تسجيل الدخول

مشاهدة النسخة كاملة : استفسار عن البراج او المبرجة

aminabent
2016-04-12, 16:05
السلام عليكم حبيباتي حبيت تفيدوني باسم السميد اللي استعملتوه في البراج لاني درتو من سميد اسمو البهار جاني كارثة مبسس فوق اللازم ما نقدرش حتى نقلبو في الطاجين و حتى الغرس جات يابسة ما فهمتش علاه ارجوا انكم تفيدوني و شكرا مسبقا و الطريقة لي درت بيها 3كيلات سميد بكيلة زايدة شوية ايدام مخلط بين سمن و زبدة و الغرس عجنتو بشوية زبدة و ماء الزهر حتى رجع يلصق في اليدين فاين يكمن الخطا
يقين نور
2016-04-12, 18:51
كنت شفت درك تع وحده من الاخوات قالت دقيق كنزة وطماتو بكيله زبدة دايبة مخلطة بشوية زيت والغرس زيديلو شوية جلجلان وقرفة واعجنيه بالسمن بعدما تكوني فورتيه
أم ياسين الزهراء
2016-04-12, 19:20
نضن مافتلتيهش مليح وماشبعش ماء والسميد انا استعملت تاع سفسنة ولازم يكون متوسط


http://www.djelfa.info/vb/showthread.php?t=1915308&page=14
sama nano
2016-04-14, 21:43
يا اختي تاني بسستيه بزاف لازم في البراج 4كيلات سميد مع كيلة و شوية سمن و الغرس اعجنيه بالماء الزهر و ضيفيلو كمية مليحة من الزبدة ذايبة اما السميد مليح كنزة ولا سباك موفقة اختي
RIMA.87
2016-04-14, 22:40
و عليكم السلام و رحمة اللّٰه وبركاته
بالنسبة للسميد نستعمل المتوسط كل مرة واش من النوع و كلهم ناجحين sim, safina
و بالنسبة للوصفة نعتمد وصفة الاخت ام رامي و جميع لي يذوقها يطلب مني الوصفة جربيها و رايحة تدعيلي و تدعي لام رامي
و في هذا الرابط تلقاي الوصفة و التطبيق ديالي ،
http://www.djelfa.info/vb/showpost.php?p=3992983018&postcount=69
بالتوفيق
ibtihal18
2016-04-15, 12:58
يا اختي بسستيه بزاف ديري كيلة زبدة دايبة مخلطة مع شوية زيت و الدقيق لازم يكون متوسط مع اني نخدمها حتى بالدقيق رطب و تصلح مي يعذب شوية فالخدمة و الغرس تاني اعجنيها مليح كي تحطيلها الما انت بالاك حطيتيلها الما و كي لقيتيها تلصق خليتيها كيما راهي و ما عجنتيهاش مليح و كيما قاتلك ام ياسين الدقيق ما شبعش الما حتى العجينة تجي مطلوقة شوية المهم شوفي الوصفات اللي مدولك راهي تقريبا نفس الوصفة اللي يعتمدها الاغلبية زيدي جربي و ان شاء الله تصلحلك
ام عروه
2016-04-15, 17:02
مساء الخير أنه موسم الفول ياريت توضيح لي كيف أحزن الفول
aminabent
2016-04-16, 15:26
شكرا لكن اخواتي على الاجابات بارك الله فيكم و جزاكم كل خير