف دير والو ....الله يهديهم ....كون غير داو يدخلوا يشفوا العاملات واش راهم يخرجوا من يديهم
الماكثات ما يزعفوش مني ...
حفظك الله ورعاك وحقق أمانيك أختي العزيزة مياسم .





انا راح نتفرج برك مانوعدكش نخدم حاجة للمسابقة



اهلا عزيزتي هبة الرحمن
سررت باطلالتك الجميلة
اكيد حب هذه الفنون و الاهتمام بها هي من انشغالات المراة سواء كانت عاملة او ماكثة

في مدينتي هناك الاشهر في الطرز كانت في مجال التعليم وبعد تقاعدها فتحت ورشة للطرز وتعلم ايضا البنات الطرز
وطرزها ما شاء الله تحفة

راني نستنى فيك ما عندك وين تهربي:)
ماتخافي مبدئيا نتعلموا فقط ويرحمها ربي من بعد

[مياسم الصمت]

تعرفي رجعتيني ل15 سنة كنت نطرز بالماشينة الله يبارك فيك ويهنيك

راح نحاول نتبع الموضوع




اهلا ام ياسين
نورت الموضوع
الحمد لله اذا استرجعت معنا ايامات زمان
كوني بالقرب وحاولي تفيدي الاخوات بما لديك
ربي يبارك فيك

[مياسم الصمت]

وعليكم السلام ورحمة الله وبركاته
رئع جدا بارك الله فيك
فكم أود تعلم الطرز
ولكن ماكينة الخياطة الصغيرة لم أجد فيها رقلاج البرودي أي تحبس عند ss مالقيتش # مافهمتش علاه والصور توضح مع دليلها
وايضا سؤال هل ماكنة indstrial تقوم بالطرز؟


[url=http://up.top4top.net/][img]http://c.top4top.net/p_106xkr92.jpg




شوفي اختي كما قلت قبل كل ماشينة وكيفاه
لكن يظهر لي ماشينتك تشبه لتاعي
دوري فقط العجلة هذيك في الاتجاهين وراقبي في نفس الوقت اسنان الماشينة اذا تنزل او لا

العجلة ما دام موجودة فيها خيارات اخرى
ربما التدوير فقط صعب عليك

الماكنة الصناعية تطرز وطرزها متقون افضل من الصغيرة
لكن هي سريعة شوية و تصعب على المبتدئة التحكم فيها مع انه تقدري تنقصي السرعة

الماشينة الكبيرة تنحي الاسنان خلاص وتفكيها من البراغي وتركبي قطعة اخرى تجي معها فوق الاسنان

[مياسم الصمت]

مساء الخير و شكرا على المبادرة الرائعة ... و الله راكي طليتي على قلبي

لكن مشكلتي منعرفش كيفاة نرد مشينتي تطرز ... مشينتيكيما لي في الصورة اذا تعاونوني نردها تطرز

رايحة نكون معاكم في القائمة ... في انتظار ردك استاذتي و كذلك رد لي عندهم نفس الماشينة

http://c.top4top.net/p_1067hec1.jpg (http://up.top4top.net/)



اهلا اختي امل
سقسيت لك احدى الاخوات و قالت لي انه هذا النوع عنده قطعة اخرى تستبدل مكان القطعة الي فوق الاسنان
شوفي الصورة بالمرفق

[ترانيم مطر]

السلام عليكم
انا خدمت زمان طرز الماشينة لكن مع قلة الوقت عندى سنين ملى حبست
مع انه فن جميل وبسيط وسهل وفى مدة صغيرة تتعلمه الوحدة
انا خدمتو فى ماشينة سانجر الكحلة نتاع البيدال
اتمنى نسترجع معكم قليلا اذا كان عندي الوقت

[نور الإسلام26]

سلام عليكم
اختي انا عند مشينة سانجر نقدر نخدم بيها تع بكري

http://www14.0zz0.com/2016/04/17/10/933618570.jpg

[ثلوج الشتاء]

السلام عليكم
متابعة ليكم وباذن الله نحاول نطبق

[ام رضوان]

السلام عليكم
بارك الله فيك الاخت مياسم ونفع بك
والله يااختي منذ ان سجلت في المنتدى وانا احلم بان تتطوع احداكن لتعليمنا
ولكن الان انا مريضة ولا استطيع المشاركة ساكتفي بالمشاهدة
وربي يعينكن ويوفقكن
اميييييييين
على فكرة احنا في الشرق الجزائري مازال كاين اقبال كبير على فساتين الطرز وباثمان باهضة.

[فراشات العمر]

http://store2.djelfa.info/vb/2016-04/146088220998591.jpgاهلا مياسم شكرا على الدورة نتمنى ربي يجازيك وتثقلي بها ميزانك
حبيت نسأل القماش لي نطرزو عليه لازم يكون من نفس القندورة ولا ساتان وفازلين لاني البارح حبيت ننتعلم وحدي لقيتك في الوقت
هي الصورة لي سخفت عليها شريت القماش وقعدت نتفرج هههههههه
http://store2.djelfa.info/vb/2016-04/146088220998591.jpg

[أم ياسين الزهراء]

اختي مياسيم راح نحاول نساعد باللي قدرت عليه وربي يعينا الكل على الخير يارب

هدي ماشينتي تويوتا عندها اكثر من 20 سنة ملي شريتها اللي عندها كيفها نقدر نعاونكم


http://www.3rbz.com/uploads/e5a5c6a5c5321.jpg



كينحو هديك البواطة نصيبو قفل نبدلولو البلاصة يولي طرز تحت وين صباعي واسفة كنت وحدي وماعرفتش نصورلكم مليح



http://www.3rbz.com/uploads/59f925b006623.jpg

[أم ياسين الزهراء]

http://www.3rbz.com/uploads/ad1dfd19257b2.jpg





هدو زوج كينكون نخيطو نحطوهم هكى بصح ادا حبينا نطرزو نبدلولهم ونرجعوهم الاولى او الصغيرة في الصفر والكبيرة الي هي راح ديرلنا غرزة الزيقزاق نحطوها في الرقم اللي يناسبنا أي سمك الزقزاق

[أم ياسين الزهراء]

نحاول منبعد ماحبوش يتحملولي الصور

[مياسم الصمت]

السلام عليكم
انا خدمت زمان طرز الماشينة لكن مع قلة الوقت عندى سنين ملى حبست
مع انه فن جميل وبسيط وسهل وفى مدة صغيرة تتعلمه الوحدة
انا خدمتو فى ماشينة سانجر الكحلة نتاع البيدال
اتمنى نسترجع معكم قليلا اذا كان عندي الوقت

سلام عليكم
اختي انا عند مشينة سانجر نقدر نخدم بيها تع بكري

http://www14.0zz0.com/2016/04/17/10/933618570.jpg



وعليكم السلام ورحمة الله وبركاته

جمعت رديكما لانهما يكملان بعضهما

ترانيم المطر نتمنى تكوني معنا لافادة الاخوات انا تجربتي بسيطة لكن حبيت نفيد بها الاخوات
الاخت نور الاسلام ماشينتك هي الماشينة اللي كانت تطرز بها الاخت ترانيم

النوع هذا عنده بلاك تتبدل وتولي تطرز قالولي انهم يطرزوا بهم و يخدموا بهم المسلول
نتمنى تفيدك اكثر اختنا ترانيم
وحتى في اليوتيوب هناك فيديوهات يستعملوا هذه الماشينة

[مياسم الصمت]

السلام عليكم
متابعة ليكم وباذن الله نحاول نطبق


وعليكم السلام ورحمة الله وبركاته
اهلا اختي بك معنا
اذن على بركة الله اضيفك للقائمة ونخاولوا بالشوية المهم نشجعوا بعضانا و يكون الحماس

[مياسم الصمت]

السلام عليكم
بارك الله فيك الاخت مياسم ونفع بك
والله يااختي منذ ان سجلت في المنتدى وانا احلم بان تتطوع احداكن لتعليمنا
ولكن الان انا مريضة ولا استطيع المشاركة ساكتفي بالمشاهدة
وربي يعينكن ويوفقكن
اميييييييين
على فكرة احنا في الشرق الجزائري مازال كاين اقبال كبير على فساتين الطرز وباثمان باهضة.


وعليكم السلام ورحمة الله وبركاته
بالشفاء لك ام رضوان ان شاء الله الورشات رايحة تكون خفيفة وغير متعبة و غير مكلفة ايضا

متى تحسنت يمكنك الالتحاق
ايه عندنا في الشرق خاصة مشهور الطرز هذا الصراحة يخليك توهي
ربؤ يشافيك ان شاء الله

[مياسم الصمت]

http://store2.djelfa.info/vb/2016-04/146088220998591.jpgاهلا مياسم شكرا على الدورة نتمنى ربي يجازيك وتثقلي بها ميزانك
حبيت نسأل القماش لي نطرزو عليه لازم يكون من نفس القندورة ولا ساتان وفازلين لاني البارح حبيت ننتعلم وحدي لقيتك في الوقت
هي الصورة لي سخفت عليها شريت القماش وقعدت نتفرج هههههههه
http://store2.djelfa.info/vb/2016-04/146088220998591.jpg





اهلا اختي

اولا اعتذر على الصورة لانها غير مظللة لاحقا سوف اعيدها لمشاركتك بعد تظليلها

بالنسبة للطرز مرات نطرزوا على نفس القماش واغلبها هكذا فقط نحط طافطا فوقه وتحت فيزلين

في الموديل اللي حطيتي انت سهل فقط لو توفرت لك الرشمة

تطرزي هنا على ستان و تقصي ومن بعد تركبي على قندورتك بعد ما تكوني فصلتيها

ما فيها شيء غير تدوير الطرز فقط على الوردات وتعمري الدخال

[مياسم الصمت]

اختي مياسيم راح نحاول نساعد باللي قدرت عليه وربي يعينا الكل على الخير يارب

هدي ماشينتي تويوتا عندها اكثر من 20 سنة ملي شريتها اللي عندها كيفها نقدر نعاونكم


http://www.3rbz.com/uploads/e5a5c6a5c5321.jpg



كينحو هديك البواطة نصيبو قفل نبدلولو البلاصة يولي طرز تحت وين صباعي واسفة كنت وحدي وماعرفتش نصورلكم مليح



http://www.3rbz.com/uploads/59f925b006623.jpg




ربي يستر عليك وعلى وليداتك اختي ام ياسين

بارك الله فيك

لانه الحقيقة مشكل في اختلاف الماشينات وان لم تكن الاخوات على معرفة بذلك
انا الطرز عندي مجرد هواية وتعاملت فقط مع ماشينتي اللي في الصورة

لكن فقط يا ريت لو تبيني لنا بسهم او حتى وضع قلم على مكان القفل اللي ذكرتيه

لانه في الصورة حتى اصبعك ما بان:1:

[فراشات العمر]

اهلا اختي

اولا اعتذر على الصورة لانها غير مظللة لاحقا سوف اعيدها لمشاركتك بعد تظليلها

بالنسبة للطرز مرات نطرزوا على نفس القماش واغلبها هكذا فقط نحط طافطا فوقه وتحت فيزلين

في الموديل اللي حطيتي انت سهل فقط لو توفرت لك الرشمة

تطرزي هنا على ستان و تقصي ومن بعد تركبي على قندورتك بعد ما تكوني فصلتيها

ما فيها شيء غير تدوير الطرز فقط على الوردات وتعمري الدخال
اختي الرشمة ماش شرط كيما هذي نقدر نموديفي فيها

[أم ياسين الزهراء]

اسفة اختي مياسيم ماخرجتش صورة اصبعي وراني عاودت حملتها


http://www.3rbz.com/uploads/7a501c24ebf61.jpg

[فراشات العمر]

http://static8.depositphotos.com/1008054/869/v/450/dep_8693203-Henna-Mehndi-Tattoo-Doodles-Vector-Design-Elements.jpg
http://www.anaqamaghribia.com/pic/images/a5jpgelh25s22zvoot.jpg
https://s-media-cache-ak0.pinimg.com/564x/ee/36/a6/ee36a62de69f94a374a6e4920d953443.jpg
http://2.bp.blogspot.com/-7VCQX2dwtXQ/Vlz7Ha9U65I/AAAAAAAAG4I/dkaRF5XU0hw/s640/12279127_1672108309672647_7256209852271777818_n.jp g

[ترانيم مطر]

السلام عليكم
اختى نور الاسلام الماشينة نتاع سانجار راه يوجد فيها
واحد القفلة تحت مباشرة عند الرقلاج نتاع سمك الخياطة دوريها
للجهة الاخرى يهبطو اسنان الماشينة
وكذالك توجد بياسة نتاع حديد تتركب تساعدك فى الطرز لما يكون عندى وقت
نجبد الماشنة ونركب عليها البياسة ونصورها لك
اذا كان عندك الوقت ابداي من الان اخدمى على البيدال بشششششششششششششوى
مثل دق الساعة تك .تك ولما تتحكمى فى حركة البيدال جيدا باه تركبي طنيبر
وتبداي تتعلمى حركة يدك مع طنيبر وحركة الرجل مع البيدال
اكيد تبانلك صعيبة لكن راها ساهلة وممتعة
بالتوفيق

[nana47]

السلام عليكم
ان شاء الله نكون معككم و لكن ان شاء الله تصبري عليا اختي ماسم الصمت ممكن نتاخر في تطبيقاتي وهذا لجهلي بالتطريز اولا و لاني بصدد انجاز عمل ياخذ تقريبا كل وقتي و لكني لم ارد تفويت الفرصة حتى و ان كانت وتيرتي بطيئة لان امي نصحتني بتعلم التطريز لانه يساعد على اتقان تعلم الخياطة بسرعة

[amel...]

اهلا اختي امل
سقسيت لك احدى الاخوات و قالت لي انه هذا النوع عنده قطعة اخرى تستبدل مكان القطعة الي فوق الاسنان
شوفي الصورة بالمرفق




مساء الخير ... شكرا لك على الاجابة و مدام وريتيلي راني وجدت البياسة

سجلي اسمي معاكم ... ساكون من المشاركات و من التلميذات النجيبات ان شاء الله

فقط استاذة سؤال ... يعني نركب البياسة و نحي الرجل فقط و نبدا الطرز

يا ريت تزيدي تعاونيني مدان لقيتي شكون تسقصيلي

اعذريني و سمحيلي في تعبك :o ربي يجازيك كل خير ان شاء الله:19:

[(( هبة الرحمن ))]

اهلا عزيزتي هبة الرحمن
سررت باطلالتك الجميلة
اكيد حب هذه الفنون و الاهتمام بها هي من انشغالات المراة سواء كانت عاملة او ماكثة

في مدينتي هناك الاشهر في الطرز كانت في مجال التعليم وبعد تقاعدها فتحت ورشة للطرز وتعلم ايضا البنات الطرز
وطرزها ما شاء الله تحفة

راني نستنى فيك ما عندك وين تهربي:)
ماتخافي مبدئيا نتعلموا فقط ويرحمها ربي من بعد



السلام عليكم ماعندي وين نهرب ...نهرب من كل الناس إلا أنت ..........

ربي يوفقك ويوفق كل الأخوات
سلامي لك ولهن.

[سوريانا]

بارك الله فيك اختي وجزاك الله خيرا
اريد المشاركة في الورشة لكن مشينتي تخصها بياسة ومعرفتش وشني هيا اذا تقدرو تساعدوني
http://www5.0zz0.com/2016/04/17/21/915988000.jpg
http://www5.0zz0.com/2016/04/17/21/550569295.jpg
كي ندور العجلة الى الخطوط لي راهي باللون الازرق
نورمالمو هذوك هوما تاع الطرز ولا راني غالطة
http://www5.0zz0.com/2016/04/17/21/249767819.jpg

[مياسم الصمت]

اختي الرشمة ماش شرط كيما هذي نقدر نموديفي فيها



طيب اذا كان كذلك
بالنسبة للطرز في موديلك السابق كما قلت تطرزي فقط محيط الوردات
تحطي من فوق ستان شوية خشين هناك انواع عديدة

ارسمي الرسمة تاع الكتفين طبعا يكون كل كتف وحده
وتكون متصلة لانه يشبه للصدر و تقصي الفراغات بعد الطرز
الوردة في الصدر تكون وحدها لكن سجفيها من تحت ايضا بالستان من اجل جمالية الوردة فقط لانها تكون مثل البروش

هذا اختصارا
نتمنى نكون افدتك

[مياسم الصمت]

...........................



بارك الله فيك اختي على الرشمات الجميلة جمال روحك



السلام عليكم
اختى نور الاسلام الماشينة نتاع سانجار راه يوجد فيها
واحد القفلة تحت مباشرة عند الرقلاج نتاع سمك الخياطة دوريها
للجهة الاخرى يهبطو اسنان الماشينة
وكذالك توجد بياسة نتاع حديد تتركب تساعدك فى الطرز لما يكون عندى وقت
نجبد الماشنة ونركب عليها البياسة ونصورها لك
اذا كان عندك الوقت ابداي من الان اخدمى على البيدال بشششششششششششششوى
مثل دق الساعة تك .تك ولما تتحكمى فى حركة البيدال جيدا باه تركبي طنيبر
وتبداي تتعلمى حركة يدك مع طنيبر وحركة الرجل مع البيدال
اكيد تبانلك صعيبة لكن راها ساهلة وممتعة
بالتوفيق


ربي يبارك فيك

فقط حبيت نقول انه لييس كل ماشينة سانجار تاع بكري فيها القفل هذا اللي تنزلي به الاسنان

لكن يعوضوهم بالقطعة كما ذكرتي
بارك الله فيك
واكيد نتمنى تكوني معنا للافادة

[مياسم الصمت]

السلام عليكم
ان شاء الله نكون معككم و لكن ان شاء الله تصبري عليا اختي ماسم الصمت ممكن نتاخر في تطبيقاتي وهذا لجهلي بالتطريز اولا و لاني بصدد انجاز عمل ياخذ تقريبا كل وقتي و لكني لم ارد تفويت الفرصة حتى و ان كانت وتيرتي بطيئة لان امي نصحتني بتعلم التطريز لانه يساعد على اتقان تعلم الخياطة بسرعة


اهلا اختي
احنا اصلا راحين نمشوا بالشوية
كلنا لدينا التزامات
اضافة الى اني عاملة وليس لدي الوقت الا نهاية الاسبوع
ان شاء الله نجوا كيف كيف
تشجعي فقط
هي فرصة للتحفيز رفقة الاخوات




مساء الخير ... شكرا لك على الاجابة و مدام وريتيلي راني وجدت البياسة

سجلي اسمي معاكم ... ساكون من المشاركات و من التلميذات النجيبات ان شاء الله

فقط استاذة سؤال ... يعني نركب البياسة و نحي الرجل فقط و نبدا الطرز

يا ريت تزيدي تعاونيني مدان لقيتي شكون تسقصيلي

اعذريني و سمحيلي في تعبك :o ربي يجازيك كل خير ان شاء الله:19:


مساء الخيرات
اختي أمل لما تنزلي الاسنان و تنحي الرجل اضبطي فقط تعريض الزيقزاق كما بغيتي
من العجلة اللي فيها ارقام
جربي وشوفي تلقايها تعرض وتنقص حسب الترقيم
ما فيها باس اختي رانا هنا للافادة والاستفادة حسب معرفتنا وجهدنا
وربي يقبل منا الكل ان شاء الله





السلام عليكم ماعندي وين نهرب ...نهرب من كل الناس إلا أنت ..........

ربي يوفقك ويوفق كل الأخوات
سلامي لك ولهن.


خلاص راكي معنا ان شاء الله

اول عمل لك بعدما تتعلمي راح يكون تطريز فراش للاطفال:mh31:

[مياسم الصمت]

بارك الله فيك اختي وجزاك الله خيرا
اريد المشاركة في الورشة لكن مشينتي تخصها بياسة ومعرفتش وشني هيا اذا تقدرو تساعدوني
http://www5.0zz0.com/2016/04/17/21/915988000.jpg
http://www5.0zz0.com/2016/04/17/21/550569295.jpg
كي ندور العجلة الى الخطوط لي راهي باللون الازرق
نورمالمو هذوك هوما تاع الطرز ولا راني غالطة
http://www5.0zz0.com/2016/04/17/21/249767819.jpg





اختي ماشينتك ما خاصها والو
ما عرفتيش برك
في العادة هذوك الرسمات الزرق هي لفتحة القفالة تخدمي بيهم يكونوا مرصوصين

لكن ماشي تاع الطرز
شوفي حاولي غيري العجلة في الخط الاحمر الظاهر ربما تنزل الاسنان
لانه كل ماشينة وكيفاش ومن بعد اضبطي عرض الزيقزاق من فوق حيث منين الثلاثةهذوك الاول فيهم حطيه منين الزيقزاق
جربي برك اختي وان شاء الله تصلح معك

[ام مهدي 03]

هدى هى خت المشينة نتاعى.جديدة عندى .غير كيما بديت نمشيها فى الخياطة
ياريت كشما واحدة تعرفلها....
http://p8.storage.canalblog.com/88/37/1021930/79604270_o.jpg (http://www.fairelepoireau.com/p/machine-a-coudre-silvercrest.html)


(http://www.fairelepoireau.com/p/machine-a-coudre-silvercrest.html)

[مياسم الصمت]

هدى هى خت المشينة نتاعى.جديدة عندى .غير كيما بديت نمشيها فى الخياطة
ياريت كشما واحدة تعرفلها....
http://p8.storage.canalblog.com/88/37/1021930/79604270_o.jpg (http://www.fairelepoireau.com/p/machine-a-coudre-silvercrest.html)


(http://www.fairelepoireau.com/p/machine-a-coudre-silvercrest.html)


بالربح عليك ام مهدي

شوفي العجلةالعلوية على اليمين فيها مجموعات s1 ......
مثلا اذا اخترت s1 روحي لمجموعة الغرز على اللائحة الخاصة بها وا ختاري الغرز A b c

واضبطي العجلة فوق الي فيها الحروف راح تعطيك غرزة موافقة لصور

بالنسبة للطرز لازم تهبطي السنين شوفي اذا هناك قطعة جات معهاتستبدل مكان القطعة حيث موضع الاسنان
كما ماشينة الاخت أمل

و الا كاين زر او ما شابه تحركيه و راقبي السنين اذا تنزل

ربما العجلة في الاعلى كما تاعي فيها تصنيف الغرزات دوريها في كذا اتجاه وراقبي نزول الاسنان

نتمنى اي واحدة عندها تشبه لماشينتك او تقدر تفيدك ما تبخلنا

[djamilach23]

ان شاء الله انكون امعاكم
هذه ماكينتي اختي مياسم الله ايبارك فيكhttp://dc19.arabsh.com/uploads/image/2016/04/18/0b37464c61f103.jpg
بالنسبة للسنين لم اجد الزر اخيط بها فقط و عمري ولا طرزت بها حاولت لكنني فشلت نتمنى انك تدلينني على كيفية استعمالها في التطريز وفي ميزان الحسنات

[chouchou w]

السلام عليكم ممكن انشارك معاكم صاي تفحصت مشينتي ولقيت سنيها يهبطو بارك الله فيك ختي ربي هنيك

[مياسم الصمت]

ان شاء الله انكون امعاكم
هذه ماكينتي اختي مياسم الله ايبارك فيكhttp://dc19.arabsh.com/uploads/image/2016/04/18/0b37464c61f103.jpg
بالنسبة للسنين لم اجد الزر اخيط بها فقط و عمري ولا طرزت بها حاولت لكنني فشلت نتمنى انك تدلينني على كيفية استعمالها في التطريز وفي ميزان الحسنات




مرحبا بك اختي
بالنسبة لانزال السنين كل ماشينة وكيفاش
وما نقدروا نحصروا كل الانواع
لكن هي اما لديها قطعة اضافية تكون معااها يتم استبدالها فقط مكان القطعة التي تغطي الاسنان

او تحريك زر او عجلة
انت اظن شوفي العجلة العلوية في الوسط حركيها و راقبي السنين

شوفي ايضا ماشية الاخت ام ياسين الزهراء عندها قفل تحت الغطاء
حاولي اختي وان شاء الله تنحجي

[مياسم الصمت]

السلام عليكم ممكن انشارك معاكم صاي تفحصت مشينتي ولقيت سنيها يهبطو بارك الله فيك ختي ربي هنيك


وعليكم السلام ورحمة الله وبركاته
وهو كذلك اختي شوشو
مرحبا بك ضمن الفريق وان شاء الله تستفادوا الكل ولو بالشيء القليل

[amel...]

مساء الخير عليكم .... راني راقبت مشينتي ما فيها حتى زر ينزل الاسنان لكن فيها القطعة الاظافية

فهل هذا يكفي ....

[*جزائرية مسلمة*]

السلام عليكم
بعدما قرات الردود
نحيت لماشينتي الكبيرة السنين وجربتها خدمت مليح
اما بالنسبة للصغيرة وجدت القطعة الاضافية وضعتها فوق السنين وجربتها هي كذلك خدمت والحمد لله
والله اعجز عن شكرك استاذة مياسم وجميع الاخوات ربي يفرحكم

[*جزائرية مسلمة*]

ان شاء الله انكون امعاكم
هذه ماكينتي اختي مياسم الله ايبارك فيكhttp://dc19.arabsh.com/uploads/image/2016/04/18/0b37464c61f103.jpg
بالنسبة للسنين لم اجد الزر اخيط بها فقط و عمري ولا طرزت بها حاولت لكنني فشلت نتمنى انك تدلينني على كيفية استعمالها في التطريز وفي ميزان الحسنات
مشينتك كيما تاعي فقط الاسم مختلف تاعي سانجير شوفي كاين قطعة اضافية سوداء تجي مع المشينة حوسي عليها وركبيها فوق السنين وجربي يلا ماعرفتيهاش نصورهالك

[amel...]

مشينتك كيما تاعي فقط الاسم مختلف تاعي سانجير شوفي كاين قطعة اضافية سوداء تجي مع المشينة حوسي عليها وركبيها فوق السنين وجربي يلا ماعرفتيهاش نصورهالك

اختي يعني حطيتي القطعة الصغيرة فقط بدون انزال الاسنان

[djamilach23]

مرحبا بك اختي
بالنسبة لانزال السنين كل ماشينة وكيفاش
وما نقدروا نحصروا كل الانواع
لكن هي اما لديها قطعة اضافية تكون معااها يتم استبدالها فقط مكان القطعة التي تغطي الاسنان

او تحريك زر او عجلة
انت اظن شوفي العجلة العلوية في الوسط حركيها و راقبي السنين

شوفي ايضا ماشية الاخت ام ياسين الزهراء عندها قفل تحت الغطاء
حاولي اختي وان شاء الله تنحجي


الله ايبارك فيك اختي مشكورة .راني واجدة شكرا على الاضافة

[djamilach23]

مشينتك كيما تاعي فقط الاسم مختلف تاعي سانجير شوفي كاين قطعة اضافية سوداء تجي مع المشينة حوسي عليها وركبيها فوق السنين وجربي يلا ماعرفتيهاش نصورهالك

مشكورة اختي الله ايبارك فيك لقيت القطعة والحمد لله والفضل يرجع لكي ان شاء الله انجرب ونرجع. الخبر يعطيك ما تتمني.:19::19::19::19:

[فراشات العمر]

خدمت ماشينتي سجليني ميسومة

[دانية لينة]

شكرا على الموضوع الميز انا اهو الخياطة احبها جدا على الرغم ن عدم موافق العايلة لكن تعلمت المبادئء الاساسية يشرفنياانضمام اليكن

[ام مهدي 03]

اهلين استاذة مياسم وكل الاخوات المشاركات
اولا نشكرك بزاف استاذة خلتينى نتحرك مع ماشينتى
شوفى رانى شاطرة ...ههههههههه
اولا شريت اللوازم

http://www2.0zz0.com/2016/04/22/00/285814929.jpg

ثانيا حليت الكاتالوج وفهمت واش لازم ندير
http://www2.0zz0.com/2016/04/22/00/524545218.jpg

ثالثا نحيت pied de biche et le support
http://www2.0zz0.com/2016/04/22/00/749054213.jpg


رابعا ركبت القطعة الزائدة



http://www6.0zz0.com/2016/04/22/00/915020748.jpg


وهدى القطعة عن قرب
http://www6.0zz0.com/2016/04/22/00/741106890.jpg
خامسا رانى متحمسة لبداية الدروس
شكرا مرة اخرى استاذة

[مياسم الصمت]

شكرا على الموضوع الميز انا اهو الخياطة احبها جدا على الرغم ن عدم موافق العايلة لكن تعلمت المبادئء الاساسية يشرفنياانضمام اليكن

بالبركة ان شاء الله

تبقى الخياطة و الطرز كغيرها من اهتمامات و هوايات المراة

خدمت ماشينتي سجليني ميسومة


وهو كذلك فراشتي الجميلة
ننتظر ابداع اناملك

[مياسم الصمت]

اهلين استاذة مياسم وكل الاخوات المشاركات
اولا نشكرك بزاف استاذة خلتينى نتحرك مع ماشينتى
شوفى رانى شاطرة ...ههههههههه
اولا شريت اللوازم

http://www2.0zz0.com/2016/04/22/00/285814929.jpg

ثانيا حليت الكاتالوج وفهمت واش لازم ندير
http://www2.0zz0.com/2016/04/22/00/524545218.jpg

ثالثا نحيت pied de biche et le support
http://www2.0zz0.com/2016/04/22/00/749054213.jpg


رابعا ركبت القطعة الزائدة



http://www6.0zz0.com/2016/04/22/00/915020748.jpg


وهدى القطعة عن قرب
http://www6.0zz0.com/2016/04/22/00/741106890.jpg
خامسا رانى متحمسة لبداية الدروس
شكرا مرة اخرى استاذة



راكي جايبتها ام مهدي
يعطيك الصحة
ربي يوفقنا ان شاء الله

[مياسم الصمت]

السلام عليكم ورحمة الله وبركاته
ان شاء الله في هذين اليومين تكون الانطلاقة
الفيدوهات واجدة مازال فقط نحل مشكل قص بعض المقاطع الزائدة و قص الصوتhttp://www.djelfa.info/vb/images/icons/rosiecheeks.gif

ملاحظة للاخوات ديروا الزيت للماشينة اذا ناقصها زيت
الابر اذا كانت نوعية ماشي مليحة راهي تقطع الحرير
حضري اي قطعة مستعملة عندك
من الافضل لو يكون ستان حتى تبان فيه
السجاف ماشي شرط تشري واذا شوفي اي قطعة رقيقة حتى تشد لك مليح فقط
الضروري الـقرقـاف اللي نشدوا به القماش
بالتوفيق للجميع

[فراشات العمر]

السلام عليكم
ممكن اسم الحرير وبكم سعر الكبة
ثاني عندي ساتان روايال تصلح ولا لالا

[مياسم الصمت]

وعليكم السلام ورحمة الله وبركاته

الحرير الخاص بطرز الماشينة اختي فراشات العمر
ماكاينة ماركة محددة
سعرالكبيرة بين 11 الف و 12 الف مالفة نشريهم
القماش قلت اي قماش يصلح حتى ما نكلف الاخوات ولو قصيها من لباس قديم
المهم يكون لون واحد حتى يبان
الستان مناسب جدا و هو الافضل لتعلم الطرز و اي نوع مناسب

ما حابة نكلفكم بزاف
الموجود تعلموا به

[ام مهدي 03]

السجاف ماشي شرط تشري واذا شوفي اي قطعة رقيقة حتى تشد لك مليح فقط
ما فهمتش لواش السجاف استاذة؟
واش هو نوع القماش نتاع السجاف؟

[فراشات العمر]

السجاف نظن الفازلين

[ام مهدي 03]

السجاف نظن الفازلين
شكرا على الجواب فراشات
ان شاء الله كى تدخل الاستاذة تفهمنا مليح

[مياسم الصمت]

ما فهمتش لواش السجاف استاذة؟

واش هو نوع القماش نتاع السجاف؟


السجاف نظن الفازلين


ظنيتك يا ام مهدي تعرفي السجاف مادام راكي مع الخياطة:)


السجاف هو اللي نديروه من تحت مثلtulle في القنادر
و كاين شاش كولونت نستعملوه في سجاف للأقمصة و الveste
المهم انه كلمة السجاف مصطلح شامل عندنا
و في الطرز عموما انا شخصيا نستعمل الفازلين الرقيق في القنادر لانه يلصق ويساعدني حتى ما تتكمش الطرز

لكن قلت انتم في المرحلة هذه استعملوا اللي متوفر عندكم
ولو قطعة قماش عادي مقصوصة من اي موديل قديم استعملوها سجاف

و الفوق استعملوا قطعة مافيها احادية اللون

[Merida]

اختي في الله أودّ شكرك على المجهودات المبذولة لتعليم الأخوات
أود الإنضمام إليكم ولكنني بدأت مع أختي وفاء الياسمين في ورشة تعليم الخياطة فهل بإمكاني التسجيل في كلا الورشتين ؟
بالتوفيق

[مياسم الصمت]

اختي في الله أودّ شكرك على المجهودات المبذولة لتعليم الأخوات
أود الإنضمام إليكم ولكنني بدأت مع أختي وفاء الياسمين في ورشة تعليم الخياطة فهل بإمكاني التسجيل في كلا الورشتين ؟
بالتوفيق


السلام عليكم ورحمة الله وبركاته
اهلا اختي
بالنسبة لانضمامك الامر يعتمد عليك انت
ان كان وقتك وظروفك تسمح فلا مانع لدينا
الموضوع فتحناه لافادة الاخوات بالدرجة الاولى
وتبقى كل أخت ادرى بظروفها

[Merida]

راح نتوكل على ربي ونسجل معاكم
:19:

[nana47]

انا لم اشتري الادوات بعد ساشتريها قريبا جدا و اما بالنسبة للماكينة فلقد اضفت لها قطعة و امورها تمام بالمتابعة

[LILI K]

الاخت مياسيم حبيت نسقسيك ادا تعرفي ماشينة اندوستريال مليحة نشريها باش نتعلم معاكم و لا جيمسي مليحة شكرا

[مياسم الصمت]

راح نتوكل على ربي ونسجل معاكم
:19:

على بركة الله اختي
وان شاء الله تستفادي


انا لم اشتري الادوات بعد ساشتريها قريبا جدا و اما بالنسبة للماكينة فلقد اضفت لها قطعة و امورها تمام بالمتابعة





في الانتظار اختي
فقط ما تكلفي روحك في المستلزمات بزاف
القرقاف لازم
القماش تقدري تستعملي اي قطعة مستعملة
حتى الدرس الاول يمكن اللي ما عندها الحرير تعوضه بالخيط مبدئيا ختى تتعلم التحكم في الزيقزاق وحركة القرقاف

الاخت مياسيم حبيت نسقسيك ادا تعرفي ماشينة اندوستريال مليحة نشريها باش نتعلم معاكم و لا جيمسي مليحة شكرا



شوفي اختي انا ماشينتي هي اللي في الصورة
اصلا انا نخدم بها غير لروحي
بالنسبة للماشينة انديستريال كنت سألت الاخت سطايفية وكانت شقيقتي تريد شراء واحدة
نصحتني بسنجار
واشترتها
ولما باشرت دورات تعلم الطرز عند واحدة محترفة قالت لها تقريب الكل ملاح

لكن كاينة فلينغمان يشكروا فيها ثاني بزاف
و جهة الطرز واسعة تفوتي فيها قرقاف كبير ماشي كما سانجار ضيقة تتعبي لما كل مرة تبدلي القرقاف

لكن انتبهي اختي النوعية تاع الاندستريال راهي سريعة جدا ربما ان كنت كمبتدئة ما تقدري تتحكمي فيها في الاول
وفي الخدمة مختلفة شوية ماشي كما الصغيرة

[LILI K]

بارك الله فيك الاخت مياسيم على الرد

[ام مهدي 03]

ظنيتك يا ام مهدي تعرفي السجاف مادام راكي مع الخياطة:)


السجاف هو اللي نديروه من تحت مثلtulle في القنادر
و كاين شاش كولونت نستعملوه في سجاف للأقمصة و الveste
المهم انه كلمة السجاف مصطلح شامل عندنا
و في الطرز عموما انا شخصيا نستعمل الفازلين الرقيق في القنادر لانه يلصق ويساعدني حتى ما تتكمش الطرز

لكن قلت انتم في المرحلة هذه استعملوا اللي متوفر عندكم
ولو قطعة قماش عادي مقصوصة من اي موديل قديم استعملوها سجاف

و الفوق استعملوا قطعة مافيها احادية اللون



رانى غير كيما بديت فى الخياطة اخت مياسم وهذا وين قلت بسم الله مع الاخت ياسمين
نعرف بلى السجاف الحاجة لى يبطنو بيها من داخل كيما الرقبة مثلا. لكن كنت نسال على الحالة نتاع الطرز واش هو السجاف المستعمل

[مياسم الصمت]

حطيتك محترفة خياطة يا ام مهدي
ان شاء الله تستفادي من كل الورشات
السجاف كما قلت لك انا شخصيا نستعمل الفيزلين الرقيق
يناسبني يلصق و ولما ييكون القماش ايلاستيك مثل القطيفة او البيزو بيزو يحد من التمدد
حتى تكون الطرزة واقفة

لكن هناك من يستعملtulle
لكن انا شخصيا نحسوه احرش شوية
ولما يكون قماش خشين وما يتمدد مثلا ما تستعملي السجاف في الطرز

من بعد نتحدثوا على الطافطا لما ننتقل الى الحديث عن طرز القنادر

[Merida]

السلام عليكم

أختي حبيت انسقسيك الماشينات الجدد تاع سانجار يحتاجو تاني للزيت ولا لا
أنا عندي وحدة بصح ماقريتش في كتابها بلي لازملها مرة على مرة الزيت !
شوفي برك الصورة المرفقة، هاذي هي المشينة اللي عندي
الحمد لله وماشاء الله ولاقوة إلا بالله هاااايله
ههههه خفت نعينها:1: ماجيت نشريها حتى خرجو عينيا :d

[Merida]

زيدي قوليلي حاجة الله ينورك
هل هذا اللي في الصورة هو اللي راكي حاطاتو مع المستلزمات؟
وشكراً

[amel...]

مساء الخير عليكم يا الشاطرات .... ان شاء الله تكون لمتنا لمة خير و يباركلنا فيها ربي عز و جل

تقريبا كل المستلزمات راهي عندي و كذلك زدت صقصيت مليح على مشيتني و الحمد لله

في انتظار الانطلاقة و الابداع

[polyma]

السلام عليكم أختي حبيت انسقسيك الماشيناتي سانجار تاع زمان هههه بصاح سننها ميحبتوش

[مياسم الصمت]

السلام عليكم

أختي حبيت انسقسيك الماشينات الجدد تاع سانجار يحتاجو تاني للزيت ولا لا
أنا عندي وحدة بصح ماقريتش في كتابها بلي لازملها مرة على مرة الزيت !
شوفي برك الصورة المرفقة، هاذي هي المشينة اللي عندي
الحمد لله وماشاء الله ولاقوة إلا بالله هاااايله
ههههه خفت نعينها:1: ماجيت نشريها حتى خرجو عينيا :d

زيدي قوليلي حاجة الله ينورك
هل هذا اللي في الصورة هو اللي راكي حاطاتو مع المستلزمات؟
وشكراً


وعليكم السلام ورحمة الله وبركاته
يظهر لي خفت نعيانوهالك علابيها حطيتي صورتها صغيرة:1:
امزح فقط
بالبركة عليك و الربح ان شاء الله

اكيد كل الماشينات يحتاجوا للزيت كبيرة او صغيرة
انت رايحة تزيتي الحديد تاعها و الدواليب الداخل التي تمشي حتى تسهل حركتها
كما اي الة تحتاج للزيت
ولو كانت جديدة دريلها شوية تاع زيت من الافضل
ومرة على مرة تفكريها لما تكملي من الخدمة و خليها تبات في الزيت

طبعا الزيت الخاص بها يباع عند محل المستلزمات في العادة

يا ريت لو تفيدينا بقداه شريتيها تيوتا هذي
نعرف واحدة اشترتها بـ 2 ملايين و 200 الف
ماركة تويوتا لكن لا ادري ان كانت مثل هذه

بالنسبة للصورة الثانية نسيموه الفتاق
يفيد في فتح غرزات الطرز لما تخطئي افضل من المقص الصغير
ويمكن تستعيضي بالمقص الصغير الحاد الراس
لكن من الافضل يكون عندك واحتفظي به
الي في الصورة برأسين جهة لفتح الخياطة و جهة فرشاة لتنظيف الماشينة من جهة الاسنان خاصة

[مياسم الصمت]

مساء الخير عليكم يا الشاطرات .... ان شاء الله تكون لمتنا لمة خير و يباركلنا فيها ربي عز و جل

تقريبا كل المستلزمات راهي عندي و كذلك زدت صقصيت مليح على مشيتني و الحمد لله

في انتظار الانطلاقة و الابداع


مساء الخيرات

ان شاء الله نبدا قريبا وربما الليلة او غدا ان شاء الله
نظن الاخوات وجدوا ارواحهم
حتى نبدا ان شاء الله
وكل اسبوع او عشر ايام راح يكون درس و في نهايته تطبيقكن


السلام عليكم أختي حبيت انسقسيك الماشيناتي سانجار تاع زمان هههه بصاح سننها ميحبتوش


وعليكم السلام ورحمة الله وبركاته

اختي ماشينة سانجار القديمة عندها قطعة تستبدل مثل تلك القطعة اللي تغطي الاسنان
ربما تكون عندك ضمن الاغراض
او ممكن تلقايها تتباع عند مختصي تصليح الماكنات عادة

[nana47]

مساء الخيرات

ان شاء الله نبدا قريبا وربما الليلة او غدا ان شاء الله
نظن الاخوات وجدوا ارواحهم
حتى نبدا ان شاء الله
وكل اسبوع او عشر ايام راح يكون درس و في نهايته تطبيقكن





وعليكم السلام ورحمة الله وبركاته

اختي ماشينة سانجار القديمة عندها قطعة تستبدل مثل تلك القطعة اللي تغطي الاسنان
ربما تكون عندك ضمن الاغراض
او ممكن تلقايها تتباع عند مختصي تصليح الماكنات عادة


السلام عليكم

ان شاء الله نحن متابعين
بالنسبة لماكينة سنجر انا وجدت قطعة مثل هذه و ركبتها
https://encrypted-tbn3.gstatic.com/images?q=tbn:ANd9GcR2LOt_P2DOxBsDWMoYAST7LfuIAWEoh SYgh5XFFyBgLpmsTYnsyw

[Merida]

السلام عليكم و رحمة الله و بركاته

ههههه ضحكتيني مياسم.........التصويرة جبتها من النت علابيها صغيرة :o
وهي ماركة سنجر ماشي تويوتا
شريتها ثلاث ملاين وفيها بزاف ليزاكسيسوار وتخدم 99 غرزة الله يبارك هاااايلة
بصح اختك مازالها تددش في الخياطة :1: راني تآكلة على ربي وعليكم :D
منا مايخلاص العام لااازم نكون محترفة خياطة وطرز ههههههه:1:

[Merida]

اختي مياسم والله تحيرت عليك إن شاء الله المانع خير

[مياسم الصمت]

السلام عليكم

ان شاء الله نحن متابعين
بالنسبة لماكينة سنجر انا وجدت قطعة مثل هذه و ركبتها
https://encrypted-tbn3.gstatic.com/images?q=tbn:and9gcr2lot_p2doxbsdwmoyast7lfuiaweoh sygh5xffybglpmstynsyw



الحقيقة اختي
فيم يخص هذه القطعة لا استطيع ان افيدك ان كانت خاصة بالطرز
ما عندي فكرة عن ماشينة سانجر القديمة التي تطرز
لكن من المفروض انه مكان الابرة يكون عريض حتى تتحرك فيه الابرة لانها تتحرك في الجهتين

[مياسم الصمت]

السلام عليكم و رحمة الله و بركاته

ههههه ضحكتيني مياسم.........التصويرة جبتها من النت علابيها صغيرة :o
وهي ماركة سنجر ماشي تويوتا
شريتها ثلاث ملاين وفيها بزاف ليزاكسيسوار وتخدم 99 غرزة الله يبارك هاااايلة
بصح اختك مازالها تددش في الخياطة :1: راني تآكلة على ربي وعليكم :d
منا مايخلاص العام لااازم نكون محترفة خياطة وطرز ههههههه:1:

اختي مياسم والله تحيرت عليك إن شاء الله المانع خير

وعليكم السلام ورحمة الله وبركاته
بارك الله فيك اختي على السؤال
كانت عندي انشغالات بسبب التحضير للفروض و الاختبارات و التصحيح
وان شاء الله اليوم تكون الانطلاقة
الفيديو سيرسل لكن عبر الخاص و تضعن مشاركاتكن في موضوع سأفتحه للدرس الاول
كوني بالقرب

نسيت امرا يا ريت لو تصوري لنا لاحقا ماشينتك عن قرب حتى نشوفوا الغرزات تاعها
هل تحوي رسومات لاوراق و ازهار ام مجرد زييزاق

[Merida]

الحمد لله على سلامتك اختي مياسم
والله راني نستنا فيك وكلي شوق
شريت الطنيبر وبانلي مايحكمش مليح القماش جاني شويا مرخوف لازم غدوا باْذن الله نبدلو :1:

[Merida]

السلام عليكم

ايه فيها الأزهار والاوراق دورك نحط تصويرتها ان شا الله

[Merida]

أهدر يحضر ههههههه

هاني صورتلك الماشينه:19:

[Merida]

والله ماعرفت نكبر الصورة
اومباعد انحاول مرة اخرى

[مياسم الصمت]

والله ماعرفت نكبر الصورة
اومباعد انحاول مرة اخرى


ما عليه بعقلك
في العادة حتى لما نصور بالبورتابل تكون كبيرة و نصغرها

[مياسم الصمت]

اليكم رابط الدرس الاول على بركة الله
الدرس الأول لتعلم الطرز (http://www.djelfa.info/vb/showthread.php?t=1948313)

[Merida]

هاذ الرابط فيه كل التفاصيل على ماشينتي
https://cigalecouture.wordpress.com/2015/02/17/singer-6199-brillance/
حقا الفيديو راااائع و عجبتني بزااااف الأنشودة قاستني بزااااف لأَنِّي واجهت انتقادات كثييييرة كي تحجبت والحمد لله
بعدما نعشي الدراري نعاود أنشوفو انشا الله نبداك بالأسئلة ههههه

[مياسم الصمت]

ربي يكملك بعقلك ويهنيك
الحجاب سترة اختي
ماشينتك فيها خاصة غرزة الفيسطون هذوك يستعملوهم بزاف في الطرز للسفيفة
اني هنا لكل استفساراتك
ضعوها في موضوع الدرس الاول حتى تكون لكل درس استفساراته وتطبيقاته

الدرس الأول لتعلم الطرز (http://www.djelfa.info/vb/showthread.php?t=1948313)
فقط ربما يتذبذب دخولي بسبب التصحيح فاعذروا تأخر الاجابة

[ام رضوان]

السلام عليكم
اختي الكريمة انا لا تظهر لي الطريقة
وشكرا

[مياسم الصمت]

عذرا منك ام رضوان
تداركت اسمك

تم الارسال

[*أم كوثر*]

يا سلام على الهمة والنشاط
يعطيك الصحة اختي مياسم
موفقات

[مياسم الصمت]

الله يبارك فيك ام كوثر ويسلمك
شكرا على المرور الطيب و الدعم

[(( هبة الرحمن ))]

راني شفت الفيديو
يعطيك الصحة ويحقق أمانيك .

[المتألقة]

الله يعطيك الصحة

فكرتيني بزمان لما كنت نطرز في ماكنة سانجار بيدال و توقفت بسبب مشاكل صحية

هذه القطعة خاصة بالطرز في ماكنة سانجار بيدال

https://encrypted-tbn3.gstatic.com/images?q=tbn:ANd9GcR2LOt_P2DOxBsDWMoYAST7LfuIAWEoh SYgh5XFFyBgLpmsTYnsyw

[polyma]

مساء الخيرات

ان شاء الله نبدا قريبا وربما الليلة او غدا ان شاء الله
نظن الاخوات وجدوا ارواحهم
حتى نبدا ان شاء الله
وكل اسبوع او عشر ايام راح يكون درس و في نهايته تطبيقكن





وعليكم السلام ورحمة الله وبركاته

اختي ماشينة سانجار القديمة عندها قطعة تستبدل مثل تلك القطعة اللي تغطي الاسنان
ربما تكون عندك ضمن الاغراض
او ممكن تلقايها تتباع عند مختصي تصليح الماكنات عادة



السلام عليكم

ان شاء الله نحن متابعين
بالنسبة لماكينة سنجر انا وجدت قطعة مثل هذه و ركبتها
https://encrypted-tbn3.gstatic.com/images?q=tbn:ANd9GcR2LOt_P2DOxBsDWMoYAST7LfuIAWEoh SYgh5XFFyBgLpmsTYnsyw
السلام عليكم
شكرا راني شريتها وبلسيتها
اختي الكريمة انا لا تظهر لي الطريقة
لماذا:confused:

[مياسم الصمت]

السلام عليكم
شكرا راني شريتها وبلسيتها
اختي الكريمة انا لا تظهر لي الطريقة
لماذا:confused:


وعليكم السلام ورحمة الله وبركاته
الفيديو تم ارساله للمشتركات و قد اسقطت اسمك سهوا

تم تدارك الامر

[polyma]

وعليكم السلام ورحمة الله وبركاته
الفيديو تم ارساله للمشتركات و قد اسقطت اسمك سهوا

تم تدارك الامر

مساء النور شكرا أخهتي راه لحقني
الفيديو دورك نتبع ونبداء بحوالله

[سوريانا]

راني شفت الفديو بارك الله فيك وجزاك الله خيرا
ربي يعطيك ما تتمناي

[alkhansaae]

السلام عليكم
شكرا على الموضوع المتالق والله تقول طليتي على قلبي عندي مدة وانا نحوس نتعلم الطرز نحب هاد النوع من الخياطة بزاف
انا حابة ننضم للمجموعة ونتعلم لكن للاسف هاد الفترة عندي امتحانات ومذكرة تخرج حتا نكملهم باه نتهنى ان شاء الله
ولكن راح نطلع على المواضيع باه نتعلم عن بعد وكي نكمل من الدراسة نبدى معاكم باذن الله اذا قبلتي اختي
جعلها الله في ميزان حسناتك

[شهرزاد أم التوأم]

السلام عليكم

شكرا ليك اختي على هذه الفرصة الثمينة لتعلم الطرز ربي يبلرك فيك ويجعلها في ميزان حسناتك
اختي من فضلك لو ضيفيني معاكم راح نكون جد ممتنة

[بوسوار]

السلام عليكم شكرا على المجهودات والتعليم ربي يجازيك اختي انا عندي ماكنة خياطة فقط جيمسي هل استطيع الطرز بيها واريد الالتحاق بالمجموعة اذا رضيت

[crono]

السلام عليكم
الله الله فكرتني فيهاوعلى ايامات زمان
خدمت طرز الماشينة كي كنت نوجد في تروسو :oعندى سنين ملى حبست أخير شى لخدمتها فطة تع الحمام مع البنقة لي بنتي كي كانت في عمرها 3سنين ادورك هاد العام عندها الباك :D
تعرفي رجعتينياكثر من 20 سنة كي تعلمتها اتمنى نسترجع اذا كان عندي الوقت :mad:
شكرا على المجهودات والتعليم ربي يجازيك
يعطيك الصحة ربي يفرحك و يحلي ايامك
ان شاء الله نصور و نحطلكم واش خدمت
بالتوفيق للجميع

[khawla990]

ماعليش خاوتي انا باغيا نتعلم الطرز بيد ماعنديش ماشينا باغيا نتعلم معاكم طرز باليد :) ;)

[crono]

ماعليش خاوتي انا باغيا نتعلم الطرز بيد ماعنديش ماشينا باغيا نتعلم معاكم طرز باليد :) ;)

ان شاء الله كي اليوم تشري ماشينة
و في قسم الأشغال اليدوية هناك ورشات طرز باليد :19:

[فضيلة 22]

ممكن تضفوني معاكم في الورشة الله يخليكم

[مياسم الصمت]

السلام عليكم
شكرا على الموضوع المتالق والله تقول طليتي على قلبي عندي مدة وانا نحوس نتعلم الطرز نحب هاد النوع من الخياطة بزاف
انا حابة ننضم للمجموعة ونتعلم لكن للاسف هاد الفترة عندي امتحانات ومذكرة تخرج حتا نكملهم باه نتهنى ان شاء الله
ولكن راح نطلع على المواضيع باه نتعلم عن بعد وكي نكمل من الدراسة نبدى معاكم باذن الله اذا قبلتي اختي
جعلها الله في ميزان حسناتك



وعليكم السلام ورحمة الله وبركاته
ان شاء الله ستكون دورات اخرى مستقبلا ولما لا يمكنك المشاركة فيها
وفقك الله

[مياسم الصمت]

السلام عليكم

شكرا ليك اختي على هذه الفرصة الثمينة لتعلم الطرز ربي يبلرك فيك ويجعلها في ميزان حسناتك
اختي من فضلك لو ضيفيني معاكم راح نكون جد ممتنة

وعليكم السلام ورحمة الله وبركاته
طيب اختي شهرزاد ستتم اضافتك للمجموعة
موفقة

[مياسم الصمت]

السلام عليكم
الله الله فكرتني فيهاوعلى ايامات زمان
خدمت طرز الماشينة كي كنت نوجد في تروسو :oعندى سنين ملى حبست أخير شى لخدمتها فطة تع الحمام مع البنقة لي بنتي كي كانت في عمرها 3سنين ادورك هاد العام عندها الباك :d
تعرفي رجعتينياكثر من 20 سنة كي تعلمتها اتمنى نسترجع اذا كان عندي الوقت :mad:
شكرا على المجهودات والتعليم ربي يجازيك
يعطيك الصحة ربي يفرحك و يحلي ايامك
ان شاء الله نصور و نحطلكم واش خدمت
بالتوفيق للجميع

وعليكم السلام ورحمة الله وبركاته
اهلا كرونو
ربي يبارك لك في اولادك ويفرحك بهم
ان شاء الله تحطينا بعض الصور من اعمالك في التطريز اذا مازالها
ربي ييهنيك
شكرا لمرورك الطيب

[مياسم الصمت]

ممكن تضفوني معاكم في الورشة الله يخليكم


ستتم اضافتك لاحقا ان شاء الله
موفقة

[soha1987]

مياسم تقول دخلتي واش في قلبي البارح ونا نتبع فاليوتوب لقيت يطرزو بالماكينة عندي تويوتا. مانعرف تطرز ولالا من بعد نحط صورتها

حابة نشارك معاكم

[soha1987]

مياسم هادي ماشينتيhttp://www9.0zz0.com/2016/05/12/19/364562868.jpghttp://www9.0zz0.com/2016/05/12/19/364562868.jpg

[حمدية حرة]

حبيت انضم معكم لورشة وتعلم

[مياسم الصمت]

السلام عليكم
الأختين سهى وحميدة
سأرسل لكما لاحقا الفيديو
لكن عليكما التقدم في الانجاز لانني قريبا ان شاء الله سننطلق للدرس الثاني

[حمدية حرة]

بارك الله في ان شاء الله نكون في المستوى

[ايمان2009]

نتمنى مانكونش متأخرة ...ضيفيني تعيشي وتدخلي الجنة

[wala]

شكون لي تعرف تطريز بالة الاصطناعية سريعة انيروني الله يحفضكم

[hutarubi sama]

السلام عليكم ......ممكن ان اشارك ،،،اظن انني متأخرة على التسجيل و لكني لم اعلم ....و شكرا

[siline mariya]

السلام عليكم،اشكركم على هذه الفكرة الرائعة و على مجهوداتكم،هل انا مسجلة معكم،أريد الاتنضمام..شكرا

[nina mima]

ممكن نشارك معكم

[ياسمين ياسمينه]

انا مشينتي singer حابطتلها سنان ومحبتش تخدملي

[mystiq1]

اختي من فضلك ظيفيني للقائمة حبيت نتعلم معاكم

[أم ايوب]

يعطيك ألف صحة و عافية

[أم ايوب]

اختي من فضلك ظيفيني أنا أيضا للقائمة حبيت نتعلم و واش رايك في ماكنة تويوتا و لكن ما تخيطش دجين