ساعدوني ارجوكم

[غنية جيجل]

سلام
تعيشوا اعطيوني درس تصنيف الايرادات ( نتاع القانون) ، وعطيوني درس انواع الجرائم فالتربية الاسلامية ، احنا العام اللي فات ماديرناهمش و الدرس نتاع الاسلامية جا فالباك ، هاد العام محضرتلهمش ، والمجحاحين هادوك ماحبوش يمدوهمنا احنا اللي معاودين
جزاكم الله خيرا
سلام

[جمال مهبول]

3- الإيرادات العامة:
3-1 تعريف الإيرادات العامة: هي المبالغ النقدية التي تتحصل عليها الدولة من مصادر مختلفة، تخصص لتغطية النفقات العامة، ويتم تحصيل الإيرادات العامة على أساس مبدأ المساواة في الأعباء بين المواطنين خاصة في مجال الجباية .
3-2 مصادرها:
أ- الضرائب والرسوم: تعتبر من الموارد المالية التي تحصل عليها من الأشخاص جبرا بغرض استخدامها لتحقيق أهداف ذات منفعة عامة.
ب- عائدات ممتلكات الدولة (الدومين): وهي العائدات أو الموارد المالية التي تحصل عليها الدولة من ممتلكاتها(الدومين) ، وتنقسم إلى ثلاثة أنواع هي :
- الدومين المالي : ويشمل كل ممتلكات الدولة من أسهم وسندات في المؤسسات الإقتصادية
- الدومين العقاري : ويشمل ما تمتلكه الدولة من عقارات
- الدومين التجاري و الصناعي : ويشمل كل ما تمتلكه الدولة من مشروعات ذات طابع صناعي وتجاري.
ج- القروض العامة: وتعتبر من الإيرادات العامة غير العادية التي تلجأ إليها الدولة ، والقرض العام هو مبلغ من المال تحصل عليه الدولة عن طريق اللجوء إلى الجمهور أو البنوك أو غيرها من المؤسسات المالية مع الإلتزام برد المبلغ المقترض ودفع الفوائد طيلة مدة القرض وفقا لشروط

[جمال مهبول]

د- التحويلات: وتتمثل في الإعانات الداخلية و الخارجية التي تتحصل عليها الدولة

[جمال مهبول]

http://gestion-economie.blogspot.com/2012/03/blog-post.html
زيدي شوفي هنا اذا كاش مشكل نعاونك ان شاء الله

[جمال مهبول]

http://www.4shared.com/web/preview/pdf/mcoF_eRXba?
راني تيليشارجيتو اذا عجبك فيه كل شئ على الاسلامية دروس حاوسي على واش تحتاجي

[غنية جيجل]

سلام
شكرا اخي ، بصح نتاع التربية الاسلامية ماحبش يدخلي
سلام

[جمال مهبول]

http://www.4shared.com/office/mcoF_eRXba/mon_cahier.htm
شوفي هذا الرابط ان شاء الله يمشي

[جمال مهبول]

بعد العصر ان شاء الله نقراو محاسبة اذا حبيت

[غنية جيجل]

سلام
سمحلي اخي هدا وين دخلت للدار . هاداك تاني ماحبش يدخلي
اوكي اخي الا ماكش مشغول
ونقدروا ونقراو بصح بشرط انا مانيش في دارنا او مانيش رافدة معايا الادوات نتاع المحاسبة
سلام

[جمال مهبول]

السلام عليكم

[جمال مهبول]

راكي هنا ولا لالالا

[جمال مهبول]

http://www.mediafire.com/download/wo6lsj17dwi63f7/mon+cahier.pdf
شوفي هذا الرابط

[غنية جيجل]

راكي هنا ولا لالالا
سلام راني هنا

[جمال مهبول]

مرحبا بك اختي

[جمال مهبول]

نبدا الان اختي اذا حبيتي اذا راكي مشغولة معليش

[جمال مهبول]

http://www.mediafire.com/download/wo6lsj17dwi63f7/mon+cahier.pdf
شوفي هذا الرابط
هل جربت هذا الرابط

[جمال مهبول]

راكي هنا ولا رحتي

[روفيا المهبولة]

:dj_17::dj_17::dj_17::dj_17::dj_17::dj_17::dj_17:: mh92::mh92::mh92::mh92:نراجع معاكم محاسبة

[جمال مهبول]

تفضلي اختي وراه المشكل ان شاء الله كامل نستفيد

[جمال مهبول]

تفضلي اختي وراه المشكل ان شاء الله كامل نستفيد
بصح تخلصيني هههههههههههههههههههههههه
ان شاء الله كامل نجيبوه هذي هيا الفايدة

[جمال مهبول]

وراكم رحتو كامل

[روفيا المهبولة]

:rolleyes::rolleyes::rolleyes::mh31::mh31:سلام يالا تبداو

[جمال مهبول]

:rolleyes::rolleyes::rolleyes::mh31::mh31:سلام يالا تبداو

نقراو تحليلية اختي ان شاء الله خلاص

[غنية جيجل]

راكي هنا ولا رحتي

راني هنا بصح لا كوناكسيون عيانة قباااااااااالة

[جمال مهبول]

دورك تجي اخت مانيش عارف بالاك راها مشغولة نبداو حتى تجي ان شاء الله

[روفيا المهبولة]

اين انتم:rolleyes::rolleyes::rolleyes:

[جمال مهبول]

معليش وراه المشكل نقراو كي تروح كونيكسيون نستناوك

[جمال مهبول]

شوفوا وين راكم حاسين رواحكم ناقصين في تحليلية ان شاء الله نتعاونو باش نفهموا

[روفيا المهبولة]

خلونا نراجعوا المحاسبة يالا وينكم:dj_17::dj_17::dj_17::dj_17:

[جمال مهبول]

راني هنا انا شوفيلنا كاش موضوع في تحليلة اختي و نحلوه

[جمال مهبول]

وين راكم رحتو

[روفيا المهبولة]

رااااني هنا اااااااااااااااا ممكن تفهمني في التثبيتات

[روفيا المهبولة]

وييي انت وينك رحت

[جمال مهبول]

صدقني منعرفش نعرف تحليلية كي نراجع الزبائن نوريلك ان شاء الله كي نراجع بعض القيود نفهمك بصح التثبيتات منعرفش اسمحلي

[جمال مهبول]

وين راكي اختي

[غنية جيجل]

رااااني هنا اااااااااااااااا ممكن تفهمني في التثبيتات
سلام
اعدروني ...........
لعشية ان شاء الله نصورلكم كامل القيود اللي نحتاجوهم
اسمحولي . لاكوناكسيون ماشي غير عيانة

[جمال مهبول]

راكم رحتو كامل ماقرينا والوا واشبيكم

[روفيا المهبولة]

اهلا الزبائن ممكن نراجعوا دركا

[غنية جيجل]

راكم رحتو كامل ماقرينا والوا واشبيكم

والله يااخي رايحة نهبل معاها . ماعليش في دارنا راهي هايلة
الاماكوش ترقدو فالليل بكري انا مانرقدش و نقدرو نقراو اعدروني..............

[جمال مهبول]

صحا اخت روفيا راكي حابة الزبائن تفضلي

[روفيا المهبولة]

مرسي جمال خلينا نراجعوا الزبائن العاديون===

[جمال مهبول]

صحا اصبري نكتبلك مثال و نحلوه خلاص متفهمين اصبري عليا شوية

[جمال مهبول]

صحا نعطيك مثال عند زبون عادي اصبح في وضعية صعبة مثلا لا يحتمل عدم تسديد 30 %من دينه المقدر 85000 متضمن الرسم
صحا تحبي جاوبي باش تعرفي روحك ولا نحل انا لك اختيار

[جمال مهبول]

اين انت اخت

[روفيا المهبولة]

ندير تحويل من عادي ال مشكوك فيه
ح.416=ttc
ح.411=ttc

[جمال مهبول]

صحا زيدي مازالت حاجة

[روفيا المهبولة]

اثبات خسارة قيمة
ح,685=خسارة قيمة حالية
ح.491=خسارة قيمة حالية

[جمال مهبول]

ايه كيفاش تحسبي الخسارة

[جمال مهبول]

اين انت اختي رانا نضيع في الوقت باطل وين راكي

[روفيا المهبولة]

خسارة ق حالية =دين _تسديد./1.17ضرب نسبة

[جمال مهبول]

رانا نضيعو في الوقت لازم على الاقل نفهمو شوية

[روفيا المهبولة]

:19::19::19::19::19::19::19::19::19:اوكي

[جمال مهبول]

حساب 491 واشمن جهة جهة مدين ولا دائن
ح 685 دائن ولا مدين
جاوبني

[جمال مهبول]

وين راكي ههههههههههنتي مهبولة تزيدي تهبلينا معاك هههه صحا جاوبي على السوال

[روفيا المهبولة]

491دائن
و685مدين

[روفيا المهبولة]

وانت تاني مهبول مش غي انا مي راني لاباس فاهمة شوي ولا لا

[جمال مهبول]

نزيدو دورك مثال اخر راكي مليحة الحمد لله بسم الله ماشاء الله
هذا مثال 2
نقولو زبون اعلن افلاسه دين تاعو مثلا 95000 mttc
اعطيني الجواب

[روفيا المهبولة]

وفي حالة الافلاس نهائي نمركوا
654==ht
4457==tva
411==ttc
كيما هاك

[جمال مهبول]

4457 tva محصلة فهتي تكون هيا و حساب 654 في جهة المدين و حساب الاخر في دائن
اي زبون عادي يعلن افلاسه يترصد حسابه في حيابين 654 و 4457 فهمتي
راكي الله يبارك يا مهبولة ههههههه

[جمال مهبول]

وين راكي شوفي لازم ثم ثم باش نقروا اكبر عدد ممكن يعني باش نفهمو مليح راكي طولي بزاف باش تردي

[روفيا المهبولة]

Ttc==دين ناقص التسديد
ht=ttcقسمة 1,17
tva==htضرب 0,17
وعذراااا عل التاخير

[روفيا المهبولة]

عذرااااااااااااا الانترنت ضعيفة الله غالب هادي هي دزاير

[جمال مهبول]

4457 tva محصلة فهتي تكون هيا و حساب 654 في جهة المدين و حساب الاخر في دائن
اي زبون عادي يعلن افلاسه يترصد حسابه في حيابين 654 و 4457 فهمتي
راكي الله يبارك يا مهبولة ههههههه
هادي ما تنسايهاش تفهي كل شئ ديما كي يكون زبون عادي اعلن الافلاس تفكري هديك لي راني كاتبه فوق تجيك ساهلة

[جمال مهبول]

راكي هنا ولا رحتي

[روفيا المهبولة]

انااااااااااا هنااااااااااا اصلا كاين غير انا وياك

[جمال مهبول]

صحا راكي مليحة في الزبائن العاديون الحمد لله زيدي واش راكي حابة تراجعي

[جمال مهبول]

صحا راكي مليحة في الزبائن العاديون الحمد لله زيدي واش راكي حابة تراجعي
نراجعو الزبائن المشكوك فيهم ولا لالالالالالالا

[جمال مهبول]

اخت اسمحلي دورك انا نروح عندي صوالح بعد صلاة العشاء ان شاء الله يعني ان شاء الله من 9.30 و لهيه تصيبني ان شاء الله

[جمال مهبول]

بالاك راه عندك مشكل في انترنت مفيد اسمحيلي الاخت انا نروح في الليل ان شاء الله

[جمال مهبول]

السلام عليكم اين انتم

[جمال مهبول]

وراكم طولتوها بزاف

[جمال مهبول]

اخت غنية اين انت قلتليلي في الليل مازل ما جيتيش هههههههه

[جمال مهبول]

وراكي اختي

[جمال مهبول]

وراكي اختي غنية

[جمال مهبول]

راني هنا حتى 1 ان شاء الله

[غنية جيجل]

سلام
لالا اخي ماكونتش فالدار و لاليني منين كنت كانت عيانة ، انا قريب ماهبلت ، سمحولي
سلام

[جمال مهبول]

السلام عليكم انا اليوم تروحلي الكونيكسيون اذا حبيتو عشية ان شاء الله نراجعو شوية

[روفيا المهبولة]

سلام واشكم شكون راهوا هنا دركا باه نراجعوااا

[جمال مهبول]

السلام عليكم راني رايح نصلي المغرب

[جمال مهبول]

بعد العشاء تكوني هنا

[روفيا المهبولة]

انشاء الله

[جمال مهبول]

ان شاء الله ماشي كيما البارح استنيت ماجيتوش في 2 ايا سلام على 21.15 و لهيه

[روفيا المهبولة]

ايه واش راح راجعوا

[غنية جيجل]

سلام
وينكم

[قدر جوري]

:dj_17:سلام

[جمال مهبول]

راني هنا انا

[جمال مهبول]

وراكم واقيلا رحتو كامل

[جمال مهبول]

واقيلا ماكومش حابيت تقراو ههههههه منين نجي منصيب حتى واحد

[غنية جيجل]

لالا انا راني هنا ولا نتوما رحتو ديجا

[قدر جوري]

واه خويا راني هنا

[جمال مهبول]

ايه ها اكدو الحضور هههههههههههههه

[جمال مهبول]

انما راها كونيكسيون منين داك تروح مالا ما تروحوش كي نروح كي توالي نوالي راها تروح و تجي

[قدر جوري]

نبدو نراجعوا ولا مزال

[غنية جيجل]

واش رايكم نحلو هذا السوجي

[غنية جيجل]

انا ماعرفتش حتى منين نبداه ، صعيب بزاف

[غنية جيجل]

راكم هنا ولا لالا

[جمال مهبول]

وراه هذا السيجي كونيكسيون اختي

[جمال مهبول]

التصاور راهم مقلوبين اختي

[غنية جيجل]

اخي ادخل للصور المرفقة تلقاه تما

[غنية جيجل]

ههههههههه
صورتهم نورمال هوما ماعلاباليش واش بيهم باش جاو هاكذاك والله مافهمت كيفاش موالفة نحط ديجا و جامي جاولي هاكذك
هههههههههههههه

[جمال مهبول]

صحا دورك نشوف في ورقة نتي ثاني كسر راسك اوكي اختي ان شاء الله يكون ساهل اصبر عليا شوية خلاص نشوف معاه

[غنية جيجل]

من جانفي وانا نحل فيه او مالقيتلوش الحل
ههههههههههههه حساب الشوفة كي عاودت وليت مانعرفش نقرا

[جمال مهبول]

اصبري اختي ان شاء الله نصيبو حل

[جمال مهبول]

بصح مكاش لا اجماي فائض استغلال لا النتيجة الصافية معليش انا نحاول نتي زيدي حاولي اوكي

[غنية جيجل]

اخي ماعليش مانحلوهش دوكا نسييو مع واحد نتاع المحاسبة التحليلية
الا اوكي دوكا نصورو

[جمال مهبول]

صحا ايا روحي مام انا نسيت تالمو عندي بزاف ما رجعتوش هذا الدرس ديري تحليلة نحلوها شوية ههههههههه

[غنية جيجل]

بصح مكاش لا اجماي فائض استغلال لا النتيجة الصافية معليش انا نحاول نتي زيدي حاولي اوكي

انا تاني مافهمت والو و الاستاد ماحبش حتى يبداهونا وحنا واحد ماعرف يحلو

[جمال مهبول]

ياويدجي شوفي انا غدوة تروحلي كونيكسيون نزيد نشوفلك واحد صاحبي استاذ بالاك يقدر يحلو ان شاء الله مالا بالاك سبت ولا الاحد نخلاص كونيكسيون

[جمال مهبول]

اسمعي راه منين داك تروح وتجي هيا تروح على 2.00 تاع صباح خلاص باش ما تقوليش راح وخلاني مفيد نتي صوريلنا سيجي وين وصلنا وصلنا

[غنية جيجل]

ايا اوكي نشوفو هذا

[جمال مهبول]

بصح راه مع الكالاج هههههههههه سير تكون تسهري بزاف نتيا ربي يوفقنا ان شاء الله

[جمال مهبول]

صح حيلي ونحل وين حبستي قوليلي خلاص باش تشوفي روحك وين راك ناقصة انا ثاني

[غنية جيجل]

وقيلا ماهوش يبان قبالة
ايه اخي انا تاني دوك شوية خاوتي يطفيولي المودام ، ههههههه

[جمال مهبول]

هههههههه خلاص اذا مكاش نتي حليه غدوة ولا بعد غدوة ان شاء الله هذي الا تطفولك مودام اذا ما طفاوش نكملو ان شاء الله هههههههههههه

[جمال مهبول]

انا نزيد نحلو ان شاء الله فهمتي اذا مكاش كيما راني قتلك و خلاص

[غنية جيجل]

اوكي
فلنبدا على بركة الله

[جمال مهبول]

ابداي صحا قوليلي غير المربع تالي تاع التوزيع شحال في ادارة

[جمال مهبول]

وين راكي اختي

[جمال مهبول]

رحتي ولا راكي هنا

[غنية جيجل]

راني هنا اخي
شوف جدول التوزيع ( كل مانجي ندير حاجة وعاود يخرجلي تسجيل الدخول عليها راني نطول)

[جمال مهبول]

ايه انا ثاني راه ثقيل

[غنية جيجل]

اصبر عليا دقيقة الطابلاث اي رايحة تبلوكي نخرج و نعاود ندخل

[جمال مهبول]

صحا انا نستنا

[غنية جيجل]

واخيرااااااااااا
راني جيت

[غنية جيجل]

الجدول صحيح ولا ماشي صحيح
راني نخدم في تكلفة الشراء وحد الخمس دقايق و نرجع

[جمال مهبول]

صحا اصبر راني نحسب غبر بالحاسبة تاع ميكرو ملقيتش حايبة االية هههههههه
صحا ديري المعادلة هيا صح و نقولك

[جمال مهبول]

روحي اخدمي ا

[غنية جيجل]

هامليك ايه اي تالفتلي مانيش كاتبة غير في ورققة وحدة

[غنية جيجل]

انا هادي اي رايحة تمرضني دقيقة نخرج ونعاود ندخل

[جمال مهبول]

بصح صيانة فيها 8 ماشي 10 ولا انا مارهيش تبانلي مليح

[جمال مهبول]

تاع صيانة ثاني 10 ولا لالالا ماهيش تبان مليح

[غنية جيجل]

ايه المجاميع لزوج يجيو 10 ( تاع الادارة و نتاع الصيانة)

[جمال مهبول]

واش جيت نقول على تكلفة شراء في m1 علاش درتي 0.20 ياك في 20

[غنية جيجل]

لا كي كنت نكتب غلطت ايه هي 20

[جمال مهبول]

صحا راني نصحح راكي جايبتها لاباس صحا وين راكي الان في تكلفة انتاج

[جمال مهبول]

رودي بالك في تكلفة انتاج المنتج الوسيطي s

[جمال مهبول]

انتاج الجاري مارهوش يبان + m1 180ذ ولا 380

[غنية جيجل]

اصبر شويا << ياربي و استر>>

[جمال مهبول]

هههههه اني صابر

[جمال مهبول]

واقيلا رحتي اختي انا مازلت نستنا

[غنية جيجل]

انتاج الجاري مارهوش يبان + m1 180ذ ولا 380

اخي والله رايحة نهبل لا كوناكسيون ضعيفة ماعليش ومبعد نكملوه ايا دمتم

[جمال مهبول]

خلاص صحا تصبح بخير كونسكسيون كامل هاك معلسش ان شاء الله سبت ولا الاحد تصيبني ان شاء الله

[غنية جيجل]

اخي الله غالب ومبع ان شاء الله انا نعاود نصورو قبالة وانت كي تخلص لا ليني( هههههههه ) نكملوه ماعليش خويا سمحلي بزاف

[جمال مهبول]

السلام عليكم اليوم برك راني خلصت الكونيكسيون ايا كي تجي نكملوه برك عاودي صوريلي السيجي

[جمال مهبول]

السلام عليكم راكي طولتيها كي تجي ما تسايش باش نكملو السيجي ان شاء الله

[غنية جيجل]

سلام
سمحلي هذا وين دخلت ، الا راك اهنا و لا لالا
سلام

[جمال مهبول]

راني هنا على سلامتك

[جمال مهبول]

رحتي ههههههههه وراكي

[جمال مهبول]

معنديش على الاقل كيفاش نعرفك الا راكي هنا و لالالالالا

[غنية جيجل]

سلام
الله يسلمك خويا هذا وين دخلو عندي هاد لي ميساج ولا مانعرف كيفاش نسميهم

[جمال مهبول]

راكي مليحة لاباس صحا صورتي سيجي و لالالا

[غنية جيجل]

المهم الا راك اهنا هاوليك السوجي

[غنية جيجل]

راكي مليحة لاباس صحا صورتي سيجي و لالالا

والله غير الحمد لله

[غنية جيجل]

ايه اخي واش نقولك حليتو نهار الخميس انا بطريقة كارثية الحمد لله فقت مع روحي

[جمال مهبول]

مانيش نبريزي فيك اليوم راه السيجي مع الزربية راه بدل الكالاج هههههههههههههههه صحا غدا ان شاء الله نحلو ونتي ثاني حليه باش نعرفوا الاخطاء واش راك حابة نقراو دورك

[جمال مهبول]

وراه الحل ختيتو

[غنية جيجل]

وراه الحل ختيتو

اصبر برك شويا راح ماحبش يدخل

[جمال مهبول]

انا صابر ونبيع في القصبر ه انا نشعر بصح ما نيش لاتي بيه كي نريح نوالي نكتب

[غنية جيجل]

راني نسيي معاه

[جمال مهبول]

صحا انا ندي غير الورقة الاخيرة كي نحلو نقارن النتيحة التحليلية ان شاء الله واش راكي حاب نقراو الان اذا حبيتي بيان سير

[غنية جيجل]

ههههه بصح وين كاينة النتيجة التحليلية الصافية ماحبتش تدخل
عندي بزاف اسئلة ماعليش

[جمال مهبول]

معليش المهم الاستفادة من الطرفين لنعرفها نعرفها اذا معرفتش اسمحليلي ما تضربينيش هههههههههه

[غنية جيجل]

مانيش نبريزي فيك اليوم راه السيجي مع الزربية راه بدل الكالاج هههههههههههههههه صحا غدا ان شاء الله نحلو ونتي ثاني حليه باش نعرفوا الاخطاء واش راك حابة نقراو دورك

ههههه بصح انا لي نبريزيك هاذيك الزربية نتاع الصلاة كنت نصلي و مبعد تفكرتو كي كملت صورتوا ديراكت هو و الحل هههههههههه

[غنية جيجل]

معليش المهم الاستفادة من الطرفين لنعرفها نعرفها اذا معرفتش اسمحليلي ما تضربينيش هههههههههه

ههههههههه و الله يا اخي مانضربش كامل اصلا انا مانزعفش كامل
المهم السؤال الاول
كي نديرو تكلفة انتاج المنتج الوسيطي هل نحسبو التكلفة الوسيطية المرجحة و لا لالا

[جمال مهبول]

علاش تبريزيني متخلينيش نبدا نشعر ايا صحا سقسي

[جمال مهبول]

اذا كان كاين مخزون اول مدة تحسبيه هوما اذا قالك في السيجي مع تالي احسب بالتكلفة الوسطية المرجحة لازم تحسبيه اذا كان كيما قتلك

[غنية جيجل]

علاش تبريزيني متخلينيش نبدا نشعر ايا صحا سقسي

هههههه دليل قاطع بلي رانا نخشعو قبالة في صلاتنا هههههههه
ياربي و اغفرلنا

[جمال مهبول]

http://www.djelfa.info/vb/showthread.php?t=1945604
ادخلي هنا تصيبي حاجة مليحة تنفعك

[جمال مهبول]

المفيد نيتك تكون مليحة اللهم انك عفو كريم تحب العفو فاعفو عني

[غنية جيجل]

اذا كان كاين مخزون اول مدة تحسبيه هوما اذا قالك في السيجي مع تالي احسب بالتكلفة الوسطية المرجحة لازم تحسبيه اذا كان كيما قتلك

انا في هذا السوجي ماحسبتوش خاطر شفت في وحد السوجي اخلاف ولقيت بلي ماحسبناهش

[جمال مهبول]

لازم بويسك نتيجة التكلفة الوسطية تروح تكلفة انتج المنتج p1 ولا p2 اذا كاين انا كنت نحسب هكدا زيدي سقسي انا راني سير واش راني نقول ان شاء الله

[جمال مهبول]

راكي هنا ولا لالا زيدي سقسي معليش الزيادة خير من النقصان

[غنية جيجل]

يعطيك الصحة و الله تقول اعليك طليت على قلبي العام اللي فات قرينا مع استادة ولا اروع ههههههه ماكونتش حتى نعرف نثوشي الكراس و نتاع هذا العام كان اسوا منها
ههههههه

[جمال مهبول]

والله ولي التوفيق ربي يوفقني و يوفقك زيدي السوال لي بعده

[جمال مهبول]

وراكي ياك غير الخير راك تطاي بزاف باش تسقسيني

[غنية جيجل]

انا والله غير صح تلفتلي كامل
شوف فالباك تاع العام لي فات الموضوع التاني قالك اسب بطاقة جرد المخزون مانحسبوش التكلفة الوسيطية انا نشفى حليتو فالباك هو وحليتو صحيح بصح مانيش شافية كيفاش حليت و اصلا مانيش فاهمة كيفاش حليت

[جمال مهبول]

ياويدي ما تتلف ماوالو هذي هيا في معظم حالات بكالوريا يديرو بزاف التكلفة الوسطية المرجحة على جرد الدائم هيا قتلك صح في مخزون اول المدة

[جمال مهبول]

:)حابيت نسقسيك على انتاج الجاري تعرفيه ولا نقولك كيفاش

[جمال مهبول]

قتلك راكي تبطاي باش تسقسيني هذا مكان

[غنية جيجل]

:)حابيت نسقسيك على انتاج الجاري تعرفيه ولا نقولك كيفاش
انتاج جاري اول المدة نزيدوه واخر المدة نقصوه نورمالمون هكذا
ايه يااخي طاحت بيا وضربوني بعين صحيحة حتى العباد اللي اول مرة نشوفهم قالولي ايه انت ماجبتش الباك و احنا كيفاش وفالاخير و ليت مانعرفش حتى كيفاش نبدى لي سوجي

[جمال مهبول]

راكي كيما انا انا ثاني كنت نجيب غير 14 من بعد ربي يجيب الخير ربي يوفقنا راني كيف كيف معاك

[جمال مهبول]

ايه اول مدة نزيدوه واخر مدة نقصوه

[جمال مهبول]

رحتي ولا راكي هنا زيدي سقسي واش راكي حابة

[غنية جيجل]

لالا راني اهنا هذا وين دخلو هاذو لي ميساج( ههههههه)
راني تفكرت العام اللي فات وكامل الاسئلة راحو من بالي والله غير راني نبكي

[جمال مهبول]

رحتي ولا راكي هنا

[جمال مهبول]

لالا راني اهنا هذا وين دخلو هاذو لي ميساج( ههههههه)
راني تفكرت العام اللي فات وكامل الاسئلة راحو من بالي والله غير راني نبكي
علاش تبكي را نا هنا ان شاء الله راني كيفك غير ما تخميش نورمال نضحك ما ديري والو في بالك :19:

[غنية جيجل]

ايه بصح صعيبة بزاف كي تشوف اللي المستوى انتاعهم اهبط على ديالك فالجامعة وانت مازلت فالليسي ثوث فاصون ربي يكملهم ان شاء الله و ربي يوفقنا

[غنية جيجل]

استغفر الله العظيم من كل دنب عظيم
المهم راك فاهم الرياضيات

[جمال مهبول]

المفيد الصحة و العافية النبي صلى الله عليه وسلم في مغزى الحديث تاعو انظرو الى تحتكم لا فوقكم حنا رانا نشوفوا نهدرو نحكو نصلو الحمد لله انسان يحمد ربي على الصحة و العافية برك لا راحت صحة خلاص كي يروح الباك تقد تعاود تعقبوا صحة لالالا بالاك هادو لي راهم في الجامعة راهم لا قراية لا صلاة بالاك بللاك راهم مخرسنها ما تدري انسان شوف روحو برك الله يساهل على الناس فهمتي انا هكدا عقليتي دير الخير تلقاي الخير الله يوفقنا

[جمال مهبول]

استغفر الله العظيم من كل دنب عظيم
المهم راك فاهم الرياضيات

انا منحبهاش نعرف غير احصاء هههههههههههههههههههه الله غالب من بكري منحبهاش

[غنية جيجل]

اخي راك هنا ولا روحت

[جمال مهبول]

اني هنا
المفيد الصحة و العافية النبي صلى الله عليه وسلم في مغزى الحديث تاعو انظرو الى تحتكم لا فوقكم حنا رانا نشوفوا نهدرو نحكو نصلو الحمد لله انسان يحمد ربي على الصحة و العافية برك لا راحت صحة خلاص كي يروح الباك تقد تعاود تعقبوا صحة لالالا بالاك هادو لي راهم في الجامعة راهم لا قراية لا صلاة بالاك بللاك راهم مخرسنها ما تدري انسان شوف روحو برك الله يساهل على الناس فهمتي انا هكدا عقليتي دير الخير تلقاي الخير الله يوفقنا

[جمال مهبول]

https://drive.google.com/file/d/0B2RqQ4Ob7GykbFVVWU1OSHF0N1k/view?pref=2&pli=1
ادخلي هنا تلقاي ملخص تاع اللغة العربية كاملا ان شاء الله

[غنية جيجل]

المفيد الصحة و العافية النبي صلى الله عليه وسلم في مغزى الحديث تاعو انظرو الى تحتكم لا فوقكم حنا رانا نشوفوا نهدرو نحكو نصلو الحمد لله انسان يحمد ربي على الصحة و العافية برك لا راحت صحة خلاص كي يروح الباك تقد تعاود تعقبوا صحة لالالا بالاك هادو لي راهم في الجامعة راهم لا قراية لا صلاة بالاك بللاك راهم مخرسنها ما تدري انسان شوف روحو برك الله يساهل على الناس فهمتي انا هكدا عقليتي دير الخير تلقاي الخير الله يوفقنا
تمينا المشكل حتى من الصحة وماشديناهاش الغاشي ماهداهمش ربي لطريق الخير اللي ئشوف حتى ماشاء الله مايقولوهاش ايه لوكان نحكيلك وحد الحكايات راسك يحبس
والله يا اخي من جهة الصحة ماعندي وين نزيد

[جمال مهبول]

مكان والو ان شاء الله انسان يتوكل على ربي ............ اختيك من هدرةو عقلية ناس دير غير الوسواس انتيوانا السنة ان شاء الله نجيبو باك ونوالو لاباس
ايه واشحال من واحد في وجهك يضحك وفي ظهرك يغدر نسوا بيلي كاين القبر والقلب من جيهتم معمر ايه ما ننساش لي راه مدمر ايه ناس كامل تنس الخير ولاات تتفكر غير في الشر
ان شاء الله يعجبك الشعر
هههههههههههه

[جمال مهبول]

وراكي هنا ولا رحتي

[جمال مهبول]

رحتي ولا راكي هنا

[غنية جيجل]

لالا راني هنا انها الطابلاث تبلوكات بالسيف غير شعلتها
والله غير راك شاعر فور و بزور ههههههه

[جمال مهبول]

الله ينورك كنت نكتب حابست الكتبة

[جمال مهبول]

اعوذ من كلمة انا نقلد الاصوات مهما كانت صيفة تاعو الحمد لله نعمة كاين بزاف امور الحمد لله

[غنية جيجل]

ههههههههه دوكا نبريزيك نتاع الصح انا عندي مرضين مزمنين هههههههه

[جمال مهبول]

صح عندك مرضين

[جمال مهبول]

رحتي ولا راكي هنا

[غنية جيجل]

ايه صح و الله ماني نكدب
ههههه كتشفتهم في اوت اللي فات

[جمال مهبول]

ربي يشافيك ويعافيك احمدي الله عزوجل على هذا ابتلاء لما فيه خير شئ خير من شئ المفيد ربي شافيك حقا زيدي سقسي قلتيلي نسقسيك بزاف اسئلة

[غنية جيجل]

امييييين
والله ماني شافية كامل لازم نتفكر المهم الا راك حاب تقرا الرياضيات نقريك ماعليش غير المتتاليات و الاحتمالات

[جمال مهبول]

الله يجازيك ان شاء الله بصح حتى نقولك بويسك منحبهاش بالاك نخلوها نهارات التوالا ان شاء الله باش ما ننساش واش رايحة تقاريني وخلاص اذا حبيت بيان سير

[جمال مهبول]

رحتي ولا راكي هنا

[غنية جيجل]

انا معنديش مشكل فالرياضيات الوقت اللي تحب تقرا فيه قولي راني فالخدمة ان شاء الله
( انا العام لي فات حليت السوجي التاني كامل صحيح غير الجزء نتاع الدالة كلفة هامشية ماحليتوش حطولي ربعة
عندي مرت خالي استادة رياضيات مسكينة تشوكات من العلامة مقارنة بالخدمة ديالي هههههههههه)

[جمال مهبول]

ان شاء الله الله يجازيك يجعلها في ميزان حساناتك نتي ثاني كاش حاجة في محاسبة

[غنية جيجل]

ان شاء الله ماكانش مشكل وين نحصل اني نقولك يااااااااا
استاد جمال

[جمال مهبول]

صحا استاذة غنية

[جمال مهبول]

غنية ولا جمال المفيد تكون راحة البال نصلي ونقرا و لا ننام لتحقيق المراد و المحال ولا نبني حياتنا على المال بالعكس نبني حياة لتحقيق الاهداف وليس الاوهام و في الليل بالقيام و في النهار بالصيام

[جمال مهبول]

راكي هنا ولا رحتي

[جمال مهبول]

المفيد غدوة ان شاء الله ارواحي بكري باش نمكلو بكري سهرة ماشي مليحة للجسم

[غنية جيجل]

المفيد غدوة ان شاء الله ارواحي بكري باش نمكلو بكري سهرة ماشي مليحة للجسم

ههههههههه هذا هو المشكل الطابلات حتى كاتجي في يدي في اوقات متاخرة
يبقى يكونكتي بيها ومبعد يمدهالي و يكمل بالتيليفون
بصح تعجبك التيليفون نتاعي و راهو عندو مند ازمنة غابرة
حتى صحاباتي مساكن مايعيطولي ماوالو هههههه
راهو مسمي عليا بصح راه عند خويا
هههههههههه

[جمال مهبول]

ان شاء الله يعطيهالك في وقت مبكر ها اضربيه نتي ثاني هههههههههههههههه

[جمال مهبول]

الحمد لله راني حليت السيجب ساهل ماهل الحمد لله كي تجي نفهمك فيه ان شاء الله ما تنسايش ارواح بكري هههههههههه
اذا قدرتي تصيبيني بعد العصر من 5 ولهيه ان شاء الله
سلام

[غنية جيجل]

سلام راكم هنا و لا لالا

[غنية جيجل]

ههههههههه
وقيلة غير انا راني نداور اهنايا وحدي

[جمال مهبول]

راني هنا خسارة عليك هههههههههههه

[جمال مهبول]

ههههههههه

وقيلة غير انا راني نداور اهنايا وحدي
علاش راكي دوري بالسيارة هههههههههههههههههههه
معليش انا راني هنا ان شاء الله

[غنية جيجل]

ايا بيان
وقيلة غير انا وانت نباتو نحسبو فالنجوم هههههههههههه
بالمناسبة والله غير راگ شاعر فور بزاف

[غنية جيجل]

علاش راكي دوري بالسيارة هههههههههههههههههههه
معليش انا راني هنا ان شاء الله
امين كيما يقولو من فمك لربي
الامنية نتاعي نشري طونوبيل ليا هههههههه

[جمال مهبول]

الله ينورك كي تجيبي باك ان شاء الله نكتبلك شعر ههههههههههه

[جمال مهبول]

واش نحلو سيجي ان شاء الله

[غنية جيجل]

اوكيييييييييي
ماتنساش الشعر
وجدو من دوكا هههههههههه

[جمال مهبول]

ههههههههههه
ياويدي انا نكتب في الضيق ماشي في الرخاء ههههه

[غنية جيجل]

اين انت يا استاد جمال وقيلة غلبك النعاس

[جمال مهبول]

لالا راني هنا

[جمال مهبول]

ايه الغلطة 1 تاعك شوفي اجبدي هذيك الورقة لي حليت بيها السيجي

[جمال مهبول]

متقوليليش تابلات تبلوكات ههههههه

[جمال مهبول]

واقيلا نتي لي حكمك النعاس

[غنية جيجل]

وين راك .................

[جمال مهبول]

وين راك .................

راني هنا قتلك اجبدي الورقة لي حليت بيها باش تعرفي الغلطة تاعك

[غنية جيجل]

ايه راني جبدتها

[جمال مهبول]

صحا الغلطة 1 راها في الورشة 2 مجموع التوزيع 2 هو 52000 و ليس 5200 هدي وحدة روحي صحيها

[جمال مهبول]

راكي هنا و لالالا راكي طولي ما تجاوبني هههههههههههه تابلان نعست واقيل

[جمال مهبول]

راكي هنا و لالالا راكي طولي ما تجاوبني هههههههههههه تابلان نعست واقيل
وراكي رحتي

[غنية جيجل]

انا الردود كايبطاو بزاف باش كايدخلو عندي ، انت تاني عندك نفس المشكل و لا لالا

[جمال مهبول]

لالالا نورمال اني نضرب f5 باش تعاود تتحث في ثانية

[جمال مهبول]

صحا قريتي الغلطة 1 ولا لالالالالالالالالالالالالالالالالالالالالالالا

[غنية جيجل]

وراكي رحتي

هذا وين دخلو عندي هاذو الردود

[جمال مهبول]

معليش قريتي الغلطة وتاكدتي ولا مزال

[غنية جيجل]

هههههة
بداية مشرفة من الاولراني غالطة

[جمال مهبول]

صحا روح نتقدمو ولا لالالا غير في غرك متتقلقيش

[جمال مهبول]

صحا روح نتقدمو ولا لالالا غير في غرك متتقلقيش

وين راكي هههههههههههههههههه

[غنية جيجل]

كيما دايما نفس المشكل
لوكان جات نتاعي خبطها نحي لا كريز فيها

[جمال مهبول]

معليش ما تتقلقيش الغلطة 2 متواجدة في تكلفة الشراء في مادة m2 في سعر الشراء 250*300=75000 نتي راكي غالطة فيها زيدي شوفي احسبي مليح

[غنية جيجل]

ههههه
يا استاد ارحمني شويا ماتحطليش 0 على 20 خاطر راني ندبت للدنيا
والحل الاول كان كارثي اكثر من هذا