المساعد الشخصي الرقمي

مشاهدة النسخة كاملة : الاعلان عن انطلاق دورة بيتك جنتك و رضاء ربك مبتغاك

سمراء الدنيا
2016-04-12, 18:51
https://encrypted-tbn1.gstatic.com/images?q=tbn:ANd9GcS0KS5m_SQ7byy_hxCt8iLrsqs12VnFs odd3Ql-hKz4rEcHrd2D9A



بسم الله و الحمد لله و لا حول ولا قوة إلا بالله
اللهم صل و سلم على سيدنا و حبيبنا و شفيعنا محمد عليه افضل الصلاة و ازكى التسليم
السلام عليكم و رحمة الله و بركاته

http://www.ro-ehsas.net/uploads/13912988373.png
باسم الله نفتح طبعتنا السابعة لدورة *بيتك جنتك و رضا ربك مبتغاك *... بعد غياب بسبب ظروف ....ها انا ذي أعود اليكن بدورة ربيعية تحضيرا لشهر رمضان الكريم
اتمنى ان لا تخلو هذه الدورة من الفائدة و المنفعة لربات البيوت اللواتي يبحثن عن التميز و الرقي
و شعارنا رضاء ربي غايتي و اسرتي من اولوياتي

http://www.ro-ehsas.net/uploads/13912988373.png

العناية بالبيت و الاهتمام بنظافته و تنظيمه......من أبسط أصول الحياة الأسرية السوية. فنجاحك أختي في مملكتك الصغيرة هو هدف أسمى لك في هذه الحياة.فمنزلك هو السكن الذي يأوي إليه أفراد العائلة للاسترخاء و الراحة من عناء و كد العمل في الخارج.
و الرجل بالذات يستمد من هذا السكن حيويته و طاقته ونشاطه من جديد لأعماله.... والنجاح المستمر فيها . فلابد لمربية المنزل أن تنجز لها برنامج متكامل في بيتها



http://www.ro-ehsas.net/uploads/13912988373.png

بما ان الدورة تمهيدا لشهر رمضان ارجو ان تشهد تكثيفا في العبادات و الحرص على الجانب الديني

و طبعا فيها الكثير من التنظيف بعد السبات الشتوي هههههه ... سنختار برنامجا تنظيفيا مبسطا و يناسب الجميع

اما عن مفاجأتي لهذه الدورة هي الجانب الجمالي .... سنتحدث فيه مطولا لاننا على ابواب الصيف و المناسبات و أريدكن سيدات مجتمع راقيات ... انيقات .... رشيقات .... باطلالة جمالية جذابة

طبعا لن ننسى صحتنا و تغذيتنا الصحية و تصحيح عاداتنا الخاطئة

فلذات اكبادنا ....اولادنا و بناتنا ..... سنناقش كل المشاكل التي تواجه الامهات و نحلها باذن الله ... معا يد بيد نستفيد من تجارب بعضنا بعض

لا تبخلو عليا باقتراحاتكن و ارائكن في كل المجالات ..... المطبخ .... التربية .... الحياة الزوجية .... كل ما يهمنا .... سنخصص لكل جانب وقتا كافيا
سمراء الدنيا
2016-04-12, 18:52
.**********************************
سمراء الدنيا
2016-04-12, 18:52
*************************************
سمراء الدنيا
2016-04-12, 18:53
***************************************
فايزة1207
2016-04-12, 18:53
عودة ميمونة اختي افتقدناك وتوحشناك
سمراء الدنيا
2016-04-12, 18:55
عودة ميمونة اختي افتقدناك وتوحشناك

يتوحشلك الخير غاليتي
اهلا وسهلا بيك ..... تغيرت ظروفي شويا مع وجود مريومة
ربي يعيني و نكون عند حسن ظنكم
سمراء الدنيا
2016-04-12, 18:56
اهلا وسهلا بالفراشات النشيطات المتحمسات ....

كل ما تسمحلي الفرصة نكتب برنامج الدورة و البداية باذن الله يوم الاحد
فايزة1207
2016-04-12, 19:02
ربي يقدرك اختي ويعينك
كيما قلت تحضيرا لشهر رمضان جاني اليوم كمية معتبرة من الطماطم والفلفل وشفت عدة اخوات يقولو انهم يشويو الطماطم والفلفل باش يخدموه حميص ويجمدوه
سؤالي هل البنة تقعد فيهم؟
ونقطعهم ولا نخليهم حبات؟
سمراء الدنيا
2016-04-12, 19:11
بالنسبة للفلفل انا نشويه و نظفو و نقطعو و نخبيه و كي نجي نطيب ندير لاصوص بالثوم و الطماطم و نرمي كمية من الفلفل المجمد و نخليه يطيب يجيني هايل


اما الطماطم يا سعدك بيها ..... ديري لاصوص بيتزا و خبيها واجدة تنفعك
و طيبي الطماطم و ارحيها و خبيها و استعمليها للشوربات

رايحين نتكلمو على هاذ الموضوع بالتفصيل و بخبرات لبنات و تجاربهم
ام مؤمن
2016-04-12, 19:13
بالتوفيق و اتمنى ان يكون لي نصيب في المشاركة معكم بعد غياب طويل
فراشات العمر
2016-04-12, 19:17
اهلا اهلا صلوحتان عودة ميمونة زعمة جيتي من الحج ههههههههههه
مباركة الدورة
ام براهيم الخليل
2016-04-12, 19:30
اهلا و سهلا الاخت سمراء ربي يقدرك و يكون في عونك نحن بحاجة الى دورات جديدة مثل هذه لنتبادل الافكارو التجارب المنزلية
الرجاء الاماني المجد
2016-04-12, 19:35
شكرا اخت سمراء على هدا الموضوع المهم بارك الله فيك
انا دائما اتابع مواضيعكم في الخفاء واستفيد منها
سمراء الدنيا
2016-04-12, 19:37
بالتوفيق و اتمنى ان يكون لي نصيب في المشاركة معكم بعد غياب طويل

اهلا وسهلا ام مؤمن ... يا ريت تكوني معانا ... حتى انا طولت الغيبة ... هذا وين كتب ربي نفتحو الدورة

اهلا اهلا صلوحتان عودة ميمونة زعمة جيتي من الحج ههههههههههه
مباركة الدورة

اهلا ام لينا من فمك لباب السما الله لا يحرم مومن من زيارة الكعبة
هاكي بديتيلنا بفال زين ... طبعا راكي معانا في الدورة

اهلا و سهلا الاخت سمراء ربي يقدرك و يكون في عونك نحن بحاجة الى دورات جديدة مثل هذه لنتبادل الافكارو التجارب المنزلية

شكرا ام ابراهيم .... حتى انا ما عدتش نعرف نخدم حاجة بدون هذه الدورات
نتمنى تستفيدي معانا
سمراء الدنيا
2016-04-12, 19:39
شكرا اخت سمراء على هدا الموضوع المهم بارك الله فيك
انا دائما اتابع مواضيعكم في الخفاء واستفيد منها


يسعدني اني نعرف انك من المتابعات و يسعدني اكثر مشاركتك معانا
مرحبا بيك معانا اختي رجاء
oum radja
2016-04-12, 19:52
الف مبروح افتتاح الدورلي عودة باذن الله
ام هزار
2016-04-12, 20:31
حبيبتنا الرائعة سمراااء الدنيا
ها قد و عدت فوفيت . اسال الله تعالى لك الجنة . اللهم امين . من وعد وفى و من وفى دخل الجنة
اقسم بالله ان ابتساةم عريضة ترجمت فرحة قلبي الغامرة و انا اقرا هذا الاعلان المبارك
و الله سرعة قباسية في الوفاء بالوعد لم اتوقعها ابدا
ربي يخليلك ميومة واخوانها و والدها و والديك و كل عزيييز لديك . ربي يفرحك . لا تتخيلي كم نحن في امس الحاجة لهكذا دورات . بوركت اختي
صدقيني استفدت كثيرا من دوراتك خاصة اني ام و عاملة . الله يحفظك . ااامييييييين:19::19::19::19::19::19::19::19::19::1 9:
ام هاديل وياسين
2016-04-12, 20:38
مبارك عليك افتتاح الدورة سمورتنا الغالية والله اشتقنا ليك ولمواضيعك وتطبيقاتك

التي تعودنا عليها الله يكون في عونك ونستفادو منك بتوفيق حبيبتي
oum sabrin
2016-04-12, 21:27
السلام عليكم و رحمة الله
سعيييييييييييدة بعودتك حبيبتنا سمراء افتقدناك كثيرا
اولا مبارك عليك المريومة ربي يحفظهالك و كل ابنائك و زوجك و يحفظلك كل عائلتك الكريمة
ثم مبارك علينا الدورة الجديدة جاءت في وقتها نضرب من خلالها عدة عصافير بحجر واحد ان شاء الله تعالى
شكرا لك
متشوقة لمعرفة البرنامج
ام هزار
2016-04-12, 21:29
مبارك علينا هذه الدورة . الحمد لله و كفى و صلى الله على سيدنا المصطفى
ام آدم
2016-04-12, 21:42
ربي يفرحك كيما فرحتينا
ان شاء الله تكون دورة مثمرة مليئة بالنشاط والتآزر والافكار في كل المجالات كما عهدنا دائما
وربي يقدرنا على الافادة والاستفادة
الأمنيات
2016-04-12, 21:48
مبارك عليكم افتتاح الدوره
ان شاء الله تكون افاده في كل المجالات
arwa alaa
2016-04-12, 22:01
الف مبروك على افتتاحالدورة الجديدة
وشكر مني ومن كل الفراشات والله فرحتينا ربي يفرحك باولادك ويجعلها في ميزان حسناتك يا رب
غزالة1
2016-04-12, 22:10
السلام عليكم
متشرفة بمعرفتك اختي سمراء عرفتك من خلال مواضيعك الرائعة
مبارك علينا كلنا الدورة الجديدة
سلام
hanamohamed
2016-04-12, 22:35
السلام عليكم ورحمة الله وبركاته
مبارك علينا وعليكم انطلاق الدورة
بارك الله جهودك أستاذتنا سمراء
جهينة اليقين
2016-04-13, 07:52
السلام عليكم اهلا بنا عندك سميراء ربي يعاوننا وننفعو بعضانا
يا سميراء ارجوك ارجوك ان تركزي على الاكل الصحي في رمضان الماضي طبقت برنامج صحي رايع لكني بدات في التقاعس ولهذا اريد ان ادنكثف الجهود مع بعض ولي عودة بالتفصيل لمن يهمها الامر
ام متين
2016-04-13, 08:46
مبارك افتتاح الدورة وان شاءالله تكون فاتحة خير ونشاط وابراز للهمم وان شاء الله نقضيوبها على الكسل والخمول الي راه مداير حالة فينا
الدر المكنون 7
2016-04-13, 09:05
أهلا سمورتنا النحولة دائما في الموعد رغم كل الظروف
مبارك افتتاح الدورة
ان شاء الله يكون فيها الجديد والكل يستفيد باذن الله
سمراء الدنيا
2016-04-13, 09:42
السلام عليكم و اسعد الله صباحكم

راني غلقت موضوع الدورة الرئيسي حتى نظمو مليح و نظم البرنامج و نفتحو يوم الاحد باذن الله

و خليت هاذ الصفحة لمزيد من النقاش و الدردشة و الطلبات
و رايحة ننقلها لقسم الدردشة حتى نتناقشو براحتنا
واش رايكم ؟؟؟؟؟
سمراء الدنيا
2016-04-13, 09:54
الف مبروح افتتاح الدورلي عودة باذن الله
الله يبارك فيك ام راجا .... تاكلا عليك يا الشاف نتاعنا في التحضيرات المطبخية الخاصة بشهر رمضان
حبيبتنا الرائعة سمراااء الدنيا
ها قد و عدت فوفيت . اسال الله تعالى لك الجنة . اللهم امين . من وعد وفى و من وفى دخل الجنة

اللهم امين... تعرفي شوك لحمي من هاذ الدعوة و لك بالمثل ان شاء الله يا طيبة
اقسم بالله ان ابتساةم عريضة ترجمت فرحة قلبي الغامرة و انا اقرا هذا الاعلان المبارك
و الله سرعة قباسية في الوفاء بالوعد لم اتوقعها ابدا

هههه.... الحقيقة كي شفت لبنات يحلو في اللغز و حسيت املهم متعلق بيك ما حبيتش نخيبكم ...لو كان نجو للصح انتم للي عطيتوني دفعة نفتح الدورة شكرا جزيلا
ربي يخليلك ميومة واخوانها و والدها و والديك و كل عزيييز لديك . ربي يفرحك . لا تتخيلي كم نحن في امس الحاجة لهكذا دورات . بوركت اختي
امين ....امين ...امين .... و يحفظلك عايلتك يا رب
صدقيني استفدت كثيرا من دوراتك خاصة اني ام و عاملة . الله يحفظك . ااامييييييين:19::19::19::19::19::19::19::19::19::1 9:
اخجلتيني بكلامك الرائع و نتمنى نكون عند حسن ظنكم
مبارك عليك افتتاح الدورة سمورتنا الغالية والله اشتقنا ليك ولمواضيعك وتطبيقاتك

التي تعودنا عليها الله يكون في عونك ونستفادو منك بتوفيق حبيبتي
ربي يبارك فيك حبيبتي ....طبعا راح نعمل حسابك و حساب الحوامل ربي يعطيكم وقفة ساهلة و يفرح نفاسكم

السلام عليكم و رحمة الله
سعيييييييييييدة بعودتك حبيبتنا سمراء افتقدناك كثيرا
اولا مبارك عليك المريومة ربي يحفظهالك و كل ابنائك و زوجك و يحفظلك كل عائلتك الكريمة
ثم مبارك علينا الدورة الجديدة جاءت في وقتها نضرب من خلالها عدة عصافير بحجر واحد ان شاء الله تعالى
شكرا لك
متشوقة لمعرفة البرنامج


اهلا وسهلا بيك اختي و ربي يبارك فيك على لكلام الطيب ...
انا بصدد تعديل البرنامج و تنسيقه
فرحتيني بدعاءك كثريلي منو ربي يخليك

مبارك علينا هذه الدورة . الحمد لله و كفى و صلى الله على سيدنا المصطفى

اللهم صل و سلم على سيدنا و حبيبنا المصطفى عليه افضل الصلاة و ازكى التسليم
سمراء الدنيا
2016-04-13, 10:02
ربي يفرحك كيما فرحتينا
ان شاء الله تكون دورة مثمرة مليئة بالنشاط والتآزر والافكار في كل المجالات كما عهدنا دائما
وربي يقدرنا على الافادة والاستفادة

ان شاء الله اختي ام ادم متاملة خير في هاذ الدورة باذن الله ....راح يكون فيها الكثير من الخير

مبارك عليكم افتتاح الدوره
ان شاء الله تكون افاده في كل المجالات

اختي الامنيات رايحة تكوني عمود من اعمدة الدورة و تعرفيني تاكلا عليك تحرصينا على الجانب الديني و لك الاجر ان شاء الله

الف مبروك على افتتاحالدورة الجديدة
وشكر مني ومن كل الفراشات والله فرحتينا ربي يفرحك باولادك ويجعلها في ميزان حسناتك يا رب

اللهم امين ....للي يفرح اكثر هو هاذ الدعاء للي غرقتوني بيه و هاذ الحب في الله نتمنى نكون قدو ...مرحبا بيك اخية

السلام عليكم
متشرفة بمعرفتك اختي سمراء عرفتك من خلال مواضيعك الرائعة
مبارك علينا كلنا الدورة الجديدة
سلام

و عليك السلام و الرحمة غزالة ...الشرف ليا اني نجمع مجموعة من الفراشات النشيطات صاحبات الهمم العالية
صابرة محتسبة
2016-04-13, 10:05
وعليكم السلام ورحمة الله وبركاته
دورة تعليمية مباركة وأسأل الله أن تعم الفائدة من خلالها
والشكر لكل الأخوات المشاركات
وأسأل الله أن يعينكم على تقديم أفضل مالديكم وأن تحقق الفائدة للجميع
فجزاكم الله خيرا وبارك فيكم
صابرة محتسبة
2016-04-13, 10:20
http://www3.0zz0.com/2016/04/13/12/627241223.gif
sternhimmel
2016-04-13, 10:48
بالتوفييييييييق ان شاء الله
سمراء الدنيا
2016-04-13, 10:57
السلام عليكم ورحمة الله وبركاته
مبارك علينا وعليكم انطلاق الدورة
بارك الله جهودك أستاذتنا سمراء


و عليك السلام و رحمة الله و بركاته....و فيك بارك الله اختي
انتظر مشاركتك معانا طبعا
السلام عليكم اهلا بنا عندك سميراء ربي يعاوننا وننفعو بعضانا
يا سميراء ارجوك ارجوك ان تركزي على الاكل الصحي في رمضان الماضي طبقت برنامج صحي رايع لكني بدات في التقاعس ولهذا اريد ان ادنكثف الجهود مع بعض ولي عودة بالتفصيل لمن يهمها الامر

[

مبارك افتتاح الدورة وان شاءالله تكون فاتحة خير ونشاط وابراز للهمم وان شاء الله نقضيوبها على الكسل والخمول الي راه مداير حالة فينا



اهلا بصاحبة الادعية المباركة ..... خلاص وداعا للكسل و الخمول و اهلا بالنشاط و الحيوية .... اول ماراح نبدا.... نجمع كل ما هو متعلق بجلب الطاقة الاجابية و التخلص من كل ما هو سلبي


أهلا سمورتنا النحولة دائما في الموعد رغم كل الظروف
مبارك افتتاح الدورة
ان شاء الله يكون فيها الجديد والكل يستفيد باذن الله


عمرك طويلة ام ايمان كنت راح نراسلك .... ما نستغناش على وجودك معانا في مثل هاذ الدورات
طبعا انتظر منك الدعم و التشجيع كيما عودتينا


[color="darkorchid"]وعليكم السلام ورحمة الله وبركاته
دورة تعليمية مباركة وأسأل الله أن تعم الفائدة من خلالها
والشكر لكل الأخوات المشاركات
وأسأل الله أن يعينكم على تقديم أفضل مالديكم وأن تحقق الفائدة للجميع
فجزاكم الله خيرا وبارك فيكم

و عليكم السلام و رحمة الله و بركاته
اهلا وسهلا باختنا صابرة نورتينا و فرحتيني بالدعاء ربي يجازيك كل خير
شكرا على سلة الزهور الجميلة يا جميلة [/QUOTE]
ام منيب
2016-04-13, 12:07
السلااااام علييييكم
ربي يبشرك بالف خير سمورة
كلنا محتاجين تغيييييير الغبار كلانا ههههههههههه
جبتيها في الوقت
الاء هبة الرحمان
2016-04-13, 13:37
الف مبروك الدورة اكيد راح تكون عامرة بالفائدة والحماس

مجهودك فى ميزان حسناتك لان الله فى عون العبد مادام العبد فى عون اخيه بارك الله فيك
أم فاطيمة
2016-04-13, 15:11
الف مبروك الدورة جات في وقتها سمورة كما تعرفي
ان شاء الله كل واحد يفيد و يستفيد
ربي يبارك فيك و في وليداتك
الأمنيات
2016-04-13, 15:44
السلام عليكم
اليوم بديت بالكونجلاتور كنت مفرغتها امس واليوم صبحت عليها نضفتها وغيرت الديكور تاع الهول
الي دايرتها فيه
وناويه للثلاجه تاني نديرلها حمله هاد الاسبوع كل مره حاجه راكم عارفيني مشكلتي مع ركبتي
ديما المطبخ نخليه هو الاخر
الاخت الي سولت على حوايج رمضان واش نخبوا
انا طيبت الطماطم وطحنتها ودرتها في قارورات وعصرت القارص نصف ونصف خليته حبات ودرتهم في مونجلاتور حتى الفلفله مشويه ومنظفه ومخبيه
واش تاني كي نتفكر نرجع
الأمنيات
2016-04-13, 15:49
رجعت للجانب الديني
كيما تعرفوا دخل رجب ودرك يلحق شعبان نتمنى نتشجعوا ونصوموا ايام
اما الاثنين والخميس ولا ايام البيض كل وحده ومقدورها هاكا تكون تشجيع وتحفيز
باش نصوموا رمضان على احسن حال
تاني ما تنسوش تعودوا رواحكم على صلاة الفجر وقراءة الورد اليومي من القران والاذكار الصباح
راها تساعد باش يكون يومك نشيط ومميز
هيا تشجعوا غدوة الخميس شكون تصوم ؟؟؟
ام هزار
2016-04-13, 16:49
سمراااااااء . اختي رانا معاك باذن الله في كل ما تخططين له . و الله الموفق
oummalak
2016-04-13, 16:53
السلام عليكم حبيباتي
الف مبارك علينا افتاح هده الدورة الشكر لسمورتنا على مجهودها وبارك الله فيها ورزقها الجنة
امنيات نامل فيك حبيبتنا تحطي برنامج رمضان الي حطيتيه السنة الماضية
وان شاء الله تكون هاد الدورة فاتحة خير علينا باه نفضو الغبار الي راهو متراكم علينا وعلى بيوتنا
بسم الله توكلنا على الله فهو حسبنا ومعيننا
البحر الصافي
2016-04-13, 17:31
بارك الله فيك اختي راني متتبعة معاكم باذن الله ربي يقدرك ويوفقك ويجعل مجهودك في ميزان حسناتك رانا معاك الى الامااااااااام بقدرة الله
x ام رحاب x
2016-04-13, 17:53
ماشاء الله عليك اختي سمراء الدنيا وربي يجعلها في ميزان حسناتك وان شاء الله ربي يقدرنا وكامل الاخوات يتفاعلنا مع هاد الدورة
اختي الي سقسات على الطماطم انا نرحيها وانطيبها وانديرلها شوية ملح وراص الحانوت وزيت وانخليها اطيب وتعقد بزاف حتان اتولي عاقدة كي الطماطم المصبرة وانخبيها وانطيب بيها الشربة في رمضان واش انقلك في البنة ومادزيديش الطماطم خلاص
ام آدم
2016-04-13, 18:15
بسم الله ما شاء الله راني نشوف بلي بدات تبادل الخبرات والافكار
انا اليوم قعدت في الخدمة وحدي وبديت نخطط ونرتب في افكاري وخممت على الجوانب لي راح نركز عيها قبل رمضان
بديت بالجانب الديني وقررت مايلي
صوم اثنين وخميس
المواضبة على صلاة الفجر
تعويد اللسان على الذكر
مسك اللسان عن الغيبة
صلاة الضحى
ختم القرآن قراءة بتدبر على الاقل مرة قبل رمضان
التصدق ولو بالقليل كل جمعة
والله المستعان
ام آدم
2016-04-13, 18:19
لي عودة باش نقولكم واش خممت ثاني على الجانب الجمالي و الصحي و جانب المعاملات مع الزوج وتربية الاطفال
حياة نور الدين
2016-04-13, 21:21
بارك الله فيك اختي وموضوووووع رووووووعة
رحمة2016
2016-04-13, 21:34
بارك الله فيك اختي ان شاء الله نكون من المشاركات
ام هزار
2016-04-13, 21:37
الله يبارك فيك ام ادم . توامي طباعك و افكارك قريبة جدا من افكاري ..... ربي يوفقك و يسدد خطاك . امين
ام آدم
2016-04-13, 21:46
ربي يخليك يا توأمي ربي يوفقنا لما يحب ويرضى ويجمعنا ويظلنا بظله يوم لا ظل الا ظله
أم محمدامين
2016-04-14, 12:24
ما شاء الله عليك اختى العزيزه يجعله فى ميزان حسناتك أ نا من متابعين مواضيعك المفيدة من قبل تسجلي في هدا المنتدى رائع
جوهرة الغرب.
2016-04-14, 13:44
متاااااااااابع_ة وفية لكن وبالتوفيق
سمراء الدنيا
2016-04-14, 19:03
اهلا و سهلا بكل للي التاحقو بينا راح نرد عليكم غدا باذن الله


تقدرو تشوفو البرنامج و تقولولي واش رايكم واش راكم حابين تناقشو
بقالي البرنامج التنظيفي نكملو من بعد
و تاني نعدل على الباقي
و راكم تعرفو البداية ان شاء الله تكون يوم الاحد مع التنظيفات
لكن البرنامج الديني نبدو من الان خصوصا الختمة و راهي البداية كانت من عند الامنيات
رايحة ننقل المشاركات المفيدة الى الصفحة الرئيسية
ام آدم
2016-04-14, 19:41
بارك الله فيك سمراء الدنيا البرنامج الديني كافي ووافي ما شاء الله
الله يقدرنا ونفذوه ان شاء الله
غزالة1
2016-04-14, 20:46
السلام عليكم
البرنامج ما شاء الله ربي يقدرنا على تطبيقه
عجبني بعد البرنامج الديني البرنامج الجمالي لاني احتاجه فعلا
اللهم اعنا على ذكرك و شكرك و حسن عبادتك
سلامي للجميع
ام هزار
2016-04-15, 19:58
راني معكم ان شاء الله في جميع البرامج
اختي سمراء الدنيا بالنسبة للجانب التنظيفي . اتوسم انه يكون بالتدريج كما عهدناه في دوراتك السابقة . حتى يتسنى للجميع الالتزام به . كل واحدة حسب ظروفها . العاملة . الام . المريضة . المربية ...... الخ . و شكرا مسبقا
جهينة اليقين
2016-04-16, 08:56
شكرا سميراء عجبني البرنامج الديني ان شاءالله يا رب نقدرو نطبقوه الكل حسب ظروفو وراني مصرة على الجانب الصحي في الاكل ونتمنى انو كل اخت تعيننا ولو بمعلومة بسيطة تكون عندها ما تبخلش بها علينا هذي صحتنا وصحة اولادنا والام هي المؤولة عليه
hanamohamed
2016-04-16, 09:48
السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين
نسأل الله جل وعلا أن يوفقكن الى مايحب ويرضى ويُيسر لن أمورنا كلها
وأن يجعل النجاح والتوفيق حليفنا بإذنه تعالى
وجميع المسلمين بإذنه تعالى
اللهــم آميـــــن
شوشو 11
2016-04-16, 10:51
السلام عليكم اخواتي
ربي يحفظك حبيبتي سمرا على المبادرة الطيبة وربي يجعلها في ميزان حسناتك
بارك الله فيكم أخواتي على الاثراء والمشاركة بالأفكار والتطبيقات وطبعا انتم لي تدعوا بالدورة للنجاح
أن شاءالله ربي يوفق الجميع للأهداف المسطرة للدورة. .ويااارب نكون معاكم بالتطبيقات لأنها الدورة جات في وقتها. ...انا وقتي ضيق من الخدمة والدار وتأتي الصحة على قدي. ...احسبوا حساب الخدمات والأمهات لي يرضعوا والتعبانات باش الكل يستفيد
أكرر شكري وامتناني لكن وخاصة الرائعة سمرا
hanamohamed
2016-04-16, 11:57
اخواتي لختم القران في هذاالشهر بقية تقريبا 20 يوما وعدد الصفات 600 تقريبا 30 صفحة في اليوم علينا الالتزام بهذا قدر المستطاع
اتمنى لجميع رفيقاتي اللاتي سيجتازون المسابقة التوفيق
ام هزار
2016-04-16, 12:24
صباح الخير للجمع
جهينة راني معاك في الاكل الصحي 100في 100 . اول قاعدة لا للقليان المتكرر . نعتمد على الطهي بالبخار . مفيد جدا و الفيتامينات و القيمة الغذائية للاطعمة تبقى محفوظة
سيدة الاكل الصحي في هذا المنتدى هي زينب 83 . وصفاتها لذيذة و صحية
نبدا على سبيل المثال لا الحصر . البوراك و هو المقبلة الاكثر تواجدا على موائدنا في شهر رمضان . انا عملتو على طريقتها في الفرن . و جا روعة هو بريك في الفرن
ثانيا السلطات لازم الصوص تاعها تكون بزيت الزيتون ما امكن . فوائده لا تعد و لا تحصى
الابتعاد عن التجميد قدر الامكان . يفضل اكل الطعام مطبوخا جازجا
الاعتماد على تحضير الاطعمة المصبرة لشهر رمضان . و وصفات زيتب 83 مرجع غني و ناجح لها
الابتعاد عن العصائر المصبرةو استبدالها بالطازجة في المنزل
علما ناي عاملة و ام مربية . و فادتني هذي الطرق الصحية بزاف
نزيد كشما نتفكر و نرجع ان شاء الله
في انتظار اقتراحاتكن . سلاااااام
جهينة اليقين
2016-04-16, 13:24
عندي تجربة مع رمضان السنة الماضية رايعة سادرجها ان شاء الله ونتبادلو الخبرات وكما قلتي ام هزاز اعتمد على الفرن كثيرا للبوراك للمعقودة الحوت كذلك لاااااا للطبخ السريع فالكوكوت ننصب بكري فالطاجين ونخليه يطيب في غرضو وانشاء الله كل مرة نمد نصيحة باش ما يكملوليش ههههه
سمراء الدنيا
2016-04-16, 14:16
بارك الله فيكن يا فراشات
ارى ان العمل بدا .... فرحتوني
فرغت نفسي بالامس لكن لسوء الحظ لم استطع دخول المنتدى و لو اعرف السبب
الحمد لله اليوم فرحت كي قدرت ندخل

رايحة نفتح صفحة الدورة
ورايا يا بنات
سمراء الدنيا
2016-04-16, 15:47
السلااااام علييييكم
ربي يبشرك بالف خير سمورة
كلنا محتاجين تغيييييير الغبار كلانا ههههههههههه
جبتيها في الوقت
و عليك السلام ام منيب ..... شاركينا يومياتك يا الشاطرة
الف مبروك الدورة اكيد راح تكون عامرة بالفائدة والحماس
اهلا وسهلا بيك معانا نورتينا
مجهودك فى ميزان حسناتك لان الله فى عون العبد مادام العبد فى عون اخيه بارك الله فيك

ربييبارك فيك على الكلام الطيب ... لا نرجو سوى الاجر
الف مبروك الدورة جات في وقتها سمورة كما تعرفي
ان شاء الله كل واحد يفيد و يستفيد
ربي يبارك فيك و في وليداتك
ربي يخليك ام فطيمة نتمنى الدورة تكون مفيدة للجميع
السلام عليكم
اليوم بديت بالكونجلاتور كنت مفرغتها امس واليوم صبحت عليها نضفتها وغيرت الديكور تاع الهول
الي دايرتها فيه
وناويه للثلاجه تاني نديرلها حمله هاد الاسبوع كل مره حاجه راكم عارفيني مشكلتي مع ركبتي
ديما المطبخ نخليه هو الاخر
الاخت الي سولت على حوايج رمضان واش نخبوا
انا طيبت الطماطم وطحنتها ودرتها في قارورات وعصرت القارص نصف ونصف خليته حبات ودرتهم في مونجلاتور حتى الفلفله مشويه ومنظفه ومخبيه
واش تاني كي نتفكر نرجع

بارك الله فيك امنيات راني نقلت مشاركتك المفيدة الى الصفحة الرئيسية
سمراء الدنيا
2016-04-16, 15:49
سمراااااااء . اختي رانا معاك باذن الله في كل ما تخططين له . و الله الموفق
شكرا على الدعم ام هزار
السلام عليكم حبيباتي
الف مبارك علينا افتاح هده الدورة الشكر لسمورتنا على مجهودها وبارك الله فيها ورزقها الجنة
امنيات نامل فيك حبيبتنا تحطي برنامج رمضان الي حطيتيه السنة الماضية
وان شاء الله تكون هاد الدورة فاتحة خير علينا باه نفضو الغبار الي راهو متراكم علينا وعلى بيوتنا
بسم الله توكلنا على الله فهو حسبنا ومعيننا

وعليك السلام حبيبتي ام ملاك
ان شاء الله نرجعو لنشاطنا السابق و نتمسكو اكثر و اكثر بدينا
بارك الله فيك اختي راني متتبعة معاكم باذن الله ربي يقدرك ويوفقك ويجعل مجهودك في ميزان حسناتك رانا معاك الى الامااااااااام بقدرة الله
و فيك بارك الله اختي و مرحبا بيك معانا .... شكرا على الدعوة الجميلة
ماشاء الله عليك اختي سمراء الدنيا وربي يجعلها في ميزان حسناتك وان شاء الله ربي يقدرنا وكامل الاخوات يتفاعلنا مع هاد الدورة
اختي الي سقسات على الطماطم انا نرحيها وانطيبها وانديرلها شوية ملح وراص الحانوت وزيت وانخليها اطيب وتعقد بزاف حتان اتولي عاقدة كي الطماطم المصبرة وانخبيها وانطيب بيها الشربة في رمضان واش انقلك في البنة ومادزيديش الطماطم خلاص
ان شاء الله نكون عند حسن ظنكم
و بارك الله فيك على التدبيرة
لي عودة باش نقولكم واش خممت ثاني على الجانب الجمالي و الصحي و جانب المعاملات مع الزوج وتربية الاطفال
في انتظارك اختي ام ادم شوقتيني
بارك الله فيك اختي وموضوووووع رووووووعة
و فيك بارك الله ... مرورك اروع
بارك الله فيك اختي ان شاء الله نكون من المشاركات
و فيك بارك الله ...الشرف لينا اختي انك تشاركي معانا



ما شاء الله عليك اختى العزيزه يجعله فى ميزان حسناتك أ نا من متابعين مواضيعك المفيدة من قبل تسجلي في هدا المنتدى رائع
اختي ام امين اسعدني كثيرا كلامك و ان شاء الله تكوني عضو فعال في الدورة
متاااااااااابع_ة وفية لكن وبالتوفيق
شكرا عزيزتي ميمي على التشجيع



سامحوني ما قدرتش نكمل الردود لي عودة ان شاء الله
الاولاد و ابوهم طلبو البغرير واااااعععععع
hanamohamed
2016-04-16, 16:54
بصحتكم البغرير سمراء راني درت انا ثاني وشربنا به قهوة و حليب وهي الثانية لنا لنخممو فيها مع بعض سبحان الله
تطبيقاتي ان شاء الله راح نحطها وراني نوجد في الطماطم الزوج حفظه الله يحب الشربه بها و كذلك البدنجان
جهينة اليقين
2016-04-16, 19:05
بصحتكم البغرير سمراء وهناء انا درت كروكي مع الشاي وللعشاء دجاج وبطاطا صغيورة في كيس الشواء في الفرن مع سلطة
ام هزار
2016-04-16, 22:10
لبنات حبيت نظيف ملاحظة برك .انو ما نبداوش في تصبير الطماطم و باقي الخضر حتى بداية شهر ماي . ان زينب قالت ان اقصى مدة للاحتفاظ بها يعني استهلاكها هي 3 اشهر . كل وحدة تشوف ععد عائلتها و الكمية اللي راح تحظرها و اذا رايحة تفضللها بعد رمضان
سمراء و كل الاخوات بصحتكم ما حضرتم للقهوة . تصبحن على خييير
oum sabrin
2016-04-16, 22:44
السلام عليكم و رحمة الله
يعطيك الصحة سمورتنا على البرنامج عجبني ما شاء الله كامل متكامل و راني متشوقة للتطبيق معكن فالعمل جماعة عندو طعم اخر
غدا باذن الله انطلق مع غسل الريدوات و الكاش ريدو و السدادر و نظف الارائك و نشوف واش نزيدعلى حساب الوقت لانو الاحد شويا مضغوط
اتمنى لكن التوفيق
جهينة اليقين
2016-04-17, 06:43
السلام عليكم يا فراشات كاش نشاط مع هذا اليوم الجديد اليوم بداية الدورة الجديدة نتمناها مفيدة ويد الله مع الجماعة ربي يبارك لنا فيها انشاء الله لنفيد ونستفيد
غزالة1
2016-04-17, 07:00
السلام عليكم
اصبحنا واصبح الملك لله
اللهم صل وسلم وبارك على سيدنا وحبيبنا محمد وعلى آله وصحبه أجمعين
ام آدم
2016-04-17, 08:28
اسعد الله صباحكن عزيزاتي
arwa alaa
2016-04-17, 08:30
صباح الخير عليكم
اختي سمراء يعني حنى اليوم نديرو واش درتي البارح في التنظيف ام كيف اسمحيلي اول مرة نشارك معاك منعرفش النظام
oumhana
2016-04-17, 14:08
مساء الخير أتي سمراء و كل المتواجدين في هذا المنتدى الراقي .عودتك فرحتني أنا من المتتبعات لك ويسعدني ن أنضم إليكم إن شاء الله رمضان مبارك لينا و على أمه سيدنا و حبيبنا صلى الله عليه وسلم. كما قالو الأخوات بديت أنضف غير بالعقل خاطر داري صغيره بديت فالكوزينة خرجت كامل الخردة لي منسحقهااشرميتها. ولميت شويه ماعن ناويه نمدهم كمايقولومشي رياء بصح الحاجة لحنا مخزننها و منستعملوهاش بلاك واحد آخر يفرح بيها و يديرلها قيمه. خملت البلاكار ونظفت الدنيا مليح راني نحاول في أبو الشباب يجيبلي بانتر يزوقلي غير المطبخ. أما باقي البيت و الصالون ساهلين.وكما قلتي أختي لازم يكون عندنا جانب العباده أنا دائما كيبدا يطوال الوقت نحب نقرا القرآن بين االمغرب و العشا هذاك الوقت نكون حطيت لعشا يطيب ونا نقرا شوية. أما بالنسبة لتحضيرات المأكولات ماحضرت والو مزال شريت شوية قارص باه ندير بيه jus ونكوجليه.لا أكثر يبانلي مزال شويه الحال. على كل نقولك ليك ولكل الأخوات يعطيكم الصحه وربي يجازيكم .اللهم بلغنا رمضان آمين
سمراء الدنيا
2016-04-17, 19:14
بارك الله فيك سمراء الدنيا البرنامج الديني كافي ووافي ما شاء الله
الله يقدرنا ونفذوه ان شاء الله


السلام عليكم
البرنامج ما شاء الله ربي يقدرنا على تطبيقه
عجبني بعد البرنامج الديني البرنامج الجمالي لاني احتاجه فعلا
اللهم اعنا على ذكرك و شكرك و حسن عبادتك
سلامي للجميع
اللهم امين
اليوم باذن الله نحط البرنامج التجميلي و يا رب يكون مفيد
راني معكم ان شاء الله في جميع البرامج
اختي سمراء الدنيا بالنسبة للجانب التنظيفي . اتوسم انه يكون بالتدريج كما عهدناه في دوراتك السابقة . حتى يتسنى للجميع الالتزام به . كل واحدة حسب ظروفها . العاملة . الام . المريضة . المربية ...... الخ . و شكرا مسبقا
راني نحاول نبسطو قدر المستطاع و ان شاء الله يناسب الجميع .... و يا ريت للي عندها فكرة تفيدنا بيها ممكن نطوروها او نبلوروها
شكرا سميراء عجبني البرنامج الديني ان شاءالله يا رب نقدرو نطبقوه الكل حسب ظروفو وراني مصرة على الجانب الصحي في الاكل ونتمنى انو كل اخت تعيننا ولو بمعلومة بسيطة تكون عندها ما تبخلش بها علينا هذي صحتنا وصحة اولادنا والام هي المؤولة عليه
الحمد لله اننا متفقون
نتمنى يكون الجميع بنفس حماسك و اصرارك
السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين
نسأل الله جل وعلا أن يوفقكن الى مايحب ويرضى ويُيسر لن أمورنا كلها
وأن يجعل النجاح والتوفيق حليفنا بإذنه تعالى
وجميع المسلمين بإذنه تعالى
اللهــم آميـــــن

اللهم امين
بارك الله فيك
السلام عليكم اخواتي
ربي يحفظك حبيبتي سمرا على المبادرة الطيبة وربي يجعلها في ميزان حسناتك
بارك الله فيكم أخواتي على الاثراء والمشاركة بالأفكار والتطبيقات وطبعا انتم لي تدعوا بالدورة للنجاح
أن شاءالله ربي يوفق الجميع للأهداف المسطرة للدورة. .ويااارب نكون معاكم بالتطبيقات لأنها الدورة جات في وقتها. ...انا وقتي ضيق من الخدمة والدار وتأتي الصحة على قدي. ...احسبوا حساب الخدمات والأمهات لي يرضعوا والتعبانات باش الكل يستفيد
أكرر شكري وامتناني لكن وخاصة الرائعة سمرا
لا شكر على واجب اختي شوشو
نحتاجك تعطيني برنامجك كعاملة حتى نزيدو نطورو فيه و نتحصلو على برنامج يناسب جميع العاملات للي معانا
اخواتي لختم القران في هذاالشهر بقية تقريبا 20 يوما وعدد الصفات 600 تقريبا 30 صفحة في اليوم علينا الالتزام بهذا قدر المستطاع
اتمنى لجميع رفيقاتي اللاتي سيجتازون المسابقة التوفيق
بارك الله فيك ....طليتي على قلبي ...راني بديت نطبق فكرتك
نعيت 30 صفحة من المصحف و نجاهد نفسي نخلصها خلال اليوم حتى نلحق باذن الله
صباح الخير للجمع
جهينة راني معاك في الاكل الصحي 100في 100 . اول قاعدة لا للقليان المتكرر . نعتمد على الطهي بالبخار . مفيد جدا و الفيتامينات و القيمة الغذائية للاطعمة تبقى محفوظة
سيدة الاكل الصحي في هذا المنتدى هي زينب 83 . وصفاتها لذيذة و صحية
نبدا على سبيل المثال لا الحصر . البوراك و هو المقبلة الاكثر تواجدا على موائدنا في شهر رمضان . انا عملتو على طريقتها في الفرن . و جا روعة هو بريك في الفرن
ثانيا السلطات لازم الصوص تاعها تكون بزيت الزيتون ما امكن . فوائده لا تعد و لا تحصى
الابتعاد عن التجميد قدر الامكان . يفضل اكل الطعام مطبوخا جازجا
الاعتماد على تحضير الاطعمة المصبرة لشهر رمضان . و وصفات زيتب 83 مرجع غني و ناجح لها
الابتعاد عن العصائر المصبرةو استبدالها بالطازجة في المنزل
علما ناي عاملة و ام مربية . و فادتني هذي الطرق الصحية بزاف
نزيد كشما نتفكر و نرجع ان شاء الله
في انتظار اقتراحاتكن . سلاااااام
بارك الله فيك هذا واش كنت باغية نقول و راني اقتابست كلامك في الصفحة الرئيسية لاهميته
شكرا جزيلا
عندي تجربة مع رمضان السنة الماضية رايعة سادرجها ان شاء الله ونتبادلو الخبرات وكما قلتي ام هزاز اعتمد على الفرن كثيرا للبوراك للمعقودة الحوت كذلك لاااااا للطبخ السريع فالكوكوت ننصب بكري فالطاجين ونخليه يطيب في غرضو وانشاء الله كل مرة نمد نصيحة باش ما يكملوليش ههههه
فعلا افكار صحية رائعة
انا ايضا اعتمد نفس طريقتك في رمضان و في غيرو
و للحديث بقية
سمراء الدنيا
2016-04-17, 19:26
بصحتكم البغرير سمراء راني درت انا ثاني وشربنا به قهوة و حليب وهي الثانية لنا لنخممو فيها مع بعض سبحان الله
تطبيقاتي ان شاء الله راح نحطها وراني نوجد في الطماطم الزوج حفظه الله يحب الشربه بها و كذلك البدنجان
هههههههه..... سبحان الله جمع ووفق
في انتظار التطبيقات
بصحتكم البغرير سمراء وهناء انا درت كروكي مع الشاي وللعشاء دجاج وبطاطا صغيورة في كيس الشواء في الفرن مع سلطة
مممممم كروكي ...بصحتكم .......... فكرتيني فيه نعملو لفطور الصباح العايلة عندي يموتو عليه
لبنات حبيت نظيف ملاحظة برك .انو ما نبداوش في تصبير الطماطم و باقي الخضر حتى بداية شهر ماي . ان زينب قالت ان اقصى مدة للاحتفاظ بها يعني استهلاكها هي 3 اشهر . كل وحدة تشوف ععد عائلتها و الكمية اللي راح تحظرها و اذا رايحة تفضللها بعد رمضان
سمراء و كل الاخوات بصحتكم ما حضرتم للقهوة . تصبحن على خييير
الله يسلمك ام هزار
الحقيقة انا مازال ما بديت التصبير مازال الطماطم غالية عندنا و الله المستعان
السلام عليكم و رحمة الله
يعطيك الصحة سمورتنا على البرنامج عجبني ما شاء الله كامل متكامل و راني متشوقة للتطبيق معكن فالعمل جماعة عندو طعم اخر
غدا باذن الله انطلق مع غسل الريدوات و الكاش ريدو و السدادر و نظف الارائك و نشوف واش نزيدعلى حساب الوقت لانو الاحد شويا مضغوط
اتمنى لكن التوفيق


ربي يقويك و يعينك ام صابرين نعرفك تلميذة مجتهدة :19:
السلام عليكم
اصبحنا واصبح الملك لله
اللهم صل وسلم وبارك على سيدنا وحبيبنا محمد وعلى آله وصحبه أجمعين
اللهم صل وسلم على سيدنا محمد
مساء الخير أتي سمراء و كل المتواجدين في هذا المنتدى الراقي .عودتك فرحتني أنا من المتتبعات لك ويسعدني ن أنضم إليكم إن شاء الله رمضان مبارك لينا و على أمه سيدنا و حبيبنا صلى الله عليه وسلم. كما قالو الأخوات بديت أنضف غير بالعقل خاطر داري صغيره بديت فالكوزينة خرجت كامل الخردة لي منسحقهااشرميتها. ولميت شويه ماعن ناويه نمدهم كمايقولومشي رياء بصح الحاجة لحنا مخزننها و منستعملوهاش بلاك واحد آخر يفرح بيها و يديرلها قيمه. خملت البلاكار ونظفت الدنيا مليح راني نحاول في أبو الشباب يجيبلي بانتر يزوقلي غير المطبخ. أما باقي البيت و الصالون ساهلين.وكما قلتي أختي لازم يكون عندنا جانب العباده أنا دائما كيبدا يطوال الوقت نحب نقرا القرآن بين االمغرب و العشا هذاك الوقت نكون حطيت لعشا يطيب ونا نقرا شوية. أما بالنسبة لتحضيرات المأكولات ماحضرت والو مزال شريت شوية قارص باه ندير بيه jus ونكوجليه.لا أكثر يبانلي مزال شويه الحال. على كل نقولك ليك ولكل الأخوات يعطيكم الصحه وربي يجازيكم .اللهم بلغنا رمضان آمين
يعطيك الصحة يا الشاطرة راكي سابقتنا
اسعدني كثير انضمامك لينا .... راح نقتابس هذه المشاركة و نحطها في الدورة
سمراء الدنيا
2016-04-17, 19:29
الحمد لله اني قدرت نرد عليكم كامل حتى ما تحسوش اني تجاهلت مشاركاتكم ...هو فقط مشكل الوقت
مثلا اليوم عندي وقت بعد العصر قلت نعدل في البرنامج بقيت مع الباب و الهاتف و بعدها رجع الزوج من العمل مرهق و تعبان و الاولاد

حتى راح كل الوقت

ملتقانا في الدورة باذن الله