الرقاق من يد امي ح ق

[آسيا 27]

http://www.m5zn.com/newuploads/2016/04/09/jpg//4c8867a05fa1f6e.jpg (http://www.m5zn.com/out.php?code=16268956)


مسا الخير
اليوم جبتلكم حاجة من من تحضير امي هي طيبتها وانا صورت كالعادة خخخخخخخ :D
الرقاق هو كامل الناس تديرو مي تختلف التسميات كاين اللي يسميه شخشوخة و كائن اللي يسميه ثريد و كل واحد وكيفاه يطيبلو المرقة حمرا ولا بيضا
المهم كثرت الهدرة انا جبتلكم العجين كيفاه يطيب
باسم الله
العجين فيه كمية سميد رطب شوية ملح و ماء و من بعد الى العجان يتعجن مليح و اذا شفتو العجين يابس زيدو مرة على مرة رشة وانتما تعجنو حتى يدير فقاعات تاع هوا
ااااااه نسيت البتران ماشي الكهربائي امي راهي تقول هاذا ههههههههههه علابالي بلي يعجبكم الحال
http://www.m5zn.com/newuploads/2016/04/09/jpg//8b2f95ae2d73254.jpg (http://www.m5zn.com/out.php?code=16269025)
من بعد خلو العجين يريح شوية و شكلوه كريات صغار على حسب الطاجين و لا الحاجة اللي رايحين تطيبو فيها و خلوه يريح مرة اخرى باه يساعدكما كي تجو تحلوه ورقات بالزيت
طريقة التشكيل رايحة نشرحها بالصور :
http://www.m5zn.com/newuploads/2016/04/09/jpg//m5zn_8838962db5fa590.jpg (http://www.m5zn.com/out.php?code=16268966)

http://www.m5zn.com/newuploads/2016/04/09/jpg//m5zn_7b83cf5c40a3c85.jpg (http://www.m5zn.com/out.php?code=16268967)


http://www.m5zn.com/newuploads/2016/04/09/jpg//m5zn_4e46757996c0421.jpg (http://www.m5zn.com/out.php?code=16268968)

http://www.m5zn.com/newuploads/2016/04/09/jpg//m5zn_2c879eab2ab81af.jpg (http://www.m5zn.com/out.php?code=16268969)

http://www.m5zn.com/newuploads/2016/04/09/jpg//m5zn_088bfa7ae28fbb7.jpg (http://www.m5zn.com/out.php?code=16268970)

http://www.m5zn.com/newuploads/2016/04/09/jpg//d4a188d7c8420b6.jpg (http://www.m5zn.com/out.php?code=16268979)

http://www.m5zn.com/newuploads/2016/04/09/jpg//68e0869fdd96ffc.jpg (http://www.m5zn.com/out.php?code=16268983)

http://www.m5zn.com/newuploads/2016/04/09/jpg//0d78168a46844c5.jpg (http://www.m5zn.com/out.php?code=16268980)
شوفو شحال رقاق و مافيهم ولا تقب انا كي نديرو يجي كي الخريطة تاع موزمبيق :mad::1::1:خخخخخخخخ ما خرجتش لماماتي حبيبتي :D:D

http://www.m5zn.com/newuploads/2016/04/09/jpg//c9aa5a42125f456.jpg (http://www.m5zn.com/out.php?code=16268982)

http://www.m5zn.com/newuploads/2016/04/09/jpg//afcff9e9946a76e.jpg (http://www.m5zn.com/out.php?code=16268981)

راني كملت الحمد لله مركز التحميل هبلني :mad:
يالله موضوعي ماشي باطل :rolleyes: :rolleyes: اللي تدخل تحط دعاوي الخير لامي و ابي ااااااااه و عندي شرط في دعاوي الخير لازم يكونو من القلب ماشي اللي ما تفوتش السقف هههههههههههه :D
تحياتي ليكم جمييييعا
موااااح كبييييييرة باااااااي
:mh31::mh31::mh31::mh31::mh31:
http://www.m5zn.com/newuploads/2016/04/09/jpg//34eb9bfd4a732c7.jpg (http://www.m5zn.com/out.php?code=16269014)

[karimazaki]

الله يعطيها الصحة ويطولها في عمرها هذا هو تريد تاع للصح رقيق و الحبة قد اختها

[جازيا ام البنات]

ماشاء الله عليك وعلى مامتك ربي يخليهالك يطول في عمرها يارب وادا مازال ماحجتش ربي يكتبلها حجة الى البقاع المقدسة هي وباباك وربي يفرحها بيك ادا مازال مفرحتش
نصيحة نعطيهالك من القلب بروفيطي تعلمي من ماماك ماكانش مدرسة احسن من الام قصدي الكوزينة وبالتوفيق

[ام عبدو و ملاك]

اااااااااااااااااااااااااامممممممممممممممممم اسيا نموت عليها احنا نقولولها المفرمسة خرجتلكم تشهي ربي يخليلك اميمتك ويشدلك فيها

[oum islem]

ح ق هي رموز اسم ماماك ولا الكنية تاعها خخخخ ؟.؟؟؟
ربي يخليلك ماماك وباباك حبايب قلبك ويفرحهم بيك وبوليداتك ويرزقهم زيارة الكعبة ويكونو من اهل الجنة يارب

يسلمو يدين الغالية الحرة بنت لاحرار ما شاء الله مسمن وعليه الكلام
ويستاهل 6 نجوم مش 5
ويعطيك الصحة انت كي تفكرتينا وصورتي وحطيتي الموضوع ان شاء الله يستفادو منو البنات

[أم محمد تاج]

ماشاء الله ولا حول ولا قوة الا بالله العلي العظيم تبارك الرحمان في ذوك اليدين وذيك الخدمة المتقونة ربي يحفظهم ويحفظلك ميمتك وباباك يارب هاي ليك دعوة من صمصوووم صمصووووم قلبي

[الرجاء الاماني المجد]

يعطيها الصحة اسيا ربي يحفظهلك بصح انا لوكان نقعد 100 سنة مندريش هدا الرقق الله يبارك تحفة

[hawa19]

يعطيها الصحه ماماك و ربي يخليهالك هي و باباك و يطول في عمارهم و يخليهم لبعضاهم مفرمسه و عليها الكلام الله يبارك الله يبارك نتاع حراير لا ثقبه لا حاشيه قوليلها راكي حره الحراير و ربي يعطيك صحتك
انا كي نديرها امي ظل تعيط على الحواشي

[oum anouar]

ما شاء الله روعة روعة خدمة متقونة تاع الصح ربي يحفظلك لميمة

[فايزة1207]

ربي يحفظلك والديك اختي
امك فحلة ونص و25

[x ام رحاب x]

ماعندي مانقول غير ماشاء الله تبارك الرحمان فحلة وانجبت فحلة مثلك الله يحفضالكم من كل سوء وان شاء الله ربي يكتبلهم حجة في بيت النبي تسلم ايديها وبوسيلنا راصها في بلاصتنا يالعزيزة

[ام سارة18]

اسيا ماشاء الله الرقاق نتاع حراير متحوف ومتقون يعطيها الصحة ماماك وربي يحفظهوملك

[اسما38]

ما شاء الله ربي يحفظها و يبارك في عمرها

[&ام ايوب&]

يعطيها الصحة وربي يطوللكم فء عمرها
ونتي ثاني صحيتي على التصوير ههههه

[الجمان]

ربي يعطيها الصحة ويحفظهالكم هي وباباك ويكتبلهوم ربي زيارة بيته الحرام

[sabrina206]

الله يبارك أختي فيك و في ماماك راني zéro في لعجين مي الحق يتقال و ألي شفتو من خلال صور تحضير أوراق الشخشوخة تاع الوالدة الله يبارك ينطق لعدو و يقول راه toppppppp متقون بزاااااااف ما شاء الله بصحتكم
ربي يحفظ الوالدين و يخليهم تاج فوق الرأس و يرداو عليك طول لعمر

[lahna moka]

ما شاء الله و الله سالو ريوقي أسيا حبيبتي
ربي يحفظلك ماماك و باباك و يديمهم فوق راسكم يا رب و يرزقهم رؤية الكعبة يا رب
قولي لماماك الوصفة رووووووعة رووووووووعة
و هاكي مني أحلى تقييم http://www11.0zz0.com/2016/04/09/23/754829133.png

[Machallah]

الله يحفظلك أمك الحنونة ست الحبايب
والله يحفظكم ليها
وأكيد الفحلة تربي فحلة

[جنة الفردوسْ]

الله يحفظلك الوالدة تاعك وماشاءالله جاو يهبلوووووو

[ام نور الهدى 2014]

ماشاء الله تبارك الرحمن ربي يحفظلك الوالد و الوادة و يديمهم تاج فوق راسك
رقاق رووووعة من نهار شفتو في الكوزينة و انا نستنى ههههه انا ماننجحش فيهم و ﻻ في المعارك مايجونيش كيما نحب بصح وراهم وراهم و الزمن طويل و ان شاء الله نتبع نصائح الوالدة لعل محاولتي تنجح هاد المرة ^_"

[حياة نور الدين]

الله يبارك وتبارك الرحمن حنونتي ربي يحفظ ميبمتك من الغين ويخليلكم الاب تاج فوق رؤوسكم ويرزقك بالزوج الصالح حنونتي

[أ م ساجد وسيم]

تقولي طليتي على قلبي مسكين ههههههه كان في خاطري ديجا نتعلمه يعطيك الصحة على الموضوع والصور هههههه وربي العالي يحفظلك لميمة لي تحط الفن من يديها ويخليلك باباك ومايحرمكش منه.....راه مكانش كيما الوالدين....وانتي ان شاء الله نفرحو بيك زيدي جيبيلنا حوايج هكذا شابين من عند لميمة ربي يحفظها بغيت نسقسيك السميد كي داير متوسط ولا رقيق
واحلى تقييم من عندي

[أ م ساجد وسيم]

بغيت غي نقولك حاجة ختي اكتبي اسمك على صور واسم المنتدى راه الاف المواضيع يدوهم منتديات اخرين وينسبوهم لنفسهم

[om kamilia]

ربي يحفظلك المويمة آسيا الله يبارك لوكان غير تبعثيلي حبيبات نستهوى بيهم
نا نديروه بزاف في المنسبات, سبوع طهارة و الان اندثرت العادات

[0ibtissam]

ربي يحفظهم و يسترهم ويخلهملك

[celia16]

الله يعطيها الصحة ويطولها في عمرها .

[idron0]

جزاك الله كل خير

[ام اسماء82]

ربي يخليلك لحبيبة وجميع امهات المسلمين بلا ماننسى حبيبتي امي ربي يطولي في عمرها امين

[Oum Habouba]

ماشاء الله لاقوة الابالله يا اسيا والله اندهشت من شدة الاتقان نتاعها ربي يبارك في صحتها ويعطيها الخير وتاني باباك ربي يطول في عمره ويخليه يجيبلكم السميد باش تديرو الرقاق ههههه امين
رفعتي راسنا بنت بلادي ونتي تاني اغتنمي الفرصة واتعلمي راهي عندك مدرسة بمعايير عالمية ربي يحفظهالك ان شاء الله

[nihal159]

بسم الله ماشاء الله؛ تقولي دورتهم بالمِدور؛ الله يبارك عليها و يحفظلكم ميمتكم و يطوّل في عمرها و يديم باباك تاج فوق رؤوسكم؛آمين يارب العالمين.

[انا هي رزيقة]

يا يما شحال نموت على طياب الامهات الطيوبات الكريمات ربي يحفظهم كامل و يطولنا في اعمارهم يا رب . حنا هذا نقولولو "احدور" و لمرا لي تعرف ديرو و تخرجو هكذا االله الله كيما تع يماك نعيطولها لالة النسا .
ربي يحفظهالك حبيبتي و تعيش و تشوفك في دارك متهنية مع اولادك يا رب . ايه حقا حنا ناكلوه مع البيض و االلحم المقلي و يعتبر طبق فخم جدا

[ام ساجد]

الله يبارك عليها الوالدة الكريمة يعكيها الصحة تهبل تهبل

خدمة متقونة لا حاشية لا ثقبة الله يبارك علي يديها

وانتي اسيا كون غير درتيلنا خريطة المزمبيق هههههه طيري بيها العين على ماماك

[اسيرة في بيتها]

ربي يحفظكم كااااااااااااااااااااااااااااامل ويرزقك بالصحة و العافية

ويخليكم لبعض

[wahibaazel]

ماشاء الله على الوادة الكريمة وعلى هذيك المفرمسة ربي يحفظها من كل سوء ويرزقها هي والوالد الكريم حجة الى بيت الله.آمين

[fatisousou]

الله بارك ربي يحفظها وطوللها في العمر انشاء الله

[أم ريمة*]

ما شاء الله فطير نتاع حراير ربى يبارك فيها ويطول فى عمرها هى و الوالد امين

[khouloudnicegirl]

ماشاء الله على مما ك ربي يحفظلك والديك

[koukita4]

في قالمة نقولو نعمة وفي عنابة يقولو مفرمسة

[سوسو المغتربة]

ياااااااااااااارب يحفظ هاذي الأنامل الذهبية ويارب يحفظها من النار ويارب اجعلها من زوار بيتك الحرام
صدقيني قمة الإتقان ربي يخليلك ميمتك وباباك ويفرح هم بيك
سخففففففففت بزاااف فيهم واععععععععع

[زهرة الريف*]

ماشاءالله ربي يحفضلك الوالدة ويعطيها الصحة وبارك الله فيك

[آسيا 27]

مسا الخير يا غاليات
الله يحفظكم كلكم على الكلام الحلو و الردود الطيبة و الدعوات المستجابة ان شاء الله
هاذي مني انا و امي ليكم مواااااااااح :):):):):
http://www.m5zn.com/newuploads/2016/04/12/jpg//d2174be7d1594f4.jpg (http://www.m5zn.com/out.php?code=16272708)

[fifi.fofina]

بارك الله فيك

[soso.samia]

بارك الله فيك

[lama14]

بارك الله فيك

[ايمان يمن]

يعطيها الصحة امك مسمن وعليه الكلام ربي يحفضها

[ibtihal18]

ماشاء الله ما شاء الله ماشاء الله تبارك الرحمن ولا تعليق ولا غلطة فيهم خخخخ ربي يخليهالك هي و باباك و قلها ربي يحفظلك ذيك العجانة الطبيعية ههه اللي هوما يديها و يدوم عليها الصحة و العافية و يطول في عمرها احنا هاذو نسموهم الفطير و مش نفسهم المسكن و نطيبوهم على طاجين تع الطين مدور يجي كيما القبعة و النسا الحراير تع بكري يخدموه على اليد و الفخد يا اختي انا على الطابلة و ما نعرف لا نجيبو ولا لالا ههههههههههه

[om obaida]

ربي يحفظلك والديك ويدومك بارة ليهم وادعي لامي انا لانها مريضة ومهمومة

[ابتسامتي انا]

والله من القلب ربي يحفظهملك بدوام الصحة ويسلم هدوك الايديات

[اسيل20]

الله يحفضك444444444444444

[زهر التوليب]

تبارك الله
ربي يحفظ امك الكريمة

[ام محمد 4]

الله يبارك ربي يخليلها صحتها انا نموت على الرقاق و بصراحة الصور راها تشهي ممكن طلب ؟ اذا مكانش ازعاج فوق واش راها تطيبو

[riri riri]

بارك الله فيك

[celia16]

الله يبارك تحفة ..

[ام عبد الله01]

ربي يحفظلك لميمة

احنا نسومه نعمة

[فاتي تيارت]

ما شاء الله

[بنت النخلة]

يعطيك الصحة اختي على تحميل الصور هههه
جا يهبل احنا نقولولو رقاق
وسلميلي على الوالدة وقوليلها يعطيك الصحة وربي طول في عمرك ربي يحفظهالك هي والوالد وربي يحفظلي والديا قولي آمين:)
انا تاني ماما فحلة وشاطرة انا منلحقش لشطارتها;)